الجزء الثاني البارت السابع والثلاثون
يگولون عگبك من رحت
تصفن لحد ماتنچوي
من تخبز بتنورها 💔
،،،،،،،
راهب ابو غضب ج2
،،،،،،،،،،،
لارا،،ارتبكت من تصرفه گتله باارتباك
ش شتريد ?
صدام،،سلامتج
لارا،،ابتعد اريد اطلع
ردت اعبر جرني من ايدي رجعني المكاني
صدام،،لتخافين بس عندي چلمتين وياج يابه اسمعيهن مني وحطيهن براسج
مالي غرض بيج لان لاابن عمج ولاابن خالج ولازلمتج حتئ احاسبج
بس ردت انبهج علئ شي
اولا انتي مطلگه وعيب تجيج احجايه بسبب لبسج
جاية للجامعه حاصرة روحج حصر والشباب عيونهم نگسه يتفحصوج اتفحص
اعتبريها نصيحه مني ادري راح اتگولين شعليك وشدخلك ?
راح اگلج شالتني الغيرة عليج لان زلمة ترباة مضايف ودواوين وبوابة عرب اشوفها عيبه بحگ المرة جاية للجامعه بهيج لبس وفوگ كلشي مطلگه والناس حاطه عليها الف علامة استفهام والسمعته ماصارلج سنه من اتزوجتي اني من جاي احجي وياج بهل اسلوب ماعندي عداوة وياج بس حبيت انصحج لااكثر ولااقل
لارا،،وگفت الدمعه بعيني جسمي يرجف من العصبيه كلامه مستفز
گتله كملت كلامك?
لعد اسمعني لان اجه دوري
اولا مثل ماگلت لااخوي ولابوي انته ولاحتئ زوجي حتئ تحاسبني
وغيرتك خليها الك ومااسمحلك تتجاوز حدودك وياي ولو شلبست ممنوع تدخل بشي لايخصك ولايعنيك
وهسه ابتعد من كدامي لاالم عليك الجامعه كلها والله
عفته وطلعت دموعي تجري منين الگاها ?
گوة گدرة اتخطه مرحلة طلاگي واحاول اتاقلم ويه وضعي الجديد ماصدگت تتغير نفسيتي الجانت مدمرة انوب اجه هذا يكملها
طلعت صعدت بالخط ودموعي تجري البنات يباوعلي درت وجهي للجامه اداري دموعي عنهن
منين طلعلي هذا ?
ماصدگت ارجع الحياتي الطبيعيه
ماادري ليش الله يخلي بطريقي اشباه راهب
طول الطريق دمعتي مانشفت
ماصدگت اوصل للبيت صعدت بوجهي الغرفتي
اتذكرت كلامه صرت افوررر مقهورة اتمنيت بعد احجي حتئ اوگفه عند حدة امددداني غببيه
،،،،،،،،،،
صدام
طول عمري واني بعيد كل البعد عن جنس حوا
مايوم دگ گلبي الوحدة
اتخبل من صوت المرة العالي واتعقد من الخفيفه
لوشتسوي ماراح تتغير نضرتي عنها
السبب جان ام صديقي الله يرحمه
كنت صف اول متوسط وكان عندي ولد صاحبي وصديقي اسمه حسن
جبناها من الابتدائيه للمتوسطه سوة طلعاتنه جياتنه كلها اني وحسن
امه كلش حلوة بس استغفر الله مااريد اشيل ذنبها
المهم حسن عندة اخت اكبر منه اسمها ميس
مخطوبه الجيرانه وقارين فاتحتها وعلئ اساس اسبوعين وتتزوج ميس
