الفصل الثاني: اللعب مع الكبار🔥
كيف يكون اللعب مع الكبار؟
مكلّف!
قاسي!
صعب!
نتائجُه وَخيمة!
إذا أردت العبث بالزجاج المهشم فاحذر أن تجرح يدك!
هي لعبة .. الحب فيها ممنوع ..!
حب كلمة من حرفين حاء حرب، باء باردة
أي...!!
حرب باردة شاركت فيها من طرفها بدون إدراك و وعي لمدى صعوبتها و لكن نتائجها الكارثية حتما ستصيبها بالجنون!
متكية على زجاجة النافذة .. حاضية الطريق اللي دايزين منها و فعقلها ميات فكرة و فكرة، بنتها جنبها شادة فيها بيد وحدة أما اليد الثانية المگبصة فمعلقاها و الصمت سيد المكان .. ف السيارة اللي راكبة فيها معاها جوج من رجال شاهين .. موصلينها فين غاتبدا اللعبة الجديدة .. فحال ديما غاتكون وحدة جديدة ... أهم حاجة خاصها تتصرف بطبيعتها، غاتصرف كونها هي أصالة و لكن بسمية اخرى غير سميتها!
الشال ديالها لاوياه على راسها و لباسها طويل، حمدات الله انها مامضطراش تتعرا و توري لحمها للي يسوا و اللي مايسواش باش طيحو فيها .. تنهدات بحرقة حاسة بقلبها مقبوط كاين احساس غريب جايها من ورا هاد اللعبة!
خايفة غير لا يعيق بيها و يديها للحبس، المواصفات اللي قالها على قبله قدرو يركبو الرعب فدواخلها، مدة قصيرة باش عرفاته و عاشت معاه تجارب عمرها عاشتهم حياتها كاملة،
تضربات بالرصاص!
غرقات!
تهرسات!
كانت غاتعرض للإغتصاب!
تعرضات للتحرش!
تصرفات كأنها عاهرة متمرسة!
و بزاف دالحاجات لعبو على نفسيتها و طيحوها بزاف!
سهوتها الطويلة فالشي اللي كايساينها فالمستقبل، ماحبسات غير على السيارة حبسات و دوك الجوج رجال شافو ناحيتها و نطق واحد فيهم
-وصلتي!
تنهدات بفتور و شدات فبنتها .. خرجاتها معاها و خرجات تا هي .. دورات عينيها حواليها و تنفسات بارتياح كتجبد فضهرها و عضامها .. الجو نقي و الخضورة في كل مكان، البناء اللي وصلاتليه نقي و كبير .. عبارة عن مزرعة للخيول و فنفس الوقت فيها مطاعم للشواء و أماكن للنزهات و فضائات ل لُعب الأطفال الصغار .. و مطعم كلاسيكي شوية فواحد الجيه مع بحيرة من الجهة الاخرى عامرة بالبط، ، المناظر الخلابة في كل مكان، بعيد على صداع المدينة .. نزلولها دوك الرجال ڤاليزة و صاك كايتعلق جامعة حوايجها و حوايج جويرية فيهم و تكلم داك اللي دوا معاها
-هادي المزرعة اللي صيفطك ليها السي ساهين، غادخلي لداخل للكوزينة دابا و سولي على شريفة بن الحاج .. هي المعرفة اللي غاتخليك تبقاي هنا هاد المدة
أصالة: (ومآتليه براسها بهدوء) واخا (شافت فجويرية مبتاسمة، الصغيرة كانت لابسة طربوش فراسها مغطية الضمادة اللي مزالالها و لابسالها كسيوة صيفية جايا معاها) عجبك هنا ماما؟
أنت تقرأ
l'amour (غير مباح)
Любовные романыإستعداد، Ready، إنطلاق 🎬 فنظركم شنو هو مدى تأثير الفلوس على حياة الإنسان؟ كانت عايشة حياة هادئة، قابلة عليها بتقلباتها و صعوباتها و كاتخبط مع مواجها باش تنجى من عقايبها، كانت عايشة بلا ماتعرف أش كايساينها فالمستقبل حتى صادفاته فطريقها "زعيم الذياب...
