تأفأفات خارجة من الغرفة ديالها بعدما دازلها تقريبا النهار كولو غير فالبيت، كاتفكر اللي طرا البارح .. فرحانة حيت اياد مات .. هادشي خلاها ترتاح شوية و خاطرها صفى .. نزلات مع الدروج مغمضة عينيها و مزيرة عليهم .. محاملاش تعاود تتفكر المنظر اللي طرالها حتى تجاوزات المكان، بانولها بعض عمال الصيانة خدامين كايقادو فالكاميرات من جديد و كايركبو نظام امني، تجاوزاتهم و مشات تا للمزرعة ديالو .. وقفات عند الباب كاتزفر بقوة و دقات دقة خفيفة مربعة يديها
تسنات شوية حتى تحلها الباب من طرف خادمة
اصالة: (بجدية) جيبيليا بنتي
خ: مدام السي مهيار قالنا لا جيتي مور بنتك تمشي اول حاجة عندو للبيرو
اصالة: علاش؟
خ: هادشي اللي گال امدام
تأفأفات معبسة و رمات اول خطوة لداخل .. غادة تابعة الخدامة كدور فعينيها، تا وصلو عند واحد الباب
خ: هذا البيرو امدام، صبري نقوليه راك جيتي
تبسماتلها و حركاتلها راسها بالايجاب .. دقات الخادمة و دخلات خبراتو بوصولها .. خرجات عندها بعدما عطاها الاذن تدخل، تحنحنات كاتدور فعينيها و دخلات حادرة راسها .. حاسة بيه زاند عليها و ذاتها سخنات .. وقفات مقابلة معاه و لكن مشافتش فيه بينما هو طلعها و نزلها بنظراته بتمعن و ترخى على كرسيه شاعل گارو كايكمي منه و يتمتم بجدية
مهيار: جيتي مور بنتك؟
اصالة: (علات فيه عينيها) اه و انت علاش طالبني لهنا؟
مهيار: (بهداوة) ندوي معاك!
اصالة: (خفقات قلبها كايتسارعو و كتدعي من الله يقوليها ترجع تجلس فالبيت عنده) نعام اسيدي؟
تبسم باستهزاء كايبخ ذخان سيجارته و تمتم بجدية
مهيار: جويرية بنتك .. الجلسة ديالها فداك البيت و فداك المبنى بالضبط خطيرة عليها!
اصالة: (تنهدات بأسى) امممم عرفت
مهيار: البنت محتاجة تقرا الاستاذة ديالها راها مزالة كاتخلص عليها واخا انقاطعات هاد الجوج سيمانات زيد عليها انت كادوزي نهارك كولو خدامة و مكاتديهاش فيها بالقدر الكافي
اصالة: (شافت فيه بعبوس) كانحاول نعطيها اهتمامي فأغلب اوقاتي
مهيار: (ببرود) مكافيش لبنت خمس سنين!
اصالة: و شنو غاندير؟
مهيار: انا عندي ليك حل، جويرية غاترجع هنا غاتسكن فنفس البيت اللي كانت فيه و الخدامة غانكلفلها وحدة مخصوصة ليها، تتكلف بجميع تفاصيلها
اصالة: (عقدات حواجبها) ك ك كيفاش زعما؟
مهيار: (ضم يديه لبعضهم كايشوف فيها بثقة) يعني بنتك غاتبقى هنا و انت ضبري راسك المهم الخدمة راك خدامة!
أنت تقرأ
l'amour (غير مباح)
Lãng mạnإستعداد، Ready، إنطلاق 🎬 فنظركم شنو هو مدى تأثير الفلوس على حياة الإنسان؟ كانت عايشة حياة هادئة، قابلة عليها بتقلباتها و صعوباتها و كاتخبط مع مواجها باش تنجى من عقايبها، كانت عايشة بلا ماتعرف أش كايساينها فالمستقبل حتى صادفاته فطريقها "زعيم الذياب...
