⛔"L'amore" غير مباح⛔
الفصل الثالث: ايكادولي "أحبك" 💕عينيها خرجو فيه، فالوقفة ديالو و ملامحه، تخنزيرته و السلاح اللي هازو .. صوته اللي سمعاته و كولشي دارو فهاد الثواني اللي شد فيها و وقف جنبها
لسانها تلجم و عينيها مابقاوش عارفين واش كايشوفو مزيان ولا غير مزاگلين عليها!
شهقات شهقة مسموعة اول ماوقف المدعو ب انخيل زادح الكرسي ديالو و بدوره وجه السلاح لمحمود
انخيل: غاتنزل داك السلاح اولد القحـ •ـبة و لا اليوم غات...
مزال ماكملهاش .. كانت رصاصة خرجات من سلاح محمود، صوتها خلاها تخلع اكثر تا غوتات كاتشوف فأنخيل و فالزبائن دالمحل اللي كايتجاراو، مرات داك انخيل و صحابو شدو فيه و هو شاد على كفه اللي ثقباتوليه رصاصة
يدو كاترجف و قلبه كايضرب بعنف، عينيه خرجو فمحمود اللي شابك صباعه مع صباع شريفة و تمتم بحدة
محمود: تا واحد و شكون مابغا يكون مغايهز سلاحه على مرا ديالي و يبقى صحيح! (شاف فشريفة اللي مصدومة و جرها معاه)
خرجو لعلى برا و هي مكاتدوي مكاتكلم، الصدمة متمكنة منها، لدرجة انفاسها قليل فين كايطلعو و ينزلو .. حل باب الطموبيل دخلها و طلع جنبها .. انطلق بسرعة بينما هي كاتحاول تضبط نفسها باش عقلها يقدر يستوعب الشي اللي طرا!
رمشات بسرعة اول مابدات تدخلها الفكرة فراسها، شافت حواليها فالطموبيل و الطريق و فيه!
غير شافته قدامها، كايتنفس و عايش! عينيها تجمعو فيهم العروق فاللون الاحمر الدموي، ذاتها تشنجات و تنفسها غادي و كايتصااعد، حلات فمها غادوي و هو ينطق بهدااوة ببحة صوته الرجولية
محمود: ارتاحي احبيبة تكاي تا نوصلو و نفيقك!
شافت حواليها فجنابها عاقدة حواجبها و رجعات شافت فيه كتغلييي من بروده
شريفة: انت بااااشمن وجه بنتي قدامي من جديد!
مشافش ناحيتها، مادواش و تجاهلها ببرود!
هزات قبضة يدها بقوة ناوية تنزل عليه حتى شدهالها، غير شد فيها قفزات جارة يدها عندها كأن عقرب لدغها، شدات فكرشها مزييرة و تمتمات بحقد
شريفة: نزلنييي نزززلني هنا محاااملاش نكون معاك فبلاصة وحدة
محمود: (شاف فيها اخيرا، تبسم و حدر عينيه لكرشها) اححح و كي جات معاك الكريشة!جننها و غددها لدرجة ولا وجهها بالكامل احمر من كثرة الغضب، بغات تشدو تخنقو و علاش لا تضربو و تعاااود تطعنو كثر من الاول!
ولكن الجهد اللي تديرها مالقاتوش، حسات بكرشها كاتنغزها من الثوثر و الغضب
صرطات رييقها بصعوبة كاتحسس فبطنها بينما هو شاف فيها بسرعة و حط يده عليها بخوف
أنت تقرأ
l'amour (غير مباح)
Storie d'amoreإستعداد، Ready، إنطلاق 🎬 فنظركم شنو هو مدى تأثير الفلوس على حياة الإنسان؟ كانت عايشة حياة هادئة، قابلة عليها بتقلباتها و صعوباتها و كاتخبط مع مواجها باش تنجى من عقايبها، كانت عايشة بلا ماتعرف أش كايساينها فالمستقبل حتى صادفاته فطريقها "زعيم الذياب...