⛔"L'amore" غير مباح⛔
الفصل الثاني: اللعب مع الكبار🔥
على طاولة العشاء، جالسة سرية و عابدين و عائشة، معاهم حتى شاهين و عبد الحي و جويرية شاداها الخادمة كاتوكلها .. الصمت طاغي عليهم تا نطق عبد الحي بجدية
عبد الحي: (عينيه على شاهين) كي درتي جيتي عندنا انت؟
شاهين: (كياكل ببرود) نسيتي الاجتماع اللي كنت حاضر فيه معاكم؟ شفت مهيار غادي معصب و نتوما معاه تبعتكم، جاني الفضول نعرف شنو طاري
عبد الحي: و جيتي و قت... ل .... ت
قال كلمته بتقطع موازاة مع يد عابدين اللي شدات فيه و حمر فيه بعينيه
عابدين: ماشي وقت هاد الهضرة دابا، نتعشاو!
سرية: (بعبوس) المرا كاتصرف غير من عندها تا تلفات و طرا مشكل كبير، الحالة اللي جابها فيها مهيار عمرني شفتو فيها!
عابدين: ولفيه بهاد الحالة! مكايبغيش يشوفها مآذية
سرية: هذا كولو حب!
عبد الحي: (غلباتو الضحكة) اشمن حب اللي يهديك ههههه
سرية: اشنو فكلامي ضحكك لهاد الدرجة؟
عبد الحي: مهيار مدايرش معاها هادشي حيت كايبغيها!
شاهين: (بجدية) و باش عرفتي انت! حالتو مللي طاحت و الشوفات ديالو كانو فشكل
عبد الحي: هووو...
عابدين: (قاطعه) عبد الحي! براكة من الهضرة الزايدة!
حركليه عبد الحي راسو بجدية و سكت
عابدين: (شاف جيهت عائشة اللي كتاكل بصمت، كانت فحالها فحال جويرية فالكاراكطير، ساكتة و مهدنة) كولي مالك غير كتنقبي؟
شافت فيه مبتاسمة ابتسامة خفيفة و تحنحنات
عائشة: ماكلتي هاكا!
عابدين: (دوز يده بخفة مع خصلات شعرها) بشوية عليك
تبسماتليه ابتسامة خفيفة عويناتها كايلمعو، كملات ماكلتها فصمت بينما هو مشافش جيهت عبد الحي اللي راقبهم بهداوة و جمود .. كملو عشاءهم و تفرقو كولها فين مشا .. عابدين شد فعائشة فحال البنيتة الصغيرة حطها تحت يديه و طالع بيها للبيت الفوق و هي مكمشة .. حاسة بالثوثر من حركاته .. كايخلي قلبها يخفق بطريقة سريعة و مخيفة! كاتخلعها!
دخلو لغرفتهم و طلق منها بهداوة، تمشات جيهت الاكياس اللي شرات مع سرية و حلات واحد منهم كاتشوف فشنو فوسطو
أنت تقرأ
l'amour (غير مباح)
Любовные романыإستعداد، Ready، إنطلاق 🎬 فنظركم شنو هو مدى تأثير الفلوس على حياة الإنسان؟ كانت عايشة حياة هادئة، قابلة عليها بتقلباتها و صعوباتها و كاتخبط مع مواجها باش تنجى من عقايبها، كانت عايشة بلا ماتعرف أش كايساينها فالمستقبل حتى صادفاته فطريقها "زعيم الذياب...
