⛔"L'amore" غير مباح⛔
الفصل الثاني: اللعب مع الكبار🔥
مهيار: (طول فيه الشوفة) عيطتلك اليوم باش نشكرك على الجيست د داك النهار! انا كنت معصب و فاش وصلاتني خبار دالشي اللي طرا هنا زدت تعصبت .. انت تصرفك كان صحيح مللي عاونتيها، كانعتارف ان موقفي مكانش رجولي و لكن بنادم فحالة عصبية هكاك كايكون (تنهد) نتمنى ترجع لخدمتك، راها باقا هنا ماجريتش عليها و انت انسان طيب يتعول عليك .. مانقدرش نفرط فواحد فأخلاقك عندي هنا!
محمود: (صرط ريقه كايهرب نظراته من عليه) و وخ هكاك انا مغانقدرش نرجع للخدمة بسباب ظروف خاصة!
مهيار: (بتسائل) قلبك مصافيش من جيهتي؟
محمود: لا بالعكس، غير السبب شخصي و....
ماخلاهش يكمل، وقف و نطق بجدية
مهيار: هضرتي گلتها، غاترجع لخدمتك و المشاكل الشخصية كايبقاو على برا (تبسمليه) مرحبا بيك من جديد معانا
خرج خلاه كايشوف فيه و يتنهد، دور عينيه عليها مبانتليهش! من ديك الليلة مشافها، تفادى انه يرجع للخدمة بسبابها من الدرجة الاولى! افعالها الجريئة تزادو عن حدهم لدرجة تعراتليه بهاديك الطريقة!
تفكر داك النهار و عقد حواجبه .. ناض وقف و اتجه ناحية الڤيستيار .. دخل مع المطبخ حيت من طريقه و مشا و هو حاني راسو .. وقف قبالت خزانته كايبدل عليه، حيد كوسطار ديالو .. بقا ب قاميجة .. سد باب الخزانة مركز حتى بانتليه قبالته مربعة يديها .. عقدات فيه حواجبها اول ماحدر عينيه عليها، بغا يمشي كأنه مشافهاش وهي تشد فيه .. دفعاتو جيهت الخزانة ديالو و تقابلات معاه مبتسمة ابتسامة خفيفة
شريفة: فين كنتي غابر عليا؟
محمود: (بنظرات جادة) حيدي يديك عليا الاخت!
شريفة: (بعبوس) ماشي حشومة وحدة فحالي تگوليها ختي؟ (غمزاته) ياك شفتيني عريانة و قصتي و تلمستي فيا كي بغيتي؟ مزال حاسبني اختك بعد داكشي؟؟
صرط ريقه بصعوبة من كلامها، رجعاتو بذاكرته لداك النهار! لدوك الافعال و اللمسات! القبلات و اللهفة اللي كانت فيه!
عض على ضروسه بقوة و غضب و دورها هي لجيهت الخزانة، زدحها بالجهد تا توجعات بتأوه مثير .. زير عليها بيده و همسلها بنبرة صوت حادة
محمود: الفعايل دبنات السوق حيديهم من عليا، مكايجيوش معاك و طالما انت مرخصة راسك بديك الطريقة غاتبقاي كاتباني ليا تا حاجة
طلعها و نزلها بعينيه بحدة و طلق منها .. دار غايخرج فحالو و هي تنطق بسرعة وقفاته فنص الطريق
شريفة: نعستي معايا داك النهار؟ (بقا واقف بدون حراك و لا حتى اجابة) انا مابقيتش عاقلة على كولشي، عارفني كنت سكرانة (تبسمات مقربة عنده) بعدما تباوسنا و وصلنا لديك الحالة فوق الفراش شنو طرا مزال؟
أنت تقرأ
l'amour (غير مباح)
Storie d'amoreإستعداد، Ready، إنطلاق 🎬 فنظركم شنو هو مدى تأثير الفلوس على حياة الإنسان؟ كانت عايشة حياة هادئة، قابلة عليها بتقلباتها و صعوباتها و كاتخبط مع مواجها باش تنجى من عقايبها، كانت عايشة بلا ماتعرف أش كايساينها فالمستقبل حتى صادفاته فطريقها "زعيم الذياب...
