Chapter 40
လီယင်းက ချောင်ယန်နန်းဆောင်မှ ထွက်ခွါလာလိုက်သည်။
နန်းမြို့ရိုးတစ်လျှောက် ကောင်းကင်သားတော်သည် လျှိုကျီရူတစ်ဦးတည်းကိုသာ လိုက်ပါစေလျက် နှင်းထုများအကြား တရွေ့ရွေ့ လမ်းလျှောက်နေလိုက်သည်။
"ရွမ်လျန်အကြောင်း အသေးစိတ် စုံစမ်းလိုက် သူက လင်းကျိုးဇာတိ ဟုတ်ရဲ့လား ဆိုတာကိုရော ..."
သူက အမိန့်ပေးလိုက်သည်။
"ပေချန်းမှာ ချုံခိုတိုက်ခိုက်ခံလိုက်ရတဲ့ ကျင့်လူမျိုးတွေကို အလောတကြီး မလုပ်ဖို့အရေး ချီရမ်ဝေ့ကို အကြောင်းကြားဖို့လည်း မမေ့နဲ့ ..."
သူက ပြောလိုက်သည်။
"အမြန် ..."
လျှိုကျီရူက ခေါင်းငြိမ့်ပြကာ သူ့နဖူးပေါ်ရှိ ဒဏ်ရာကို တိတ်တိတ်လေး အကဲခတ်လိုက်သည်။
"အရှင် ဒီဒဏ်ရာကို ဘယ်လိုလုပ်ချင်ပါသလဲ ..."
"မလိုဘူး ..."
သူက လက်ကိုမြှောက်ကာ နဖူးပေါ်ရှိ ဒဏ်ရာကို ဖိကြည့်လိုက်သည်။ နှလုံးသားထဲရှိ အထီးကျန်မှုများက နာကျင်မှုထက် ပိုမိုအလေးသာသွား၏။
အနည်းဆုံးတော့ သူ့ရဲ့ ဧကရီက သူ့ကို စိတ်ပျက်သွားအောင် လုပ်ချင်နေတုန်းပဲလေ ...
ထိုစဉ် ယွင်ချင်းစီက ညောင်စောင်းပေါ် လှဲလျောင်းလျက် သူ လွန်စွာ သဘောကျရပါသည့် ညလင်းပုလဲကို ကိုင်ကြည့်နေလိုက်သည်။
လက်ထပ်ပြီးကာစက လီယင်းသည် သူ့အား ရတနာတိုက်သို့ ခေါ်ဆောင်ကာ ဤပုလဲအား ရွေးချယ်စေ၏။ ယွင်ချင်းစီက ၎င်းကို လွန်စွာ သဘောကျမိသည့်အတွက် ထိုအချိန်မှစကာ အိပ်စက်ချိန်တိုင်း ကိုယ်နှင့်မကွာ ဆောင်ယူထားလေ့ ရှိပေသည်။
မိခင်ဖြစ်သူ သေဆုံးပြီးချိန်မှစကာ သူ့ဘေးပတ်ဝန်းကျင်ရှိ အရာဝတ္ထုများအားလုံး မည်သည့်တစ်ခုမှ လီယင်းနှင့် ခွဲခြား၍ မရတော့ပေ။
လီယင်းမှာ သူ၏ ကိုးကွယ်ရာအလားပင်။
အတိတ်ဘဝက ထိုသူသည် သူ့ကို အအေးနန်းဆောင်သို့ ပို့ခဲ့သော်ငြား ဧကရီဟူသည့် ဂုဏ်ပုဒ်ကို ပယ်ဖျက်ကာ သူ၏ ခန်းဝင်ပစ္စည်းများအား သိမ်းယူခဲ့ခြင်းမှအပ အရာအားလုံးမှာ ယခင်အတိုင်း ထပ်တူညီလုနီးပါးပင်။ ယခင်ကကဲ့သို့ ဘရိုကိတ်ထည်၊ ရွှေချည်ထိုးပိုးထည်များကို ဝတ်ဆင်ကာ ရင်ရှီပင်လျှင် ပစ္စည်းများ အရောင်းအဝယ် ပြုနိုင်ရန် နန်းပြင်သို့ လွတ်လွတ်လပ်လပ် ထွက်ခွာနိုင်နေဆဲဖြစ်သည်။
YOU ARE READING
ဧကရီ Shou က ပြောင်းလဲသွားပြီ
RomanceNew New New ✨️ 😍 Novel အသစ်လေးတစ်ပုဒ် လာပြန်ပါပြီရှင် 1 ရက်နေ့မှာ update စပါမယ်နော် ကြိုဖတ်ထားချင်တဲ့ ချစ်တို့က translator လေးရဲ့ wp acc မှာ ဖတ်လို့ရပါကြောင်း ... Titntle- Obsessive Shou Moves On
