أحبك ولو يهد حيلي حُبك

بـــارت 7

ناظرتني وهزت راسها باية.. انصدمت انا احسب انها تحبه من قريب معقول من قبل اربع سنوات وهي تحبه.. بس بس كيف بتقدر تعيش مع زوجته مروى.. مروى طيبة ولكن اي شي يتعلق بزوجها تكون وحدة ثانية... سمعتها تقول: وبعدين مو انا اول وحدة تتزوج واحد يحب زوجتة الاولى ولا بكون اخر وحدة..
قلت: كيف بتقدري تعيشي معه جسد بلا روح.. بتقدري تخلينه يلمسك وهو ما يحبك.. يبي جسمك وما يبي حبك... يكون معك بجسده وقلبه معها ترضي يا آمال ترضي...
تنهدت وقالت: صدقيني بيحبني يا أنفال بيحبني.. ومو ضروري يحبني من اول يوم او اول اسبوع او اول شهر.. مع الايام بيحبني وانا اصلاً انحب صح يا انفال..
ناظرتها شكلها جد تحبه وتعشقه ولا من يقول كذا لو انا مثلها ما برضى اتزوج سالم.. مو بس سالم.. اي احد متزوج ما برضى اكون الزوجة الثانية.. ماني مجنونه ولا بايعة نفسي.. والمشكلة الاكبر ان سالم يحب زوجتة وهي بعد تحبة عرفت هذا من كلامها.. ولكن خايفة على اختي ان سالم يجرحهها هي حساسه.. صح انا اكثر منها حساسيه وبسرعة انجرح وماني قوية مثلها لاجل اواجه... ولكن تضل اختي وبشر بعد.. ما بتتحمل غمضت عيوني وقلت: ابي انام..
سحبتي لعندها وقالت: اقول خلي عنك الزعل.. ولا تفكري بالموضوع.. هو كلام بس عادهم ما تقدموا وخطبوني.. خلينا الان نتكلم عن زواج حُسام.. تدري للحين مو مصدقة انه بيتزوج... انصدمت والله..
ناظرتها بهدوء وانا افكر بكلامها.. بجد كلنا انصدمنا من خبر زواجه.. بعد سبع سنين يتزوج بعد نخلة.. مو عارفة اذا يحبها بشده لاجل ما تزوج بعدها. او انه كره الزواج وما يبي يتزوج بعدها.. هذا السؤال يلي حيرنا كلنا مو بس انا.. وكمان كلنا عارفين انه تزوجها طلب من ابوه وعشان اخوه.. ولكن مو عارفين ليش ما تزوج بعدها... إلا الان قلت: تدري ابي اشوف زوجته!! كيف شكلها..
مسكت جوالها وقالت: حتى البنات يبون يشوفونها... يقولون من ذي يلي اخذت عقله..
ضحكت وقلت..: إلا اسماء اكيد تقول... سوت له سحر...
ضحكنا وقالت: ايه والله شوفي الرسايل يلي بالجروب.. يلي تكتب.. ابي اروح العرس.. ويلي تكتب ليش نحن مسافرين.. ويلي تكتب وش ذا الحظ.. اخخ كان نفسي احضر والله..
تنهدت وقلت: حتى انا والله.. ولاكن ايش نسوي نحن مو بالسعودية.. ليته يأجل العرس لمدة اسبوع بس اسبوع لاجل نحضر..
زفرت وقالت: مافي امل... خلاص ان شاءالله بنشوفها بعد الزواج.. لازم نقيمها.. طويلة قصيره بيضاء سمراء حلوه ولا لا..
ضحكت وقلت: هذي وضيفتنا..!

«عبدالله»
غريبة اليوم ما اجت قمر من الصباح والان الساعة اربع.. وللحين ما اكلت شي.. انشغل بالي عنها.. يمكن تعبانه وما قدرت تجي.. وابتسمت بسخرية.. ومحد انتبة لي ولا اجى لعندي.. تمددت وغمضت عيوني.. وفجأة انفتح الباب عرفت انها مو قمر.. لانها هي الوحيده يلي تدق الباب يوم تبي تدخل.. سمعت صوت امل.. استغربت وفتحت عيوني.. كانت واقفة ومعها اكل... حطت الاكل وقالت بدون نفس: كُل..!
وراحت للكنبة وجلست تناظر للمراية فتحت شعرها وانا صديت.. وفي نفس اللحظة رن جوالها ردت وهي تقول: هلا حبيبي..!
رفعت حاجبي طلع عندها حبيب نعم التربية والله.. سمعتها تقول: خليها على الله.. قمر راحت تزور اهلها يقولوا اخوها بيتزوج.. ونبهت علي اني اهتم لعبدالله.. ونسيت الموضوع.. لين الحين اتصلت علي تطمن علي عبودي على قولتها.. وذكرت انها قالتلي وقلت لها.. اكل واخذ دواءه.. يعني كذبت عليها..
سمعته يقول: وانتي ليش تهتمي فيه..!
ضحكت وقالت: اصلاً سمعت انه بيتعافى قريب وقلت اهتم فيه الان لاجل بعدين تمدحني قمر عنده.. واخذ شي بالمقابل.. مو معقول اسوي كل هذا لواحد مجنون.. ماني مجنونة مثل قمر.. ولكن املاكه تغصبني اسوي كذا.. تدري ان فلوسة توزن بلد.. والله العظيم توزن بلد...
ما سمعت ايش قالها وهي ضحكت وانهت المكالمة.. ناظرتني وشافت الاكل لسى مثل ما هو رفعت حاجبها وقالت: ليش ما اكلت.. ولا تبيني ااكلك مثل قمر.. ترا ماني مثلها صبري له حدود.. كل يلله..
صديت عنها وتدفيت وهي قالت: بالطقاق لا تاكل محد جابرك.. غبي وخرجت..
تنهدت والله محد بيجي مثل قمر هذي نص يوم وما تحملت كيف اربع سنوات.. قمت وفتحت الدولاب وخرجت لي بسكوت يلي حطته قمر.. اكلته وشربت ما... وتمددت لكن هين.. ما اكون عبدالله اذا ما خليتكم تندمون على كل شي..!