عشق
اليوم العاشر من محرم بيت الشيخ معد تحس الدنيا ظلمه داخله هدوء وسط ضجه الطبخ والخطار والحزن الي مخيم عله هل بيت وسمعت بيبي تبجي من الصبح ويه صوت القارىء الي يقرى المقتل
رحت كعدت يمه وخليت راسي بحصنه ودمعاتي لحالهن نزلن
كل الي صارلي بهل بيت اقل العشرة ايام
بس حسيت اهل هلبيت مثل اهلي واكثر صح موقفي ويه وهب خلاني اذا نزلت انزل مثل الحرامي بس اني اشرد من وهب وحتى مالتقي بيه او يصير اي نقاش بينه ماريد يكون الي وياه اي حتكاك
هل رجل خطر عليه بمعنى الكلمه
شفت بيبي وحده بغرفه رغم الي سمعته انو هيه بهيج يوم تعتزل الكل وتكعد وحده صلي وتقره الزياره
بس بعد الغده ماكدر جان اكو شي بداخلي ايريد يساله ويسولف وياها الي عرفته انو مصيبه حياتي الشيخ وهب وسلمان وسلطان وكرار رايحين من الفجر لكربلاء
رحت دخلت سلمت عليه
عشق
شلونج شيخه
شيخه طوعه
هله يمه تعاي جن بعيونج حجي
عشق
شيخه كل الي اعرفه عن الامام الحسين هو رمز للانسانيه حفيد النبي ناصر الدين مو اكثر صح اهلي مامنعينه من تعرف ولا دخول بهيج امور بس اني معلوماتي قليله
شيخه طوعه
تعاي يمه هم الي اعرفه مو كافي بحقه بس اسولفه
عشق
جانت الشيخه طوعه تحجي عن الامام الحسين وقضيته والسيده زينب والامام العباس وفائه واخوته
ويه كل معلومه دموعي تنزل دون مادري احس صارت حركه بكلبي
شنو كميه هل ضلم وشلون جان الامام الحسين يقابل اسائتهم بالاحسان
ماعرف شوكت انته الحديث بس جانت الساعه 6:30 العصر
طلعت من يم بيبي متجه ناح المطبخ انصدمت بشخص رفعت راسي شفته احمد
عشق
اسفه مانتبهت
احمد
لا عادي بس هاي شبيج ليش هيج عيونج
عشق
لا ماكو شي جنت يم الشيخه طوعه
احمد
يعني جديتي عاركتج
عشق
لا يمعود جانت تحجيلي عن الامام الحسين وقضيته و.............
جنت اسولف ويه احمد خطيه عباله احد مضوجني وجان اسمع صوت هل صهيوني يرعد يصيح عل بنات اووف ربي هل شخص شكد مزعج
احمد كال
احمد
تمام يعني ماكو مشاكل
عشق
لاماكو شي لتهتم مرتاحه ادري هل شي مسببلك رعب انته وساهر بس والله مرتاحه
احمد
خويه البيت بيتج وانتي الله شاهد حسبت منار وفنار اي شي تردينه خادم
عشق
تسلم والله متقصر
وهب
طلعت من الفجر لكربلاء ادينه الزياره والركضه ورجعنه
اول مادخلت لكيت البنات كلهن بالمطبخ جاي اسلم عليهن واشوف هاي الصلفه بحضن احمد مدري جانت حاضنته مدري شسوي ضليت البنات يسولفن وياي وكل ما اباوع بعدهم واكفين صح ابتعدت عنه بس احس سوالفهم فورت نار بداخلي شنو من بنيه هاي
وراها لاره بنت سلمان جان حتركت بالجاي وذني يخرطن سوالف
ذبيت حركتي بيهن احمد من سمع صوتي اجه عليه
YOU ARE READING
متاهة العشق
Romanceبعدني بليلي أذكرها وبعدني لهسّة اذا طاريها مَر بالبيت لو سچينة بيدي "بلا وعي اعصرها" -ابراهيم المتيوتي
