متاهة العشق

٧

 
  عيناكِ خُلِقت لتُقنْعني أنْ لاجمَال بعدّها .

  عشق
  وهب ??
  وهب
  اي وهب اني مو كتلج من اتصل عليج ردي بسرعه لا اجي لغرفتج
  عشق
  وانته صدك سويته واجيت. روح حباب ليشوفك احد ليجي ساهر شحيكون موقفك
  وهب
  يكون الي يكون
  عشق
  وهب فدوه اطلع لحد يجي وشوفك
  وهب
  محد يجي ساهر مو بالبيت وام صلاح وكرار نايمين
  عشق
  اهااا والله خوش مرتب وضعك وجايني مثل الحرامي روح حباب اطلع خلي ابدل واطلع

  وهب
  جانت تحجي ودفع بيه تريد تطلعني من غرفته. سحبته عليه حيل بحيث الطشت بصدري اووف ربي شهل عطر كتله.

  وهب
  وين تردين طلعين بهل ليل
  عشق
  هذا شسمه
  وهب
  اشبيج انخلستي شسمه
  عشق
  فدوه وهب ابتعد عني واطلع
  وهب
  هههههه هاي هيج تاثيري عليج حتى النطق تفقدي بقربي
  عشق
  اوووف هاي شدتحجي. حباب اطلع من غرفتي
  وهب
  ماشي. اطلع بس بشرط
  عشق
  شنو
  وهب
  هذا

  كتله هذا ودفنت راسي بركبته مثل الي ياخذ جرعه الحياة منه وماعرف ليش هيج سويت ولحد يسالني عن تصرفاتي واني بقربه لان نفسي ماعندي. تفسير اله.
  هيه بقت مصنمه مثل الصنم جمدت مدري هل سوالف عده عادي وماتئثرت
  اني كبل طلعت احس روحي اختنكت
  وصرت اكره اكثر واكثر. بقرب هل ابنيه انسه نفسي وشخصيتي عاداتي ومبادئي قبل نص ساعه اخوهه مامني عليه وعل بيته واني هيج اسوي
  ظليت برى اشرب بالجكاير واكل بروحي. لحد ماجه ساهر. سالته وطمني عله خاله كال صار زين.
  بس هو جان قلق لان محد يمه بيبتهم مره جبيره

  منار
  من سمعت بكرار مريض ومصاب احس روحي خلص طلعت. نسيت كل الي صار بينه كره الي حبي وافياء الي طلع يحبه
  وكلشي تبخر من كدامي صرت ماشوف غير كرار مصاب مريض
  طبعا. هيه فنار بالصدفه سامعه احمد يحجي ويه وهب واجتي كالتالي. واحمد موصيه ماتحجي كدام اي بشر.
  بس اني ماكدرت عله روحي اصلا حسيت راح افضح روحي اذا ماشوفه. رحت ركض وحجيت لجديتي طوعه الي كلبت كونه بس ماكلتلهم منو كاله.
  وشنيت حرب حتى اروح وياهم احمد ماقبل. لان اني جنت حاطه. الجامعه عذر عود اريد اسوي مباشره مو رايحه علمود كرار.
  بس من جديدتي كالت تعاي بعد ماكدرو يحجون
  اول يوم ما شفته ماكدرت ساهر يمه وثاني يوم نفس الشي بس جديتي تروح سلم وترجع بس ثالث يوم طلعو احمد ووهب . 
  وساهر امه دزته للسوك اني كلت لجديتي مدام محد يم كرار خلي اروح اسلم عليه هسه هزت. راسه بمعنى اي

  اول مدخلت هو جان مدد بفراشه. وحاط. يده  على عيونه. من شفته. كل شي صار كدامي.
  حبي اله. وكره الي.
  الوهم الي جان بداخلي يحبني
  وطلع يحب افياء
  وجع كلبي واني اشوف الشيخ كرار مدد بالفراش اجيت اطلع. بس هو رفع ايده عن عيونه وشافني. ظل صافن بيه. ماكدرت اروح ولا ابقه جنت مثل سمجه مطلعيه من المي جان يكول