متاهة العشق

١٤

مساااااااءءءءءووووو شلونكم اخباركم
طبعا صح اليوم. جمعه ومو موعد البارت.
بس. اني ماعدي شي وكملت البارت كلت انزله الكم
ويارب يعجبكم

الانستقرام:z.r.k99

يڪول ؛
أفز وأفتح رسايلها گبل ماأفتح عيوني

عشق
چنه ندور. على جلنار. والبيت مخبوص كله دور عليه. اختفت هل طفله وراها صعدت. كلت بلكت الكاها. بالسطح
بس الي صدمني. وهب.
من شفته هو وحسناء. احس روحي اختنكت. مامر كم سبوع. وهو راح ارتمه بحضن غيري.
شلون يحاسبه ويخاف. عليه. ومبين حيل يغار عليه
هو جان يحجي. وياها واني اذكر من جان يوصف المرءه الي يريده. من جان يكل لخاله ام سلطان ايريده ( شعرهه سلاسل. ذهب وعيونه. عشب بلاد الشام ..). وهاي هيه صفات حسناء
ضلت هل ذكريات. تهاجمني. همه مامنتبهين عليه. واني دموعي نزلت من جهه من الغيره. ومن جهه هذا حبيبي اني اي حبيبي اني
صح رفضته ورفضت عرض. الزواج بس هذا حبيبي.
جلنار فجاءه طلعت. هو انتبه عليه بس اني مجنت اكدر ارفع. راسي.
احس عيوني راح تطلع من البچي. واحس نار داخل عيوني.
اخذت بت غزوان ونزلت
وراها. جنت احجي واني ومنار. واجتي هذي الحقيره حسناء وكأنه متقصده تحجي عن علاقته بوهب كدامي
وراها صارت سمعني كلام. هوايه. لان. الشيخه هوايه جانت تمدح بيه وباجمالي. الضاهر هيه نظغطت
وتعاركت اكثر من مره هيه. ومنار
وهم. اخته. كل شويه وكالت كرار حجه وكرار كال. وهذي منار تريد تشرب من دمه.
وعلگت بينهم.
بس اكثر شي حرك كلبي من كالت هاي الحقيره حسناء.
وهب راح يحاجي ابوي وجدي. حتى نزوج. وبت عمتهم سالته اذا متاكده. وهيه ردت بكل ثقه. اي. هو يكول بت عمي احسن من الغريبه.
والاء بت عمي. سوي اسمعي. هنا العالم. الي تعرف. تختار.
بت عمي احسن من الغريب. ارضي بسلوان وخلي نفرح بيكم.
من اجتي منار كالت شكو. كتله راح اقبل بسلوان احسن من غيره
اني مستحيل اقبل باحد غير. وهب بس ردت احسسه مثل ماهو حياته متوكف عليه اني هم نفس الشي. الحياة متوكف على احد.
بس اني احس روحي ختنكت بس اريد اطلع من هل بيت.
وراها بليل حجيت ويه. منار وحجتلي وهب ماد ايده عليه. تخيلت لو اني. جنت يمه ممكن جان. هو هم. مد ايده عليه اذا غلطت بشي.
رجعنه احنه وعمامي لبغداد. وراها همه رجعو لالمانيا. بس سلوان مارجع بقه يمنه يومين. وراح لبيت خاله للانبار
وره تلث ايام. سمعت. وهب خاطب. حسناء. يعني سواها صدك.
بيومه. من كد الخنكه. احس. روحي. راحت. بحيث فقدت.الوعي. ماعرف شنو صار ويايه بحيث لا بجيت. لا صيحت لا عيطت بس فقدت الوعي.
والي فهمته من منار محد عاجبته هل خطبه. بس هو مقتنع وعمه مكيف بنته راح اصير مرة الشيخ الامر. الناهي.
وره سبوع جان حفله المهر. مالته. وجان لازم نروح. هل مره حضرت نفسي. مستحيل اهرب مثل كل مره.
رحنه اني وسلوان. وساهر بسياره وامي وابويه بسياره. مجان اكو حجز طيران.
من وصلنه اني جنت نايمه. ماحسيت غير على سلوان يگعد بيه. وابويه. يسلم عل شيخ ابو فنار. وسلطان.
من نزلت من السياره. اول مارفعت راسي. شفته كدامي. نضراته. نفسه ذيج النضرات الي شفته بيه اول مره. مليانه غضب وحقد.
جنت اشوف شلون يباوع على ايد سلوان لان لزم ايدي. من نزلت من السياره
اني تعمدت البس محبس مثل الحلقه. شفته شلون ضل صافن بيه.
يحسسني علساس كلش مهتم لهل سالفه.
وهو. الي باعني باول موقف.
دخلت جوهه اني وماما. بس اني احس جيتي غلط اول مادخلت وشفته. رجع هل الم لگلبي. ورجعت احس بالخنگه. دعيت ربي يقويني هل يوم وما اتخربط وافقد الوعي.
كاعده اني وفنار ومنار وعذراء. بغرفتهن. ولا وحده. عاجبه هل عرس. وعذراء تكول لو اخر يوم بحياتي ما احضر هل مهر
وراها تغدينه بس محد اكلت. صعدو الاكل ونزلو نفس ماهو. اني صاحوني كالولي الشيخه طوعه تريدج.
من طلعت من غرفه البنات. توني سديت الباب ورايه. ونسحبت. ماحسيت روحي غير اني. بالسطح ووهب. حاصرني بينه وبين الحايط احس النفس انگطع. وكال