متاهة العشق

٢٣

احسبي احسابج ترى فراگج ماشلع من كلبي شعره
  اني تاج راسج وراس الخذاج
  عيب تنزل دمعتي لخاطر مره
  اي مانزلت دمع بفراگج بس نزع كلبي

  عشق
  طلعت من البيت ويدي بيده الكل اليهوس ويركص بس اني خايفه خايفه حيل
  ادري بيه راح ياذيني اليوم بكلامه
  خاصه ايدي بيده انمردت لحد ماصعدت بيه وياه بالسياره
  جان ساكت. طول الطريق لحد ما وصلنه القاعه
  كملنه الحفله الي كلشي مافهمت منه
  واني اشوف وهب بنضراته يتوعدلي
  رجعنه البيتنه تقريبا الساعه ب ١٢:٣٠
  بعد مازفوه ودخلنه البيت
  وراح الكل وبقينه وحدنه
  اي اني والرجل الي حبيته اكثر من اهلي وناسي اكثر من كلشي بالدنيا
  بس احس اليوم مابيه ذره من وهب الي جنت اعرفه
  اول مادخلنه
  باوعلي بقمه الغضب وكال انطيني تليفونج
  اني انطيته التليفون لزمه فلشه وكال

  وهب
  تليفون بعد ماكو. تشوفينه باحلامج
  عشق
  مومهم عندي التليفون بس ليش
  وهب
  انته مو كفو ثقه بس صرت مجبور بيج
  عشق
  اني
  وهب
  اطلعي بره

  عشق
  ماناقشت عفته وطلعت اخذت ملابس من الكنتور وطلعت سبحت وشمرت روحي عل تخم
  واني افكر بمعركه الحياة الي راح اخوضه
  بس مو اليوم
كعدت الصبح احس روحي مكسره
  رحت للمطبخ سويت. ريوك ملوكي فتت للغرفه ريحت الجكاير ماليه الغرفه
  فتحت الشباك
  هو گعد فتح عيونه بانزعاج وكال
  وهب
  سدي الشباك وطلعي
  عشق
  صباح الخير شيخ. اكعد تريك ً اكيد بعد شويه راح يجون اهلك يباركولك
  وهب
  كلامي واضح
  عشق
  وهم كلامي واضح

  رديت عليه وبدون ما باوعله وعفته وطلعت
  هو نهض حتى يتعارك ويايه بس منار وعذراء وفنار دخلو
  عود جايبات ريوك
  من شافن الريوك كالت فنار

  فنار
  هاي منو جايبلكم ريوك
  عشق
  هههههه محد اني سويته

  ضلن شويه وراها راحن
  هو جان كاعد يتريك علساس طبيعي كلشي ماكو ويبوس بسيلا
  اني استغليت الوضع رحت للحمام سبحت وكشخت
  لبست. فستان قصير ابيض
  وشسورت شعري عود عروس وكذا
  هو دخل صفن بيه جان يگول

  وهب
  خيرج شنو مناسبه هل صلخ ولو نازعه هل قطعه اقماش مو احسن
  عشق
  يكولون اني عروس. ولازم اكشخ بعد شويه اكيد راح يجون العالم يباركولي
  وهب
  سمعيني زين وخلي هل حجايه ترجيه باذنج. اولا اني مستعجل اريد اطلع جان اني بيدي سويت هل ثوب الف قطعه
  وثانيا انتي. منوع تلبسين هل سوالف حتى لو بس نسوان فهمتي لو تحبين اعيد
  عشق
  لا تمام فهمت  تدلل

  عشق
  صفن بيه ورجع طلع
  ماحبيت اجادله اني  اريد اكسبه واغيره مو اخلي يتخبل عليه ويبعد عني
  وراها صدك غيرت ملابسي ولبست دراعه خليجي فخمه ومرتبه اظل اني شماكان مرة شيخ العشيره 
  وخليت مكياج مرتب يناسب هل لبس صفنت عله شعري جان قبل هوايه يكلي هذا الشعر ملكي ميصير احد غيري يشوفه
  رحت طلعت شال. مرتب ابيض ونهايه تطريز ذهبي ولفيته بطريقه حلوه
  وكعب المهم طلعت اشرررد اله بشده
  وره ساعه تقريبا اجتي منار
  كالت جديتي تكول خلي تجي للبيت الجبير الخطار اجه
  زين اني شلون اطلع هو مانع عليه سالفه الطلعه ولا عندي تليفون اتصل بيه كلت المنار