متاهة العشق

٢٢

حتى ان كانت يداك جمراً ، سأتمسك بها ?.

عشق

خطبني واني فرحتي مامطيته لاحد
هذا اول دكات كلبي. هذا اول عشق بحياتي
صافنه عله روحي بالمرايه.
رغم ادري بروحي جميله
وادري. هو يتاثر هواي بشكلي
بس بداخلي خوف شراح يكون رد فعله من يشوفني
عقدنه واني احس قلبي مثل الطبل
ماقبل يدخل يلبسني ذهب. بحجه النسوان. بس ادري بيه.
يريد يكلي. من هل يوم اعلنت الحرب
لان جنت داىما اكله. اريد الكل يشوف شيخ كلبي
من دخلت شفت بعيونه نظرات الاعجاب.
وعشت وياه لحضات الحب رغم. اذيته بس ميكدر يسيطر عله اشياء بيه
عافني وطلع. حتى مالبسني ذهبي.
اني لبست كل الذهب بس مالبست الحلقه. ومحد انتبه عليه
طبعا بعد ماعدلت شكلي الي خربه وطلعت للصاله
الهوسه نفسه والكل يركص ويهوس
وراها. الخطار راح وبابا ماقبل. اهل وهب يرحون وكلهم الطريق بعيد واحنه اصلا اهل مو مال تبقون فندق وبيتي مفتوح الكم واصر
وصدك ماراحو
اني صعدت بدلت ملابسي ولبست كلابيه خليجي وبقيت تسريحتي الي هيه عباره عن ضفيره هنديه مرتخيه
وبقيت مكياجي
جنت بالمطبخ. اساعد فنار وام صلاح ( الشغاله) بالطبخ مال العشه
دخل فجاءه وهب للمطبخ. وضل واكف ويخزر بيه شبي هذا راح يفضحنه
دخل ابويه وساهر. وهو عيونه. تخزر بيه اخر شي كال

وهب
ساهر سويلي درب اريد اسبح. احس روحي حيل تعبان
ابو ساهر
شيخ البيت صار بيتك وانته ابني حالك من حال ساهر. ابني اخذ راحتك
وهب
تسلم عمي ماتقصر
ابو ساهر
بابا عشق حضري الحمام لخطيبج

عشف
اخذته لنفس غرفته الي بقه بيه من جان مصاب يمنه. هو جان. يمشي وهو ساكت. اول ما وصلت الغرفه. سحبني كل قوته احسه كسر ايدي من لواها وره ضهري.
ماتحملت الالم نزلت دموعي. كتله

عشق
اااااخ وهب شبيك
وهب
بله دموع التماسيح هذي. وهذا الصبغ الي صابغه روحج بي تغسلي. وحجاب عله راسج. لا هسه احرك شعرج واعلمج شلون تستعرضين بي
عشق
اااخ. وهب جاي تاذيني بعدين اني عروس لعد شلبس
وهب
البسي جفن. حطيه براسج انتي اجيتي لموتج. برجليج
عشق
حاضر بس عوف ايدي

وهب
من طلعت واني عله اعصابي مدري شبيه افور. شيخ شكبرني شكدني عشيره بركبتي مشيه مثل الميل. مره تخربط كل احوالي
من خلصت الخطبه ابوها قفل اله نبقه عمي ابو سلطان كال اي باقين.
وكت العشه طلعت. ارد عله تليفوني. مامنتبه. بس درت وجهي شباك المطبخ عل طرمه واشوفه. جنه قمر بنص المطبخ احس كل ذره صبر بيه. خلصت
اخزر بيه ماردت ابين كدام فنار اكو شي بس هيه مثل الثوله تصفن بيه
وراها. دخل ابوها وساهر تحججزت بالحمام حتى. انفرد بيه
احس دموعه تحرك قلبي بس ماكدر. اسامح الي سوته مو شويه
وراها تركته ودخلت للحمام.
من طلعت لكيته مبدله حتى ملابسه استغربت. هاي صايره هيج مطيعه. جانت شايله كلابيه مال بيت كالت