متاهة العشق

.٢٤

عشق
  مثل الامً الي داري طفله جان يداريني بهل فتره. فعلا شفت حب واهتمام.  وهب. صح مو كلام 
  بس جانت افعاله واضحه خوفه عليه اكبر دليل عله حبه الي
  بس. كلام سعد فعلا حرك هوايه اشياء داخلي
  خلاني  اجرأ. واساله.
  ماعرف ليش احس تصرفاته مو واجب ومسوليه بس.
  وهب. بيوم من الايام جان يحبني بجنون.
  بس هو كل مره يذكرني. بالي صار وتركي اله
  مرت الايام وهب يوميه ياخذني ويرجعني للمركز مال العلاج الطبيعي
  ذيج الفتره وهب صار هو رجليه.
  شايلني ٢٤ ساعه.  مينام اذا ما انام. ميتحرك ويطلع لاي مكان اذا مو اني وياه ومامن عليه
  بديت امشي عله رجليه.  شويه شويه
  بس بعد يرادلي علاج.
  بيومً هو جان كاعد يكلب بتليفونه رحت كعدت يمه كتله

  عشق
  وهب. اريد احجي وياك
  وهب
  اي كولي
  عشق
  اريد اطلع للسوك
  وهب
  خير شمحتاجه شنو. ناقصنه مسواك
  عشق
  مو مخضر واكل
  وهب
  لعد شسوين طالعه
  عشق
  ترى صارلنه تلث اشهر هنانه واني بنفس الملابس. الي جبتهن ويايه محتاجه. شغلات.
  وهب
  تمام اكتبيهن بورقه واني اجيبهن
  عشق
  وهب. حباب والله صرت اكدر امشي عله رجليه. وانته وياي استند عليك ومانفتر هوايه. بس كم شغله وارجع
  وهب
  ماشي يله حضري روحج

  عشق
  رحت غيرت ملابسي واجيت. طلعنه اني وياه جنت لازمه ايده ومستنده عليه وهو همات يمشي بطيء
  جنت عايشه شعور ولا اروع منه. احسه. فعلا سند الي 
  دخلت محلات ملابس نسائية والحمد لله. جانت بالمحل بنيه. فاخذت راحتي واني اشرحله شريد
  لان وهب جان واكف باب المحل 
  وراه ماخلصت ملابس الداخليه. شفت سيتات نوم وملابس نوم مرتبه وحلوه ماعرف الشيطان لعب براسي واشتريتهن
  كلت اذا صار شي او انحطيت بموقف بايخ اكوله انته متنام ويايه بنفس الغرفه. تنام بالصاله
  وهو فعلا من رجعت امشي عله رجليه شال ايده من سالفه. يغير ملابسي ويسبحني
  جنت. من يدخلني للحمام تجيني البجيه من الخجل والفشله.
  لو من يغير ملابسي واشوف اشلون. نضراته. تروح عله اماكن بجسمي. ويصفن. بس عود ميبين هل شي ومهامهه
  المهم. خلصت من هل سالفه
  وراها رحت شتريت ملابس. بيت.  اني اصلا ماحب البس شي طويل. وهل سوالف بالبيت مارتاح من جنت بيت اهلي اني عله كولت وهب مشلحه
  ومانكر حبيت اثر عليه. بشكلي وهل امور
  رغم هو. شافني بله ملابس ماتحرك شعره. مو البسله
  بس عسى ولعله يتغير شويه.
  لان احبه ماتخيييل حياتي من دونه
  وراها رحت  عل معطرات الجسم والمرطبات ومكياج
  هو  رفعلي حاجبه لان حضرته يتخبل من المكياج
  كتله ترى وحدي بلبيت منو يشوفني
  الحمد لله سكت
  اشتريت كل الي محتاجته ورجعت هو حاسب. وشال الغراض   بيد ونطاني ايده الثانيه. جنت مخليه راسي عله جتفه وسارحه بافكاري جان يكول

  وهب
  هاااا شنو راح تنامين
  عشق
  ههه لا بس مرتاحه.
  وهب
  اي. ست عشق شنو الي مريحج
  عشق
  حلو الواحد. يكون عنده سند. وشخص يحمي
  وهب
  هاي جديده من شوكت اني سندج اشو انتي حضرتج بيوم عرسج تتصلين بسعد اتكليله اني خايفه وانته سندي
  عشق
  اهاااا يعني هذا سبب. جنونك يوم العرس. وفلم الرعب الي عيشتني اياه
  وهب
  ترى انتي اخر همي بس  تبقى واكفه شغله تواصلج ويه سعد مارضاهه عله روحي
  عشق
  اي حبيبي صدكت
  وهب
  شنوً الي صدكتي
  عشق
  ترى علاقتي بسعد قديمه احنه. من جنه اطفال اني اعتبر سعد الحارس الشخصي مالتي. وكبرنه وكبر هل شي ويانه. سعد يحميني من كل شي
  سعد الصديق الي يسمعني. واحجي كدامه كل الي بكلبي دون ماخااف من رد فعله
  لذالك انته لا تعتبر علاقتي بسعد مثل ما براسك
  وهب
  يعني عود هسه انتي. فسرتي ولازم اني. اتفهم هيج علاقه قويه بين زوجتي وطليقه
  عشق
  تمام. خلينه نرجع للبيت تعبت رجلي دتاذيني
  وهب
  تعالي اشيلج
  عشق
  هههههه لا شكرا وصلنه  تسلم
  وهب
  اصلا اني راح زل عندي فقره بضهري من كدما شايلج
  عشق
  لا تره اني مو سمينه
  وهب
  اي ابد دباعي شوفي صايره شكبرج