متاهة العشق

🥰🥰🥰حب كبير

سلام ايها القووووووم. شلونكم اخباركم.
جمعه مباركه عل جميع. ويارب يومكم حلو

طبعا بسبب بارت البارحه. اني مابالغ اذا اكلكم اكثر من ١٠٠ رساله
اجتني جماعه الانستا والتلي وحته. بنات داخلاتلي عل فيس
وكل هل رسائل مقصده واحد ( كميه الاذيه الي متعرضين اله من موضوع الطائفيه )
واصلين مرحله.
ناس تكولي امي وابويه نفصلو بسبب الطائفيه
اشخاص ماكدرو ينجمعون بسبب الطائفيه. ( واحد سني وهيه شيعيه واحد شيعي وهيه سنيه ) واكيد الاهل. السبب وفترقو
ووووا اشكال الوان
هاي بعيد عن. الي واصلين مرحله القتل والخطف والتشريد
وطبعا هاي الاحداث اني عن نفسي شخصيا عشته اني خسرت والدي بسبب هل احداث
بس الفكره هنانه وين
وليش اليوم اني نزلت هل نوت وداحجي وياكم
اليوم خلو بالكم احنه الجيل الي راح يكمل القدمين راحو وخلص وقتهم
احنه دينه يكول الكافر وهو كافر مايحقلك تقتله بدون سببب
وتحت شعار ( لا اكراه في الدين )
زين سوال للناس العاقله الواعيه اذا هيج اني ديني
وتفرض عليه ااامن وصدق جميع الاديان واعترف بجميع الانبياء ورسل
من ادم. (ع) الى محمد (ص)
زين باي حق لعد احنه أبناءً دين واحد. واحد يكفر الثاني واحد يقتل الثاني

ليش منكون ناس واعيه من تتناقش تستخدم العقل.
اليوم اني مؤمنه بقضيه. ادافع عنه بعقل ليش بسلوب همجي مايصل الدين والانسانيه بصله
الغريب بالموضوع. انو هل فئه ( السنه والشيعه ). همه ثنينهم تحت رايه محمد. (ص)

بحيث اني البارحه. جنت داحجي ويه بنيه صديقتي من اهل الانبار
تكول انو اخوهه صاير يروح زيارات وصاير. يسوي هوايه امور احنه منسوبه
من سالته وين الغلط ( كالت ابد ماكو اي غلط. بس هسه. صدك مقوله بالعشره تتغير النضرة )
اخوهه صار ماعده اي خلاف ويه الشيعه وصار. صديق جدا الهم. لمجرد سبب واحد ( هو يدرس بجامعه العميد. بكربلاء وصارو اصدقائه ناس شيعه حقيقين مو متطفلين )
وهسه نجي نسال نفسنه
اليوم اني شيعيه اب عن جد. ومقوله. ( علي مع الحق والحق مع علي )
تعتبر عدي نص ودستور
تمام زين ليش ما امشي بنهج علي. الي اساسه ( لا للفتنه وتفرقه ودم بين إبناء الامه )
علي ابن ابي طالب (ع). عام ٢٠٠٢ صنفته امريكا. الي هيه. تضم جميع اديان العالم وجنسيات والاعراق من كل لصناف البشر تلكه بيه اسلام ومسيح ويهود وحته اشخاص ماتعبد الله
عام ٢٠٠٢ صنف علي ابن ابي طالب (ع). اعدل حاكم مرعلى تاريخ البشريه
زين لهنا متفقين 🤝 امام مذهبكم اعدل حاكم بالكون ليش متمشون وراه. امشو بنهجه. تعرفون انو. الامام علي زواجاته وزوجات ابنائه وأبناء أبنائه. هنه من كافه طبقات وفئات واديان المجتمع
ليييش. خو يروح ياخذ بس علويات منه وبي ويكول اني اريد احفض نسل خاص من ذريه محمد (ص)
بس هو سوه هيج حتى يثبت للمجتمع تره ما مو فرق بين الناس
نجي السنه يابه انتو مو. تكولون احنه ننهج نهج الرسول.
وين اكو نص حجه بي الرسول وكال ( طلكو نسوانكم اذا جانن مو مسلمات)
احنه الاسلام نفسه محلل زواج المسلم من غير المسلمه
تجي انت طلق مره من رجله لان مذاهب مختلفه

طبعا اعرف طولت هوايه. وياكم بالحجي
بس صراحه البارحه. شخصين حيل اثرت بيه قصصهم
البنيه الي كالت جدي ابو ابويه. جبر أبويه يطلق امي ويتركه. لان هيه شيعيه واحنه سنه.
وصار اكثر من ١٥ سنه اني مشايفه امي
وهم البنيه. الي كالت. خمس سنوات. اني وياه واحد يحب الثاني تخرجنه ومن قررنه نزوج صارت ملاحم. اهلي يگولون ماننطي لسني واهله يگولون ماناخذ شيعيه
ولحد هاي لحضه الشخصين مازوجو وبقو. هيج رغم مرة. خمس سنوات
تكول ولحد هاي لحضه محد من الاهل تنازل
لذالك
يا حبايبي
الي يريد يقنع المقابل هو. صح. تره مو بالعياط والصياح والقتل والتكفير
شلون اقنعك اني صح واني مشتغل هجوم وباسوء اخلاق
لذالك كون افضل نسخه من معتقدك وتصرف بعقل حته المقابل ينجبر يحترمك وان كان عدوك مو بس اختلاف مذاهب

والصراحه اني كلش احب هاي الروايه. لان. ابد ابد ماخلو. اختلاف المذاهب ياثر عليهم ولو ذره
والشخص الحكيم العاقل. كدر بمجرد كلام وتصرفات بسيطه يغير وجه نضر ناس كارهه اله وحاقده وعايشه رعب من فكره وجوده
وهو هذا الي سواه الشيخ معد ويه ساهر واهله
بعقله وبحكته وبنهجه الصحيح. كدر يغير فكره عن مذهب كامل
دون عراك وصياح وتكفير .....
لذالك. تصرفو بعقل
خاصه هل فتره. من دخلو منهج نضام البعث للجامعات الي ماعرف شنو الغايه من تدريس هيج منهج لهيج فئه عمريه

............ وسلامتكم ...... نلتقي يوم الاحد  بارت جديد
حساب الانستقرام:z.r.k99

احبكم