متاهة العشق

٢٦(الاخير )

لاخبرك امرا اني. غير الوفاء معك ماعرفت
ولازيدكي من الشعر بيتا قلبي لغيرك مانبظ




مرت الايام. وتحسن وضع عشق الصحي وصارت تكدر تمشي بحريه
واكيد يرجع الفضل بعد الله. لعتناء وهب بيه وحبه اله. الواضح ويشع بعيونه
اما. عشق عل عكس جانت تحس اكو غلط بالموضوع. وتحس. وهب بعيد عنه
هو ينام بغرفه وهيه بغرفه. صح يقدم اله كل احتياجتها ويسوي كل الي تريده
بس هو بعيد هذا مو وهب الي جان يستغل كل فرصه حتى يكون قريب منه


صباح يوم جديد. وهمه بعدهم بتركيا اليوم. قرر وهب يطلع ويه عشق
خاصه هذا اخر ايام الهم. بتركيا. خلصت علاجه.
كعد الصبح وراح متوجه لغرفته.
كعده وهو يبوس وجناتها ويكله



وهب
عشقي..... عشق ....عشق
عشق
مممممم
وهب
يله حبي كعدي. هذا الاسبوع راجعين. العراق ولازم نشتري كم شغله. هدايه وهل امور.
عشق
روح وحدك خليني نايمه مابيه اطلع
وهب
والله تخسرين. اشياء هوايه اذا ما طلعتي ويايه
عشق
شنو يعني مثلا شخسر
وهب
اني الي عليه كلتلج. تخسرين لذالك يله كل غزال تنهضي  تحضرين نفسج



كامت من الفراش بعجز بس اكو فضول عده  اتجاه هل طلعه. شنو الفلم ليش هيج يحجي
هيه فاتت للحمام تسبح وهو بسرعه خله ملابس بالجنطه من طلعت لكته يسد بالجنطه كالته بستغراب


عشق
هاي شدسوي
وهب
لمييت الجنطه غير
عشق
وشمعرفك شريد البس بعدين احنه طالعين نشتري شغلات لو نسافر
وهب
اووو شكد صايره تنكين يله حبيبي خلصي بلكي اني محضرلج مفائجه
عشق
أنته والمفاجآت
وهب
ترى ازعل يله بسرعه



عشق جانت  تبدل وتعدل بنفسه وهيه حايره بوهب هذا شبي شلي صايرله وهب مو من جماعه السفر ورحلات وحتى شغله يشتري هدايه غريبه شويه
بس جارته وانتبهت لشغله من طلعو صفه حسابه ويه ابو الشقه وخله الغراض بالسياره
طول الطريق هيه صافنه عليه ومتعرف همه وين رايحن طلعه من صفنته من كال

وهب
عشقي لا تباوعين عليه بهل طريقه وتصفنين بيه ترى هسه اسوي حادث واني طلعت روحي لحد ماشفتج واكفه عله حيلج
مو مال نرجع للصفر
عشق
الله عليك هو منو شمرني من الدرج وكسرني
وهب
انجبي لج. شنو شمرتج تره اني هواي احبج ست عشق



ضل طول الطريق يتغزل بيه  كدر يطلعه شويه من المود الي سيطر عليه اخر فتره
طبك السياره يم مطعم عله نهايه منطقه عاليه جان المنظر اشبه. بالخيال
خلاها تنسحر بجمال المنظر
جانت صافنه  سحب ايده وباسه
هيه اتفاجاة من حركته وهب مو رومنسي. وحتى من جانو مصالحين
جان فعلا يحبه بس مو كلام وهيج حركات  ظلت صافنه بيه همس اله


وهب
هوايه احبج ❤️ عشقي
عشق
واني اكثر بس خير وهب شنو الي جاي يصير وياك مامتعرده عليك بهيج. مود
وهب
ههههههههههه. انتي زين تعرفين شگد احبج ❤️ ميحتاج  اصلا احجيه
بس انو تكوني حبيبتي ملكي يختلف عن حبيبتي بس اسم.
عشق
يعني تقنعني الشيخ وهب بكبره جان يهتم السالفه ملكه او لا
وهب
هههههههههه لا ماهتم اكيد بس اكو حدود. جانت موجوده ومالازم اتعداها وهسه صار الوقت حتى اتعده كل الخطوط الحمر والخظر والصفر وماكو شي يمنعني ولا اكو احد اله شي عندي
عشق
ترى صاير تخوفني
وهب
طاح حضج ولج خافي من الكل بس مو وهب




عشق
صرت استغرب الي جاي يصير للامانه هيج وهب كلش يجنن وحلو بس اني مامتعوده عليه
وراها صعدنه سياره وكملنه طريقنه لمكان اني اصلا ماعرف هو وين
بالطريق اتصل عليه  ساهر وجنت احجي وياه
واكيد وهب رجع لاطباعه المقرفه. فعليا غيرته مقرفه يعني شنو يغار من اخويه ومايصير اكوله حبيبي هاي وين صايره 
كل ماكول لساهر حبيبي ? هو يكرصني لو يعضني مدري شبي ساعه يرجع وهب الوحش وساعه وهب الرومانسي
الى ان وصلنه لمزرعه فعليا تفتح النفس
من دخلنه البيت جان الداخل خشبي ?. جنت اتفرج عل بيت واجوائه
هو كال فوتي نامي ورتاحي لان طريق جان طويل
بس احس اكو شي وهب ديخفي عني وماعرف شنو خاصه اليوم الاخ صاير هواي رومانسي

وهب
اني هواي اذيت عشق سواء جان بتفكير او بفعل مانكر اني عشقت هل البنيه من اول يوم شفته بس هواي افتعلت مشاكل هواي تصرفت غلط
صح ازوجنه
وسويت اله عرس جبير بس مجانت غايتي. ارضيه لا اني شيخ ومعروف لذالك جان من المفروظ يكون الي هيج عرس
بس. هسه لا. ناوي اعوضه عن كلشي مرت بيه
واكيد بعد ما توضح سوء الفهم الي بيني وبينه ضلت تسال بداخله ليش بقيت نفسي وماغيرت شي واتممت هل زواج رغم هواي جنت احسه اتريد تسال بس غروره يمنعه
رغم جنت اجاهد جهاد واني اشوفه كدامي ومانع نفسي منه
بس اليوم راح احقق اله كل ذيج الاحلام الي جنت بفتره من الفترات استهين بيه
اجرت مزرعه بمنطقه طبيعه خيال سبحانً الي صوره
هيه الطريق جان طويل. وتعب مبين عليه كتله روحي نامي
ردته تنام حتى اني اكدر اكمل كل الي اريد اجهزه عله اتم وجه






عشق
دخلت للغرفه شمرت. روحي عل سرير ? جان كلش مريح
ورحت بسابع نومه
حسيت عله شخص كل عاده يصحيني بوسه
اي هذا وهب. فتحت عيوني جان الجو ضلام كتله

عشق
حبيبي افتح الضوه
وهب
فوتي اسبحي وعوفي ضوه
عشق
يمعود هسه افتح الضوه خلي اشوف دربي
وهب
لا اني اشيلج وشوفي دربج بعيوني
عشق
وهب بطل هل سوالف
وهب
لعد كومي اسحبي حته امشلطلج




عشق
ضليت صافنه هذا شبي. اليوم لا ابد مو طبيعي. عفته واخذت البرنص  الي هو طلعه من الجنطه
ورحت للحمام ومن طلعت لكيته يباوعلي ويضحك بس شو هذا كاشخ
خير يا طير وين يريد يروح بكل هل كشخه وشهل عطر. كتله





عشق
خير شيخ وهب وين شهل كشخه
وهب
طالع ويه صديق اليه.
عشق
يا صديق بعدين وين طالع وعايفني بهل غابه
وهب
حبيبي ماتاخر صديق. الي اليوم عيد ميلاد اخت مرته راح اادي الواجب وارجع
عشق
وهب تحجي صدك شنو عيد ميلاد شنو اخت مرة صديقك. هاي شبيك
وهب
ههههههههه مواهمه مو. واحد مثلي يسوي هيج حركات
عشق
كلش مراهمه
وهب
تعالي حبيبي خلي امشطلج ورتب خلقتج راح يجونه صديقي ومرته خطار
عشق
وشدعوه هلكد كاشخ
وهب
يعني حلو هسه اني
عشق
اگدر افهم شكو ليش مهتم لمضوع يشوفوك حلو لو لا
وهب
لا تره اني من زمان احب اطلع حلو
عشق
طبلي بالنظيف شكو هل كشخه
وهب
شوفي انتي تعرفين اني. احبج
عشق
اي وبعدين
وهب
بس قبل اني جنت متصور انتي خنتيني وزوجتي
عشق
وهب اختصر شسويت من مصيبه من جنت اني مو يمك
وهب
مو من حقج تحاسبيني عله فتره عفتيني بيه
عشق
صدمني وكلي زوجت بس محد جان يعرف مو
وهب
شمدريج
عشق
هيه الي راح تجي
وهب
بس هيه تعرف اني شكد احبج وزواجي منه جان مجرد زواج عادي






وهب
جنت اريد اكله هل كشخه وهل تحضير الج بس من شفت الغيره بعيونه عبالك ناويه تحبسني. بالغرفه
لا والفلم الدرامي الي براسه
سايرته وحبيت اعرف شراح يصير
طبعا اني جنت محضرله فستان هيه من شافته ولا ناقشت ولا حجت لا الاخت. راحت كشخت عله اخر حبايه
هههههههه شكد جنت اتخيله راح تطلع جميله بهل فستان ? بس جانت اجمل واروع






عشق
مكيف يگلي زوجت اني اتخذت قراري. مستحيل ابقه بعد وياه لان اكيد زواجه مجان مثل زواجي ههههههه وهب واعرفه
لذالك اليوم راح اشوفه الفرق بيني وبين هاي الي كدرت تاخذ مكاني
مجنت افكر حتى هذا الفستان شنو فلمه وهو شيسوي
انعميت وصرت ماشوف غير الاشياء الي جنت اتخيله بدماغي شلون جان.
هو وياها معقوله. حبه.
اي اكيد حبه وهب اكيد ماخذه هيج. لان محد من اهله يدري حتى اكول انفرضت عليه
كملت وردت اطلع للصالون واني اشوف. شلون عيونه تشخصت عليه
اي خليك هيج اريد اعلمك عل اصول شلون تفضل عليه غيري

طلعت جان الجو هادئ. بعد محد جاي من خطاره المحترم

فجأة حسيته ورايه
ودفن راسه بركبتي. من هاي حركته اني انشلت كل حركتي واني واحس بشفايفه تتحرك عله ركبتي ويتلمس بيده النبظ
وكال



وهب
الى متى. راح ابقى اسير هذا العطر
عشق
مو هوايه بعد هل ليله ماكو شي يربطني بيك روح لزوجتك المصون




عشق
من كلت هيج عضني قوي وهمس


وهب
الوكت الي راح اتحرر من هل الاسر معناتها واحد بينه ماات
عشق
يفيدك هل حجي


من كتله هيج دارني عليه بسرعه. والتهم شفافي بحيث نگطع نفسي وصرت اضرب عله صدره
ابتعد وهو حاط گصته عله گصتي
وكال



وهب
كايله قبل واعيده هسه. السانج اگصه اذا كلتي. تبتعدين
عشق
ابتعد. ومالك اي حق عندي شيخ وهب



من كتله هيج رجع هيجم اي حرفيه وهب بوسته هجوم رغم حنيته هو عنيف
ذبت بيه رغم. عقلي محارب كلبي بس ضعفت وهمت بي ماحسيت غير عض لساني.
دفعته بقوه واني احس بالم

هو كال
وهب
جربي عيدي هل كلام.




جنت صافنه بيه ودموعي مالي عيوني. ماحسيت غير باس عيوني وخشمي وكال


وهب
غمضي عشقي
عشق
هااااا
وهب
غمضي




عشق
فعلا غمضت عيوني وهو مواثق بيه مغمضه ههههه مخلي ايد عله عيوني وايد حول خصري
ومشاني ماعرف وين بس حسيت بنسمه الهوى البارد من لفحتي عرفت طلعني للحديقه
فجاة حضني من خضري وهو ورايه وهمس باذاني



وهب
حبيبي مرتي ام بيتي شيخه كلبي افتحي  عيونج



عشق
كلماته ماعرف شسوت بيه ومن فتحت عيوني شفت. كل احلامي ايام الشباب والمراهقه كدامي
ضليت صافنه.
ونداريت عليه بسرعه كال



وهب
كل لحضات العمر وانتي بخير كل لحضات العمر. واني وانتي سوه حبيبتي الي مستحيل تحلله مره بعيني غيره
ادري انتي هوايه اكو اساله جانت براسج. ليش اني متمت زواجنه وليش بقيت مبتعد
ردتج طيبين وترجعين. مثل الاول
حتى ماتحسين قربي منج وحبي الج شفقه او بغايه اساعدج

انتي روحي عشق. انتي الشي الي كلش جان عندي صعب اعترف بيه بس بالاخير انتي نقطه ظعفي الوحيده
انتي حبي الوحيد انتي روحي عشق

عشق
يعني انت ما زوجت
وهب
? هاهاهاها ترديني ازوج عادي حبي اني انفذ كل طلباتج
عشق
اموتك والله انته وياها. غير
وهب
بس اني اكيد ماحضرت كل هل تحضيرات ومسويلج كل هل اجواء شموع ? وكيك وعشه راقي. وهل اجواء وفستان اوووف يل فستان ? يفتح النفس

عشق
جان يحجي ويبارع عله صدري وفتحت الفستان.

دفعته وكتله

اياااااااي غشاش يعني هذا مو حفله لميلادي نيتك تنحرف

وهب
هههههههههههههه ويامن منحرف حبيبي غير مرتي.
عشق
يفيدك هل سوالف هسه تاكل. كيكه وتروح تنام
وهب
ااااا بهل سرعه هيج مستعجله اني عبالي نركض. شويه عله موسيقى هادئه وهيج اصفن بعيونج الي سحرتي
الصراحه مجنت حيل مفكره بسالفه النومه وهيج مستعجل عليه بس تدرين اني انفذ كل. طلباتج

عشق
وووووهببببببب.
وهب
ههههههههههههههههه روح وهب انتي.
عشق
حباب لا تحرجني
وهب
المهم عندي انتي يروحي هسه تعالي خلي نطفي الشموع وناكل كيكه حيل جوعان




عشق
جنت صافنه بيه وبضحكته بالاجواء الي مسويه واني اشوف محققلي احلامي دون ماطلب او حتى احجي
مسويلي كوشه  بيضه ومليانه بالورود الي بس عطرهم حكايه ثانيه
وهل اجواء والاشموع

كل عمري احلم. بهيج اجواء حفل ميلاد خاص بس اني والي احبه وبهل حفل يعترفلي بحبه 
وهاي الي ديسوي وهب. يحقق احلام مراهقه بطريقه محترفه


جان. يضحك ويسولف ومنطلق ويحير شلون يتغزل بيه واني صافنه بيه ماحسيت غير صرت جواه  جان مخلي منادر ديباج كبار بالحديقه
كتله


عشق
وهب شبيك يمعود احنه بالحديقه
وهب
اولا انتي الي صافنه بيه واحسج اغتصبتيي بعيونج
عشق
شهل حجي وهب. حباب وخر. كتلك احنه بالحديقه
وهب
اي صح بالحديقه بس محد يشوف. وغير هذا ترى اليوم ناويلج مو خوش نيه
عشق
هههههه احبك والله
وهب
اووووف ربي تكلي احبك وتريدني ابطل وكاحه




وهب
يمكن هاي اليله اكثر ليله. جانت صادقه وعميقه بينه. عشق تستحق كل شي حلو يصير وياها
وره هاي الليله الي بيه فعلا صرنه زوج وزوجه بقينه شهر اضافي احنه بتركيه ومخلينه مكان مرحلانه حتى الاماكن الشعبيه. وقرى هم رحنه
كل ماشوف ضحكته احس الكون يضحكلي
بهل شهر عرفت. قيمه عشق الحقيقيه بحياتي
وعله هذا الاساس يا حسناء ان ما خليتج تحسين بنفس احساسي واني  اتخيله بحضن غيري ماطلع رجال وانحسب عل زلم





عشق
احس اني ويه وهب ثاني. هههههههه صح رومانسي بس الخبال بعده نفسه والعصبيه احنه منكدر نستغني عنه
بس للامانه ماعنده كلمه لا.  لاي شي اطلبه منه مداريني واكاني اكبر انجاز عنده
الصراحه تمنيت لو من زمان واكعه من الدرج هههههه
شهر جان من اجمل مايكون اتمنيت مايخلص
بس شما   ابتعدنه منكدر  ننسنه
وهب شيخ عشيرة.  ورئيس تنفيذي لمجموعه شركات
ولازم يرجع. ويكون عله راس شغله. ومسؤولياته

وراها رجعنه واكيد.  جانوا مسويلي. عزيمه شكبره عله سلامتي
وكون الشيخ راجع من السفر

ضلينه يومين الامور طيبه نخلصه بيت جده. الشيخ. الله يرحمه
لان خطار وهوسه واصلا نبات بغرفته الي بيت جده. يعني بيتنه ابد موصلنه
وراها هو كال للعاملات ينضفون البيت حتى نرجع
زين اعرف. وهب ماياخذ راحته.  يم اهله. الاخ يريد ينحرف
يريد يسوي سوالف متسولف غير. سالفه حجابج ليسج
بليل بعد ماكمل البيت. رحت اني وياه. عادي نمنه ثاني يوم الصبح اجتني عذراء من الصبح بعد ما راح هو مثل كل يوم للديوان.



عذراء
شلونه مرت اخويه. الحلوه
عشق
هله والله.  اليوم منورتنه شلونج احمد شلونه
عذراء
كلنه بخير والحمد الله بس عندي خبر الج قنبله
عشق
خير يا ستار شكو
عذراء
حسناء
عشق
بت عمج ماغيرهه
عذراء
اي حسناء بت عمي
عشق
اي شبيه
عذراء
غير زوجه تزوج عليه
عشق
تشاقين كل هذا الجمال. والاناقه وحسب ونسب وتزوج عليه صدك لو كالو زلم مالهم اماان
عذراء
شوف هاي هو غير رجلج وره هل سالفه
عشق
وهب شعلي شبيج بابا تره صار سبوع من رجعنه.  وبعدين وهب شعلي 
عذراء
هههههه جنج ما تعرفينه رجلج ردله الصاع صاعين.
عشق
هههه لا بربج بس. والله خطيه



عشق
وره هل خبر الصادم رحنه اني. وعذراء للبيت الجبير. يعني بيت جدهم.
جانت. منار والبنات هم موجودات
وضلينه نسولف. وخطيه امه حيل مقهوره عليه.
وتشكي لبيبته. من وهب وشلون يسوي هيج. بس اكيد بيبته ما انطت بوهب
وكلته اكيد اكو انه بالموضوع.  وهب ليش حتى يخلي رجل بت عمه. ياخذ مره عليه
شله غرض
بعدين شنو هو خروف ويجره حتى  يخلي يزوج عله مرته
خو من اجه وهب. نفه نفي قاطع اله تدخل بهل الموضوع كل الي حجاه
كال.  رجل حسناء سالني عله بنيه واني. اعرف اهله. وكتله والنعم منهم. وبي خير الي يناسبهم بس ما عبالي. اله
بس احنه. الموضوع. واضح عدنه
خاصه حسناء ثاني يوم اجتي هاده عليه لبيتي. لو ما. وهب جان راجع بالصدفه. للبيت. وخلصني منه جان صرت خبر كانه
عاد هنانه. هو ثار وهجم عل كل وصيح وعيط
وكل عاد سواني خط احمر الي يتعداني يلزم درب النجف حته اني صرت اخاف. اسوي شي واذي نفسي من كد ما هدد وصيح
وراها رجعنه للبيت.
اول مادخلنه سالته



عشق
وهب
وهب
ها يل مابيج خير بس السان جان هاي الحيه غدرتج
عشق
لا تتهرب عوفك مني وتعال اسالك
وهب
انجبي لج شنو اتهرب شبيج
عشق
انته الي خليت رجل حسناء يزوج عليه.
وهب
اي حطيت المسدس براسه وجبرته ياخذ عليه مره
عشق
مو جاي احجي صدك وياك
وهب
اي والله هددته. اذا مايزوج عليه. اطلكه منه.
عشق
عزززه بعينك
وهب
ههههههه طاح حضج ولج شنو عزه بعيني
عشق
ليش هيج خطيه هجمت بيت الاثنين. غير هو يحب مرته
وهب
اي شفت الحب مالته اول ما شاف البنيه سبًل عيونه
عشق
وانته شكو تحط روحك.
وهب 
حتى. تبطل تتدخل بحياة العالم. والي يكله مالج مكان يمي تنجب وتولي
عشق
بس مو هيج
وهب
لا تخافين عيني ام قلب الرقيق. هاي البنيه دخيله عدنه.  شهر وترجع لاهله اني سويت هل ملعوب وهو يدري. هاي دخيله هو علساس خلاها بيت وحدهه وحسناء بقت ويه اهله.
وصار سبوع. علساس هو عريس ويم مرته بس هو دزيته بشغل لبغداد
اما بعد هل شهر اذا البنيه عجبه تكمل بسالفه الزواج وهيه وياه. تفقو يحولو لزواح حقيقي اني ماعدي مشكله
اصلا.  ادخل الجنه. من وراهم جامع راسين بالحلال
عشق
يا حلال شيخ وهب. انته هاجم بيت بت عمك
وهب
من هجمت بيتي مافكرت شراح يصير. خليه تستاهل. والله لو ما هل عار يحبه جان خليته صدك يزوج عليه
عشق
والله وهب غلط الي يسويته دع الخلق للخالق
وهب
تسكتين لو اروح ازوج عليج. وخليجن مساويات. حتى ضميرج يرتاح
عشق
عابت تتزوج عليه شنو
وهب
عوفج من هل خرابيط شو وضعك مدري شلونه اني كلت تعب سفر بس شو جنه طول هل تعب
عشق
كلشي مابيه متوهم
وهب
والله وجهج اصفر
عشق
اي من حبك الزايد
وهب
ممممممم من حبي شو تعاي خلي اشوفج حبي ???






عشق
اني فعلا جنت احس روحي تعبانه بس جنت اكول من السفر بس وراها زاد الموضوع وره سبوعين صار عندي اثار غريبه بجسمي
وصرت اخاف اكثر
وراها وهب سافر سبوعين لبغداد علمود الشغل
واني احس روحي متت من الخوف واني اشوف هل بقع بجسمي
وصرت احس فعلا اني مريضه بسرطان الدم اي هاي وحده من اعراضه
جنت اخلص اليل بجي
هل مرض النجات منه شبه مستحيله
دخيلك ربي توه ضحكتلي الحياة  وفرحت بحياتي اني وهب
وراها صارت تجيني نوبات الاغماء القديمه.
بحيث صرت باليوم ياخذوني تلث مرات للطوارئ
واني اعرف علاجي واعرف هذا بسبب حالتي النفسيه وماريد احد يعرف عن مرضي
اخذ قرار قررته ماريد اتعب احد ويايه امووت بسلام من دون معانات الكيمياوي وعلاجات
من اجه وهب من سفره ولگاني شبه حيه نايمه بغرفه الشيخه الي جانت تكلي  غلط ظامه وضعج عن رجلج
من اجه عرفت ماراح تعدي عله خير
بحيث من خوفي منه اغميه عليه
حسيت عله صوته وهو يهمس يمي وحراره أنفاسه بوجهي


وهب
ديري بالج تعوفيني  من صرتي بحياتي يله حسيت بطعم الحياة. عشق ديري بالج تتحول حياتي جحيم من بعدج
عشت كل عمري واني احس بروحي يتيم وحيد
رغم كل عمامي واهلي يتمنون رضاتي
جدي جان يتمنه اطلب منه شي
بس جنت احس بالوحده واليتم واني شيخ عشيره شكبرني
بس من دخلتي حياتي. حسيت روحي سلطان زماني وانتي كل حياتي
عشق ديري بالج تعوفيني








عشق
جنت اسمع كلامه واني دموعي تجري. صرت فعلا اخاف اموت واتركه وحده
واخذت قراري خلص لو شنو ما كان المرض الي بيه راح اتعالج منه. راح احارب حتى الموت الخاطره

ثاني يوم كعدت هو جان منينني بحضنه ومخلي راسه عله صدري
ضليت العب بشعره
من صحه وخر ايدي ونهض مبين عليه الزعل
خرب كل عقله هذا زعلان ادري اني قابل مرضه روحي
جان يكول


وهب
حضري روحج طالعين لبغداد
عشق
ليش
وهب
صح مو ضروري تعرفين بس راح اسويلج تحاليل شامله ورايد اعرف شبيج
عشق
والله مو قصدي ما اكولك عن مرضي بس ماردتك تقلق عليه
وهب
اي جنتي تريدين الكل يكمل حياته عادي حتى من تموتين متوكف حياة احد مو




عشق
مجنت اعرف شنو ارد عليه بس فعلا كمت سبحت وبدلت وطلعت وياه. جان الخوف مسيطر عليه
واني من كد الادويه النفسيه الي جنت اخذه. ومضاعفات ادويه ثانيه صارت عدي مضاعفات بس اخاف افقد الوعي.
وماعرف شوكت فقدت الوعي
بس حسيت عله بوساته فتحت عيونه لگيته يم راسي وياه. دكتوره تبتسم بوجهي
كتله
عشق
شنو وين اني
وهب
بعدنه. بالبصره. بس حياة  ماحبت تعب ابوهه وهو خطيه البارحه راجع من السفر
لذالك حبت تكله. امي وعمامي ثولان  ميدرون هاي اني موجوده عبالهم راح تموتنين

عشق
ضليت صافنه هذا شيحجي كتله
حياة منو ابوهه منو انته شتحجي
الدكتوره
ماما انتي حامل وسبب هل اعراض  انتي عدج فقر دم حاد  لذالك هاي الاثار بجسمج. اما عن الخمول عادي عرض من اعراض الحمل
والاغماء. تكدست الاسباب خوف وارهاق. وحمل ومضاعفات. الادويه الي مخذته

عشق
نهضت من عله السديه واني مصدومه. كتله بصدمه
شنو يعني حامل
وهب
هههههههههههههههههههههه ( حضنه كل قوته كدام الكل الفرح يشع من عيونه وكال بصوت عالي )
حبيبي يعني راح صيرين ام. واني راح يصير اب




وهب
من رجعت وشفت شلون صاير وضعه واني بعيد عنه وماعندي خبر لان هيه محلفه الكل محد. يكلي
لا ومنضره  شلون صايره. عبالك جثه.
حسيت روحي خلص. خسرت كلشي
هيه الشي الوحيد الي جان يخليني افرح من اعماقي.
وهسه احس روحي. راح اخسره
واني اشيله بايدي عبالك ميته
والبيت كله يبجي وعبالك ماتت ونصبو عزاء
وهاي الحقيره حسناء. من شافتني. كالت هاي حوبتي. بيك. ان شاء الله تموت. ويحترك كلبك
امدي اشرب مو دمه بس ماحجيت عفته. ورحت يم. روحي الحياة بالنسبه الي
بعد ما. صدك بجيت من اعماق كلبي واني كاعد عل شط
وكال عاده كرار مكابلني وكاعد يواسي بيه
هاي ثاني مره تنزل دموعي. كدام احد. والسبب  نفسه عشق
من رجعت. حضنته كل قوتي وشبه نمت
حسيت بيه من جانت تمسح عله راسي
نهضت واني زعلان منه مقرر نطلع البغداد اسويله فحوصات
بالطريق احجي وياها مترد جنت بعدني بالبصره
وراها حسيت بيه  فقدت الوعي ركضت بيه للمستشفى واني احس روحي راحت وياها
جانت اكو دكتوره نسائية جبيره كلش بالعمر  بالطوارئ. هيه الي استلمته وطلبت تحاليل وماعرف شسوت
وره ساعتين اجتي وكالت


دكتور
مبروك ماما انته ليش هيج مرعوب مدامتك حامل والطفل وضعه تمام
وهب
شقصدج دكتوره شنو حامل
دكتور
طفل جاي بالطريق  لحضرتك
وهب
دكتوره مرتي واصله الموت. اصلا اني طالع بيه البغداد اريد اعرف شبيه
دكتوره
اي واني اكلك السبب الحمل وهم عده فقر دم واعراض ثانويه






وهب
يمكن ذيج الحضه هاي الدكتوره لو تكلي انطيني روحك انطيه واني الممنون
طول الطريق وهيه تصفن وتبجي وتحضن بيه وتبوس الخبله اسوي. عبالي بعد ماراح اشوفك
ومن رجعنه الشيخه من عرفت. عشق حامل
طلعت ناذزه عجل. لوجه الله. اذا طلعت عشق سلامات
كالت للولد هسه ترحون ذبحون وتعزمون العالم وتوزعون ثواب عل فقراء




عشق
ماعرف يمكن اني بحلم. لهسه مو مصدومه.
وهب  والحمل وطلعت مو مريضه بشي خطير مثل مجنت مفكره كل هاي الفرحه
مجاي استوعبه
لا وهب الي قافل يريد ابنيه ويسميه حياه
يكولي انتي حياة بالنسبه الي وهاي حياة راح تحجي

عشق
زين واذا طلع ولد
وهب
ماريده اريد ابينه
عشق
لا بله. شنو ليش قافل اله بنيه  لا وسميه حياة  ليكون عدك ماضي ويه وحده اسمه حياة
وهب
البينه مليانه حنيه راح تزيد من معدل الدلال عندي. 
عشق
شوف التفكير الصهيوني. اشو اني اريد ولد
وهب
ههههههههههه كل يجي من الله حياه الله. المهم تمام الخلقه. بس والله حاب تجيني بنيه منج
عشق
الله كريم عود افكر



بعد الف معركه ومعركه خلصت القصه
القصه الي حبيتو بيه وهب مره وكرهتو الف مره هههههههه
بس العبره جانت منه ابد ابد ابد الف مره. ابد لا تكونين سهله

انتهت قصتنه
قصه عشق