متاهة العشق

٩

شوكت اجيك صارن اثكال على صدري و ارد اعدهن

  عشق
  الصبح بدلت وطلعت للجامعه جنت لابسه.  بنطرون ابيض.  وستره ابيض وقميص احمر.  وشعري مرتبته ماعرف اليوم. من الصبح كعدت مليانه نشاط.
  كعدت. عذراء. حتى نروح سوى احنه نفس الجامعه. وست منار اليوم كرار يوصله حضرته صار سبوع متقبل اداوم اله هو يجي. يوصله
  لا وفوك هذا كله تكول كلشي مابينه احنه مجرد ولد عم وجاي نتواصل.
  المهم
  اني ادري وهب من فتره هنانه. بس ماشفته ماريد اتعذب وحتى لو اشوفه شممكن اسوي. مثلا. ماني جفصت جفصه معدله وكلتله اكو احد بحياتي.
  المهم وصلنه للجامعه  واخذت اول محاضرتين وطلعت رست ويه الشله جنه واكفين كالو. صار فتره ماكو بالتحرير صدك اني جنت ملتهيه ويه البنات وماردتهم يبقون وحدهم.  كلت عل اقل ياخذون عله جو البيت وامي  وابويه هم رجعو من السفر وطايرين بيهم.  خطيه بابا مختفي هو اصلا كلش تدواجده قليل. بس ماما مكيفه بيهم. وحيل حبتهم وحتى بيبي. خو ام صلاح بس ماتهلهل من شوفنه ننزل
  عاد. تفقت وياهم اليوم  من ارجع من الجامعه. اجي. وياهم. وهم شهد كالت محتازين سيارتج اكو مساعدتات لازم نوصله.
  اني عذراء اتصلت بيه عفتهم ورحت احجي وياها.  كملت وكعدت وحدي. واكيد افكر بيه. وكل صفناتي بي. اجه شاب.  شايفته اني هوايه هو من غير قسم. بس ماعدي معرفه بي. كال.

  سعد
  مرحبا.
  عشق
  اهلا
  سعد
  اكدر اخذ من وقتج كم دقيقه
  عشق
  تفضل
  سعد
  الصراحه اني معجب بيج من زمان. وكل ماريد احجي وياج بالموضوع اتردد اكول احتمال اكو احد بحياته بس الي تاكدت منه انو انتي ماكو احد بحياتج
  عشق
  اي بله وشلون. تاكدت
  سعد
  اني اسف  بس ترى احنه نفس الجامعه وهاي السنه الثالثه. احنه سوى
  عشق
  صح ماكو احد بحياتي بس اني جدا اسفه. عذري. وياريت متحاول نهائي بالمرضوع.
  سعد
  اسف مره ثانيه
  عشق
  مصار شي

  عشق
  الولد جان اسلوبه راقي.  الصراحه وتقبل رفضي برحابه صدر. بس الي وعاني من صدمتي من سمعت صوت اخر شخص اريد اسمعه كال

  وهب
  ليش جذبتي وكتيله ماكو احد بحياتي
  عشق
  هاااا
  وهب
  سمعت كلامكم عادي جان مثل ما كلتيلي. اكو احد بحياتي. جان كتيله هذا بهل طريقه راح يبقه يحاول يكسبج
  عشق
  (رفعت راسي وحطيت عيني بعينه وكتله)
  هذا موشيخ وهب حتى. احاول اخلق اعذار ومسميات واهرب منه هذا ان بقه او راح ميحرك ساكن.

  كلتله هيج وردت اروح.  ماجنت منتبه لكلامي لا يالله فضحت روحي. قبل مابتعد لزم ايدي. وكال

  وهب
  يعني اني الي جذبتي عليه ست عشق
  عشق
  هاااا لا هذا شسمه
  وهب
  خايفه لان اني وساهر اصداقاء
  عشق
  خايفه منك. انته حباب عوفني.

  كلته وشردت منه وراها خابرت. عله عذراء حتى نطلع كلت يجوز هيه ماتدري بيه هنانه كالت وهب هنانه وراح ارجع وياه.  عرفت عاد هو اصلا جان جاي عليه وراها
  ركض رجعت لبيتنه لكيت بابا وامي كاعدين عل غده. بوستهم وسلمت واكلت كم لكمه وصعدت بدلت ونزلت كتلهم رايحه للتحرير. بابا ضل يوصي ماتاخر وهل امور. بس اني بس اريد اشرد احس روحي مختنكه بس اريد اطلع  من المكان الي اني بي. احس شوفته خربطت كل اوضاعي خاصه بعد ماعرف اني. ماكو احد بحياتي. وهاي مجرد جذبه حتى اشرد منه زين اعرف وهب من عرف ماكو احد مراح يتركني بعد