هلا حبايب گلبي أكيد مشتاقين لبارتاتي الجميله ☺️
بس مجاي الحك اكمل بقيه البارتات وهسه رجعت الكم بارت جديد♥....
هلي زاد الوجع ضمولكم صوره 💔🥺
ع 3مرات رحت للمحكمه بس كلشي مجاي يصير وهواي جاي صير عكوسيات وقانون فاشل وحكومه فاشله وماعرف شوكت يصير خير براس الحكومه 😑
هواي جاي اراجع المحكمه ولحد لان ماكو شي جديد الي يريح كلبي وبالي وياخذلي حقي بس مانأيس ونكول الله كريم كلشي بوقته حلو ☺️..
هواي مشغوله بدراسه وجاي ادرس هواي واغلب اوقاتي دراسه او مسلسلات احبهه او ويا البنات نكعد نسولف او نصور ومكضيه اوقاتي او نوم 😂اهم شي النوم مينشبع منه نهائيآ 😂 ...
مرات الانسان يلتهي بشي حتى ينسي الم الماضي والحزن والكابه الي عاشهه واني دائما اطلع الي اشياء تلهيني حتى انساا الي اني بي واكمل حياتي
بس مرات التفكير يتغلب ع البشر وياذي واني هلايام هواي تفكير وحتى ليل مانامه من تفكير احس التفكير سلني بس كل هذا واكول الف الحمدلله والشكر ع كل حال لازم اتقبل الي اني بي 😑...
صح طلكت وكلشي خلص بس الاهل ماينسون وخصتا الاب مراح ينسى ودوم يذكر ودوم يجي يرزلني وعادي اني اكول زين يسوي بيه لان استحق الي سويته شي غلط بغلط واستاهل الحجي ورزايل والوم والاهل من مصلحتنه يحجون وخصتا لاب يريد مصلحه بنته ومن يحجي من حركه الي بكلبه ومالومه اكيد بس مرات نكول كافي احنا وصلنه نهايه طريق وابويه اكيد مراح يسكت كلما يذكر تضحيات الي ضحيتهن ع مود شخص ميتساهل يرجع يرزل ويلوم ويعصب 😂وكلش عادي تعودت ع ابويه واهلي لوميحبوني ميسون هيج ابد ولايحجون...
بس اني بيه طبع كلش محلو اضم بكلبي وماحجي بس اذا اجه وقت لانفجار انفجر وماتحمل بعد نهائيآ والشي المحلو بيه انو اكتم بكلبي واني صاحبه مرض سكري وياثر هذا شي ع صحتي 😑🥺وتتخربط صحتي كلش وهلايام جاي يصير عندي هبوط جدا قوي بحيث الهبوط يتحول الى الاغماء🥺وماحس بنفسي ابد اضل احجي واخربط وافقد عقلي يعني تخيلو اصير شلون المسودنه ومن يستقر سكر ياله ارجع لوضعي طبيعي بس هواي اعاني من هل شي لان حيل متاذيه ومايحس بالألم اله صاحبه 🥺..
الهبوط السكري احجيلكم عنه شوي يصير بالبشر صاحب سكر عرق قوي ع جبين ورجفه قويه وتشنج ونهته والعقل تفقدي كلش لمده ساعه او اكثر والعيون تغوش مشوفين دربج وهاي الحاله تروح من تاكلين شي حالي اوعصير ومرات اذا نازل سكر كلش هنا الحاله كلش خطره ويحتاج مغذي 🥺..
واني حيل اعاني من هذا الشي وجان ابد مابيه هذا شي جان بس يرتفع الارتقاع عندي احسن من الهبوط بهواي الارتفاع يتعالج بسرعه اما الهبوط هواي خطر واني هاي الحاله صارت عندي من زوجت وشفت الضيم والعذاب ضل يهبط سكري فجئه واني كاعده واني امشي 🥺مرات حتى طلعه مكدر اطلع من ورا هاي الحاله وندعولي بشفاء 🥺💔🤲🏻...
وصادفت سنويه خالتي الله يرحمه وسوينه قرايه بيت جدو واني هنا حيل تاذيت وذكرت خالتي وهواي بجيت بالقرايه واني عكس اهل سكر كام يصير بيه جنت بس انقهر يرتفع حاليا لا بس انقهر يهبط لصفر واموت الف موته واتمنا برتفع ولايهبط الله لايراويكم الهبوط شلون ياذي 💔🥺والحمدالله ع كل حال مدام هذا شي من الله احمد ربي واشكره الف مره ونكول موبعيده عند رب العالمين اذا راد يشافيني من السكر الي خلاه بيه قادر انو يزيله مني 🤲🏻والحمدالله والشكر
ورا سنويه خالتي 3 الله يرحمه كعدنه نسولف بالطبخ اني والبنات ونسوان خوالي وخالتي كاعدين عادي نسولف ونضحك بعد ما خلصنه شغل ونضفنه البيت فجئه يهبط سكري واضل اخربط بالحجي ويا البنات عقلي فقدته اخذتني مرت خالي تريد سبحني واني ماقبل نوب طحت مدري بروحي اله وشفن نفسي بالمستشفى اني وامي وخالتي وخالي ياربي اني شجابني هنا جنت فاقده الوعي لمده 4ساعات من حللولي وعلكولي مغذي ياله نتبهت عليهم والحمدالله رجع الي الوعي لوضاله بهاي الحاله جان حتى اهلي معرفتهم وتازمت حالتي بس الحمدلله بفضل الله واامي وخالي وخالتي الي ماقصرو ابد وربي يخليهم الي ويطول بعمرهم لو ماهمه جان اني هسه ميته لوصار بيه شي بالدماغ 🥺💔
وجات ارتاح ع مغذي وانتبه شوي وخالي جابلي حلويات حتى يصعد سكر شوي ويتوازن لان كلش هابط 60وكلش خطر اكلت شوي رتاحيت ورجعوني للبيت وجانو بيت جدو منتضريني ارجع وكعدو يمي وسولفو الي شنو صار بيه والبنات طلعلي ملابس وسبحت ورتاحيت شوي بس الصداع ابد ماراح مني 🥺..
والف الحمدالله والشكر ع كل حال ياجماعه ترا ماكو احسن من الصحه والعافيه لامال ولا بيوت ولا سيارات ولاكنوز الدنيا تعوض الصحه اذا خسرتوها فحافضو ع صحتكم واهتمو بصحتكم لان اني احس خسرت صحتي بسبب الحاله نفسيه والكابه والتفكير وصح مرات ابين انو اني قويه وفعلا اني قويه ومراح اضعف لان مريت بهواي امور وبهواي صعوبات وضروف وضليت اني قويه بس مرات مرضي يغلب علي وهنا مكدر اسيطر ع نفسي واتخربط بس ارجع اقوا واكول لا وراي شمات واني لازم اقوي نفسي واضل قويه والحمدالله والشكر ع كل حال 💔🤲🏻...
وأندعولي بالشفاء وراحه البال 🤲🏻
اللهُـ۾ القـوّه عـند الضُـعـف💛🍁يالله
وحبايب تعليقات وتصويت للبارتات الي انزلهم حتى انزل الكم بارتات جديده ولاتنسوني بدعاء🤲🏻💔
دفنوني والدفان ماضل عقل بي.
التفت لهلي وصاح ميتكم شبي💔🥺..
