حَسبالي حَچيك صدك وعَيونك تحَبني 💔🥺..
اكمل الكم حبايب گلبي ...
ضلت المشاكل مستمره وضل يخوني يوميه مخابرات ويه البنات وطلعات واني لوحدي ولاجنه مزوج ولاعبالك احنا الي حبينه بعض واني الي عاندت الدنيا ع موده وختاريته وردته سند الي وشريك حياه من صدك بس مع لاسف طلع كل ضني بي غلط وحيل تندمت لان جان اختياري غلط💔
"لا تُعاشر من أنكَر فَضلك بَعد الخِصام."😒😒
بوقتهه جان شهر محرم الحرام وصادفت الاربعينيه لامام الحسين ع وجنه ملتمين بيت مرت حماي الي هيه بنت عمتي واجت عمتي الي هيه ام مرت حماي ولتمينه سوالف وضحك واني جنت مالي خلك اجي لغرفتي لان زوجي رافع خشمه علي وعبالك ممزوج ماحاسبني اني بل بيت اصلا وياريت اكو اسباب من دون اسباب هيج يتغير علي المهم اني ماجي يمه بس اخلي اله اكل وشنو يريده انطي اله واطلع اروح يم البنات بيومه البنات وعماتي انتفقن من ليل انو ياجرن كيه سياره جبيره ونروح مشايه للخطوه الامام علي ع واني كتلهم اروح وياكم من ليل الكل وافق نروح اني وزوجي مانتحاجه راحت عمتي كالت اله باجر ناخذهه ويانه خوماضل الوحدهه بل بيت هوه مايحجي ابد لايكول اي ولا لا ..
خلصنه شغل وعشيناهم وكلمن راح ينام حتى نكعد من وقت نروح مشايه اني اجيت للغرفه لكيته نايم بس هوه منايم من صدك اجيت يمه كتله حبيبي باجر اروح وياهم لان اخاف اضل بل بيت وحدي وفعلا صح البيت كله حيروح وحتى هوه يحمل زوار يروح يعني مايبقى بالبيت احد هوه مجاوب علي ابد ولاجنه يسمعني دار ضهره ونام واني حيل نقهرت شبي هذا وليش هيج وياي 🙁..
صار الفجر هوه خله وطلع حتى مكعدني ابد جان يكعدني ويكلي وين يروح بس اني عرف وين رايح لان اليوم مشايه وزوار وهوه سايق ستوته ورايح يحمل زوار فه خليته براحته وخله وطلع واني ورا بشوي كعدت واجن الي بنات كتلهم ماروح يجوز ميقبل وخاف يسويلي مشكله كالت عمتي لا خوماضلين لوحدج اني هسه اخابره واكله فه تصلنه علي تصلنه فوك الميت مرا مايجاوب ابد فه عمتي ام رجلي كالت يولي وامشي خومانخليج لوحدج خليت وبدلت ورحنه ورا مارجعنه نمت حيل تعبانه وزوجي اجه متاخر المغرب اجه فه گبل بس اجه عاركني وگام يصيح ويغلط كتله شبيك ترا مصختهه شفتني ساكته لك وماوصل لاهلي تماديت علي گال امشي لانعل ابوج ويله كبل لمي غراضج وروحي لأهلج اني هنا حيل نقهرت وخذت تلفوني ورحت بيت حماي خابرت ع اخوي كتله خويه تعالي كال شبيج كتله هيج وهيج اخوي خله واجالي نتضرني برا كتله ادخل حاجي اني مانيتي اروح بس اريده يحاجي فه اخوي دخل غرفتي لكا نايم ع جربايه ولايهمه
لااحترام ولاتقدير اخوي كام يحجي واني كتله كوم لاسوي روحك نايم هوه كام وصار صياح وتكامشو واحد ضرب الثاني واني هنا فقدت كمت اصرخ وطكيت ميز المرايه بيدي ونشگت ايدي حماي جبير خابر ع ابويه گله هيج وهيج ابويه كال لحماي اني اجي اخذه لاتخليهه تطلع ابد اني ضليت بحيره واخوي عصب ويصيح علي يله ولج طلعي طلعي اني ضليت مكدر اطلع كلت لاخوي روح واني باجر اجي اخوي ضل معاند كال طلعي ماطلعت خله وزعل اخوي وراح بس جان سبب مني ماخابرت ابوي خابرت اخوي وتعرفون شباب طافشه ومايتحملون وتعاركو واني هنا كمت الوم بروحي 🥺💔..
وضليت ماحاجي زوجي ابد ولميت غراضي ورحت بيت حماي جبير انتضر ابويه يجي علي بس ابويه مااجه علي عمتي ام زوجي ماعدهه شغل وعمل غير ساده والكشافات اخذتنه لسيد وكل عاده سيد كال عليكم اسحار والولد مسحور موبيده بس همه يحبون بعض بس السحر مأثر واحنا تقريبا5ايام منتحاجه ابد وكاعده بيت حماي غرفتي اختنك منهه مااقبل ادخل الهه بس ادخل الهه اموت اختنك واضل ابجي معرف ليش 🥺🙁.
صار يوم سادس واحنا منتحاجه فه طلب
من اخو ومرت اخو يجي يعتذر مني واني جنت غافله ع روحه لاهلي لان تعبت حماي ومرته سددو البيبان وطلعو من بيتهم وخلوني وحدي واله ماشوف دخل علي زوجي اني جني ماشوفه وضايجه منه حيل اجه شبكني وگال اسف اعتذر اسف سامحيني اني غلطت وياج كلش اسف كتله مايفيد الاعتذار يوميه سوي هيج وتجي تعتذر وزيد ماتنقص گال لاوالله اعتذر ولاتخابرين اهلج يجون ياخذوج اني الي ماعندي گلب بسرعه سامحته واهله دخلو علينه وضلو يهلهلون هههه عبالك توه معرسين بس اني بعدني ضايجه منه لان ماحترمني ولاحترم اخوي بس سامحته كانو كلشي مصاير 🥺عرف راح يسوي الاكثر من هيج بس احبه موبيدي 💔..
" تظاهرتُ بأن كل ما حدث لي كان عاديًا ، بينما كان يؤلمني جدًا."💔🥺🥺...
واكمل الكم ع part 8
