(إنما القوة حكمه وليست وقاحه)
هلا شلونكم رجعت الكم باحداث جديده من القصه
بس هذا اليوم كلش سيئ بنسبه الي ومتعب 😥..
ماعرف الدنيا مارايدتني ارتاح ابد كلما ارد ارتاح وأكول خلصت ورتاحيت يطلع الي شي جديد ياذيني اكثر ويقهرني 😥
ابويه گالي هاي عمتج مشتكيه علي كانو اني مهددهه بالقتل مسويه ع ابويه دعوه ارتكاب ع مود صير دعوه بدعوه واتنازل عن حقوقي لان قبل ايام يخابرون وتعالو تنازلو عن حقوقها ياله ننطي الجنسيه ناس ماتخاف الله ابد خابر، شيخهم الي لايحل ولايربط انو اتنازلو ترا راح اسوي دعوه ارتكاب حتى تتنازلون ابويه كالهم مانتنازل وفعلا ماتنازلت عن اي شي وضلت الدعاوي جاريه عليهم فه هيه رايحه وحالفه جذب بالمحكمه وداكه كلام الله جذب انو ابويه مهددهه بلقتل وابويه صاله سنه ماشايفه من زعلتي لحد لان بس هوه الي يحلف بالقران وبالعباس جذب شنو نترجه منهم بعد بس هم يجيهم يوم يطيحون القران والعباس موشويه المهم اجه تبليغ ع ابويه فه ابويه ماهتم بس نقهر لان اخته دمه ولحمه هيج سوي مع لاسف واني ليل مانمته وربي😥..
وضليت بس افكر لصبح ومقهوره حيل منهم ومالي خلك ومختنكه وكمت صليت وقريت ادعيه ودائما اردد حسبي الله ونعم الوكيل عليهم لان ماجاي يتوبون مني مدري شنو الي يردونه مني حقي واخذو والحجي الي حجو علي اشكال وسلمتهم بيد الله بس موتوصل لدرجه يردون ياذون ابويه ع مود اتنازل عن حقوقي واني، سبق وكلت امدا الحقوق الي اخذهه منهم لان همه بخله وكلشي ولاالفلوس بس اني قصدي اعلمهم درس مينسو بحياتهم موعبالهم بنات الناس لعبه فه كالي ابويه صبح اجي عليج من وقت كتله تمام حتى. انقل الدعاوي ع الجنايات والامن الوطني لان الحكومه مرات تمشي برشاوي وهمه جاي يرشون المحاكم والمراكز ع مود ابنهم كلما يدخل سجن يطلعو وفعلا اي اجرائات قانونيه ماكو ورحت حتى انقل دعواتي وكملت والي همات روحه ثانيه حتى تكمل اجرائات نقل الدعواي
وحيل تعبت اني من روحه ورجعه ولعبان نفس واني منا تعبانه وماتحمل تعب ودوخه الدوائر الحكوميه تشلع الكلب وفره بس كل هذا تعبي مايروح ع فاضي وحسبي الله ونعم الوكيل عليهم واحد واحد مدام عندي ثقه بربي انو حيطلع حقي وحوبتي اني دائما بخير ومطمئنه 🤲🏻😥
بمحكمه البصره الكبره وصار عندي هبوط بالسكر حيل دخت واحس روحي راحت كلت لابويه راح اطيح اريد شي حالي راح ابويه اشترالي كيكه وعصير اكلتهن وشوي تحسنت بس ضليت دايخه وشايفين هبوط السكر اخطر من الارتفاع حيل ياذي
كملنه وع اخر شي اني روحي نسحنت بعد ماتحملت ردت اطيح بس ماعرف شنو الي خلاني مسيطره وماطحت صعدت بسياره واشرب بطل ماي بارد كله وغسلت وجهي مافاد ردت بس اوصل للبيت حتى انام وضلنه لبيت جدو طحت بالمطبخ ولكيت مرت خالي لحكتني ماي بارد ولفه اكلتهه وكصت الي ليمونه اكلتهه واكلت لفه بالحظه من ورا الهبوط بس اني من يصير عندي هبوط حيل اتاذى وحتى عقلي افقده وافقد الوعي فه اني ضليت اجيب واسطر بالحجي يم خالتي وبنت خالي ماعرف صرت شون المسودنه من كعدت بعدين وصحيت كلت اني شمسويه وسوالفو الي فه همه خطيه عرفو انو صار عندي هبوط وهاي لحاله كلش خايفه منهه دوم اشكي منهه وع 4مرات صارت بيه هاي الحاله بس مااسولف الكم عن الي يصير بيه من يهبط السكر حيل اتعب وحتى من احجي محد راح يحس لان مايحس بالمرض غير راعيه😥🥺....
نمت من ساعه 12ضهر الى ساعه 6مغرب لان يوم كامل مانايمه وبس افكر كلش تعبت لهذا سبب صار وياي هيج شي اليوم ونشالله ينذكر ماينعاد الله لايراويكم هذا شي حيل ياذي🥺والحمدالله ع كل حال
وندعولي بالشفاء وتسهيل امر ويطلع حقي وحوبتي من هيج ناس متخاف الله 🤲🏻🤲🏻🤲🏻🤲🏻😥
أتركها تأتي كما كتبها الله لك..... ❤
وانشالله اضل قويه لوشما يصير وياي واعرف هوايه ناس تحب تشمت وتحب تشوفني طايحه وتحب شوفوني انو نذل واطيح وماكدر اخذ حقي بس لا هذا شي ماراح يصير واضل ثابته ومصره واضل قويه قويه لحد الموت وكلما اطيح ارجع اوكف ع رجليه واخذ حقي بيدي ☺️🤲🏻..
ينتضرون سقوطنه وسقوطنه من سابع المستحيلات☺️👍🏻..
لم تعد تُربكني النهايات ، أصبحت أُصافحها بود☺️👍🏻
وانشالله اكمل الكم كل شيى يصير وياي ودعواتكم الي
🤲🏻❤😘
