ذمه برگبتك روحي وايامي الخذتهن
وذمه برگبتك ساعه ساعه المانمتهن ...💔
هلا حبايب رجعت الكم بتكمله القصه 🥺
وهنا وصلت لأهلي ومالي خلك اكول اني سويت لو من ذيج زعلتي طلكت واخلصت منه هسه شيخلصها وشيفضها وياا واول مادخلت كلهاا اهلي لامتني وكالو ها وها شكنالج موكنالج مايفيد ويسوي بيج لازيد وفعلا صح هسه وين وصلج اني كتلهم كافي كافي وضليت ابجي لان ماريد اسمع احد يلومني ويزيدهه عليه لان احس گلبي خلص وتعبت ومالي خلك اي بشر والسبب كله منه هوه الي وصلني لهاي المرحله💔🥺وخله الكل يحجي علي ويلومني واني من يوم ضحيت اله كتله لاتخلي احد بعد يشمت بينه اويلوم بيه گال لا ابد ماتوصل لهل مرحله بس طلع موكدهه وكلام فاضي طلع حسبي الله علي 🤲🏻..
ضليت اسبوع عند اهلي وضل يراسل بيه يوميه من حساب اني اخلي يراسل ومااجاوب ابد ولاجني اشوف كالي بس ردي عندي موضوع وياج رديت علي كال اني اريدج وحبج بس مابين الج كتله كلش واضح حبك الي مبين كتله انت لوتحبني من صدك ماسوي هيج بس بعد هاهيه نتهت دزلي ورقه طلاكي ماريدك وجان هوه بايك محبسي وجنسيتي وصك مالتي من جنطه بايكهن ومن يوم الي كتلني وطجت ودوني مستشفى فقدتهن بيتنه وكتله عليهن كال هذن موجودات عندي كتله لييش اخذتهن سكت ضل متواصل وياي ويشزف حالاتي ع نستكرام سبوع كامل اني انشر طلعاتي ومامهتمه اصلا هوه مات قهر كام يراسل ويغلط ويفشر كتله مالك علاقه بيه ودزلي ورقتي ماريدك رجائآ وخليت وحظرته وسواله خمسين حساب راسلني منهن واني احظر اخر شي ماتوقعت منه هذا شي يطلع كلت كلشي يطلع منه اله هذا شي مايطلع منه وطلع منه هذا شي ونصدمت اكثر واكثر😣....
موزع حسابي الانستكرام ع اصدقائه وكلساع واحد داخلي منهم اني اعرفهم واحد واحد وشايفه اشكالهم من جنت عنده اعرفهم وشايفتهم بل صور بتلفونه فه كبل عرفتهم وابد مارديت نطيت تلفون لاخوي حجه وياهم ومرا صديقه الروح بروح دز بصمه وكاتب بيهه ممكن نصير اصدقاء اني ماجاوبت نهائآ بس حفظت البصمه وسمعته لابوي ووحظرت وضل يوميه يدخل من حساب شكل واني ابد مارد ع احد وخابر لابوي كله هيج بنتك وهيج وهيج ماضل تهيمه ماذبهه علي اشكال نهايم ابويه يعرفهم بس نقهر واجه ضل يحجي علي ورزلني وحتى مانطاني مجال للكلام وضل يلوم بيه كال لو متخلصه من هل خيسه من زمان اني شكتلج هذول بليه شرف ماعدهم غيره كتله اي بعد اني غلطت بهاي وضحيت لواحد ابد مايتسحق تضحيه 🥺💔واحجي وابجي لان الكل صار ضدي مريت بايام بس الله الي يعلم بيهه شنو من ايام عذاب وقهر والوم ورزايل 😣🥺💔..
اللـه يكثّر من الأيـام اللي تواسينـا💔
صفت لامور رجعت عمتي راسلت وتوز ابويه علي يومسه بكلام شكل وياريت الكلام صدك ماكو اي مخافه الله عدهم رجع هوه راسل ابوي يكله بنتك مواني الي جبتهه من يوم ضحيت له واهنا اني تسودنت لان هوه مرا كلي وسبق وذكرت الكم بالبارت كالي راح ارتكب عليج واذب عليج بلوه وجذبه حتى يكتلونج اهلج يعني شوفو الحقاره وين وصلت بي🥺ابوي سودن اجالي كام يصرخ علي كتله والله جذب جيبلي القران احلف الك علي او اخذني لابو فاضل احلف ابوي شوي هدا ودزلهم بصمات وطيح حظهم وكال الهم اطلبكم لابو فاضل ع هذا الكلام تحلفون وانعل والديكم كالو لامانحلف ومن ابوي كالهم راح اشتكي خافو وكالو اي مستعدين نحلف اني هنا تخبلت بزايد شنو خاب القران وابو فاضل مولعبه شون يحلفون بي جذب 😑... بس ذكرت همه عايشن ع الجذب والبوك وماكو اي مخافه من الله ورحت كبل خابرت عمتي وكتله شون هيج راح تحلفون جذب علي كالت ي نحلف عادي تكلي عادي احلف نكسه اني ومايصير بيه شي كتلهه شلون كالت اي روحي تنازلي ع حقوقج حتى نعوفج بحالج ونطلكج كتلهه حسبي الله ونعم الوكيل عليج وع ابنج وانشالله كما تدين تدان كتلهه خافي الله انتي عندج بنات باجر عكبه يصير بيهن مثل مجاي سون بيه واني بريئه🥺💔
وخليت وسديته وحظرتهم كلهم لان كمت اكره ينجاب طاريهم كدامي🥺مايخافون الله
