هلا كليباتي صح تأخرت عليكم بس والله ضروف عائليه شوي ومكدرت اكتب الكم بارت جديد وهواي صارت احداث ☺️..
عندما يموت القلب تبدأ متعه الحياه🖤
استمريت كل اسبوع او سبوعين اروح محكمه ع مود حقوقي ومتت تعب تعرفون بعد دوائر الحكوميه شلون متعبه بس الحمدلله التعب ميروح صح معاناه روحه ورجعه وتعب بس ضليت مستمره اخذ حقي اخذه لو شما يصير فه اخو جان كفيل اله وديت اله اكثر من تبليغ مااحظر فه الحكومه عرفت شلون تصرف ويا حجزو راتب اخو لان هوه كفيل اله من هاي ناحيه رتاحيت احس ذليتهم لان همه كلشي ولاالفلوس بخل موضوع ثاني طكيته دعوه اثاث وغايب وصدر علي الغاء غبض بس ماحظر وطلعو علي كذا مرا مالزمو يشرد 😂
وبعدين ضل يهبت علي وع حساباتي هههه لان مصلحته يمي يريد مثل قبل يتوسل ويسوي روحه الحبيب الوفي هههه مايعبرن علي هذن بعد لان عرفت الي يحبني والي يكرهني فه اني مهتميت ضل يركض ويدور وماعرف شلون حساب تكتك مالتي لاكي لان اني دائماً انشر فه اعتقد عرفني من النشر لان يعرف نشر مالتي والتكتك مالتي عام فه ضل يطبلي من حسابات وابد ماهتم وكل ميطب من حساب احظر حظر اني ترا كادره احذف حساب واسوي جديد بس اني اريد اذله مثل مااذاني وشلع كلبي وخاني اريد اردهه اله اضعاف اله والحمدالله ماقصرت بي والجاي اكثر بعد...
فه من شافني ممهتمه ومومثل قبل ضلو يدزون ناس لابويه شكلك احنا. حنا لان تحاصرو ههههه وسبق وكلت كلشي ولا يخسرون فلوس همه عبالهم بنات الناس لعبه عدهم فه كليوم يدزون ناس لابويه وابويه يطردهم يكلهم سويتو موقليل لحد يجيني احنا وياكم والحكومه وهمه مسودنين ماخلو واحد مدزو ع ابويه ههههه بعد مصلحتهم يمي الجبناء😂😂
ابويه كالهم حقوقه كلهه تسلم وذهب مالته وكلشي اخذتو ياله اروح اتنازل عن الدعاوي اني هم كلت لوشما يصير اي دعوه ماتنازل عنهه ومااسوي غلطه قبل لان سويته قبل ويا وتنازلت وتندمت وماعود نفس الغلطه ابد.....
فه اني هنا احس براحه من هاي ناحيه لان هواي عانيت وهواي تحملت حجي وغلط ولوم بحيث وصلت بيه للانتحار لان مليت بس كلت لا لازم اتحمل واخذ حقي لو شما يصير وخلي الي يحجي يحجي واستمريت وضلو يتوسلون يابه نحبه ونريده واحنا واحنا اني منطتهم ذان طرشه وحاكرتهم احس هيج اذلهم بالاكثر ومثل ماسو بيه اسوي بي اضعاف...
سنلعب كما يلعبون وبحجم الألم سيكون الانتقام☺️👍🏻
ويوم من لايام اني كاعده واجالي ابويه گالي هذول جايبين مليونين ونص ويكولون سقطو دعاوي كتله شنوو كتله لو تطابق السما ع لارض مااتنازل عن اي دعوه گالي هوه هيج اني كتلهم ماكو وكتله اني موع الفلوس اريد اذلهم لااكثر مثل ماذوني والشفته منه ومن اهله موقليل وداىما اندعي ربي واكول حسبي الله ونعم الوكيل يارب يطلع حقي ومايضيع تعبي وفعلا رب العالمين مايقصر ابد الحمدلله...
ومتعاركين هوه واخو ع شغله الفلوس لان يسحبون راتب اخو لان كفيل اله هوه وصايره ملاطخ بينهم وهم اجو لابوي يتسوسلون وابويه طردهم كلهم مشكلتكم البنيه ماتقبل تتنازل اذا موحقهه كامل تنطو الهه الحمدلله شوفو شكد ماتعبون وتعانون وتتاذون وتسمعون حجي ياذي لابد يجي يوم وتفرج الكم ويطلع حق كل مضلوم وحق كل شخص ماذينه الف الحمدلله..
اعشق الانتقام لكن بطريقة غير مباشرة 💀
اني مسويه علي دعوه اكترونيه لان سبق وكلت الكم وزع حساباتي ورقمي ع جماعته وضلو يراسلون بيه واني ماانقلب بهيج سوالف نهائيآ اخذت مراسله والبصمات والارقام ونطيتهم لابويه وابويه سوه علي دعوه لان هاي تعتبر تشهير بالعرض والسمعه وابوي ماقصر وشتكيت علي سويت علي دعوه هوه وشكو شخص راسل والحمدالله قبل ايام صعدت جنحه القضيه مالتي لان جان كلش محترك كلبي من هيج تصرف منه اكول الغيره وين راحت بس حقه الي يدور ولد وين يعرف غيره اصلا وبسبب هذا شي اهلي سوو بيه عمل وسمعت حجي وتاذيت كلششش بس ضميته بكلبي اله وكلت يارب اخذ حقي منه والحمدالله القضيه صعدت وطلبوني ورحت كالو تتنازلين كتلهم ابد ماتنازل عن هاي القضيه لان هاي القضيه اني اتانيهه ع نار حتى ياخذ جزائه مني ومن الله حسبي الله ونعم الوكيل وانشالله ياخذ جزائه...
لا تأخذ لطافتي على انها ضعفي 😌
جنت هواي انقهر واضعف كدامه واكول خطيه ماسوي شي ياذي او يضوجه لان جان نقطه ضعفي هوه ماحب اله لاذيه جنت يمه ضعيفه بكلشي بس بعد سوا بيه لاراح ينكسر كلبي علي ولا راح اكول خطيه هوه جان مستغل هذا الشي بيه بس هسه گلبي مات والكلب اذا مات تبدي متعه الحياه ☺️...
هواي حجو علي يابه عوفي يولي ماعرف شنو بس اني احب انتقم واخذ حقي بيدي لان السو بيه ابد موقليل ويستحق كل هذا.و اكثر والحمدالله هيج مرتاحه وماراح ارتاح اله اشوفه اكثر ينذل هيج ناس مايفيد بيهم اله الذله والاهانه 👍🏻☺️..
قـويهہ ڪالحرب لاتهزﻣني ٲلف معرڪهہ ♪♪ وعفويهہ ،ڪالسلام لاآبـﺂلي لٲلف ڪلام 🖤
ونشالله القادم افضل باذن الله وحقي مايضيع نشالله
كن مع الحق والحق يكون معك 🤍...
