الجبان يضل جبان شما صعد سوكه
لو تنطي سيف الزير ما يرافن فتوكه✌🏻اي وربي
صار شي كلش ممتوقعته يصير بس هوه جبان يضل جبان
يوم موعد محكمتي ع مود مستمسكاتي ميقبل ينطيهن طلگ وميقبل ينطي اي شي وهمه ناس تايه ماتجي بالعشائر فه احنا ناس قانونين وذبيناها ع الحكومه والقانون 👍🏻
طلعنه اني وابويه ساعه 7ونص الصبح الى محكمه سفوان لنقل الدعوه فه تاخرنه بالمحكمه ونطونه كتاب ارجعه للمركز خلصنه ورحنه تغدينه ورتاحينه بيت عمتي بسفوان طلعت ع مود انقل دفتري مال العلاج من مستوصف الخور وهمات كملنه وحظرت جنابه ضابط المركز خامد نتضرنا ع ميكعد ابويه كالي امشي للمحل نشتري عصير وشي ناكله ع مايكعد هذا ضابط كتله تمام خلينه سياره كبال المركز ونزلنه وراها خلصنه وطلعنه من المحل فه بطلعتنه لاكانه اخو الجبير هوه وابنه زغير شافوني وكامو يتلفتون ورجع علينه 3مرات يتاكد هاي احنا لولا
فه شوي وطلع هذا البيتهم هما بيتهم غريب ع مركز الشرطه كلش غريب شوي واجه طليقي عبر من يمنه ويسوي لابويه بسيطه احنا ابد ماهتمينه لااني ولاابويه سوينه روحنه مانشوفه بس من سوا لابوي بسيطه اني غميته وسويتله بسيطه وخزرته هوه شمر طابوكتين گبار ع سياره واحنا كاعدين بسياره ابويه ركض وراها بالعكال وهوه حرك بستوته وشرد احنا نزلنه حمكانين ع المركز لان هذا شي صار كبال عيونهم وكبال الكاميرات نزلنه طيحنه حظ الحكومه وهذا الحقير بثناء مانزلنه نسوي دعوه علي ونسلم الكتاب راجع طليقي ع سياره شامر طابوكتين كبار جامه تفلشت نصهاا القدام فه اني هنا شطت تسودنت كتلت الضابط لان حشاكم مركز مايفيد كلهم جبانيه صار هذا شي امام عيونهم وكلشي ماسوو اني موتت الضابط كتل والشرطه طيحت حظهم وتربعت وكتلهم اليوم انعل والديكم شنو انتم بس اكل ونوم ماكو حمايه لشعب تمشون بس برشاوي همه بس يباوعون الي وساكتين عرفو ارواحهم غلطانين..
لضابط كالي بابا اهدي كتله شهده اذا مركز خايس مابي واحد كفو. بيكم يكض هذا المستهتر ابويه ضاج هم حيل منهم وكلهم رايح اشتكي ع مركز كله لان فعلا مخانيث المهم شوي واجت امه فوك ماتهجمو علينه الحقراء جايه تكل لضابط ولدي بل زياره اني هنا سودنت منهه كضيتهه كدام الضابط من زيجهه وتفلت عليه غركت وجهه بتفله ودفعتهه وكتلها والله اموتج تموت بس تحجين كلمه يامجرمين شالت نعال تكرمون تريد طكني بي اني كتله نزلي نعالج لاحطه بحلكج وخزرتهه منا لحد مانزلت نعاعلهه النذله وحقيره كامت تغلط غلط مال نسوان مايستحن كلش غلط مايلبس علي ثوب 😏
طردها الضابط وراحت نكلعت واحنا لعبت روحنه من ضابط لان مايطلع لامفرزه لاصخام كناله احنا رايحن نشتكي بالمحكمه الكبره ضابط والمفوض والشرطه كلهم تركض ورانه بس تعالو كامو يتوسلون لان هذا شي راح يضرهم امام عيونهم صار هذا كله وكلشي ماسوه بطلعتنه لابدين هوه واخوانه 5وابوهم تهجمو علينه مره4وهذا تهجم الاخير احنا والموت شعره لابدين ورا المحل وكام البلوك يشمر علينه من كل النواحي اني خفت ع ابويه كلش بس هوه الطابوك كله اجه بجامه القداميه والكزاز طشر علينه اني كلشي ماهمني بس ابويه خفت علي حيل ابويه ماعرف شلون سيطر ع السكان ودار سياره زين ما ندعمنه لو ابوي سوا حادث راد يدخل بالمحلات بس الله ستر ودفع علينه االف الحمدلله بالحديد ولحديد يتعوض...
رجعونه الحكومه وشافو كلشي بعيونهم بس ارجع واكول والله العضيم موزلمه الي يسوي هيج بس المخانيث يسونهه وهيه دائما االجبناء تفزع ع الشجعان ابويه يكله بس اوكف كبالي مايوكف يشمر طابوك شلون طفل ويشرد يشمر ويشرد مايواجه ابد وغدر شغله كله غدر وسلمته بيد الله واهل البيت وع كولت ابويه هذا بختي وبختج جابه وهيج سوا حتى ينكشف ويتادب بالحكومه وهذا عتبار شروق بالقتل وتهجم هوه واهله كلهم واني وابويه بس لوحدنه لويستحي ماتهجم ع رجال جبير وبنيه بس اني ماقصرت بيهم حظهم طيحته المركز طيحت حظهم وامه هنتهه كدام الحكومه وهوه طليقي حدته وشرد ولو طايح بايدنه الله يعلم شسويت بي بس مانكس ايدي وايد ابويه بي لان هوه مستهتر ومن جاي متعاطى الحبوب وجاي شلون المخبل حسبي الله ونعم الوكيل علي وع اهله المجرمين...
وهسه سوينه دعوه واذا اكو حكومه عادله تاخذ الحق منه ومن تصرفه الي سواا
واني لحد الان ماكايله لاخواني واهلي اني وابويه نخاف ع اخواني لان شباب طافشه ويرحون يسون شي ومانريدهم يتاذون ومانريدهه تكبر انريد الحكومه تاخذ مجراهه نتفقنه اني وابويه هسه كلشي منحجي بس انشالله اخذ حققي وحق ابويه وتصرفه هذا باقرب وقت وحقي اخذه بيوم محد متوقعه نشالله وبحيل الله كل ضالم ياخذ جزائه 🤲🏻
والحمدالله الكل كشفهم ع حقيقتهم الحكومه والناس انكشفو وع كولت ابويه لاتهتمي ولاتنقهري بس الجبان يسويهه وفعلا صح هذا تصرف جبان ونبقى واكفين ومانطيح لو شما حفرو النه ✌🏻
وندعولي ينكضون ويخيسون بالسجن لان مصيرهم السجن هيج عالم ماتخاف من الله
أخالفك قولك ، هنا يقصد بالشجاع الرجل الذي لا يهاب شيء سوى آلله عز وجل ، أما الجبان فدائما مايهتز ويستسلم لنفسه الضعيفة وينسى أن العزة لله🤲🏻♥...
