جاكيت اصفر

بنت غريبة

دخلت المطبخ عشان اجيب الطبق والكوباية والمعلقة انصدمت من اللي شوفته.
لقيت بنت واقفة في المطبخ بس الدنيا ظلمة بداءت اتكلم وانا متوترة وخايفة .

انا : انتٍ مين .. و دخلتي هنا ازاي .
البنت الغريبة : ايه يا مريم مش هترحبي بيا ولا ايه .
انا : بقولك انتٍ مين و دخلتي هنا ازاي .

لقيت البنت جريت عليا ومعاها سكينة طلعت اجري علي بره عشان استنجد بالجيران.

انا : الحقوني.. الحقوني .
الجيران : في ايه يا بنتي ايه اللي حصل .
انا : في واحدة جوا الشقة وعايزة تقتلني .

الجيران دخلوا الشقة عشان يمسكوا البنت بس ملقوش البنت الغريبة دي .

الجيران : فين البنت اللي عايزة تقتلك دي يا بنتي .
انا : كانت هنا ... كانت في المطبخ هنا .
الجيران : اهو يا بنتي مفيش حد خالص هنا وكمان مفيش أثر ان كان في حد هنا .. اهدي كده تلاقيكي كنتي بتحلمي و اتلخبط الحلم معاكي مع الحقيقة.

طلعوا وسابوني في الشقة لوحدي بس كنت مش مستوعبة ازاي البنت خرجت من الشقة دخلت تاني المطبخ ملقتش حاجة خالص حتي السكينة في مكانها والمطبخ فعلا زي ما هو كأن مفيش حاجة حصلت .

انا : ازاي ده .. دي كانت واقفة هنا .. هو ايه اللي بيحصلي ده يمكن هلاوس بس .. انا هروح اكل وانام

روحت اكلت وجهزت نفسي عشان انام و نمت علي السرير بس مجاليش نوم قولت أقف في البلكونة شوية يمكن لما أقف كده يجيلي نوم .
روحت البلكونة وقعدت استمتع بهدوء الليل و نسمة الهوا اللي فيه وفجأة لقيت البنت دي واقفة تحت في الشارع و بتبصلي فوق في البلكونة روحت نزلت بسرعة عشان الحقها ولما نزلت ملقتش حد روحت الي حارس العمارة عشان اسأله.

انا : هو انت مشوفتش واحدة كانت واقفة هنا و لابسة جاكيت اصفر كده .
حارس العمارة : لا والله يا هانم مشوفتش حد واقف هنا او حتي عدي من هنا .
انا : خلاص تمام يبقي كأن بيتهيألي.

طلعت الشقة تاني وانا متأكدة اني شوفتها و في كل مره انا بردو متأكدة اني شوفتها بس اللي انا استغربته ان محدش شافها خالص غيري روحت دخلت نمت عشان عندي شغل كتير الصبح .

جه تاني يوم وفكرت كده في اللي حصل وقولت لنفسي ده اكيد كان حلم جهزت نفسي وروحت الشغل

موظفة الاستقبال : أستاذة مريم .. حضرتك عاملة ايه .
انا : الحمدلله كويسة .
موظفة الاستقبال : ده احنا كنا قلقانين عليكي حضرتك كويسة ؟ .
انا : اه انا كويسة .. هو ايه اللي حصل .
موظفة الاستقبال : حضرتك غايبة بقالك اسبوع فاحنا كنا عايزين نطمن علي حضرتك انك بخير .
انا : غايبة بقالي اسبوع ! .
موظفة الاستقبال : اه يا أستاذة مريم حضرتك كنتي غايبة بقالك اسبوع .
انا : خلاص تمام .. شكرا علي سؤالك .

بعد ما اتكلمت معاها احترت اكتر قولت دي اكيد بتهزر وقولت اروح اشوف في المالية انا كنت فعلا غايبة ولا معمول فيا مقلب ولا ايه بالظبط بس لما روحت المالية لقيت فعلا انا كنت غايبة بقالي اسبوع قومت روحت الي المدير عشان امضي علي اجازة عشان حسيت نفسي مش كويسة بسبب اللي بيحصل ده .

رجعت البيت عشان اريح وافصل من اللي بيحصل حواليا بس كنت مستغربة هو انا روحت فين في الأسبوع ده وقعدت افكر .

انا : انا ازاي مش فاكرة اللي حصل ... طب هو انا روحت فين الاسبوع ده ... طب ازاي اخرج و اروح مكان وانا مش فكراه اصلا ... طب مين اللي يساعدني عشان افتكر ... خلاص انا هروح بكره الصبح عند دكتور نفسي ممكن هو اللي يعرف ايه اللي بيحصلي اذا كان ده هلاوس او حقيقة و هو اكيد عنده حل ومبرر في اللي بيحصل ده .

جه الصبح و روحت العيادة لدكتور ياسمين وحجزت وقعدت مستنية يندهوا عليا عشان ادخل للدكتور ولما سمعت اسمي اتنده عليه ودخلت كانت الدكتور بظهرها

دكتور ياسمين : اتفضلي يا مريم استريحي علي الشيزلونج .

روحت نمت علي الشيزلونج وفضلت قاعدة مستنية الدكتور لما تخلص اللي بتعمله راحت لفت واتصدمت