جاكيت اصفر

النهاية

بعد فترة من اللي حصل اهل ولاء اتهموا اهل شاهندا بأن اللي حصل في ولاء ده شاهندا السبب فيه عشان ولاء اتخطبت لصابر اللي هو كان بردو خطيب شاهندا .

كنت الفترة دي بحاول أقرب من اهل شاهندا عشان اعرف اي حاجة عنها او مثلا كانت شخصيتها كانت عاملة ازاي و كان مين أقرب حد ليها قبل ما تختفي .

واللي عرفته ان شاهندا بعد ما صابر سابها و خطب ولاء كان بيتصل بيها كل شوية وهي مش بترد و كان بيحاول يتواصل معاها و كان اوقات بيهددها بس مفيش حد كان عارف السبب بس شاهندا كانت بتتعامل معاه بكل برود و مكنش في حاجة تهمها و حتي كان بيجلها تحت البيت بتاع أهلها عشان كانت سابت الشقة و قعدت مع أهلها و بردو مفيش حد عارف هي كانت مخبية ايه عشان كل ده .

البوليس شك في صابر لانه كان يعرف شاهندا و ولاء و هما الاتنين اختفوا بطريقة غريبة و ضغطوا علي صابر في التحقيقات يمكن يقول اي حاجة كان عارفها عن الموضوع أو حد فيهم كان معرفه حاجة عن اللي حصل.

بعديها بفترة لقيت شاهندا جتلي الاوضة بتاعتي و كانت بتضحك .

شاهندا : انتِ بجد عملتي معايا عمر ما حد كان هيعملها معايا و انا كنت عارفة انك الوحيدة اللي هتساعدني .
انا : ده عشان قولت لأهل ولاء ان انا عارفة مكان بنتهم.
شاهندا : و مش بس كده ده و كمان صورتها هتتغير في عين كل الناس اللي يعرفوها و كل واحد هيعرف الحقيقة اذا كانت هي أو صابر .
انا : طب و ايه هي الحقيقة؟
شاهندا : هتعرفي قريب اوي .
انا : طب وانتِ ليه اتهمتي صابر بأنه قتل سلمي مع انك بتقولي سلمي عايشة مش ميتة ؟
شاهندا : عشان صابر لازم يتحبس لحد لما تجيلة التهمة الحقيقية.
انا : طب و سلمي فين ؟
شاهندا : سلمي في بيتها في دمياط .
انا : طب و اللي ادفنت دي كانت مين ؟
شاهندا : لو فتحتي المقبرة اللي كانت فيها سلمي هتلاقي المقبرة اصلا فاضية .
انا : طب و أهل سلمي مش هيتفاجوا ان بنتهم عايشة بعد ما دفنوها و اخدوا كمان العزا ؟
شاهندا : لا ... مفيش حد هيبقي فاكر حاجة غيرك انتِ.
انا : ده ازاي ده ؟
شاهندا : ده بقي اللي هتعرفيه قريب جدا .

و مره واحدة شاهندا اختفت بس اتعودت انها تظهر خلاص و بطلت اخاف منها و ببقي حاسة انها صعبانة عليا بس معرفش ايه السبب حتي مكنتش اعرف الحقيقة كلها كل اللي اعرفة انها اتخانت بس ده طبعا مش مبرر علي الاختفاء ده .

عدت فترة وبردو كان لسه البوليس بيحقق مع صابر برغم ان سلمي عايشة بردو كان لسه محبوس .

لما البوليس ضغط علي صابر اكتر من الاول اعترف علي كل حاجة حصلت و ان كان صابر اتعرف علي شاهندا لما اجرت الشقة منه و أعجب بيها و كمان ارتبط بيها لحد لما طلبها من أهلها و خطبها و لما كانت ولاء بتيجي تزور شاهندا أو شاهندا بتخرج معاها كان أعجب بيها هي كمان و كمان كانت ولاء هي كمان معجبة بيه و كان صابر و ولاء بيتكلموا مع بعض لحد لما ارتبطوا ببعض في السر من غير ما شاهندا تعرف لحد لما صابر قرر يسيب شاهندا و يروح يخطب ولاء صاحبتها الانتيم و فعلا ساب شاهندا و شاهندا لما عرفت كده اتقهرت جامد حتي كانت بتعالج نفسياً لحد لما شاهندا عرفت ان صابر كان سارق العمارة من صاحبه و كان في الوقت ده صاحبه مش في واعيه و قاله انه يتنازل عن العمارة ليه هو و لما شاهندا عرفت كده قررت تدور ورا و تدور كمان علي الورق ده و عرفت صابر ان الورق اللي يثبت ان العمارة دي مش العمارة بتاعته معاها و من هنا صابر اتوتر و خاف من انها تروح تودي الورق ده لصاحبه و يروح عليه كل حاجة ساعتها راح لولاء و اتفق معاها ان ياخد الورق ده و يتخلص من شاهندا عشان متقولش حاجة و استغل الوقت اللي اهل شاهندا كانوا مسافرين  و قال لشاهندا تيجي الشقة بتاعتها القديمة عشان كان عايز يتكلم معاها في حاجة ضرورية و فعلا شاهندا جت و اول ما وصلت خبطها علي دماغها و ضربها لحد لما ماتت و ولاء ساعدته في ده و حطوها في المخزن بتاع الشقة لحد لما يعرفوا هيتصرفوا فيها ازاي و اخدوا جثة شاهندا لمكان عامل زي الجنينة المهجورة كده و دفنوه هناك بس لاحظوا ان اديها اليمين مش موجودة و الموضوع سكت علي كده و بعد سنة الموضوع اتفتح تاني لحد لما ولاء طلبت من صابر انه يكتبلها الشقة باسمها و صابر كان رافض انه يكتبلها الشقة باسمها لحد لما ولاء هددت صابر بأن لو مكتبش الشقة باسمها هتروح تبلغ عن صابر بأنه قتل شاهندا و تقولهم عن مكانها قام صابر مهديها و قالها تعالي بكرة الشقة اكون مجهزلك ورق التنازل و لما وصلت تحت العمارة قام خبتها بالعربية و صبر كده كام يوم و راح حطها في مستشفى و قال هناك انهم يتصلوا بأهل شاهندا يقولوا انهم لاقيه جثة شاهندا وعقبال ما أهل  شاهندا وصلوا كانوا جهزوا ولاء علي اساس انها شاهندا و ادفنت علي كده و لما عمل كده بيفكر بأن كده اهل شاهندا مش هيدوروا عليها تاني و أهل ولاء مهما يدوروا مش هيلاقوا حاجة خالص .

وبعد الاعتراف ده صابر اخد سجن لمدي الحياة بس الأوراق اللي تثبت ان العمارة دي مش بتاعته مش موجودة و مخبيها عند اخوه وائل .

وبعد اللي حصل ده كله قدمت الاستقالة بتاعتي من الشغل و لميت حاجتي و سلمت الشقة الي وائل و رجعت تاني الي دمياط و اول ما وصلت حبيت اشوف كلام شاهندا صح ولا غلط و خبطت علي باب الشقة بتاع سلمي لقيت سلمي بنفسها فتحتلي الباب و فرحت جدا لما لقتني قدامها بس الغريب بقي ان سلمي مش فاكرة حاجة و كانت بتقولي اخيرا رجعتي من القاهرة و سألتني عن شكل القاهرة عرفت ان فعلا سلمي مش فاكرة حاجة من اللي حصل و حتي اهلي كمان مش فاكرين حاجة من اللي حصلت ده كمان مش فاكرين أنعم جم عندي القاهرة و بعد كده حاولت اعيش الحياة الطبيعية بتاعتي و لقيت شغل تاني في دمياط و كنت لسه بفكر في شاهندا و طنط سوسن و مش بيروحوا عن بالي و كانوا بيجولي لما بكون قاعدة لوحدي و كنت ببقي مبسوطة لما بشوفهم و كنت بفكر في اللي حصل في القاهرة و ازاي بعد اللي حصل ده كله انا لسه سليمة و بعد كده اتخطبت و اتجوزت و كملت حياتي الطبيعية بس بردو كنت لسه بفكر في اللي حصلي هناك في القاهرة.