جاكيت اصفر

السر

نمت علي الشيزلونج لحد لما الدكتور تخلص اللي بتعمله راحت لفت واتصدمت.

لقيت نفس البنت اللي شوفتها في الجنينة و في المطبخ من الصدمة مش عارفة اتكلم وحسيت نفسي ان اتجمد في مكاني ومش عارفة اتحرك .

البنت الغريبة : ايه يا مريم مش يلا نبدأ العلاج .
انا : ابعدي عني ...انت عايزة ايه ... حد يلحقني... الحقوني .

طلعت اجري علي بره واصوت عشان حد يلحقني بس ملقتش حد بره ولقيت العيادة شكلها غريب كأني في مكان مهجور وضلمة فضلت اجري عشان حد يلحقني بس كل ما اوصل عند باب ألقي الباب اتقفل كأنه حيطة ومكانش في باب من أصله وبردو البنت الغريبة دي فضلت تجري ورايا وانا مش عارفة اهرب منها .

انا : الحقوني ... حد يلحقني.
البنت الغريبة : (ضحكة شريرة ) مفيش حد هيلحقك يا مريم لأنك ببساطة انتِ مش في العالم بتاعك .. انتِ دلوقتي في العالم بتاعي .
انا : انتِ عايزة مني ايه ... ابعدي عني .

لقيت نفسي مره واحدة اتكتفت في كرسي وايدي ورجلي مربوطين ومش عارفة اتحرك فضلت اصوت

البنت الغريبة: متتعبيش نفسك كل اللي انتِ بتعمليه ده كله علي الفاضي بس متخافيش لسه مجاش وقتك .

لقيتها جابت حاجة سودة كده في اديها وربطتها علي عيني وساعتها وحسيت اني بدوخ وخلاص مبقتش سامعة صوتي وبعد شوية لقيت نفسي مش قادرة اصوت تاني ولا حتي قادرة أقاوم اكتر من كده .

فتحت عيني لقيت نفسي نايمة علي السرير في الاوضة بتاعتي بس كانت الساعة 6 الصبح وده الوقت اللي المفروض اجهز فيه عشان اروح الشغل رحت قايمة من علي السرير واخدت دش وروحت جهزت و روحت الشغل واقنعت نفسي بأن كل اللي حصل ده كابوس وراح لحالة وأول ما وصلت للشغل قالوا لي ان المدير عايزني روحت خبط علي الباب ودخلت للمدير .

المدير : اتفضلي يا مريم اقعدي .
انا : قالوا لي ان خضرتك عايزني .. خير أن شاء الله.
المدير : اه انا كنت عايزك .. كنت عايز أسألك سؤال .
انا : اتفضل حضرتك .
المدير : انا عايز اعرف ايه سبب الغياب من الشغل
انا : غياب ايه .. اه حضرتك تقصد علي الاسبوع اللي غبته.. ده انا كنت تعبانة شوية .
المدير : طب والاسبوع ده ؟
انا : الاسبوع ده ! ... هو انا غبت الاسبوع ده كمان ؟
المدير : اه كده انتِ غيبة اسبوعين في نفس الشهر .

ساعتها عرفت فعلا أن اللي شوفته في الحلم ده مكنش حلم وأنه كان واقع وإني فعلا كنت في عالم البنت الغريبة دي وساعتها مكنتش عارفة اشرح للمدير ايه اللي حصل وحتي لو قلت مش هيصدقني .

انا : معلش اصل انا تعبانة شوية عشان كده انا كل شوية بغيب .
المدير : لو هتفضلي كده روحي للدكتور احسن لك .
انا : تمام شكرا لحضرتك.

طلعت من عند المدير وانا محتارة مش عارفة اعمل ايه وبعد لما خلصت شغل روحت ولقيت الاسانسير عطلان روحت طلعت علي السلم وانا طالعة سمعت حد من الجيران بيتكلم هو مكنش فضول بس صوتهم كان عالي وسمعتهم وهما بيتكلموا .