و انا يا سعود من بعد مفارقها ما حييّت

•البارت الثامن•🕯️.

•البارت الثامن•🕯️.
.
••••___••••
.
وفي المستشفى و على الساعه ١٢:٣٠ وفي احدى غرف المستشفى •< عند ليالي و سلطان >•
دخل سلطان عند ليالي
و ليالي تطالع فيه و تصد ولا تتكلم و اكتفت بدموعها الي تنزل على خدها
مسك يدها سلطان و هو يقول : فاهمه غلط والله
ليالي : ممكن تخليني والله بتسمع كلام ما يعجبك !
سلطان وفي صوته نبرة البكى : تكفين اسمعيني انتي لا تتطلقين مني انا احبك والله ما اقدر اعيش بدونك والله انتي تدرين اني احبك من ١٠ سنوات ؟؟؟؟؟ تكفين
ليالي : طيب ليش سويت كذا دامك تحبني؟؟.
قبل ينطق سلطان دق جواله الي كان جنب ليالي في السرير التفتت ليالي وهي تشوف الاسم و تتسع عيونها بغضب
"ريناد سكرتيرة العمل"
ليالي : رد عليها رد على حبيبة القلب اكيد مشتاقه لك و تبي الكلام الي سمعتني فيه الحين  ،، ،، ( طالعت فيه من فوق لتحت و كملت كلامها ) : ليه طيب ؟؟ ،
فكت يدها من يده وصدت بقهر
سلطان : والله انتي فاهمه غلط لا تقطعين النصيب الي بينا تكفين........
ليالي بمقاطعه و غضب : انتتتت الييي قطعته انتتتت
دقت مره ثانيه ريناد و اخذ سلطان جواله
رد وحط سبيكر عشان تصدقه ليالي انه ما بينه و بينها شيء : الله ياخذك وش تبغين وش تبغين !
ريناد : ليش كلمت استاذ عبدالرحمن ينقلني و ليش تبي سكرتير وش قصرت فيه ،، انت ليه تصدني و ليه كل ما قلت لك شيء قلت ما تجين ظفر ليالي و انا احب ليالي و ليالي ماليه عيني ليالي الهواء الي اتنفسه لا تجيبين طاري ليالي على لسانك و انقلعي برى !  ليش يا سلطان عشاني حبيتك ؟ ليه !! ليه يا سلطان خذني الثانيه و خل ليالي على ذمتك بس عطني فرصه ،، وانت ليش حتى اذا قلت اي كلمه ما ترد و رقمك بالغصب اخذته و كله من استاذ عبدالحمن هو الي اعطاني تكفى يا سلطان
طالع سلطان في ليالي وهو مبتسم و كأن الله برأه سجد لله شكر و امتنان و سكر الخط ولا رد عليها
ليالي بكت ،، و سلطان ضمها بقوه وهو يبكي و يقول : شفتي شفتي !
ليالي تبكي و تضمه بقوه : كنت ادري و مو قادره اصدق الله يخليك لييييي
عيّا سلطان يفكها و يضمها ، و بعد ثواني معدوده
ليالي : ترى كتمتني هههههههههههه
سلطان : مشكلتك قصيره و توصلني لكتفي عشان كذا انكتمتي و عادي انكتمي اهم شيء اني معك
ليالي : هههههههههه وين قصيره طولي ١٦٥
سلطان : وانا ١٧٩ او ١٨٠ يعني انتي قصيره
ليالي : انقلع هههههههههههههههه
سلطان : امشي نبي نطلع من المستشفى و نروح البيت
ليالي : يلا
سلطان بروح اسوي خروج

طلع سلطان وهو فرحان و راح الرسبشن وسوى خروج رجع سلطان للغرفه عشان يساعد ليالي و يركبها السياره وهي تعبانه من النزيف و السكر رجعوا البيت عشان ينامون ،، سلطان طلّع ملابس لـ ليالي عشان ترتاح
دخلت ليالي غرفة الملابس و تخلع ملابسها في غرفة الملابس و تلبس الملابس الي طلعها سلطان راحت اتجاه التسريحه و تمشط شعرها و تربطه و تتجه للسرير و بخطوات ثقيله و انفاس مقطوعه راحت جهة السرير الي تنام فيه لحفها سلطان و راح غرفة الملابس يطلع له ملابس لبس و فتح الابجوره الي عند المكتب و راح يكمل شغله
ليالي : امانه في رقبتك توقف و تجي تنام
سلطان : لا لا معليك
ليالي : والله ان تجي
سلطان : بكمل ذي الورقه و اجي
ليالي : تردني ؟ تراك تعبان و واضح في عيونك يلا
سلطان : لا ما اردك ابشري ،،، و قام
جاء سلطان و انسدح جنبها ، ليالي مسكت يده وشدت عليها بقوه و بدت نبرة البكاء تطلع : اسفه والله اسفه تكفى سامحني والله انا مو قصدي بس شيء غصب عني !!
ابتسم سلطان و مسح على راسها : ليش تلومين نفسك وانتي ما سويتي شيء وانا لو مكانك و انقلبت الادوار بتكون ردة فعلي اقوى من كذا يعني ما الومك بعدين واضح ان غلاتي بقلبك كبيره
ليالي : هههههههههههههههه بس حسافه الساعه الي جبتها و طيحتها و الله انك تستاهل كل الهدايا
سلطان وهو يخلل يده بشعرها : انتي هديتي
ليالي ابتسمت : الله يخليك لي
سلطان : ويخليك لي
•< و ناموا بعد ما تفاهموا وانحلت .. >•