و انا يا سعود من بعد مفارقها ما حييّت

•البارت الاول• 🕯️.

•البارت الاول• 🕯️.
.
••••___••••
.
رجع سلطان من دوامه و اول ما حط يده على المقبض ما انفتح طق الباب مره و مرتين و ثلاث ضرب الباب برجله بغضب
جت ليالي و تشد على ربطة الروب
ليالي : بفتح الباب بس ما تعصب
سلطان : ليالي افتحي الباب بموت من الحر ابي اروح اتروش
ليالي فتحت الباب و ركضت للتسريحه
لحقها سلطان وهو يرمي نفسه على السرير : انا كم مره قلت لك لا عاد تسكرين الباب ؟
ليالي وهي تفرك رجلها بالارض : انت وش فيك ؟ ترى عادي اذا سكرت الباب انا في غرفتي
سلطان : غرفتنا مو غرفتك لحالك
ليالي : ممكن اسألك ؟ ليش انت بس عصبي و دمك حار ؟ و بس يغلي !
سلطان : اي وش اسويييي ؟
ليالي بمزح : نطفي النار عشان ما يزيد الغليان
رفع سلطان راسه و ناظرها ما تحمل و ضحك : هههههههههههههههه والله انها سخيفه !
ليالي : والله انها حلوه
سلطان وهو يوقف : عشانك ليالي الي قلتيها لو غيرك سطرته كف
ليالي : والله انك عياااااااااار ما تبي تقول انها حلوه !
سلطان : تصدقين ما تصدقين بكيفك ( اخذ ملابسه وقال ) : بروح اتروش
ليالي : اوكيه ..

وبعد 20 دقيقه تقريباً طلع سلطان وهو ينشف شعره
حررت ليالي خصرها من ربطة روب النوم و تحك عيونها بألم : عيوني تعورني
سلطان : تعالي اشوف
ليالي : اقول لك ما اشوف اااااااه اااااااااه
و بدت تتألم
راح لها سلطان وهو يفك يدينها من عيونها وهي تغمض عيونها بشكل متتالي و سريع فتح عيونها سلطان وهو يهف في عيونها وهي تقول : ااااييّ عورتني
سلطان : هاه كيف
بعدت يده وهي تغمض عيونها بشكل قوي بعدين فتحت : ايه زينه
سلطان : اكيد شعره
ليالي : يمكن
التفتت ليالي للمرايه وهي تنثر البلش على خدودها لفت عليه وهي تاكل اصبعها و تحط يدها على بطنها و تفرك رجلها بالارض ناظرها سلطان
سلطان : كم مره قلت لا تاكلين اظافرك ! واعرف اذا سويتي كذا عندك علم ؟
ليالي و ما زالت تاكل في اصابعها و سرحانه
سلطان : اي فكي يدك
ليالي فكت يدها و جلست جنبه : اسمع ابي اروح عند اهلي اليوم
سلطان : ليه زعلانه مني سويت لك شيء ؟
ليالي : سلطااااانن شدعوه ؟ وليش ازعل منك ؟
سلطان : عشاني عصبت قبل شوي انا اسف اذا زعلتي والله مو قصدي .
ليالي : انت وش فيككك ؟؟ ليه ازعللللل منك ؟؟ وكيف لي ازعل منك !
سلطان : مدري لاني ادري انك ما تحبين الي يعصب بس دامها كذا اجل تمام روحي 
ليالي : اروح مع اخوك عساف ؟
سلطان بنفخه : نععععممم ؟ ما اسمع ؟
ليالي : اييي لا تعصب خلاص مع مين اروح !
سلطان : مع مين يعني اناااا ! اكيد من غير حتى سؤال
ليالي : انت لا رحت معك بتطول و بتروح علي السهره و الجلسه
سلطان : لا والله ما بتأخر
ليالي : و ابي انام عندهم
سلطان : افااا تخليني ؟ لا طبعاً ما تنامين عندهم ما ابي ارقد لحالي يالله يالله بالعيد تنامين عندهم و الى الحين ما اقتنعت بالفكره ، لا ابيك عندي و تحت نظري ! ..
ليالي : يااااااا ربييي اذا تأخرت علي اليوم بنام عندهم
سلطان : لحووووولللل
ليالي : اتفاق ؟
سلطان : تمممم
ليالي وهي تأشر على التسريحه : وش اختار اي عطر ؟
سلطان : الوردي مره حلو و احسه صباحي
ليالي : اي صباحي انت ؟ الحين الظهر
سلطان : كله واحد