و انا يا سعود من بعد مفارقها ما حييّت

•البارت السابع عشر•🕯️.

•البارت السابع عشر•🕯️.
.
••••___••••
.
•<< عند سلطان >>•
اتجه سلطان لـ دولاب الملفات و سحب الملف الاول و بدأ يقراه و في نص اندماجه دخلت "ريناد"
ريناد و كالعاده بدلع و حركاتها الي ما تخلص : سلام
سلطان طالع فيها ولا رد
ريناد : شدعوه ! السلام لله مو لي !!
سلطان : من الاخر انتي وش تبين ؟
ريناد : واضح انت وليالي تصافيتوا
سلطان : وش دخلك ليش حاشره نفسك ؟ و بعدين مو انتي ماخذه اجازه ؟ وش جابك !!!
ريناد : ما قدرت على بعدك
سلطان : اطلعي برى اطلعي برى
ريناد : سوسو
وقف سلطان وهو يضرب بيده على المكتب و عصب مرررههه : ريناد لو ما تطلعييين الحيييين قسم بالله اني لـ اسوي شيء ما يعجبك
ريناد وهي تقعد : زي ؟
سلطان برفعة صوت و غضب : اطلعيييييي برى !!!!!!!
دخل خالد
خالد : سلام عليكم
سلطان وهو يقفل عيونه و ياخذ شهيق زفير : و عليكم السلام هلا خالد
خالد : شكلك معصب استاذ ؟
سلطان وهو يطالع في ريناد بغضب : لا معليك وش عندك ؟
خالد : هذي المعامله من استاذ بندر يبيك توقع عليها
سلطان وهو يهز راسه : تمام اقراها وانا بجيبها بنفسي
خالد : ما تقصر يا استاذ و رايتك بيضاء دايم واذا تحتاج اي شيء افهمك في الملف انا عندك بس صوت لي و اجيك
ابتسم سلطان : الله يكثر من امثالك شقردي و شهم ما تقصر و بارك الله فيك
خالد : الله يسعدك ،،، انا استأذن
سلطان : الله معك
طلع خالد ، و جت ريناد و تطالع في سلطان
ريناد : سلطططان ؟ الي اشوفه قبل شوي وش ؟
سلطان : خير ؟
ريناد : الخير بوجهك
سلطان تنهد عشان ما يعصب : تفضلي برى لا اقوم عليك والله ان تزعلين مني كثير
ريناد : طيب وش السبب الي ترفضيني فيه ؟
سلطان : اسمك ليالي ؟
ريناد : لا
سلطان : انا احبك ؟
ريناد : لا بس قريب ان شاء الله
سلطان : انتي زوجتي ؟
ريناد : لا بس مستقبلاً
سلطان : احلمي ، انتي مو ليالي و انتي اسمك مو ليالي انتي ريناد سعد مو ليالي فلاح و ليالي لو تنطبق السماء على الارض ما حبيت الا هي و لا ابي الا هي و الحين اذلفي برى ولا اشوفك تراك ما شفتي سلطان الثاني و نصيحه لا تشوفينه (( صرخ بغضب )) سااامعههه ؟؟؟
ريناد بخوف طلعت
سلطان جلس على الكرسي و مسك الطاوله و سحب الكرسي ،، تنهد و فتح الملف الي من بندر و بنص ساعه خلصه قام و راح لمكتب بندر

•<< عند سعود و ملاذ و نفلا >>•
نفلا : وين كنتوا قبل تجون البيت
سعود : بـ بـ بالمستشفى
نفلا : سسسعووود انا ما ربيتك على الكذب
ملاذ : و.. اااءءء وهو صادق !
نفلا : لا تكذبون سعود يسأل ليالي عن سلطان !
سعود : يمه وديناها عند سلطان بس السالفه ما كانت كذا ولا خططنا لها ابد
نفلا شهقت و مسكت صدرها بخوف : يمه قلبي يمه ! تودون ليالي لسلطان ؟؟؟ ما خفتوا عليها من ابوكم ؟
ملاذ وهي تناظر في سعود بقهر : وانا من اليوم اتكلم مع قربه مشقوقه ؟؟ ليش تنثر الغسيل ؟؟؟
نفلا بغضب : وش مهببين بالبنت ؟؟ انا ادري انها فكرتتس انتي يا ملاذ ادري ! و انت يا سعود تصدق البزر ام ١٨ سنه ؟؟
ملاذ : يمه انا وش سويت ؟ انا رجعت العايله لبعض
سعود : وهي صادقه يمه ! ليالي تبي سلطان و سلطان يبي ليالي ! وش فيها مثلاً ؟؟؟ ابي افهم يعني ؟
نفلا وهي تضرب ملاذ : مو انه يا الحماره ابوتس ابوتس لو درى وش بنقول ؟  لا درى ان ليالي مع سلطان وش بيسوي ؟؟؟!
ملاذ : حسبت حساب كل شيء مو احنا قلنا ان ليالي مغمى عليها و شلناها المستشفى ؟
نفلا : ايه ؟
ملاذ : خلاص نقول دقوا على زوجها و جاء لها و نخلي ابوي على عماه ما نقول له شيء ولا نقول له ان ليالي كانت مع سلطان و بعدين اذا كانت معه ! ترى زوجته
نفلا سكتت و كأنها اقتنعت شوي