و انا يا سعود من بعد مفارقها ما حييّت

•البارت الثالث•🕯️.

•البارت الثالث•🕯️.
.
••••___••••
.
وفي السياره .. عن الاشاره الي تشير للون الاحمر
ليالي : اسمع بقول لك شيء ؟
سعود : لبيه ؟
ليالي : احمد
سعود : وش فيه
ليالي : تخيل ملاذ الزفت ذكرته بهنادي !!
سعود : وشوووو ؟ ومن هي عشان تسوي فيه كذا
انفتحت الاشاره الي تشير باللون الاخضر حرك سعود
ليالي : لانها لبست عبايه ملونه و عصب عليها و قالت له ذا الكلام
سعود : ملاذ هذي مستحيل تعقل ! و خير ان شاء الله والله لـ اوريها خليني ارجع بس !
ليالي : اقول اهجد ما صدقنا ان اخوك يهجد تجي انت تسوي حامي و معصب ! فكنا و بس
سعود : اي بس ملاذ يبي لها من يأدبها و مو اول مره تقل ادبها على الي اكبر منها !
ليالي : صادق بس خلنا نسهر و نفتك
سعود : عشانك و عشان قهوة اليوم
ليالي : ههههههههههههههههههه
دق جوال ليالي و كان المتصل •( سلطان )•
ردت عليه : هلا عيوني ؟
سلطان : ما نمتي ؟
ليالي : لا والله
سلطان : ياخي ما قدرت انام
ليالي بخوف عليه : ليه بسم الله عليك فيك شيء ؟
سلطان : لا بس تعودت انك جنبي و نسهر على مسلسلنا و نقعد مع بعض و نسولف !
ليالي : سليطين منت بزر ترى وش فيك
سلطان : اي ماني بزر بس تعودت عليك !
ليالي : والله اني حتى انا بس كلها ليله و اجيك
سلطان : يعني ما اشتقتي لي ؟؟؟ يعني صدققق والله جاوبي ؟
ليالي : الا والله اني اشتقت لك
وفي نص المكالمه سعود يدق بوري بشكل جنوني
سعود بغضب : يااااا رجااااااللللل حررررككك
سلطان : وينك ؟
ليالي : مع.........
سلطان بمقاطعه : مع مين ؟
ليالي : انت ما خليتني حتى اتكلم !
سلطان : طيب وينك ؟
ليالي : مع سعود اخوي
سلطان : وليه ما تستأذنين مني ؟
ليالي : احلف ؟ انا في بيت اهلي و استأذن منك !
سلطان : انتي على ذمتي
ليالي : ادري ترى !!! بس ليش انت تدور اي شيء للمشاكل ؟ قلت ابي ارتاح
سلطان : طيب حبيبتي انتبهي لـ نفسك مع السلامه
ليالي : الله يحفظك و انتبه لـ نفسك مع السلامه
و قفلوا الخط
سعود وقف قدام سوبر ماركت كبير : يلا انزلي
ليالي : يلا
نزلوا يجيبون اغراض السهره وفي نص ما هم يتسوقون
ليالي : سعودي جيب لي ذا الي فوق
سعود : ما تطولين ؟ ههههههههههههه
ليالي ابتسمت ابتسامه فيها ضحك : جيب الاخضر ذا
سعود وهو يضحك و يأشر بيده : ذا ؟
ليالي : ايه
اخذه سعود : مشينا ؟
ليالي : يلا
حاسبوا الاغراض وركبوا السياره
سعود : تدرين وش ؟
التفتت ليالي
سعود : بخاطري اعيش قصه حب
ليالي : هههههههههههههههههههههه ما يحتاج انت تعيشها !
سعود الي فهم غلط : لا وين والله ما اكلم بنات
ليالي : لا يا غبي انت تعيشها مع السوني حقك اولاً محد يلمسه ثانياً تلعب فيه ثالثاً تقعد معه ٢٤ ساعه
سعود : ههههههههههههههه جبتيها ،، طيب تبين نروح اي كوفي الحين ؟
ليالي : لا خلاص ما له داعي خلنا نرجع البيت
سعود : تمام

رجعوا البيت وهم يشيلون الاغراض و راحوا غرفه احمد ،، كان باب الغرفه مفتوحه قبل يدخلون سمعوا نقاش ليالي مسكت يد سعود عشان يسمعون وش يقولون سمعوا ملاذ الي تقول : والله اسفه و مو قصدي و ابشر والله ما البس العبايه ذيك و انا اسفه
احمد ما يرد
ملاذ تبوس راسه : اسفه والله اسفه
احمد برضو ما يرد
ملاذ حضنته و تقول : مو قصدي اذكرك فيها اسفه والله مو قصدي خلاص سامحني والله ما اعودها تكفى لا تزعل الله يخليك
احمد حضنها بحراره : معليك ما فيني شيء و عادي
ملاذ : انت صادق ؟ والله اسفه مو قصدي
ضحك احمد : والله ما فيني شيء والحمدالله على كل حال ..
دخلت ليالي : يلا عاد امنعونا من اجواء الحزن هاه حميّد لقيت لنا فلم ؟
احمد : لا
ليالي : ايييه ليه ؟
احمد : لقيت مسلسل من ٦ حلقات
ليالي : وش نوعه ؟
ملاذ : الحين خليجي !
احمد : هههههههههههههه لا لا امريكي حلو والله الناس تمدحه
ليالي : يلا
سعود حط الاغراض وجلس
جت روان و معها الثلج و الصواني حقت البطاطس و الاكل و حطتها ،،، و جلست ليالي ترتب الاكل و بطاطسات على الصواني
روان الي راحت لتسريحه احمد : حركات احمد العطر يجنن
و عطرت  نفسها
ليالي بدت تقلب كبدها و راحت ركض للحمام
سعود راح و لحقها : وششش فيك وش فيك ؟
ليالي وهي تتنفس : مدري من اليوم وانا استفرغ !!
سعود : سلامتك اكيد مغص او حومة كبد
ليالي : والله مدري ( وبدت تمسك بطنها بألم ) : اااه
سعود : امشي اوديك المستشفى ؟
ليالي : لا لا شدعوه مو مره قوي لكن يعور
احمد وهو في الغرفه : هاه سعود وش فيها اختك ؟
سعود : ما فيها شيء بس تتدلع !
ليالي ضربت كتفه : وجع !!!!
سعود : هههههههههههههههه
دخلوا الغرفه و ليالي مسكره انفها و تأشر بسبابتها على الباب : روانوه اطلعي برى و غيري التيشيرت
روان : لا والله ليه ان شاء الله !؟
ليالي : ريحة العطر الي عطرتيه تخنقني و وجهك لا اشوفه
روان : والله لو انك وحام عشان اقوم اغيره !
ليالي فكرت في كلامها : معقوله !
ملاذ : وش ؟
ليالي ابتسمت : روان تكفين روحي غيريه عشاني
روان : اوكيه بس عشان السهره
ليالي : اي روحي روحي
راحت روان لغرفتها تغيّر لبسها ،،، و جلسوا كلهم و ليالي بس تفكر و تقول "انا حامل ؟؟؟" انسدحت على الكنب وتحط يدها على بطنها و تطالع بطنها و تبتسم
شغلوا المسلسل و الحلقه الاول و ليالي مستانسه بس مو متأكده
ليالي : انا بروح
ملاذ : انتي صاحبة الفكره اقعدي !!!
ليالي : اي اي بس بروح و اجي
راحت ليالي عند امها الي شافتها على التلفزيون باست يدها و قالت : يمه بسألك !
نفلا فصخت نظارتها : سمي وش عندتس ؟
ليالي : وش اعراض الحمل ؟
نفلا بفرحه : لا يكونتس حامل مبروك مبروك
ليالي : لا يمه هههههههههه بس اسأل
نفلا : يعني تحس بإنتفاخ - و تقلصات مؤلمه - و تلوع كبدها من اشياء معينه يعني "وحام" و الامساك و اشياء كثيره ..
ليالي : اهاه اي شكراً
سعود وهو ميت ضحك ينادي ليالي من فوق  : تعالي يا ليالي تكفين هههههههه شوفي ههههههههههه بسرعه
ليالي : يلا جايه