و انا يا سعود من بعد مفارقها ما حييّت

•البارت التاسع و العشرون•🕯️. ""و الاخير✨""

•البارت التاسع و العشرون•🕯️. ""و الاخير✨""
.
••••___••••
.
دخل سعود وهو يتنحنح و قال وهو عند الباب : ليالي ؟
ليالي : سم ؟
سعود : اطلعي ابيك
ليالي : ابشر
قامت ليالي وراحت له
ليالي : سم ؟
سعود : البسي عبايتك و نقابك و تعالي الحوش
ليالي : ليه ؟
سعود : ابوي يبيك
ليالي تنهدت : ما ابي اروح !
سعود مسك كتف ليالي وحط عينه بعينها و قال : وين حنيتك ؟ وين حنانك و حبك ؟ وين ليالي الي من ابسط الاشياء تبكيها ! وين ليالي الي لا شافت احد طايح شالته على كتوفها ! و الحين ابوي التعبان ما تروحين له ؟ وش قسى قلبك ؟
ليالي : لا والله ؟ الحين صرتوا تلوموني ؟ و ما كأنه سوى فيني شيء ! و ما كأنه ظلمني ولا كأنه نزل ضناي ؟ ولا ضربني ولا..............
و قبل تكمل ، سعود : سامحيه عشاني طيب ؟ والله متحسف متحسف مره لا تكسرينه !
ليالي : و انا عادي يكسرني و عادي يظلمني و عادي يكفخني و عادي يدعس علي و يوم صار مشلول قلتوا سامحيه ! و داري خاطره و اقعدي معه و روحي له ! و ليه ما دارى خاطري ! و ليه ما وقف معي يوم فقدت الروح الي كانت فيني ؟ ليه ما ساعدني ليه ما وقفني من الارض وضمني على صدره و ذوقني حنانه ! ليه ! ليه مو هو الي لا يكسرني !!!!!! ولا يوم ربي اخذ حقي قلتوا سامحيه ولا تكسرينه ! كفايه موت جدي الي كسر ظهري و من بعدها موت ضناي و من بعدها فقدت حياتي !
سعود حضنها : ربي بيعوضك و ادري انتي صبرتي فوق طاقتك بس تكفين عشاني انا اذا سألك عن الي سواها و قال سامحتيني قولي ايه لا تعورينه ما تدرين يمكن تكون ايامه الاخيره ! ما تعرفين عن شعوره !
ليالي وهي تبكي : ايييه بس انتوا بعد ما تعرفون عن شعوري ! ارحموني صدمات ورى بعض ! بس بس خلوني شهر واحد اعيش من غيييير شوشره تكفون !
سعود و هو يمسح دموعها بيدينه : طيب بس روحي له تكفين طالبك و اعتبري الي تسوينه عمل تطوعي اسعديه و ضميه و بوسيه و امسكي يده و اقعدي معه بس اليوم و بعدين لا تسوين اي شيء طالبك عشاني
ليالي سكتت و قلبها يتقطع ما تعودت على نفسها كذا و على قساوتها !
سعود و هو يبعد شعر ليالي عن وجهها : امسحي دموعك و قومي عنده و داريه تكفين طالبك
تنهدت ليالي : والله عشانك و خاطرك عندي ما يهون
سعود و هو يبوسها في راسها : الله يخليك ليييي و جعلني ما خلا منك
ليالي ابتسمت : بروح اعدل الميكب و اجي
سعود : يلا احتريك
ليالي : جايه الحين

طلع سعود و هو مبسوط انها وافقت جلس جنب احمد
احمد التفت عليه و قال : وش عيت ؟
سعود : لا لا بتجي الحين
احمد : تتوقع ابوي وش يبي فيها ؟
سعود : احس يبي يذكر السالفه الي سواها و يبي مسامحه بس مدري
احمد : تتوقع ليالي بتسامحه ؟
سعود : شوف ترى ابوي ظلمها واجد و اكثر شيء كسر ظهرها موت ضناها و من حقها ترى ما تسامحه
اخذ احمد شهيق زفير : الله يعين
سعود : بس كلمتها و يارب تحن عليه ، الا انت مسامحه ؟
احمد : ايييه دامني طلقتها و فتكيت خلاص عادي
سعود : تتوقع عمي ليش ما تكلم و قال ؟ وليش ساكت على سواتهم و هو يدري عن خُطتهم ؟؟
احمد : عمي ذكي يبي يطييحهم في شر اعمالهم و يبينهم على حقيقتهم
سعود : وانا اقول ليه ما حضر خطوبتها تتوقع ذا السبب ؟
احمد : كل شيء جايز
سعود : و انت صادق
و في نص نقاشهم دخلت ليالي و فز سعود وهو يرحب فيها
ليالي تبتسم و هي لابسه نقاب و عبايه
فلاح : و اجتمعتوا و اخيراً ، والله انا مجمعكم اليوم عشان شغله وحده
ليالي جلست جنب سعود و منزله راسها ولا تطالع في احد
كمل فلاح و قال : انا والله منحرج و غلطان و ماني عارف كيف ابدء و كيف انتهي ! لكن انا سويت غلطات واجد و ادري انها ما تنغفر بس تكفون بس ابي مسامحه طالبكم اياها انا طغييييييت و اخطيييت في حقوقكم كثيييير مو شوي بس تكفون سامحوني و الانسان يخطي مو بس انا ،، طالبكم يا سلمان و احمد و سلطان و ليالي و خصوصاً احمد و ليالي و سلطان انا ظلمتكم كثيييير وطغيييت كثييير و تماديت كثيييير سامحوني تكفون !
ابتسم سلمان و قال : انا عني يا اخوي مسامحك و زين انك تعترف بغلطك و من عفى و اصلح فأجره على الله
فلاح : الله يخليك لعيالك و لمن يحبك والله يا اخوي اني اسف اذا تبيها بالعربي الفصيح و اعتذر و مشكور والله كأنك رجعت عافيتي بمسامحتك ( التفت على احمد ) وانت يا ابوك ؟ في خاطرك شيءٍ علي ؟
احمد وهو يبتسم ابتسامه عريضه : انا يا يبه ؟ انا اقدر اشيل عليك ؟ بالعكس ما شال خاطري عليك والله يخليك لنا و يجعلك لنا ذخر
فلاح : الله يخليك لي يا ابوك والله يسعدك يا رب و يّسر لك ( التفت على سلطان ) وانت يا سلطان
سلطان : اما انا يا عم مسامحك وانا وعدتك اذا رجعتها مسامحك دنيا و اخره و احنا معك و كلنا حواليك
ابتسم فلاح و هو يمسح دموعه الي على طرف : الله يرزقك من حيث لا تحتسب الله يسعدك سعاده ابديه الله يعزك و يرفع قدرك
قام سلطان وراح يبوس راسه
التفت فلاح على ليالي و قال : وانتي يا قمرة ابوها ؟ شايله علي ولا ودك تسامحيني ! اعرف اني اخطيت بحقك كثيييييير بس سامحيني عشان ارتاح و يرتاح ضميري و قلبي
ليالي ما ردت
اختفت ابتسامه فلاح في ثواني
جلس سعود يدق ليالي و يهمس لها : عشاني يا ليّول عشاني
رفعت ليالي راسها و قالت : ما يحتاج تسألني يا يبه مسامحتك من غير سؤال والله ينزل عليك الصحه و العافيه
رجعت ابتسامه فلاح و انرسمت على شفته من جديد و بفرح قال : تعالي يا ابوتس تعالي
جت ليالي وهي تحضنه و من غير شعور بكت
فلاح : الله ياخذني ان زدت بكيت عيونتس
ليالي ببكى : لا يببببه لا تقول كذا الله يخليك لنا لا تقول كذا ترى تزعلني
عساف عشان يحرك الجو و يبعدون عن الحزن : المشهد مُبكي
الكل : هههههههههههههههههههههههههههههه
ليالي باست راسه و قبل تدخل حضنها سعود و هو يقول : الله يجعلنييييي اخذ ضيمك فرحتينييييي !
ليالي : ههههههههههههههههههه حبيبي انت والله تصدق سامحته صدق و من قلبي احس ان قلبي عورني
سعود : ييياااا ربي كم اعشقك و اعشق حنيتك !
ليالي و هي تبتسم : بدخل تبي شيء ؟
سعود : لا مرهه شكراً
ليالي : العفو
دخلت و اول ما دخلت لقت الكل عند الباب حضنتها ملاذ و تقول : يا كبببر قلببببك
نفلا : يا حلوتس يا بنيتي
روان : اهخخخ ليّول نتعلم منك حسن الخلق ! فعلاً انتي قُدوتنا
رند : يا حلوك يا ليالي
منى : اهخخخ اهخخخ الله يسامحكم بكيت الى ان قلت الله اكبر
الكل : هههههههههههههههههههههههههههههه
آمال : والله ما الومك صدق يبكي !
ليالي : شقول انا ! ما قدرت امسك دموعي !
ملاذ : اصلاً ما راح تمسكينها كذا ولا كذا انتي"ام دميعه"
ليالي: انقلعيييي ! ههههههههههههههههههههههههه
نفلا : امشوا ندخل امشوا
دخلوا داخل و كملوا سوالف و ضحك .. و كان الكل فعلاً مسامح فلاح بعد ما شافوه متحسف

•<< و بعد مرور شهرين و في الاسطبل >>•
عند ليالي الي كانت في بطوله على الخيول كانوا كل اهلها ورى السرج و كانت المسابقه عن "التقاط الاوتاد" امتطت حصانها الابيض و شدت على اللجام و لبست الخوذه و بدت بركض مع حصانها
سلطان بحماس و توتر : يلااااا يا ليييياااالييييييي
فلاح : يييلاااا تقدريييين
سعود : يييلا ليّووول الاخيره
روان : يلااااا يلااااا
احمد : انتييي قدهاااااا
نفلا : يلااااااا باقيييييي الاخييره
ملاذ : كفففففوووو يلاااا
و اول ما التقطت ليالي الوتد الكل بدء بالصراخ و الفرح الصاخب و قامت ليالي تصارخ فرح ، ما تحمل سلطان الفرح و نط للمدمار و راح لها و ليالي مبسوطه و سلطان الفرحه ما توسعه
سلمان : كفو بنيتي كفووووو
كان الكل مبسوط بفوزها ، و تم تحقيق حلم ليالي الي من صغرها كانت تحب الخيول و السياج و كل ما يتعلق بالخيل ،، و التقطت الاوتاد و فازت على منافسينها اخذت الجائزه و الكل كان فرحان لها و مبسوط راحت ليالي و سلمت على ابوها
فلاح : كفو كفو بنيتييييي
ليالي : كفوك الطيب يبه
سعود : والله رفعتي روسنا
ليالي : حبيبي انت
ملاذ و روان جلسوا يضمونها بفرح
احمد : والله انككككك كفو
نفلا : ابهرتييييني يا ليّول !
ليالي ابتسمت و هي تقول : هذا بفضل الله ثم سلطان ثم تشجيعكم
الكل كان فرحان و تم تكريم ليالي هي و حصانها
طلعت ليالي من الاسطبل وهي مبسوطه
سلطان : والله يا انك رفعتي راسي كفو عليك
ليالي : كفوك الطيييييب يا حبيبي عاد هاه ابي نتنافس انا وانت وش قلت ؟
سلطان : تممممم و بفوز عليك
ليالي : نشوف يلا
سلطان : هههههههههههههههههههههههههههههه

•< وفي الليل >•
اكتشفت ليالي انها حامل و بالشهر الثاني و اخر اسبوع فيه فرحت كثير و بشرت الكل
•< و بعد فترة >• الحمل ولدت بتؤام بنت و ولد
سموا البنت "عزوف" و الولد "فارس"
سلطان شال فارس و جالس يأذن في اذنه
كانت عزوف في حضن امها و اول ما بكت بكت ليالي معاها بخوف
التفت سلطان : وش فيييك ؟؟؟
ليالي : ليش تبكي ؟
سلطان ضحك : ليالي من جدك ؟ ههههههههههههه طفله اكيد بتبكي !
ليالي : لا بس ما ابيها تبكي
سلطان : ما صار لها مولوده الا ساعات
ليالي : طيب شيلها كسرت خاطري وهي تبكي
سلطان نزّل ولده "فارس" على السرير و اخذ عزوف و هو يضحك علي ليالي
ليالي ناظرت فيه و قالت : احبك
ابتسم سلطان : والله مو كثري يا ام فارس و عزوف
و كانوا سلطان و ليالي مبسوطين و كل ماله حبهم يكبر اكثر من اليوم الي قبل 💛

.
.
انتهى ✰✰.

انتهت روايتي ولله الحمد اتمنى انها كانت خفيفه و لطيفه عليكم اتمنى انها نالة رضاكم و اتمنى انكم استمتعوا فيها و اتمنى انا كـ كاتبه نقلتها لكم بشكل يعجبكم و يا رب انكم استمعتوا و حبيتوا كل شيء بالروايه ، و الى هنا انتهينا من روايتي الخامسه
•"بعنوان وانا يا سعود من بعد مفارقها ما حيّيت"• اتمنى انكم حبيتوها ، اتمنى انكم اخذتوا منها عضه و عبره 🌿🩷🩷.

نتعلم من روايتنا اشياء كثيرها و اولها خلوا ثقتكم في ربكم قويه نفس ابطالي و نفس ما قال سعود : ( انا عند ظن عبدي بي ) ثقوا بالله تمام الثقه و اتقوا الظلم ، و اقوى انواع الظلم انك تظلم نفسك بأفعالك .. احبببكم 😢🙏🏻

كانت معكم اختكم "غيم" في امان الكريم ودعتكم الله مع السلامه اراكم في روايه اخرى صلوا على النبي ، اللهم صلي وسلم عليه

اسم المستعار للكاتبه ✍🏻 : "غيم"

يوم الخميس
٢٥ / ٥ / ٢٠٢٣ م
٥ / ١١ / ١٤٤٤ هـ

مع السلامه يا حلوين ✨✨✨.