و انا يا سعود من بعد مفارقها ما حييّت

•البارت السابع و العشرون•🕯️.

•البارت السابع و العشرون•🕯️.
.
••••___••••
.
•<< وفي بيت فلاح على الظهر >>•
كان فلاح مستلقي على السرير و سعود يوكله
سعود : بالعافيه ييييبه
فلاح : الله يعافيك
عساف : هاه يا عم كيف صحتك ؟
فلاح بضحكه : ما اتحرك لكن اللهم لا اعتراض
جاء احمد : يبه يلا اذن الظهر ابي اوضيّك و انت يا سعود و عساف الحقونا نروح نصلي
سعود : مو بكيفك !
احمد : وش الي مو بكيفي ؟
سعود : انا الي بوضيّه !
احمد : اقول وخرررر
سعود : انت الي وخر
عساف اخذ فلاح بدون ما ينتبهون و كملوا سعود و احمد هواش
رجع عساف وهو موضّي فلاح : خلاص يا بزر انت وياه انا الي وضيته
سعود : يا مال الوجع
فلاح : خلاص يا ولدي انت وياه ! خلاص نروح نصلي افضل
سعود : محجوز العصر من الحين
احمد : انقلع لا اصقعك بكوع
سعود : اص اذلف بس اذلف
فلاح كان يطالعهم و يحس ما تسوى الدنيا و ما يسوى شيء يسويه بعياله عشان فلوس بتروح و تجي حس انه اقذر انسان و هو ما يستاهل عياله ! شافهم كيف يتضاربون على برّه وهو خرب مستقبلهم و كان ظالمه ندم كثيييييير على الي سواه
فلاح : يا احمد
احمد التفت على ابوه : سم ؟
فلاح : ابيك تنادي عمك اليوم هو و عياله ولا احد يعتذر ، و بتجي عمتك منى و بتوصل اليوم بعد المغرب ابيك تسوي عزيمه و تعزم عمك و نبي نجلس مع الكل
احمد : ابشر من هالعين

•<< و في بيت سلمان في غرفة آمال >>•
فايزه و هي ميته بكاء : آمال تخيلي طلعت عقيمه !
آمال ظهر في وجهها علامات الصدمه
فايزه : احس ربي عطاني فرص كثييير عشان اتوب ! لكني ما تبت و ترى انا الي خليت عمي يرفع قضيه على سلطان ! بس عشان افرقهم
آمال وقفت بغضب : انتتتتت وشششش من قلبببببب !!! كيف ترقدييين و اخوك يبييييي زوجته ! ما فكرتي فيه و فيها ؟ ما فكرتي كيف تحترق كل يوم عشان سلطان ؟ ما فكرتي شلون اخوك ميت شوق عشان يسمع صوتها او يشوف زولها ؟؟؟ و مسكتي يدهم الي تعورهم ! انا ما ادري كيف انتي آدميه !!
قامت آمال و كملت و قالت : كيف اضمنك ؟ كيف بالله كيف ؟ يا الله انا مدري كيف انتي عايشه ! كل ذا عشان تتزوجين احمد ؟ والله لو انك بتتزوجين الجني الازرق !
فايزه : ياخي والله مدري وش كنت افكر فيه !
آمال : تراك خربتييييي حياة احمد و سلطان و ليالي ! مو شيء سهللللل الي سويتيه ! حرام عليييك ابغى افهم انتي تربية امي ؟ انتي تربية "سلمان و فيروز ؟" مستحيييل مستحيييل !
طلعت آمال بغضب شديد من الغرفه .. و كملت فايزه بكاء و حسره
و بعدها بشويات دخل سلمان و هو عتبان على بنته
فايزه : يبه تكفى تبي تكمل هواش لا تكمل كفايه آمال
سلمان : لا بكمل ! بكمل و اخليك تعرفين الصح من الغلط ! يا بنتي ليه سويتي كذا ؟؟ كل هذا عشان وش ؟؟ ليش يا فايزه ؟؟؟ احنا مقصرين معك في شيء ؟ ناقصك شيء !!!!
فايزه و هي منزله راسها و تبكي : لا يبه عمرك ما قصرت معانا بس من القهر الي فيني سويت كذا
سلمان : اي قهر تتكلمين عنه ؟ سلطان مأذيك ولا زوجته !!!!
فايزه : يبه طول عمرها ليالي افضل و احسن مني طول عمركم تمدحونها و انا كأني جدار جدي كان يموت فيها و يعشقها ! و انا وش حياتي خربانه زوجي و طلقني و عمري صك الثلاثين و لا احد طالع فيني و اما ليالي عايشه حياتها بالطول و العرض مع زوج يحبها و تحبه
سلمان : عذرك اقبح من ذنبك !!! وش جاب هذا لهذا ؟ يا بنتي الدنيا ما تسوى تخربين حياة شخص بس عشان تكونين افضل منه ؟ يا بنتي الحياه ما بنعيشها طول العمر !! لو ركزتي على نفسك كان بتشوفين اشياء كثيييره حلوه في حياتك اولها انا ! شوفي كيف ليالي تعاني مع ابوها ! و شوفي انتي كيف تعامل ابوك معك و ما تعانين معي ؟! يا بنتي فيه فرق و مو كل واحد حياته حلوه و زينه يعني محد كامل و كلنا حياتنا فيها منغصات ! انتي تعرفين ان سلطان عصبي و ليالي حساسه مستحيل ينسجمون او يتفاهمون ! بس الشيء الي مزين حياتهم هو انهم راضين بكل شيء يصير ! يا بنتي العمر قدامك و الحياه قدامك مو شرط لازم تنجحين في الزواج عشان تكونين ناجحه ؟؟؟ بالعكس اكبر نجاح هو انك تتقدمين و تسعين لتحقيق حلمك مو تخربين حياة ثلاث اشخاص عشان ترتاحين !!! طحتي من عيني يا بنتي توقعت العاقله الكبيره الي ما بتخطي لكن خيبتي ضني
فايزه : لا يبه لا تقولها تكفى انا ادري اني غلطانه و اعتذر والله اعتذر
سلمان : اذا فات الفوت ما ينفع الصوت
جلست فايزه تبكي بإنهيار و ابوها يتكلم و يتكلم و يوعيها