و انا يا سعود من بعد مفارقها ما حييّت

•البارت الرابع و العشرون•🕯️.

•البارت الرابع و العشرون•🕯️.
.
••••___••••
.
<< وفي الملحق >>
دخل الرجال لـ احمد ،،، و سعود توه راجع من الدوام دخل مع احمد و على دخول الرجال دخل فلاح
احمد : ارحب عرفني عليك ؟
ضحك الرجال و قال : البقى اسمي ريان ادري ما تعرفوني بس انا اعرفكم و ابي القرب منكم
احمد : يشرفنا يا حبيبي
فلاح : بس كم عمرك و وش تشتغل ؟
ريان : عمري ٢٩ مطلق اشتغل "مهندس"
احمد و سعود : ما شاء الله
ريان : حالياً بس ابي اذا فيه نصيب عشان اخطب رسمي اعذروني اني جيت بدون موعد و بدون ما تعرفوني بس والله طمعان في نسبكم
فلاح : لا لا واضح من راتبك ما شاء الله عليك شقردي و نشمي و ان شاء الله يكون فيه نصيب والله يكتب الي فيه خير
سعود و احمد يطالعون في بعض و متفشلين من تفكير ابوهم المادي !
و بدأو ياخذون و يعطون معه و يتعرفون عليه
جت ليالي عشان تحط الحلا عند الباب و سمعت ريان يقول : ابي اخطب الممرضه ليالي
انصدموا احمد و سعود و عرفوا الجواب ، و الجواب بيكون رفض من "ليالي"
تجمدت ليالي مكانها و بغت تموت و تعرفت على الصوت ! و بجنون و حرب مع تفكيرها طاح الحلا على الارض بدون ما تحس
سعود طلع راسه من الباب و شاف ليالي قام لها ركض و مسك فمها و مشاها معاه عشان ما تصارخ و تبكي و دخلوا الغرفه
ليالي تصارخ و تقول : منننن الحيييين مو موااافقه سعود اطرررده اطررررده مو موافقه
سعود : لييييااالي لا تصارخين الرجال تحتتت خلاص بنرفضضضضه بس اهدي انتي عشان السكر و عشاني تكفين عشاني !
ليالي : طططز في السكر ما علي من نفسي !!! انا بس لسلطان غيره لااا مو بكيفففكم ارفضضضه بسرعه بسرعه
سعود : ليالي اهدي اهدي لا تفضحينا الرجال تحت
ليالي : ما بهدى الا و تطرده
سعود الي يحاول يفهمها : اسمعيني طيب اسمعيني
ليالي : ما بسمع ولا ابغى اسمع الحييين !!!! ،، الحين تطرده
دخلت فايزه : وش صااااار ؟؟؟؟
ليالي : مووو موااافقققه سسسعووود ارفضه !
فهمت فايزه من كلام ليالي و عرفت من صراخها انها مخطوبه ،، و راحت ركضضض لجوالها تدق على سلطان ..

فايزه : الوووو سلطططااان
سلطان الي كان بالمول : هلا فايزه ؟
فايزه : الحق ليالي انخطبت
سلطان : ووووشوووو ؟؟؟؟؟؟
فايزه : ليالي انخطبت و موافقين
سلطان : وهو بكيييفهممم يزوجونهااا !!!
فايزه بكذب : هي تقول موافقه
سلطان : و مننننن سمحححح لهااا !! مو بكيفها
فايزه : ترى الخاطب موجود !
سلطان : افتحي الباب الخارجي بجي الحين
فايزه : ما اقدر الرجال تحت
سلطان : ييييوووه خلاص جاي الحين
فايزه الي حست انها تورطت : لا لا تكفى سلطان فكني بس قلت لك عشان يكون عندك خبر انت تعرف معد صرنا نتواصل تكفى لا تسوي شيء بتطيح المصايب علي ! و بعدين مالك دخل انت !!!!
عساف سحب الجوال من سلطان بعد ما شاف وجهه تغير : الو وش صاير ؟
فايزه : تكفى عساف امسك اخوك الخبلللل
عساف : اييي وش صاير ؟
فايزه : ليالي انخطبت و يبي يسوي سالفه مع عمي و بتطيح فوق راسي السالفه !
عساف : وووش ؟؟؟ كييف ؟ انخطبت !!!! (( التفت على سلطان)) قوم قوم نروح لهم
فايزه : جبتك عون صرت لي فرعون ؟ يا وجه العنز افهموا بتطيح في رااااسييييييي
آمال سحبت الجوال و مو فاهمه السالفه : معليك من اخوانك المهبل واحد طايح بالحب و الثاني مجنون وش صاير ؟؟
فايزه : ليالي انخطبت !
آمال : وووش ؟؟؟؟؟؟؟؟؟؟؟ انخطبت !
فايزه : وانتي بعد مجنونه نفس اخوانك امانه امسكيهم لا يجووون بتطيح في راسي !
آمال : معليك معليك
و قفلوا الخط و فايزه على اعصابها