و انا يا سعود من بعد مفارقها ما حييّت

•البارت التاسع عشر•🕯️.

•البارت التاسع عشر•🕯️.
.
••••___••••
.
<< في غرفة سعود >>
ملاذ : ياخي ابي معجون
سعود : شايفتني وش بالضبط ؟ صيدليه !!
ملاذ : يااا سخييف بروح المدرسه و ابي افرش اسناني
فلاح من وراها : و ليه وش فيه معجونتس ؟
ملاذ الي في يدها المعجون : يبه خلص
فلاح : هاتي اشوف
ملاذ مدت له المعجون و بدء فلاح يعصر المعجون بأقوى ما عنده و ملاذ فاتحه فمها بصدمه ! و تطالع فيه
سعود ما تحمل و جلس يضحك
فلاح : و وجع جعلك تضحك من غير سنون وش الي يضحك ؟
سعود نزل راسه ولا تكلم ، اخذ فلاح فرشه ملاذ و بدء يحط المعجون
ملاذ : يبه وش ذا قليل !! حتى اسنان القطو ما تتنظف بذا !!!
فلاح : اقول احمدي ربتس و اخذيه
ملاذ التفتت على سعود و سعود رفع يدينه بمعنى "مالي دخل" وهو ميت ضحك على وجه ملاذ المصدوم ،،، دخل احمد
احمد : يلا يا سعود
طلع فلاح و هو قال : يلا لا تتأخرون
، احمد يناظر سعود الي ماسكه معه فصلة ضحك
احمد يضحك من ضحكته : وش فيك ؟ هههههههههه
سعود بالقوه ينطق و يأشر على ملاذ
ملاذ حكت لـ احمد السالفه
احمد : ههههههههههه وش ذا ؟ هههههههههههه معليك خذي عندي واحد جديد
ملاذ : يااا ربييي يلوموني بحمود
احمد ابتسم ..

وعلى الساعه ٦:٤٠ دقيقه سعود وهو ميت نوم و يدق بوري على ملاذ ، ملاذ داخل البيت و تبوس راس امها و طلعت سريع وهي شايله شنطتها ركبت السياره و التفتت على سعود : لا تعصب ريلاكس
سعود : طولتييييي علييي ! بدررررييي ! 
ملاذ : ابوي معطيني محاظره عن الاقتصاد وش اسوي
سعود : ايوه وانت يا سعود انتظرها تخلص النقاش مع ابوها ،، سواق عندك انا ؟
ملاذ : سعود محشوم يا خي ( و بكت و نزلت راسها )
سعود انصدم رفع راسها و قال : يييمه اسف والله مو قصدي وش فيك ؟ من جدك ملاذ ؟
ملاذ وهي تبكي : مو انت ما ابي اداوم
سعود : ليه ؟
ملاذ : ياخي علي اختبار ولاني حافظه مره مو حافظه و بجيب العيد و اخرررر سنه يعني لازم اجيب درجات حلوه في الثانوي !!!
سعود : معليك معليك انا بساعدك وش الماده ؟
ملاذ : كيمياء
سعود : طلعي الكتاب
طلّعت ملاذ الكتاب وهي تبكي
سعود اخذ الكتاب و فتحه : ركزي معي طيب ؟
ملاذ : طيب بس اصبر اوريك وش الي مو حافظتها و لا فاهمته ( فتحت الصفحه و اشرت له )
سعود : يلا ركزي معي ( الرابطه الكيميائيه ) ليش سموها رابطه ؟ لانها عباره عن تجاذب بين ذرتين او اكثر ،،،، طيب هذي الرابطه متى تصير ؟ تصير وقت فقدان الذره للإلكترونات او اكتسابها او المساهمه فيها ،،، كيف تساهم فيها ؟ بإشتراكها مع ذره او ذرات اخرى بس
ملاذ : فهمتك بس سعود والله خايفه
سعود : طيب بعطيك مثال واقعي ،، الحين اعتبري ان المعجون الي تبينه ذره طيب ؟
ملاذ : طيب ؟
سعود : و اعتبريني انا و احمد ذرتين ، احمد اعطاك المعجون يعني ساهم اما انا فقدتها لاني ما اعطيتك و ابوي اكتسبها و احمد ساهم فيها وانتي و احمد صرتوا رابطه إلكترونيه بسبب تشارككم
ملاذ : ييياااا فنااانن !! وربييييي ما توقعتتت بفهم !
سعود : افاااا علييييك ! و الحين شيء ثاني ؟
ملاذ : ايييه
و بدأ سعود يساعد ملاذ و على الساعه ٧ بالضبط حركوا للمدرسه ..