وقعت أسير عينيها العسلية

بارت 78

الهنوف: كيف راكان يقول لصبا كذا كيف، توقعت هالشي من الكل الا منه

سلمى: منجد، لو قلتي سعود صدقنا

نوف: لا ويين، حتى انه سعود هو الي دافع عنها

ام عبود:  انا نفسي مو مصدقة، راكان هو اقرب واحد لها من بين اخوانها كيف يقول لها هالكلام

مشاعل: يا عمري عليها والحين هي وينها

نوف: بغرفتها

مشاعل قامت: بروح لها

سمر: هالحين منجدك؟

مشاعل: ليه وش فيها

نوف: لان زوجها معها

مشاعل: عادي اخوي

نوف: حتى ولو، لا احد يروح لها بنات، هي اصلا منحرجة لانه راكان صرخ عليها قدام كل العيال، ولو عرفت اني قلت لكم بعد بتزعل

ام عبود: ايه  نوف معها حق، وبعدين صبا مرة حساسة بتزعل اكثر

مشاعل: طيب بس قلقانة عليها وابغا اشوفها

الهنوف: كلنا قلقانين عليها، بس بكرة الا ما نشوفها ونتطمن عليها

مشاعل تأففت وقعدت: طيب

سلمى: يعني نوف انتي الحين اساس كل المشكلة

نوف: ها، انا!!

سلمى بخبث : ايهههه، شوفي كيف فرقتي بين اخ واخت، طلعتي تسسسسسس

نوف: هييييي وش سويت انا ما دخلني

سمر ضربت كتفها: انطمي يا حيوانة مو وقت ثقالة دمك

سلمى: ههههههههههههههه امزح امزح

نوف اخفضت راسها وبحزن : معك حق، الحق علي انا كل شي صار بسببي

الهنوف: مو منجدك وش دخلك انتي، انتي الي قلتي له يصرخ عليها؟

احلام: ايه الهنوف معها حق، انتي مالك دخل

نوف قامت: خلاص بروح غرفتي

طلعت بسرعة من عندهن

سمر: يا حيوانة مو منجدك، كيف تقولين لها كذا

سلمى: ياربيييي وربي امزح، ما توقعت تزعل

.

.

.

.

.

.

.

.

.

.

.

دخلت غرفتها وشافته جالس على طرف السرير ودافن وجهه بين يديه

: راكان

بس ما رد عليها

اقتربت منه ووضعت يدها على كتفه: راكان