جالس على طرف السرير ومتكي على عصاته ، يفكر بعمق لدرجة ما انتبه للي دخل الغرفة ويكلمه
: ابو زايد!!
ناظرها ابو زايد : نعم ،وش فيك تصارخين
ام زايد : اكلمك ليش ما ترد علي
ابو زايد : ما انتبهت
جلست جنبه : وش فيك يابو زايد ،انت مو على طبيعتك اليوم ،بس جالس وتفكر
تنهد : وش اسوي يا ام زايد ، غصب عني والله
ام زايد وهي تربت على كتفه : قلي همك وشو ،لا تثقل على نفسك قلي
ابو زايد : مشغول بالي يا ام زايد
ام زايد باستغراب : على وش؟
ابو زايد : على راكان
ام زايد بقلق : راكان؟ ،ليش وش الي صار ،لا يكون ص
ابو زايد تأفف : تعوذي من الشيطان ، انا ما قلت صار فيه شي
ام زايد : اجل وش تقصد
ابو زايد : بعد طلاقه بكم يوم خطب بنت عمه وتزوجها وعلى عجل بعد ، رغم انه كان رافض فكرة الزواج ، هذا راكان واعرفه اكيد ان وراه شي
ام زايد : شي مثل وش ، هو من الاول ما كان يبغا بنت اخوك ابو يزن وانت اجبرته ، وبعد طلاقه تزوج نوف اما انه يبغا ينسا زواجه الاول او انه كان يفكر بنوف من قبل
ابو زايد : لالا هالشي مو صحيح ، مو لهالسبب وانا متأكد ، بالنهاية انا ما يهمني الا بنت اخوي ،لو تتأذى بسبب راكان بيلقاني انا بوجهه
ام زايد : لا ان شاء الله مو مثل ما تفكر ، وان شاء الله يكون زواج خير له
ابو زايد : ان شاء الله ( سكت شوي وبعدها تكلم ) اسمعي ،اليوم كلمني نواف
ام زايد : ايه ؟
ابو زايد : انت تعرفين انه زينة بنت اخوي ما صار لها عرس مثل باقي البنات ، وهالشي اكيد حزز ببالها
ام زايد بعدم اهتمام : ايه؟ وش دخلنا احنا
ابو زايد: ابو نواف تكلف هو وعياله يسوون لها عرس عائلي ، لاجل ما يضل بخاطرها حرام
ام زايد: والمطلوب ما افهم
ابو زايد : المطلوب انه انتي وام عبود بتروحون الليلة تحضرون عرسها
ام زايد قامت وبانفعال : وشووو
ابو زايد : الي سمعتيه
ام زايد : انا مو حاضرة ، وبعدين وش عرس بعد ما تم الزواج خلاص صار لها شهر ببيت زوجها وش بيقولون عنا الناس
ابو زايد :اولا هالزواج خاص بين العيلة ما احد بيعرف فيه ، وثانيا بتحضرين
ام زايد بغضب : انا وزوجة اخوك ما بنبقى بنفس المكان ولو وش ما صار تفهم
أنت تقرأ
وقعت أسير عينيها العسلية
Fanficبنت تنقلب حياتها وتكتشف انه العائلة الي عاشت معها 18 سنة مو عائلتها والصدمة انها من عائلة غنيه ولها اخ توأم، ،،،،و3 اخوان اكبر منها ،،،،،،، رح تعيش معهم مغامرات كثيرة ما بين الفرح والحزن وش يصير يوم يكتشف احد اخوانها انه وقع بحبها ،،ويحاول يحميها...
