#حبل _الصبر
ﺍﻟﺤﻠﻘﻪ (٢ )
ﻋﻤﺮﻱ ﻛﺎﻥ ١٥ ﺳﻨﻪ ﻭﻻ ﺟﺎﻫﻠﻪ ﻭﻻﻣﺠﻨﻮﻧﻪ ﺑﺲ ﺗﺤﺖ ﺭﺣﻤﺔ ﻣﺸﺎﻋﺮﻱ
ﻭﻗﻔﺖ ﻓﻲ ﺍﻟﻤﺮﺍﻳﺎ ﻓﻜﻴﺖ ﺷﻌﺮﻱ ﺳﻠﻜﺘﻮ ﺑﺎﻟﻤﺸﻂ ﻟﺤﺪﻱ ﻣﺎ ﺑﻘﻰ ﻧﺎﻋﻢ
ﻭﻋﻤﻠﺖ ﺭﻭﺝ ﺍﺣﻤﻤﻤﻤﻤﻤﻤﺮ ﻭﻟﺒﺴﺖ ﺗﻮﺑﻲ ﺑﻌﺪﺍﻙ ﺷﻠﺖ ﻣﻼﺑﺲ ﻣﺎﺯﻥ
ﻭﻣﺸﻴﺖ ﻟﻪ ﺍﻟﺪﻳﻮﺍﻥ ﺭﻳﺤﺘﻲ ﺳﺎﺑﻘﺎﻧﻲ ﻛﺎﻥ ﺑﺮﺗﺐ ﻣﻼﺑﺴﻮ ﻓﻲ ﺍﻟﺸﻨﻄﻪ
ﻟﻤﻦ ﺷﺎﻓﻨﻲ ﺍﺗﺨﻠﻊ ﻗﺎﻝ ﻟﻲ ﺧﺘﻴﻬﻢ ﻭﺍﻣﺸﻲ ﺟﻴﺖ ﺟﻨﺒﻮ ﻭﻣﺴﻜﺖ ﻣﻨﻮ
ﺍﻟﻤﻼﺑﺲ ﻗﻌﺪﺕ ﺍﺩﺧﻠﻢ ﻟﻪ ﻫﻮ ﻃﻮﺍﻟﻲ ﺑﻌﺪ ﻣﻨﻲ
ﺳﻤﺮ ﺍﻟﻠﻪ ﻳﺮﺿﻰ ﻋﻠﻴﻚ ﺍﻣﺸﻲ : ﻣﺘﻀﺎﻳﻖ ﻣﻨﻲ ؟؟ ﺧﻼﺹ ﻛﺮﻫﺘﻨﻲ :
ﺟﻴﺘﻚ ﻫﻨﺎ ﺩﻱ ﻣﺎ ﻣﻨﺎﺳﺒﻪ ﻭﻧﺤﻦ ﺑﺮﺍﻧﺎ ﻓﻲ ﺍﻟﺒﻴﺖ ﻧﺰﻟﺖ ﻟﻲ ﺩﻣﻴﻌﺎﺕ
ﻭﻗﻠﺖ ﻟﻪ : ﺍﻧﺎ ﺑﺎﻟﺠﺪ ﺑﺤﺒﻚ ﻳﺎ ﻣﺎﺯﻥ ﻣﺎﻃﻴﺶ ﺷﺒﺎﺏ ﺯﻱ ﻣﺎ ﺍﻧﺖ
ﺑﺘﻘﻮﻝ ﻭﺍﻧﺖ ﺑﺒﺴﺎﻃﻪ ﻟﻘﻴﺖ ﺍﻟﺒﺪﻳﻞ : ﻭﺍﻟﻠﻪ ﻣﺎ ﻛﺪﺍ ﻳﺎ ﺳﻤﺮ ﺍﻧﺎ ﺟﻴﺖ
ﻗﺮﻳﺐ ﻣﻨﻮ ﻭﻗﻠﺖ ﻟﻪ ﺍﻧﺖ ﺷﻨﻮ ؟ ﻋﺎﻭﺯ ﺗﻔﻬﻤﻨﻲ ﺍﻧﻮ ﺍﻟﻤﺸﺎﻋﺮ ﺍﻟﻜﺎﻧﺖ
ﻭﺍﺻﻼﻧﻲ ﺩﻳﻚ ﻛﻠﻬﺎ ﻏﻠﻂ ؟؟ ﺍﻧﺎ ﻣﺎ ﻗﺎﺩﺭﻩ ﺍﻧﺴﻰ ﺍﻟﻜﺎﻥ ﺑﻴﻨﻨﺎ ﺣﺘﻰ ﻟﻮ
ﻋﺎﻭﺯﻩ ﺍﻧﺎ ﺑﺎﻟﺠﺪ ﺑﺤﺒﻚ ﺑﺤﺒﻚ ﻭﻗﻠﺖ ﺍﻟﺘﻮﺏ ﻣﺎﺯﻥ ﻗﺎﻝ ﻟﻲ ﻭﺍﻧﺎ ﺑﺤﺒﻚ
ﻳﺎ ﺳﻤﺮ ﻭﻋﺸﺎﻥ ﻛﺪﺍ ﻋﺎﻭﺯﻙ ﺗﺒﻌﺪﻱ ﻋﻨﻲ : ﻭﺍﺑﻌﺪ ﻟﻴﻪ ؟ : ﻻﻧﻲ
ﻋﺎﻭﺯﻙ ﻟﻘﺪﺍﻡ ﺯﻭﺟﻪ ﻭﻃﻮﻝ ﻣﺎ ﺍﻧﺎ ﻓﺎﺷﻞ ﻛﺪﺍ ﺍﺑﻮﻙ ﻋﻤﺮﻭ ﻣﺎ
ﺣﺎﻳﻮﺍﻓﻖ ﺍﻧﺎ ﻋﺎﻭﺯ ﺍﺩﺭﺱ ﻭﺍﺷﺘﻐﻞ ﻭﺍﻋﻤﻞ ﻗﺮﻭﺵ ﻋﺸﺎﻥ ﺍﺑﻘﻰ ﻣﻦ
ﻣﺴﺘﻮﺍﻙ ﻋﺸﺎﻥ ﺍﻗﻴﻒ ﻗﺪﺍﻡ ﺍﺑﻮﻙ ﺑﻌﻴﻦ ﻗﻮﻳﻪ ﻭﺍﻃﻠﺒﻚ ﻻﺯﻡ ﻧﻨﺘﻈﺮ ﻳﺎ
ﺳﻤﺮ ﻗﺮﺑﺖ ﻣﻨﻮ ﻭﺧﺘﻴﺖ ﻳﺪﻱ ﺣﻮﺍﻟﻴﻦ ﺭﻗﺒﺘﻮ ﻟﺤﺪﻱ ﻣﺎ ﺍﻧﻔﺎﺳﻨﺎ
ﺍﺗﻀﺎﺭﺑﺖ ﻗﻠﺖ ﺑﺘﻨﻬﻴﺪﻩ ﻭﻧﻨﺘﻈﺮ ﻟﻴﻪ ﺍﻧﺎ ﺍﺻﻼ ﺣﻘﺘﻚ ﻣﻦ ﺯﻣﺎﻥ ﻓﻲ
ﺍﻟﺤﺎﻟﻪ ﺩﻱ ﺍﻱ ﺭﺍﺟﻞ ﻣﻬﻤﺎ ﻛﺎﻥ ﻭﺍﻋﻲ ﻻﺯﻡ ﻳﺘﺄﺛﺮ ﺧﺼﻮﺻﺎ ﻟﻮ ﻛﺎﻧﺖ
ﺣﺒﻴﺒﺘﻮ ﻣﺎﺯﻥ ﻟﻒ ﻳﺪﻳﻪ ﺣﻮﻟﻲ ﺣﻀﻨﻲ ﻭﺑﺎﺳﻨﻲ ﻭﺑﻌﺪﺍﻙ ﺷﺎﻟﻨﻲ .
ﻭﺩﺍﻧﻲ ﺍﻟﺴﺮﻳﺮ ﻭﺍﻟﻤﺮﻩ ﺩﻱ ﻣﺎ ﻛﺎﻧﺖ ﺯﻱ ﺍﻟﻘﺒﻠﻬﺎ ﻻﻧﻨﺎ ﺍﺗﺠﺎﺯﻧﺎ ﻛﻞ
ﺍﻟﺤﺪﻭﺩ ﻭﻋﻤﻠﻨﺎ ﻋﻼﻗﻪ ﻛﺎﻣﻠﻪ ﻻ ﺍﻧﺎ ﻛﻨﺖ ﻭﺍﻋﻴﻪ ﻟﻨﻔﺴﻲ ﻭﻻ ﻫﻮ
ﻓﺠﺎﺀﺓ ﺣﺴﻴﺖ ﺑﺄﻟﻢ ﻓﻈﻴﻊ ﻣﺎ ﻗﺪﺭﺕ ﺍﺗﺤﻤﻠﻮ ﻭﺑﻘﻴﺖ ﺍﺻﺮﺥ ﻣﺎﺯﻥ
ﻗﺪﺭ ﻣﺎ ﺣﺎﻭﻝ ﻳﻬﺪﻳﻨﻲ ﻣﺎ ﻗﺪﺭ ﺑﻘﻰ ﻣﺎﺷﻲ . ﻭ ﺟﺎﻱ ﻣﺎ ﻋﺎﺭﻑ ﻳﻌﻤﻞ
ﺷﻨﻮ ﻭﺍﻧﺎ ﻣﺎ ﺳﻜﺘﺖ ﻧﻬﺎﺋﻲ ﺍﻻ ﻟﻤﺎ ﺷﻔﺖ ﺍﻣﻲ ﻭﺍﻗﻔﻪ ﻓﻲ ﺍﻟﺒﺎﺏ ﻛﺎﻧﺖ
ﻣﺼﺪﻭﻣﻪ ﻓﻀﻠﻨﺎ ﺳﺎﻛﺘﻴﻦ ﻗﺮﺍﺑﺔ ﺍﻟﺨﻤﺴﻪ ﺩﻗﺎﻳﻖ ﻓﺠﺎﺀﺓ ﺍﻣﻲ ﺑﻘﻦ
ﺗﺼﺮﺥ : ﺑﺘﻌﻤﻠﻤﻮ ﻓﻲ ﺷﻨﻮ ﻳﺎ ﺍﻭﻻﺩ ﺍﻟﺤﺮﺍﻡ ﻳﺎ ﺗﺎﻓﻬﻴﻦ ﻭﺍﻟﻔﺎﻅ ﻛﺪﺍ ﻣﺎ
ﺑﺘﺘﻘﺎﻝ ﻣﺎﺯﻥ ﺑﻘﻰ ﻳﺤﺎﻭﻝ ﻳﺒﺮﺭ ﻭﺍﻧﺎ ﻟﺴﻪ ﻣﺎ ﻣﺴﺘﻮﻋﺒﻪ ﺷﻲ ﺑﻘﺖ
ﺗﻀﺮﺏ ﻓﻴﻪ ﻭﺗﻨﺒﺰﻭ : ﺩﻱ ﺍﺧﺮﺓ ﺛﻘﺘﻲ ﻓﻴﻚ ﻳﺎﻷﻋﺘﺒﺮﺗﻚ ﺯﻱ ﻭﻟﺪﻱ
ﻭﺩﺧﻠﺘﻚ ﺑﻴﺘﻲ ﺑﺘﺨﻮﻧﺎ ﻳﺎ ﺣﻴﻮﺍﻥ ﻭﺗﻄﻌﻦ ﺷﺮﻓﻨﺎ : ﺍﻋﻤﻞ ﻛﻞ ﺍﻟﻌﺎﻭﺯﺍﻩ
ﻓﻴﻨﻲ ﺑﺲ ﺳﻤﺮ ﻣﺎ ﻋﻨﺪﻫﺎ ﺫﻧﺐ ﺍﻧﺎ ﺍﻏﺘﺼﺒﺘﺎ : ﺍﻧﺎ ﺍﻟﻠﻴﻠﻪ ﻣﺎ ﺑﺮﺣﻢ
ﻓﻴﻜﻢ ﺯﻭﻝ ﻣﺎ ﺧﺠﻠﺘﻮ ﻣﻦ ﻧﻔﺴﻜﻢ ﻣﺎ ﻓﻜﺮﺗﻮ ﻓﻴﻨﺎ ﻧﺤﻦ ﺍﻟﺘﻌﺒﻨﺎ ﻓﻴﻜﻢ
ﺩﻱ ﺟﺰﺍﺗﻨﺎ ﺍﻟﻠﻪ ﻳﻨﺘﻘﻢ ﻣﻨﻜﻢ ﺍﻟﻠﻪ ﻳﻐﻄﺲ ﺣﺠﺮﻛﻢ ﺑﻘﺖ ﻗﺎﻋﺪﻩ ﻓﻲ
ﺍﻻﺭﺽ ﻭﻣﺎﺳﻜﻪ ﺭﺍﺳﺎ ﻭﺗﺼﺮﺥ ﺩﺍ ﻛﻠﻮ ﻭﺍﻧﺎ ﻣﺎ ﺍﺗﺤﺮﻛﺖ ﻣﻦ ﻣﺤﻠﻲ
ﻭﻣﺎﺯﻥ ﻳﺒﻜﻲ ﺯﻱ ﺍﻟﻄﻔﻞ ﻋﺎﻳﻨﺖ ﻟﺮﻭﺣﻲ ﻭﺍﺗﺼﺪﻣﺖ ﻓﻴﻬﺎ ﻗﺪﺭ ﻣﺎ
ﺣﺎﻭﻟﺖ ﺍﻗﻮﻡ ﻣﺎ ﻗﺪﺭﺕ ﻟﺤﺪﻱ ﻣﺎ ﻭﻗﻌﺖ ﻣﻦ ﺍﻟﺴﺮﻳﺮ ﻭﺍﻣﻲ ﻟﺴﻪ
ﻣﻮﺍﺻﻠﻪ ﺩﻋﺎﺀ ﻋﻠﻴﻨﺎ ﺩﻋﺎﻫﺎ ﺩﺍﻙ ﻟﻮ ﻛﺎﻥ ﺍﺳﺘﺠﺎﺏ ﻛﻠﻮ ﻧﺤﻦ ﻛﺎﻥ
ﺍﺗﺨﺴﻔﻨﺎ ﺑﺎﻻﺭﺽ ﻣﺎﺯﻥ ﻗﺎﻝ ﻟﻬﺎ ﺍﻧﺎ ﻏﻠﻄﺖ ﻭﻣﺴﺘﻌﺪ ﻻﻱ ﺍﻱ ﺣﺎﺟﻪ
ﺗﻘﻮﻟﻴﻬﺎ ﺍﻧﺸﺎﺀﺍﻟﻠﻪ ﺍﻋﻘﺪ ﻋﻠﻴﻬﺎ ﺍﺳﻲ ﺩﻱ : ﺗﻌﻘﺪ ﻋﻠﻰ ﻣﻦ ؟؟ ﻣﺎﺍﺻﻠﻚ
ﺩﺍ ﺍﻟﺪﺍﻳﺮﻭ ﻭﻣﺨﻄﻂ ﻟﻪ ﻳﺎ ﻣﻘﻄﻊ ﻳﺎ ﺟﻌﺎﻥ ﻟﻌﺒﺖ ﺑﺮﺍﺱ ﺍﻟﺤﻴﻮﺍﻧﻪ ﺩﻱ
ﻧﺨﻦ ﺍﻟﻠﻤﻴﻨﺎﻙ ﻭﻋﻤﻠﻨﺎ ﻣﻨﻚ ﺑﻨﻲ ﺍﺩﻡ ﺗﺘﺨﺎﺳﺲ ﻋﻠﻴﻨﺎ ﻭﺍﻟﻠﻪ ﻭﺍﻟﻠﻪ ﻣﺎ
ﻳﻜﻔﻴﻨﻲ ﻣﻮﺗﻚ ﻟﻢ ﻋﻔﻨﻚ ﺩﺍ ﻭﻏﻮﺭ ﻣﻦ ﻫﻨﺎ ﺗﺎﻧﻲ ﻭﺷﻚ ﺩﺍ ﻣﺎ ﻋﺎﻭﺯﻩ
ﺍﺷﻮﻓﻮ ﻻﻧﻮ ﺍﻟﺒﻌﻤﻠﻮ ﻓﻴﻚ ﻣﺎ ﺑﺘﺘﺨﻴﻠﻮ ﺟﺪﻋﺖ ﻟﻪ ﻭﻣﻼﺑﺴﻮ ﻭﺟﺰﻣﻮ
ﺩﻳﻞ ﻓﻠﻘﺘﻮ ﺑﻬﻢ ﻭﻫﻮ ﻳﻠﻘﻂ ﻭﺍﻟﻠﻪ ﻣﻼﺑﺴﻮ ﺩﻱ ﺍﻇﻦ ﻟﺒﺴﺎ ﻓﻲ ﺑﺎﺏ
ﺍﻟﺸﺎﺭﻉ ﻭﺭﻣﺖ ﺷﻨﻄﺘﻮ ﻓﻲ ﺍﻟﺸﺎﺭﻉ ﺑﻌﺪﺍﻙ ﻗﺒﻠﺖ ﻋﻠﻲ ﺍﻧﺎ ﺟﺮﺗﻨﻲ ﻓﻲ
ﺍﻻﺭﺽ ﻭﻫﻲ ﺑﺘﺸﺘﻢ ﻭﺗﺴﻴﺊ ﻣﺎ ﺧﻠﺖ ﻛﻌﺒﻪ ﻣﺎ ﻗﺎﻟﺘﺎ ﻟﻲ
ﻳﺎﺭﻳﺘﻨﻲ ﻛﺎﻥ ﻋﻘﺮﺕ ﻭﻻ ﺟﺒﺖ ﺑﻨﺖ ﺯﻳﻚ ﻧﺎﻗﺼﻚ ﺷﻨﻮ ﻋﺸﺎﻥ ﺗﻌﻤﻠﻲ
ﻛﺪﺍ ﺍﺗﻜﻠﻤﻲ ﺩﻱ ﺟﺰﺍﺗﻨﺎ ﺍﻟﻠﻴﻠﻪ ﺍﻧﺎ ﺑﻘﺘﻠﻚ ﺑﺲ ﻭﺑﺮﺗﺎﺡ ﻣﻨﻚ ﺟﺮﺗﻨﻲ
ﻟﺤﺪﻱ ﻏﺮﻓﺘﻲ ﻭﺑﻘﻴﺖ ﺗﻜﻔﺖ ﻓﻴﻨﻲ ﻣﻊ ﺍﻟﻨﺒﺰ ﺑﻌﺪﺍﻙ ﻣﺸﺖ ﺍﻟﺪﻳﻮﺍﻥ
ﺷﺎﻟﺖ ﺍﻟﻤﻼﻳﻪ ﻭﻻﺑﺴﻲ ﺍﻟﻔﻲ ﺍﻻﺭﺽ ﺣﺮﻗﺘﻢ ﻭﺟﺮﺕ ﺧﺮﻃﻮﺵ ﺍﻟﻤﻮﻳﻪ
ﻭﺟﺎﺗﻨﻲ ﻟﻤﺖ ﻓﻴﻨﻲ ﺿﺮﺏ ﻣﺎﺧﻠﺖ ﻓﻴﻨﻲ ﻣﻜﺎﻥ ﺳﺎﻟﻢ ﺍﻧﺎ ﺻﻮﺗﻲ ﺭﺍﺡ
ﻣﻦ ﺍﻟﺒﻜﺎﺀ ﻣﺎﻓﻲ ﺣﺘﻪ ﻓﻲ ﺟﺴﻤﻲ ﻣﺎ ﻭﺍﺟﻌﺎﻧﻲ ﻭﻫﻲ ﻣﻦ ﺑﺘﺼﺮﺥ
ﻟﻤﻦ ﻧﻔﺴﺎ ﻛﺘﻢ ﺑﻘﻴﺖ ﺍﺗﺠﺮﺍ ﺑﺎﻻﺭﺽ ﻟﺤﺪﻱ ﻣﺎ ﻭﺻﻠﺘﻬﺎ ﻟﻤﻦ ﺷﺎﻓﺘﻨﻲ
ﺍﺩﺗﻨﻲ ﻛﻒ ﻭﻫﻲ ﻻﺑﺴﻪ ﺧﺎﺗﻢ ﻓﻲ ﻳﺪﻫﺎ ﺟﺮﺣﺘﻨﻲ ﻓﻲ ﺧﺸﻤﻲ
ﻭﺭﺟﻌﺖ ﺗﻀﺮﺏ ﻓﻴﻨﻲ ﺑﻌﺪ ﺷﻮﺑﻪ ﺳﻤﻌﻨﺎ ﺻﻮﺕ ﺍﻟﺒﺎﺏ ﺟﺪﻋﺖ ﻓﻴﻨﻲ
ﺗﻮﺑﺎ ﻭﻗﺎﻟﺖ ﻟﻲ ﺻﻮﺗﻚ ﺩﺍ ﻣﺎ ﺍﺳﻤﻌﻮ ﺍﻧﺎ ﺍﺻﻼ ﺻﻮﺗﻲ ﺭﺍﻳﺢ ﻭﺣﺎﺳﻪ
ﺑﻮﺟﻊ ﻣﺎ ﺑﺘﻮﺻﻒ ﻭﺩﻣﻲ ﺟﺎﺭﻱ ﻛﺎﻧﺖ ﺟﺎﺭﺗﻨﺎ ﺟﺎﺑﺖ ﻭﺟﻦ ﻭﺭﺍﻣﻲ ﻻﻧﻮ
ﺍﻣﻲ ﺭﺟﻌﺖ ﺗﺸﻮﻓﻨﻲ ﻣﺎﻟﻲ ﻣﺎ ﺟﻴﺖ : ﻣﺎﻟﻚ ﻳﺎ ﻛﻮﺛﺮ ﺣﺎﻟﺘﻚ ﺩﻱ ﻣﺎ
ﻣﻄﻤﻨﺎﻧﻲ ﺍﻟﺒﻨﺖ ﻛﻮﻳﺴﻪ ؟؟ : ﻛﻮﻳﺴﻪ ﻣﺎ ﺗﺨﺎﻓﻲ ﻛﺎﻧﺖ ﻭﺍﻗﻔﻪ ﻣﻌﺎﻫﺎ
ﻓﻲ ﺍﻟﺒﺎﺏ ﻋﺸﺎﻥ ﻣﺎ ﺗﺪﺧﻞ ﺑﻌﺪ ﻣﺸﺖ ﻗﻔﻠﺖ ﻭﺟﻦ ﻭﺭﺍﻣﻲ ﻓﻲ ﻏﺮﻓﺘﺎ
ﻭﺟﺎﺗﻨﻲ ﺗﺎﻧﻲ ﺑﻘﺖ ﺗﺴﺄﻝ ﻓﻴﻨﻲ ﻭﺷﺎﻳﻠﻪ ﺍﻟﺨﺮﻃﻮﺵ ﻣﻊ ﺍﻱ ﻛﻠﻤﻪ
ﺑﺘﻀﺮﺑﻨﻲ ﺣﻜﻴﺖ ﻟﻬﺎ ﻛﻞ ﺍﻟﺤﺼﻞ ﺑﻴﻨﻨﺎ ﻣﻦ ﺯﻣﺎﻥ ﺫﺍﺩﺕ ﻓﻲ ﺍﻟﻀﺮﺏ
ﻭﺍﻟﻨﺒﺰ
ﻭﺗﻘﻮﻟﻲ ﺍﻏﺘﺼﺒﻚ ؟ ﻫﺪﻱ ﺭﻳﺤﺘﻚ ﺗﺠﻴﺐ ﺍﻟﻔﻲ ﺍﻟﺸﺎﺭﻉ ﺍﻧﺘﻲ ﻭﻫﻮ
ﺍﺳﺘﻐﻠﻴﺘﻮ ﻏﻴﺎﺑﻨﺎ ﻭﻋﻤﻠﺘﻮ ﻗﺮﻓﻜﻢ ﺩﺍ ﺍﻟﻠﻪ ﻳﻐﻀﺐ ﻋﻠﻴﻚ ﻳﺎ ﺳﻤﺮ
ﻭﻳﻌﻜﺴﺎ ﻋﻠﻴﻚ ﻣﺤﻞ ﻣﺎ ﺗﻘﺒﻠﻲ ﻏﻀﺒﺎﻧﻪ ﻋﻠﻴﻚ ﻭﻣﺎ ﻋﺎﻓﻴﻪ ﻟﻚ ﺩﻧﻴﺎ
ﻭﺍﺧﺮﻩ ﻟﻤﻦ ﻗﺎﻟﺖ ﻛﺪﺍ ﺍﻧﺎ ﺑﻘﻴﺖ ﺍﺑﻮﺱ ﺭﺟﻼ ﻭﺍﺑﻜﻲ ﺷﺎﺗﺘﻨﻲ ﻭﻃﻠﻌﺖ
ﻭﺍﻧﺎ ﻗﺎﻋﺪﻩ ﻓﻲ ﺣﺎﻟﺘﻲ ﺩﻳﻚ ﺑﺎﻟﺴﺎﻋﺎﺕ ﻟﺤﺪﻱ ﻣﻮﻋﺪ ﺟﻴﺔ ﻣﺎ ﺍﺑﻮﻱ
ﻗﺮﺏ ﺟﺘﻨﻲ ﺟﺮﺗﻨﻲ ﻟﻠﺤﻤﺎﻡ ﻭﺟﺪﻋﺖ ﻟﻲ ﺟﻠﺒﺎﺏ ﻃﻮﻳﻞ ﻭﻟﺴﻪ ﺑﺘﺸﺘﻢ
ﺍﻧﺎ ﺍﻟﻤﻮﻳﻪ ﺩﻱ ﻛﺎﻧﺖ ﺑﺘﻨﺰﻝ ﻋﻠﻲ ﺯﻱ ﺍﻟﺴﻜﺎﻛﻴﻦ ﺍﺗﻘﺪﺭﺕ ﻭﻧﻀﻔﺖ
ﻧﻔﺴﻲ ﻭﻟﺒﺴﺖ ﺟﻴﺖ ﻃﺎﻟﻌﻪ ﻭﺍﻧﺎ ﻣﺸﻲ ﻣﺎ ﻗﺎﺩﺭﻩ ﺍﻣﺸﻲ ﺭﺟﻌﺖ
ﺍﻟﻐﺮﻓﻪ ﺟﺎﺗﻨﻲ ﻗﺎﻟﺖ ﻟﻲ ﺗﺘﺮﺯﻋﻲ ﻫﻨﺎ ﻗﺒﻠﻚ ﻭﻣﺎ ﺍﺷﻮﻓﻚ ﻃﻠﻌﺘﻲ ﻛﺎﻥ
ﺍﺑﻮﻙ ﺳﺄﻟﻚ ﻗﻮﻟﻲ ﻟﻪ ﻭﻗﻌﺘﻲ ﻣﻦ ﺍﻟﺴﻠﻢ : ﺍﻧﺘﻲ ﻣﺎ ﺣﺎﺗﻜﻠﻤﻲ ﺑﺎﺑﺎ ؟ :
ﺍﻧﺎ ﻟﻮ ﻋﻠﻲ ﺍﻛﻠﻤﻮ ﺍﺿﺒﺤﻚ ﻭﻳﻮﺯﻉ ﻟﺤﻤﻚ ﻟﻜﻦ ﺍﻗﻮﻝ ﻟﻪ ﺷﻨﻮ ﻗﺒﻀﺖ
ﺑﻨﺘﻚ ﻣﻊ ﻭﻟﺪ ﺍﺧﺘﻲ ﺍﻋﻤﻞ ﻓﻀﻴﺤﻪ ﻫﻮ ﻳﺎﺭﻳﺖ ﻟﻮ ﺑﺘﺘﺄﺫﻱ ﺑﺮﺍﻙ ﺍﻧﺘﻲ
ﺿﻴﻌﺘﻴﻨﺎ ﻗﺒﻞ ﻣﺎ ﺗﻀﻴﻌﻲ ﻧﻔﺴﻚ ﻳﺎ ﺧﺴﺎﺭﺓ ﺗﺮﺑﻴﺘﻲ ﻳﺎ ﺳﻤﺮ ﻳﺎ
ﺧﺴﺎﺭﺓ ﺍﻱ ﺣﺎﺟﻪ ﻋﻤﻠﺘﻬﺎ ﻋﺸﺎﻧﻚ ﺍﻧﺎ ﻛﻨﺖ ﺑﻤﻮﺕ ﺑﺴﺒﺒﺎ ﻛﻼﻣﺎ ﺩﺍ
ﻭﺣﺴﺮﺗﺎ ﻋﻠﻲ ﺍﻟﻤﻲ ﺍﻟﻨﻔﺴﻲ ﺍﻛﺒﺮ ﻣﻦ ﺍﻟﺠﺴﺪﻱ ﺍﺿﻌﺎﻑ ﺑﺎﻟﺠﺪ ﺍﺗﻤﻨﻴﺖ
ﺍﻧﻲ ﺍﻣﻮﺕ ﺍﻟﻠﻴﻞ ﺩﺍ ﻛﻠﻮ ﺷﻠﺘﻮ ﺑﻜﺎﺀ ﻭﺍﺑﻮﻱ ﻣﻦ ﺍﻟﺼﺒﺎﺡ ﺟﺎﺀ ﺻﺒﺢ
ﻋﻠﻲ ﻻﺣﻆ ﻟﺠﺮﺣﺔ ﺧﺸﻤﻲ ﻗﺎﻝ ﻟﻲ ﻣﺎﻟﻮ ﺧﺸﻤﻚ ﺩﺍ ﻗﻠﺖ ﻟﻪ ﺩﻱ
ﺣﺒﻪ ﻳﺎﺑﺎﺑﺎ ﻣﺎ ﺗﺨﺎﻑ ﻋﻠﻲ : ﻃﻴﺐ ﻟﻮ ﻣﺎ ﺍﺗﺤﺴﻨﺘﻲ ﻟﻠﻤﺴﺎﺀ ﺑﻮﺩﻳﻚ
ﺍﻟﻤﺴﺘﺸﻔﻰ ﺍﻧﺎ ﻛﻞ ﺍﻟﻜﺎﻥ ﻫﺎﻣﻴﻨﻲ ﻣﺎﺯﻥ ﺍﻟﻤﻔﺮﻭﺽ ﻳﺠﻲ ﻳﺼﺤﺢ
ﺍﻟﻐﻠﻂ ﺍﻟﺤﺎﺻﻞ ﺩﺍ ﺍﻣﻠﻲ ﻛﺎﻥ ﻓﻴﻪ ﻫﻮ ﺑﺲ ﻗﻌﺪﺕ ﻟﻠﻤﺴﺎﺀ ﺍﻣﻲ ﺟﺎﺑﺖ
ﻟﻲ ﺍﻛﻞ ﺭﻣﺘﻮ ﻟﻲ ﻭﻣﺸﺖ ﻭﺍﺧﻮﺍﻧﻲ ﺍﻇﻨﻬﺎ ﻣﺨﺰﺭﺍﻫﻢ ﻣﻨﻲ ﻛﻨﺖ ﻣﺎﺷﻪ
ﺍﻟﺤﻤﺎﻡ ﻭﺭﺍﻣﻲ ﺷﺎﻓﻨﻲ ﻗﺎﻝ ﻟﻲ ﻣﺎﻟﻚ ﺑﺘﻤﺸﻲ ﻛﺪﺍ ﺍﻣﻲ ﻧﻬﺮﺗﻮ
ﻭﺟﺎﺗﻨﻲ : ﻣﻦ ﺍﻟﻐﺮﻓﻪ ﺩﻱ ﻣﺎ ﺗﻄﻠﻌﻲ ﻭﻻ ﺗﻮﺭﻱ ﺧﻠﻘﺘﻚ ﺩﻱ ﻟﺰﻭﻝ ﻟﻮ
ﻣﺎﺷﻪ ﺍﻟﺨﻤﺎﻡ ﻛﻠﻤﻴﻨﻲ ﺍﻧﺎ ﻳﻼ ﻃﻴﺮﻱ ﻟﻮ ﻃﺎﻳﺮﻩ ﻗﺒﻞ ﻣﺎ ﻳﺠﻲ ﺯﻭﻝ ﺑﻼ
ﻳﺎﺧﺪﻙ ﺩﻣﻮﻋﻲ ﺩﻱ ﻃﺒﻌﺎ ﻣﺎ ﻗﺎﻋﺪﻩ ﺗﻘﻴﻒ ﻣﺎ ﻛﻨﺖ ﺑﺎﻛﻞ ﻧﻬﺎﺋﻲ ﻭﺍﻣﻲ
ﺩﻱ ﻭﻻ ﺑﺘﺤﻨﺴﻨﻲ ﺯﺍﺗﻮ ﻋﺪﻳﺖ ﺍﺳﺒﻮﻉ ﺑﺎﻟﺤﺎﻟﻪ ﺩﻱ ﻭﺍﺑﻮﻱ ﻟﻤﻦ
ﺍﺳﺌﻠﺘﻮ ﻛﺘﺮﺕ ﺍﻣﻲ ﻗﺎﻟﺖ ﻟﻪ ﻣﻌﺎﻫﺎ ﺑﻴﺮﻳﻮﺩ ﻣﺘﻌﺒﺎﻫﺎ ﻭﺻﺤﺒﺎﺗﻲ ﻟﻤﻦ
ﻳﺴﺄﻟﻮ ﺍﻭ ﻳﺠﻮ ﻣﺎ ﺑﺘﺨﻠﻴﻬﻢ ﻳﺸﻮﻓﻮﻧﻲ ﺍﻣﺎ ﺍﻧﺎ ﻛﻨﺖ ﻣﻨﺘﻈﺮﻩ ﻣﺎﺯﻥ
ﺑﻌﻤﻞ ﻳﻌﻤﻞ ﺣﺎﺟﻪ ﺑﺲ ﻻ ﻟﻤﻦ ﺧﻼﺹ ﻗﻨﻌﺖ ﻣﻨﻮ ﻛﺮﻫﺖ ﻧﻔﺴﻲ
ﻭﻛﺮﻫﺖ ﻣﻌﺎﻣﻠﺔ ﺍﻣﻲ ﻟﻲ ﻃﻠﻌﺖ ﺑﺮﺍ ﺍﻟﻐﺮﻓﻪ ﻭﻛﺎﻧﺖ ﺍﻣﻲ ﻗﺎﻋﺪﻩ ﻣﻊ
ﺍﺳﻤﺎﺀ ﺟﺎﺭﺗﻨﺎ ﻧﺎﺩﻳﺖ ﻭﺟﻦ ﺑﺮﺍﺣﻪ ﻗﻠﺖ ﻟﻬﺎ ﺟﻴﺒﻲ ﻟﻲ ﺍﻟﺴﻜﻴﻦ ﻣﻦ
ﺍﻟﻤﻄﺒﺦ ﻣﺸﺖ ﺟﺎﺑﺘﺎ ﻟﻲ ﻗﻠﺖ ﻟﻬﺎ ﺍﻣﺸﻲ ﻭﻗﻔﻠﺖ ﺍﻟﺒﺎﺏ ﻭﺑﺪﻭﻥ ﺗﺮﺩﺩ
ﻗﻄﻌﺖ ﺷﺮﺍﻳﻴﻦ ﻳﺪﻱ ﻛﻨﺖ ﺣﺎﺳﻪ ﺑﺄﻟﻢ ﻓﻈﻴﻊ ﺑﺲ ﻣﺎ ﻗﺪﺭ ﺍﻻﻟﻢ
ﺍﻟﺤﺴﻴﺖ ﺑﻪ ﺍﻟﻴﻮﻡ ﺩﺍﻙ ﺣﺒﺴﺘﻮ ﻓﻲ ﻧﻔﺴﻲ ﻭﺳﺎﻣﻌﻪ ﻭﺟﻦ ﺑﺘﺼﺮﺥ
ﻓﺠﺎﺀﺓ ﺟﺎﺕ ﺍﻣﻲ ﺗﺸﻬﻮﺩ ﻭﻣﻌﺎﻫﺎ ﺧﺎﻟﺘﻮ ﺍﺳﻤﺎﺀ ﺍﻻﺛﻨﻴﻦ ﺑﺼﺮﺧﻮ ﺍﻣﻲ
ﺟﺎﺑﺖ ﻣﻔﺘﺎﺡ ﺍﺳﺒﻴﺮ ﻭﻣﻦ ﺷﺎﻓﺘﻨﻲ ﻟﺒﺴﺖ ﺗﻮﺑﺎ ﻭﺟﺮﺕ ﻋﻠﻰ ﺍﻟﺸﺎﺭﻉ
ﻭﺧﺎﻟﺘﻮ ﺍﺳﻤﺎﺀ ﺭﺑﻄﺖ ﻟﻲ ﻳﺪﻱ ﺑﻄﺮﺣﺎ ﻟﺤﺪﻱ ﻣﺎ ﺍﻣﻲ ﻭﻗﻔﺖ ﺭﻛﺸﻪ
ﻭﺟﺎﺕ ﺳﻨﺪﻭﻧﻲ ﻭﻭﺩﻭﻧﻲ ﺍﻟﻤﺴﺘﺸﻔﻰ ﺍﺑﻮ ﻳﺴﺘﻠﻤﻮﻧﻲ ﺍﻣﻲ ﺩﻱ ﻭﻗﻌﺖ
ﻟﻬﻢ ﻓﻲ ﺍﻻﺭﺽ ﻭﺍﻻ ﺧﺎﻟﺘﻮ ﺍﺳﻤﺎﺀ ﺣﻨﺴﺘﻬﻢ ﻻﻧﻬﺎ ﻛﺎﻧﺖ ﺩﺍﻳﻪ ﺑﻌﺮﻓﻮﻫﺎ
ﻗﺒﻠﻮ ﺧﻴﺘﻮ ﻟﻲ ﻳﺪﻱ ﻭﺭﻛﺒﻮ ﻟﻲ ﺩﺭﺑﺎﺕ ﺑﻌﺪﺍﻙ ﺭﺟﻌﻨﺎ ﺍﻟﺒﻴﺖ ﺧﺎﻟﺘﻮ
ﺍﺳﻤﺎﺀ ﺗﺴﺄﻝ ﺳﺎﻱ ﻭﺍﻣﻲ ﺍﺻﻼ ﻏﻤﺮﺕ ﻓﻲ ﺍﻟﻤﺴﺘﺸﻔﻰ ﻟﻤﻦ ﺭﺟﻌﻨﺎ
ﺍﺑﻮﻱ ﻛﺎﻥ ﻟﺴﺎ ﻣﺎ ﺟﺎﺀ ﺭﻗﺪﻭﻧﻲ ﻓﻲ ﺍﻟﺴﺮﻳﺮ ﺧﺎﻟﺘﻮ ﺍﺳﻤﺎﺀ ﻗﺎﻟﺖ ﻟﻲ
ﻋﻤﻠﺘﻲ ﻛﺪﺍ ﻟﺸﻨﻮ ﻳﺎ ﺑﻨﺖ ﺍﻧﺘﻲ ﺟﻨﻴﺘﻲ ؟ ﻭﺍﻧﺎ ﻗﺒﻠﺖ ﻋﻠﻰ ﺍﻟﺤﻴﻄﻪ
ﻭﺩﻣﻮﻋﻲ ﺟﺎﺭﻳﻪ ﻣﺸﺖ ﻻﻣﻲ ﺍﻇﻨﻬﺎ ﺣﻜﺖ ﻟﻬﺎ ﺍﺻﻼ ﺍﻧﺎ ﺑﻘﻴﺖ ﻣﺎ
ﺣﺎﺳﻪ ﺑﺎﻟﺤﺎﺻﻞ ﻓﻲ ﺍﻟﺒﻴﺖ ﺑﻠﻴﻞ ﺍﻣﻲ ﺟﺎﺕ ﺩﺍﺧﻠﻪ ﺷﺎﻳﻠﻪ ﺻﻴﻨﻴﺔ
ﻓﻴﻬﺎ ﺍﻛﻞ ﻭﻋﺼﻴﺮ ﻋﻴﻮﻧﺎ ﺩﻱ ﻛﺎﻧﺖ ﻭﺍﻗﻌﻪ ﻗﺎﻟﺖ ﻟﻲ ﻗﻮﻣﻲ ﺍﻛﺎﻱ ﻗﻠﺖ
ﻟﻬﺎ ﻣﺎ ﻋﺎﻭﺯﻩ : ﺩﺍﻳﺮﻩ ﺗﻤﻮﺗﻲ ﻛﺎﻓﺮﻩ ﻣﺶ ؟ ﻭﺗﻌﻴﺸﻴﻨﻲ ﻣﻊ ﺫﻧﺒﻚ ﻟﻤﻦ
ﺍﻣﻮﺕ ؟ ﻣﺎ ﻛﻔﺎﻳﻪ ﺍﻟﻌﻤﻠﺘﻲ ﻓﻴﻨﻲ ﺷﻐﻠﻲ ﺧﻠﻴﺘﻮ ﻭﺍﺧﺮ ﺷﻲ ﻫﺪﺍ ﻇﻬﺮ
ﻟﻲ ﺍﻟﺴﻜﺮﻱ ﻗﻠﻌﺖ ﻋﻴﻮﻧﻲ ﻛﺒﺎﺍﺍﺍﺍﺍﺭ ﻣﺎﻣﺎ ﺍﻧﺘﻲ ﺟﺎﻙ ﺳﻜﺮﻱ؟ : ﻣﺎ
ﺗﻘﻮﻟﻲ ﻟﻲ ﻣﺎﻣﺎ ﺍﻧﺘﻲ ﻟﻮ ﻋﺎﺩﺍﻧﻲ ﺍﻣﻚ ﺻﺤﻲ ﻣﺎ ﻛﺎﻥ ﻋﻤﻠﺘﻲ ﻓﻴﻨﻲ
ﻛﺪﺍ ﺍﺳﻲ ﻟﻮ ﻣﺘﻲ ﻭﻻ ﻟﻮ ﻣﺎ ﺍﺳﺘﻠﻤﻮﻙ ﻓﻲ ﺍﻟﻤﺴﺘﺸﻔﻰ ﻧﻘﻮﻝ ﻟﻠﻨﺎﺱ
ﺷﻨﻮ؟ ﺍﺑﻮﻙ ﺍﻗﻮﻝ ﻟﻪ ﺷﻨﻮ؟ ﺍﻧﺘﻲ ﻟﺴﻪ ﻣﺼﺮﻩ ﺗﺄﺫﻳﻨﻲ ﻋﺎﻭﺯﻩ ﺗﻌﻤﻠﻲ
ﺷﻨﻮ ﺍﻛﺘﺮ ﻣﻦ ﻛﺪﺍ ﺍﺳﺎﺗﺬﺗﻚ ﻳﻤﻲ ﻳﺴﺄﻟﻮ ﻣﻨﻚ : ﺍﻧﺎ ﻣﺎ ﺩﺍﻳﺮﻩ ﻟﻲ
ﻗﺮﺍﻳﻪ ﺗﺎﻧﻲ ﻣﺎ ﺍﺻﻠﻲ ﻓﺎﺷﻠﻪ ﻭﻣﺎ ﻧﺎﻓﻌﻪ ﺯﻱ ﻣﺎ ﺑﺘﻘﻮﻟﻲ : ﻏﻠﻄﺘﻲ
ﻭﻋﺎﻭﺯﻩ ﺗﻌﺎﻗﺒﻲ ﻧﻔﺴﻚ ﻭﺗﻌﺎﻗﺒﻴﻨﻲ ﺍﻧﺎ ﻋﺸﺎﻥ ﺯﻋﻠﺖ ﻣﻨﻚ ﻭﻋﺎﻗﺒﺘﻚ
ﻳﻌﻨﻲ ﻛﻨﺘﻲ ﻋﺎﻭﺯﺍﻧﻲ ﺍﺻﻔﻖ ﻟﻚ ﻣﺎ ﺧﺠﻼﻧﻪ ﻣﻦ ﻧﻔﺴﻚ ﻗﻌﺪﺕ ﺍﺑﻜﻲ
ﻗﺎﻟﺖ ﻟﻲ ﺩﻣﻮﻋﻚ ﺩﻱ ﻣﺎ ﺑﺘﺤﻠﻚ ﺍﺳﻲ ﺍﻣﺴﻜﻲ ﺍﻻﻛﻞ ﺩﺍ ﺍﻛﻠﻲ
ﻭﺍﺷﺮﺑﻲ ﺍﻟﻌﺼﻴﺮ ﺩﺍ : ﻣﺎ ﻋﺎﻭﺯﻩ ﻳﺎ ﻣﺎﻣﺎ : ﻣﺎ ﻋﺸﺎﻧﻚ ﺍﻧﺘﻲ ﻋﺸﺎﻧﻲ
ﺍﻧﺎ ﻋﺸﺎﻥ ﺍﺗﻔﺸﻰ ﻓﻴﻚ ﻭﺍﺷﻮﻓﻚ ﺑﺘﺪﻓﻌﻲ ﺗﻤﻦ ﺍﻟﻌﻤﻠﺘﻲ ﻭﺗﻌﺮﻓﻲ
ﻧﺘﺎﻳﺠﻮ ﻳﻤﻜﻦ ﻗﻠﺒﻲ ﻳﺤﻦ ﻋﻠﻴﻚ ﻭﺍﻗﺪﺭ ﺍﺗﻘﺒﻠﻚ ﻗﻮﻣﻲ ﻣﺎ ﺗﺨﻠﻴﻨﻲ
ﺍﻛﺮﻫﻚ ﺍﻛﺘﺮ ﻣﻦ ﻛﺪﺍ ﻃﻮﺍﻟﻲ ﻗﻤﺖ ﺩﻣﻮﻋﻲ ﺩﻱ ﻧﺰﻟﺖ ﻓﻲ ﺍﻻﻛﻞ ﻭﻣﺎ
ﻋﺎﺭﻓﻪ ﺑﻠﻌﺘﻮ ﻛﻴﻒ ﺑﻌﺪ ﺍﻛﻠﺖ ﺍﺩﺗﻨﻲ ﺣﺒﻮﺏ ﺗﺎﻧﻲ ﻳﻮﻡ ﺟﺎﺗﻨﻲ ﺧﺎﻟﺘﻮ
ﺍﺳﻤﺎﺀ ﻗﺎﻟﺖ ﻟﻲ ﺍﻧﺎ ﻣﺎ ﺟﺎﻳﻪ ﺍﺣﺎﺳﺒﻚ ﻭﻏﻠﻄﻚ ﺍﻧﺘﻲ ﺑﺮﺍﻙ ﻋﺎﺭﻓﺎﻩ ﻟﻜﻦ
ﻗﻌﺎﺩﻙ ﻛﺪﺍ ﺩﺍ ﻣﺎ ﺣﻞ ﺍﺭﺟﻌﻲ ﻣﺪﺭﺳﺘﻚ ﺍﻣﻚ ﺯﺍﺗﺎ ﺩﺍﻳﺮﺍﻙ ﺗﻄﻠﻌﻲ ﻣﻦ
ﺍﻟﺤﺎﻟﻪ ﺩﻱ ﻭﺯﻋﻼﻧﻪ ﻋﻠﻴﻚ ﺑﺲ ﻣﺎ ﻗﺎﺩﺭﻩ ﺗﻌﺒﺮ ﺍﻧﺎ ﺍﻟﻘﺮﺍﻳﻪ ﺩﻱ ﻣﺎ
ﺩﺍﻳﺮﺍﻫﺎ ﺧﻼﺹ ﻗﺮﻓﺘﺎ ﺍﺻﻼ ﻣﺎﻣﺎ ﺗﺎﻧﻲ ﻣﺎ ﺑﺘﻮﺛﻖ ﻓﻴﻨﻲ ﻭﻻ ﺑﺘﻀﻤﻨﻲ
ﺑﺮﺍ ﺍﻟﺒﻴﺖ : ﺍﻫﺎ ﺩﺍﺍﻳﺮﻩ ﺗﻌﻤﻠﻲ ﺷﻨﻮ ﺍﻣﻲ ﻛﺎﻧﺖ ﺟﺎﻳﻪ ﻭﺷﺎﻳﻠﻪ ﺻﻴﻨﻴﻪ
ﺍﻛﻞ ﺍﻧﺎ ﻣﺎ ﺍﻧﺘﺒﻬﺖ ﻟﻬﺎ ﻭﻗﻠﺖ ﻟﺨﺎﻟﺘﻮ ﺍﺳﻤﺎﺀ ﻋﺎﻭﺯﻩ ﻣﺎﺯﻥ ﻳﺠﻲ ﻳﻌﻘﺪ
ﻟﻲ ﻃﻮﺍﻟﻲ ﺍﻣﻲ ﺭﻣﺖ ﺍﻟﺼﻴﻨﻴﻪ ﻭﺟﺎﺕ ﺿﺮﺑﺘﻨﻲ ﻛﻒ ﻭﺑﺪﺕ ﺗﻀﺮﺏ
ﻓﻴﻨﻲ ﻓﻲ ﺍﻱ ﻣﻜﺎﻥ ﺍﻻ ﺧﺎﻟﺘﻮ ﺍﺳﻤﺎﺀ ﻣﺴﻜﺘﺎ : ﻣﺎﺯﻥ ﺗﺎﻧﻲ ﻣﺶ؟ ﻟﺴﻪ
ﺩﺍﻳﺮﺍﻫﻮ ﺍﻟﺤﻴﻮﺍﻥ ﺑﻌﺪ ﺍﻟﻌﻤﻠﻮ ﻓﻴﻚ : ﻃﻴﺐ ﻭﺭﻳﻨﻲ ﻫﻮ ﻣﺸﻰ ﻭﻳﻦ :
ﻣﺸﻰ ﺟﻬﻨﻢ ﺍﻟﺘﺤﺮﻗﻮ ﻭﺗﺤﺮﻗﻚ ﻗﺎﻳﻼﻩ ﺗﺎﻧﻲ ﺑﻌﺎﻳﻦ ﻟﻚ ﻳﺎ ﻋﻔﻨﻪ ﻳﺎ
ﻭﺳﺨﻪ ﺑﻌﺪ ﻋﻤﻞ ﺍﻟﺪﺍﻳﺮﻭ ﻫﻢ ﺍﻟﺰﻳﻚ ﺩﻳﻞ ﺑﻌﺮﺳﻮﻫﻢ ﻭﻻ ﺑﻌﺎﻳﻨﻮ ﻓﻴﻬﻢ
ﺑﻼ ﻳﺎﺧﺪﻙ ﺍﻟﻠﻪ ﻳﻐﻀﺐ ﻋﻠﻴﻚ ﻳﺎ ﺳﻤﺮ ﻭﻳﻌﻜﺴﺎ ﻋﻠﻴﻚ ﻣﺤﻞ ﻣﺎ ﺗﻘﺒﻠﻲ
ﻗﻠﺖ ﻟﻬﺎ ﻣﺎ ﻋﺎﻭﺯﻩ ﺗﺮﻳﺤﻴﻨﻲ ﻣﻨﻜﻢ ﻭﻻ ﻣﺨﻠﻴﺎﻧﻲ ﺍﻋﻴﺶ ﺯﻱ ﺍﻟﻨﺎﺱ
ﻭﻻ ﻣﺨﻠﻴﺎﻧﻲ ﺍﻣﻮﺕ ﺍﻧﺎ ﺍﻋﻤﻞ ﺷﻨﻮ ﻋﺸﺎﻥ ﺍﺭﻳﺤﻚ ﻳﺎﺭﺑﻲ ﺗﺎﺧﺪ ﺭﻭﺣﻲ
ﻓﻲ ﺍﻟﻠﺤﻈﻪ ﺩﻱ : ﺍﺳﻜﺘﻲ ﻳﺎ ﺑﻨﺖ ﻣﺎ ﺗﻘﻮﻟﻲ ﻛﺪﺍ ﻭﺍﻧﺘﻲ ﻳﺎ ﻛﻮﺛﺮ
ﻛﻔﺎﻳﻪ ﺧﻼﺹ ﻳﻌﻨﻲ ﻟﻮ ﻭﻗﻌﺖ ﻣﺎﺗﺖ ﻟﻚ ﺍﺳﻲ ﺑﺘﺮﺗﺎﺣﻲ ؟ ﺩﻱ ﻣﺎ
ﺑﻨﺘﻚ ﺍﻟﺘﻌﺒﺘﻲ ﻓﻴﻬﺎ ؟ ﺍﻣﻲ ﻗﻌﺪﺕ ﺗﺒﻜﻲ : ﺧﻼﺹ ﻳﺎ ﻛﻮﺛﺮ ﺍﻟﺒﻜﺎﺀ ﻛﺎﻥ
ﺑﻌﻤﻞ ﺣﺎﺟﻪ ﻛﺎﻥ ﻋﻤﻞ ﺍﻟﺒﺘﺴﻮ ﻓﻴﻪ ﺩﺍ ﻛﻠﻮ ﻣﺎ ﺑﺤﻠﻜﻢ ﺍﻧﺘﻲ ﻛﺎﻥ
ﺿﺮﺑﺘﻴﻬﺎ ﻭﻻ ﻣﻮﺗﻴﻬﺎ ﻣﺎ ﺑﺘﻜﺴﺒﻲ ﺣﺎﺟﻪ ﻏﻴﺮ ﺗﺤﺮﻗﻲ ﻗﻠﺒﻚ ﻭﺍﻧﺘﻲ
ﺍﻟﺘﺎﻧﻴﻪ ﺣﺎﺗﻘﻌﺪﻱ ﻛﺪﺍ ﺗﻌﺪﻱ ﺣﻴﺎﺗﻚ ﺑﻜﺎﺀ ﻳﻌﻨﻲ ﺍﻟﺤﻴﺎﺓ ﻭﻗﻔﺖ
ﺧﻼﺹ ؟ ﺩﺍ ﻭﺍﻗﻊ ﺍﺗﻔﺮﺽ ﻋﻠﻴﻚ ﻭﻻﺯﻡ ﺗﺘﻌﺎﻳﺸﻲ ﻣﻌﺎﻩ ﺑﻌﺪ ﺍﻟﻴﻮﻡ
ﺩﺍﻙ ﺍﻣﻲ ﺑﻄﻠﺖ ﺗﻀﺮﺑﻨﻲ ﻭﺷﻮﻳﻪ ﺷﻮﻳﻪ ﺑﺪﺕ ﺗﺘﻌﺎﻣﻞ ﻣﻌﺎﻱ ﺍﻧﺎ
ﻛﺮﻫﺖ ﺍﻟﻤﺪﺭﺳﻪ ﻭﺗﺎﻧﻲ ﺑﺎﻟﻐﻠﻂ ﻳﺎ ﻣﺎ ﻋﺘﺒﺘﻬﺎ ﻛﺎﻧﺖ ﻓﺘﺮﺓ ﺍﻣﺘﺤﺎﻧﺎﺕ
ﻭﺍﺑﻮﻱ ﻭﻻ ﺟﺎﺏ ﺧﺒﺮﻱ ﺍﺧﻮﺍﻧﻲ ﺩﻳﻞ ﺑﻘﻮ ﻳﺘﺠﻨﺒﻮﻧﻲ ﻋﺪﻳﻞ ﺍﻇﻦ ﺍﻣﻲ
ﻣﺤﺬﺭﺍﻫﻢ ﻣﻨﻲ ﻳﻮﻡ ﺍﻣﻲ ﺟﺎﺕ ﻟﻘﺘﻨﻲ ﻧﺎﻳﻤﻪ ﺻﺤﺘﻨﻲ ﻭﻗﺎﻟﺖ ﻟﻲ
ﺍﻟﺒﺴﻲ ﺳﺮﻳﻊ ﺍﺭﺡ ﺍﻣﺶ ﻗﺪﺍﻣﻲ ﻗﻠﺖ ﻟﻬﺎ ﻭﻳﻦ ﻗﺎﻟﺖ ﺟﻬﻨﻢ ﻟﺒﺴﺖ
ﻭﺳﺎﻗﺘﻨﻲ ﺑﻴﺖ ﺧﺎﻟﺘﻮ ﺍﺳﻤﺎﺀ ﺩﺧﻠﻨﺎ ﻏﺮﻓﺔ ﻛﺪﺍ ﻭﻗﻔﻠﻮ ﺍﻟﺒﺎﺏ ﺍﻧﺎ
ﺑﺼﺮﺍﺣﻪ ﺧﻔﺖ ﻭﺍﻟﻐﺮﻓﻪ ﺷﺒﺎﻙ ﺳﺎﻱ ﻓﺎﺗﺢ ﻓﻴﻬﺎ ﻣﺎﻓﻲ : ﻟﺴﻪ ﻣﺼﺮﻩ
ﻳﺎ ﻛﻮﺛﺮ ﻳﻌﻨﻲ ﻭﺍﻟﻠﻪ ﺍﻧﺎ ﺍﻟﺤﺎﺟﺎﺕ ﺩﻱ ﻣﺎ ﺣﺼﻞ ﻋﻤﻠﺘﻬﺎ : ﻳﺮﺿﻴﻚ
ﻳﻌﻨﻲ ﺍﻟﺒﺖ ﺗﻀﻴﻊ ﻭﻣﺎ ﺗﻌﺮﺱ ﻣﺶ ﻛﻨﺘﻲ ﺑﺘﺤﻨﻨﻲ ﻗﻠﺒﻲ ﻋﻠﻴﻬﺎ
ﻭﺑﺘﻘﻮﻟﻲ ﻟﻲ ﻻﺯﻡ ﻧﺨﻠﻴﻬﺎ ﺗﺮﺟﻊ ﺗﻌﻴﺶ ﺑﺸﻜﻞ ﻃﺒﻴﻌﻲ ﺍﻫﺎ ﺩﻱ ﺍﻭﻝ
ﺧﻄﻮﺓ
ﺍﻧﺎ ﻣﺎ ﻛﻨﺖ ﻓﺎﻫﻤﺎﻫﻢ ﻗﺎﺻﺪﻳﻦ ﺷﻨﻮ ﺧﺎﻟﺘﻮ ﺍﺳﻤﺎﺀ ﻗﺎﻟﺖ ﻟﻬﺎ ﺧﻼﺹ
ﺍﻣﺮﻗﻲ ﺧﻠﻴﻨﻲ ﻣﻌﺎﻫﺎ ﻗﺎﻟﺖ ﻟﻬﺎ ﻻﻻ ﺑﻤﺴﻜﺎ ﻟﻚ ﺷﻐﻠﻮ ﺍﻟﺘﻠﻔﺰﻳﻮﻥ
ﺑﺼﻮﺕ ﻋﺎﻟﻲ
ﻳﺘﺒﻊ
ﺑﻘﻠﻤﻲ : ﻣﺸﺎﻋﺮ ﻣﺒﻌﺜﺮﻩ
أنت تقرأ
حبل الصبر
Mystery / Thrillerخطيئة كبيرة في سن مبكر لشابه تكلفها عمرها ثمنا مشاكل مجتمعيه كبيره ومعقده وعنف جسدي ونفسي تتعرض له تلك الشابه بسبب خطيئتها
