# ﺣﺒﻞ _ ﺍﻟﺼﺒﺮ
ﺍﻟﺤﻠﻘﻪ (٤ )
ﺍﻧﺎ ﻣﻦ ﺩﺧﻠﺖ ﻛﺮﺍﻋﻲ ﻭﻗﻌﺖ ﻻﻧﻮ ﺍﻟﻤﻨﻈﺮ ﺍﻟﺸﻔﺘﻮ ﻣﺎ ﺑﺘﺤﻜﻲ ﻭﻣﺎ
ﺑﺘﻮﺻﻒ ﺻﺤﻴﺖ ﻟﻘﻴﺖ ﺭﻭﺣﻲ ﻓﻲ ﻭﺍﺣﺪ ﻣﻦ ﺍﻟﺴﺮﺍﻳﺮ ﻭﺟﻨﺒﻲ ﺍﻟﻤﺮﺍ
ﺍﻟﺸﻔﺘﻬﺎ ﺍﻭﻝ ﻣﺎ ﺩﺧﻠﺖ ﺿﺨﻤﻪ ﻛﺪﺍ ﻭﻣﻼﻣﺤﺎ ﻣﺨﻴﻔﻪ ﻻﺑﺴﻪ
ﺟﻮﻳﻨﺘﺎﺕ ﻣﻼﻧﻪ ﺩﻡ ﺍﺗﺬﻛﺮﺕ ﻣﻨﻈﺮ ﺍﻟﺒﻨﺖ ﺍﻟﺸﻔﺘﻬﺎ ﻗﺪﺍﻣﻲ ﻭﺍﻟﺪﻡ
ﻭﺍﻟﺤﺎﻝ ﻗﻌﺪﺕ ﺍﺻﺮﺥ ﻧﻬﺮﺗﻨﻲ ﻫﺴﺴﺲ ﻭﻗﺖ ﺑﺘﺨﺎﻓﻮ ﺑﺘﻘﻠﻮ ﺍﺩﺑﻜﻢ
ﻟﻴﻪ ؟؟؟ ﺑﻘﻴﺖ ﺍﻧﺎﺩﻱ ﻓﻲ ﺍﻣﻲ ﻭﺟﺴﻤﻲ ﻫﺎﺑﻂ ﻧﻬﺎﺋﻲ ﺍﻟﻤﺮﺍ ﻗﺎﻟﺖ
ﺟﻴﺒﻮ ﻟﻬﺎ ﺍﻣﻬﺎ ﺩﻱ ﺍﻧﺎ ﺯﺍﺗﻲ ﺩﺍﻳﺮﺍﻫﺎ ﺍﻣﻲ ﺟﺎﺕ ﺩﺍﺧﻠﻪ ﺍﻟﻤﺮﺍ ﻗﺎﻟﺖ ﻟﻬﺎ
ﺍﻟﺤﻤﻞ ﺩﺍ ﻛﺒﻴﺮ ﻣﺎ ﺑﻨﺰﻝ ﻛﺪﺍ ﻣﺎﻟﻚ ﻣﺎ ﺟﺒﺘﻴﻬﺎ ﻣﻦ ﺑﺪﺭﻱ : ﻭﺍﻟﻠﻪ ﻗﻠﺖ
ﻳﻤﻜﻦ ﻳﻨﺰﻝ ﺑﺮﺍﻩ ﺍﻫﺎ ﺍﺳﻲ ﺍﻟﻔﻬﻢ ﺷﻨﻮ : ﺍﻧﺎ ﻏﺎﻳﺘﻮ ﺑﺤﺎﻭﻝ ﻣﻌﺎﻫﺎ ﻟﻜﻦ
ﻣﺎ ﺑﻀﻤﻦ ﻟﻚ ﻭﻗﺮﻭﺷﻚ ﺩﻱ ﺍﻻ ﺗﺬﻳﺪﻳﻬﺎ ﺍﻟﻌﻤﻠﻴﻪ ﺣﺎﺗﻜﻮﻥ ﺻﻌﺒﻪ ﺍﻟﺰﻣﻦ
ﺩﺍﻙ ﺍﻧﺎ ﻛﻨﺖ ﺑﻴﻦ ﻭﺍﻋﻴﻪ ﻭﻣﺎ ﻭﺍﻋﻴﻪ ﻣﻌﻘﻮﻝ ﺍﻣﻲ ﺗﺨﺎﻃﺮ ﺑﺤﻴﺎﺗﻲ
ﻋﺸﺎﻥ ﺍﻟﻔﻀﻴﺤﻪ ؟؟؟ ﺍﻣﻲ ﻗﺎﻟﺖ ﻟﻬﺎ ﻃﻴﺐ ﺍﻟﻌﻤﻠﻴﻪ ﺩﻱ ﻣﻀﻤﻨﻮﻧﻪ؟؟ :
ﻣﺎﻣﻦ ﻗﺒﻴﻞ ﺑﻨﻘﻮﻝ ﻣﺎﻓﻲ ﺣﺎﺟﻪ ﻣﻀﻤﻮﻧﻪ ﻋﺸﺎﻥ ﺑﻌﺪﻳﻦ ﻣﺎ ﺗﺠﻲ
ﺗﻘﻮﻟﻲ ﻟﻲ ﻗﺘﻠﺘﻲ ﺑﺘﻲ ﻭﺗﺪﺧﻠﻴﻨﻲ ﻣﺤﺎﻛﻢ ﺣﺎﺗﻮﻗﻌﻲ ﻭﺭﻗﻪ ﻋﺸﺎﻥ ﻟﻮ
ﺣﺼﻞ ﺍﻱ ﺟﺮﺟﺮﻩ ﺗﺘﺠﺮﺟﺮﻱ ﻣﻌﺎﻱ ﺍﻣﻲ ﻗﺎﻟﺖ ﻟﻬﺎ ﺧﻼﺹ ﺑﻴﻨﺎﺗﻨﺎ
ﺗﻠﻔﻮﻧﺎﺕ ﻭﻃﻠﻌﻨﺎ ﺍﻧﺎ ﺍﻟﻠﻴﻞ ﻛﻠﻮ ﻣﺎ ﻧﻤﺖ ﺑﺤﻠﻢ ﺑﺎﻟﺸﻔﺘﻮ ﺩﺍ ﻭﻣﺘﻮﻗﻌﻪ
ﺗﺤﺖ ﺍﻱ ﻟﺤﻈﻪ ﻣﺎﻣﺎ ﺗﺠﻲ ﺗﺴﻮﻗﻨﻲ ﻭﺗﻮﺩﻳﻨﻲ ﻟﻠﻤﺮﺍ ﺍﻟﻤﺨﻴﻔﻪ ﺩﻱ
ﺗﻌﻤﻞ ﻓﻴﻨﻲ ﺯﻱ ﺍﻟﺒﻨﺖ ﺍﻟﻜﺎﻧﺖ ﻗﺪﺍﻣﻲ ﺗﺎﻧﻲ ﻳﻮﻡ ﺍﺗﻜﻠﻤﺖ ﻣﻊ ﺧﺎﻟﺘﻮ
ﺍﺳﻤﺎﺀ ﻭﺷﺎﻛﻠﺘﺎ : ﺍﻧﺘﻲ ﺩﺍﻳﺮﻩ ﺗﻤﻮﺗﻲ ﺍﻟﺒﻨﺖ ﺻﺎﺡ؟؟ ﺍﺻﻼ ﺣﻤﻞ ﻓﺎﺕ
ﺍﻝ ٤ ﺷﻬﻮﺭ ﺩﺍ ﺗﺎﻧﻲ ﺍﻻ ﺗﻠﺪﻳﻪ ﺑﺲ ﺩﻱ ﻛﻠﻬﺎ ﻓﺮﺹ ﺭﺑﻨﺎ ﺑﺪﻳﻚ ﻟﻬﺎ
ﻫﻮﻱ ﻳﺎ ﻛﻮﺛﺮ ﺧﺎﻓﻲ ﺍﻟﻠﻪ ﺍﻣﻲ ﻗﺎﻟﺖ ﻟﻬﺎ ﻧﻌﻤﻞ ﺷﻨﻮ : ﺑﻌﺪ ﺩﺍ ﺗﻠﺪﻳﻪ
ﺑﺲ ﻭﺷﻮﻓﻲ ﻟﻪ ﺻﺮﻓﻪ ﺍﻧﺸﺎﺀﺍﻟﻠﻪ ﻭﺩﻭﻩ ﺍﻟﻤﺎﻳﻘﻮﻣﺎ : ﻭﺗﻠﺪﻱ ﻛﻴﻒ ﻫﻨﺎ
ﻭﻧﻘﻮﻝ ﻟﻠﻨﺎﺱ ﺷﻨﻮ : ﻟﻮﻗﺘﺎ ﺍﻟﻠﻪ ﻳﺴﻬﻞ ﻛﻮﺛﺮ ﺍﻧﺎ ﻣﺎﺣﺎﺍﺭﺟﻊ ﺍﺫﻛﺮﻙ
ﺍﻟﺒﻨﺖ ﺩﻱ ﻗﺎﺻﺮ ﻭﺟﺎﻫﻠﻪ ﻣﺎ ﻋﺎﺭﻓﻪ ﻧﻔﺴﺎ ﺑﺘﻌﻤﻞ ﻓﻲ ﺷﻨﻮ ﺯﺍﺗﻮ : ﻣﺎ
ﻋﺎﺭﻓﻪ ﺷﻨﻮ ﻫﻲ ﻗﺪﺭﺕ ﺍﺗﻈﺒﻄﺖ ﻭﺍﺗﺮﻳﺤﺖ ﻭﻣﺸﺖ ﻟﻪ ﺯﻱ ﺍﻟﻌﺮﻭﺱ
ﺍﻟﻠﻪ ﺍﻋﻠﻢ ﻋﺎﻣﻠﻨﻬﺎ ﻛﻢ ﻣﺮﻩ : ﻣﺎ ﺍﻇﻦ ﻳﺎ ﻛﻮﺛﺮ ﻭﺑﺮﺍﻙ ﺷﻔﺘﻲ ﺣﺎﻟﺘﺎ
ﻭﺻﺮﻳﺨﺎ ﻭﺩﻣﺎ ﺍﺣﺘﻤﺎﻝ ﻫﻢ ﺯﺍﺗﻮ ﻣﺎ ﻛﺎﻥ ﻣﺨﻄﻄﻴﻦ ﻳﺤﺼﻞ ﻛﺪﺍ ﺍﻟﻤﻬﻢ
ﺍﺳﻲ ﺧﻠﻲ ﺑﺎﻟﻚ ﻣﻨﻬﺎ ﻣﺎ ﺗﻀﻴﻌﻲ ﺑﺘﻚ ﺑﻴﺪﻙ ﺧﻠﻴﻬﺎ ﺗﻠﺒﺲ ﻃﻮﻳﻞ
ﻭﺗﻘﻌﺪ ﻓﻲ ﻏﺮﻓﺘﺎ ﻟﻤﻦ ﺍﻟﻠﻪ ﻳﺴﻬﻞ ﺑﻌﺪﺍﻙ ﺍﻣﻲ ﺗﻌﺎﻣﻼ ﻣﻌﺎﻱ ﺑﻘﻰ
ﺍﺣﺴﻦ ﺑﻘﺖ ﺗﻬﺘﻢ ﺏ ﺍﻛﻠﻲ ﻭﺭﺍﺣﺘﻲ ﻣﺎ ﺑﺘﺨﻠﻴﻨﻲ ﺍﺗﻌﺐ ﻭﻣﺎﻓﻲ ﺯﻭﻝ
ﺑﺸﻮﻓﻨﻲ ﺍﻛﻠﻲ ﻭﺷﺮﺍﺑﻲ ﻭﻧﻮﻣﻲ ﺑﺮﺍﻱ ﺍﺑﻮﻱ ﻛﻞ ﻣﺎ ﻳﺴﺄﻝ ﻣﻨﻲ ﺗﻘﻮﻝ
ﻟﻪ ﻧﺎﻳﻤﻪ ﻭﻻ ﺑﺘﻘﺮﺍ ﺟﺎﺗﻨﺎ ﺣﺒﻮﺑﻪ ﻣﻦ ﺍﻟﺒﻠﺪ ﺯﻳﺎﺭﻩ ﻃﺒﻌﺎ ﺣﺒﻮﺑﻪ ﺩﻱ
ﺑﺘﻤﻮﺕ ﻓﻲ ﺍﻟﺠﺒﻨﻪ ﻭﻣﻦ ﺟﺎﺕ ﻗﻌﺪﺗﻨﻲ ﻓﻴﻬﺎ ﺍﻣﻲ ﻗﺎﻟﺖ ﻟﻲ ﺧﻼﺹ
ﺍﻣﺸﻲ ﺍﺭﺗﺎﺣﻲ ﺍﻧﺘﻲ ﺣﺒﻮﺑﻪ ﻗﺎﻟﺖ ﻟﻬﺎ ﺗﺮﺗﺎﺡ ﺷﻨﻮ ﺩﺍﻳﺮﻩ ﺗﻤﻮﺗﻲ ﺑﺸﻐﻞ
ﺍﻟﺒﻴﺖ ﺑﺮﺍﻙ ؟ ﺧﻠﻲ ﺍﻟﺒﻨﺖ ﺗﺘﻌﻠﻢ ﻫﻲ ﻣﺎﺷﻪ ﻝ ﻛﺒﺮ ﺑﻜﺮﻩ ﺗﺘﺰﻭﺝ ﻣﻦ
ﺳﻤﻌﺖ ﻛﻠﻤﺔ ﺗﺘﺰﻭﺝ ﺩﻣﻮﻋﻲ ﺟﺮﺕ ﺩﺧﻠﺖ ﺍﻟﻤﻄﺒﺦ ﻗﺎﻟﺖ ﻳﺘﺨﺠﻠﻦ
ﻛﺪﺍ ﺍﻟﺘﻘﻮﻝ ﺍﻟﻌﺮﺱ ﻋﻴﺐ ﻭﻻ ﺣﺮﺍﻡ ﻭﺍﻟﻠﻪ ﺑﻨﺘﻚ ﺩﻱ ﺳﻮﻗﺎ ﺣﺎﺭ ﻣﻦ
ﺍﺳﻲ ﻭﺍﻟﻠﻪ ﻛﻢ ﻭﺍﺣﺪ ﻓﻲ ﺍﻟﺤﻠﻪ ﺍﺗﻜﻠﻤﻮ ﻓﻴﻬﺎ ﻗﻠﻨﺎ ﻟﻬﻢ ﻧﺸﺎﻭﺭ ﺍﻫﻼ :
ﻣﺎ ﻋﻨﺪﻱ ﺑﻨﺎﺕ ﻟﻠﻌﺮﺱ ﻭﺍﻟﺒﺴﺄﻟﻚ ﻗﻮﻟﻲ ﻟﻪ ﻋﺎﻭﺯﻩ ﺗﻘﺮﺍ ﻣﺎﻟﻲ ﺑﺪﻱ
ﺑﻨﺘﻲ ﻻﻭﻻﺩ ﺍﻟﺤﻠﻪ ﺩﻳﻞ ﻣﺎ ﺑﻌﺮﻓﻬﻢ ﻳﻌﻨﻲ ﻣﺎ ﻛﻔﺎﻳﻪ ﺍﻟﻌﻤﻠﻮ ﻣﺎﺯﻥ ﺍﻟﻤﻦ
ﻟﺤﻤﻲ ﻭﺩﻣﻲ : ﺍﺟﻲ ؟ ﻣﺎﻟﻮ ﻣﺎﺯﻥ ﺳﻮﺍ ﺷﻨﻮ ﺍﻧﺎ ﺯﺍﺗﻲ ﻣﺎ ﻋﺎﺭﻓﺎﻛﻢ ﻣﺎ
ﺍﺩﻳﺘﻮﻫﺎ ﻟﻪ ﻟﻴﻪ ؟؟ ﺍﻣﻲ ﺑﻘﻴﺖ ﺗﻌﻠﻲ ﺻﻮﺗﺎ ﻣﺎ ﺑﺪﻳﻬﺎ ﻟﻪ ﻣﺶ ﺳﻤﺮ ﺩﻱ
ﻭﺍﻟﻠﻪ ﺍﺣﺮﻗﺎ ﻭﻻ ﺍﺩﻳﻬﺎ ﻟﻤﺎﺯﻥ ﻭﺩ ﺭﺟﺎﺀ ﺍﺧﺘﻲ ﻗﺎﻝ ﻣﺎﺯﻥ ﺷﺒﻬﻨﺎ ﻭﻻ
ﻣﺴﺘﻮﺍﻧﺎ ﻭﻻ ﺍﺻﻼ ﺑﺸﺒﻪ ﺍﻟﺮﺟﺎﻝ ﻣﺎ ﻫﺪﺍﻙ ﺻﺎﻳﻊ ﻳﻮﻣﻲ ﻗﺎﺑﻀﻨﻮ
ﺳﻜﺮﺍﻥ : ﺍﻟﻠﻪ ﻳﺼﻠﺢ ﺍﻟﺤﺎﻝ ﻭﺍﻟﻠﻪ ﺍﻟﻮﻟﺪ ﺩﺍ ﻗﺎﻃﻊ ﻗﻠﺒﻲ ﻛﺎﻥ ﻣﺆﺩﺏ
ﻭﻣﺤﺘﺮﻡ ﺍﻣﻮ ﺩﻱ ﺩﺍﺭﺗﻮ ﻳﻘﺮﺍ ﻟﻬﺎ ﺍﻟﺠﺎﻣﻌﻪ ﻭﻳﻨﻔﻌﺎ ﻟﻜﻦ ﺧﻼﺹ ﺑﺎﻅ
ﺑﻘﻰ ﻣﺪﻣﻦ ﻋﺪﻳﻞ ﻭﺍﻟﻠﻪ ﻛﺎﻥ ﺷﻔﺘﻲ ﻓﻲ ﺍﻟﺸﺎﺭﻉ ﺑﺘﻘﻮﻟﻲ ﻣﺠﻨﻮﻥ ﺍﺑﻮﻩ
ﺩﺍ ﻣﺎ ﺧﻠﻰ ﻟﻪ ﺣﺎﺟﻪ ﺿﺮﺑﻮ ﻭﺭﺑﻄﻮ ﻭﺍﻟﻠﻪ ﻣﺮﻩ ﻗﺮﺏ ﻳﺤﺮﻗﻮ ﺍﻻ
ﻧﺴﻮﺍﻧﻮ ﻟﺤﻘﻨﻮ ﺍﻣﻮ ﺩﻱ ﻗﺎﻟﺖ ﻟﻪ ﻳﺠﻲ ﻳﻘﻌﺪ ﻣﻌﺎﻧﺎ ﺍﺳﻲ ﺍﺑﻮﻩ ﺯﺍﺗﻮ
ﺳﻔﺮﻭ ﻟﻴﺒﻴﺎ : ﺧﻠﻴﻪ ﻳﻄﻴﺮ ﺍﻱ ﺩﺍﻫﻴﻪ : ﺍﻟﺒﻨﺖ ﺩﻱ ﺑﺘﻌﻤﻞ ﻓﻲ ﺷﻨﻮ
ﻟﺤﺪﻱ ﺍﺳﻲ ﻳﺎ ﺳﻤﺮ ﺳﻤﺮ : ﺧﻠﻴﻬﺎ ﻳﺎ ﺍﻣﻲ ﺟﻴﺖ ﻃﺎﻟﻌﻪ ﺍﻣﻲ ﻗﺎﻟﺖ ﻟﻲ
ﻃﻴﺮﻱ ﻏﺮﻓﺘﻚ ﺍﻧﺘﻲ ﻛﻤﺎﻥ
ﻗﺎﻋﺪﻩ ﻓﻲ ﻏﺮﻓﺘﻲ ﻓﻲ ﺍﻣﺎﻥ ﺍﻟﻠﻪ ﺣﺒﻮﺑﻪ ﺟﺎﺗﻨﻲ ﺩﺍﺧﻠﻪ : ﻣﺎﻟﻚ
ﻳﺎﺑﻨﺖ ﻣﺎ ﺑﺘﺎﻛﻠﻲ ﻣﻊ ﺍﻟﻨﺎﺱ : ﻣﺎ ﺟﻌﺎﻧﻪ ﻳﺎ ﺣﺒﻮﺑﻪ : ﻛﺪﻱ ﻗﻮﻣﻲ
ﺳﺮﺣﻲ ﻟﻲ ﺷﻌﺮﻱ ﺩﺍ ﻗﻤﺖ ﻣﻦ ﺳﺮﻳﺮﻱ ﻻﺑﺴﻪ ﻗﻤﻴﺺ ﺿﻴﻖ ﻛﻨﺖ
ﻭﺣﺒﻮﺑﻪ ﻻﺣﻈﺖ ﻟﺒﻄﻨﻲ ﺍﻧﺘﻲ ﻳﺎ ﺑﻨﺖ ﺳﻤﻨﺘﻲ ﻭﻻ ﺷﻨﻮ ﻃﻮﺍﻟﻲ ﻟﺒﺴﺖ
ﺗﻮﺑﻲ ﺟﺮﺗﻮ ﻣﻨﻲ ﻛﺪﻱ ﺗﻌﺎﻟﻲ ﺑﻘﺖ ﺗﻬﺒﺶ ﻟﻲ ﻓﻲ ﺑﻄﻨﻲ : ﻻﻻ ﺩﺍ ﻣﺎ
ﺳﻤﻦ ﺍﻧﺘﻲ ﻳﺎ ﺑﻨﺖ ﻣﺎﻟﻚ : ﻣﺎﻓﻴﻨﻲ ﺷﻲ ﺣﺒﻮﺑﻪ ﻟﻮ ﺳﻤﺤﺘﻲ ﻋﺎﻭﺯﻩ
ﺍﻧﻮﻡ ﺑﺴﺮﺡ ﻟﻚ ﺑﻌﺪﻳﻦ ﻃﻮﺍﻟﻲ ﺍﺩﺗﻨﻲ ﻛﻒ : ﺍﻧﺘﻲ ﻗﺎﻳﻼﻧﻲ ﺟﺎﻫﻠﻪ ﻭﻻ
ﺷﻨﻮ ؟ ﺍﻧﺎ ﻣﺮﺑﻴﻪ ﺛﻼﺛﻪ ﺯﻳﻚ ﺑﻐﻠﺒﻨﻲ ﺍﻋﺮﻓﻚ ﺣﺎﻣﻞ ؟ ﻭﻻ ﻗﺎﻳﻼﻧﻲ ﺯﻱ
ﺍﻣﻚ ﺍﻟﻨﻌﺠﻪ ﺩﻱ ﻗﺎﻋﺪﻩ ﻣﻌﺎﻙ ﻓﻲ ﺍﻟﺒﻴﺖ ﻭﻣﺎ ﺟﺎﻳﺒﻪ ﺧﺒﺮﻙ ﻋﻤﻠﺘﻲ
ﺷﻨﻮ ﻳﺎ ﺑﻨﺖ ﺍﺗﻜﻠﻤﻲ ﻭﺑﺪﺕ ﺗﻀﺮﺑﻨﻲ ﺑﺴﻔﻨﺠﺘﺎ ﻟﺤﺪﻱ ﻣﺎ ﺍﻣﻲ ﺟﺎﺕ :
ﺩﺍ ﺷﻨﻮ ﻳﺎ ﺍﻣﻲ ﺯﺣﻲ ﻣﻦ ﺍﻟﺒﻨﺖ : ﺗﺰﺡ ﻓﻴﻚ ﺣﻴﻄﻪ ﺍﻧﺘﻲ ﻳﺎﻟﺴﺠﻤﺎﻧﻪ
ﺍﻟﻘﺎﻋﺪﻩ ﻃﺮﻃﻮﺭﺓ ﺑﻨﺘﻚ ﻻﻓﻪ ﺳﺎﺍﺍﺍﺍﻱ ﻭﻫﺪﻱ ﺟﺎﺑﺘﻮ ﻟﻜﻢ ﺑﻌﻴﻮﻧﻮ ﻣﺎ
ﺷﺎﻳﻔﻪ ﺑﻄﻨﺎ ﺩﻱ ﺑﻨﺘﻚ ﺣﺎﻣﻞ ﻳﺎﻟﺴﺠﻤﺎﻧﻪ : ﺍﻣﻲ ﻋﻠﻴﻚ ﺍﻟﻠﻪ ﺍﻫﺪﻱ ﻭﻣﺎ
ﺗﺼﺮﺧﻲ ﺗﻔﻀﺤﻴﻨﺎ ﻣﻊ ﺍﻟﺠﻴﺮﺍﻥ : ﺩﺍ ﻫﻤﻚ ؟؟ ﻭﺍﻟﻔﻀﻴﺤﻪ ﺍﻟﺸﺎﻳﻼﻫﺎ
ﻟﻜﻢ ﻓﻲ ﺑﻄﻨﺎ ﺩﻱ ﺷﻨﻮ ﺍﻧﺘﻲ ﻳﺎﻟﻤﺎﻗﻤﺘﻲ ﻣﻦ ﺍﻟﻮﺍﻃﻪ ﻣﻐﻔﻠﻪ ﺍﻫﻠﻚ
ﺍﺗﻠﻘﻴﻬﺎ ﺑﺘﺘﺤﺠﺞ ﻟﻜﻢ ﺑﺎﻟﻤﺪﺭﺳﻪ ﻭﺗﻤﺸﻲ ﺗﺼﻴﻊ ﺻﻴﺎﻋﺘﺎ ﺍﻣﻲ ﻣﺴﻜﺖ
ﻣﻨﻬﺎ ﺍﻟﺴﻔﻨﺠﻪ ﻭﻗﺎﻟﺖ ﻟﻬﺎ ﻳﺎﺭﻳﺖ ﻛﺎﻥ ﻋﻤﻠﺘﺎ ﺑﺮﺍ ﺩﻱ ﺣﻤﻠﺖ ﻫﻨﺎ ﻓﻲ
ﺍﻟﺒﻴﺖ ﻭ ﺑﻮﺟﻮﺩﻧﺎ : ﺍﻧﺘﻲ ﺑﺘﻘﻮﻟﻲ ﻓﻲ ﺷﻨﻮ ﻳﻌﻨﻲ ﻋﺎﺭﻓﺎﻫﺎ؟ ﻋﻤﻠﺘﻲ
ﻛﺪﺍ ﻣﻊ ﻣﻨﻮ ﻳﺎ ﻣﻐﻀﻮﺑﺔ ﺍﻟﻠﻪ ﺍﻧﻄﻘﻲ ﺍﻣﻲ ﻗﺎﻟﺖ ﻟﻬﺎ ﺣﺎﻳﻜﻮﻥ ﻣﻨﻮ
ﻳﻌﻨﻲ ﻓﻲ ﻏﻴﺮﻭ ﻓﻲ ﺍﻟﺒﻴﺖ ﻣﺎﺯﻥ ﻭﺩ ﺑﻨﺘﻚ ﺍﻟﻤﺤﺘﺮﻡ ﺍﻟﺪﺍﻳﺮﺍﻧﺎ ﻧﺪﻳﻬﺎ
ﻟﻪ ﺍﻧﺎ ﺍﺗﻮﺟﻌﺖ ﺷﺪﻳﺪ ﻣﻦ ﺍﻟﺤﺼﻞ ﺩﺍ ﻣﻊ ﺍﻧﻲ ﺑﻄﻠﺖ ﺍﺗﺄﺛﺮ ﺑﺲ
ﺍﻟﻜﺴﺮﻩ ﻗﺪﺍﻡ ﺣﺒﻮﺑﻪ ﻭﺟﻌﺘﻨﻲ ﺣﺒﻮﺑﻪ ﻗﻌﺪﺕ ﻓﻲ ﺍﻻﺭﺽ ﻭﺑﻘﺖ
ﺗﺸﻬﻮﺩ ﺑﻌﺪ ﺗﻌﺐ ﻫﺪﻳﻨﺎﻫﺎ ﻭﺍﻣﻲ ﺣﻜﺖ ﻟﻬﺎ ﺍﻟﺤﺼﻞ ﻣﻦ ﺍﻟﺒﺪﺍﻳﻪ : ﻻ
ﺍﻟﻪ ﺍﻻ ﺍﻟﻠﻪ ﺍﻧﺘﻲ ﻣﺠﻨﻮﻧﻪ ﻳﺎ ﻛﻮﺛﺮ ﻣﺠﻨﻮﻧﻪ ﻭﺍﻟﻠﻪ ﺍﻧﺎ ﺍﻟﺒﻨﺖ ﺍﺻﻠﻲ ﻣﺎ
ﺑﻐﻠﻄﺎ ﺟﺎﻫﻠﻪ ﻭﺻﻐﻴﺮﻩ ﻟﻜﻦ ﺍﻧﺘﻲ ﻣﺎﻟﻚ ﻣﻦ ﺍﻻﻭﻝ ﻣﺎ ﺣﺬﺭﻧﺎﻙ
ﻣﺨﻠﻴﻨﻬﻢ ﻓﻲ ﺍﻟﺒﻴﺖ ﺑﺮﺍﻫﻢ ﻓﻲ ﻋﻤﺮ ﺯﻱ ﺩﺍ ﻭﻣﺎ ﺩﺍﻳﺮﻧﻬﻢ ﻳﻐﻠﻄﻮ ؟؟ :
ﺍﻣﻲ ﺍﻟﺤﺼﻞ ﺣﺼﻞ ﻭﺍﻧﺎ ﻭﺍﻟﻠﻪ ﺗﻌﺒﺖ ﺧﻼﺹ ﻭﻣﺎ ﻓﻀﻞ ﻓﻴﻨﻲ ﺣﻴﻞ
ﺣﺎﺳﻪ ﻧﻔﺴﻲ ﻣﻜﺘﻔﻪ : ﻭﻣﺎﻟﻚ ﻣﺎ ﺍﺗﻜﻠﻤﺘﻲ ﻣﻦ ﺍﻟﺒﺪﺍﻳﻪ ﺗﺨﻠﻴﻬﺎ ﻟﻤﻦ
ﺑﻄﻨﺎ ﺗﻜﺒﺮ : ﺍﻧﺘﻲ ﻋﺎﺭﻓﻪ ﺍﻟﻔﺎﺗﺢ ﻛﺎﻥ ﻭﺭﻳﺘﻮ ﻛﺎﻥ ﺿﺒﺤﻨﻲ ﻭﺿﺒﺤﺎ :
ﻳﺎﺭﻳﺘﻮ ﻛﺎﻥ ﻋﻤﻼ ﻳﺎ ﺧﺴﺎﺭﻩ ﺍﻟﺘﺮﺑﻴﻪ ﻓﻴﻜﻢ ﺍﻧﺘﻮ ﺍﻻﺗﻨﻴﻦ ﻭﻫﻢ ﺑﻌﺪ
ﻏﻠﻄﻮ ﻣﺎ ﻛﺎﻥ ﺗﻌﻘﺪﻭ ﻟﻬﻢ ﺑﺲ : ﺍﺩﻱ ﺑﻨﺘﻲ ﻟﻤﺎﺯﻥ ﺍﻟﻤﻘﻄﻊ ﺍﻟﻤﺎ ﺑﺸﺒﻪ
ﺍﻟﺮﺟﺎﻝ : ﻭﺑﻨﺘﻚ ﻳﺎﻫﺎ ﺍﻟﺒﺘﺸﺒﻪ ﺍﻟﺒﻨﺎﺕ ﺍﺳﻲ ﺍﻟﻤﺎﺷﻲ ﻳﻌﺮﺳﺎ ﻟﻚ ﻣﻨﻮ
ﻭﺍﻟﻔﻲ ﺑﻄﻨﺎ ﺩﺍ ﺗﻮﺩﻭﻩ ﻭﻳﻦ : ﻭﺍﻟﻠﻪ ﻳﺎ ﺍﻣﻲ ﻣﺎﻓﻲ ﺣﻞ ﺍﻻ ﺗﻠﺪﻳﻪ
ﺣﺎﻭﻟﺖ ﺍﻧﺰﻟﻮ ﻟﻬﺎ ﻛﻢ ﻣﺮﻩ ﺍﺑﻰ ﻳﻨﺰﻝ ﻣﺘﻤﺴﻚ ﺑﺎﻟﺤﻴﺎﺓ ﻭﺩ ﺍﻟﺤﺮﺍﻡ ﻭﺍﻟﻠﻪ
ﻳﺎ ﺍﻣﻲ ﻣﻦ ﺍﻟﺴﻠﻢ ﺩﺍ ﺭﻣﻴﺘﺎ ﻣﺎ ﺍﺟﻬﻀﺖ :ﻻﺍﻟﻪ ﺍﻻ ﺍﻟﻠﻪ ﻣﺤﻤﺪ ﺭﺳﻮﻝ
ﺍﻟﻠﻪ ﺩﺍﻳﺮﻩ ﺗﻘﺘﻠﻴﻬﺎ؟ ﺍﻧﺘﻲ ﻳﺎ ﺑﻨﺖ ﻣﺎ ﻭﺍﻋﻴﻪ ﺍﺻﻼ ﻓﻜﺮﺓ ﺍﻧﻚ ﺗﺠﻬﻀﻴﻬﺎ
ﺩﻱ ﺍﻛﺒﺮ ﻏﻠﻂ ﻭﺣﺮﺍﻡ ﻭﺍﻧﺘﻲ ﺑﺘﺸﺎﻛﻠﻲ ﻓﻴﻬﺎ ﻭﻧﺎﺳﻴﻪ ﻏﻠﻄﻚ ﻛﺎﻥ ﻫﻲ
ﻏﻠﻄﺖ ﺍﻧﺘﻲ ﻛﻨﺘﻲ ﺩﺍﻳﺮﻩ ﺗﻘﺘﻠﻲ ﺭﻭﺡ ﺍﻟﻠﻪ ﻳﻐﻀﺐ ﻋﻠﻴﻚ : ﻛﻔﺎﻳﻪ ﻳﺎ
ﺍﻣﻲ ﻣﺎ ﻧﺎﻗﺼﻴﻦ ﻏﻀﺐ ﺍﻛﺘﺮ ﻣﻦ ﺍﻟﻔﻴﻨﺎ ﺩﺍ : ﺍﻫﺎ ﺩﺍﻳﺮﻩ ﺗﻌﻤﻠﻲ ﺷﻨﻮ :
ﺑﺨﻠﻴﻬﺎ ﺗﺘﺰﻓﺖ ﺗﻠﺪﻳﻪ ﻭﻧﺠﺪﻋﻮ : ﺍﺳﻤﻌﻲ ﻫﻨﺎ ﻳﺎﺑﻨﺖ ﺍﻧﺘﻲ ﻻﺑﺘﻔﻬﻤﻲ
ﻭﻻﺑﺘﻌﺮﻓﻲ ﺗﺘﺼﺮﻓﻲ ﺍﻟﺒﻨﺖ ﺩﻱ ﻛﺎﻥ ﻗﻌﺪﺕ ﻛﺪﺍ ﺍﺑﻮﻫﺎ ﺑﻼﺣﻆ : ﻣﺎﺷﻲ
ﺍﻟﺤﺞ ﻫﻮ ﺯﺍﺗﻮ ﻣﺎ ﻗﺎﻋﺪ : ﻃﻴﺐ ﺍﻭﻝ ﻣﺎ ﺑﻄﻨﺎ ﺗﻜﺒﺮ ﺗﺠﻴﺒﻴﻬﺎ ﻟﻲ ﺍﻟﺒﻠﺪ
ﺍﻣﺎ ﺭﺍﺟﻠﻚ ﺩﺍ ﺗﻘﻮﻟﻲ ﻟﻪ ﺍﻧﺘﻲ ﺍﻟﺤﺎﻣﻞ ﺗﺠﻮ ﺍﻟﺒﻠﺪ ﺑﻨﺘﻚ ﺗﻠﺪﻱ ﻭﺗﺮﺟﻌﻮ
ﺗﺮﺑﻮ ﻭﻟﺪﻛﻢ ﻭﻗﺖ ﻣﺎ ﺩﺍﻳﺮﻥ ﺗﻜﻠﻤﻮ ﺍﺑﻮﻩ ﻳﺠﻲ ﻳﻠﻢ ﻟﺤﻤﻮ ﺗﻠﻤﻮ ﺍﻧﺘﻮ
ﺩﻳﻞ ﻭﻟﻮ ﺑﺎﻟﻐﻠﻂ ﺳﺎﻱ ﺳﻤﻌﺖ ﺑﻴﻚ ﻋﻤﻠﺘﻲ ﺣﺎﺟﻪ ﻓﻲ ﺍﻟﺒﻨﺖ ﺩﻱ ﻭﻻ
ﺟﺪﻋﺘﻲ ﺟﻨﺎﻫﺎ ﺑﻌﺪ ﺗﻠﺪﻱ ﻭﺍﻟﻠﻪ ﺍﻧﺎ ﺍﻓﻀﺤﻚ ﺑﻨﻔﺴﻲ ﻭﺍﻛﻠﻢ ﺍﻟﻔﺎﺗﺢ
ﻓﺎﻫﻤﻪ ﻭﻻﻻ؟ : ﻳﺎ ﺍﻣﻲ ﻳﺎﺥ : ﻣﺎ ﺍﻣﻚ ﺍﻟﻤﻮ ﺍﻟﻘﻠﺘﻮ ﻟﻚ ﺩﺍ ﺗﻌﻤﻠﻴﻪ
ﺣﺒﻮﺑﻪ ﻗﻌﺪﺕ ﻛﻢ ﻳﻮﻡ ﻭﺍﻣﻲ ﻓﻌﻼ ﻗﺎﻟﺖ ﻻﺑﻮﻱ ﺍﻧﻬﺎ ﺣﺎﻣﻞ ﻭﺑﻘﺖ
ﺗﻨﻮﻡ ﻣﻌﺎﻱ ﻓﻲ ﻏﺮﻓﺘﻲ ﻟﻤﻦ ﺣﺒﻮﺑﻪ ﻗﺎﻣﺖ ﻣﺎﺷﻪ ﺟﺎﺗﻨﻲ ﻗﻌﺪﺕ
ﺟﻨﺒﻲ ﻓﻲ ﺍﻟﺴﺮﻳﺮ ﻭﺧﺘﺖ ﻟﻲ ﺭﺍﺳﻲ ﻓﻲ ﺭﺟﻮﻻ : ﺷﺎﻳﻔﻪ ﻧﺘﻴﺠﺔ
ﺍﻟﻐﻠﻂ ﺍﻟﻌﻤﻠﺘﻴﻪ؟؟ ﺍﺗﺤﻤﻠﺘﻲ ﻭﺟﻊ ﺍﻛﺒﺮ ﻣﻨﻚ ﻗﻌﺪﺕ ﺍﺑﻜﻲ ﻗﺎﻟﺖ ﻟﻲ ﺍﻧﺎ
ﻣﺎ ﻋﺎﻭﺯﻩ ﺍﺣﺎﺳﺒﻚ ﻻﻧﻮ ﺍﻟﺤﺼﻞ ﺣﺼﻞ ﻭﺩﻱ ﺗﺒﻘﻰ ﻟﻚ ﻋﺒﺮﻩ ﻟﻘﺪﺍﻡ ﻣﺎ
ﺗﺜﻘﻲ ﻓﻲ ﺍﻱ ﺯﻭﻝ : ﻣﺎﺣﺎﺍﻋﺮﻑ ﺍﻱ ﺯﻭﻝ ﺍﻧﺎ ﺍﺳﺎﺳﺎ ﺣﻴﺎﺗﻲ ﺧﻼﺹ
ﺍﻧﺘﻬﺖ ﺍﻧﺎ ﻣﺖ ﻣﻦ ﺯﻣﺎﻥ ﻭﺍﺗﺪﻓﻨﺖ ﺩﺍ ﻋﺬﺍﺏ ﺍﻟﻘﺒﺮ : ﺍﺳﺘﻐﻔﺮ ﺍﻟﻠﻪ
ﺍﻟﻌﻈﻴﻢ ﺩﺍﻳﺮﻩ ﺗﻜﻔﺮﻱ ؟ ﺍﻣﻚ ﻗﺎﻟﺖ ﻟﻲ ﺣﺎﻭﻟﺘﻲ ﺗﻨﺘﺤﺮﻱ ﺍﻭﻋﻚ ﺗﻔﻜﺮﻱ
ﺗﻌﻤﻠﻲ ﻛﺪﺍ ﺗﺎﻧﻲ ﻋﺸﺎﻥ ﻣﺎ ﺗﻤﻮﺗﻲ ﻛﺎﻓﺮﻩ ﻛﻔﺎﻳﺔ ﺫﻧﻮﺏ ﺍﻧﺘﻲ ﻟﺴﻪ
ﺟﺎﻫﻠﻪ ﻭﺍﻟﺤﻴﺎﺓ ﻗﺪﺍﻣﻚ ﻣﺎ ﺗﺨﻠﻲ ﺍﻟﺤﺼﻞ ﺩﺍ ﻳﻜﺴﺮﻙ ﻻﺯﻡ ﺗﺘﺠﺎﻭﺯﻳﻪ
ﻭﺗﺮﺟﻌﻲ ﺳﻤﺮ ﺑﺘﺎﻋﺖ ﺯﻣﺎﻥ : ﺍﻟﻜﻼﻡ ﺳﺎﻫﻞ ﻳﺎ ﺣﺒﻮﺑﻪ ﺍﻧﺎ ﻋﻤﺮﻱ ﻣﺎ
ﺣﺎﺍﺭﺟﻊ ﺯﻱ ﺯﻣﺎﻥ : ﻭﺍﻟﻘﺎﻝ ﻣﻨﻮ ﻳﺎﺑﻨﺖ ﺍﻧﺘﻲ ﻋﻤﺮﻙ ١٥ ﺳﻨﻪ ﻣﺎﻟﻚ
ﻭﻣﺎﻝ ﻛﻼﻡ ﺍﻟﻌﺠﺎﺋﺰ ﺩﺍ ﻓﺘﺮﻩ ﻭﺣﺎﺗﻌﺪﻱ ﺑﻜﺮﻩ ﺗﻜﺒﺮﻱ ﻭﺗﻮﻋﻲ
ﻭﺣﺎﺗﻜﻮﻧﻲ ﺍﺣﺴﻦ ﻣﻦ ﻏﻴﺮﻙ ﻻﻧﻚ ﺍﺗﻌﻠﻤﺘﻲ ﻣﻦ ﺍﻟﺤﻴﺎﺓ ﺩﻱ ﻭﻓﻬﻤﺘﻴﻬﺎ
ﺻﺢ ﻣﺴﺤﺖ ﻟﻲ ﺩﻣﻮﻋﻲ : ﻣﺎ ﺗﺒﻜﻲ ﺧﻼﺹ : ﺍﻣﻲ ﺑﻘﺖ ﺑﺘﻜﺮﻫﻨﻲ
:ﻳﺎﺑﻨﺘﻲ ﺍﻣﻚ ﻛﺎﻥ ﺑﺘﻜﺮﻫﻚ ﻭﻻ ﺑﺘﻬﻮﻧﻲ ﻋﻠﻴﻬﺎ ﻣﺎ ﻛﺎﻥ ﻋﻤﻠﺖ ﺍﻟﻌﻤﻠﺘﻮ
ﺩﺍ ﻛﺎﻥ ﺯﻣﺎﻥ ﻛﻠﻤﺖ ﺍﺑﻮﻙ ﻳﻘﺘﻠﻚ ﻭﻻ ﻳﻌﻘﺪ ﻟﻚ ﻋﻠﻰ ﻣﺎﺯﻥ ﻟﻜﻦ ﻫﻲ
ﺷﺎﻳﻔﺎﻩ ﻣﺎ ﺑﺴﺘﺎﻫﻠﻚ ﻭﺩﺍﻳﺮﻩ ﻟﻚ ﺍﻻﻓﻀﻞ ﺣﺒﻮﺑﻪ ﻣﺸﺖ ﺑﻌﺪ ﻣﺎ ﺍﺩﺗﻨﻲ
ﺷﻮﻳﺔ ﺍﻣﻞ ﻛﻨﺖ ﺑﻔﻜﺮ ﻫﻞ ﻣﺎﺯﻥ ﺍﺗﻌﺬﺏ ﺯﻱ ﻣﺎ ﺍﻧﺎ ﺍﺗﻌﺬﺑﺖ ﻛﺪﺍ ؟
ﺍﻻﻧﺎ ﻣﺮﻳﺖ ﺑﻪ ﺩﺍ ﻫﻮ ﺟﺮﺏ ﻭﻟﻮ ﺟﺰﺀ ﺑﺴﻴﻂ ﻣﻨﻮ؟؟ ﺳﻜﺮﻭ ﻭﺿﺮﺏ
ﺍﺑﻮﻩ ﻟﻪ ﺩﺍ ﻣﺎ ﺷﺎﻓﻲ ﻏﻠﻴﻠﻲ ﺍﻧﺎ ﻓﻌﻼ ﻛﻨﺖ ﺍﻟﺴﺒﺐ ﻓﻲ ﺍﻟﻐﻠﻂ ﺍﻟﺤﺼﻞ
ﺩﺍ ﻭﻫﻮ ﻛﺎﻥ ﻣﺎﺳﻚ ﻧﻔﺴﻮ ﻣﻨﻲ ﺑﺲ ﺣﺘﻰ ﺍﻧﺎ ﻣﺎ ﺧﻄﻄﺖ ﻟﻠﺤﺼﻞ ﺩﺍ
ﻭﻻ ﺍﺗﻮﻗﻌﺘﻮ ﺍﻓﺘﻜﺮﺕ ﺍﻟﻤﻮﺿﻮﻉ ﺯﻱ ﺯﻣﺎﻥ ﺍﺻﻼ ﺍﻧﺎ ﺑﻘﻴﺖ ﻛﺪﺍ ﺑﺴﺒﺒﻮ
ﻫﻮ ﺍﻟﻌﻮﺩﻧﻲ ﻋﻠﺒﻪ ﻭﺑﻌﺪ ﺍﻟﺤﺼﻞ ﺩﺍ ﻟﻴﻪ ﻣﺎ ﺟﺎﺀ ﺳﺄﻝ ﻣﻨﻲ ﻭﺷﺎﻓﻨﻲ
ﺍﻟﺤﺎﺻﻞ ﻋﻠﻲ ﺷﻨﻮ ﺣﺘﻰ ﻟﻮ ﺍﻣﻲ ﺭﻓﻀﺖ ﺍﻧﻮ ﻳﻌﻘﺪ ﻋﻠﻲ ﻣﺎﻟﻤﻔﺮﻭﺽ
ﻳﻨﺴﺤﺐ ﻛﺪﺍ ﺍﻧﺎ ﻟﺤﺪﻱ ﺍﺧﺮ ﻟﺤﻈﻪ ﺑﺴﺄﻝ ﻣﻨﻮ ﻭﺭﻏﻢ ﺍﻟﻀﺮﺏ ﺍﻟﺒﻌﺎﻧﻴﻪ
ﻣﻦ ﺍﻣﻲ ﺑﺴﺎﻝ ﻫﻮ ﻭﻳﻦ ﻣﻦ ﺩﺍ ﻛﻠﻮ ﻋﺎﻳﺶ ﻋﻠﻰ ﺍﻟﺴﻜﺮ ﻭﺍﻟﻤﺨﺪﺭﺍﺕ
ﻭﺍﺧﺮﺗﺎ ﺳﺎﻓﺮ ﻭ ﻋﺎﻭﺯ ﻳﻜﻮﻥ ﺣﻴﺎﺓ ﺟﺪﻳﺪﻩ ﺑﻌﺪ ﻣﺎ ﺩﻣﺮ ﺣﻴﺎﺗﻲ
ﺍﻣﻲ ﻛﻠﻤﺖ ﺧﺎﻟﺘﻮ ﺍﺳﻤﺎﺀ . ﻗﺎﻟﺖ ﻟﻬﺎ ﻟﻤﻦ ﺗﺪﺧﻞ ﻓﻲ ﺍﻟﺘﺎﺳﻊ ﺍﻧﺎ ﺑﺠﻲ
ﺑﻮﻟﺪﺍ ﻟﻚ ﻣﺮﺕ ﺍﻻﻳﺎﻡ ﻭﺍﻟﺸﻬﻮﺭ ﻭﺍﻧﺎ ﺍﻧﻔﺼﻠﺖ ﻣﻦ ﺍﻟﻤﺪﺭﺳﻪ ﺍﺻﻼ ﻣﺎ
ﺍﻣﺘﺤﻨﺖ ﺍﻣﻲ ﻗﺪﺭﺕ ﺗﻘﻨﻊ ﺍﺑﻮﻱ ﻳﺨﻠﻴﻬﺎ ﺗﺴﻮﻗﻨﻲ ﻣﻌﺎﻫﺎ ﻟﻤﻦ ﺗﻤﺸﻲ
ﻟﻠﻮﻻﺩﻩ ﺯﻱ ﻣﺎ ﻫﻮ ﻓﺎﻫﻢ . ﻋﺸﺎﻥ ﺗﻘﺮﻳﻨﻲ ﻭﺍﺧﻮﺍﻧﻲ ﺍﻟﺼﻐﺎﺭ ﺗﺠﻲ
ﺧﺎﻟﺘﻮ ﺭﺟﺎﺀ ﺍﻡ ﻣﺎﺯﻥ ﺗﻘﻌﺪ ﻣﻌﺎﻫﻢ ﻭﻫﻮ ﺍﺳﺎﺳﺎ ﺑﻜﻮﻥ ﻓﻲ ﺍﻟﺤﺞ
ﺍﻟﺰﻣﻦ ﺩﺍﻙ ﻭﻓﻌﻼ ﺩﺍ ﺍﻟﺤﺼﻞ
ﺍﻧﺎ ﺑﻘﻴﺖ ﺍﺗﺼﻞ ﻋﻠﻰ ﺍﺑﻮﻱ ﺩﺍ ﻳﻮﻣﻲ ﻭﺍﺑﻜﻲ ﻟﻪ . ﻭﺍﻗﻮﻝ ﻟﻪ ﺍﺩﻋﻲ ﻟﻲ
ﻫﻮ ﻓﺎﻛﺮﻧﻲ ﻣﺘﺄﺛﺮﻩ ﻋﺸﺎﻥ ﺍﻟﻘﺮﺍﻳﻪ ﻗﺎﻝ ﻟﻲ ﻣﺎ ﺗﺰﻋﻠﻲ ﻧﻔﺴﻚ ﺗﻤﺘﺤﻨﻲ
ﺍﻟﺸﻬﺎﺩﻩ ﺧﺎﺹ ﻛﻨﺖ ﺑﻠﺒﺲ ﺟﻠﺒﺎﺑﺎﺕ ﻃﻮﻳﻠﻪ ﻭﻋﺮﻳﻀﻪ ﻋﺸﺎﻥ ﻣﺎ
ﻳﻼﺣﻈﻮ ﻟﻲ ﻟﻤﻦ ﻣﺸﻴﻨﺎ ﺍﻟﺒﻠﺪ ﺣﺒﻮﺑﻪ ﻛﻠﻤﺖ ﺧﺎﻟﺘﻲ ﺍﻟﺼﻐﻴﺮﻩ ﺗﺴﺎﺑﻴﺢ
ﻭﺣﺰﺭﺗﺎ ﻣﺎ ﺗﺠﻴﺐ ﺳﻴﺮﻩ ﻟﺰﻭﻝ ﻭﻻ ﺗﺴﺄﻟﻨﻲ ﻛﺎﻧﻮ ﻣﻘﻌﺪﻧﻲ ﻓﻲ ﻏﺮﻓﻪ
ﺑﺮﺍﻱ ﻭﻣﺎ ﺑﻘﺎﺑﻞ ﺯﻭﻝ ﺍﻱ ﺯﻭﻝ ﻣﻦ ﺍﻻﻫﻞ ﻭﺍﻟﺠﻴﺮﺍﻥ ﻳﺴﺄﻝ ﻣﻨﻲ .
ﺑﻘﻮﻟﻮ ﻟﻪ ﺑﺘﻘﺮﺍ ﻣﺎﺯﻥ ﺟﺎﺀ ﻣﻦ ﻟﻴﺒﻴﺎ ﺍﺳﻮﺍﺀ ﻣﻦ ﺍﻻﻭﻝ ﻛﺎﻥ ﻗﺎﻋﺪ ﻣﻊ
ﺣﺒﻮﺑﻪ ﺑﺲ ﻟﻤﻦ ﻧﺤﻦ ﺟﻴﻨﺎ ﺭﺣﻞ ﺑﻴﺖ ﺍﺑﻮﻩ ﻭﺷﻮ ﺩﺍ ﻣﺎ ﺷﻔﺘﻮ ﺭﻏﻢ
ﺍﻧﻲ ﺑﻌﺪ ﺍﻟﺤﺼﻞ ﺩﺍ ﻛﻠﻮ ﻛﻨﺖ ﻋﺎﻭﺯﻩ ﺍﺷﻮﻓﻮ ﺑﻌﺪ ﺩﺧﻠﺖ ﻓﻲ ﺍﻟﺘﺎﺳﻊ
ﺧﺎﻟﺘﻮ ﺍﺳﻤﺎﺀ ﺟﺎﺕ ﺍﻣﻲ ﺩﻱ ﺩﻳﻚ ﻛﺎﻧﺖ ﺑﺘﺤﺸﻲ ﺑﻄﻨﺎ ﻣﻼﺑﺲ ﻋﺸﺎﻥ
ﺍﻟﻨﺎﺱ ﻭﻣﺘﻐﻤﺼﻪ ﺩﻭﺭ ﺍﻟﺤﺎﻣﻞ ﻓﺘﺮﺓ ﺣﻤﻠﻲ ﺩﻱ ﻛﻠﻬﺎ ﻋﺪﻳﺘﺎ ﻭﺟﻊ
ﻭﻗﻠﻖ ﻭﻋﺪﻡ ﻧﻮﻡ ﻳﻮﻡ ﻛﻨﺖ ﻧﺎﻳﻤﻪ ﺣﺴﻴﺖ ﺑﺎﻟﻢ ﺭﻫﻴﺐ ﻣﺎ ﺑﺘﻘﺎﺭﻥ ﺑﺎﻱ
ﺍﻟﻢ ﺣﺴﻴﺖ ﺑﻪ ﻗﺒﻞ ﻛﺪﺍ ﻭﺿﻬﺮﻱ ﺩﺍ ﻛﺄﻧﻮ ﺑﻀﺮﺑﻮ ﻓﻴﻪ ﺑﻔﺎﺱ ﻗﻌﺪﺕ
ﺍﺻﺮﺥ ﺍﻣﻲ ﺟﺎﺗﻨﻲ ﺟﺎﺭﻳﻪ ﻭﻣﻌﺎﻫﺎ ﺧﺎﻟﺘﻮ ﺍﺳﻤﺎﺀ ﻟﻤﻦ ﻓﺤﺼﺘﻨﻲ ﻗﺎﻟﺖ
ﻟﻬﻢ ﺩﻱ ﻭﻻﺩﺓ ﻭﻫﻲ ﺍﺻﻼ ﺟﺎﻫﺰﻩ ﺑﻌﺪﺗﺎ ﺑﻘﻮ ﻳﺘﺠﺎﺭﻭ ﻭﺍﻣﻲ ﺩﻱ ﻛﺎﻧﺖ
ﺷﺎﻳﻠﻪ ﻣﻮﻳﻪ ﺣﺎﺭﻩ ﺍﻧﺪﻓﻘﺖ ﻟﻬﺎ ﻓﻲ ﺭﺟﻼ ﻭﻻ ﻋﺎﻳﻨﺖ ﻟﻬﺎ ﺯﺍﺗﻮ ﺍﻣﺎ ﺍﻧﺎ
ﻛﻨﺖ ﺑﻌﺎﻧﻲ ﺍﻟﻢ ﺍﻟﻢ ﻣﺎ ﺑﺘﻮﺻﻒ ﻭﻻ ﻓﻲ ﻛﻠﻤﻪ ﺑﺘﻌﺒﺮ ﻋﻨﻮ ﺍﺻﻼ ﻣﻮﺕ
ﺑﺲ ﻭﻓﻌﻼ . ﺍﻟﻮﻻﺩﺓ ﺩﻱ ﺯﻱ ﺍﻟﻤﻮﺕ ﻃﺒﻌﺎ ﺧﺎﻟﺘﻮ ﺭﺟﺎﺀ ﻓﻲ ﺑﻴﺘﻨﺎ ﻣﻊ
ﺍﺧﻮﺍﻧﻲ ﻭﻣﻌﺎﻱ ﻣﺎﻓﻲ ﺍﻻ ﺍﻣﻲ ﻭﺣﺒﻮﺑﻪ ﻭﺧﺎﻟﺘﻮ ﺍﺳﻤﺎﺀ ﻭﺧﺎﻟﺘﻮ
ﺗﺴﺎﺑﻴﺢ ﺍﻣﻲ ﺩﻱ ﻛﺎﻧﺖ ﺑﺘﻘﻔﻞ ﻟﻲ ﺧﺸﻤﻲ ﻋﺸﺎﻥ ﺍﻟﺠﻴﺮﺍﻥ ﻣﺎ ﻳﺴﻤﻌﻮ
ﺻﻮﺕ ﺻﺮﺍﺧﻲ ﺍﻟﻌﺎﻟﻲ ﺩﺍ ﻭﺍﻟﺪﻧﻴﺎ ﻟﻴﻞ ﻓﻲ ﺍﻟﻠﺤﻈﻪ ﺩﻳﻚ ﺑﺎﻟﺬﺍﺕ
ﺣﺴﻴﺖ ﺑﺎﻟﻮﺣﺪﻩ ﻭﻛﻨﺖ ﺑﻔﻜﺮ . ﻓﻲ ﻣﺎﺯﻥ ﻭﺑﺲ ﺍﺗﺨﻴﻠﻮ ﺍﻟﺠﻬﻞ
ﻭﺍﻟﻄﻴﺶ ﻭﺍﻧﺎ ﻗﺮﻳﺒﻪ ﻟﻠﻤﻮﺕ ﻣﺎﺯﻥ ﺍﻟﺪﻣﺮﻧﻲ ﻳﻤﻜﻦ ﺍﺣﺴﺎﺳﻲ ﺑﺎﻧﻲ
ﺑﻠﺪﻱ ﻓﻲ ﻃﻔﻠﻮ ﺧﻼﻧﻲ ﺍﻓﻜﺮ ﻓﻴﻪ ﻭﻳﻤﻜﻦ ﻧﻄﻘﺖ ﺍﺳﻤﻮ ﻣﻦ ﻏﻴﺮ ﻣﺎ
ﺍﺷﻌﺮ . ﻻﻧﻲ ﻛﻨﺖ ﺑﻌﻴﺪﻩ ﻋﻦ ﺍﻟﻮﺍﻗﻊ ﺗﻤﺎﻣﺎ ﺍﻟﻮﻻﺩﻩ ﺍﺗﻌﺴﺮﺕ ﻭﺍﻧﺎ ﻧﺰﻓﺖ
ﺩﻡ ﻛﺘﻴﺮ ﻭﻟﺴﻪ ﺑﻨﺰﻑ ﻭﺑﺘﺄﻟﻢ ﺍﻣﻲ ﺩﻱ ﻏﻤﺮﺕ ﻣﺮﺗﻴﻦ ﻭﺑﻘﺖ ﺗﻘﻮﻝ ﻛﻠﻮ
ﻣﻨﻲ . ﺍﻧﺎ ﺍﻟﺪﻋﻴﺖ ﻋﻠﻴﻬﺎ ﻫﺪﺍ ﺭﺑﻨﺎ ﻭﺭﺍﻧﻲ ﻭﻋﻜﺴﺎ ﻋﻠﻴﻬﺎ ﺟﺪ ﻣﻊ ﺍﺧﺮ
ﻧﻔﺲ ﺣﺴﻴﺘﻮ ﻣﺴﻜﺖ ﻳﺪ ﺍﻣﻲ ﻭﺍﻧﺎ ﺑﺒﻜﻲ ﻗﻠﺖ ﻟﻬﺎ ﺍﻧﺎ ﺣﺎﺍﻣﻮﺕ ﻳﺎ
ﺍﻣﻲ ﻭﺍﺭﻳﺤﻚ ﻣﻦ ﻫﻤﻲ ﺍﻋﻔﻲ ﻟﻲ
ﻳﺘﺒﻊ
ﺑﻘﻠﻤﻲ : ﻣﺸﺎﻋﺮ ﻣﺒﻌﺜﺮﻩ
أنت تقرأ
حبل الصبر
Mystery / Thrillerخطيئة كبيرة في سن مبكر لشابه تكلفها عمرها ثمنا مشاكل مجتمعيه كبيره ومعقده وعنف جسدي ونفسي تتعرض له تلك الشابه بسبب خطيئتها
