ﺣﺒﻞ _ ﺍﻟﺼﺒﺮ
ﺍﻟﺤﻠﻘﻪ (٣ )
ﺷﻐﻠﻮ ﺍﻟﺘﻠﻔﺰﻳﻮﻥ ﺑﺼﻮﺕ ﻋﺎﻟﻲ ﻭﺍﻣﻲ ﻗﺎﻟﺖ ﻟﻲ ﺍﺭﻗﺪﻱ : ﻟﻴﻪ ﻳﺎ ﻣﺎﻣﺎ ؟
ﺍﻧﺘﻮ ﻋﺎﻭﺯﻳﻦ ﺗﻌﻤﻠﻮ ﻟﻲ ﺷﻨﻮ ﻗﺎﻟﺖ ﻟﻲ ﺣﺎﻧﺮﺟﻌﻚ ﺑﺖ ﺗﺎﻧﻲ ﺿﻮﻗﻴﻪ
ﺣﺎﺭ ﻛﻴﻒ ﻋﺸﺎﻥ ﺗﺎﻧﻲ ﺑﺎﻟﻐﻠﻂ ﻟﻮ ﻗﺎﻟﻮ ﻟﻚ ﺍﻋﻤﻠﻲ ﻛﺪﺍ ﻣﺎ ﺗﻌﻤﻠﻲ
ﺍﻭﻋﻚ ﺗﺮﺣﻤﻴﻬﺎ ﻳﺎ ﺍﺳﻤﺎﺀ ﺭﻗﺪﺗﻨﻲ ﻓﻲ ﺍﻟﺴﺮﻳﺮ ﻏﺼﺐ ﻭﺧﺎﻟﺘﻮ ﺍﺳﻤﺎﺀ
ﻃﻠﻌﺖ ﻋﻠﺒﺔ ﻓﻴﻬﺎ ﺣﺎﺟﺎﺕ ﻣﺨﻴﻔﻪ ﻗﺮﺑﺖ ﺍﻋﻤﻼ ﻋﻠﻰ ﺭﻭﺣﻲ ﻗﺎﻟﺖ ﻟﻲ
ﺍﻗﻠﻌﻲ ﺑﻘﻴﺖ ﺍﻋﺎﻳﻦ ﻟﻬﺎ ﺟﺎﺕ ﺗﺮﻓﻊ ﻟﻲ ﺍﻟﺠﻠﺒﺎﺏ ﺍﺗﻠﺼﻘﺖ ﻓﻲ ﺍﺧﺮ
ﺍﻟﺴﺮﻳﺮ ﺩﺧﻠﺖ ﺭﺟﻮﻟﻲ ﺟﻮﺍ ﺍﻟﺠﻠﺒﺎﺏ ﻭﺣﻀﻨﺘﻬﻢ ﻋﻠﻲ : ﺍﻧﺘﻮ ﻋﺎﻭﺯﻳﻦ
ﺗﻌﻤﻠﻮﺍ ﻓﻴﻨﻲ ﺷﻨﻮ ﻣﺎ ﺑﺘﺨﺠﻠﻮ ﻃﻮﺍﻟﻲ ﺍﻣﻲ ﺿﺮﺑﺘﻨﻲ ﻛﻒ ﻭﺟﺮﺗﻨﻲ
ﺑﺎﻟﻘﻮﺓ ﺭﻗﺪﺗﻨﻲ : ﻧﺨﺠﻞ؟ ﺍﻧﺘﻲ ﻟﻴﻚ ﻋﻴﻦ ﺗﺘﻜﻠﻤﻲ ﻋﻦ ﺍﻟﺨﺠﻞ ﻣﺎﻟﻚ
ﻣﺎ ﺧﺠﻠﺘﻲ ﻣﻦ ﻣﺎﺯﻥ ﻟﻤﻦ ﻣﺸﻴﺖ ﻟﻪ ﻭﻗﻠﻌﺖ ﻗﺪﺍﻣﻮ؟ ﻳﺎﺗﺎﻓﻬﺔ
ﻳﺎﻭﺳﺨﻪ ﺧﺎﻟﺘﻮ ﺍﺳﻤﺎﺀ ﻗﺎﻟﺖ ﻟﻬﺎ ﺑﺮﺍﺣﻪ ﻋﻠﻴﻬﺎ ﺭﻓﻌﺖ ﻟﻲ ﺍﻟﺠﻠﺒﺎﺏ ﻭﺍﻧﺎ
ﺍﺻﺎﺭﻉ ﺍﻟﻮﺿﻊ ﺍﻻﺗﺨﺘﻴﺖ ﻓﻴﻪ ﻭﺍﻻﺣﺴﺎﺱ ﺍﻟﺤﺴﻴﺘﻮ ﻓﻲ ﺍﻟﻠﺤﻈﻪ
ﺩﻳﻚ ﻛﺎﻥ ﺑﻤﺜﺎﺑﺔ ﺍﻧﺘﻘﺎﻡ ﺭﺑﺎﻧﻲ ﻣﻨﻲ ﻋﻠﻰ ﺍﻟﻌﻤﻠﺘﻮ ﻭﺟﺰﺀ ﻣﻦ ﺩﻋﻮﺍﺕ
ﺍﻣﻲ ﺍﻟﺪﻋﺘﺎ ﻋﻠﻲ ﻛﻨﺖ ﻓﻲ ﺣﺎﻟﻪ ﻣﺎ ﺑﺘﻘﺪﺭﻭ ﺗﺘﺨﻴﻠﻮﻫﺎ ﻛﻮﻧﻚ ﺗﺘﺨﺘﻲ
ﻓﻲ ﻭﺿﻊ ﺯﻱ ﺩﺍ ﻭﺗﻜﻮﻧﻲ ﻗﺪﺍﻡ ﺍﻣﻚ ﻭﻣﺮﺍ ﻏﺮﻳﺒﻪ ﺭﺑﻨﺎ ﺑﺲ ﺍﻟﻌﺎﻟﻢ
ﺑﺎﻟﺤﺎﻟﻪ ﺩﻱ ﺧﺎﻟﺘﻮ ﺍﺳﻤﺎﺀ ﻗﺎﻟﺖ ﻟﻲ ﻫﺪﻱ ﺍﻋﺼﺎﺑﻚ ﻭﻣﺎ ﺗﺤﺎﻭﻟﻲ
ﺗﻘﺎﻭﻣﻲ ﺑﻌﺪ ﺷﻮﻳﻪ ﺭﻓﻌﺖ ﺭﺍﺳﺎ ﻭﻗﺎﻟﺖ ﻻ ﺍﻟﻪ ﺍﻻ ﺍﻟﻠﻪ ﻣﺤﻤﺪ ﺭﺳﻮﻝ
ﺍﻟﻠﻪ ﻭﺍﻟﻠﻪ ﺩﺍ ﻛﻠﻮ ﻣﻦ ﺩﻋﻮﺍﺗﻚ ﻋﻠﻴﻬﺎ ﻳﺎ ﻛﻮﺛﺮ ﻫﺪﺍ ﺭﺑﻨﺎ ﻣﻌﻜﺴﺎ ﻋﻠﻴﻬﺎ
ﻭﻳﻦ ﻣﺎ ﺗﻘﺒﻞ ﻭﺍﻧﺘﻲ ﻣﺠﺮﺟﺮﻩ ﻣﻌﺎﻫﺎ : ﺍﻧﻄﻘﻲ ﻳﺎ ﻣﺮﺍ ﺟﻤﺪﺗﻲ ﺍﻟﺪﻡ
ﻓﻲ ﺭﻛﺒﻲ ﻗﺎﻟﺖ ﻟﻬﺎ ﺍﻣﺸﻲ ﺍﻋﻤﻠﻲ ﻟﻬﺎ ﺗﺤﻠﻴﻞ ﺷﻜﻼ ﺣﺎﻣﻞ ﺍﻣﻲ
ﻭﻗﻌﺖ ﻣﻦ ﻃﻮﻻ ﺻﺤﻴﻨﺎﻫﺎ ﺑﻌﺪ ﺗﻌﺐ ﻭﻣﻦ ﺷﺎﻓﺘﻨﻲ ﻟﻤﺖ ﻓﻴﻨﻲ
ﺿﺮﺏ : ﻋﺎﺟﺒﻚ ﻛﺪﺍ ﺧﻼﺹ ﺍﺭﺗﺤﺘﻲ ﻳﺎ ﺗﺎﻓﻬﺔ ﻛﻤﺎﻥ ﺣﺎﻣﻞ ؟
ﺍﻟﻜﺎﻳﺴﻨﻮ ﺍﻟﻨﺎﺱ ﺑﺎﻟﺴﻨﻴﻦ ﺗﻠﻘﻴﻪ ﺍﻧﺘﻲ ﺑﺎﻟﺤﺮﺍﻡ ؟ ﺍﻟﻠﻪ ﻳﻐﻄﺲ ﺣﺠﺮﻙ :
ﻳﻐﻄﺲ ﺣﺠﺮﺍ ﺍﻛﺘﺮ ﻣﻦ ﻛﺪﺍ ﻛﻴﻒ ؟ ﺍﻱ ﻣﺼﻴﺒﻪ ﺗﺤﺼﻞ ﻟﻠﺒﻨﺖ ﺩﻱ
ﺍﻧﺘﻲ ﻣﻌﺎﻫﺎ ﻻﻧﻚ ﺳﻜﺘﻲ ﻣﻦ ﺍﻻﻭﻝ ﻭﻣﺎ ﺍﺷﻮﻓﻚ ﺿﺮﺑﺘﻴﻬﺎ ﺗﺎﻧﻲ ﺩﺍﻳﺮﻩ
ﺗﻘﺘﻠﻴﻬﺎ ﻳﻌﻨﻲ ؟ ﺑﺪﻝ ﺗﺤﺎﺳﺒﻲ ﺍﻟﺒﺎﻃﻞ ﺍﻟﻌﻤﻞ ﻓﻴﻬﺎ ﻛﺪﺍ : ﺩﺍﻙ ﺧﻠﻴﻪ
ﺳﺎﻱ ﻣﺎ ﻣﺤﺘﺎﺝ ﻳﺤﺎﺳﺒﻮﻩ ﺣﻴﺎﺗﻮ ﺩﻱ ﺑﺮﺍﻫﺎ ﺍﻛﺒﺮ ﻋﻘﺎﺏ ﻟﻪ ﻗﺎﻳﻼﻩ
ﻧﺎﻓﻊ ﺍﻧﺘﻲ ؟ ﻫﺪﺍﻙ ﺧﻠﻰ ﺍﻟﺠﺎﻣﻌﻪ ﻭﺑﻘﻰ ﻋﺎﻃﻞ ﻭﺳﻜﺮﺟﻲ ﺍﻟﺤﻠﻪ ﻛﻠﻬﺎ
ﺗﺘﻜﻠﻢ ﺑﻪ ﺍﺑﻮﻩ ﻟﻤﻦ ﺑﻘﻰ ﻳﺮﺑﻄﻮ ﻓﻲ ﺍﻟﺒﻴﺖ ﻗﻠﺒﻲ ﺍﻧﻘﺒﺾ ﻟﻤﺎ ﺳﻤﻌﺘﺎ
ﻛﺪﺍ ﻟﻜﻦ ﺍﺻﻠﻲ ﻣﺎ ﺣﻨﻴﺖ ﻋﻠﻴﻪ ﻻﻧﻲ ﺍﺗﺬﻛﺮﺕ ﺍﻟﺤﺼﻞ ﻭﺍﻟﺤﺎﺻﻞ
ﻭﺍﻟﺤﺎﻳﺤﺼﻞ ﻣﻌﺎﻱ ﺑﺴﺒﺒﻮ ﻭﺍﻧﻮ ﻫﻮ ﺍﺗﺨﻠﻰ ﻋﻨﻲ ﺗﺎﻧﻲ ﻳﻮﻡ ﺍﻣﻲ
ﺳﺎﻗﺘﻨﻲ ﺍﻟﻤﺴﺘﺸﻔﻰ ﻭﻃﻠﻌﺖ ﺣﺎﻣﻞ ﺑﺎﻟﺠﺪ ﺍﻭﻝ ﻣﺎ ﺭﺟﻌﻨﺎ ﺍﻟﺒﻴﺖ ﻟﻤﺖ
ﻓﻴﻨﻲ ﺿﺮﺏ ﻭﺍﻧﺎ ﺍﺻﻼ ﺟﺴﻤﻲ ﺍﺗﻌﻮﺩ ﻋﻠﻰ ﺍﻟﻀﺮﺏ ﻭﺑﻄﻠﺖ ﺍﺣﺲ
ﺧﻠﻴﺘﻬﺎ ﺿﺮﺑﺖ ﻭﺷﺘﻤﺖ ﻗﺪﺭﺗﺎ ﻭﻻ ﺳﺄﻟﺘﻬﺎ ﺍﻧﺎ ﻣﺴﺘﻌﺪﻩ ﺗﻤﺎﻣﺎ ﻻﻱ ﺷﻲ
ﻳﺤﺼﻞ ﻭﻣﺘﻮﻗﻌﻪ ﺍﻱ ﺣﺎﺟﻪ ﺍﻣﻲ ﻗﺪﺭ ﻣﺎ ﺣﻨﺴﺖ ﺧﺎﻟﺘﻮ ﺍﺳﻤﺎﺀ
ﺗﺠﻬﻀﻨﻲ ﺭﻓﻀﺖ ﻭﻗﺎﻟﺖ ﻟﻬﺎ ﺣﺎﺟﻪ ﺣﺮﺍﻡ ﻣﺎ ﺑﻌﻤﻠﻬﺎ ﺩﻱ ﺭﻭﺡ ﻳﺎ ﻛﻮﺛﺮ
ﺍﻧﺘﻲ ﻣﺎ ﻣﺆﻣﻨﻪ ؟ : ﺍﺧﻠﻴﻬﺎ ﺗﻠﺪﻱ ﻳﻌﻨﻲ ﻭﺗﻔﻀﺤﻨﺎ ؟ : ﻣﺎ ﺑﻌﺮﻑ ﻏﺎﻳﺘﻮ
ﺍﺟﻬﺎﺽ ﻣﺎ ﺑﻌﻤﻠﻮ ﻟﻬﺎ ﻛﺪﺍ ﺑﻨﺼﻠﺢ ﺍﻟﻐﻠﻂ ﺑﻐﻠﻂ ﺍﻛﺒﺮ ﻳﻌﻨﻲ ﺍﻧﺘﻲ
ﻋﺎﻭﺯﻩ ﺗﻌﻤﻠﻲ ﺯﻳﻬﺎ ؟ ﺍﻣﻲ ﻗﻌﺪﺕ ﺗﺒﻜﻲ ﻭﻳﻮﻣﻲ ﺗﺤﻨﺲ ﻓﻴﻬﺎ ﺑﻘﺖ
ﺗﺸﻐﻠﻨﻲ ﺷﻐﻞ ﺍﻟﺒﻴﺖ ﻛﻠﻮ ﻏﺴﻴﻞ ﻣﻜﻮﺓ ﻃﺒﻴﺦ ﻧﻀﺎﻓﻪ ﺍﻟﻤﺴﺢ ٢٤
ﺳﺎﻋﻪ ﺣﺘﻰ ﺍﻟﻤﻜﻴﻔﺎﺍﺕ ﺩﻳﻞ ﺑﻤﻼﻫﻢ ﺑﺠﺮﺩﻝ ﺩﺍ ﻟﻮ ﻛﺎﻥ ﺍﻱ ﺣﻤﻞ
ﻋﺎﺩﻱ ﻛﺎﻥ ﻧﺰﻝ ﻟﻜﻦ ﺳﺒﺤﺎﻥ ﺍﻟﻠﻪ ﺭﺑﻨﺎ ﻋﻨﺪﻭ ﺣﻜﻤﻪ ﻓﻲ ﻛﻞ ﺷﻲ ﺍﻣﻲ
ﺯﻫﺠﺖ ﺧﻼﺹ ﻭﺑﺪﺕ ﺗﺨﺎﻑ : ﻣﺎ ﺩﺍﻳﺮ ﻳﻤﻮﺕ ﻫﻮ ﻭﺩ ﺍﻟﺤﺮﺍﻡ ﺩﺍ ؟
ﻋﻴﺎﻝ ﺍﻟﺤﻼﻝ ﺑﻨﺰﻟﻮ ﺧﻠﻲ ﻏﻠﻄﺔ ﺯﻱ ﺩﺍ ﻣﺘﻤﺴﻚ ﺑﺎﻟﺤﻴﺎﺓ ﻛﺪﺍ ﻗﻠﺖ ﻟﻬﺎ
ﻣﺎﻣﺎ ﺍﻧﺘﻲ ﺑﺘﺪﻋﻲ ﻋﻠﻴﻪ ﻗﺒﻞ ﻣﺎ ﻳﺨﻠﻖ ؟ : ﺑﺪﻋﻲ ﻋﻠﻴﻜﻢ ﺍﻟﺘﻼﺗﻪ
ﺍﻧﺘﻲ ﻭﻫﻮ ﻭﺍﺑﻮﻩ ﺍﻟﻤﻐﺼﻮﺏ ﺍﻟﻠﻪ ﻳﻌﻜﺴﺎ ﻋﻠﻴﻪ ﺩﻧﻴﺎ ﻭﺍﺧﺮﻩ ﺍﻣﻲ ﺩﻱ
ﻭﺻﻠﺖ ﻟﺪﺭﺟﻪ ﻣﺮﻩ ﻟﻘﺘﺘﻲ ﻧﺎﺯﻟﻪ ﻣﻦ ﺍﻟﺴﻠﻢ ﺩﻓﺮﺗﻨﻲ ﻋﺪﻳﻞ ﻭﻗﻌﺖ ﻓﻲ
ﺍﻻﺭﺽ ﻭﻗﻌﺪﺕ ﺍﺻﺮﺥ ﺍﻣﻲ ﻗﺎﻟﺖ : ﻣﺎ ﻧﺰﻝ ﻣﺎ ﻧﺰﻝ ﺍﻟﻤﻐﻀﻮﺏ ﺍﻧﺎ
ﻋﺎﻧﻴﺖ ﻣﻌﺎﻧﺎﺓ ﺷﺪﻳﺪﻩ ﻭﻫﻮ ﻣﺎ ﻋﺎﻭﺯ ﻳﻨﺰﻝ ﻟﺪﺭﺟﻪ ﺍﻧﺎ ﺯﺍﺗﻲ ﺑﻘﻴﺖ
ﺍﺩﻋﻲ ﻣﻌﺎﻫﺎ .ﻭﺍﻧﺎ ﺯﻳﻲ ﻭﺯﻱ ﺍﻱ ﺣﺎﻣﻞ ﺑﺘﻮﺣﻢ ﻭﺑﺘﺤﺼﻞ ﻟﻲ ﺗﻐﻴﺮﺍﺕ
ﺑﺘﺰﻫﺞ ﻭﺑﺸﺘﻬﻲ ﻟﻜﻦ ﺣﺎﺑﺴﺎﻩ ﻓﻲ ﻧﻔﺴﻲ ﻣﺎ ﻻﻗﻴﻪ ﺭﻋﺎﻳﻪ ﻭﺍﻣﻲ ﺩﻱ
ﻃﺎﻟﻌﻪ ﻭﻧﺎﺯﻟﻪ ﺗﺸﺘﻢ ﻓﻴﻨﻲ ﻣﺮﻩ ﻛﺎﻧﺖ ﺷﻐﺎﻟﻪ ﻓﻲ ﺍﻟﻤﻄﺒﺦ ﻭﺍﻧﺎ ﺑﻤﺴﺢ
ﻧﺒﺬﺗﻨﻲ ﻭﺍﻧﺎ ﺣﺴﺐ ﻣﺰﺍﺟﻲ ﺭﺩﻳﺖ ﻟﻬﺎ : ﻣﺎ ﻣﻦ ﺍﻻﻭﻝ ﻭﺭﻳﺘﻚ ﺍﻧﻮ
ﺑﻘﻮﻝ ﻟﻲ ﻛﻼﻡ ﻛﻌﺐ ﻗﻠﺘﻲ ﻭﻟﺪ ﺍﺧﺘﻚ ﻣﺎ ﺑﻌﻤﻞ ﻛﺪﺍ ﻭﺍﻟﻠﻪ ﺿﺮﺑﺘﻨﻲ
ﺑﺎﻟﻜﻤﺸﻪ ﺑﺒﺎﻗﻲ ﻣﻼﺣﺎ ﺍﻟﺒﻐﻠﻲ ﻓﻲ ﺍﻟﻨﺎﺭ ﻭﻓﻲ ﻭﺷﻲ ﺍﻻ ﻏﻄﻴﺘﻮ ﺑﻴﺪﻱ
ﻭﺍﻻﺛﻨﻴﻦ ﺷﺎﻟﻦ ﻣﻮﻳﻪ ﻣﺮﺕ ﺍﻟﺸﻬﻮﺭ ﻭﺍﻟﺤﺎﻝ ﻓﻲ ﺣﺎﻟﻮ ﻣﺮﻩ ﻛﻨﺖ ﻧﺎﻳﻤﻪ
ﺣﺴﻴﺖ ﺑﺄﻟﻢ ﻓﻈﻴﻊ ﻓﻲ ﺑﻄﻨﻲ ﻭﺿﻬﺮﻱ ﻭﻟﻘﻴﺖ ﺩﻡ ﻧﺎﺯﻝ ﻣﻨﻲ ﻣﺎ
ﻋﺮﻓﺖ ﺍﻋﻤﻞ ﺷﻨﻮ ﻭﺍﻧﺎﺩﻱ ﻣﻨﻮ ﻧﺺ ﺍﻟﻠﻴﻞ ﺩﺍﻙ ﺍﺗﻜﻤﺸﺖ ﻋﻠﻰ ﻧﻔﺴﻲ
ﻭﻗﻌﺪﺕ ﺍﺑﻜﻲ ﻭﺍﺗﻮﺟﻊ ﻟﻠﺼﺒﺎﺡ ﺍﺗﻘﺪﺭﺕ ﻭﻗﻤﺖ ﻭﻗﻔﺖ ﺟﻨﺐ ﺍﻟﺒﺎﺏ
ﺷﻔﺖ ﻭﺟﻦ ﻗﻠﺖ ﻟﻬﺎ ﻧﺎﺩﻱ ﻟﻲ ﺍﻣﻲ ﺳﺮﻳﻊ ﻟﻤﻦ ﺷﺎﻓﺖ ﺣﺎﻟﺘﻲ ﺷﻬﻮﺩﺕ
: ﻣﺎﻣﺎ ﺍﻧﺎ ﺑﻤﻮﺕ ﺑﻤﻮﺕ ﺧﻼﺹ : ﺍﺭﻗﺪﻱ ﻛﺪﻱ ﺩﺍ ﻛﻠﻮ ﺩﻡ ؟ : ﻫﺪﺍ
ﻧﺰﻝ ﻳﺎ ﻣﺎﻣﺎ ﺫﻱ ﻣﺎ ﺍﻧﺘﻲ ﻋﺎﻭﺯﻩ ﻗﺎﻟﺖ ﻟﻲ ﺍﻗﻌﺪﻱ ﻗﺒﻠﻚ ﺧﻠﻴﻨﻲ ﺍﻧﺎﺩﻱ
ﺍﺳﻤﺎﺀ ﻛﻤﻴﺔ ﺍﻻﻟﻢ ﺍﻟﺤﺴﻴﺖ ﺑﻪ ﻓﻲ ﺍﻟﻠﺤﻈﺎﺕ ﺩﻳﻚ ﻣﺎ ﺑﺘﻮﺻﻒ ﺍﻧﺎ
ﺍﻟﻐﻠﻂ ﺍﻟﻌﻤﻠﺘﻮ ﻣﺎ ﺑﺘﻘﺎﺭﻥ ﺑﺎﻟﺤﺼﻞ ﻣﻌﺎﻱ ﺧﺎﻟﺘﻮ ﺍﺳﻤﺎﺀ ﺟﺎﺕ
ﻓﺤﺼﺘﻨﻲ ﻭﻗﺎﻟﺖ ﻻﻣﻲ ﻣﺎ ﻧﺰﻝ ﺑﺎﻟﻄﺮﻳﻘﻪ ﺩﻱ ﺍﻟﺒﻨﺖ ﺑﺘﻤﻮﺕ ﻻﺯﻡ
ﺗﺮﺗﺎﺡ ﻭﺗﺘﺎﺑﻊ ﺣﻤﻼ : ﻣﺎ ﺩﺍﻳﺮ ﻳﻤﻮﺕ ﻳﻌﻨﻲ ﺑﻌﺪ ﺩﺍ ؟ ﻋﻤﺮ ﺍﻟﺸﻘﻲ ﺑﻘﻲ
: ﻛﻔﺎﻳﻪ ﻳﺎ ﻛﻮﺛﺮ ﺧﻼﺹ ﻭﺍﻟﻠﻪ ﺍﻟﺒﺘﻌﻤﻠﻲ ﻓﻴﻬﺎ ﺩﺍ ﻛﻠﻮ ﺗﺘﺤﺎﺳﺒﻲ ﻋﻠﻴﻪ
ﻭﺑﺘﻚ ﺩﻱ ﻳﻮﻡ ﺑﺘﺼﺤﻲ ﺗﻠﻘﻴﻬﺎ ﻣﻴﺘﻪ ﺑﻌﺪ ﺍﻟﺤﺼﻞ ﺩﺍ ﺍﻣﻲ ﺷﻮﻳﻪ
ﺧﻔﺖ ﻋﻠﻲ ﻭﺑﻘﺖ ﺗﺤﺮﺹ ﻋﻠﻰ ﺍﻛﻠﻲ ﻭﺗﺠﻴﺐ ﻟﻲ ﻓﺎﻳﺘﻤﻴﻨﺎﺕ
ﺍﻟﻤﺸﻜﻠﻪ ﺍﻧﻮ ﺍﻟﺰﻣﻦ ﺑﻤﺮ ﻭﺑﻄﻨﻲ ﺑﺪﺕ ﺗﻜﺒﺮ ﻭﺍﻣﻲ ﺩﻱ ﻳﻮﻣﻲ ﺗﺘﻮﺳﻞ
ﻟﺨﺎﻟﺘﻮ ﺍﺳﻤﺎﺀ ﻭﻫﻲ ﺭﺍﻓﻀﻪ ﻳﻮﻡ ﺻﺤﺘﻨﻲ ﻧﺺ ﺍﻟﻠﻴﻞ ﺍﺑﻮﻱ ﻛﺎﻥ
ﻣﺴﺎﻓﺮ ﻗﺎﻟﺖ ﻟﻲ ﺍﻟﺒﺴﻲ ﻭﺍﻃﻠﻌﻲ ﻗﺪﺍﻣﻲ ﺳﺮﻳﻊ :ﺣﺎﻧﻤﺸﻲ ﻭﻳﻦ؟؟ :
ﻣﺎ ﺗﺴﺄﻟﻲ ﺍﻣﺸﻲ ﻭﺍﻧﺘﻲ ﺳﺎﻛﺘﻪ ﻛﺎﻧﺖ ﻣﻮﻗﻔﻪ ﻟﻴﻨﺎ ﻋﺮﺑﻴﻪ ﺑﺮﻩ ﻣﺸﻴﻨﺎ
ﻣﺴﺎﻓﻪ ﻃﻮﻳﻠﻪ ﻭﻧﺰﻟﻨﺎ ﻓﻲ ﺑﻴﺖ ﻣﻦ ﺩﺧﻠﻨﺎ ﺷﺎﻳﻔﺎﻩ ﻣﻠﻴﺎﻥ ﻧﺴﻮﺍﻥ
ﻭﺑﻨﺎﺕ ﺍﺷﻜﺎﻟﻬﻢ ﻏﺮﻳﺒﻪ ﺧﻮﻓﻮﻧﻲ ﺍﻣﻲ ﻗﻌﺪﺗﻨﻲ ﻓﻲ ﻛﺮﺳﻲ ﻭﺩﺧﻠﺖ
ﻗﺪﺍﻣﻲ ﺟﺎﺕ ﻃﺎﻟﻌﻪ ﺑﻨﺖ ﻇﺎﻫﺮ ﻋﻠﻴﻬﺎ ﺍﻟﺘﻌﺐ ﻋﺮﻗﺎ ﺳﺎﻳﻞ ﺩﺍﻳﺮﻩ ﺗﻘﻊ
ﺍﻻ ﺍﺗﻜﻠﺖ ﻓﻲ ﻛﺮﺳﻲ ﺍﻣﻲ ﺟﺎﺕ ﻗﻌﺪﺕ ﺟﻨﺒﻲ ﻭﻛﻞ ﻣﺎ ﺍﺳﺄﻻ ﺗﺴﻜﺘﻨﻲ
ﻭﻧﺤﻦ ﻗﺎﻋﺪﻳﻦ ﻛﺪﺍ ﺳﻤﻌﺖ ﺻﺮﺧﻪ ﺗﻬﺰ ﺍﻷﺭﺽ ﺍﻧﺎ ﻟﻤﻦ ﻗﺮﺑﺖ ﺍﻗﻊ
ﻭﺍﻣﻲ ﻣﻼﻣﺤﺎ ﺍﺗﻐﻴﺮﺕ ﺍﻣﺎ ﺍﻟﻘﺎﻋﺪﻳﻦ ﺩﻳﻞ ﻭﻻ ﺍﺗﻬﺰﻭ ﺍﻧﺎ ﺍﺗﺨﻠﻌﺖ
ﻭﻋﺎﻭﺯﻩ ﺍﺟﺮﻱ ﺍﻣﻲ ﻣﺴﻜﺘﻨﻲ ﻃﻮﺍﻟﻲ ﺳﻤﻌﺖ ﺍﺳﻤﻲ ﺳﻤﺮ ﺍﻟﻔﺎﺗﺢ ﺍﻣﻲ
ﻗﻮﻣﺘﻨﻲ ﻏﺼﺐ ﻭﺍﻧﺎ ﺭﺟﻮﻟﻲ ﻣﺎﺗﻮ ﺍﻟﻨﺴﻮﺍﻥ ﺑﻘﻮ ﻳﺠﻮﻃﻮ ﻟﻴﻪ ﻭﻧﺤﻦ
ﻣﻦ ﺍﻟﺼﺒﺎﺡ ﻗﺎﻋﺪﻳﻦ ﺗﺪﺧﻠﻲ ﻓﻴﻨﺎ ﺍﻣﻲ ﻗﺎﻟﺖ ﻟﻬﻢ ﺍﻧﺎ ﺣﺎﺟﺰﻩ ﻣﻦ
ﺑﺪﺭﻱ ﻣﺸﻴﻨﺎ ﻣﺴﺎﻓﻪ ﻛﺪﺍ ﻭﺩﺧﻠﻨﺎ ﻏﺮﻓﺔ ﺍﻧﺎ ﻣﻦ ﺩﺧﻠﺖ ﻛﺮﺍﻋﻲ ﻭﻗﻌﺖ
ﻻﻧﻮ ﺍﻟﻤﻨﻈﺮ ﺍﻟﺸﻔﺘﻮ ﻣﺎ ﺑﺘﺤﻜﻲ ﻭﻻ ﺑﺘﻮﺻﻒ
ﻳﺘﺒﻊ
ﺑﻘﻠﻤﻲ : ﻣﺸﺎﻋﺮ ﻣﺒﻌﺜﺮﻩ
#ﺍﻟﺤﻠﻘﻪ ﺩﻱ ﻭﺍﻟﻠﻪ ﻛﺎﻧﺖ ﺻﻌﺒﻪ ﻋﻠﻲ ﺷﺪﻳﺪ ﻭﺑﻌﺘﺰﺭ ﻋﻠﻰ ﻛﺘﺮﺕ
ﺍﻟﺘﻔﺎﺻﻴﻞ ﺑﺲ ﺣﺎﺳﻪ ﺍﻧﻮ ﻻﺯﻡ ﺗﺘﻮﺿﺢ
تفاعلكم ضعيف شديد نوقفا ولا شنو ؟؟
أنت تقرأ
حبل الصبر
Misterio / Suspensoخطيئة كبيرة في سن مبكر لشابه تكلفها عمرها ثمنا مشاكل مجتمعيه كبيره ومعقده وعنف جسدي ونفسي تتعرض له تلك الشابه بسبب خطيئتها
