ﺣﺒﻞ_ﺍﻟﺼﺒﺮ
#بقلمي:مشاعر_مبعثره
ﺍﻟﺤﻠﻘﻪ (٧ )
ﺍﻣﻲ ﺍﻟﺒﻨﺞ ﺩﺍ ﺷﻜﻠﻮ ﻣﺎ ﻣﺸﻰ ﻓﻴﻨﻲ
ﺍﺳﺘﺤﻤﻠﻲ ﺍﺳﻲ ﺍﻟﻮﺟﻊ ﺑﺮﻭﺡ
ﻭﺍﻟﻠﻪ ﺍﻻﻟﻢ ﻏﻴﺮ ﺯﺍﺩ ﻣﺎ ﻗﻞ ﺣﺴﻴﺖ ﺑﺄﻱ ﺣﺎﺟﻪ ﻛﺄﻧﻮ ﺭﺑﻨﺎ ﺑﻌﺎﻗﺒﻨﻲ
ﻋﺸﺎﻥ ﺣﺎﺍﺻﻠﺢ ﺍﻟﻐﻠﻂ ﺑﻐﻠﻂ ﺗﺎﻧﻲ ﺑﺄﻧﻲ ﺍﺧﺪﻉ ﻭﺍﺣﺪ ﻓﺎﻛﺮﻧﻲ ﻃﺎﻫﺮﻩ
ﻭﺷﺮﻳﻔﻪ ﺑﻌﺪ ﺧﻠﺼﻨﺎ ﺧﻠﻮﻧﻲ ﺍﺭﺗﺎﺡ
ﺷﻮﻳﻪ ﻛﺪﺍ ﻭﺟﻦ ﺟﺎﺕ ﺷﺎﻳﻠﻪ ﻗﺼﻲ ﺑﺒﻜﻲ ﺍﻣﻲ ﻧﻬﺮﺗﺎ ﻗﻠﺖ ﻟﻬﺎ ﺟﻴﺒﻴﻪ
ﻛﺎﻥ ﻋﺎﻭﺯﻧﻲ ﺍﻟﻌﺒﻮ ﻭﺍﻧﺎ ﻣﺎ ﻗﺎﺩﺭﻩ ﺭﻗﺪﺗﻮ ﺟﻨﺒﻲ ﻭﺑﻘﻰ ﻳﺘﺤﺎﻭﻡ ﻓﻲ
ﺍﻟﺴﺮﻳﺮ ﺿﺮﺑﻨﻲ ﻓﻲ ﺍﻟﺠﺮﺡ ﻟﻤﻦ ﺻﺮﺧﺖ ﻭﻗﻌﺪ ﻳﺒﻜﻲ ﺍﻣﻲ ﺟﺎﺕ
ﺟﺎﺭﻳﻪ ﻭﻣﻦ ﺍﺳﺘﻌﺠﺎﻟﻬﺎ ﻭﻗﻌﺖ ﻓﻲ ﺍﻟﻌﺘﺒﻪ ﺍﻟﻴﻮﻡ ﺩﺍﻙ ﻣﺮﻳﻨﺎ ﺑﺤﺎﻟﻪ ﻣﺎ
ﻳﻌﻠﻢ ﺑﻬﺎ ﺍﻻ ﺍﻟﻠﻪ ﻭﺟﻦ ﺷﺎﻟﺖ ﻗﺼﻲ ﻭﻫﻮ ﻳﺘﺸﺎﺑﻰ ﻟﻲ ﻭﺍﻧﺎ ﺍﻣﻲ
ﺳﺎﻧﺪﺍﻧﻲ ﻭﻫﻲ ﻧﻔﺴﺎ ﻣﺤﺘﺎﺟﻪ ﺍﻟﺒﺴﻨﺪﺍ ﻟﻤﻦ ﻭﺟﻦ ﺳﺄﻟﺖ ﻣﻦ ﺣﺎﻟﺘﻲ
ﺍﻣﻲ ﻧﻬﺮﺗﺎ ﻭﺧﻮﻓﺘﺎ ﺭﺟﻌﺖ ﺍﻟﺒﻴﺖ ﺫﻱ ﺍﻟﺠﺜﺔ ﺍﻣﻲ ﺍﺩﺗﻨﻲ ﻣﺴﻜﻦ
ﻭﻧﻤﺖ ﺑﻌﺪ ﺗﻌﺐ ﺍﻟﻔﺘﺮﺓ ﺩﻱ ﻛﺎﻧﺖ ﺻﻌﺒﻪ ﻋﻠﻴﻨﺎ ﺷﺪﻳﺪ ﺍﻧﺎ ﻓﻲ ﻭﺟﻌﻲ
ﻭﻣﺎﻣﺎ ﻗﺎﻳﻤﻪ ﺑﺸﻐﻞ ﺍﻟﺒﻴﺖ ﺑﺮﺍﻫﺎ ﺑﻮﺟﻊ ﺭﻛﺒﺘﺎ ﺩﺍ ﻳﻮﻡ ﺍﺑﻮﻱ ﺟﺎﺀ ﻟﻘﺎﻫﺎ
ﺑﺘﻐﺴﻞ ﻭﻧﻌﺴﺎﻧﻪ ﻗﻮﻣﺎ ﻭﺟﺎﻧﻲ ﻟﻘﺎﻧﻲ ﺭﺍﻗﺪﻩ ﺷﺎﻛﻠﻨﻲ ﻣﺎ ﺧﻼ ﻟﻲ ﻛﻠﻤﻪ
ﻟﻤﻦ ﺑﻜﻴﺖ ﺍﻣﻲ ﻗﺎﻟﺖ ﻟﻪ ﻋﻴﺎﻧﻪ ﻭﺍﺻﻼ ﺍﻧﺎ ﺣﺮﺍﺭﺗﻲ ﻛﺎﻧﺖ ﻋﺎﻟﻴﻪ
ﺷﺪﻳﺪ ﻭﺍﻣﻲ ﺑﺘﺪﻳﻨﻲ ﻣﺴﻜﻨﺎﺕ ﺍﺑﻮﻱ ﺍﺻﺮ ﻳﻮﺩﻳﻨﻲ ﺍﻟﻤﺴﺘﺸﻔﻰ
ﻭﻛﻮﻳﺲ ﺍﻧﻮ ﻇﻬﺮﺕ ﻟﻲ ﻣﻼﺭﻳﺎ
ﺑﻌﺪ ﺍﻟﻤﻌﺎﻧﺎﺓ ﺩﻳﻚ ﻧﺘﻴﺠﺘﻲ ﻃﻠﻌﺖ ﻭﺍﻟﺤﻤﺪﻟﻠﻪ ﺟﺒﺖ ٨٦ ﺍﻟﻔﺮﺣﻪ ﺩﻱ
ﻣﺎ ﻛﺎﻧﺖ ﺳﺎﻳﻌﺎﻧﻲ ﻭﺍﻣﻲ ﺩﻱ ﺑﻜﺖ ﻋﺪﻳﻞ ﺍﺑﻮﻱ ﻣﺎ ﺧﻠﻰ ﺣﺎﺟﻪ ﻣﺎ
ﺟﺎﺑﺎ ﻟﻲ
ﺣﺒﻮﺑﻪ ﺟﺎﺕ ﻗﻌﺪﺕ ﻣﻌﺎﻧﺎ ﻓﺘﺮﻩ ﻛﺎﻥ ﺭﻣﻀﺎﻥ ﻭﺍﺻﺮﺕ ﻋﻠﻲ ﺍﻓﻄﻢ
ﻭﻟﺪﻱ ﻛﺎﻧﺖ ﺻﻌﺒﻪ ﺷﺪﻳﺪ ﺑﺲ ﻫﻲ ﻋﺸﺎﻥ ﻋﻨﺪﻫﺎ ﺧﺒﺮﻩ ﻗﺪﺭﺕ ﻋﻠﻴﻪ
ﻛﻨﺎ ﺑﻨﺒﻜﻲ ﺍﻧﺎ ﻭﻫﻮ ﻭﺣﺒﻮﺑﻪ ﺑﺘﻨﻮﻣﻮ ﻣﻌﺎﻫﺎ ﻭﺗﺄﻛﻠﻮ ﺍﻟﻠﻴﻞ ﻛﻠﻮ ﺑﻌﺪﻱ
ﺑﻜﺎﺀ ﺍﻧﺎ ﺑﻌﺪ ﺍﻟﻔﻄﺎﻡ ﺻﺪﺭﻱ ﺍﺗﻮﺭﻡ ﻭﺑﻘﻰ ﻳﻮﺟﻌﻨﻲ ﺟﺎﺗﻨﻲ ﺯﻱ
ﺣﺴﺎﺳﻴﻪ ﻛﺪﺍ ﻟﺪﺭﺟﺔ ﺍﻧﻮ ﺣﺮﺍﺭﺗﻲ ﻛﺎﻧﺖ ﺑﺘﺮﺗﻔﻊ ﻟﻜﻦ ﺍﻣﻲ ﻗﺎﻟﺖ ﻋﺎﺩﻱ
ﻛﺎﻧﺖ ﻓﺘﺮﻩ ﺻﻌﺒﻪ ﺑﺲ ﺍﻟﺤﻤﺪﻟﻠﻪ ﻋﺪﺕ ﻭﻗﺼﻲ ﺍﺗﻌﻮﺩ ﻣﺎﻣﺎ ﻗﺪﻣﺖ ﻟﻲ
ﻋﻠﻢ ﻧﻔﺲ ﺗﻄﺒﻴﻘﻲ ﺣﺴﺐ ﺭﻏﺒﺘﻲ ﻳﻮﻡ ﺍﻟﺘﺴﺠﻴﻞ ﻣﺸﻴﺖ ﻣﻊ ﺍﺑﻮﻱ
ﻭﺑﺼﺮﺍﺣﻪ ﻓﻘﺪﺕ ﻗﺼﻲ ﺷﺪﻳﺪ ﻣﻦ ﺍﻭﻝ ﻳﻮﻡ ﺍﺗﻌﺮﻓﺖ ﻋﻠﻰ ﺍﺭﻳﺞ
ﺍﻗﺮﺏ ﺻﺎﺣﺒﻪ ﻟﻲ ﻋﺎﺭﻓﻪ ﺗﻔﺎﺻﻴﻠﻲ ﻛﻠﻬﺎ ﻣﺎ ﻋﺪﺍ ﻣﻮﺿﻮﻉ ﻣﺎﺯﻥ
ﻭﻗﺼﻲ ﻳﻮﻡ ﺟﺒﺖ ﻗﺼﻲ ﻣﻌﺎﻱ ﻭﻫﻮ ﻃﺒﻌﺎ ﻣﺎﺷﺎﺀ ﺍﻟﻠﻪ ﺯﻱ ﻗﻄﻌﺔ
ﺍﻟﻤﺎﺭﺷﻤﻴﻠﻮ ﻭﻋﻠﻴﻪ ﺷﻘﺎﻭﺓ ﻭﺣﺮﻛﺎﺕ ﺍﻟﻘﺎﻋﻪ ﻛﻠﻬﺎ ﺍﺗﻠﻤﺖ ﻓﻴﻪ ﻓﻲ
ﻭﺍﺣﺪﻩ ﻗﺎﻟﺖ ﻟﻲ ﺍﻟﻮﻟﺪ ﺩﺍ ﺍﻭﻋﻰ ﺗﺎﻧﻲ ﺗﺠﻴﺒﻴﻪ ﻭﺍﻟﻠﻪ ﺍﻻ ﺍﺩﻭﻩ ﻟﻚ
ﻋﻴﻦ ﺍﻣﻚ ﺯﺍﺗﺎ ﻏﻠﻄﺎﻧﻪ ﺍﻟﻤﺨﻠﻴﺎﻙ ﺗﺠﻴﺒﻴﻪ ﺍﻟﺪﻛﺘﻮﺭ ﺟﺎﺀ ﺩﺍﺧﻞ ﻭﻛﻠﻬﻢ
ﺑﻘﻮ ﻳﺘﺠﺎﺭﻭ ﻭﻗﺼﻲ ﺷﻠﻴﻖ ﻃﺒﻌﺎ ﺷﻐﺎﻝ ﻳﺘﻜﻠﻢ ﻛﻼﻣﻮ ﺍﻟﻤﺎ ﻣﻔﻬﻮﻡ ﺩﺍﻙ
ﻭﺍﺗﻔﻚ ﻣﻨﻲ ﻣﺎﺭﻕ ﻋﺪﻳﻞ ﺍﻻ ﻟﺤﻘﺘﻮ ﺭﻣﻴﺖ ﺍﻟﺘﻠﻔﻮﻥ ﻭﺍﻟﻼﺑﺘﻮﺏ ﺍﻧﺎ
ﻗﻠﺖ ﺍﻟﻠﻴﻠﻪ ﺍﻟﺪﻛﺘﻮﺭ ﺑﻄﺮﺩﻧﻲ ﻧﻬﺎﺋﻲ ﺑﺲ ﺍﻟﻐﺮﻳﺒﻪ ﻣﺴﻜﻮ ﻭﺷﺎﻟﻮ : ﺍﻧﺎ
ﺍﺳﻔﻪ ﻳﺎ ﺩﻛﺘﻮﺭ ﺍﺧﺮ ﻣﺮﻩ ﺗﺎﻧﻲ ﻣﺎ ﺑﺠﻴﺒﻮ : ﻟﻴﻪ ﻳﺎﺥ ﻭﺍﻟﻠﻪ ﺑﻨﺮﺣﺐ ﺑﻪ
ﻏﺎﻳﺘﻮ ﺍﻟﻴﻮﻡ ﺩﺍﻙ ﻣﺎ ﻓﻬﻤﻨﺎ ﺣﺎﺟﻪ ﻓﻲ ﺍﻟﻤﺤﺎﺿﺮﻩ ﺩﻛﺘﻮﺭ ﺍﺣﻤﺪ ﻧﺎﺩﺍﻧﻲ
ﺑﻌﺪ ﺍﻟﻤﺤﺎﺿﺮﻩ ﻭﺑﻘﻰ ﻳﻠﻌﺐ ﻭﻳﻬﺎﻇﺮ ﻓﻲ ﻗﺼﻲ ﻃﺒﻌﺎ ﻫﻮ ﺟﺪﻳﺪ ﺍﻭﻝ
ﺳﻨﻪ ﻟﻪ ﺷﺎﺏ ﻛﺪﺍ ﻗﺎﻝ ﻟﻲ ﻭﻟﺪﻙ ﻋﻤﻞ ﻟﻴﻨﺎ ﺟﻮ ﺍﻟﻠﻴﻠﻪ : ﺟﻮ ﺗﻮﺗﺮ
ﻭﺍﻟﻠﻪ ﺍﻧﺎ ﻧﻔﺴﻲ ﻣﺎ ﻓﻬﻤﺖ ﺷﻲ ﻗﻌﺪ ﻳﻀﺤﻚ ﻭﻗﺎﻝ ﻟﻲ ﺭﺑﻨﺎ ﻳﺨﻠﻴﻪ ﻟﻚ
ﻗﺼﻲ ﻛﻞ ﻳﻮﻡ ﺑﻜﺒﺮ ﺑﺬﻳﺪ ﺷﺒﻪ ﺑﺎﺍﺑﻮﻩ ﺣﺘﻰ ﻓﻲ ﺍﻟﺘﺼﺮﻓﺎﺕ ﻧﺴﺨﻪ
ﻣﺼﻐﺮﻩ ﻣﻦ ﻣﺎﺯﻥ ﻭﺩﺍ ﺍﻟﺴﺒﺐ ﺍﻟﺨﻼﻩ ﻳﻔﻀﻞ ﺟﻮﺍﻱ ﻭﻣﻜﺎﻧﺘﻮ ﻣﺎ ﺗﺘﻬﺰ
ﻛﻨﺖ ﺑﺴﻮﻕ ﻗﺼﻲ ﻣﻌﺎﻱ ﺍﻟﺠﺎﻣﻌﻪ ﻃﻮﺍﻟﻲ ﻭﺗﻘﺮﻳﺒﺎ
ﺍﻟﺪﻓﻌﻪ ﻛﻠﻬﺎ ﻋﺮﻓﺘﻮ ﻭﺍﻟﺪﻛﺎﺗﺮﻩ
ﻳﻮﻡ ﺳﻘﺘﻮ ﻣﻌﺎﻱ ﻭﻛﺎﻥ ﻓﻲ ﺗﺨﺮﻳﺞ ﻣﺸﻴﺖ ﺍﺟﻴﺐ ﻟﻪ ﻣﻮﻳﻪ ﻭﻫﻮ
ﻛﺎﻥ ﻭﺍﻗﻖ ﺟﻨﺒﻲ ﻓﺠﺎﺀﺓ ﻟﻘﻴﺘﻮ ﻣﺎﻓﻲ ﻭﺍﻧﺎ ﺧﻼﺹ ﺟﺴﻤﻲ ﻫﺒﻂ
ﻭﺩﻣﻮﻋﻲ ﺑﻘﺖ ﺗﺠﺮﻱ ﻣﺎ ﺧﻠﻴﺖ ﻣﻜﺎﻥ ﻣﺎ ﻓﺘﺸﺘﻮ ﻓﻴﻪ ﻛﻠﻤﺖ ﺍﺭﻳﺞ
ﻭﺷﻠﺘﻨﺎ ﻛﻠﻬﺎ ﻭﺑﻘﻴﻨﺎ ﻧﻔﺘﺶ ﺍﻧﺎ ﺑﻜﻴﺖ ﺑﻜﺎﺀ ﻛﻤﻠﺖ ﺍﻟﺪﻣﻮﻉ ﺭﺟﻠﻲ ﺩﻳﻞ
ﻣﺎﺗﻦ ﻧﻬﺎﺋﻲ ﻟﻤﻦ ﺯﺍﻋﻮ ﺍﺳﻤﻮ ﺑﺎﻟﻤﻜﺮﻓﻮﻥ ﺍﻧﺎ ﻟﻤﻦ ﺗﻌﺒﺖ ﻗﻌﺪﺕ ﻓﻲ
ﺍﻻﺭﺽ ﺍﺑﻜﻲ ﻓﺠﺎﺀﺓ ﺍﺷﻮﻓﻮ ﻟﻚ ﺟﺎﻱ ﻣﻦ ﺑﻌﻴﺪ ﺑﺮﺟﻮﻟﻮ ﺍﻟﺼﻐﺎﺭ ﺩﻳﻠﻚ
ﻭﺷﺎﻳﻞ ﺑﺎﺭﺩ ﻣﺴﻜﺘﻮ ﺣﻀﻨﺘﻮ ﻭﻗﻌﺪﺕ ﺍﺑﻮﺱ ﻓﻴﻪ ﻟﻤﻦ ﺑﻜﻰ ﺍﺭﻳﺞ
ﻗﺎﻟﺖ ﻟﻲ ﺑﺮﺍﺣﻪ ﻋﻠﻰ ﺍﻟﻮﻟﺪ ﺟﺮﺳﻪ ﺧﻼﺹ ﺩﻛﺘﻮﺭ ﺍﺣﻤﺪ ﻗﺎﻝ ﻟﻬﺎ ﻗﻠﺐ
ﺍﻻﻡ ﺍﻻﺣﺴﺎﺱ ﺩﺍ ﺍﻧﺘﻲ ﻣﺎ ﺣﺎﺗﻔﻬﻤﻴﻪ ﻗﻌﺪﺕ ﺗﻀﺤﻚ ﻭﻗﺎﻟﺖ ﻟﻪ
ﻭﺣﺎﻟﺘﻮ ﺍﺧﻮﻫﺎ ﻟﻮ ﻭﻟﺪﺍ ﻛﺎﻥ ﻋﻤﻠﺖ ﺷﻨﻮ ؟؟؟ ﺍﻧﺎ ﻃﺒﻌﺎ ﻻ ﺻﻮﺕ ﻻ
ﺣﺮﻛﻪ ﻣﺎ ﻣﺼﺪﻗﻪ ﺍﻧﻮ ﻓﻲ ﺣﻀﻨﻲ ﻗﻠﺖ ﻷﺭﻳﺞ ﻟﻘﻴﺘﻴﻪ ﻭﻳﻦ ؟؟ ﺩﻛﺘﻮﺭ
ﺍﺣﻤﺪ ﻗﺎﻝ ﻟﻲ ﻭﺍﻟﻠﻪ ﻟﻘﻴﺘﻮ ﺣﺎﻳﻢ ﻓﻲ ﻧﺺ ﺍﻟﺨﺮﻳﺠﻴﻦ ﻭﻣﻦ ﻗﺒﻴﻞ
ﺑﻔﺘﺶ ﻓﻴﻚ ﻭ ﺑﺎﻟﻤﻨﺎﺳﺒﻪ ﺩﻱ ﺍﺩﻳﻨﻲ ﺭﻗﻤﻚ ﻟﻠﻤﻮﺍﻗﻒ ﺍﻟﺬﻱ ﺩﻱ ﻗﻌﺪﻧﺎ
ﻧﻀﺤﻚ ﻭﻟﻤﻦ ﻭﺭﻳﺖ ﺍﻣﻲ ﺷﺎﻛﻠﺘﻨﻲ ﻗﺪﺭﺗﺎ ﻭﺣﻤﺘﻨﻲ ﺍﺳﻮﻗﻮ ﻣﻌﺎﻱ
ﺗﺎﻧﻲ ﻭﺍﻟﻨﺎﺱ ﻛﻠﻬﺎ ﻓﻘﺪﺗﻮ ﺧﺎﺻﺔ ﺍﺭﻳﺞ ﻗﻠﺖ ﻟﻬﺎ ﻭﺍﻟﻠﻪ ﺑﺘﻌﺮﻓﻲ ﺩﺭﺏ
ﺑﻴﺘﻨﺎ ﺗﻌﺎﻟﻲ ﺷﻮﻓﻴﻪ : ﻣﻦ ﻏﻴﺮ ﻣﺎ ﺗﻘﻮﻟﻲ ﻓﻲ ﻗﻌﺪﺗﻨﺎ ﺩﻳﻚ ﺟﺎﺕ ﺑﻨﺖ
ﻗﺎﻟﺖ ﻟﻲ ﺳﻤﺮ ﺍﻟﻔﺎﺗﺢ ؟؟؟ ﻗﻠﺖ ﻟﻬﺎ ﺍﻳﻮﺍ ﻗﺎﻟﺖ ﻟﻲ ﺩﻛﺘﻮﺭ ﺍﺣﻤﺪ
ﻋﺎﻭﺯﻙ ﻓﻲ ﻣﻜﺘﺒﻮ
ﺧﻴﺮ ﺍﻧﺸﺎﺀﺍﻟﻠﻪ
ﻣﺸﻴﺖ ﻟﻘﻴﺘﻮ ﻗﺎﻋﺪ ﺑﺮﺍﻩ . ﻭﺷﻐﺎﻝ ﻓﻲ ﺍﻟﻼﺑﺘﻮﺏ
ﺳﻼﻡ ﻋﻠﻴﻜﻢ
ﻭﻋﻠﻴﻜﻢ ﺍﻟﺴﻼﻡ ﺳﻤﺮ ﺍﻟﻔﺎﺗﺢ ﺍﺗﻔﻀﻠﻲ
ﻗﻌﺪﺕ ﻗﺎﻝ ﻟﻲ ﻗﺼﻲ ﺍﻟﻔﺎﺗﺢ ﻣﺴﺠﻞ ﻏﻴﺎﺏ ﺍﻟﺤﺎﺻﻞ ﺷﻨﻮ ﺍﻧﺸﺎﺀﺍﻟﻠﻪ
ﺧﻴﺮ ﻗﻠﺖ ﻟﻪ ﺧﻴﺮ : ﺍﻫﺎ : ﻭﺍﻟﻠﻪ ﺍﻣﻲ ﻣﻨﻌﺘﻨﻲ ﺍﺟﻴﺒﻮ ﻫﻮ ﺯﺍﺗﻮ
ﻣﺸﺎﻏﺐ ﻭﻣﺎ ﺑﺨﻠﻴﻨﺎ ﻧﺮﻛﺰ : ﻭﺍﻟﻠﻪ ﻛﻨﺖ ﻓﺎﻛﺮﻭ ﻭﻟﺪﻙ ﻭﺍﻧﺘﻲ ﻣﺎ
ﻭﺿﺤﺘﻲ ﻟﻲ : ﺍﻧﺎ ﺍﻣﻮ ﺍﻟﺘﺎﻧﻴﻪ ﻣﺮﺑﻴﺎﻩ ﻣﻊ ﺍﻣﻲ : ﺭﺑﻨﺎ ﻳﺨﻠﻴﻜﻢ ﻟﺒﻌﺾ
: ﺍﻣﻴﻦ : ﻭﺍﻟﻠﻪ ﻳﺎ ﺳﻤﺮ ﻋﻠﻰ ﻗﺪﺭ ﻣﺎ ﺍﺳﺘﻐﺮﺑﺖ ﻋﻼﻗﺘﻚ ﺑﺄﺧﻮﻙ ﺩﻱ
ﺑﺲ ﺍﻧﺒﺴﻄﺖ : ﻧﻌﻢ ؟ : ﺑﺎﻟﺠﺪ ﻭﺍﻟﻠﻪ ﻭﺑﺼﺮﺍﺣﻪ ﻛﺪﺍ ﻟﻤﻦ ﻗﻠﺘﻲ ﻟﻲ
ﻭﻟﺪﻙ ﺣﺴﻴﺖ ﺑﺈﺣﺒﺎﻁ : ﺍﻧﺖ ﺑﺘﻘﺼﺪ ﺷﻨﻮ ﻳﺎ ﺩﻛﺘﻮﺭ ﻣﺎ ﻓﺎﻫﻤﺎﻙ :
ﺣﺎﺗﻔﻬﻤﻲ ﺍﺩﻳﻨﻲ ﺭﻗﻤﻚ ﻟﻮ ﺳﻤﺤﺘﻲ ﺃﺧﺮ ﻣﺮﻩ ﻃﻠﺒﺘﻮ ﻣﻨﻚ ﻃﻨﺸﺘﻲ
ﺣﺎﺍﺗﺼﻞ ﺑﻴﻚ ﺍﻟﺴﺎﻋﻪ ٨ ﻛﺪﺍ ﻣﻨﺎﺳﺐ ﻣﻌﺎﻙ ؟؟ : ﺗﻤﺎﻡ
ﻃﺒﻌﺎ ﻫﻮ ﻗﺼﺪﻭ ﻭﺍﺿﺢ ﻭﻣﺎ ﻣﺤﺘﺎﺝ ﺫﻛﺎﺀ ﻗﻌﺪﺕ ﻟﻠﻤﺴﺎﺀ ﻃﺒﻌﺎ ﺍﻣﻲ
ﻟﺤﺪﻱ ﺍﻟﻠﺤﻈﻪ ﺩﻱ ﺑﺘﻘﺮﻳﻨﻲ ﻋﻤﻠﺖ ﺭﻭﺣﻲ ﻧﻌﺴﺎﻧﻪ ﻋﺸﺎﻥ ﺗﻤﺸﻲ ﻣﻨﻲ
ﻭﻓﻌﻼ ﻣﺸﺖ ﺍﻟﺴﺎﻋﻪ ٨ ﺑﺎﻟﻀﺒﻂ ﻫﻮ ﺍﺗﺼﻞ ﻭﺫﻱ ﻣﺎ ﺍﺗﻮﻗﻌﺖ ﻗﺎﻝ
ﺑﺤﺒﻨﻲ ﻭﻋﺎﻭﺯ ﻳﺘﺰﻭﺟﻨﻲ ﺍﻧﺎ ﺑﺎﻟﺠﺪ ﺧﻼﺹ ﺗﻌﺒﺖ ﻣﻦ ﺍﻟﺒﺤﺼﻞ ﻣﻌﺎﻱ
ﺩﺍ ﻛﻞ ﻣﺎ ﺍﺭﺟﻊ ﺍﻋﻴﺶ ﻃﺒﻴﻌﻲ ﺗﺤﺼﻞ ﻟﻲ ﻣﺸﻜﻠﻪ ﺭﻓﻀﺘﻮ ﻭﻫﻮ
ﻧﻔﺲ ﺍﺻﺮﺍﺭ ﺍﻣﺠﺪ ﺩﺍﻙ ﺑﻘﻴﺖ ﺑﺘﺠﻨﺒﻮ ﻋﺪﻳﻞ ﻓﻲ ﺍﻟﺠﺎﻣﻌﻪ ﻭﺭﻳﺖ
ﺍﺭﻳﺞ ﻧﺒﺬﺗﻨﻲ ﻗﺪﺭﺗﺎ
ﺍﻧﺘﻲ ﺣﻴﻮﺍﻧﻪ ؟؟ ﺫﻱ ﺩﻛﺘﻮﺭ ﺍﺣﻤﺪ ﺩﺍ ﺑﺮﻓﻀﻮﻩ ؟؟ ﻻ ﻋﺎﻭﺯﻩ ﺗﺘﺰﻭﺟﻲ
ﻣﻨﻮ ﻣﺜﻼ ﺷﺎﻩ ﺭﻭﺧﺎﻥ ؟؟ : ﺑﺲ ﺍﻧﺎ ﻣﺎ ﺑﺤﺒﻮ : ﻷﻧﻚ ﻣﺎ ﺍﺩﻳﺘﻴﻪ
ﻓﺮﺻﻪ ﻓﻲ ﻛﻼﻣﻨﺎ ﺩﺍﻙ ﻫﻮ ﺟﺎﺀ ﻛﻨﺎ ﺑﻨﻔﻄﺮ ﻃﺒﻌﺎ ﺍﺭﻳﺞ ﻗﺎﻣﺖ ﺧﻠﺘﺘﻲ
ﻣﻌﺎﻩ
ﺍﻧﺘﻲ ﺑﻄﻠﺘﻲ ﺗﺠﻴﺒﻲ ﺍﺧﻮﻙ ﻋﺸﺎﻧﻲ ﺍﻧﺎ؟؟
ﺍﻓﺘﻜﺮ ﻭﺭﻳﺘﻚ ﺍﻟﺴﺒﺐ ﻗﺒﻞ ﺍﻟﻴﻮﻡ
ﺑﺲ ﺍﻧﺎ ﺍﺷﺘﻘﺖ ﻟﻪ ﻣﺎ ﺗﺤﺮﻣﻴﻨﻲ ﻣﻨﻮ ﺯﻱ ﻣﺎ ﺣﺮﻣﺘﻴﻨﻲ ﻣﻨﻚ ﻗﻤﺖ
ﺧﻠﻴﺘﻮ ﻗﺎﻋﺪ ﺍﻟﻤﺴﺎﺀ ﺟﺎﺀ ﺍﻟﺒﻴﺖ ﺍﺗﺨﻴﻠﻮ ﺑﺲ ﻭﺑﻌﻴﻦ ﻗﻮﻳﻪ ﻗﺎﻝ ﻻﺑﻮﻱ
ﻫﻮ ﺩﻛﺘﻮﺭﻱ ﻓﻲ ﺍﻟﺠﺎﻣﻌﻪ ﻭﺷﺎﻝ ﻗﺼﻲ ﺑﻘﻰ ﻳﻠﻌﺐ ﻓﻴﻪ ﺍﻣﻲ ﻗﺪﺭ ﻣﺎ
ﻧﺎﺩﺗﻨﻲ ﺍﺳﻠﻢ ﻋﻠﻴﻪ ﺍﺑﻴﺖ ﻭﻧﻔﺲ ﺍﻟﻤﻮﺍﻝ ﺑﺘﺎﻉ ﺍﻣﺠﺪ ﺍﺗﻜﺮﺭ ﻛﻞ ﻳﻮﻡ
ﺫﻥ ﻭﺍﻣﻲ ﺯﻋﻠﺖ ﻣﻨﻲ ﻻﻧﻮ ﻣﺎ ﻭﺭﻳﺘﺎ ﻣﻦ ﺍﻻﻭﻝ ﻭﺍﻧﺎ ﻣﺎ ﻣﻦ ﻋﻮﺍﻳﺪﻱ
ﺍﺧﺒﻲ ﻋﻠﻴﻬﺎ ﺷﻲ
ﺍﻧﺘﻲ ﺍﺳﻲ ﺍﻟﻤﺎﻧﻌﻚ ﺗﻮﺍﻓﻘﻲ ﺷﻨﻮ ﻣﺎ ﺣﺎﻳﻌﺮﻑ ﺍﻱ ﺷﻲ ﺻﺪﻗﻴﻨﻲ
ﺍﻣﻲ ﺍﻧﺎ ﺍﻟﺮﺟﺎﻝ ﺩﻳﻞ ﻣﺮﻗﻮ ﻣﻦ ﻧﻔﺴﻲ ﻭﻗﺮﻓﺘﻬﻢ ﻛﻠﻬﻢ ﻭﻻ ﺗﻘﻮﻟﻲ ﻟﻲ
ﺍﺣﻤﺪ ﻭﻻ ﺍﻣﺠﺪ ﻭﻻ ﻣﺎﺯﻥ : ﺩﻳﻞ ﺑﺘﻘﺎﺭﻧﻴﻬﻢ ﺑﺎﻟﺤﻴﻮﺍﻥ ﺩﺍﻙ ﻭﻟﻌﻠﻤﻚ
ﺍﻟﻤﺮﻩ ﺩﻱ ﺍﺑﻮﻙ ﻣﺎ ﺑﺨﻠﻴﻚ ﻭﻣﻦ ﺍﺳﻲ ﺍﻓﺘﺤﻲ ﺍﺿﻨﻴﻚ
ﺍﺑﻮﻱ ﻟﻤﻦ ﺟﺎﺀ ﺳﺄﻟﻨﻲ ﺭﻓﻀﺖ ﺍﻧﻔﻌﻞ ﻭﺷﺎﻛﻠﻨﻲ ﻗﺎﻝ ﻟﻲ ﺍﻧﺎ ﺍﺩﻳﺖ
ﺍﻟﺮﺍﺟﻞ ﻛﻠﻤﻪ ﻭﺍﻟﻌﺮﺱ ﺩﺍ ﺣﺎﻳﺘﻢ ﺭﺿﻴﺘﻲ ﻭﻻ ﻣﺎ ﺭﺿﻴﺘﻲ ﺷﻠﺖ ﻟﻴﻠﻲ
ﺩﺍﻙ ﻛﻠﻮ ﺑﻜﻰ ﻭﺑﺘﺬﻛﺮ ﺗﻔﺎﺻﻴﻞ ﺣﻴﺎﺗﻲ ﻣﻦ ﻳﻮﻡ ﺣﺒﻴﺖ ﻣﺎﺯﻥ ﻣﻊ ﺍﻧﻲ
ﺑﻜﺮﻫﻮ ﺑﺲ ﻣﺎ ﻗﺎﺩﺭﻩ ﺍﻧﺴﺎﻩ ﻭﻻ ﺍﺗﺨﻴﻞ ﻧﻔﺴﻲ ﻓﻲ ﺣﻀﻦ ﺭﺍﺟﻞ ﻏﻴﺮﻭ
ﺣﺎﺳﻪ ﺍﻧﻮ ﺍﻟﺤﺐ ﺍﻟﻔﻲ ﻗﻠﺒﻲ ﻛﻠﻮ ﺍﺳﺘﻨﻔﺬﻭ ﻫﻮ ﻗﺎﺩﺭﻳﻦ ﺗﺘﺨﻴﻠﻮ ﻣﻌﺎﻱ
ﺍﻻﻧﺎ ﺣﺎﺳﺎﻩ ؟؟؟؟ ! ﻣﺎﺯﻥ ﺍﻟﺸﺨﺺ ﺍﻟﻌﺎﻧﻴﺖ ﺑﺴﺒﺒﻮ ﻣﺎ ﺑﺤﺲ ﺑﺄﻧﻮﺛﺘﻲ
ﺍﻻ ﻣﻌﺎﻩ ﻟﻮ ﺳﻠﻤﺖ ﺳﺎﻱ ﻋﻠﻰ ﺭﺍﺟﻞ ﻏﺮﻳﺐ ﺑﺤﺲ ﺑﻀﻴﻖ ﻣﺎﺯﻥ ﺩﺍ ﺍﻧﺎ
ﺣﺎﺳﻪ ﺍﻧﻲ ﺍﺗﺨﻠﻘﺖ ﻋﺸﺎﻧﻮ ﻫﻮ ﻭﺑﺲ ﻭﻟﻮ ﻟﻤﺴﻨﻲ ﺭﺍﺟﻞ ﻏﻴﺮﻭ
ﺍﺣﺘﻤﺎﻝ ﺍﻣﻮﺕ ﻣﻦ ﻏﻴﺮ ﻣﺎ ﺍﺣﺲ ﻟﻘﻴﺖ ﻧﻔﺴﻲ ﺑﺪﺧﻞ ﺭﻗﻤﻮ ﻣﺎ ﻋﺎﺭﻓﻪ
ﺭﺩ ﻭﻻ ﻻ ﻭﻻ ﺍﺻﻼ ﺍﻟﺮﻗﻢ ﺩﺧﻞ ﺑﺲ ﺑﻘﻴﺖ ﺍﺑﻜﻲ ﻓﺘﺤﺖ ﺻﻔﺤﺘﻮ
ﻭﺭﺳﻠﺖ ﻟﻪ ﺭﺳﺎﻟﻪ
ﻭﻳﻦ ﺍﻧﺖ ﻳﺎ ﺍﺑﻮ ﻗﺼﻲ ﻣﺤﺘﺎﺟﺎﻙ
ﺍﻟﺼﺒﺎﺡ ﻧﺪﻣﺖ ﻋﻠﻴﻬﺎ ﻭﻣﺴﺤﺘﺎ ﺍﺻﻼ ﻣﺎ ﺟﺎﻧﻲ ﺍﺷﻌﺎﺭ ﺍﻧﻮ ﺍﺳﺘﻠﻤﺎ
ﺍﻟﻤﻬﻢ ﻣﺸﻴﺖ ﺍﻟﺠﺎﻣﻌﻪ ﻭﺩﻛﺘﻮﺭ ﺍﺣﻤﺪ ﻣﺎ ﺟﺎﺀ ﺍﺳﺒﻮﻉ ﻛﺎﻣﻞ ﻣﺎ ﺟﺎﺀ
ﺳﺄﻟﺖ ﻋﻨﻮ ﻗﺎﻟﻮ ﻋﻤﻠﻮ ﻟﻪ ﻋﻤﻠﻴﻪ ﻛﻠﻤﺖ ﺍﻣﻲ ﻗﺎﻟﺖ ﻟﻲ ﺗﻤﺸﻲ ﺗﻜﻔﺮﻱ
ﻟﻪ ﻭﺍﺻﻼ ﺍﻟﺪﻓﻌﻪ ﻛﻠﻬﺎ ﻣﺸﺖ ﺍﻧﺎ ﻭﺍﻣﻲ ﻣﺸﻴﻨﺎ ﻣﺘﺄﺧﺮﻳﻦ ﺷﻮﻳﻪ ﻻﻗﻴﻨﺎ
ﺍﻫﻠﻮ ﻭﺷﻜﻠﻮ ﺣﺎﻛﻲ ﻟﻬﻢ ﻋﻨﻲ ﺳﻠﻤﻮ ﻋﻠﻲ ﺑﺤﺮﺍﺭﻩ ﻛﺪﺍ ﻭﺣﺴﻴﺘﻬﻢ
ﺣﺒﻮﻧﻲ ﺩﺧﻠﻨﺎ ﺳﻠﻤﻨﺎ ﻋﻠﻴﻪ ﻭﻟﻤﻦ ﺟﻴﺖ ﺍﻃﻠﻊ ﻭﻗﻔﻨﻲ
ﺧﻴﺮ ﻳﺎ ﺩﻛﺘﻮﺭ
ﻣﻤﻜﻦ ﺗﻨﺎﺩﻳﻨﻲ ﺍﺣﻤﺪ ﻋﺎﺩﻱ ﻧﺤﻦ ﻣﺎﻓﻲ ﺍﻟﺠﺎﻣﻌﻪ
ﺣﺎﺍﺣﺎﻭﻝ
ﺣﺴﺐ ﺧﺒﺮﺗﻲ ﻗﺎﺩﺭ ﺍﺣﺲ ﺍﻧﻚ ﻣﺮﻳﺘﻲ ﺑﺘﺠﺎﺭﺏ ﺻﻌﺒﻪ ﻓﻲ ﺣﻴﺎﺗﻚ
ﻭﻏﺎﻟﺒﺎ ﺳﺒﺒﺎ ﺍﻟﺤﺐ ﻻﻧﻮ ﺍﻟﻤﺸﺎﻛﻞ ﻣﻦ ﺍﻟﻨﻮﻉ ﺩﺍ ﺑﺘﺄﺛﺮ ﻋﻠﻰ ﺍﻟﻮﺍﺣﺪ
ﻟﻔﺘﺮﻩ ﻃﻮﻳﻠﻪ
ﻭﻣﺪﺍﻡ ﺍﻧﺖ ﻋﺎﺭﻑ ﻛﺪﺍ ﺑﺘﻀﻐﻂ ﻋﻠﻲ ﻟﺸﻨﻮ ؟ : ﺍﻧﺎ؟؟ : ﺍﻳﻮﺍ ﺍﻧﺖ
ﺧﻠﻴﺖ ﺍﺑﻮﻱ ﻳﺠﺒﺮﻧﻲ ﻋﻠﻴﻚ : ﺑﺲ ﺍﻧﺎ ﻣﺎ ﺧﻠﻴﺘﻮ ﻳﺠﺒﺮﻙ ﻭﻻ ﺿﻐﻄﺎ
ﻋﻠﻴﻪ ﻫﻮ ﺍﻟﻮﺍﻓﻖ ﻭﺍﻧﺎ ﺍﺻﻼ ﻣﺠﺒﻮﺭﻩ ﻣﺎ ﻋﺎﻭﺯﻙ ﻣﺎ ﺣﺎﺍﻋﻴﺶ ﻣﺒﺴﻮﻁ
ﻣﻊ ﻭﺍﺣﺪﻩ ﻣﺎ ﻃﺎﻳﻘﺎﻧﻲ ﻭﺣﺎﺳﻪ ﺍﻧﻲ ﺳﺒﺐ ﺗﻌﺎﺳﺘﺎ ﻃﻮﺍﻟﻲ ﺍﺗﺬﻛﺮﺕ
ﻣﺎﺯﻥ ﻫﻮ ﻓﻌﻠﻴﺎ ﺳﺒﺐ ﺗﻌﺎﺳﺘﻲ ﻭﺭﻏﻢ ﻛﺪﺍ ﻣﺘﻌﻠﻘﻪ ﺑﻪ : ﺳﻤﺮ ﺍﻧﺘﻲ
ﻣﺸﻴﺘﻲ ﻭﻳﻦ؟؟ : ﻭﻻ ﻣﻜﺎﻥ ﺍﺳﻲ ﺍﻟﺨﻼﺻﻪ ﺷﻨﻮ؟ : ﺍﻋﺘﺒﺮﻱ ﻃﻠﺒﻲ ﺩﺍ
ﻛﺄﻧﻮ ﻣﺎ ﻛﺎﻥ ﺍﻧﺎ ﺑﻔﻀﻞ ﺍﻛﺴﺒﻚ ﻛﺼﺪﻳﻘﻪ ﻋﻠﻰ ﺍﻧﻲ ﺍﺧﺴﺮﻙ ﻧﻬﺎﺋﻲ
ﺍﺑﺘﺴﻤﺖ ﻟﻪ ﻣﻦ ﻏﻴﺮ ﻣﺎ ﺍﺣﺲ ﻭﻫﻮ ﻗﺎﻝ ﻟﻲ ﻋﺴﺎﻫﺎ ﺩﺍﻳﻤﻪ ﻭﺑﺎﻟﻠﻪ
ﺧﻠﻴﻨﺎ ﻧﺸﻮﻑ ﻗﺼﻲ ﺍﻟﻔﺎﺗﺢ ﺩﺍ ﻏﻴﺎﺑﻮ ﻛﺘﺮ ﻗﻠﺖ ﻟﻪ ﺍﻧﺸﺎﺀﺍﻟﻠﻪ
ﺍﻟﺤﻤﺪﻟﻠﻪ ﺍﺧﻴﺮﺍ ﺍﺗﺤﻠﺖ ﻭﺍﺣﺪﻩ ﻣﻦ ﻣﺸﺎﻛﻠﻲ ﺍﻟﻤﺘﺮﺍﻛﻤﻪ ﺭﺟﻌﺖ ﺍﻟﺒﻴﺖ
ﻣﺒﺴﻮﻃﻪ ﻣﺴﻜﺖ ﻗﺼﻲ ﺩﺍ ﻟﻌﺒﺘﻮ ﻗﺪﺭﺗﻮ ﻭﻣﻦ ﺍﻟﻀﺤﻚ ﻟﻤﻦ ﺷﺮﻕ
ﺍﻣﻲ ﺗﺸﺎﻛﻞ ﺳﺎﺍﺍﻱ ﺑﻌﺪﺍﻙ ﻟﺒﺴﺘﻮ ﻭﺍﻧﺎ ﺯﺍﺗﻲ ﻟﺒﺴﺖ ﻭﻭﺩﻳﺘﻮ ﺷﺎﺭﻉ
ﺍﻟﻨﻴﻞ ﺍﺗﻔﺴﺤﻨﺎ ﻭﺍﻛﻠﻨﺎ ﻛﺎﻥ ﺑﺴﺎﺑﻖ ﻓﻴﻨﻲ ﺑﺮﺟﻮﻟﻮ ﺍﻟﺼﻐﺎﺭ ﺩﻳﻠﻚ
ﻭﺍﻟﻨﺎﺱ ﻛﻠﻬﺎ ﻣﺮﻛﺰﻩ ﻣﻌﺎﻧﺎ ﺑﻌﺪﺍﻙ ﻣﺸﻴﻨﺎ ﺍﺗﺼﻮﺭﻧﺎ ﻭﺍﻣﻲ ﺩﻱ ﺗﺸﻴﻞ
ﻭﺗﺘﺼﻞ ﻳﺎ ﺑﻨﺖ ﻣﺎ ﺗﺠﻲ ﺍﻟﻠﻴﻠﻪ ﺍﺑﻮﻙ ﻛﺎﻥ ﺟﺎﺀ ﺑﻐﻄﺲ ﺣﺠﺮﻙ ﻗﻠﺖ
ﻟﻬﺎ ﺑﺲ ﻗﺼﻲ ﻗﺎﻝ ﻋﺎﻭﺯ ﻳﻠﻌﺐ ﺗﺮﺍﻣﺒﻮﻟﻴﻦ ﻓﻲ ﻣﻨﺘﺰﻩ ﻗﺮﻳﺐ ﻫﻨﺎ
ﺑﻮﺩﻳﻪ : ﻳﺎﺑﺖ ﺑﻼ ﺗﺮﺍﻣﺒﻮﻟﻴﻦ ﺑﻼ ﺯﻓﺖ ﺍﺭﻛﺒﻲ ﻟﻚ ﺍﻗﺮﺏ ﺍﻣﺠﺎﺩ ﺗﻌﺎﻟﻲ
ﺭﺍﺟﻌﻪ ﻣﺎ ﻗﺪﺭﺕ ﺍﻛﺴﺮ ﺑﺨﺎﻃﺮ ﻭﻟﺪﻱ ﻣﺸﻴﻨﺎ ﻟﻌﺒﺘﻮ ﻭﺟﻴﻨﺎ ﻣﺘﺄﺧﺮﻳﻦ
ﺍﻣﻲ ﺩﻱ ﻛﺎﻧﺖ ﻭﺍﻗﻔﻪ ﻟﻲ ﻓﻲ ﺍﻟﺒﺎﺏ
ﻃﻴﺮﻱ ﺳﺮﻳﻊ ﺧﺸﻲ ﺍﺑﻮﻙ ﻓﻲ ﺍﻟﺤﻤﺎﻡ ﻣﻦ ﻗﺒﻴﻞ ﻳﺴﺄﻝ ﻋﻠﻰ ﻗﺼﻲ
ﻗﻠﺖ ﻟﻪ ﻧﺎﻳﻢ ﻣﻌﺎﻙ ﻗﻠﺖ ﻟﻬﺎ ﻫﻮ ﺍﺻﻼ ﻧﺎﻳﻢ ﺗﺼﺒﺤﻲ ﻋﻠﻰ ﺧﻴﺮ : ﻣﺎ
ﻧﺎﻭﻳﻪ ﺗﺘﻌﺸﻲ؟؟ : ، ﺍﻧﺎ ﻭﻗﺼﻲ ﺍﻛﻠﻨﺎ ﺑﻴﺘﺰﺍ ﻭﺍﺳﻜﺮﻳﻢ : ﺍﺳﻜﺮﻳﻢ ﻳﺎ
ﻣﻐﻀﻮﺑﻪ ﻋﺸﺎﻥ ﻳﺠﻴﻪ ﺍﻟﺘﻬﺎﺏ ؟؟ ﺍﻧﺘﻲ ﺑﺲ ﺍﺳﺘﻨﻲ ﻟﻲ ﻟﺒﻜﺮﻩ ﺗﺎﻧﻲ
ﺍﻟﻮﻟﺪ ﺩﺍ ﻣﻦ ﺍﻟﺒﻴﺖ ﻣﺎ ﺑﺘﻄﻠﻌﻲ ﻣﻌﺎﻩ ﻋﻼﻗﺘﻲ ﺑﺪﻛﺘﻮﺭ ﺍﺣﻤﺪ ﺑﻘﺖ
ﺣﻠﻮﺓ ﺷﺪﻳﺪ ﻓﻲ ﺣﺪﻭﺩ ﺍﻟﺼﺪﺍﻗﻪ ﻋﺪﻳﺖ ﺍﻟﺴﻤﺴﺘﺮ ﺍﻻﻭﻝ ﻭﺍﻟﺜﺎﻧﻲ
ﻭﺍﻟﺜﺎﻟﺚ ﻭﺍﻟﺮﺍﺑﻊ ﻗﺼﻲ ﻣﺎﺷﺎﺀ ﺍﻟﻠﻪ ﻛﺒﺮ ﻭﺯﺍﺩ ﺷﻘﺎﻭﺓ ﺍﻣﻲ ﻧﺰﻟﺖ
ﺍﻟﻤﺪﺭﺳﻪ ﻣﺨﺼﻮﺹ ﻋﺸﺎﻧﻮ ﻻﻧﻮ ﺳﺠﻠﺘﻮ ﻓﻲ ﺍﻟﺮﻭﺿﻪ ﺗﺒﻊ ﺍﻟﻤﺪﺭﺳﻪ
ﺍﻟﺸﻐﺎﻟﻪ ﻓﻴﻬﺎ ﻣﻊ ﺍﻧﻮ ﻋﻤﺮﻭ ﺻﻐﻴﺮ ﺑﺲ ﻗﺎﻟﺖ ﻳﺘﻌﻮﺩ ﻳﻮﻡ ﺟﻴﺖ
ﺭﺍﺟﻌﻪ ﻣﻦ ﺍﻟﺠﺎﻣﻌﻪ ﻣﺘﻨﺸﻨﻪ ﻣﻠﺼﺖ ﺍﻟﻄﺮﺣﻪ ﻣﻦ ﺍﻟﺒﺎﺏ ﻭﺳﺎﻣﻌﻪ
ﺻﻮﺕ ﻗﺼﻲ ﺑﻠﻌﺐ ﻭﻳﻀﺤﻚ ﺑﺼﻮﺕ ﻋﺎﻟﻲ ﻭﺍﻟﺼﻮﺕ ﺟﺎﻱ ﻣﻦ
ﻭﻳﻦ ؟؟ ﻣﻦ ﺍﻟﺪﻳﻮﺍﻥ ﻣﺸﻴﺖ ﻟﻪ ﻭﺍﻧﺎ ﺑﻘﻮﻝ ﻣﺎﻣﺎ ﺟﺎﺕ ﺣﺒﻴﺒﻲ ﻃﻮﺍﻟﻲ
ﺟﺎﻧﻲ ﺟﺎﺭﻱ ﺣﻀﻨﻲ ﻭﻛﺎﻥ ﺷﺎﻳﻞ ﺍﻟﻌﺎﺏ ﻓﻲ ﻳﺪﻭ ﻧﺰﻟﺘﻮ ﻭﻓﺠﺎﺀﺓ ﺷﻔﺖ
ﻣﺎﺯﻥ ﻗﺪﺍﻣﻲ ﻭﻣﺎ ﺍﻱ ﻣﺎﺯﻥ ﺩﺍ ﻣﺎﺯﻥ ﺑﺘﺎﻉ ﺯﻣﺎﻥ ﺍﻟﺤﺒﻴﺘﻮ ﺍﻭﻝ ﻣﺮﻩ
ﺑﺄﻧﺎﻗﺘﻪ ﻭﺭﻗﻴﻪ ﻻ ﻭﻛﻤﺎﻥ ﺯﺍﻳﺪ ﺣﻼﻭﺓ ﺣﺎﻟﻖ ﺷﻌﺮﻭ ﻭﻟﺤﻴﺘﻮ ﺯﻱ ﺍﻻﺗﺮﺍﻙ
ﻭﻟﻮﻧﻮ ﻓﺎﺗﺢ ﺯﻳﺎﺩﻩ ﺍﻣﺎ ﻋﻴﻮﻧﻮ ﺷﻔﺘﻮ ﻋﻴﻮﻥ ﺩﻳﺐ ﺍﻟﺒﺮﻳﺌﻪ ﺩﻳﻚ ﻭﻫﻮ
ﻭﺍﻗﻒ ﻭﺭﺍﺀ ﻗﺼﻲ ﺍﻻ ﺍﻻﻋﻤﻲ ﺍﻟﻤﺎﺑﻼﺣﻆ ﺍﻟﺸﺒﻪ ﻳﻌﻨﻲ ﺷﺒﻪ ﻣﺎ ﻋﺎﺩﻱ
: ﺳﻤﺮ ﺍﺯﻳﻚ ﺍﻧﺎ ﻛﻨﺖ ﺑﻌﺎﻳﻦ ﻟﻪ ﺑﺲ ﻭﻫﻮ ﻣﺼﺮ ﻳﺘﻜﻠﻢ ﻣﻌﺎﻱ : ﻗﺼﻲ
ﺧﺖ ﺍﻟﺤﺎﺟﺎﺕ ﺩﻱ ﻭﺍﻣﺸﻲ ﻗﺪﺍﻣﻲ : ﻣﺎﻣﺎ : ﺑﻼ ﻣﺎﻣﺎ ﺑﻼ ﺯﻓﺖ ﺳﻘﺖ
ﻗﺼﻲ ﻏﺼﺐ ﻟﻘﻴﺖ ﺍﻣﻲ ﻗﺎﻋﺪﻩ ﻓﻲ ﺍﻟﻤﻄﺒﺦ
ﻣﺎﻣﺎ ﺍﻟﺤﻴﻮﺍﻥ ﺩﺍ ﺑﻌﻤﻞ ﻓﻲ ﺷﻨﻮ : ﻗﺼﺪﻙ ﻣﺎﺯﻥ ؟؟ ﻫﺎﻙ ﻭﺩﻱ ﻟﻪ
ﺍﻟﻌﺼﻴﺮ ﺩﺍ : ﻣﺎﻣﺎ ﺍﻧﺘﻲ ﻣﺎ ﺟﺎﺩﻩ ﻋﺎﻭﺯﺍﻧﻲ ﺍﻣﺸﻲ ﻟﻠﺘﺎﻓﻪ ﺩﺍ ﻭﻛﻤﺎﻥ
ﺍﻭﺩﻱ ﻟﻪ ﻋﺼﻴﺮ ؟؟ : ﻣﺎﻟﻮ ﻣﺎ ﻭﺩ ﺧﺎﻟﺘﻚ . ﻭﻣﺎ ﺗﻨﺴﻲ ﺍﺑﻮ ﻭﻟﺪﻙ ﺩﺍ
ﻳﺘﺒﻊ
ﺑﻘﻠﻤﻲ : ﻣﺸﺎﻋﺮ ﻣﺒﻌﺜﺮﻩ
أنت تقرأ
حبل الصبر
Mystery / Thrillerخطيئة كبيرة في سن مبكر لشابه تكلفها عمرها ثمنا مشاكل مجتمعيه كبيره ومعقده وعنف جسدي ونفسي تتعرض له تلك الشابه بسبب خطيئتها
