ﺣﺒﻞ_ﺍﻟﺼﺒﺮ
بقلمي:مشاعر_مبعثره
ﺍﻟﺤﻠﻘﻪ (٦ )
ﺍﻟﺴﻨﻪ ﺩﻱ ﺗﺸﺪﻱ ﺣﻴﻠﻚ ﻭﻓﻲ ﺍﻟﺒﻴﺖ ﺩﺍ ﻗﺸﻪ ﻣﺎ ﺗﺮﻓﻌﻴﻬﺎ ﻭﻓﻌﻼ
ﺑﻘﻴﺖ ﺑﻘﺮﺍﺀ ﺑﺲ ﻭﻫﻲ ﺑﺘﺴﺎﻫﺮ ﻣﻌﺎﻱ ﺍﻟﻠﻴﻞ ﻗﺼﻲ ﺷﻮﻳﻪ ﻣﻦ ﺗﻌﻠﻘﻮ
ﺍﻟﺸﺪﻳﺪ ﻓﻴﻨﻲ ﻭﻗﻠﻠﺖ ﻟﻪ ﻣﺮﺍﺕ ﺍﻟﺮﺿﺎﻋﻪ ﻭﺑﻘﻴﻨﺎ ﻧﺎﻛﻠﻮ ﺷﻮﻳﻪ ﺷﻮﻳﻪ
ﺍﻟﻤﺪﺭﺳﻪ ﻓﺘﺤﺖ ﻭﺍﻟﻤﺮﻩ ﺩﻱ ﺍﻣﻲ ﻗﺎﻟﺖ ﻟﻲ ﺗﻨﺰﻟﻲ ﺗﺪﺭﺳﻲ ﻋﺪﻳﻞ ﺍﻭﻝ
ﻳﻮﻡ ﺍﺗﺠﺮﺳﺖ ﺟﺮﺳﻪ ﺷﺪﻳﺪﻩ ﺍﻟﺤﺼﺺ ﻛﻠﻬﺎ ﺳﺮﺣﺎﻧﻪ ﻭﻗﺼﻲ ﻣﺎﺧﺪ
ﻋﻠﻲ ﺷﺪﻳﺪ ﻫﻮ ﺯﺍﺗﻮ ﺍﻟﻤﺴﻜﻴﻦ ﻗﻠﺒﻮ ﺍﺗﻘﻄﻊ ﻓﻲ ﻧﺺ ﺍﻟﺴﻨﻪ ﺍﻣﻲ
ﻗﺎﻟﺖ ﻟﻲ ﺗﻔﻄﻤﻴﻪ ﻭﺍﻟﻠﻪ ﺍﻭﻝ ﻳﻮﻡ ﺑﻜﻴﻨﺎ ﺍﻧﺎ ﻭﻫﻮ ﻭﻓﻲ ﺍﻟﻨﻬﺎﻳﻪ ﺭﺿﻌﺘﻮ
ﻳﻮﻡ ﻛﺎﻧﺖ ﺍﻣﻲ ﺑﺘﻘﺮﻳﻨﻲ ﻭﻗﺼﻲ ﻗﺎﻋﺪ ﻓﻲ ﺍﻟﻤﺸﺎﻳﻪ ﺑﻠﻌﺐ ﻭﺑﺤﺎﻭﻝ
ﻳﺘﻜﻠﻢ ﻃﺒﻌﺎ ﺑﺎﺑﺎ ﺩﻱ ﺳﺎﻫﻠﻪ ﻭﻷﻧﻮ ﺍﻧﺎ ﻭﺍﺧﻮﺍﻧﻲ ﻃﻮﺍﻟﻲ ﺑﻨﻘﻮﻻ ﻫﻮ
ﺑﻘﻰ ﺷﻐﺎﻝ ﺑﺎﺑﺎ ﺑﺎﺑﺎ ﻭﺍﻧﺎ ﻣﺮﻛﺰﻩ ﻣﻌﺎﻩ ﻫﻮ ﺍﻣﻲ ﻟﻤﻦ ﺻﻘﻌﺘﻨﻲ ﺑﺎﻟﻘﻠﻢ
ﻗﻠﺖ ﻟﻬﺎ ﻭﺍﻟﻠﻪ ﺍﻧﺎ ﻭﻻ ﺑﻔﻬﻢ ﻟﻚ ﻭﻻ ﺷﻲ ﺍﻟﻤﺪﺭﺳﻪ ﺩﻱ ﻗﻠﺖ ﻟﻚ ﻣﺮﻗﺖ
ﻣﻦ ﻧﻔﺴﻲ ﻭﺑﻘﻴﺖ ﺗﺠﻮﻁ ﻭﺍﻧﺎ ﻭ ﻭﻟﺪﻱ ﻧﺘﻬﺎﺑﻞ ﺧﺎﻟﺘﻮ ﺍﺳﻤﺎﺀ ﺟﺎﺕ
ﻟﻘﺘﻨﺎ ﻓﻲ ﺍﻟﻮﺿﻊ ﺩﺍﻙ ﻗﻌﺪﺕ ﺗﻀﺤﻚ
ﻋﺎﺟﺒﻚ ﻛﺪﺍ؟؟؟ ﺩﻱ ﻗﺎﻝ ﺍﻡ ﻭﺑﺘﺮﺑﻲ ﻭﺍﻟﻠﻪ ﻫﻲ ﺯﺍﺗﺎ ﻟﺴﻪ ﻣﺎ ﻛﻤﻠﺖ
ﺗﺮﺑﻴﺘﺎ
ﻣﺎﻣﺎ ﺍﻧﺎ ﻋﻤﻠﺖ ﺷﻨﻮ ﺍﺳﻲ ؟؟
ﻣﺎ ﻗﻠﻨﺎ ﻣﺎﻣﺎ ﺩﻱ ﻧﺨﻠﻴﻬﺎ
ﺣﺎﺍﺍﺍﺍﺍﺍﺍﺿﺮ ﻳﺎ ﻣﺎﻣﺎ
ﺧﺎﻟﺘﻮ ﺍﺳﻤﺎﺀ ﻗﻌﺪﺕ ﺗﻀﺤﻚ ﻭﻗﺎﻟﺖ ﻷﻣﻲ ﺧﻠﻴﻬﺎ ﺍﺻﻼ ﻛﺪﺍ ﻣﺎ ﺑﺘﻔﻬﻢ
ﻟﻚ ﺣﺎﺟﻪ ﺑﻠﻴﻞ ﺍﻣﻲ ﻣﺎ ﺧﻠﺘﻨﻲ ﺍﻧﻮﻡ ﻭﺍﺟﺒﺮﺗﻨﻲ ﻋﻠﻰ ﺍﻟﻤﺬﺍﻛﺮﻩ ﻣﺎﻣﺎ
ﺩﻱ ﺗﻌﺒﺖ ﻣﻌﺎﻱ ﺗﻌﺐ ﻣﺎ ﻋﺎﺩﻱ ﻭﺿﻐﻄﺘﻨﻲ ﻻﻧﻮ ﺍﺻﺮﺕ ﻋﻠﻲ ﺍﻣﺘﺤﻦ
ﻋﻠﻤﻲ ﺍﻧﺎ ﺯﺍﺗﻲ ﻓﻲ ﻓﺘﺮﺓ ﺍﻻﻣﺘﺤﺎﻧﺎﺕ ﺑﻘﻴﺖ ﺷﺎﺩﻩ ﺣﻴﻠﻲ ﻻﻧﻲ ﺧﺘﻴﺖ
ﻟﻨﻔﺴﻲ ﻫﺪﻑ ﻗﺼﻲ ﺑﻨﺎﺩﻳﻨﻲ ﻣﺎﻣﺎ ﻋﺎﺩﻱ ﻭﻣﺎﻓﻲ ﺯﻭﻝ ﻣﺴﺘﻐﺮﺏ
ﺑﺴﺒﺐ ﺗﻌﻠﻘﻲ ﺑﻪ ﻭﺑﻘﻮﻝ ﻻﻣﻲ ﺑﺮﺿﻮ ﻣﺎﻣﺎ ﻋﺎﻣﻞ ﻟﻴﻨﺎ ﺟﻮ ﺣﻠﻮ ﻓﻲ
ﺍﻟﺒﻴﺖ ﺍﻧﺎ ﺍﺷﺘﻐﻠﺖ ﻛﻮﻳﺲ ﻓﻲ ﺍﻻﻣﺘﺤﺎﻧﺎﺕ ﻭﻓﻀﻴﺖ ﻟﻘﺼﻲ ﻃﺒﻌﺎ
ﺑﻘﻰ ﻣﺪﻟﻊ ﺯﻳﺎﺩﻩ ﻭﻛﺎﻥ ﻣﺎﺷﻪ ﺍﻟﺪﻛﺎﻥ ﺍﻻ ﺍﺷﻴﻠﻮ ﻣﻌﺎﻱ ﻳﻮﻣﻲ ﺑﺸﺘﺮﻱ
ﻟﻪ ﺷﻴﺒﺲ ﻳﻮﻡ ﻛﻨﺖ ﺭﺍﺟﻌﻪ ﺷﺎﻳﻠﻪ ﻭﻟﺪﻱ ﻭﻫﻮ ﻳﺸﻴﻞ ﻭﻳﺸﺘﺖ ﻓﻲ
ﺍﻟﺸﻴﺒﺲ
ﻣﺎ ﺣﺎﺗﺒﻄﻞ ﻗﻠﺔ ﺍﺩﺑﻚ ﺩﻱ ؟؟؟ ﺳﻤﺢ ﺧﻠﻴﻨﺎ ﻧﺼﻞ ﺍﻟﺒﻴﺖ ﻛﻨﺖ ﺳﺎﻣﻌﻪ
ﺻﻮﺕ ﺑﻮﺭﻱ ﺑﺲ ﻣﺎ ﺭﻛﺰﺕ ﻣﻌﺎﻩ ﻓﺠﺎﺀﺓ ﺍﺷﻮﻑ ﻟﻚ ﺍﻟﻌﺮﺑﻴﻪ ﻓﺮﻕ ﺷﺒﺮ
ﻣﻨﻨﺎ ﻭﻗﻌﻨﺎ ﺍﻧﺎ ﻭﻭﻟﺪﻱ ﻭﻫﻮ ﻃﻮﺍﻟﻲ ﺑﻘﻰ ﻳﺒﻜﻲ ﺳﻴﺪ ﺍﻟﻌﺮﺑﻴﻪ ﻧﺰﻝ
ﺧﻴﺮ ﻳﺎ ﺟﻤﺎﻋﻪ ﺍﻧﺸﺎﺀﺍﻟﻠﻪ ﻣﺎ ﺣﺼﻞ ﻟﻜﻢ ﺷﻲ
ﻣﺎ ﺑﺘﺸﻮﻑ ﺍﻧﺖ ؟؟ ﺍﺳﻲ ﻛﺎﻥ ﻗﺘﻠﺘﻨﺎ ؟؟ ﺷﺎﻝ ﻗﺼﻲ ﻭﺑﻘﻰ ﻳﻨﻔﻀﻮ
ﻣﻦ ﺍﻟﺘﺮﺍﺏ ﻃﻮﺍﻟﻲ ﻗﻠﻌﺘﻮ ﻣﻨﻮ
ﻣﺎ ﺗﺨﺎﻓﻲ ﻣﺎﻓﻴﻪ ﺷﻲ
ﺍﻧﺎ ﺣﻀﻨﺖ ﻗﺼﻲ ﻭﻗﻌﺪﺕ ﺍﻫﺪﻱ ﻓﻴﻪ
ﺧﻼﺹ ﺧﻼﺹ ﺣﺒﻴﺒﻲ ﺍﻧﺖ ﻛﻮﻳﺲ ﻭﻫﻮ ﺷﻐﺎﻝ ﻣﺎﻣﺎ ﻣﺎﻣﺎ
ﺍﻧﺎ ﺍﺳﻒ ﻭﺍﻟﻠﻪ ﺑﺎﻟﺠﺪ ﺑﺲ ﻣﺎ ﺷﻔﺘﻜﻢ ﻋﺸﺎﻥ ﺍﻟﻠﻔﻪ ﻭﺿﺮﺑﺖ ﺑﻮﺭﻱ
ﺷﻜﻠﻚ ﻣﺎ ﺳﻤﻌﺘﻴﻪ ﻗﻠﺖ ﻟﻪ ﺧﻼﺹ ﺣﺼﻞ ﺧﻴﺮ ﻧﻔﻀﺖ ﻧﻔﺴﻲ ﻭﻗﻤﺖ
: ﻳﺎ ﺍﺧﺖ ﻧﺴﻴﺘﻲ ﺍﻟﺸﻴﺒﺲ ﺑﺘﺎﻉ ﻭﻟﺪﻙ : ﻫﻮ ﺍﺻﻼ ﺍﺗﻤﻠﻰ ﺗﺮﺍﺏ ﺧﻠﻴﻪ
ﺳﺎﻱ : ﻻﻻ ﻭﺍﻟﻠﻪ ﺍﺗﻜﺸﺢ ﺑﺴﺒﺒﻲ ﻭﺍﺳﻲ ﺑﺸﺘﺮﻱ ﻟﻪ ﻭﺍﺣﺪ ﺗﺎﻧﻲ : ﻣﺎ
ﺷﺤﺎﺩﻳﻦ ﻧﺤﻦ
ﻟﻤﻦ ﺣﻜﻴﺖ ﻻﻣﻲ ﺑﻘﺖ ﺗﻨﺒﺬ ﻓﻴﻪ ﺍﻧﺎ ﺍﻣﻲ ﺩﻱ ﺍﻱ ﺣﺎﺟﻪ ﺗﺤﺼﻞ ﻓﻲ
ﺣﻴﺎﺗﻲ ﺑﺤﻜﻲ ﻟﻬﺎ ﻛﺎﻥ ﺣﻠﻤﺖ ﺑﺤﺎﺟﻪ ﺳﺎﻱ ﺑﺠﻲ ﺑﺤﻜﻲ ﻟﻬﺎ ﺑﺎﻟﺘﻔﺼﻴﻞ
ﺍﺻﻼ ﺍﻟﺤﺼﻞ ﻟﻲ ﺩﺍ ﻗﺮﺑﻨﻲ ﻣﻨﻬﺎ ﺷﺪﻳﺪ ﺑﻌﺪ ﻛﻢ ﻳﻮﻡ ﺟﻮﻧﺎ ﺿﻴﻮﻑ
ﻗﻌﺪﻭ ﻣﻊ ﺍﺑﻮﻱ ﻭﻧﺎﺩﺍﻧﻲ ﺍﺳﻠﻢ ﻋﻠﻴﻬﻢ ﺟﻴﺖ ﺷﺎﻳﻠﻪ ﺍﻟﻌﺼﻴﺮ ﺍﻟﻘﺎ ﻟﻴﻚ
ﻧﻔﺲ ﺑﺘﺎﻉ ﺍﻟﻌﺮﺑﻴﻪ ﻭﻣﻌﺎﻩ ﺭﺍﺟﻞ ﺗﺎﻧﻲ ﻛﺒﻴﺮ ﻫﻮ ﻣﻦ ﺷﺎﻓﻨﻲ ﻗﺎﻡ
ﻃﻮﺍﻟﻲ
ﺩﻱ ﺍﻧﺘﻲ ؟؟؟
ﺍﺑﻮﻱ ﺍﺳﺘﻐﺮﺏ ﻭﺍﻧﺎ ﺳﻜﺘﺖ ﺳﺎﻱ
ﺩﻱ ﺑﻨﺘﻚ ﻳﺎ ﻋﻢ ﺍﻟﻔﺎﺗﺢ ؟؟
ﺍﻱ ﺩﻱ ﺳﻤﺮ ﺑﻨﺘﻲ ﺍﻟﻜﺒﻴﺮﻩ ﺑﺘﻌﺮﻓﺎ ؟؟؟؟
ﻭﺍﻟﻠﻪ ﻗﺒﻞ ﻛﻢ ﻳﻮﻡ ﻻﻗﻴﺘﺎ ﻫﻲ ﻭﻭﻟﺪﺍ ﻓﻲ ﺍﻟﺸﺎﺭﻉ ﻭﻗﺮﺑﺖ ﺍﺿﺮﺑﻬﻢ
ﺑﺎﻟﻌﺮﺑﻴﻪ ﺍﺑﻮﻱ ﻗﺎﻝ ﻟﻪ ﻭﻟﺪ ﺷﻨﻮ ﻛﻤﺎﻥ ﺑﺘﻜﻮﻥ ﻣﺸﺒﻬﻬﺎ ﺳﺎﻱ : ﻻﻻ
ﻭﺍﻟﻠﻪ ﻳﺎﻫﺎ ﺯﺍﺗﺎ ﻭﻗﺼﻲ ﻛﺎﻥ ﻣﻊ ﺍﻣﻲ ﺷﺎﻓﻮ ﻗﺎﻝ ﻟﻪ ﺍﻳﻮﺍﺍﺍﺍ ﻭﺍﻧﺎ ﺑﺸﺒﻪ
ﻓﻴﻪ ﻣﻦ ﻗﺒﻴﻞ ﺍﻟﻮﻟﺪ ﺩﺍ ﻫﺪﺍ ﻟﻪ ﺍﻧﺎ ﻣﺘﺄﻛﺪ ﻭﺍﻟﻠﻪ ﺍﺑﻮﻱ ﻗﻌﺪ ﻳﻀﺤﻚ
ﻗﺎﻝ ﻟﻪ ﺩﺍ ﺍﺧﻮﻫﺎ ﻭﺍﺻﻐﺮ ﺍﻭﻻﺩﻱ ﻗﺼﻲ : ﻭﺍﻟﻠﻪ ﻟﻤﻦ ﺷﻔﺘﺎ ﺷﺎﻳﻼﻩ
ﺍﻓﺘﻜﺮﺗﻮ ﻭﻟﺪﺍ ﻭﻗﺎﻝ ﻟﻬﺎ ﻣﺎﻣﺎ : ﻣﺘﻌﻠﻖ ﺑﻬﺎ ﺷﺪﻳﺪ ﺑﺲ ﺗﻘﻮﻝ ﺍﻣﻮ ﻫﻲ
ﻣﺎ ﺑﺮﺍﻙ ﻳﺎ ﻭﻟﺪﻱ ﻧﺎﺱ ﻛﺘﺎﺭ ﺑﻘﻮﻟﻮ ﻭﻟﺪﺍ ﻏﺮﻳﺒﻴﻦ ﺧﻼﺹ ﺍﺳﻲ ﻗﺪﺭ
ﺩﻱ ﺑﻘﻮﻟﻮ ﻣﺘﺰﻭﺟﻪ؟؟؟ ﻟﻨﻔﺴﺎ ﺷﺎﻓﻌﻪ ﻃﻮﺍﻟﻲ ﺷﻠﺖ ﻭﻟﺪﻱ ﻭﻣﺸﻴﺖ
ﺑﻌﺪ ﻣﺸﻮ ﻗﻠﺖ ﻻﻣﻲ ﺍﻟﻌﺒﻴﻂ ﺩﺍ ﻣﻨﻮ ؟؟ : ﺩﺍ ﻭﻟﺪ ﺻﺪﺍﻡ ﺻﺎﺣﺐ
ﺍﺑﻮﻙ ﺍﺳﻤﻮ ﺍﻣﺠﺪ ﻣﻐﺘﺮﺏ ﻳﺎ ﻳﻤﻪ ﺷﻐﺎﻝ ﻓﻲ ﻗﻄﺮ ﻃﻮﻭﻭﻭﻭﻭﻝ ﻣﺎ
ﺟﺎﺀ ﺍﻇﻨﻮ ﺟﺎﺀ ﻳﻌﺮﺱ ﻋﺎﺩ ﻛﺎﻥ ﺷﻔﺘﻲ ﺍﻟﺒﻴﺖ ﺩﺍ ﻭﺍﻟﺤﺎﻝ ﺑﺨﺘﻬﺎ
ﺍﻟﺒﻌﺮﺳﺎ
ﺍﻧﺎ ﻃﺒﻌﺎ ﻟﻤﻦ ﻳﺠﻴﺒﻮ ﺳﻴﺮﻩ ﺍﻟﻌﺮﺱ ﺑﺘﻀﺎﻳﻖ ﻭﺑﺘﺬﻛﺮ ﺣﺎﻟﻲ ﻷﻧﻮ
ﻣﺴﺘﺤﻴﻞ ﺍﻋﺮﺱ ﻭﺍﻋﻴﺶ ﺣﻴﺎﺓ ﻃﺒﻴﻌﻴﻪ ﺑﻌﺪ ﺍﺳﺒﻮﻉ ﺳﻤﻌﺖ ﺍﻣﻲ
ﺑﺘﺘﻜﻠﻢ ﻣﻊ ﺧﺎﻟﺘﻮ ﺍﺳﻤﺎﺀ ﻭﻇﺎﻫﺮ ﻋﻠﻴﻬﺎ ﺍﻻﺣﺒﺎﻁ
ﻫﻮ ﺍﻟﻘﺎﻝ ﻟﻜﻢ ﻛﺪﺍ ﺑﻨﻔﺴﻮ؟؟؟
ﺍﻱ ﻭﺍﻟﻠﻪ ﺷﻜﻼ ﻋﺠﺒﺘﻮ ﻭﺍﻟﻠﻪ ﺍﻟﻮﻟﺪ ﺩﺍ ﺟﺎﻧﻲ ﻋﺪﻳﻞ ﻭﻛﺎﻥ ﻋﻠﻴﻪ ﻳﻌﻘﺪ
ﺍﺳﻲ ﻭﻳﺴﻮﻗﺎ ﺟﺎﻫﺰ ﻣﻦ ﻣﺠﺎﻣﻴﻌﻮ : ﻛﻠﻮ ﻣﻨﻬﺎ ﻫﺪﺍ ﺟﺎﻫﺎ ﻋﺮﻳﺲ
ﺗﺘﺤﺴﺪ ﻋﻠﻴﻪ ﻭﻣﺎ ﻓﻲ ﻃﺮﻳﻘﻪ ﺗﻌﺮﺳﻮ ﻭﺍﻟﻠﻪ ﺍﻧﺎ ﻏﺎﻳﺘﻮ ﻣﺎ ﻋﺎﺭﻓﻪ
ﺍﻋﻤﻞ ﺷﻨﻮ ﻣﻌﺎﻫﺎ ﺍﻟﺒﻨﺖ ﺩﻱ ﺑﺎﻟﻄﺮﻳﻘﻪ ﺩﻱ ﻣﺎ ﺍﻣﺠﺪ ﺑﺮﺍﻩ ﺍﻱ ﻋﺮﻳﺲ
ﻳﺠﻴﻬﺎ ﺑﻄﻴﺮ
ﻋﺮﻓﺘﻬﻢ ﻗﺎﺻﺪﻳﻦ ﺷﻨﻮ ﻣﺸﻴﺖ ﻏﺮﻓﺘﻲ ﻭﻗﻌﺪﺕ ﺍﺑﻜﻲ ﺗﺎﻧﻲ ﺭﺟﻌﺖ ﻝ
ﺣﺎﻟﺔ ﺍﻻﻛﺘﺌﺎﺏ ﻭﺑﻌﺪ ﺑﺪﻳﺖ ﺍﺗﺠﺎﻭﺯ ﺍﻟﻤﻮﺿﻮﻉ ﺍﺧﺪﺕ ﻋﻠﻰ ﺩﻣﺎﻏﻲ ﺍﻧﺎ
ﺧﻼﺹ ﻧﺼﻴﺒﻲ ﻣﻦ ﺍﻟﺤﻴﺎﺓ ﺩﻱ ﺍﺧﺪﺗﻮ ﻭﺟﻊ ﻭﻋﺬﺍﺏ ﺍﺛﻨﺎﺀ ﻣﺎ ﺍﻧﺎ
ﺑﺒﻜﻲ ﺟﺎﻧﻲ ﺍﺗﺼﺎﻝ ﻣﻦ ﺭﻗﻢ ﻏﺮﻳﺐ
ﺍﻟﻮ
ﻋﻠﻴﻜﻢ ﺍﻟﺴﻼﻡ ﺳﻤﺮ؟؟؟
ﺍﻳﻮﺍ ﻭﺍﻧﺖ ﻣﻨﻮ ﻭﻋﺎﻭﺯ ﺷﻨﻮ
ﺑﺮﺍﺣﻪ ﻳﺎ ﺳﻤﺮ ﻣﺎ ﺗﻨﻔﻌﻠﻲ ﺍﻧﺎ ﺍﻣﺠﺪ ﺻﺪﺍﻡ ﺟﻴﺘﻜﻢ ﺍﻟﺒﻴﺖ ﻗﺒﻞ ﻛﻢ
ﻳﻮﻡ ﻭﻭ ........ ﻗﺎﻃﻌﺘﻮ ﻭﻃﻠﺒﺘﻨﻲ ﺻﺢ ؟؟ ﻗﺎﻝ ﻟﻲ ﻣﻌﻨﺎﻫﺎ ﻣﺎﻓﻲ
ﺩﺍﻋﻲ ﻟﻠﻤﻘﺪﻣﺎﺕ ﺍﻧﺎ ﻛﻠﻤﺖ ﺍﻫﻠﻚ ﺷﺎﻭﺭﻭﻙ ﺻﺢ ؟؟ ﺍﻧﺎ ﻭﺍﻟﻠﻪ ﻣﻦ
ﺷﻔﺘﻚ ﻓﻲ ﺍﻟﺸﺎﺭﻉ ﻣﻊ ﺍﺧﻮﻙ ﻣﺎ ﻏﺒﺘﻲ ﻋﻦ ﺑﺎﻟﻲ ﺍﻧﺘﻲ ﺍﻟﻤﺮﺍ ﺍﻟﻜﻨﺖ
ﺑﻔﺘﺶ ﻓﻴﻬﺎ : ﺑﺲ ﺍﻧﺎ ﻣﺎ ﻋﺎﻭﺯﻩ ﺍﺗﺰﻭﺝ ﺣﺎﻟﻴﺎ : ﺑﺨﻠﻴﻚ ﺗﻘﺮﻱ ﻣﺎ
ﺗﺨﺎﻓﻲ ﺍﻟﻮﺍﻟﺪ ﻗﺎﻝ ﻣﻤﺘﺤﻨﻪ ﺷﻬﺎﺩﻩ ﻣﺶ ﺍﻟﺠﺎﻣﻌﻪ ﺩﻱ ﺑﺘﻘﺮﻳﻬﺎ ﻓﻲ
ﻣﺸﺎﻛﻞ ﺗﺎﻧﻲ ؟؟؟ : ﺍﻳﻮﺍ ﺍﻧﺎ ﻣﺎ ﻣﻮﺍﻓﻘﻪ ﻋﻠﻴﻚ : ﺍﻧﺘﻲ ﻣﻼﺣﻈﻪ ﻓﻴﻨﻲ
ﺷﻲ ﺍﻭ ﻓﻲ ﺣﺎﺟﻪ ﻣﺎ ﻋﺎﺟﺒﺎﻙ ؟؟ ﺍﻧﺎ ﺣﺎﺍﺣﻜﻲ ﻟﻚ ﻛﻞ ﺣﺎﺟﻪ ﻋﻨﻲ
ﺗﻌﻠﻴﻤﻲ ﻭﺿﻌﻲ ﺍﻟﻤﺎﺩﻱ ﻗﺎﻃﻌﺘﻮ ﺑﺲ ﺩﺍ ﻛﻠﻮ ﻣﺎ ﺑﻬﻤﻨﻲ ﺍﻣﺠﺪ ﻟﻮ
ﺳﻤﺤﺖ ﺗﺎﻧﻲ ﻣﺎ ﺗﻔﺘﺢ ﺍﻟﻤﻮﺿﻮﻉ ﺩﺍ ﻣﻊ ﺍﺑﻮﻱ : ﺑﺲ ﺍﻧﺎ ﻣﻦ ﺣﻘﻲ
ﺍﻋﺮﻑ ﺳﺒﺐ ﺭﻓﻀﻚ ﻟﻲ ﻟﻮ ﻓﻲ ﺯﻭﻝ ﻓﻲ ﺣﻴﺎﺗﻚ ﺍﻧﺎ ﻣﻤﻜﻦ ﺍﺗﻔﻬﻢ
ﻃﻖ ﻗﻔﻠﺖ ﻓﻴﻪ ﺗﺎﻧﻲ ﻳﻮﻡ ﻭﺭﻳﺖ ﺍﻣﻲ ﺷﺎﻛﻠﺘﻨﻲ ﺣﺘﻰ ﺍﺑﻮﻱ ﻛﻢ ﻣﺮﻩ
ﺑﻨﺎﺩﻳﻨﻲ ﻭﺑﺴﺄﻟﻨﻲ ﺍﺧﺮ ﺷﻲ ﻗﺎﻝ ﻟﻲ ﺍﻧﺘﻲ ﻋﻨﺪﻙ ﺯﻭﻝ ﻋﺎﻭﺯﺍﻩ ؟؟؟
ﻗﻠﺖ ﻟﻪ ﻻ : ﻣﻌﻨﺎﻫﺎ ﻣﺎﻓﻲ ﺳﺒﺐ ﺑﻤﻨﻌﻚ ﺍﻣﺠﺪ ﻣﺎ ﺭﺍﺟﻞ ﺑﺠﻲ ﻛﻞ
ﻳﻮﻡ ﻭﻟﻮ ﺿﻴﻌﺘﻴﻪ ﻣﻦ ﻳﺪﻙ ﺗﺎﻧﻲ ﻣﺎ ﺑﺘﻠﻘﻲ ﺯﻳﻮ : ﺑﺲ ﻳﺎ ﺑﺎﺑﺎ ﺍﻧﺎ
ﻋﺎﻭﺯﻩ ﺍﻗﺮﺍ : ﻫﻮ ﻣﺎ ﺣﺎﻣﻴﻚ ﺍﻟﻘﺮﺍﻳﻪ ﻭﺍﻧﺎ ﻟﻮ ﺍﺩﻳﺘﻴﻨﻲ ﺳﺒﺐ ﻭﺍﺣﺪ
ﻣﻘﻨﻊ ﻳﺨﻠﻴﻚ ﺗﺮﻓﻀﻴﻪ ﻣﺎ ﺑﺠﺒﺮﻙ ﻭﺗﺎﻧﻲ ﻣﺎ ﺑﺴﺄﻟﻚ ﺯﺍﺗﻮ : ﺍﻧﺎ ﻣﺎ
ﻋﺎﻭﺯﻩ ﺍﺑﻌﺪ ﻣﻨﻜﻢ ﻭﻗﺼﻲ ﺍﺧﻠﻴﻪ ﻭﺍﻣﺸﻲ ؟؟ ﻗﻌﺪﺕ ﺍﺑﻜﻲ ﻟﻪ ﻭﺣﻠﻔﺖ
ﻛﺎﻥ ﺍﺳﻜﺖ ﻟﻤﻦ ﺍﻣﻲ ﺟﺎﺕ : ﺧﻼﺹ ﻳﺎ ﺑﻨﺘﻲ ﺍﺻﻼ ﺩﺍ ﺣﺎﻝ ﺍﻟﺪﻧﻴﺎ
ﺍﻱ ﺑﻨﺖ ﻣﺼﻴﺮﺍ ﺗﺘﺰﻭﺝ ﻭﺗﻄﻠﻊ ﻣﻦ ﺑﻴﺖ ﺍﺑﻮﻫﺎ ﻣﻬﻤﺎ ﻛﺎﻧﺖ ﻣﺘﻌﻠﻘﻪ ﺑﻪ
ﺑﻌﺪ ﺍﻟﻴﻮﻡ ﺩﺍﻙ ﺗﺎﻧﻲ ﻣﺎ ﺳﺄﻟﻮﻧﻲ ﻭﻫﻮ ﺑﺘﺼﻞ ﻃﻮﺍﻟﻲ ﺑﺲ ﺍﻧﺎ ﻣﺎ ﺑﺮﺩ
ﻳﻮﻡ ﺍﻣﻲ ﺳﺎﻗﺘﻨﻲ ﺑﻴﺖ ﺧﺎﻟﺘﻮ ﺍﺳﻤﺎﺀ ﺷﺎﻟﺖ ﻣﻨﻲ ﻗﺼﻲ ﻗﻌﺪﺗﻮ ﺑﺮﺍ
ﻣﻊ ﻭﺟﻦ ﻭﺍﻭﻻﺩ ﺧﺎﻟﺘﻮ ﺍﺳﻤﺎﺀ ﻭﻧﺤﻦ ﺩﺧﻠﻨﺎ ﺍﻟﻐﺮﻓﻪ ﺍﻟﻤﺎﻗﺎﺩﺭﻩ ﺍﻧﺴﺎﻫﺎ
ﻟﺤﺪﻱ ﺍﻟﻠﺤﻈﻪ ﺩﻱ ﺧﺎﻟﺘﻮ ﺍﺳﻤﺎﺀ ﻗﺎﻟﺖ ﻟﻲ ﺍﻧﺘﻲ ﺭﺍﻓﻀﻪ ﺍﻣﺠﺪ ﻋﺸﺎﻥ
ﺧﺎﻳﻔﻪ ﻳﻜﺸﻔﻚ ﺻﺢ ؟؟ ﺑﻘﻴﺖ ﺍﻋﺎﻳﻦ ﻟﻬﺎ ﺑﺎﺳﺘﻐﺮﺍﺏ ﻭﺍﻧﺎ ﺍﺻﻼ ﺧﺎﻳﻔﻪ
ﺍﻣﻲ ﻣﺴﻜﺘﻨﻲ ﺭﻗﺪﺗﻨﻲ ﻓﻲ ﺍﻟﺴﺮﻳﺮ
ﻣﺎ ﺗﺨﺎﻓﻲ ﺍﻟﻤﻮﺿﻮﻉ ﺑﺴﻴﻂ ﺍﻧﺎ ﻋﺎﺭﻓﺎﻙ ﻣﺘﺄﺯﻣﻪ ﻣﻦ ﺍﻟﺤﺼﻞ ﻣﻌﺎﻙ
ﺑﺲ ﺧﻼﺹ ﻫﺎﻧﺖ ﺩﻱ ﺍﺧﺮ ﺧﻄﻮﺓ ﻭﺗﺎﻧﻲ ﺣﺎﺗﺮﺗﺎﺣﻲ ﻟﺒﻘﻴﺔ ﺣﻴﺎﺗﻚ ﻳﻼ
ﺣﺒﻴﺒﺘﻲ ﺍﺭﻓﻌﻲ ﺍﻟﺠﻠﺒﺎﺏ ﻋﺎﻳﻨﺖ ﻟﻬﺎ ﺟﻮﺍ ﻋﻴﻮﻧﺎ ﻣﻦ ﻏﻴﺮ ﻣﺎ ﺍﺗﻜﻠﻢ
ﻭﻫﻲ ﺩﻣﻮﻋﺎ ﺟﺮﺕ ﻃﻮﺍﻟﻲ ﻗﻤﺖ ﻣﻦ ﺍﻟﺴﺮﻳﺮ ﻃﻠﻌﺖ ﺑﺮﺍ ﺷﻠﺖ ﻭﻟﺪﻱ
ﻭﻣﺸﻴﺖ ﻭﻫﻢ ﻳﻨﺎﺩﻭ ﻓﻴﻨﻲ ﺳﺎﺍﺍﺍﺍﻱ ﻣﺎ ﻭﻗﻔﺖ ﺍﻻ ﻓﻲ ﻏﺮﻓﺘﻲ ﻭﻗﻔﻠﺖ
ﺍﻟﺒﺎﺏ ﻭﻗﻌﺪﺕ ﺍﺑﻜﻲ ﻭﻟﺪﻱ ﻛﺎﻥ ﺑﻬﺒﺶ ﻓﻴﻨﻲ ﺑﻴﺪﻳﻪ ﺍﻟﺼﻐﺎﺭ ﺩﻳﻠﻚ ﻟﻤﻦ
ﺷﺎﻓﻨﻲ ﺑﺒﻜﻲ ﻫﻮ ﺯﺍﺗﻮ ﺑﻘﻰ ﻳﺒﻜﻲ ﻭﺍﻣﻲ ﺗﺪﻕ ﻓﻲ ﺍﻟﺒﺎﺏ ﺳﺎﺍﺍﺍﺍﻱ
ﺧﻼﺹ ﻟﻤﻦ ﻗﻠﺖ ﺍﺭﺗﺎﺡ ﻣﻦ ﻫﻤﻚ ﺟﺎﻳﻪ ﺗﺨﺮﺑﻲ ﺍﻱ ﺷﻲ ؟؟ ﺩﺍﻳﺮﻩ
ﺗﻘﻌﺪﻱ ﻟﻲ ﻛﺪﺍ ﻳﻌﻨﻲ ﻟﻤﺘﻴﻦ؟؟؟ ﺍﻧﺘﻲ ﺍﺗﺤﻤﻠﺘﻲ ﺍﻟﻮﻻﺩﻩ ﻏﺎﻟﺒﻚ ﺩﺍ
ﺍﻧﺘﻲ ﻣﺎﻟﻚ ﻣﺼﺮﻩ ﺗﻮﺟﻌﻲ ﻗﻠﺒﻲ ﻋﻠﻴﻚ ﺩﺍﻳﺮﻩ ﺗﻘﺘﻠﻴﻨﻲ ﻭﺗﺮﺗﺎﺣﻲ ﺍﻧﺎ
ﻗﻔﻠﺖ ﺍﺿﺎﻧﻲ ﻭﻭﺍﺻﻠﺖ ﺑﻜﻰ ﻭﻭﻟﺪﻱ ﺩﺍ ﻗﻠﺒﻮ ﺍﺗﻘﻄﻊ ﺍﻣﻲ ﺟﺎﺗﻨﻲ
ﺭﺍﺟﻌﻪ ﺗﺎﻧﻲ ﻭﺍﻟﻤﺮﻩ ﺩﻱ ﺑﻘﺖ ﺗﺤﻨﺲ ﻓﻴﻨﻲ ﺍﻓﺘﺤﻲ ﺍﻟﺒﺎﺏ ﻋﺸﺎﻧﻲ ﺍﻧﺎ
ﺧﻼﺹ ﻋﺸﺎﻥ ﻭﻟﺪﻙ ﺩﺍ ﺍﻟﻠﻪ ﻳﺮﺿﻰ ﻋﻠﻴﻚ ﻣﺸﻴﺖ ﻓﺘﺤﺖ ﻟﻬﺎ ﻭﻫﻮ
ﻣﻦ ﺷﺎﻓﺎ ﺫﺍﺩ ﻓﻲ ﺍﻟﺒﻜﺎﺀ ﺑﻘﺖ ﺗﺴﻜﺘﻮ ﺍﻧﺎ ﻣﺸﻴﺖ ﺍﻟﺤﻤﺎﻡ ﻭﺟﻴﺖ
ﻟﻘﻴﺘﻮ ﻟﺴﻪ ﺑﺒﻜﻲ ﻭﺭﺍﻓﺾ ﻳﺎﻛﻞ ﺳﻠﻘﺖ ﻟﻪ ﺑﻄﺎﻃﺲ ﻫﺮﺳﺘﺎ ﻭﺟﺒﺘﺎ ﻟﻪ
ﺿﺮﺑﺎ ﺑﻴﺪﻭ ﻭﻛﺸﺤﺎ ﻓﻴﻨﻲ ﻭﺍﻧﺎ ﻋﻠﻲ ﺯﻋﻠﺘﻲ ﺩﻳﻚ ﻛﻔﺘﻮ ﻭﻭﻗﻌﺖ ﻓﻴﻪ
ﺿﺮﺏ ﺍﻻ ﺍﻣﻲ ﻣﺴﻜﺘﺘﻲ ﻟﺰﺍﺗﻨﻲ
ﻗﻠﻴﻞ ﺍﺩﺏ ﺍﺻﻠﻚ ﻭﻟﺪ ﺣﺮﺍﻡ ﺯﻱ ﺍﺑﻮﻙ ﺑﺲ ﻓﺎﻟﺤﻴﻦ ﺗﺄﺫﻭﻧﻲ
ﻳﺎ ﺑﻨﺖ ﺍﺣﺘﺮﻣﻲ ﻧﻔﺴﻚ ﺩﺍ ﻛﻼﻡ ﺷﻨﻮ ﺷﺎﻟﺘﻮ ﻣﻨﻲ ﻭﻗﺎﻟﺖ ﻟﻲ ﻭﺍﻟﻠﻪ
ﺗﺎﻧﻲ ﺑﺎﻟﻐﻠﻂ ﺗﻤﺪﻱ ﻳﺪﻙ ﻋﻠﻲ ﺍﻟﻮﻟﺪ ﺩﺍ ﺍﻻ ﺍﻗﻄﻌﻚ ﺑﺎﻟﺨﺮﻃﻮﺵ ﻗﻠﻴﻠﺔ
ﺍﺩﺏ ﻛﻤﺎﻥ ﺩﺍﻳﺮﻩ ﺗﺘﻔﺸﺸﻲ ﻓﻴﻪ ؟؟ ﺍﻧﺘﻲ ﺍﻟﺪﺍﻳﺮﻩ ﺩﻕ ﻣﺎ ﻫﻮ ﻛﻤﺎﻥ
ﺑﺘﻘﻮﻟﻲ ﻟﻪ ﻭﻟﺪ ﺣﺮﺍﻡ؟؟ : ﻭﻟﺪ ﺍﻟﺤﺮﺍﻡ ﺩﻱ ﻣﺎ ﺍﺳﺎﺀﺓ ﻟﻪ ﻫﻮ ﺑﺎﻟﻌﻜﺲ
ﻟﻴﻚ ﺍﻧﺘﻲ ﻻﻧﻚ ﺍﻧﺘﻲ ﺍﻟﻌﻤﻠﺘﻲ ﺍﻟﺤﺮﺍﻡ ﻣﺎ ﻫﻮ ﻗﻌﺪﺕ ﻓﻲ ﺍﻻﺭﺽ ﺍﺑﻜﻲ
ﻗﺎﻟﺖ ﻟﻲ ﻣﺎ ﺗﺒﻜﻲ ﻟﻲ ﻗﻮﻣﻲ ﻋﻠﻰ ﺣﻴﻠﻚ ﺭﺿﻌﻲ ﺍﻟﻮﻟﺪ ﺩﺍ ﺷﻠﺘﻮ ﺍﺑﻰ
ﻳﺮﺿﻊ ﻭﻣﻮﺍﺻﻞ ﺑﻜﻰ ﻭﺻﺮﻳﺦ ﻭﺍﺗﻌﻠﻖ ﻓﻲ ﺍﻣﻲ
ﻫﺪﺍ ﻛﺮﻫﺘﻴﻪ ﻓﻴﻚ ﻭﺍﺭﺗﺤﺘﻲ ﻭﻟﻠﻪ ﻳﺎ ﺑﺖ ﺍﺧﻴﺮ ﻟﻚ ﺟﻬﻠﻚ ﻭﻗﻠﺔ ﺍﺩﺑﻚ
ﺩﻱ ﺗﺨﻠﻴﻬﺎ ﻭﻟﺪﻙ ﺍﻟﺒﺘﺘﻔﺸﺸﻲ ﻓﻴﻪ ﺩﺍ ﺍﻟﻠﻪ ﻛﺎﻥ ﻏﻀﺐ ﻋﻠﻴﻚ ﺑﺸﻴﻠﻮ
ﻣﻨﻚ ﻭﻳﺮﻳﺤﻚ
ﺷﺎﻟﺘﻮ ﻭﻣﺸﺖ ﺧﻠﺘﻨﻲ ﺍﻧﺎ ﻓﻲ ﺍﻟﻐﺮﻓﻪ ﺍﻟﻴﻮﻡ ﻛﻠﻮ ﻣﺎ ﺧﻠﺘﻨﻲ ﺍﺟﻲ
ﺟﻨﺒﻮ ﻭﻫﻮ ﻣﺮﻩ ﻳﻠﻌﺐ ﻣﻊ ﻭﺟﻦ ﻭﻣﺮﻩ ﻳﺒﻜﻲ ﺍﻧﺎ ﻣﻌﻮﺩﺍﻩ ﻋﻠﻲ ﺷﺪﻳﺪ
ﻋﺸﺎﻥ ﻛﺪﺍ ﻣﺎ ﺑﻘﻌﺪ ﺑﻼﻱ ﺍﻣﻲ ﻧﻮﻣﺘﻮ ﻣﻌﺎﻫﺎ ﺍﻟﻴﻮﻡ ﺩﺍﻙ ﻭﺳﺎﻫﺮ ﺑﻬﺎ
ﻟﻤﻦ ﺍﺑﻮﻱ ﻣﺸﻰ ﺍﻟﺪﻳﻮﺍﻥ ﺧﻠﻰ ﻟﻴﻬﻢ ﺍﻟﻐﺮﻓﻪ ﺍﺑﻮﻱ ﻃﺒﻌﺎ ﺑﺤﺒﻮ ﺷﺪﻳﺪ
ﻭﺍﻛﺘﺮ ﻣﻨﻨﺎ ﻛﻤﺎﻥ ﺑﺎﻋﺘﺒﺎﺭﻭ ﺍﺧﺮ ﻋﻨﻘﻮﺩﻭ ﺑﺲ ﺍﺑﻮﻱ ﺍﻟﺴﻬﺮ ﻭﺍﻟﻜﻮﺍﺭﻳﻚ
ﻣﺎ ﺑﺤﺒﻬﻢ ﻗﺼﻲ ﺩﺍ ﻣﺎ ﺳﻜﺖ ﺍﻻ ﺍﺧﺮ ﺍﻟﻠﻴﻞ ﻭﺍﻧﺎ ﻗﻠﺒﻲ ﻭﺟﻌﻨﻲ ﻋﻠﻴﻪ
ﺷﺪﻳﺪ ﻭﻣﺸﻴﺖ ﻟﻬﻢ ﺍﺗﺴﺤﺐ ﻃﺒﻌﺎ ﻣﻮﻟﻌﻴﻦ ﺍﻟﻨﻮﺭ ﻟﻘﻴﺖ ﻗﺼﻲ ﺭﺍﻗﺪ
ﻻﻣﻲ ﻓﻲ ﺻﺪﺭﺍ ﻧﺎﻳﻢ ﻭﺑﻨﺎﻫﺪ ﺟﻴﺖ ﺍﺷﻴﻠﻮ ﺻﺤﺖ ﺧﻄﻔﺘﻮ ﻣﻨﻲ
ﺩﺍﻳﺮﻩ ﺷﻨﻮ ؟؟
ﺧﻠﻴﻨﻲ ﺍﺭﺿﻌﻮ ﺑﺒﻜﻲ ﻋﺸﺎﻥ ﺟﻌﺎﻥ
ﺯﺣﻲ ﻣﻨﻮ ﻣﺶ ﺑﺮﺍﻙ ﺿﺮﺑﺘﻴﻪ ﺟﺎﻳﻪ ﺑﻌﺪ ﺳﻜﺖ ﻭ ﻧﺎﻡ ﺗﺼﺤﻴﻪ؟
ﺍﻣﻲ ﻋﻠﻴﻚ ﺍﻟﻠﻪ ﺍﺩﻳﻨﻲ ﻟﻪ ﻣﺎ ﺑﺪﻗﻮ ﺗﺎﻧﻲ
ﻭﻫﻮ ﺻﺤﻰ ﻭﻗﻌﺪ ﻳﺒﻜﻲ ﻣﻦ ﺷﺎﻓﻨﻲ ﻣﺪﺍ ﻟﻲ ﻳﺪﻳﻪ ﻭﻋﻴﻮﻧﻮ ﻣﻐﻤﻀﻪ
ﻣﻦ ﺍﻟﺒﻜﺎﺀ ﺣﻀﻨﺘﻮ ﻭﻗﻌﺪﺕ ﺍﺑﻜﻲ ﻭﺍﺭﺿﻌﻮ ﺍﻣﻲ ﻣﺸﺖ ﻭﺟﺎﺕ ﺷﺎﻳﻠﻪ
ﺍﻛﻞ ﻭﻋﺼﻴﺮ ﻗﺎﻟﺖ ﻟﻲ ﻗﺎﻋﺪﻩ ﺟﻌﺎﻧﻪ ﻣﻦ ﺍﻟﺼﺒﺎﺡ ﻭﺍﻟﻮﻟﺪ ﺩﺍ ﺫﻧﺒﻮ
ﺷﻨﻮ ؟؟؟ ﻗﻮﻣﻲ ﺍﻛﻠﻲ ﺍﻧﺎ ﻃﺒﻌﺎ ﻟﺴﻪ ﻣﻮﺍﺻﻠﻪ ﺑﻜﻰ ﻣﺎ ﻗﺎﺩﺭﻩ ﺍﻛﻞ ﻭﻣﺎ
ﻋﺎﻭﺯﻩ ﺍﺯﻋﻞ ﺍﻣﻲ ﻣﻨﻲ ﺑﻘﻴﺖ ﺍﺷﻴﻞ ﺍﻟﻠﻘﻤﻪ ﻧﺼﻬﺎ ﺩﻣﻮﻉ ﻃﻮﺍﻟﻲ ﺍﻣﻲ
ﺷﺎﻟﺖ ﺍﻟﺼﺤﻦ ﺧﺘﺘﻮ ﻓﻲ ﺭﺟﻮﻻ ﻭﺑﻘﺖ ﺗﺄﻛﻠﻨﻲ ﺑﻴﺪﺍ ﻗﺎﺩﺭﻳﻦ ﺗﺘﺨﻴﻠﻮ
ﺣﺘﻰ ﺍﻟﻌﺼﻴﺮ ﺷﺮﺑﺘﻨﻲ ﻟﻪ ﻻﺧﺮ ﻗﻄﺮﻩ ﻗﺎﻟﺖ ﻟﻲ ﻛﻞ ﺍﻟﺒﻌﻤﻠﻮ ﺩﺍ
ﻟﻤﺼﻠﺤﺘﻚ ﺣﺘﻰ ﻟﻮ ﺭﻓﻀﻨﺎ ﺍﻣﺠﺪ ﺑﻜﺮﻩ ﺣﺎﻳﺠﻲ ﻏﻴﺮﻭ ﺣﺎﺗﻘﻮﻟﻲ ﻻﺑﻮﻙ
ﺷﻨﻮ ؟؟ ﻟﻤﺘﻴﻦ ﺣﺎﺗﺮﻓﻀﻲ ؟؟ ﺍﻧﺘﻲ ﻣﺎ ﺣﺎﺗﻘﻌﺪﻱ ﻋﻤﺮﻙ ﻛﻠﻮ ﺟﻨﺒﻲ :
ﻭﻭﻟﺪﻱ ﻳﺎ ﺍﻣﻲ ؟؟ ﺍﻓﻮﺗﻮ ﻟﻤﻨﻮ ﺣﺘﻰ ﻟﻮ ﺍﻗﺘﻨﻌﺖ ﺑﻔﻜﺮﺓ ﺍﻟﻌﺮﺱ ﺩﻱ
ﻭﻟﺪﻱ ﻣﺎ ﺑﻘﺪﺭ ﺍﺧﻠﻴﻪ : ﻣﺎ ﺗﺨﺎﻓﻲ ﻋﻠﻴﻪ ﻭﻫﻮ ﻣﻌﺎﻱ ﻭﺑﻌﺪﻳﻦ ﺍﻣﺠﺪ ﺩﺍ
ﺑﻜﻮﻥ ﻓﻲ ﺣﺎﻟﺔ ﺳﻔﺮ ﻃﻮﺍﻟﻲ ﻭﺍﻧﺘﻲ ﺣﺎﺗﺠﻲ ﺗﻘﻌﺪﻱ ﻓﻲ ﻧﺼﻨﺎ : ﻭﻟﻮ
ﻗﺮﺭ ﻳﺴﻔﺮﻧﻲ ﻣﻌﺎﻩ؟؟ ﻟﻮ ﺟﺒﺖ ﻣﻨﻮ ﺍﻭﻻﺩ ﻭﻟﺪﻱ ﺩﺍ ﺣﺎﻳﺘﺤﺮﻡ ﻣﻦ ﻣﻦ
ﺣﻨﺎﻧﻲ ﻭﻣﺎ ﺣﺎﻳﻜﻮﻥ ﺯﻱ ﺑﺎﻗﻲ ﺍﺧﻮﺍﻧﻮ : ﻧﻌﻤﻞ ﺷﻨﻮ ﻟﻜﻦ ﻣﺎ ﺍﺣﺴﻦ
ﻣﻦ ﺍﻟﻔﻀﻴﺤﻪ ؟؟ : ﺧﻼﺹ ﻳﺎ ﺍﻣﻲ ﺍﻧﺎ ﺣﺎﺍﻋﻤﻞ ﺯﻱ ﻣﺎ ﺍﻧﺘﻲ ﻋﺎﻭﺯﻩ
ﺑﺲ ﻣﺎ ﺍﻣﺠﺪ ﻭﻻ ﻋﺎﻭﺯﻩ ﺍﺗﺰﻭﺝ ﺍﺳﻲ ﻣﺶ ﻗﻠﺘﻲ ﻋﺎﻭﺯﺍﻧﻲ ﺍﻗﺮﺍ ﻭﺍﺑﻘﻰ
ﻧﺎﺟﺤﻪ ﻓﻲ ﺣﻴﺎﺗﻲ ؟؟ ﻟﻠﺰﻣﻦ ﺩﺍﻙ ﺑﻜﻮﻥ ﻗﺼﻲ ﻛﺒﺮ ﻭﻣﺎ ﺣﺎﺍﺧﺎﻑ
ﻋﻠﻴﻪ : ﺍﻟﻠﻪ ﻳﻜﻤﻠﻚ ﺑﻌﻘﻠﻚ ﻳﺎ ﺑﻨﺘﻲ ﺧﻼﺹ ﺍﺑﻮﻙ ﺩﺍ ﺧﻠﻴﻪ ﻋﻠﻲ ﺑﻘﻨﻌﻮ
ﻟﻚ ﺑﺲ ﻧﻤﺸﻲ ﻷﺳﻤﺎﺀ ﺗﻌﻤﻞ ﻟﻚ ﺍﻟﻼﺯﻡ ﻻﻧﻮ ﻣﺎ ﻣﻌﺮﻭﻑ ﺍﻟﺰﻣﻦ ﻟﻮ
ﻻﻗﺪﺭ ﺍﻟﻠﻪ ﺣﺼﻠﺖ ﻟﻬﺎ ﺣﺎﺟﻪ ﻣﺎ ﺣﺎﻧﻠﻘﻰ ﺩﺍﻳﻪ ﺯﻳﻬﺎ ﺍﻣﻴﻨﻪ ﻧﺪﻳﻬﺎ
ﺍﺳﺮﺍﺭﻧﺎ ﻫﺰﻳﺖ ﻟﻬﺎ ﺭﺍﺳﻲ ﻗﺼﻲ ﻧﺎﻡ ﺑﺴﺮﻋﻪ ﻭﺭﻗﺪﺗﻮ ﻭﺍﻧﺎ ﺭﻗﺪﺕ ﺟﻤﺒﻮ
ﺍﻣﻲ ﺻﺤﺘﻨﻲ ﻣﻦ ﺍﺫﺍﻥ ﺍﻟﺼﺒﺢ ﻋﺸﺎﻥ ﺍﺑﻮﻱ ﻣﺎ ﻳﺠﻲ ﻳﺸﻮﻓﻨﺎ
ﺍﻣﻲ ﻗﺪﺭﺕ ﺗﻘﻨﻊ ﺍﺑﻮﻱ ﺍﻧﻮ ﻳﺨﻠﻴﻨﻲ ﺍﻛﻤﻞ ﺩﺭﺍﺳﺘﻲ ﺣﺘﻰ ﺍﺗﺰﻭﺝ ﻭﻫﻮ
ﻣﺎ ﺭﺟﻊ ﺳﺄﻟﻨﻲ ﺗﺎﻧﻲ ﺑﺲ ﺍﻣﺠﺪ ﻣﺼﺮ ﻳﺘﺼﻞ ﻭﺍﺧﺮ ﺣﺎﺟﻪ ﺭﺳﻞ ﻟﻲ
ﺭﺳﺎﻟﻪ ﻣﻜﺘﻮﺑﻪ ﻣﻊ ﻭﺟﻦ ﺍﺧﺘﻲ ﻭﻗﺎﻝ ﻋﺎﻭﺯ ﻳﺸﻮﻓﻨﻲ ﺿﺮﻭﺭﻱ ﻷﺧﺮ
ﻣﺮﺓ ﻛﻠﻤﺖ ﺍﻣﻲ ﻗﺎﻟﺖ ﻟﻲ ﻣﺎ ﻣﺸﻜﻠﻪ ﺷﻮﻓﻴﻪ ﻓﻜﻴﺖ ﺍﻟﺤﻈﺮ ﻣﻦ ﺭﻗﻤﻮ
ﻭ ﺍﺗﺼﻠﺖ ﺑﻪ ﺍﺗﻼﻗﻴﻨﺎ ﻓﻲ ﻣﻄﻌﻢ ﻭﻃﻠﺐ ﻟﻲ ﻋﺼﻴﺮ
ﺍﻣﺠﺪ ﻣﻤﻜﻦ ﻧﺨﺘﺼﺮ ﻻﻧﻮ ﻋﻨﺪﻱ ﺍﺭﺗﺒﺎﻃﺎﺕ ﺗﺎﻧﻴﻪ
ﻃﻴﺐ ﻳﺎ ﺳﻤﺮ ﺍﻧﺎ ﺑﺎﻟﺠﺪ ﺣﺒﻴﺘﻚ ﻭﺍﺗﻤﻨﻴﺘﻚ ﺗﻜﻤﻠﻲ ﻣﻌﺎﻱ ﻭﻟﺤﺪﻱ ﺍﺳﻲ
ﻣﺘﺄﻣﻞ ﺍﺻﻠﻮ ﻣﺎ ﺍﺗﻮﻗﻌﺖ ﺗﺮﻓﻀﻴﻨﻲ ﻭﺍﺳﺒﺎﺑﻚ ﺩﻱ ﻣﺎ ﻣﻘﻨﻌﻪ ﻣﻤﻜﻦ
ﺗﻮﺭﻳﻨﻲ ﺍﻟﺤﺎﺻﻞ ﺷﻨﻮ ؟؟ : ﺍﻇﻦ ﺍﺑﻮﻱ ﻛﻠﻤﻚ ﺍﻧﻲ ﻋﺎﻭﺯﻩ ﺍﺩﺭﺱ
ﻭﺍﺷﺘﻐﻞ : ﺩﺍ ﻣﺎ ﺳﺒﺐ ﻋﺎﻭﺯﻩ ﺍﻗﻮﻡ ﻗﺎﻝ ﻟﻲ ﺍﻧﺘﻈﺮﻱ ﺷﻜﻠﻮ ﻓﻲ ﺣﺐ
ﻓﻲ ﺣﻴﺎﺗﻚ ﻋﺎﻭﺯﻩ ﺍﺗﻜﻠﻢ ﻗﺎﻝ ﻟﻲ ﻣﺎ ﺗﻘﺎﻃﻌﻴﻨﻲ ﻟﻮ ﻓﻲ ﺣﺐ ﻓﻲ
ﺣﻴﺎﺗﻚ ﺍﻧﺎ ﺑﺘﻤﻨﻰ ﺭﺑﻨﺎ ﻳﺠﻤﻌﻚ ﺑﻪ ﺑﺲ ﻟﻮ ﺍﺗﺨﻠﻰ ﻋﻨﻚ ﺍﻭ ﻛﻨﺘﻲ ﻓﻌﻼ
ﺭﺍﻓﻀﺎﻧﻲ ﻋﺸﺎﻥ ﻣﺎ ﺗﻨﺸﻐﻠﻲ ﻋﻦ ﺩﺭﺍﺳﺘﻚ ﻓﺎﻧﺎ ﻣﻨﺘﻈﺮﻙ ﻭﻗﺎﺍﺍﺍﺍﺍﺍﻋﺪ
ﻣﺎ ﺣﺎﺍﺗﻌﺮﺽ ﻟﻚ ﺑﺲ ﻣﺘﻰ ﻣﺎ ﻗﺮﺭﺗﻲ ﺗﺤﻨﻲ ﻋﻠﻲ ﺍﻧﺎ ﺟﺎﻫﺰ ﻗﻠﺖ ﻟﻪ
ﺑﺘﻀﻴﻊ ﻭﻗﺘﻚ ﻋﻦ ﺍﺫﻧﻚ ﻭﻗﻤﺖ ﻣﺸﻴﺖ ﺭﺟﻌﺖ ﺍﻟﺒﻴﺖ ﻛﻠﻤﺖ ﺍﻣﻲ
ﻗﺎﻟﺖ ﻟﻲ ﺧﻼﺹ ﺍﻣﺸﻲ ﺍﺳﺘﺤﻤﻲ ﻭﺍﺧﺪﻱ ﻟﻚ ﻧﻮﻣﻪ ﻋﺸﺎﻥ ﺍﻟﻌﺼﺮﻳﻪ
ﻧﻤﺸﻲ ﻷﺳﻤﺎﺀ : ﺍﻣﻲ ﺿﺮﻭﺭﻱ ﺍﻟﻠﻴﻠﻪ ؟؟؟ : ﺍﻱ ﺍﺳﻤﺎﺀ ﻣﺎﺷﻪ ﺍﻟﻌﻤﺮﻩ
ﻭﺍﻧﺘﻲ ﻋﺎﺭﻓﺎﻫﺎ ﺍﺣﺘﻤﺎﻝ ﺍﻻﺳﺒﻮﻉ ﺍﻟﺠﺎﻱ ﺗﺘﺤﺮﻙ : ﻃﻴﺐ ﺧﻠﻴﻬﺎ ﺑﻌﺪ
ﺗﺠﻲ : ﻳﺎﺑﻨﺖ ﻫﻮﻱ ﺍﻟﺘﺄﺟﻴﻞ ﺍﻟﻜﺘﻴﺮ ﻣﺎ ﺑﻐﻴﺮ ﺷﻲ ﻭﻛﺎﻥ ﺣﻀﺮﺕ
ﺳﻴﺎﺩﺗﺎ ﺣﺴﺖ ﺑﺘﺄﻧﻴﺐ ﺍﻟﻀﻤﻴﺮ ﻭﺭﻓﻀﺖ ﻧﻌﻤﻞ ﺷﻨﻮ ﻧﺤﻦ ؟؟ ﺧﻠﻲ
ﺍﻟﻮﻟﺪ ﺩﺍ ﻣﻊ ﻭﺟﻦ ﻭﺭﺍﻣﻲ ﻭﺍﻣﺸﻲ ﻳﻼ
ﻓﻌﻼ ﺍﺳﺘﺤﻤﻴﺖ ﺑﺲ ﻣﺎ ﻧﻤﺖ ﻭﺑﻌﺪ ﺍﻟﻌﺼﺮ ﺍﺫﻥ ﻣﺸﻴﻨﺎ ﺩﺧﻠﻨﺎ ﻧﻔﺲ
ﺍﻟﻐﺮﻓﻪ ﻭﻃﻠﻌﺖ ﻧﻔﺲ ﺍﻟﺴﺮﻳﺮ ﺣﺴﻴﺖ ﺑﺄﻟﻢ ﻓﻈﻴﻊ ﻭﺭﻏﻢ ﺍﻧﻲ ﺟﺮﺑﺖ
ﺍﻻﻗﻮﻯ ﻣﻨﻮ ﺑﺲ ﺍﻻﻟﻢ ﺩﺍ ﺍﻟﻢ ﻣﺴﻜﺖ ﻓﻲ ﺗﻮﺏ ﺍﻣﻲ ﻭﻋﻀﻴﺖ
ﺍﻟﻤﺨﺪﻩ : ﺍﺻﺒﺮﻱ ﻳﺎ ﺑﻨﺘﻲ ﻫﺎﻧﺖ ﺧﻼﺹ : ﺍﻣﻲ ﺍﻟﺒﻨﺞ ﺩﺍ ﺷﻜﻠﻮ ﻣﺎ
ﻣﺸﻰ ﻓﻴﻨﻲ
ﻳﺘﺒﻊ
ﺑﻘﻠﻤﻲ : ﻣﺸﺎﻋﺮ ﻣﺒﻌﺜﺮﻩ
أنت تقرأ
حبل الصبر
Mystery / Thrillerخطيئة كبيرة في سن مبكر لشابه تكلفها عمرها ثمنا مشاكل مجتمعيه كبيره ومعقده وعنف جسدي ونفسي تتعرض له تلك الشابه بسبب خطيئتها
