حﺒﻞ_ﺍﻟﺼﺒﺮ
بقلمي:مشاعر_مبعثره
ﺍﻟﺤﻠﻘﻪ ( ١٣ ) ﻭﺍﻷﺧﻴﺮﻩ
ﺑﻌﺪﺍﻙ ﺍﻧﺎ ﻗﻌﺪﺕ ﺍﺑﻜﻲ ﻣﺎ ﻋﺸﺎﻥ ﺍﻷﻟﻢ ﺍﻟﺤﺎﺳﻪ ﺑﻪ ﺑﺲ ﺍﺗﺬﻛﺮﺕ ﺍﻟﻐﻠﻂ
ﺍﻟﻌﻤﻠﻨﺎﻩ ﺯﻣﺎﻥ ﻭﺍﻟﺤﺎﺟﺎﺕ ﺍﻻﺗﺮﺗﺒﺖ ﻋﻠﻴﻪ ﻫﻮ ﻛﺎﻥ ﺣﺎﺿﻨﻲ ﻣﻦ ﻭﺭﺍ
ﻭﺑﻬﺪﻱ ﻓﻴﻨﺎ
ﺧﻼﺹ ﺣﺒﻴﺒﻲ ﺍﺳﻒ ﺍﻧﺎ ﻣﺎ ﻛﻨﺖ ﻋﺎﺭﻑ ﺍﻧﻮ ...... ﻣﺎ ﻗﺪﺭ ﻳﻜﻤﻞ ﻭﺍﻧﺎ
ﺑﺒﻜﻲ ﻟﻠﺼﺒﺎﺡ ﻗﺼﻲ ﺍﻇﻨﻮ ﺻﺤﻰ ﻭﺧﺎﻑ ﻷﻧﻮ ﻟﻘﻰ ﺭﻭﺣﻮ ﻧﺎﻳﻢ ﺑﺮﺍﻩ
ﻭﺍﻟﺒﺎﺏ ﺍﺻﻼ ﻣﺎ ﻣﻘﻔﻮﻝ ﺟﺎﺀ ﺩﺍﺧﻞ ﻟﻤﻦ ﺷﻔﻨﺎﻩ ﺍﺗﺨﻠﻌﻨﺎ ﺍﻧﺎ ﻃﻮﺍﻟﻲ
ﺩﺧﻠﺖ ﺟﻮﺍ ﺍﻟﻤﻔﺮﺵ ﻣﺎﺯﻥ ﻗﺎﻝ ﻟﻪ ﺻﺤﻴﺖ ﺣﺒﻴﺒﻲ؟؟ ﻋﺎﻭﺯ ﺗﺸﺮﺏ
ﺍﻟﺸﺎﻱ؟؟ : ﻋﺎﻭﺯ ﻣﺎﻣﺎ : ﻣﺎﻣﺎ ﻧﺎﻳﻤﻪ ﺧﻠﻴﻬﺎ ﺳﺎﻗﻮ ﻃﻠﻊ ﺑﻪ ﺑﺮﺍ ﻭﺍﻧﺎ ﻣﺎ
ﻣﺼﺪﻗﻪ ﺍﻟﺤﺼﻞ ﻣﻌﺎﻧﺎ ﺩﺍ ﻻﻧﻮ ﺍﺻﻼ ﻣﺎ ﻛﻨﺖ ﻣﺨﻄﻄﻪ ﻟﻪ ﻭﺍﺻﻠﺖ
ﺑﻜﺎﺀ ﻭﻣﺎ ﻗﻤﺖ ﻣﻦ ﺍﻟﺴﺮﻳﺮ ﻭﺍﺻﻼ ﻣﺎ ﻗﺎﺩﺭﻩ ﺑﺴﺒﺐ ﺍﻟﻌﻤﻠﻮﻩ ﻓﻴﻨﻲ
ﺍﻣﻲ ﻭﺧﺎﻟﺘﻮ ﺍﺳﻤﺎﺀ ﺑﻌﺪ ﺍﻛﺘﺮ ﻣﻦ ٣ ﺳﺎﻋﺎﺕ ﻣﺎﺯﻥ ﺟﺎﺀ ﺑﺪﻭﻥ ﻣﺎ
ﻳﺘﻜﻠﻢ ﺷﺎﻟﻨﻲ ﻭﺩﺍﻧﻲ ﺍﻟﺤﻤﺎﻡ ﺣﻤﻤﻨﻲ ﺯﻱ ﻣﺎ ﺑﺤﻤﻢ ﻗﺼﻲ ﻭﻟﻤﻦ ﻳﺠﻲ
ﺍﻟﺼﺎﺑﻮﻥ ﺟﻨﺐ ﻋﻴﻨﻲ ﺑﻘﻮﻝ ﻟﻲ ﻏﻤﻀﻲ ﻏﺴﻞ ﻟﻲ ﺷﻌﺮﻱ ﻭﻧﺸﻔﻮ
ﻭﻋﻤﻞ ﻟﻲ ﺷﻌﺮﺗﻴﻦ ﻭﻃﻠﻊ ﻟﻲ ﺟﻠﺒﺎﺏ ﻟﺒﺴﻨﻲ ﻟﻪ ﻭﺍﻧﺎ ﻣﺎ ﻋﺎﺭﻓﻪ ﻧﻔﺴﻲ
ﺳﺎﻛﺘﻪ ﻟﻪ ﻟﻴﻪ؟؟ ﻏﻴﺮ ﺍﻟﻤﻔﺮﺵ ﻭﺟﺎﺏ ﻟﻲ ﻓﻄﻮﺭ ﺩﺍ ﻛﻠﻮ ﻭﺍﻧﺎ ﻟﺴﻪ
ﺑﺒﻜﻲ
ﻋﺸﺎﻥ ﺧﺎﻃﺮﻱ ﺍﻛﻠﻲ ﺑﺴﻴﻂ ﺑﺲ ﺍﻧﺎ ﺍﺳﻒ ﻭﺍﻟﻠﻪ ﻣﺎ ﻛﺎﻥ ﻗﺼﺪﻱ ﺍﻋﻤﻞ
ﻓﻴﻚ ﻛﺪﺍ ﻳﻼ ﺍﻛﻠﻲ ﻃﻴﺐ ﻋﺸﺎﻥ ﻗﺼﻲ ﻟﻮ ﻣﺎ ﻋﻨﺪﻱ ﺧﺎﻃﺮ ﻋﻨﺪﻙ
ﺍﻛﻠﻨﻲ ﺷﻮﻳﻪ ﺑﻴﺪﻭ ﻗﻠﺖ ﻟﻪ ﻗﺼﻲ ﻭﻳﻦ : ﻭﺩﻳﺘﻮ ﻟﺨﺎﻟﺘﻲ ﻛﻮﺛﺮ ﻋﺸﺎﻥ
ﻣﺎ ﻳﺘﻌﺒﻚ ﻟﻔﻴﺖ ﻭﺷﻲ ﻣﻨﻮ ﻭﺭﺟﻌﺖ ﺍﺑﻜﻲ
ﺳﻤﺮ ﻛﻔﺎﻳﻪ ﺣﺒﻴﺒﻲ ﻣﺎ ﺗﺒﻜﻲ : ﻧﺤﻦ ﻏﻠﻄﻨﺎ ﺗﺎﻧﻲ ﻳﺎ ﻣﺎﺯﻥ : ﺍﻧﺎ
ﺍﻟﻐﻠﻄﺖ ﻣﺎ ﺍﻧﺘﻲ ﺑﺲ ﺍﻟﻤﺮﻩ ﺩﻱ ﺑﺎﻟﺤﻼﻝ ﻭﻣﺎﻓﻲ ﺯﻭﻝ ﻣﻦ ﺣﻘﻮ
ﻳﺤﺎﺳﺒﻨﺎ : ﺍﻧﺖ ﺍﺫﻳﺘﻨﻲ ﻳﺎ ﻣﺎﺯﻥ ﺍﻛﺘﺮ ﻣﻤﺎ ﺑﺘﺘﺼﻮﺭ ﻛﺮﻫﺘﻨﻲ ﻓﻲ
ﻧﻔﺴﻲ ﻭﻓﻲ ﻛﻞ ﺍﻟﺮﺟﺎﻝ : ﺣﺘﻰ ﺍﻧﺎ ؟؟ ﺍﻧﺘﻲ ﻛﺮﻫﺘﻴﻨﻲ ﺑﺎﻟﺠﺪ ؟؟ ﺑﺲ
ﺍﻧﺎ ﺣﺴﻴﺘﻚ ﺳﻤﺮ ﺍﻟﻘﺪﻳﻤﻪ ﺍﻟﺤﺒﺘﻨﻲ ﺑﺎﻟﺠﺪ ﻣﺎﺍﻟﺒﺘﻘﺮﻑ ﻣﻨﻲ : ﻭﺣﺎﺗﻔﺮﻕ
ﺑﺸﻨﻮ : ﺑﺘﻔﺮﻕ ﻛﺘﻴﺮ ﺍﻧﺘﻲ ﺭﺟﻌﺘﻲ ﺳﻤﺮ ﺣﺒﻴﺒﺘﻲ : ﺣﺒﻴﺒﺘﻚ ؟؟؟
ﻭﺿﺤﻜﺖ ﺿﺤﻜﺔ ﺍﺳﺘﻬﺘﺎﺭ ﻗﺎﻝ ﻟﻲ ﻋﻨﺪﻙ ﺷﻚ ؟؟ ﺍﻧﺎ ﻟﻮ ﻣﺎﺑﺤﺒﻚ ﻣﺎ
ﻛﺎﻥ ﺍﺗﺤﻤﻠﺖ ﺍﻟﺤﺼﻞ ﻣﻌﺎﻱ ﺩﺍ ﻛﻠﻮ ﺍﺻﻼ ﻟﻮ ﻣﺎ ﺑﺤﺒﻚ ﻣﺎ ﻛﺎﻥ ﻏﻠﻄﺖ
ﻣﻌﺎﻙ ﻭﻻ ﺣﺎﻭﻟﺖ ﺍﺑﻘﻰ ﺑﻨﻲ ﺍﺩﻡ ﻋﺸﺎﻧﻚ ﺧﺖ ﻳﺪﻭ ﻓﻲ ﺧﺪﻱ ﻭﻫﻮ
ﺑﻌﺎﻳﻦ ﻟﻲ ﻗﺎﻝ ﻟﻲ ﺑﺤﺒﻚ ﺑﺎﻟﺠﺪ ﻻ ﺍﻧﺎ ﺍﺻﻼ ﻣﺠﻨﻮﻧﻚ ﻻﻗﺎﻙ ﺯﻭﻝ
ﻋﺎﻗﻞ ﺑﻌﻤﻞ ﻛﺪﺍ ﺍﻧﺎ ﻟﻤﻦ ﻗﻨﻌﺖ ﻣﻦ ﻧﻔﺴﻲ ﻭﺍﺳﺘﺴﻠﻤﺖ ﻟﻠﻤﻮﺕ ﻧﺴﻴﺖ
ﺍﻟﺸﻬﺎﺩﻩ ﻭﻗﻠﺖ ﺳﻤﺮ ﻣﻊ ﺍﻧﻲ ﻛﻨﺖ ﺑﺴﺘﺸﻬﺪ ﻣﻊ ﺍﻟﻨﻔﺲ ﺍﻟﻄﺎﻟﻊ
ﻭﺍﻟﻨﺎﺯﻝ ﻻﻧﻮ ﺣﺒﻲ ﻟﻚ ﻳﺎ ﺳﻤﺮ ﻫﻮ ﺍﻟﺸﻲ ﺍﻟﻌﺎﻳﺶ ﺑﻪ ﻭﻋﺸﺎﻧﻮ ﻃﻮﺍﻟﻲ
ﺍﺗﺬﻛﺮﺕ ﺍﻟﻠﺤﻈﺎﺕ ﺍﻟﺼﻌﺒﻪ ﻓﻲ ﻭﻻﺩﺗﻲ ﻭﻟﻤﻦ ﺍﺣﺘﻘﺮﺕ ﻧﻔﺴﻲ ﻋﺸﺎﻥ
ﻛﻨﺖ ﺑﻔﻜﺮ ﻓﻴﻪ ﻭﺍﻧﺎ ﻗﺮﻳﺒﻪ ﻟﻠﻤﻮﺕ ﻗﻠﺖ ﻟﻪ ﻃﻴﺐ ﻟﻴﻪ ﻗﻠﺖ ﻋﻨﻲ
ﻏﻠﻄﺔ ﻋﺎﻭﺯ ﺗﺼﻠﺤﺎ : ﻻﻧﻲ ﺍﻫﺒﻞ ﻭﺍﻧﺘﻲ ﻋﺎﺭﻓﺎﻧﻲ ﻣﻦ ﺯﻣﺎﻥ ﻣﺎ ﺑﻌﺮﻑ
ﺍﻋﺒﺮ ﻭﺑﻌﺪﻳﻦ ﺍﻧﺘﻲ ﻛﻨﺘﻲ ﻛﺎﺭﻫﺎﻧﻲ ﺷﺪﻳﺪ ﻭﺍﻟﻠﻪ ﺧﻔﺖ ﻣﺎ ﺗﻮﺍﻓﻘﻲ
ﻋﻠﻰ ﺍﻟﻌﺮﺱ ﺩﺍ ﺍﻧﺎ ﻛﻨﺖ ﺣﺎﺍﺟﻦ ﺑﺴﺒﺒﻚ ﻭﺍﻟﻠﻪ ﺍﻟﺤﻠﻪ ﻛﻠﻬﺎ ﻛﺎﻧﺖ
ﺑﺘﻨﺎﺩﻳﻨﻲ ﺑﺎﻟﻤﺠﻨﻮﻥ ﻣﺠﻨﻮﻥ ﺳﻤﺮ ﺍﺑﺘﺴﻤﺖ ﻗﺎﻝ ﻟﻲ ﺣﺒﻴﺒﻲ ﺳﻜﺘﺖ :
ﺣﺒﻴﺒﻲ ﻃﻮﺍﻟﻲ ﺣﻀﻨﺘﻮ ﻭﻗﻠﺖ ﻟﻪ ﻗﺪﺭ ﻣﺎ ﺣﺒﻴﺒﺘﻨﻲ ﻳﺎ ﻣﺎﺯﻥ ﻣﺎ
ﺑﺘﻠﺤﻖ ﺣﺒﻲ ﻟﻚ ﺍﻧﺎ ﻣﺪﻣﻨﺎﻙ ﻳﻼ ﻓﻲ ﺩﻱ ﺳﻜﺘﺘﻮ : ﻣﺘﺄﻛﺪ ﺍﻧﻮ ﺍﻟﻮﻟﺪ
ﺩﺍ ﻣﺎﻓﻲ ﻓﻲ ﺍﻟﺒﻴﺖ : ﻭﺩﻱ ﻓﻴﻬﺎ ﻫﻈﺎﺭ ﺍﻧﺎ ﻣﺸﺎﻛﻠﻲ ﻛﻠﻬﺎ ﺑﺴﺒﺐ ﺍﺑﻮﻱ
ﻭﻋﻤﺎﻳﻠﻮ ﺍﺟﻲ ﺍﻧﺎ ﺍﻛﺮﺭﻫﺎ ﻣﻊ ﻭﻟﺪﻱ ﻭﺍﻟﻠﻪ ﻟﻮ ﻣﺎ ﻛﻤﻠﻨﺎ ﻋﺴﻠﻨﺎ ﻣﺎ
ﺃﺟﻴﺒﻮ : ﻣﺎﺯﻥ ﺍﺣﺘﺮﻡ ﻧﻔﺴﻚ : ﻟﻲ ﻛﻢ ﺳﻨﻪ ﻣﺤﺘﺮﻡ ﻛﻔﺎﻳﻪ ﺧﻼﺹ
ﻻﺯﻡ ﺍﻋﻮﺽ ﻃﻮﺍﻟﻲ ﺑﺎﺳﻨﻲ ﻳﻼ ﺑﻌﺪ ﺍﺳﺒﻮﻉ ﻛﻨﺎ ﻗﺎﻋﺪﻳﻦ ﻓﻲ ﺍﻟﻜﻨﺒﻪ
ﺑﻨﺤﻀﺮ ﻭﺍﻧﺎ ﺭﺍﻗﺪﻩ ﻓﻲ ﺣﻀﻨﻮ ﻛﺎﻟﻌﺎﺩﻩ ﺍﻟﺒﺎﺏ ﺩﻗﺎ ﻃﻮﺍﻟﻲ ﺍﻧﺎ ﺩﺧﻠﺖ
ﺟﻮﺍ ﺍﻟﺒﺲ ﻟﻲ ﺗﻮﺏ ﺳﺎﻣﻌﻊ ﺻﻮﺕ ﺍﻣﻲ ﺑﺘﺴﻠﻢ ﻭﻗﺼﻲ ﺑﺼﺮﺥ
ﺑﺎﺍﺍﺍﺑﺎﺍﺍﺍﺍﺍ ﺟﻴﺖ ﻃﺎﻟﻌﻪ ﺳﻠﻤﺖ ﻋﻠﻴﻬﻢ ﻭﻫﻲ ﺗﻌﺎﻳﻦ ﻟﻲ ﺳﺎﺍﺍﺍﺍﻱ ﻃﺒﻌﺎ
ﺭﻳﺤﺘﻲ ﻃﺎﻗﻪ ﻭﺍﻟﺪﺧﺎﻥ ﻳﺨﺠﻞ ﻣﺸﻴﺖ ﻋﻤﻠﺖ ﻟﻬﻢ ﻋﺼﻴﺮ ﻭﻗﻌﺪﺕ
ﻣﻌﺎﻫﻢ
ﺍﺧﻴﺮﺍ ﻳﺎ ﻣﺎﻣﺎ ﺣﻨﻴﺘﻲ ﻋﻠﻲ ﻭﺟﺒﺘﻲ ﻟﻲ ﻭﻟﺪﻱ : ﻭﺍﻟﻠﻪ ﺗﻘﻮﻟﻲ ﺷﻨﻮ ﻣﺎ
ﻗﻌﺪ ﺑﺲ ﺷﺎﺑﻜﻨﺎ ﻣﺎﻣﺎ ﻣﺎﻣﺎ ﻗﻠﺖ ﻋﻠﻰ ﺷﻨﻮ ﻃﻮﺍﻟﻲ ﺣﻀﻨﺘﻮ ﺣﺒﻴﺒﻲ
ﺍﻣﻲ ﻗﺎﻟﺖ ﻟﻲ ﻣﺎﻟﻚ ﻗﺎﻋﺪﻩ ﺑﺎﻟﺘﻮﺏ ﻓﻲ ﺍﻟﺴﺨﺎﻧﻪ ﺩﻱ ﻭﻗﺼﻲ ﺍﻟﻤﺴﻠﻂ
ﺟﺮﺍﻩ ﻣﻨﻲ ﻗﻠﻌﻮ ﻭﺍﻟﺘﺤﺘﻮ ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻣﺎﺯﻥ ﻗﺎﻝ ﻣﺎﺷﻲ
ﺍﻟﺪﻛﺎﻥ ﺍﻧﺴﺤﺐ ﺍﻟﺤﻴﻮﺍﻥ ﻭﺍﻣﻲ ﺍﺳﺘﻠﻤﺘﻨﻲ
ﻗﻠﺘﻲ ﻟﻲ ﺍﻟﻌﺮﺱ ﺷﻤﺎﻋﻪ؟؟ ﻣﺎ ﻫﺪﺍ ﻣﺘﺤﻨﻨﻪ ﻭﻣﺪﺧﻨﻪ ﻭﻻﺑﺴﻪ : ﻣﺎﻣﺎ
ﺍﻧﺘﻲ ﻣﺎ ﺷﺎﻳﻔﻪ ﺍﻟﻮﻟﺪ ﺩﺍ ؟؟ : ﻫﻮ ﻓﻲ ﺗﻠﻔﺰﻳﻮﻧﻮ ﻣﺎ ﻓﺎﺻﻲ ﻟﻴﻨﺎ ﻟﻜﻦ
ﻋﺠﺒﻨﻲ ﻟﻚ ﺍﻟﺤﻤﺪﻟﻠﻪ ﻭﺍﻟﻠﻪ ﻳﺪﺍﺏ ﺍﻃﻤﻨﺖ ﻋﻠﻴﻚ : ﺍﻣﻲ ﻋﻠﻴﻚ ﺍﻟﻠﻪ
ﺍﺷﺮﺑﻲ ﺍﻟﻌﺼﻴﺮ : ﻋﺸﺎﻥ ﻛﺪﺍ ﻭﺯﻋﺘﻮ ﺍﻟﻮﻟﺪ ﻣﺎ ﻛﺎﻥ ﺗﻮﺭﻳﻨﻲ ﻋﺸﺎﻥ
ﺍﺧﻠﻴﻪ ﺍﺳﺒﻮﻉ ﺯﻳﺎﺩﻩ ﺍﺑﻴﺖ ﺍﺭﺩ ﻟﻬﺎ ﺑﻘﺖ ﺗﻌﺎﻳﻦ ﻟﻲ ﺑﻘﻌﺮ ﻋﻴﻨﺎ ﻭﺗﺘﺒﺴﻢ
ﻃﻮﺍﻟﻲ ﺿﺤﻜﺖ ﻭﻗﻠﺖ ﻟﻬﺎ ﻭﺍﻟﻠﻪ ﺍﻧﺘﻲ ﻏﺎﻳﺘﻮ ﻳﺎ ﺍﻣﻲ ﺟﺎﺕ ﺣﻀﻨﺘﻨﻲ
ﺯﻱ ﺯﻣﺎﻥ ﻭﺑﺎﺳﺘﻨﻲ ﻓﻲ ﺭﺍﺳﻲ ﻭﺧﺪﻱ ﺣﻠﻔﺘﺎ ﺗﻘﻌﺪ ﺗﺘﻐﺪﺍ ﺍﺑﺖ ﻣﺎﺯﻥ
ﻟﻤﻦ ﺟﺎ ﺣﻜﻴﺖ ﻟﻪ ﻣﺎﺕ ﺑﺎﻟﻀﺤﻚ
ﺍﻫﺎ ﺍﻟﻠﻴﻠﻪ ﻛﻴﻒ ﻣﻊ ﺍﻟﻮﻟﺪ ﺩﺍ ؟؟
ﻣﺎﺯﻥ
ﺧﻼﺹ ﺧﻼﺹ
ﺍﺗﺨﻴﻠﻮ ﺍﻣﻲ ﻋﻤﻠﺖ ﺷﻨﻮ ﺭﺳﻠﺖ ﻟﻲ ﺭﻳﺤﻪ ﻭﺩﻟﻜﻪ ﻭﻣﺎﺯﻥ ﺑﺲ ﺑﻀﺤﻚ
ﻃﺒﻌﺎ ﻧﻮﻣﻨﺎ ﻗﺼﻲ ﻓﻲ ﻧﺼﻨﺎ ﺍﻟﺼﺒﺎﺡ ﻓﻄﺮﻧﺎ ﻭﻓﺘﺤﺖ ﻟﻘﺼﻲ
ﺍﻟﺘﻠﻔﺰﻳﻮﻥ ﻭﺩﺧﻠﺖ ﺍﺳﺘﺤﻤﺎ ﺟﻴﺖ ﻣﺎﺭﻗﻪ ﻟﻘﻴﺖ ﻣﺎﺯﻥ ﻗﺪﺍﻣﻲ
ﺑﺴﻢ ﺍﻟﻠﻪ : ﻭﺍﻟﻠﻪ ﺍﻟﻮﻟﺪ ﺩﺍ ﻋﺒﻴﻂ ﻋﺒﺎﻃﻪ ﻭﻣﺴﻜﻨﻲ ﻣﻦ ﻧﺼﻲ ﻭﺑﻘﻰ
ﻳﻌﺎﻳﻦ ﻟﻲ ﻟﻤﻦ ﺧﺠﻠﺖ ﻧﺰﻟﺖ ﻋﻴﻮﻧﻲ ﻗﻌﺪ ﻳﻀﺤﻚ ﺍﻧﺘﻲ ﻟﺴﻪ ﺑﺘﺨﺠﻠﻲ
ﻣﻨﻲ ﺍﻧﺎ ﺭﺍﺟﻠﻚ ﻳﺎ ﺑﻨﺖ : ﺧﻼﺹ ﺯﺡ ﻳﺎﺥ ﺍﻟﻮﻟﺪ ﺩﺍ ﺑﺮﻩ : ﻣﺎ ﺗﺨﺎﻓﻲ
ﻗﻔﻠﺖ ﺍﻟﺒﺎﺏ
ﻳﻮﻡ ﻋﻴﺪ ﻣﻴﻼﺩ ﻗﺼﻲ ﻣﺎﺯﻥ ﻋﻤﻞ ﻟﻴﻨﺎ ﻣﻔﺎﺟﺎﺀﺓ ﺣﻠﻮﻩ
ﺣﺎﻧﻤﺸﻲ ﻋﻤﺮﻩ ﻧﺤﻦ ﺍﻟﺜﻼﺛﻪ ﻋﺸﺎﻥ ﺗﻜﻮﻥ ﺑﺪﺍﻳﻪ ﺟﺪﻳﺪﻩ ﻭﺻﺢ ﻟﻴﻨﺎ
ﻗﺮﺑﺖ ﺍﻏﻤﺮ ﻣﻦ ﺍﻟﻔﺮﺡ ﻭﻓﻌﻼ ﻣﺸﻴﻨﺎ ﺍﻟﻌﻤﺮﻩ ﻭﻣﻦ ﻫﻨﺎﻙ ﻟﻘﻄﺮ ﻓﺴﺤﻨﺎ
ﻗﺼﻲ ﻭﺭﺟﻌﻨﺎ ﺑﻌﺪﺍﻙ ﺍﻟﺠﺎﻣﻌﻪ ﻓﺘﺤﺖ ﻧﺰﻟﺖ ﺧﻠﺼﺖ ﺍﻟﺴﻤﺴﺘﺮ ﻭﻣﺎﺯﻥ
ﻗﺮﺭ ﻳﻤﺘﺤﻦ ﺍﻟﺸﻬﺎﺩﻩ ﻋﺸﺎﻥ ﻳﻘﺮﺍﺀ ﺟﺎﻣﻌﻪ ﻣﺎ ﻛﺎﻥ ﻣﺘﺤﻤﺲ ﺑﺲ
ﺷﺠﻌﺘﻮ ﻻﻧﻮ ﺩﺍ ﺣﻠﻤﻮ ﻣﻦ ﺯﻣﺎﻥ ﻧﺰﻝ ﺍﻟﻤﺪﺭﺳﻪ ﻭﻛﺎﻥ ﺑﺤﻀﺮ ﺍﻟﺤﺼﺺ
ﺍﻟﻤﻬﻤﻪ ﺑﺲ ﻭﻓﻲ ﺍﻟﺒﻴﺖ ﻣﺬﺍﻛﺮﻩ ﻃﺒﻌﺎ ﺍﻟﻤﻌﺮﺽ ﻣﺎ ﻓﻴﻪ ﻣﺸﻜﻠﻪ ﺍﻧﺎ
ﻛﻨﺖ ﺣﺮﻳﺼﻪ ﻋﻠﻰ ﺭﺍﺣﺘﻮ ﻭﻣﺬﺍﻛﺮﺗﻮ ﺷﺪﻳﺪ ﻭﺑﺠﺒﺮﻭ ﻳﺴﺎﻫﺮ ﻓﻲ
ﺍﻟﻘﺮﺍﻳﻪ ﺯﻱ ﻣﺎ ﺍﻣﻲ ﻛﺎﻧﺖ ﺑﺘﻌﻤﻞ ﻣﻌﺎﻱ ﻟﺤﺪﻱ ﻣﺎ ﺍﻻﻣﺘﺤﺎﻧﺎﺕ ﻗﺮﺑﺖ
ﻓﻲ ﻳﻮﻡ ﺣﺴﻴﺖ ﺑﻨﻔﺴﻲ ﻣﺎ ﻃﺒﻴﻌﻴﻪ ﻣﺸﻴﺖ ﻓﺤﺼﺖ ﻟﻘﻴﺘﻮ ﺣﻤﻞ
ﻭﺭﻳﺖ ﺍﻣﻲ ﻭﻛﺎﻧﺖ ﺣﺎﺗﻄﻴﺮ ﻣﻦ ﺍﻟﻔﺮﺡ ﺑﺲ ﻗﻠﺖ ﻟﻬﺎ ﻣﺎ ﺗﻜﻠﻢ ﻣﺎﺯﻥ
ﻋﺸﺎﻥ ﻣﺎ ﺣﺎﻳﺮﻛﺰ ﻋﻠﻰ ﻗﺮﺍﻳﺘﻮ ﻭﻳﻨﺸﻐﻞ ﺑﻲ ﻭﺍﺻﻼ ﻣﺎ ﺑﺨﻠﻴﻨﻲ ﺍﻫﺘﻢ
ﺑﻪ ﺑﺼﺮﺍﺣﻪ ﺗﻌﺒﺖ ﺷﺪﻳﺪ ﺍﻟﻔﺘﺮﻩ ﺩﻱ ﺍﻟﺠﺎﻣﻌﻪ ﻣﻦ ﺟﻬﺔ ﻭﻗﺼﻲ ﻭ .
ﻣﺎﺯﻥ ﻣﻦ ﺟﻬﺔ ﺗﺎﻧﻴﻪ ﻭﺍﻟﺤﻤﻞ ﻣﺎﺯﻥ ﻛﺎﻥ ﻣﻼﺣﻆ ﻟﻲ ﺑﺲ ﺍﻧﺎ ﺑﻘﻮﻝ ﻟﻪ
ﻛﻮﻳﺴﻪ ﻟﺤﺪﻱ ﻣﺎ ﺍﻻﻣﺘﺤﺎﻧﺎﺕ ﺑﺪﺕ ﺍﻣﺘﺤﻦ ﺍﻻﻭﻝ ﻭﺍﻟﺘﺎﻧﻲ ﻭﺍﻟﺜﺎﻟﺚ
ﻭﺍﻟﺮﺍﺑﻊ ﻣﺮﻩ ﻛﻨﺖ ﻣﺴﺎﻫﺮﻩ ﻣﻌﺎﻩ ﻗﺎﻝ ﻋﺎﻭﺯ ﺷﺎﻱ ﻋﻤﻠﺘﻮ ﻟﻪ ﻭﺍﻧﺎ ﻣﺎﺷﻪ
ﺣﺴﻴﺖ ﺑﺪﻭﺧﻪ ﺷﺪﻳﺪﻩ ﻟﻤﻦ ﻭﻗﻌﺖ ﻭﻫﻮ ﺟﺎﺀ ﻟﻘﺎﻧﻲ ﻭﺍﻗﻌﻪ ﻭﺩﺍﻧﻲ
ﺍﻟﻤﺴﺘﺸﻔﻰ ﻣﻦ ﻭﺻﻠﻨﺎ ﻗﻠﺖ ﻟﻪ ﺑﺮﺍﺣﻪ ﻛﺪﺍ ﺍﻧﺎ ﺣﺎﻣﻞ ﻳﺎ ﻣﺎﺯﻥ ﻋﺸﺎﻥ
ﺑﻌﺪﻳﻦ ﻣﺎ ﺗﻘﻮﻝ ﻟﻲ ﻣﺎ ﻛﻠﻤﺘﻴﻨﻲ ﻃﺒﻌﺎ ﺷﺎﻛﻠﻨﻲ ﺷﻜﻞ ﻭﺍﻟﺪﻛﺘﻮﺭ ﻣﺎ
ﻗﺼﺮ ﻣﻌﺎﻧﺎ ﺳﻜﺘﺖ ﺳﺎﺍﺍﻱ ﻟﻤﻦ ﺭﺟﻌﺖ ﺍﻟﺒﻴﺖ ﻏﻠﺒﻨﻲ ﺍﺭﺍﺿﻴﻪ ﻋﺪﻳﻞ
ﺣﺒﻴﺒﻲ ﺍﻧﺎ ﻣﺎ ﺯﻋﻼﻥ ﻋﺸﺎﻥ ﻣﺎ ﻛﻠﻤﺘﻴﻨﻲ ﺑﺲ ﺣﺮﺍﻡ ﺍﻟﺒﺘﻌﻤﻠﻴﻪ ﻓﻲ
ﻧﻔﺴﻚ ﻭﻓﻲ ﺍﻟﺒﻴﺒﻲ ﺩﺍ ﺍﻧﺘﻲ ﺍﻧﺴﺎﻥ ﻣﺎ ﺃﻟﺔ ﻟﻮ ﺍﺣﻬﻀﺘﻲ ﻻ ﺳﻤﺢ ﺍﻟﻠﻪ
ﺗﻌﻤﻠﻲ ﺷﻨﻮ؟؟ : ﻣﺎ ﺗﺨﺎﻑ ﻋﻠﻲ ﺑﻘﺼﻲ ﺩﺍ ﺍﺷﺘﻐﻠﺖ ﺍﻛﺘﺮ ﻣﻦ ﻛﺪﺍ ﻣﺎ
ﺟﺎﻩ ﺷﻲ : ﺳﻤﺮ ﻗﺼﻲ ﺩﺍ ﺭﺑﻨﺎ ﺧﻼﻩ ﻟﻴﻨﺎ ﻟﺤﻜﻤﻪ ﻭﺑﺮﺿﻮ ﻗﺮﺑﺘﻲ
ﺗﻤﻮﺗﻲ ﺑﺴﺒﺐ ﺍﻫﻤﺎﻟﻚ ﺩﺍﻙ ﻓﺸﻨﻮ ﺑﻄﻠﻲ ﻗﻮﺓ ﺭﺍﺳﻚ ﺩﻱ : ﺧﻼﺹ
ﺣﺒﻴﺒﻲ ﺍﻧﺎ ﺍﺳﻔﻪ ﺍﻧﺎ ﺣﺎﺍﻛﻠﻢ ﻣﺎﻣﺎ ﺗﺠﻲ ﺗﻘﻌﺪ ﻣﻌﺎﻧﺎ ﺍﻟﻔﺘﺮﻩ ﺩﻱ : ﻻ ﻣﺎ
ﺗﻜﻠﻤﻲ ﺍﻱ ﺯﻭﻝ ﺍﻧﺎ ﺍﻟﺒﻬﺘﻢ ﺑﻚ ﻭﻣﺎ ﺗﺨﺎﻓﻲ ﺑﻘﺮﺍﺀ : ﻣﺎ ﺣﺎﺗﻘﺪﺭ ﺍﺳﺄﻟﻨﻲ
ﺍﻧﺎ : ﺍﻧﺎ ﻣﺎﻟﻲ ﺣﺎﻣﻞ ﺯﻳﻚ ﺿﺮﺑﺘﻮ ﻓﻲ ﻛﺘﻔﻮ ﺍﻟﺤﻴﻮﺍﻥ : ﺍﻟﻒ ﻣﺒﺮﻭﻙ
ﺣﺒﻴﺒﻲ ﺍﺧﻴﺮﺍ ﺣﺎﺗﺠﻴﺒﻲ ﻟﻴﻨﺎ ﺑﻴﺒﻲ ﺗﺎﻧﻲ ﻭﺍﻧﺎ ﺣﺎﺍﻋﻴﺶ ﻣﻌﺎﻙ ﻛﻞ
ﺍﻟﺘﻔﺎﺻﻴﻞ ﻟﺤﺪﻱ ﻣﺎ ﺗﻘﻮﻣﻲ ﺑﺎﻟﺴﻼﻣﻪ : ﺍﻟﻠﻪ ﻳﺒﺎﺭﻙ ﻓﻴﻚ ﺑﺲ ﺧﺎﻳﻔﻪ
ﻓﻼﻥ ﺩﺍ ﻳﻐﻴﺮ : ﻫﻮ ﻓﻲ ﺯﻭﻝ ﺍﺗﺪﻟﻊ ﻗﺪﺭﻭ ﻓﻼﻥ ﺩﺍ ﻭﺑﻌﺪﻳﻦ ﺩﺍ ﺍﻟﺒﻜﺮ
ﻣﻜﺎﻧﺘﻮ ﻣﺎ ﺑﺘﺘﻬﺒﺶ ﻃﺒﻌﺎ ﻣﺎﺯﻥ ﺩﺍ ﺩﻟﻌﻨﻲ ﺩﻟﻊ ﻣﺎ ﻋﺎﺩﻱ ﻓﺘﺮﺓ ﺣﻤﻠﻲ
ﺩﻱ ﺷﻌﺮﻱ ﺩﺍ ﺑﺴﺮﺣﻮ ﻟﻲ ﻭﺍﻟﻤﺮﻩ ﺩﻱ ﻭﺣﻤﻲ ﻛﺎﻥ ﺍﻛﻌﺐ ﻣﻦ ﺍﻟﻤﺮﻩ
ﺍﻟﻔﺎﺗﺖ ﻛﻢ ﻣﺮﻩ ﺍﻣﻲ ﺑﺘﻘﻮﻝ ﻟﻲ ﺗﻌﺎﻟﻲ ﺍﻟﺒﻴﺖ ﺑﺲ ﻣﺎﺯﻥ ﺭﺍﻓﺾ ﻻﻧﻮ
ﻣﺎ ﻛﺎﻥ ﻣﻌﺎﻱ ﻟﻤﻦ ﻭﻟﺪﺕ ﻗﺼﻲ ﺑﻄﻨﻲ ﻟﻤﻦ ﻭﺟﻌﺘﻨﻲ ﻛﻨﺖ ﻳﺪﺍﺏ
ﺻﺎﺣﻴﻪ ﻣﻦ ﺍﻟﻨﻮﻡ ﻭﻣﺎﺯﻥ ﻣﻦ ﺍﻟﺨﻠﻌﻪ ﻭﻗﻊ ﻣﻦ ﺍﻟﺴﺮﻳﺮ ﻟﺒﺴﻨﻲ ﺍﻧﺎ
ﻭﻗﺼﻲ ﺳﺮﻋﻪ ﻭﺩﺍﻧﺎ ﺍﻟﻤﺴﺘﺸﻔﻰ ﺍﻣﻲ ﺩﻱ ﺍﻻ ﺧﺎﻟﺘﻮ ﻧﻌﻤﻪ ﻛﻠﻤﺘﺎ ﻣﺎﺯﻥ
ﺩﺧﻞ ﻣﻌﺎﻱ ﻭﻛﻞ ﻣﺎ ﺍﺻﺮﺥ ﻫﻮ ﻳﺒﻜﻲ ﻟﺤﺪﻱ ﻣﺎ ﻭﻟﺪﺕ ﻏﺰﻝ ﺷﺎﻻ ﺍﻭﻝ
ﻭﺍﺣﺪ ﻭﺍﺫﻥ ﻟﻬﺎ ﻭﺍﺑﻮﻱ ﺩﺍ ﺳﺠﺪ ﻓﻲ ﺍﻻﺭﺽ ﻳﻮﻡ ﺍﻟﺴﻤﺎﻳﻪ ﺟﻮ ﺍﻫﻠﻨﺎ
ﻛﻠﻬﻢ ﻭﺍﺭﻳﺞ ﻭﺩﻛﺘﻮﺭ ﺍﺣﻤﺪ ﻭﺍﻟﺠﻴﺮﺍﻥ ﻭﻗﺪﺍﻣﻬﻢ ﺍﺗﺮﺟﻴﺖ ﺍﺑﻮﻱ ﻳﺮﺟﻊ
ﺍﻣﻲ ﻭﺩﺍ ﺍﻟﺤﺼﻞ ﺍﺧﻴﺮﺍ ﺍﻟﻤﻌﺎﻧﺎﺓ ﺍﻟﻄﻮﻳﻠﻪ ﺍﻟﻌﺸﺘﻬﺎ ﻓﻲ ﺣﻴﺎﺗﻲ ﺍﻧﺘﻬﺖ
ﻭﻣﺎﺯﻥ ﻋﻮﺿﻨﻲ ﻋﻦ ﺍﻟﺴﻨﻴﻦ ﺍﻟﻌﺸﺘﻬﺎ ﻣﻦ ﻏﻴﺮﻭ ﻓﻲ ﺍﻟﻮﺍﻗﻊ ﺭﺑﻨﺎ
ﻋﻮﺿﻨﺎ ﻧﺤﻦ ﺍﻻﺛﻨﻴﻦ ﻻﻧﻨﺎ ﺍﺑﺘﻠﻴﻨﺎ ﻭﺍﺗﺨﺘﻴﻨﺎ ﻓﻲ ﺍﺧﺘﺒﺎﺭ ﺻﻌﺐ ﻣﺎ ﺍﻱ
ﺯﻭﻝ ﺑﻘﺪﺭ ﻳﺘﺠﺎﻭﺯﻭ ﺑﺲ ﻧﺤﻦ ﺑﺎﻟﺼﺒﺮ ﺍﻟﺤﻤﺪﻟﻠﻪ ﺍﺗﺠﺎﻭﺯﻧﺎﻩ
ﺩﻛﺘﻮﺭ ﺍﺣﻤﺪ ﺷﺎﻑ ﺧﺎﻟﺘﻮ ﺗﺴﺎﺑﻴﺢ ﻓﻲ ﺍﻟﺴﻤﺎﻳﻪ ﻋﺠﺒﺘﻮ ﻭﺧﻄﺒﺎ
ﻭﺍﻣﺠﺪ ﺻﺪﺍﻡ ﺍﺗﺰﻭﺝ ﺍﺭﻳﺞ ﺩﻱ ﻇﺒﻄﻮﻫﺎ ﺑﺮﺍﻫﻢ ﺍﻧﺎ ﻣﺎ ﺍﺗﻮﺳﻄﺖ ﻟﺰﻭﻝ
ﻓﻴﻬﻢ ﺍﻧﺎ ﺍﺗﺨﺮﺟﺖ ﻭﻋﻤﻠﺖ ﺍﻟﺨﺪﻣﻪ ﻓﻲ ﺍﻟﺠﺎﻣﻌﻪ ﻭﺑﻌﺪ ﺍﺭﺑﻌﻪ ﺳﻨﻮﺍﺕ
ﻣﺎﺯﻥ ﺍﺗﺨﺮﺝ ﻗﺮﺍ ﻫﻨﺪﺳﺔ ﻣﻴﻜﺎﻧﻴﻜﺎ ﺑﻌﺪﺍﻙ ﺍﺷﺘﺮﻯ ﻧﺼﻴﺐ ﺧﺎﻟﻮ ﻓﻲ
ﺍﻟﻤﻌﺮﺽ ﺍﻟﺸﻐﻞ ﻛﺒﺮ ﻭﻭﺿﻌﻨﺎ ﺍﻟﺤﻤﺪﻟﻠﻪ ﻛﻞ ﻳﻮﻡ ﺍﺣﺴﻦ ﻟﺤﺪﻱ ﺍﺳﻲ
ﺑﺴﺄﻝ ﻧﻔﺴﻲ ﺍﻧﺎ ﻓﻌﻼ ﻏﻠﻄﺖ ﻏﻠﻄﺔ ﻣﺎ ﺑﺘﻨﻐﻔﺮ ﺑﺲ ﻟﻮ ﻣﺎ ﻛﺎﻥ ﻣﺎﺯﻥ
ﺭﺍﺟﻞ ﺑﺎﻟﺠﺪ ﻭﺍﺗﺨﻠﻰ ﻋﻨﻲ ﺣﻴﺎﺗﻲ ﻛﺎﻧﺖ ﺣﺎﺗﻜﻮﻥ ﻛﻴﻒ ﻗﺼﻲ ﻧﺴﺒﻨﺎﻩ
ﻟﻤﺎﺯﻥ ﺍﺑﻮﻩ ﺍﻟﺤﻘﻴﻘﻲ ﺍﺻﻼ ﻋﻨﺪﻭ ﺷﻬﺎﺩﻩ ﻓﻲ ﻧﺎﺱ ﻛﺘﻴﺮﻩ ﻋﺮﻓﺖ
ﺍﻟﺤﺼﻞ ﺑﻌﺪﺍﻙ ﻓﻲ ﻧﺎﺱ ﺍﺗﻜﻠﻤﻮ ﻓﻴﻨﺎ ﻭﺍﺗﻮﻧﺴﻮ ﺑﻴﻨﺎ ﻗﺪﺭﺗﻢ ﺑﺲ ﺣﻴﺎﺗﻨﺎ
ﻣﺎ ﺍﺗﺄﺛﺮﺕ ﻭﻻ ﺍﻫﺘﻤﻴﻨﺎ ﻻﻧﻮ ﻗﺼﻲ ﻛﺎﻥ ﻋﺎﺭﻑ ﺍﻟﺤﻘﻴﻘﻪ ﻣﻦ ﺑﺪﺭﻱ
ﺍﻟﻨﻬﺎﻳﻪ
ﺑﻘﻠﻤﻲ : ﻣﺸﺎﻋﺮ ﻣﺒﻌﺜﺮﻩ
#ﻗﺒﻞ ﻣﺎ ﻧﺮﻛﺰ ﻓﻲ ﺍﻟﻨﻮﺍﺣﻲ ﺍﻻﻳﺠﺎﺑﻴﻪ ﻓﻲ ﺍﻟﺮﻭﺍﻳﻪ ﺩﻱ ﻻﺯﻡ ﻧﻌﺎﻳﻦ
ﻟﻠﺴﻠﺒﻴﺎﺕ ﺍﻻﻫﻤﺎﻝ ﻭﺍﻟﺘﻬﺎﻭﻥ ﻭﺍﻟﺜﻘﻪ ﺍﻟﺰﺍﻳﺪﻩ ﻫﻲ ﺍﻟﺴﺒﺐ ﺍﻟﺮﺋﻴﺴﻲ ﻓﻲ
ﺍﻟﺤﺼﻞ ﺩﺍ ﻭﺳﻦ ﺍﻟﻤﺮﺍﻫﻘﻪ ﺩﺍ ﺳﻦ ﺧﻄﺮ ﺟﺪﺍ ﻭﻣﺎ ﺑﺘﺤﻤﻞ ﺍﻱ ﻧﻮﻉ
ﻣﻦ ﺍﻻﻫﻤﺎﻝ ﺗﻬﺎﻭﻥ ﻭﺍﻟﺪﺓ ﺳﻤﺮ ﻭﺍﺳﺘﺨﻔﺎﻓﺎ ﺑﺎﻟﻤﻮﺿﻮﻉ ﺭﻏﻢ ﺍﻧﻮ ﺳﻤﺮ
ﻣﻦ ﺍﻟﺒﺪﺍﻳﻪ ﻭﺭﺗﺎ ﺑﺎﻟﻜﻼﻡ ﺍﻟﻘﺎﻟﻮ ﻟﻬﺎ ﻣﺎﺯﻥ ﺑﺲ ﻫﻲ ﺿﺮﺑﺘﺎ ﻭﻛﺬﺑﺘﺎ ﻣﻦ
ﻏﻴﺮ ﻣﺎ ﺗﻔﻬﻤﺎ ﺍﻧﻮ ﻏﻠﻂ ﻭﻛﺎﻧﺖ ﻭﺍﺛﻘﻪ ﻓﻲ ﻣﺎﺯﻥ ﺍﻛﺘﺮ ﻣﻦ ﺍﻟﻼﺯﻡ ﻣﻊ
ﺍﻧﻮ ﻓﻲ ﺍﻟﻨﻬﺎﻳﻪ ﻣﺮﺍﻫﻖ ﺍﻟﺘﻬﺎﻭﻥ ﺩﺍ ﻫﻮ ﺍﻟﺨﻼﻫﺎ ﺗﺘﻤﺎﺩﻯ ﻓﻲ ﺍﻟﻐﻠﻂ
ﻭﺗﺘﻘﺒﻞ ﺍﻟﺒﻌﻤﻠﻮ ﻟﻬﺎ ﻣﺎﺯﻥ ﻭﺗﺘﻌﻮﺩ ﻋﻠﻴﻪ
#ﺍﺳﺘﺨﻔﺎﻑ ﻭﺍﻟﺪ ﻣﺎﺯﻥ ﺑﻌﻘﻠﻴﺔ ﻭﻟﺪﻭ ﻫﻮ ﺍﻟﺴﺒﺐ ﻓﻲ ﺗﺮﻛﻴﺒﺘﻮ ﺍﻟﻐﺮﻳﺒﻪ
ﺩﻱ ﻣﺎﺧﺪ ﺭﺍﺣﺘﻮ ﻓﻲ ﺍﻟﺒﻴﺖ ﻣﻊ ﻧﺴﻮﺍﻧﻮ ﻭﻧﺎﺳﻲ ﺍﻧﻮ . ﻋﻨﺪﻭ ﻃﻔﻞ ﻓﻲ
ﺍﻟﺒﻴﺖ ﺣﺎﺑﺴﻮ ٢٤ ﺳﺎﻋﻪ ﻧﺎﺳﻲ ﺍﻧﻮ ﻋﻨﺪﻭ ﻋﻴﻮﻥ ﺑﺘﺸﻮﻑ ﻭﻣﺦ
ﺑﺴﺘﻮﻋﺐ
#ﻗﺼﺔ ﻣﺎﺯﻥ ﻭﺳﻤﺮ ﻭﺍﺣﺪﻩ ﻣﻦ ﺍﻟﻼﻑ ﺍﻟﻘﺼﺺ ﺍﻟﺤﺎﺻﻠﻪ ﻭﻓﻲ ﺍﻏﺮﺏ
ﻭﺍﻓﺠﻊ ﻣﻨﻬﺎ ﻻﻧﻮ ﻣﺎ ﻛﻞ ﺍﻟﻨﺎﺱ ﻧﻬﺎﻳﺘﺎ ﺯﻳﻬﻢ ﻓﻲ ﻧﺎﺱ ﻛﺘﻴﺮﻩ ﻓﻲ
ﻣﺠﺘﻤﻌﻨﺎ ﺩﺍ ﺣﺼﻞ ﻣﻌﺎﻫﻢ ﺯﻱ ﺳﻤﺮ ﻓﻲ ﺍﻻﺗﺨﻠﻮ ﻋﻨﻬﻢ ﺑﻌﺪ ﻣﺎ ﺧﻼﺹ
ﺑﻘﻮ ﻓﻲ ﻋﺪﺍﺩ ﺍﻟﻌﺎﻫﺮﺍﺕ ﻭﻓﻲ ﺍﻻﻫﻠﻬﻢ ﺧﺒﻮ ﺯﻱ ﺳﻤﺮ ﻭﻓﻲ ﺍﻟﻘﺘﻠﻮﻫﻢ
ﺍﻫﻠﻬﻢ ﻭﺍﻟﺨﺒﻮ ﺍﻟﺤﺼﻞ ﻣﻌﺎﻫﻢ ﻣﻦ ﺍﻫﻠﻬﻢ ﻭﻓﻲ ﺍﻟﺨﺎﺩﻋﻮ ﻭﺍﺗﺰﻭﺟﻮ
ﻭﻋﺎﺷﻮ ﺯﻱ ﺍﻟﻤﺎﺣﺼﻞ ﺷﻲ
ﺍﻧﺎ ﺑﺲ ﺣﺒﻴﺖ ﺍﺳﻠﻂ ﺍﻟﻀﻮ ﻋﻠﻰ ﺍﻟﻮﺍﻗﻊ ﺩﺍ ﻭﺍﻧﺸﺎﺀﺍﻟﻠﻪ ﺍﻛﻮﻥ ﻻﻣﺴﺖ
ﺍﻟﻬﺪﻑ ﻛﻞ ﺍﻻﺣﺪﺍﺍﺙ ﻭﺍﻟﺸﺨﺼﻴﺎﺕ ﺩﻱ ﻣﻦ ﺍﻟﺨﻴﺎﻝ . ﻟﻠﻨﺎﺱ ﺍﻟﺴﺄﻟﺖ
ﻣﺎ ﺍﺫﺍ ﻛﺎﻧﺖ ﺣﻘﻴﻘﻪ ﻭﻟﺤﺪﻱ ﻣﺎ ﻧﺠﺘﻤﻊ ﻓﻲ ﺍﻟﺮﻭﺍﻳﻪ ﺍﻟﻘﺎﺩﻣﻪ ( ﺑﻨﺖ
ﺍﻟﺤﺒﺸﻴﻪ ) ﺑﻌﺪ ﺍﻟﻌﻴﺪ ﺍﻧﺸﺎﺀﺍﻟﻠﻪ ﺍﻋﻔﻮ ﻟﻲ ﺍﻱ ﺗﻘﺼﻴﺮ ﻭﻛﻞ ﻋﺎﻡ ﻭﺍﻧﺘﻮ
ﺑﺨﻴﺮ
# ﺭﺍﻳﻜﻢ ﻓﻲ ﺍﻟﺮﻭﺍﻳﻪ ﻳﺎ جماعة
متابعه ممتعه صوتو عبر الحلقات
أنت تقرأ
حبل الصبر
Mystery / Thrillerخطيئة كبيرة في سن مبكر لشابه تكلفها عمرها ثمنا مشاكل مجتمعيه كبيره ومعقده وعنف جسدي ونفسي تتعرض له تلك الشابه بسبب خطيئتها
