ﺣﺒﻞ_ﺍﻟﺼﺒﺮ
بقلمي:مشاعر_مبعثره
ﺍﻟﺤﻠﻘﻪ ( ١٢ )
ﺣﺴﻴﺘﻮ ﺑﺤﻀﻨﻲ ﻻﻭﻝ ﻣﺮﻩ ﻣﻦ ﻏﻴﺮ ﻣﺎ ﺍﺣﺲ ﻧﻤﺖ ﺻﺤﻴﺖ ﻟﻘﻴﺖ
ﻭﻟﺪﻱ ﻓﻲ ﺣﻀﻨﻲ ﻭﻣﺎﺯﻥ ﻣﺎﻓﻲ ﺍﺳﺘﺤﻤﻴﺖ ﻭﺻﻠﻴﺖ ﻭﻃﻠﻌﺖ ﻟﻘﻴﺘﻬﻢ
ﺑﺸﺮﺑﻮ ﻓﻲ ﺍﻟﺸﺎﻱ ﻭﻣﺎﺯﻥ ﻣﻌﺎﻫﻢ ﻳﺎﺥ ﻛﺎﻥ ﻣﺒﺴﻮﻁ ﺍﻧﺒﺴﺎﻁ ﻭﺑﻀﺤﻚ
ﻣﻦ ﻗﻠﺒﻮ ﺣﺴﻴﺘﻮ ﺭﺟﻊ ﻣﺎﺯﻥ ﺍﻟﻘﺪﻳﻢ ﺍﻟﺒﺮﻳﺊ ﺍﻣﻲ ﺷﺎﻓﺘﻨﻲ ﺍﺗﻠﺒﺪ
ﻧﺎﺩﺗﻨﻲ ﻭﻛﺒﻮ ﻟﻲ ﺷﺎﻱ ﻋﺪﻳﻨﺎ ﻳﻮﻡ ﻭﻻ ﺍﺣﻠﻰ ﻭﺑﺎﻟﻤﺴﺎﺀ ﺭﺟﻌﻨﺎ ﺑﻴﺘﻨﺎ
ﻧﻮﻣﺖ ﻗﺼﻲ ﻣﻌﺎﻱ ﻭﺍﻟﺼﺒﺎﺡ ﻣﺎﺯﻥ ﻗﺎﻝ ﻃﺎﻟﻊ ﺷﻐﻠﻮ ﺧﻠﻰ ﻟﻲ
ﻣﺼﺎﺭﻳﻒ ﻭﻗﺎﻝ ﻟﻲ ﻣﺎ ﺗﻔﺘﺤﻲ ﺍﻟﺒﺎﺏ ﻻﻱ ﺯﻭﻝ ﻭﻫﻮ ﻧﺎﺯﻝ ﻋﺎﻳﻨﺖ
ﺑﺎﻟﺒﺎﺏ ﺷﻔﺖ ﻣﺮﺍ ﻭﺍﻗﻔﻪ ﻓﻲ ﺍﻟﺴﻠﻢ ﺗﻌﺎﻳﻦ ﻓﻴﻪ ﺳﺎﻱ ﺳﻠﻤﺖ ﻋﻠﻴﻪ ﺍﺑﻰ
ﻳﺮﺩ ﻋﺎﻭﺯﻩ ﺍﻗﻔﻞ ﺍﻟﺒﺎﺏ ﺷﺎﻓﺘﻨﻲ ﻭﺭﻓﻌﺖ ﻟﻲ ﻳﺪﻫﺎ ﺭﺩﻳﺖ ﺍﻟﺴﻼﻡ
ﺟﺎﺗﻨﻲ
ﺍﻧﺘﻲ ﻣﺮﺕ ﻣﺎﺯﻥ؟؟؟ ﻗﻠﺖ ﻟﻬﺎ ﺍﻳﻮﺍ ﻗﺎﻟﺖ ﻟﻲ ﺍﻣﻤﻤﻢ ﻣﺒﺮﻭﻙ ﻭﺍﻟﻠﻪ
ﻭﺑﻘﺖ ﺗﻌﺎﻳﻦ ﻟﻲ ﻣﻦ ﻓﻮﻕ ﻟﺘﺤﺖ ﻭﻗﺎﻟﺖ ﻟﻲ ﻃﻴﺐ ﺍﻇﻬﺮﻱ ﻋﻠﻴﻨﺎ ﺍﻧﺎ
ﺟﺎﺭﺗﻚ ﺑﺠﺎﻱ ﺍﺳﻤﻲ ﺻﻔﺎﺀ ﻗﻠﺖ ﻟﻬﺎ ﺍﺗﺸﺮﻓﻨﺎ ﻭﺍﻧﺎ ﺳﻤﺮ ﺩﺧﻠﺖ ﺟﻮﺍ
ﺻﺤﻴﺖ ﻗﺼﻲ ﺣﻤﻤﺘﻮ ﻭﺍﺩﻳﺘﻮ ﺍﻟﺸﺎﻱ ﻃﺒﻌﺎ ﻣﺎﻓﻲ ﺍﻱ ﺑﺮﻧﺎﻣﺞ ﺣﻀﺮﻧﺎ
ﺍﻟﺘﻠﻔﺰﻳﻮﻥ ﺑﺲ ﻟﺤﺪﻱ ﻣﺎ ﺟﺎﺀ ﻣﺎﺯﻥ ﺷﺎﻳﻞ ﺍﻛﻴﺎﺱ ﻛﺒﺎﺍﺍﺍﺭ ﻣﺎ ﺧﻠﻰ
ﺣﺎﺟﻪ ﺑﺤﺒﺎ ﻗﺼﻲ ﻣﺎ ﺟﺎﺑﺎ ﻟﻪ ﻭﻫﻮ ﻗﻠﺒﻮ ﻗﺮﺏ ﻳﻘﻴﻒ ﺣﺴﻴﺖ ﺑﻪ
ﻃﺎﻳﺮ ﻃﻴﺮﺍﺍﺍﻥ ﻭﺍﺑﺘﺴﺎﻣﺘﻮ ﺍﻟﺤﻠﻮﻩ ﻭﻭﺟﻨﺎﺍﺗﻮ ﺳﺮﺣﺖ ﻓﻴﻪ ﻭﻫﻮ ﻋﻨﺪﻭ
ﺣﺮﻛﻪ ﻛﺪﺍ ﺑﻌﻤﻼ ﻟﻤﺎ ﻳﻜﻮﻥ ﻣﺒﺴﻮﻁ ﺑﻤﻴﻞ ﺑﺠﺴﻤﻮ ﻟﻤﻦ ﻳﺮﻓﻊ ﺭﺟﻞ
ﻭﻋﻴﻮﻧﻮ ﺑﻐﻤﻀﺎ ﻭﺳﻨﻴﻨﺎﺗﻮ ﺍﻟﺼﻐﺎﺍﺍﺍﺭ ﻭﻣﻨﺎﺧﻴﺮﻭ ﺑﺘﺤﻤﺮ ﻻﻧﻮ ﺣﻠﺒﻲ
ﺷﺪﻳﺪ ﺍﻧﺎ ﻟﻤﺎ ﺍﺷﻮﻓﻮ ﻣﺒﺴﻮﻁ ﻛﺪﺍ ﺑﺤﺲ ﺍﻧﻲ ﺣﺼﺪﺕ ﺍﻟﺠﻨﻪ ﻣﺎﺯﻥ
ﻻﺣﻆ ﻟﻲ ﻭﺑﻘﻰ ﻳﻌﺎﻳﻦ ﻓﻴﻨﻲ ﻭﻋﻴﻮﻧﻮ ﺩﻱ ﻓﻴﻬﺎ ﻟﻤﻌﻪ ﻛﺪﺍ ﻣﺎ ﻋﺎﺭﻓﺎﻫﺎ
ﺩﻣﻮﻉ ﻭﻻ ﺷﻨﻮ ﻋﻴﻮﻧﻮ ﺩﻱ ﻛﺎﻧﺖ ﺑﺘﻘﻮﻝ ﻛﺘﻴﺮ ﻗﻠﺖ ﻟﻪ ﻏﺎﻳﺘﻮ ﺍﻟﻮﻟﺪ
ﺩﺍ ﺧﺮﺑﺖ ﻃﺒﻌﻮ : ﺧﻠﻴﻪ ﻳﺪﻟﻊ ﺳﺎﺍﺍﺍﻱ ﻫﻮ ﺍﻧﺎ ﻻﻗﻴﻪ ﺭﺑﻨﺎ ﻳﺨﻠﻴﻪ ﻟﻲ
ﻃﺒﻌﺎ ﻟﻤﺎ ﻳﻜﻮﻧﻮ ﻣﻊ ﺑﻌﺾ ﻫﺒﻞ ﺷﺪﻳﺪ ﺍﺑﻮﻩ ﺩﺍ ﺑﺒﻬﺪﻟﻮ ﻭﻳﻄﻴﺮﻭ ﻭﻫﻮ
ﻳﻀﺤﻚ ﺍﻟﻌﻮﻳﺮ ﺑﻌﺪ ﺍﺗﻐﺪﻳﻨﺎ ﺧﻠﻴﺘﻬﻢ ﺑﺤﻀﺮﻭ ﻭﺩﺧﻠﺖ ﻧﻤﺖ ﻗﺼﻲ
ﺟﺎﻧﻲ ﺟﺎﺭﻱ ﻗﺎﻝ ﻟﻲ ﺑﺎﺑﺎ ﻣﺎﺕ ﻟﻤﻦ ﻗﺎﻝ ﻛﺪﺍ ﻗﻠﺒﻲ ﺣﺴﻴﺖ ﺑﻪ ﻓﻲ
ﺣﻠﻘﻲ ﻋﺎﻭﺯ ﻳﻄﻠﻊ ﺧﻼﺹ ﻭﺟﺴﻤﻲ ﻛﻠﻮ ﻫﺒﻂ ﺟﺮﻳﺖ ﻟﻤﻦ ﻭﻗﻌﺖ
ﻭﺭﻛﺒﻲ ﺩﻳﻞ ﺍﺗﺠﺮﺣﻦ ﻟﻤﻦ ﻭﺻﻠﺘﻮ ﻟﻘﻴﺘﻮ ﻭﺍﻗﻊ ﺟﻨﺐ ﺍﻟﺴﺮﻳﺮ ﻳﻔﺮﻓﺮ
ﻭﻓﻲ ﻧﻔﺲ ﺍﻟﺤﺎﻟﻪ ﺩﻳﻚ ﺻﺤﻴﺘﻮ ﻭﻫﻮ ﻣﺴﻜﻨﻲ ﻣﻦ ﺍﻛﺘﺎﻓﻲ ﺑﻘﻮﺓ
ﻭﺑﻘﻰ ﻳﻬﺰ ﻓﻴﻨﻲ
ﺍﻧﺎ ﻣﺎ ﻋﺎﺭﻑ ﻣﺎﻋﺎﺭﻑ ﺍﻱ ﺷﻲ ﺍﺷﻬﺪ ﺍﻥ ﻻ ﺍﻟﻪ ﺍﻻ ﺍﻟﻠﻪ ﻭﺍﺷﻬﺪ ﺍﻥ
ﻣﺤﻤﺪ ﺭﺳﻮﻝ ﺍﻟﻠﻪ
ﻣﺴﻜﺘﻮ ﺣﻀﻨﺘﻮ ﻭﺑﻘﻴﺖ ﺍﺻﺤﻲ ﻓﻴﻪ ﺑﺮﺍﺣﻪ ﻋﺪﻳﻨﺎ ﺧﻤﺴﻪ ﺩﻗﺎﻳﻖ ﻓﻲ
ﺍﻻﺭﺽ ﺑﻨﻔﺲ ﺍﻟﻮﺿﻊ ﻧﻜﺶ ﻟﻲ ﺷﻌﺮﻱ ﻛﻠﻮ ﻭﻣﺎﺳﻜﻨﻲ ﺑﻘﻮﻩ ﻗﺮﺏ
ﻳﻔﺼﻞ ﻟﻲ ﻳﺪﻳﻨﻲ ﻋﺮﻗﺎﻥ ﻭﺻﻮﺕ ﻧﻔﺴﻮ ﻭﺗﻨﻬﻴﺪﺍﺗﻮ ﻓﻮﻕ ﺑﻌﺪ ﺗﻌﺐ
ﺻﺤﻰ ﻭﻗﺼﻲ ﺩﺍ ﻛﺎﻥ ﺧﺎﻳﻒ ﺧﻮﻑ ﺣﻀﻨﺘﻮ ﻭﻗﻠﺒﻮ ﺩﺍ ﻛﺎﻥ ﺑﺪﻕ ﺯﻱ
ﺍﻟﺰﻭﻝ ﺍﻟﺠﺎﺭﻱ ﻣﺎﺯﻥ ﻣﺴﻜﻮ ﻣﻨﻲ ﻭﻫﻮ ﺧﺎﻳﻒ ﻣﻨﻮ ﻭﻋﺎﻭﺯ ﺣﻀﻨﻮ
ﺣﺴﻴﺘﻮ ﻣﺘﻠﺨﺒﻂ ﻣﻨﻈﺮﻭ ﺑﻘﻮﻝ ﻛﺪﺍ ﻣﺎﺯﻥ ﺣﻀﻨﻮ ﻭﺑﺎﺳﻮ ﻛﺎﻥ ﺑﺤﺎﻭﻝ
ﻳﻬﺪﻳﻪ ﻭﻫﻮ ﻧﻔﺴﻮ ﻣﺎ ﻗﺎﺩﺭ ﻳﻬﺪﺍﺀ ﻗﺎﻝ ﻟﻲ ﺍﻟﻮﻟﺪ ﺩﺍ ﻣﺎﻟﻮ ﻗﻠﺖ ﻟﻪ
ﺧﺎﻑ ﻟﻤﻦ ﺷﺎﻓﻚ ﺑﺎﻟﺤﺎﻟﻪ ﺩﻱ ﻃﺒﻌﺎ ﻫﻮ ﻳﺪﺍﺏ ﺍﻧﺘﺒﻪ ﺍﻧﻨﺎ ﻓﻲ ﺍﻻﺭﺽ
ﻭﺣﺲ ﺑﺎﻟﻬﻮ ﻓﻴﻪ ﻣﺎ ﻛﺎﻥ ﻣﺘﻔﺎﺟﺊ ﻭﺷﻜﻠﻮ ﻣﺘﻌﻮﺩ ﻋﻠﻰ ﻛﺪﺍ ﻗﺎﻝ
ﻟﻘﺼﻲ ﺗﻌﺎﻝ ﻳﺎ ﺑﻄﻞ ﺷﺎﻟﻮ ﻭﺩﺧﻞ ﺑﻪ ﻏﺮﻓﺘﻮ ﻗﺎﻝ ﻟﻪ ﺗﻨﻮﻡ ﻣﻌﺎﻱ
ﺍﻟﻠﻴﻠﻪ؟؟ ﺑﺎﺑﺎ ﺑﺨﺎﻑ ﻭﻋﺎﻭﺯﻙ ﺗﻜﻮﻥ ﻓﻲ ﺣﻀﻨﻮ ﻫﺰﻩ ﻟﻪ ﺭﺍﺳﻮ ﻣﺸﻰ
ﺑﻪ ﻭﻗﺎﻝ ﻟﻲ ﺑﺠﻴﺒﻮ ﻟﻚ ﺑﻌﺪ ﻳﻨﻮﻡ ﺍﻧﺎ ﺣﺴﻴﺖ ﺍﻧﻮ ﺑﺠﺪ ﺧﺎﻳﻒ
ﻭﻣﺤﺘﺎﺝ ﺍﻧﻮ ﻗﺼﻲ ﻳﻨﻮﻡ ﻓﻲ ﺣﻀﻨﻮ ﻣﺸﻴﺖ ﻏﺮﻓﺘﻲ ﻭﻟﻤﻦ ﺟﺎﺑﻮ ﻟﻲ
ﻛﻨﺖ ﺻﺎﺣﻴﻪ ﺭﻗﺪﻭ ﻭﻋﺎﻭﺯ ﻳﻤﺸﻲ ﻗﻠﺖ ﻟﻪ ﻣﺎﺯﻥ ﺍﻧﺖ ﻋﺎﻭﺯ
ﺗﻨﻮﻡ ؟؟ : ﻣﺎ ﻧﻌﺴﺎﻥ : ﻭﻻ ﺍﻧﺎ ﻧﺤﻀﺮ ﻓﻴﻠﻢ ؟؟؟ : ﺍﻭﻙ ﺑﺲ ﻓﻴﻠﻢ
ﺭﻋﺐ ﻟﻮ ﺑﺘﺨﺎﻓﻲ ﻣﺎ ﺗﺤﺎﻭﻟﻲ ﺗﺤﻀﺮﻳﻪ : ﺍﺗﻄﻤﻦ ﻣﺎ ﺑﺨﺎﻑ ﻃﻠﻌﻨﺎ ﺑﺮﺍ
ﺷﻐﻠﻨﺎﻩ ﻭﺍﻧﺎ ﻣﺎ ﻛﻨﺖ ﻣﺮﻛﺰﻩ ﻓﻴﻪ ﻻﻧﻲ ﺑﻌﺎﻳﻦ ﻟﻤﺎﺯﻥ ﻭﻫﻮ ﻻﺣﻆ ﻟﻲ
ﺍﺣﻜﻲ
ﻧﻌﻢ؟؟؟
ﻋﺎﺭﻓﻚ ﻋﺎﻭﺯﻩ ﺗﻘﻮﻟﻲ ﺣﺎﺟﻪ
ﺍﻟﺤﺎﻟﻪ ﺍﻟﺒﺘﺠﻴﻚ ﺩﻱ ﺳﺒﺒﺎ ﺷﻨﻮ ﻭﺑﺘﺤﺼﻞ ﻟﻚ ﻣﺘﻴﻦ
ﻛﻞ ﻣﺎ ﺍﻧﻮﻡ ﻳﺎ ﺳﻤﺮ
ﺑﺲ ﻣﻦ ﺷﻨﻮ ﺳﻜﺖ ﻗﻠﺖ ﻟﻪ ﺭﺍﺣﺘﻚ ﺍﺻﻼ ﻣﺎ ﻣﺠﺒﻮﺭ ﺗﻘﻮﻝ ﻟﻲ
ﺣﺎﺟﻪ : ﺯﻱ ﻣﺎ ﻋﺮﻓﺖ ﺍﻟﺤﺼﻞ ﻟﻴﻚ ﺣﺎﺍﻭﺭﻳﻚ ﺍﻟﺤﺼﻞ ﻟﻲ ﻣﻦ ﻟﻤﺎ
ﻣﺸﻴﺖ ﻟﻴﺒﻴﺎ
ﺣﻜﻴﺖ ﻟﻬﺎ ﻛﻞ ﺍﻟﺤﺼﻞ ﻣﻌﺎﻱ ﻭﻛﺎﻧﺖ ﻣﺘﺄﺛﺮﻩ ﺷﺪﻳﺪ ﻟﺪﺭﺟﻪ ﺍﻧﻲ ﺑﻘﻴﺖ
ﺍﻫﺪﻱ ﻓﻴﻬﺎ : ﺍﻧﺖ ﻣﺤﺘﺎﺝ ﻣﺮﺷﺪ ﻧﻔﺴﻲ ﻭﻣﺎ ﺗﻘﻮﻝ ﻟﻲ ﺍﻧﺎ ﻣﺎ ﻣﺠﻨﻮﻥ
ﻻﻧﻮ ﻣﺎ ﺍﻻ ﺍﻟﻤﺠﻨﻮﻥ : ﺣﺎﺿﺮ ﻳﺎ ﺳﻤﺮ ﻣﺎ ﻋﻨﺪﻱ ﻣﺎﻧﻊ : ﻭﻣﻦ ﺑﻜﺮﻩ
ﻻﻧﻮ ﻋﺪﻡ ﺍﻟﻨﻮﻡ ﻣﺎ ﻛﻮﻳﺲ ﻭﺷﻮﻑ ﺍﻧﺖ ﻟﻚ ﻛﻢ : ﺍﺑﺸﺮﻱ : ﻃﻴﺐ
ﺣﺎﺗﻔﻀﻞ ﺻﺎﺣﻲ ﻛﺪﺍ
ﺧﺘﻴﺖ ﺭﺍﺳﻲ ﻓﻲ ﺭﺟﻮﻻ ﻭﻗﻠﺖ ﻟﻬﺎ ﻟﻮ ﻓﻀﻠﺘﻲ ﺟﻨﺒﻲ ﺍﻛﻴﺪ ﺣﺎﺍﻧﻮﻡ
ﻭﺗﺎﻧﻲ ﻣﺎ ﺣﺴﻴﺖ ﺑﺸﻲ ﺷﻜﻼ ﻫﻲ ﺑﺮﺿﻮ ﻧﺎﻣﺖ ﺻﺤﻴﺖ ﻣﻊ ﺍﺫﺍﻥ
ﺍﻟﺼﺒﺢ ﻟﻘﻴﺘﺎ ﻣﺘﻜﻠﻪ ﻓﻴﻨﻲ ﻗﻤﺖ ﺑﺮﺍﺣﻪ ﻭﻣﻊ ﺣﺮﻛﺘﻲ ﺻﺤﺖ ﺣﺴﻴﺘﺎ
ﻣﺤﺮﺟﺎ ﻭﻣﺎ ﻗﺎﺩﺭﻩ ﺗﺮﻓﻊ ﺭﺍﺳﺎ ﻓﻤﺎ ﺣﺒﻴﺖ ﺍﺫﻭﺩﺍ ﻋﻠﻴﻬﺎ ﻗﻠﺖ ﻟﻬﺎ
ﺻﺒﺎﺡ ﺍﻟﺨﻴﺮ ﻭﻣﺸﻴﺖ ﻏﺮﻓﺘﻲ
ﻗﻠﺒﻲ ﻛﺎﻥ ﺑﺪﻕ ﺑﺴﺮﻋﻪ ﻭﻣﺎ ﺭﺍﺿﻲ ﻳﻬﺪﺍﺀ ﺣﺴﻴﺘﻮ ﺣﺎﻳﻄﻠﻊ ﻣﻦ ﻣﺤﻠﻮ
ﻣﺎﺯﻥ ﺣﺮﻓﻴﺎ ﻫﻮ ﺍﻟﺮﺍﺟﻞ ﺍﻟﻮﺣﻴﺪ ﺍﻟﺒﺤﺴﺴﻨﻲ ﺑﺎﻧﻮﺛﺘﻲ ﻭﺍﻱ ﺗﺼﺮﻑ
ﻣﻨﻮ ﺣﺘﻰ ﻟﻮ ﻋﻔﻮﻱ ﺑﻠﺨﺒﻂ ﻛﻴﺎﻧﻲ ﻟﻤﻦ ﻃﻠﻊ ﻟﻘﻴﺖ ﺗﻠﻔﻮﻧﻮ ﻓﻲ
ﺍﻟﻜﺮﺳﻲ ﻟﺒﺴﺖ ﺗﻮﺑﻲ ﻭﻃﻠﻌﺖ ﻭﺭﺍﻩ ﻣﺎ ﻟﺤﻘﺘﻮ ﺍﻻ ﻗﺪﺍﻡ ﺍﻟﻌﺮﺑﻴﻪ ﻟﻘﻴﺘﻮ
ﺑﺴﻠﻢ ﻋﻠﻰ ﻣﺮﺍ ﻭﻣﻌﺎﻫﺎ ﺑﻨﺖ ﻻﺑﺴﻪ ﻧﻘﺎﺏ ﻟﻤﻦ ﻭﺻﻠﺘﻮ ﺍﺩﻳﺘﻮ ﺍﻟﺘﻠﻔﻮﻥ
ﻣﻦ ﻏﻴﺮ ﻣﺎ ﺍﺳﻠﻢ ﻗﺎﻝ ﻟﻲ ﺳﻤﺮ ﺗﻌﺎﻟﻲ ﺳﻠﻤﻲ ﻋﻠﻰ ﺧﺎﻟﺘﻮ ﻧﻌﻤﻪ ﻭﺑﻨﺘﻬﺎ
ﺟﻴﺮﺍﻧﺎ
ﺍﻫﻠﻴﻦ ﺣﺒﺎﺑﻚ ﻭﺍﻟﻠﻪ ﻳﺎ ﺑﻨﺘﻲ ﻛﻴﻒ ﺍﻧﺘﻲ ﺍﻧﺸﺎﺀﺍﻟﻠﻪ ﻛﻮﻳﺴﻪ : ﻛﻮﻳﺴﻪ
ﺍﻟﺤﻤﺪﻟﻠﻪ : ﺍﻟﺤﻤﺪﻟﻠﻪ ﻣﺒﺮﻭﻙ ﻛﻤﺎﻥ ﺭﺑﻨﺎ ﻳﺴﻌﺪﻙ ﺍﻧﺸﺎﺀﺍﻟﻠﻪ ﻭﺍﻟﻠﻪ ﻛﻨﺖ
ﻧﺎﻭﻳﻪ ﺍﺟﻲ ﺍﻟﻌﺮﺱ ﻟﻜﻦ ﺍﻟﻠﻪ ﻣﺎ ﻫﻮﻥ ﻣﺎﺯﻥ ﺩﺍ ﺯﻱ ﻭﻟﺪﻱ : ﺗﺴﻠﻤﻲ
ﻳﺎﺭﺏ ﺍﻟﻠﻪ ﻳﺒﺎﺭﻙ ﻓﻴﻚ ﻣﺎﺯﻥ ﻗﺎﻝ ﻟﻴﻨﺎ ﻳﻼ ﻋﻦ ﺍﺯﻧﻜﻢ ﻳﺎ ﺟﻤﺎﻋﻪ ﺍﻟﻤﺮﺍ
ﺍﺻﺮﺕ ﺍﻻ ﺍﻃﻠﻊ ﻣﻌﺎﻫﺎ ﺷﻘﺘﻢ ﻗﻠﺖ ﻟﻬﺎ ﻓﺖ ﻭﻟﺪﻱ ﺑﺮﺍﻩ ﻗﻠﻌﺖ ﻋﻴﻮﻧﺎ
ﻛﺒﺎﺍﺍﺍﺍﺍﺭ ﻭﻫﻲ ﺷﻜﻼ ﻣﺮﺍ ﻃﻴﺒﺎﻧﻪ ﺑﺘﺸﻜﺮ ﻓﻲ ﻣﺎﺯﻥ ﺳﺎﺍﺍﻱ ﻭﻣﺎ
ﺳﺄﻟﺘﻨﻲ ﻋﻦ ﺍﻟﻤﻮﺿﻮﻉ ﺗﺎﻧﻲ ﺍﻓﺘﻜﺮﺗﻮ ﻣﺘﺰﻭﺟﻨﻲ ﻋﺰﺑﺎﺀ ﺍﻟﺒﺖ ﻗﺎﻟﺖ ﻟﻲ
ﻣﺎﻟﻚ ﻣﺎ ﻃﻠﻌﺘﻲ ﻋﻠﻴﻨﺎ ﻗﻠﺖ ﻟﻬﺎ ﻭﺍﻟﻠﻪ ﺭﺑﻨﺎ ﻣﺎ ﺭﻓﻊ ﺍﻟﻘﺪﻡ ﻟﻜﻦ ﺑﺠﻴﻜﻢ
ﺗﺎﻧﻲ ﺩﺧﻠﻮ ﻣﻌﺎﻱ ﻭﺍﺗﻮﻧﺴﻨﺎ ﻋﺮﻓﺖ ﺍﻧﻮ ﺑﻨﺘﻬﺎ ﻣﺤﺒﻮﺳﻪ ﻭﻋﺮﺳﺎ ﻗﺮﻳﺐ
ﺣﻜﻴﺖ ﻟﻤﺎﺯﻥ ﺑﻌﺪ ﺟﺎﺀ ﻭﻫﻮ ﻃﻠﻊ ﺑﺤﺒﻬﻢ ﺷﺪﻳﺪ ﻗﻠﺖ ﻟﻪ ﺑﺘﻜﻮﻥ
ﺍﺳﺘﺨﺴﺮﺗﻚ ﻓﻴﻨﻲ ﻻﻧﻮ ﺍﻓﺘﻜﺮﺗﻨﻲ ﻋﺰﺑﺎﺀ ﻭﺍﻱ ﺯﻭﻝ ﻳﺸﻮﻓﻨﺎ ﺣﺎﻳﻘﻮﻝ
ﻛﺪﺍ ﻗﺎﻝ ﻟﻲ ﺳﻤﺮ ﺍﺑﻮﻙ ﻗﺎﻝ ﺷﻨﻮ؟؟؟ ﻗﺼﻲ ﺩﺍ ﻭﻟﺪﻱ ﺍﻧﺎ ﻭﻣﺎ ﺑﺨﺠﻞ
ﺑﻜﻢ ﻣﻦ ﺍﻱ ﺯﻭﻝ ﺍﻟﺒﺴﺄﻟﻚ ﻗﻮﻟﻲ ﻟﻪ ﻭﻟﺪ ﻣﺎﺯﻥ ﺧﻠﻴﻬﻢ ﻳﻔﻜﺮﻭ ﺍﻱ ﺷﻲ
: ﻭﺍﻟﺤﺎﻳﻔﻜﺮﻭ ﻓﻴﻪ ﺻﺢ ﻻﻧﻮ ﺑﺎﻟﺠﺪ ﻭﻟﺪ .... ﻗﺎﻃﻌﻨﻲ ﻭﻫﻮ ﺫﻧﺒﻮ ﺷﻨﻮ؟
ﺍﻧﺎ ﻣﺎ ﺣﺎﺍﺳﻤﺢ ﺍﻧﻮ ﻗﺼﻲ ﻳﺘﻌﺮﺽ ﻻﻱ ﻧﻮﻉ ﻣﻦ ﺍﻟﻀﻴﻖ ﺑﺴﺒﺒﻨﺎ ﺍﺻﻼ
ﺩﺍ ﻣﺎ ﻭﻗﺘﻮ ﺍﺳﻲ ﺑﺲ ﻗﻮﻟﻲ ﻟﻬﻢ ﻭﻟﺪ ﻣﺎﺯﻥ ﻭﺍﻟﻌﻨﺪﻭ ﺳﺆﺍﻝ ﻳﺠﻴﻨﻲ
ﺍﻧﺎ ﺑﻘﻴﺖ ﺍﻗﻮﻝ ﻟﻠﻨﺎﺱ ﻧﺤﻦ ﻣﺘﺰﻭﺟﻴﻦ ﻣﻦ ﺯﻣﺎﻥ ﺍﻟﻤﻬﻢ ﺍﻧﺎ ﻭﺧﺎﻟﺘﻮ
ﻧﻌﻤﻪ ﺑﻘﻴﻨﺎ ﻗﺮﻳﺒﻴﻦ ﻟﺒﻌﺾ ﺷﺪﻳﺪ ﻭﺑﻨﺪﺧﻞ ﻋﻠﻰ ﺑﻌﺾ ﺍﻳﺎﻡ ﺍﻟﻌﺮﺱ ﺩﺍ
ﺑﻘﻴﺖ ﻳﻮﻣﻲ ﻣﻌﺎﻫﻢ ﻣﺎﺯﻥ ﻟﻘﻴﺖ ﻟﻪ ﺩﻛﺘﻮﺭ ﺷﺎﻃﺮ ﻣﻦ ﻃﺮﻑ ﺩﻛﺘﻮﺭ
ﺍﺣﻤﺪ ﻭﺣﺎﻟﺘﻮ ﺑﺪﺕ ﺗﺘﺤﺴﻦ ﻳﻮﻡ ﻛﻨﺎ ﻗﺎﻋﺪﻳﻦ ﻓﻲ ﺑﻴﺖ ﺧﺎﻟﺘﻮ ﻧﻌﻤﻪ
ﺟﺎﺕ ﺍﻟﻤﺮﺍ ﺍﻻﺳﻤﺎ ﺻﻔﺎﺀ ﺩﻳﻚ ﻃﺒﻌﺎ ﺭﻳﺤﺘﺎ ﺩﻱ ﻃﺎﻗﻪ ﻭﺩﺧﺎﻧﺎ ﻓﻮﻕ
ﻭﺿﺤﻜﺎ ﺷﺎﺫﻩ ﺣﺴﻴﺖ ﺍﻟﻤﻮﺟﻮﺩﻳﻦ ﻛﻠﻬﻢ ﺍﺗﻀﺎﻳﻘﻮ ﻣﻨﻬﺎ ﻗﻠﺖ ﻟﺨﺎﻟﺘﻮ
ﻧﻌﻤﻪ ﺍﻟﻤﺮﺍ ﺩﻱ ﻣﺎﻻ ﻋﺎﻣﻼ ﻛﺪﺍ : ﺩﻱ ﺧﻠﻴﻬﺎ ﺳﺎﻱ ﺍﻟﺴﻔﻴﻬﺔ ﺍﺳﻤﺎ ﺻﻔﺎﺀ
ﻣﻄﻠﻘﻪ ﻭﻗﺎﻋﺪﻩ ﻟﻴﻨﺎ ﺍﺫﻯ ﻣﺎ ﺧﻠﺖ ﺭﺍﺟﻞ ﻓﻲ ﺍﻟﻌﻤﺎﺭﻩ ﻣﺎ ﻟﻔﺖ ﻣﻌﺎﻩ
ﻟﻤﻦ ﻗﺎﻟﺖ ﻛﺪﺍ ﻗﻠﻌﺖ ﻋﻴﻮﻧﻲ ﻛﺒﺎﺍﺍﺍﺍﺍﺭ ﻭﺍﺗﺬﻛﺮﺕ ﺍﺳﻠﻮﺏ ﻣﺎﺯﻥ ﻣﻌﺎﻫﺎ
ﻭﻟﻤﻦ ﻣﻨﻌﻨﻲ ﺍﻓﺘﺢ ﺍﻟﺒﺎﺏ ﻻﻱ ﺯﻭﻝ ﻗﺎﻟﺖ ﻟﻲ ﻣﺎ ﺗﺨﺎﻓﻲ ﺭﺍﺟﻠﻚ ﻣﺎ
ﻣﺪﻳﻬﺎ ﻭﺵ ﻣﻊ ﺍﻧﻬﺎ ﻣﻴﺘﻪ ﻓﻴﻪ ﻣﻦ ﺭﺣﻞ ﺑﺘﺤﺎﻭﻝ ﻣﻌﺎﻩ ﻭﺍﻟﻠﻪ ﻣﺮﻩ
ﻣﺸﺖ ﻟﻪ ﻓﻲ ﺍﻟﺒﻴﺖ ﻟﻤﻦ ﻛﻔﺘﺎ ﻭ ﺑﺘﺬﻛﺮ ﻋﺪﺍ ﻓﺘﺮﻩ ﻣﺎ ﺟﺎﺀ ﻣﺎ ﺑﻌﺮﻓﻮ
ﻣﺸﺎ ﻭﻳﻦ ﺗﻘﺮﻳﺒﺎ ﺩﻱ ﺍﻟﻔﺘﺮﻩ ﺍﻟﻘﻌﺪﺍ ﻣﻌﺎﻧﺎ ﺑﻌﺪ ﻣﺮﺽ ﺍﺑﻮﻱ ﺍﺻﻼ ﻇﺎﻫﺮ
ﻋﻠﻴﻬﺎ ﻭﻣﻦ ﺷﻔﺘﺎ ﻣﺎ ﺣﺒﻴﺘﺎ ﻛﻨﺖ ﺳﺮﺣﺎﻧﻪ ﺧﺎﻟﺘﻮ ﻧﻌﻤﻪ ﻗﺎﻟﺖ ﻟﻲ
ﺭﺍﺟﻠﻚ ﻣﺎ ﻋﻠﻴﻪ ﺧﻮﻑ ﻟﻜﻦ ﺍﻋﻤﻠﻲ ﺣﺴﺎﺑﻚ ﺍﻧﺘﻲ ﻭﺍﻟﻠﻪ ﺗﺨﺘﻚ ﻓﻲ
ﺭﺍﺳﺎ ﺗﻌﻤﻞ ﻓﻴﻚ ﺍﻟﻌﻤﺎﻳﻞ ﻭﻫﻲ ﻣﻌﺮﻭﻓﻪ ﺑﺘﺎﻋﺖ ﺷﻴﻮﺥ ﻭﻓﻘﺮﺍ ﺑﻌﺪ
ﺭﺟﻌﺖ ﺍﻟﺒﻴﺖ ﺧﻔﺖ ﺑﺎﻟﺠﺪ ﻟﻮ ﺍﺧﺪﺕ ﻣﻨﻲ ﻣﺎﺯﻥ ﺣﺎﺍﻋﻤﻞ ﺷﻨﻮ ﺟﺎ
ﻟﻘﺎﻧﻲ ﺳﺮﺣﺎﻧﻪ ﻭﺣﻠﺘﻲ ﺣﺮﻗﺖ
ﺍﻟﺸﺎﻏﻞ ﺑﺎﻟﻚ : ﻣﺎﺯﻥ ؟؟ ﺟﻴﺖ ﻣﺘﻴﻦ ؟؟ : ﻣﻦ ﻗﺒﻴﻞ ﻭﺍﻗﻒ ﻏﺪﺍﻧﺎ ﺩﺍ
ﻣﺎ ﺍﺗﺤﺮﻕ : ﺑﺎﻟﺠﺪ
ﺣﺎﻭﻟﺖ ﺍﻧﺰﻝ ﺍﻟﺤﻠﻪ ﻭﻫﻲ ﺣﺎﺭﻩ ﺟﺎﺀ ﺷﺎﻻ ﻣﻨﻲ ﺑﺮﺍﺣﻪ : ﻳﺎ ﺯﻭﻟﻪ ﻣﺶ
ﺍﻟﻐﺪﺍﺀ ﺩﺍ ﻣﺎ ﻋﺎﻭﺯﻧﻮ ﺍﻟﺒﺴﻮ ﺍﺭﺡ ﻧﺘﻐﺪﺍ ﺑﺮﺍ ﻣﺎ ﺻﺪﻗﺖ ﻟﺒﺴﺖ ﻟﻲ
ﻋﺒﺎﻳﻪ ﻭﻟﺒﺴﺖ ﻗﺼﻲ ﻭﻣﺸﻴﻨﺎ ﺑﻌﺪﺍﻙ ﺩﺧﻠﻨﺎ ﺍﻟﺴﻮﻕ ﻗﺎﻝ ﻟﻲ ﻋﺎﻭﺯﻩ
ﺣﺎﺟﻪ ﻟﻠﻌﺮﺱ ؟؟ : ﻻﻻ ﺗﻴﺎﺏ ﺍﻟﺸﻨﻄﻪ ﻟﺴﻪ ﺟﺪﺍﺩ : ﺷﻨﻄﻪ ﻳﺎﺥ ﺩﻳﻞ
ﻟﻬﻢ ﺍﻛﺘﺮ ﻣﻦ ﺷﻬﺮﻳﻦ ﻣﻮﺿﺘﻬﻢ ﺯﺍﺗﺎ ﺑﺘﻜﻮﻥ ﺍﻧﺘﻬﺖ ﺍﻋﺰﻟﻲ ﻟﻚ ﺗﻮﺑﻴﻦ
ﻭﻃﻘﻤﻴﻬﻢ : ﻻﻻ ﺧﻠﻴﻬﻢ ﺍﻟﺰﻣﻦ ﻓﺎﺕ ﺑﻨﺘﺄﺧﺮ ﺳﺎﻱ ﺯﺍﺗﻮ ﻋﺎﻭﺯﺍﺕ ﻟﻬﻢ
ﻟﻔﻪ : ﺧﻼﺹ ﻳﺎ ﺯﻭﻟﻪ ﻭﻗﺖ ﻣﺎ ﺗﻜﻮﻧﻲ ﻓﺎﺿﻴﻪ ﺍﻣﺸﻲ ﻭﺩﻱ ﺍﻟﻘﺮﻭﺵ
ﺭﺟﻌﻨﺎ ﻭﺗﺎﻧﻲ ﻳﻮﻡ ﻛﻠﻤﺖ ﺧﺎﻟﺘﻮ ﻧﻌﻤﻪ ﻗﺎﻟﺖ ﻟﻲ ﺑﻤﺸﻲ ﻣﻌﺎﻙ ﻣﻊ ﺍﻧﻮ
ﺑﻴﺘﻬﺎ ﺟﺎﻳﻂ ﻭﻓﻴﻪ ﻧﺎﺱ ﻣﺸﺖ ﻣﻌﺎﻱ ﻭﻗﺼﻲ ﻏﺸﻴﺘﻮ ﻻﻣﻲ ﻃﺒﻌﺎ
ﺧﺎﻟﺘﻮ ﻧﻌﻤﻪ ﺩﺧﻠﺖ ﺳﻠﻤﺖ ﻋﻠﻰ ﺍﻣﻲ ﻭﺍﻣﻲ ﺣﺒﺘﺎ ﺷﺪﻳﺪ ﻣﺸﻴﻨﺎ
ﺍﻟﺴﻮﻕ ﺍﺷﺘﺮﻳﺖ ﻟﻲ ﺗﻮﺑﻴﻦ ﻭﺍﺣﺪ ﺍﺳﻮﺩ ﺳﺎﺩﻩ ﻃﻘﻤﺘﻮ ﺑﺎﻟﺒﺼﻠﻲ
ﻭﺍﻟﺘﺎﻧﻲ ﻛﺤﻠﻲ ﻣﺸﻜﻞ ﻟﻠﻐﺪﺍﺀ ﻭﺍﺷﺘﺮﻳﺖ ﻓﺴﺘﺎﻥ ﺧﺎﻟﺘﻮ ﻧﻌﻤﻪ ﻗﺎﻟﺖ
ﻟﻲ ﺍﺭﺡ ﻧﺸﺘﺮﻱ ﻟﻴﻨﺎ ﺟﻠﺒﺎﺑﺎﺕ ﻭﻫﻲ ﺗﻌﺰﻝ ﻓﻲ ﺍﻟﻘﺼﺎﺭ ﺳﺎﺍﺍﻱ ﻭﺍﻧﺎ
ﺑﻌﺎﻳﻦ ﻟﻬﺎ ﻗﺎﻟﺖ ﻟﻲ ﻣﺎﻟﻚ ؟؟ ﻭﺍﻟﻠﻪ ﺍﻟﺮﺟﺎﻝ ﺩﻳﻞ ﻟﻮ ﻣﺎ ﻋﻤﻠﺘﻲ ﻟﻬﻢ ﻛﺪﺍ
ﻣﺎ ﺑﻘﻌﺪﻭ ﺧﺎﺻﺔ ﻓﻲ ﻭﺟﻮﺩ ﺻﻔﺎﺀ ﺍﻟﺸﻼﺑﻪ ﺩﻱ ﻧﺤﻦ ﺍﻟﻜﺒﺎﺭ ﺩﻳﻞ
ﺑﻨﺘﻈﺒﻂ ﺍﻧﺘﻲ ﻣﺎ ﺑﺘﻌﺮﻓﻲ ﺗﺸﺘﺮﻱ ﺧﻠﻴﻨﻲ ﺍﺧﺘﺎﺭ ﻟﻚ ﻭﻓﻌﻼ ﺍﺧﺘﺎﺭﺕ
ﻟﻲ ﺛﻼﺛﻪ ﺟﻠﺒﺎﺑﺎﺕ ﺣﻠﻮﺍﺕ ﺑﺲ ﻗﺼﺎﺭ ﺭﺟﻌﻨﺎ ﻫﻠﻜﺎﻧﻴﻦ ﻭﻗﺼﻲ ﺩﺍ ﺍﻻ
ﻭﺭﻳﺖ ﻣﺎﺯﻥ ﺟﺎﺑﻮ ﻟﻲ ﻟﻘﺎﻧﻲ ﻧﺎﺍﺍﻳﻤﻪ
ﺍﻫﺎ ﺍﻟﻠﻴﻠﻪ ﺣﻠﺘﻚ ﺣﺮﻗﺖ ﺑﺮﺿﻮ ﻭﻻ ﻣﺎ ﻋﻤﻠﺘﻲ ﻏﺪﺍ : ﻭﺍﻟﻠﻪ ﻣﺎ ﻋﻤﻠﺖ
ﺍﻱ ﺷﻲ ﺍﻻ ﺗﺸﺘﺮﻭ ﻟﻜﻢ ﺣﺎﺟﻪ ﻗﺎﻝ ﻟﻲ ﻧﺤﻦ ﺟﺎﻫﺰﻳﻦ ﺧﺎﻟﺘﻲ ﻛﻮﺛﺮ
ﻋﺰﺗﻨﺎ ﻋﺰ : ﺧﻴﺎﻧﺎﺕ ﺗﻘﻴﻠﻪ : ﻳﺎ ﺯﻭﻟﻪ ﻃﻮﻟﻨﺎ ﻣﻦ ﺍﻟﻜﺴﺮﻩ ﺩﻱ ﻧﻔﻮﺗﺎ
ﻭﻳﻴﻴﻴﻴﻦ : ﺑﺎﻟﻬﻨﺎ ﺍﻧﺸﺎﺀﺍﻟﻠﻪ ﺍﻧﺎ ﺍﻗﻮﻡ ﺍﺷﻮﻑ ﻟﻲ ﻟﺒﻦ ﻭﻻ ﺍﻱ ﺣﺎﺟﻪ :
ﻳﻌﻨﻲ ﻣﺘﺨﻴﻠﻪ ﺍﻧﻨﺎ ﻣﻤﻜﻦ ﻧﻨﺴﺎﻙ ﻫﺪﺍ ﺟﺒﻨﺎ ﻟﻚ ﻋﻤﻮﺩ ﺑﺲ ﺍﻣﻚ ﻗﺎﻟﺖ
ﻟﻚ ﺭﺟﻌﻴﻪ ﻫﻮ ﻭﺍﻟﺤﺎﺟﺎﺕ ﺍﻟﺸﻠﺘﻴﻬﻢ ﻗﻌﺪﺕ ﺍﺿﺤﻚ ﺍﻛﻠﺖ ﻭﻧﻤﺖ
ﺗﺎﻧﻲ ﻳﻮﻡ ﻣﻦ ﺍﻟﺼﺒﺎﺡ ﻣﺸﻴﺖ ﻟﺨﺎﻟﺘﻮ ﻧﻌﻤﻪ ﻟﻘﻴﺖ ﺍﻟﻌﺮﻭﺱ ﺑﺸﻴﻠﻮ ﻟﻬﺎ
ﻗﺎﻟﺖ ﻟﻲ ﺧﻠﻴﻬﺎ ﺗﺸﻴﻞ ﻟﻚ ﺍﻧﺘﻲ ﺯﺍﺗﻚ ﺷﻴﻼ ﺭﺧﻴﺺ : ﻻﻻ ﻣﺎ ﻋﺎﻭﺯﻩ
: ﻳﺎ ﺑﻨﺖ ﺍﻧﺘﻲ ﻟﺴﻪ ﻋﺮﻭﺱ ﻭﺑﻌﺪﻳﻦ ﺍﻟﺤﻨﻪ ﻣﺎ ﺣﺎﺗﻈﺒﻂ ﻟﻚ ﻛﺪﺍ
ﻛﺮﻋﻴﻚ ﺍﻟﻐﺒﺶ ﺩﻳﻞ ﺍﻗﺘﻨﻌﺘﺎ ﻃﺒﻌﺎ ﻭﺗﺎﻧﻲ ﺑﻘﻴﻨﺎ ﻓﻲ ﻣﻮﺿﻮﻉ ﺍﻟﺤﻨﻪ ﻭ
ﺑﻠﺒﺲ ﻓﻴﻬﺎ ﺷﺮﺍﺑﺎﺕ ﻟﻤﻦ ﺍﻃﻠﻊ ﻻﻧﻲ ﺑﺎﻟﺠﺪ ﺧﻔﺖ ﻣﻦ ﺍﻟﻤﺮﺍ ﺍﻻﺳﻤﺎ
ﺻﻔﺎ ﺩﻱ ﻋﻤﻠﻮ ﻟﻲ ﺷﻜﻞ ﺑﺴﻴﻂ ﺑﺲ ﺭﺍﻗﻲ ﻭﻗﻌﺪﺕ ﻓﻲ ﺍﻟﺤﻔﺮﻩ ﻳﻮﻡ
ﺍﻟﺤﻨﻪ ﻟﺒﺴﺖ ﺍﻟﻔﺴﺘﺎﻥ ﻣﺎﺯﻥ ﻗﺎﻝ ﻣﺎ ﻣﺎﺷﻲ ﺳﻘﺖ ﻭﻟﺪﻱ ﻭﻣﺸﻴﺖ ﻣﻊ
ﻧﺎﺱ ﺧﺎﻟﺘﻮ ﻧﻌﻤﻪ ﺍﻟﺤﻔﻠﻪ ﻛﺎﻧﺖ ﻇﺎﺍﺍﺑﻄﻪ ﻭﺑﻨﺘﻬﺎ ﻣﺎﺷﺎﺀ ﺍﻟﻠﻪ ﻃﻠﻌﺖ
ﻗﻤﺮﺭﺭ ﺻﻮﺭﺗﻬﺎ ﻭﺭﺟﻌﻨﺎ ﻣﺎﺯﻥ ﻛﺎﻥ ﻧﺎﻳﻢ ﻭﻃﻠﻊ ﻣﻦ ﺍﻟﺼﺒﺎﺡ ﺑﻌﺪ ﻋﻤﻞ
ﻟﻴﻨﺎ ﺍﻟﺸﺎﻱ ﺍﻧﺎ ﻛﻨﺖ ﺗﻌﺒﺎﻧﻪ ﺗﻌﺐ ﺷﺪﻳﺪ ﺑﻌﺪ ﺷﺮﺑﺖ ﺍﻟﺸﺎﻱ ﻣﺸﻴﺖ
ﺑﻴﺖ ﺍﻟﻌﺮﺱ ﻭﻣﻊ ﺍﻟﺠﻮﻃﻪ ﻭﺍﻟﺸﻐﻠﻪ ﻣﺎ ﺣﺴﻴﻨﺎ ﺑﺎﻟﺰﻣﻦ ﺟﻴﺖ ﺭﺍﺟﻌﻪ
ﺍﻏﻴﺮ ﻟﻠﻐﺪﺍﺀ ﻟﻘﻴﺖ ﻣﺎﺯﻥ ﻗﺎﻋﺪ ﻗﻠﺖ ﻟﻪ ﻣﺎ ﺣﺎﺗﻤﺸﻲ؟ : ﻣﺎ ﻻﻗﻲ
ﺟﻼﺑﻴﻪ ﻧﻈﻴﻔﻪ ﺍﻟﺒﺴﺎ ﻳﺎﺥ : ﻣﺎﺯﻥ ﺍﻧﺖ ﺍﺻﻠﻚ ﻣﺎ ﺑﺘﻌﺮﻑ ﺗﻔﺘﺶ
ﺍﻟﺠﻼﻟﻴﺐ ﺩﻱ ﺍﻧﺎ ﻏﺴﻠﺘﻬﺎ . ﻭﻛﻮﻳﺘﺎ ﺑﻴﺪﻱ ﻭﺭﺻﻴﺘﺎ ﻟﻚ ﻓﻲ ﺍﻟﺪﻭﻻﺏ :
ﺧﻼﺹ ﻧﺰﻟﻲ ﺍﻟﺼﺒﻲ ﺍﻟﺸﺎﻳﻼ ﺩﺍ ﻭﺍﻣﺸﻲ ﺟﻴﺒﻲ ﻟﻲ ﻭﺍﺣﺪﻩ ﻧﺰﻟﺖ
ﻗﺼﻲ ﺷﺎﻟﻮ ﻫﻮ ﺍﺗﺨﻴﻠﻮ ﺑﺲ ﺑﻘﻮﻝ ﻟﻲ ﺻﺒﻲ ﻭﺑﺸﻴﻠﻮ ﻫﻮ ﻃﻠﻌﺖ ﻟﻪ
ﺟﻼﺑﻴﻪ ﻭﺷﺎﻝ ﻭﻃﺎﻗﻴﻪ ﻟﻤﻦ ﺟﺎﺀ ﻃﺎﻟﻊ ﺑﻴﻬﻢ ﻗﺮﺑﺖ ﺍﻗﻮﻡ ﺍﺣﻀﻨﻮ
ﻣﺎﺷﺎﺀ ﺍﻟﻠﻪ ﻣﺎﺷﺎﺀ ﺍﻟﻠﻪ ﻳﻌﻨﻲ ﻣﺎﺯﻥ ﺩﺍ ﺍﺻﻼ ﺍﻟﺴﺒﺐ ﺍﻟﺨﻼﻧﻲ ﺍﺣﺒﻮ
ﻭﺍﺟﻦ ﺑﻪ ﺳﻤﺎﺣﺘﻮ ﺩﻱ ﻳﺎﺥ ﺯﻱ ﺍﻻﺗﺮﺍﻙ ﻃﻮﻝ ﻭﻟﻮﻥ ﻭﺷﻌﺮ ﻭﻟﺤﻴﻪ
ﺍﺣﻴﻴﻴﻴﻨﺎ ﺑﺲ : ﺍﻧﺒﺮﺷﺘﻲ ﺻﺢ؟؟ : ﻭﺍﻧﺒﺮﺵ ﻟﺸﻨﻮ ﻗﺎﻳﻞ ﺭﻭﺣﻚ ﺑﺮﺍﻙ
ﺳﻤﺢ : ﻳﻌﻨﻲ ﻣﻌﺘﺮﻓﻪ ﺍﻧﻲ ﺳﻤﺢ : ﻣﺎﺯﻥ ﻣﺎ ﺗﺘﻔﺎﺻﺢ ﺍﻣﺸﻲ ﺍﻟﺤﻖ
ﺍﻟﺼﻼﺓ : ﺍﻣﺮﻱ ﻟﻠﻪ ﻳﻼ ﻧﺘﻼﻗﻰ ﻓﻲ ﺍﻟﺤﻔﻠﻪ : ﻣﺎ ﺣﺎﺗﺠﻲ ﺗﺎﻧﻲ ؟؟ :
ﻣﺎ ﻣﻌﺮﻭﻑ ﺍﺣﺘﻤﺎﻝ ﻣﺎﺍﻟﻢ ﻓﻴﻚ ﺗﺎﻧﻲ : ﻻﻻ ﻳﺎ ﻇﺮﻳﻒ ﺍﻧﺖ ﺗﺠﻲ ﻫﻨﺎ
ﺑﻌﺪ ﺻﻼﺓ ﺍﻟﻌﺸﺎﺀ ﺑﺘﻠﻘﺎﻧﻲ ﻻﺑﺴﻪ ﺍﻧﺎ ﻭﻭﻟﺪﻱ ﻭﺗﺴﻮﻗﻨﺎ : ﺍﺑﺸﺮﻱ ﻟﺒﺴﺖ
ﺑﻌﺪﺍﻙ ﻭﻣﺸﻴﺖ ﻃﺒﻌﺎ ﻣﻄﻘﻤﻪ ﻟﻮﻟﺪﻱ ﻣﻌﺎﻱ ﺍﻟﻨﺎﺱ ﺩﻱ ﻛﻠﻬﺎ ﺗﻌﺎﻳﻦ
ﻓﻴﻨﺎ ﺧﺎﻟﺘﻮ ﻧﻌﻤﻪ ﻟﻤﻦ ﺭﺑﻄﺖ ﻟﻴﻨﺎ ﻛﻤﻮﻥ ﺑﻌﺪ ﺍﻟﻐﺪﺍﺀ ﺭﺟﻌﺖ ﺑﻴﺘﻲ ﺍﻫﻞ
ﺍﻟﻌﺮﻳﺲ ﺟﺰﺀ ﻣﻨﻬﻢ ﻧﺰﻟﻮ ﻓﻴﻪ ﻭﻣﺴﺎﻓﺔ ﻳﻠﺒﺴﻮ ﻭﻳﻄﻠﻌﻮ ﻟﻠﺤﻔﻠﻪ ﺳﺎﻃﻮﻩ
ﻟﻲ ﺳﻮﺍﻃﻪ ﺍﻻ ﻗﻌﺪﺕ ﺍﻧﻀﻒ ﻭﺭﺍﻫﻢ ﻣﺎﺯﻥ ﺟﺎﺀ ﻟﻘﺎﻧﻲ ﻟﺴﻪ ﺷﻐﺎﻟﻪ
ﺣﻤﻢ ﻗﺼﻲ ﻭﻟﺒﺴﻮ ﻭﻟﺒﺲ ﻫﻮ ﺣﺘﻰ ﺍﻧﺎ ﻳﺎﺩﺍﺏ ﺩﺧﻠﺖ ﺍﻟﺤﻤﺎﻡ ﻗﻌﺪﺕ
ﺍﺗﻤﻜﻴﺞ ﻭﻗﺼﻲ ﺑﻠﻌﺐ ﻟﻲ ﺑﺎﻟﺘﻮﺏ ﻗﺮﺏ ﻳﺮﻣﻴﻪ : ﺣﺒﻴﺒﻲ ﻣﺶ ﺟﻬﺰﺕ
ﺍﻣﺸﻲ ﻟﺒﺎﺑﺎ ﺑﺮﺍ : ﺍﺑﻴﻴﻴﻴﻴﺖ : ﻣﺎ ﻗﻠﺖ ﻟﻚ ﻣﺎ ﺗﻘﻮﻝ ﺍﺑﻴﻴﻴﺖ ﻣﺎﺯﻥ
ﺟﺎﺀ ﺧﺎﺷﻲ : ﺍﻧﺘﻲ ﻟﺴﻪ ﻳﺎ ﺳﻤﺮ ﻛﺎﻥ ﺑﺎﻗﻲ ﻟﻲ ﺍﻟﺒﺲ ﺍﻟﺘﻮﺏ ﺑﺲ ﻣﻦ
ﺷﺎﻓﻨﻲ ﻣﺎﺷﺎﻝ ﻋﻴﻨﻮ ﻣﻨﻲ ﺑﻌﺎﻳﻦ ﻟﻲ ﻣﻦ ﻓﻮﻕ ﻟﺘﺤﺖ ﻧﻈﺮﺍﺕ ﺍﻟﺮﺟﺎﻝ
ﺍﻟﺘﺎﻓﻬﺔ ﺩﻳﻚ ﻭﺍﻧﺎ ﻻﺑﺴﻪ ﻛﺎﺭﻳﻨﺎ ﻭﺍﺳﻜﻴﺮﺕ ﺿﻴﻖ ﻭﻣﺎ ﻃﻮﻳﻞ ﺷﺪﻳﺪ
ﺍﻻ ﻗﺼﻲ ﺩﺍﺱ ﻟﻪ ﺟﺰﻣﺘﻮ ﺣﺘﻰ ﺍﻧﺘﺒﻪ ﻗﻠﺖ ﻟﻪ ﺍﻧﺘﻮ ﺍﻃﻠﻌﻮ ﺑﻠﺒﺲ
ﻭﺑﻠﺤﻘﻜﻢ ﻃﺒﻌﺎ ﺩﺍ ﺍﻻﺳﻮﺩ ﻣﻊ ﺍﻟﺤﻨﻪ ﻭ ﺍﻟﺸﻌﺮ ﻭﺍﻟﻤﻜﻴﺎﺝ ﻓﻈﻴﻴﻴﻴﻊ
ﻣﺸﻴﻨﺎ ﺍﻟﺤﻔﻠﻪ ﻭﻣﺎ ﻛﺎﻧﺖ ﻇﺎﺑﻄﻪ ﺯﻱ ﺣﻘﺖ ﺍﻟﺤﻨﻪ ﻋﺪﻳﻨﺎﻩ ﻭﻧﺴﻪ
ﻭﺗﻌﻠﻴﻘﺎﺕ ﺑﻌﺪ ﺍﻧﺘﻬﺖ ﺍﻟﻌﺮﺳﺎﻥ ﺳﺎﻓﺮﻭ ﻭﻧﺤﻨﺎ ﺭﺟﻌﻨﺎ ﺍﻟﺒﻴﺖ ﻫﻠﻜﺎﻧﻴﻦ
ﻗﺼﻲ ﻧﺎﻳﻢ ﻃﺒﻌﺎ ﺭﻗﺪﺗﻮ ﻓﻲ ﻏﺮﻓﺘﻮ ﻭﻃﻠﻌﺖ ﺍﻟﺘﻮﺏ ﻭﻏﺴﻠﺖ ﻭﺷﻲ
ﺍﻟﻨﻮﺭ ﺍﻟﺒﺮﺍ ﻛﺎﻥ ﻣﻮﻟﻊ ﻃﻠﻌﺖ ﺍﻃﻔﻴﻪ ﻟﻘﻴﺖ ﻣﺎﺯﻥ ﻧﺎﻳﻢ ﻓﻲ ﺍﻟﻜﻨﺒﻪ
ﺑﻤﻼﺑﺴﻮ ﺣﻘﺎﺕ ﺍﻟﺤﻔﻠﻪ ﺍﻻ ﺻﺤﻴﺘﻮ ﺩﺧﻞ ﻧﺎﻡ ﺍﻟﻴﻮﻡ ﺩﺍﻙ ﻋﺪﻳﻨﺎﻩ ﻛﻠﻮ
ﻧﻮﻡ ﺻﺤﻴﺖ ﺍﻟﻀﻬﺮ ﺻﻠﻴﺖ ﻭﻫﻢ ﻟﺴﻪ ﺟﻬﺰﺕ ﻟﻬﻢ ﺍﻻﻛﻞ ﻭﺻﺤﻴﺘﻬﻢ
ﺻﺤﻮ ﺑﻌﺪ ﺗﻌﺐ ﺧﺎﺻﺔ ﻣﺎﺯﻥ ﻣﻊ ﺍﻧﻮ ﻣﺎ ﺗﻌﺐ ﺯﻳﻲ ﺍﻛﻠﻨﺎ ﻭﺑﻌﺪﺍﻙ
ﻣﺸﻴﺖ ﻟﺨﺎﻟﺘﻮ ﻧﻌﻤﻪ ﺿﺎﻳﺮﺕ ﻣﻌﺎﻫﺎﺍﻟﻤﻄﺮﻩ ﻛﺎﻧﺖ ﺷﻐﺎﻟﻪ ﻭﺻﻮﺕ
ﺍﻟﺮﻋﺪ ﻓﻮﻭﻭﻕ ﻭﻗﺼﻲ ﺑﺨﺎﻑ ﻣﻨﻮ ﻋﺎﻭﺯﻩ ﺍﻣﺸﻲ ﺍﺑﺖ ﺗﺨﻠﻴﻨﻲ ﻗﺎﻟﺖ
ﻟﻲ ﺍﺑﻮﻩ ﻗﺎﻋﺪ ﺷﻮﻳﻪ ﻛﺪﺍ ﺍﻟﻨﺎﺱ ﻣﺸﻮ ﻃﻮﺍﻟﻲ ﻭﻟﻌﺖ ﺣﻔﺮﺗﺎ ﻗﺎﻟﺖ ﻟﻲ
ﺍﻟﺮﻃﻮﺑﻪ ﻗﺎﻳﻤﻪ ﻋﻠﻲ : ﺍﻟﺮﻃﻮﺑﻪ ﺑﺮﺿﻮ؟؟ : ﻳﺎﺑﻨﺖ ﺍﻟﺤﻮ ﺩﺍ ﺟﻮ ﺩﺧﺎﻥ
ﺍﻟﺒﺮﺩ ﺯﺍﺗﻮ ﺗﻌﺎﻟﻲ ﺍﻗﻌﺪﻱ ﺍﻧﺘﻲ ﻣﺎ ﻋﻨﺪﻙ ﺣﻔﺮﻩ : ﺑﺮﻱ : ﻣﺎ ﺗﺨﺠﻠﻲ ﻳﺎ
ﺑﻨﺖ . ﺍﻟﺤﺎﻟﻪ ﻭﺍﺣﺪﻩ ﺍﻟﺮﺍﺟﻞ ﺯﺍﺗﻮ ﻣﺎﻓﻴﺶ ﺑﺠﻲ ﺑﻌﺪﻳﻴﻴﻴﻦ ﺍﻗﻌﺪﻱ
ﺳﺎﻱ ﺍﺗﺪﻓﻲ ﺍﺻﺮﺕ ﻋﻠﻲ ﻗﻌﺪﺕ ﺷﻮﻳﻪ ﻭﻗﻠﺖ ﻟﻬﺎ ﻣﺎﺷﻪ ﻟﻮﻟﺪﻱ ﺭﺟﻌﺖ
ﻭﺍﻧﺎ ﺑﺘﻠﺒﺪ ﺳﺎﻱ ﺧﺎﻳﻔﻪ ﺯﻭﻝ ﻳﺸﻮﻓﻨﻲ ﻻﻧﻮ ﺍﻟﺮﻳﺤﻪ ﺿﺎﺭﺑﻪ ﻭﺻﻠﺖ
ﺍﻟﺒﻴﺖ ﺍﺳﺘﺤﻤﻴﺖ ﻭﻟﺒﺴﺖ ﻭﺍﺣﺪ ﻣﻦ ﺍﻟﺠﻠﺒﺎﺑﺎﺕ ﺍﻻﺷﺘﺮﻳﺘﻬﻢ ﺩﻳﻠﻚ ﻣﺎ
ﻛﻨﺖ ﺳﺎﻣﻌﻪ ﺻﻮﺕ ﻗﺼﻲ ﻭﻻ ﺷﺎﻳﻔﺎﻩ ﻣﺸﻴﺖ ﻏﺮﻓﺔ ﻣﺎﺯﻥ ﻭﺩﻗﻴﺖ ﻟﻪ
ﺍﻟﺒﺎﺏ ﻃﺒﻌﺎ ﻏﺮﻓﺘﻮ ﺩﻱ ﻣﺎ ﺣﺼﻞ ﺩﺧﻠﺘﺎ ﻭﻫﻮ ﻗﺎﻋﺪ
ﺧﺸﻲ ﺍﻟﺒﺎﺏ ﻓﺎﺗﺢ : ﺑﺘﻌﻤﻠﻮ ﻓﻲ ﺷﻨﻮ ؟؟
ﻗﺼﻲ ﻛﺎﻥ ﺭﺍﻛﺐ ﻓﻲ ﺍﻟﺴﺮﻳﺮ ﻭﺑﻌﻤﻞ ﻻﺑﻮﻩ ﻣﺴﺎﺝ ﺍﻟﺮﻋﺪﻩ ﺿﺮﺑﺖ ﻃﺎﺭ
ﻫﻨﺎﻙ ﺍﻟﺨﻮﻑ
ﺧﻼﺹ ﻳﺎ ﻣﺎﺯﻥ ﺧﻠﻲ ﺍﻟﻮﻟﺪ ﺩﺍ ﻳﻨﻮﻡ ﺍﻧﺖ ﺍﺻﻼ ﻋﻤﻠﺖ ﺷﻨﻮ ﻋﺸﺎﻥ
ﺗﺘﻌﺐ ﻛﺪﺍ ؟؟ : ﻟﻴﻚ ﺍﻟﺤﻖ ﻣﺎ ﻗﺎﻋﺪﻩ ﻋﺎﻃﻠﻪ ﻭﻣﺮﺗﺎﺣﻪ ﻓﻲ ﺍﻟﺒﻴﺖ :
ﺍﻧﺎ؟؟ ﻭﺍﻟﻠﻪ ﻟﻮ ﺟﻴﻨﺎ ﻟﻠﺤﻖ ﺍﻧﺎ ﺍﻟﻤﺤﺘﺎﺟﻪ ﺍﻟﻤﺴﺎﺝ ﺩﺍ ﺳﻘﺖ ﻗﺼﻲ . ﻭ
ﻣﺸﻴﺖ ﻏﺮﻓﺘﻲ ﻭﻫﻮ ﺣﻠﻒ ﻛﺎﻥ ﻳﻨﻮﻡ ﻭﻻ ﻳﻬﺪﺍﺀ ﻳﺨﺖ ﺩﺍ ﻭﻳﺮﻓﻊ ﺩﺍ .
ﻟﺤﺪﻱ ﻣﺎ ﻛﺴﺮ ﺍﻻﺭﻳﺎﺡ ﻭﺍﻟﻐﺮﻓﻪ ﺩﻱ ﺑﻘﺖ ﺣﺎﺟﻪ ﺗﺎﻧﻴﻪ ﺍﻣﻲ ﺑﺘﻌﻤﻞ
ﺍﻟﺮﻳﺤﻪ ﻗﻮﻳﻪ ﺗﺸﺮﻕ ﻗﻠﺖ ﻟﻘﺼﻲ ﺍﻟﻠﻴﻠﻪ ﺍﻻ ﻧﻨﻮﻡ ﻓﻲ ﻏﺮﻓﺘﻚ ﺷﻠﺘﻮ
ﻭﻣﺸﻴﺖ ﺑﻪ ﻛﺎﻥ ﻧﻌﺴﺎﻥ ﺯﺍﺗﻮ ﺭﻗﺪﺗﻮ ﻭﻣﻦ ﻏﻤﺾ ﻋﻴﻮﻧﻮ ﺍﻟﺒﺎﺏ ﺩﻗﺎ
ﻣﺸﻴﺖ ﻓﺘﺤﺖ ﻟﻘﻴﺘﺎ ﺻﻔﺎﺀ ﻗﺎﺍﺍﺷﺮﻩ ﻭﺭﻳﺤﺘﺎ ﺯﻱ ﺍﻟﻌﺮﻭﺱ ﺗﻄﻖ ﻓﻲ
ﺍﻟﻠﺒﺎﻥ ﻟﻤﻦ ﺷﺎﻓﺘﻨﻲ ﻣﻼﻣﺤﺎ ﻟﻤﻦ ﺍﺗﻐﻴﺮﺕ : ﺍﻫﻠﻴﻴﻴﻦ : ﻣﺮﺣﺐ ﻋﺎﻭﺯﻩ
ﺣﺎﺟﻪ ؟؟ : ﻻﻻ ﻭﺍﻟﻠﻪ ﺑﺲ ﺍﻟﺘﻠﻔﺰﻳﻮﻥ ﺍﺑﻰ ﻳﺸﺘﻐﻞ ﻣﺎ ﻋﺎﺭﻓﻪ ﻣﺎﻟﻮ
ﻗﻠﺖ ﺍﻧﺎﺩﻱ ﻣﺎﺯﻥ ﻳﺸﻮﻓﻮ ﻟﻲ ﺻﺮﻳﺖ ﻭﺷﻲ ﻭﻗﻠﺖ ﻟﻬﺎ ﻣﺎﺯﻥ ﻧﺎﻳﻢ
ﻋﺎﻳﻨﺖ ﻟﻲ ﻣﻦ ﻓﻮﻕ ﻟﺘﺤﺖ ﻭﻣﺸﺖ ﺯﻋﻠﺖ ﺯﻋﻞ ﻭﻣﺸﻴﺖ ﻟﻤﺎﺯﻥ
ﺑﺤﺎﻟﺘﻲ ﺩﻳﻚ ﻭﻓﻲ ﺑﺎﻟﻲ ﺍﻟﻒ ﻓﻜﺮﻩ ﺭﺯﻋﺖ ﻟﻪ ﺍﻟﺒﺎﺏ ﻛﺎﻥ ﺭﺍﻗﺪ ﻗﺎﻡ
ﻣﺨﻠﻮﻉ : ﻣﺎﻟﻚ ﻳﺎ ﺳﻤﺮ : ﺍﻟﻤﺮﺍ ﺩﻱ ﺟﺎﻳﺎﻙ ﻫﻨﺎ ﻓﻲ ﺍﻟﺒﻴﺖ ﻟﺸﻨﻮ؟؟
ﻭﺻﻠﺖ ﻣﻌﺎﻛﻢ ﺍﻟﻮﻗﺎﺣﻪ ﻟﻠﺪﺭﺟﻪ ﺩﻱ ؟ : ﺍﻧﺘﻲ ﺑﺘﺘﻜﻠﻤﻲ ﻋﻦ ﻣﻨﻮ :
ﺻﻔﺎﺀ ﻃﺒﻌﺎ ﺻﺎﺣﺒﺘﻚ ﺍﻟﻤﺤﺘﺮﻣﻪ ﺍﻟﺠﺎﻳﺎﻙ ﺗﺼﻠﺢ ﻟﻬﺎ ﺍﻟﺘﻠﻔﺰﻳﻮﻥ ﻧﺺ
ﺍﻟﻠﻴﻞ ﻗﺎﻳﻠﻨﻲ ﻣﺎ ﻋﺎﺭﻓﻪ ﺍﺧﺒﺎﺭﺍ ﺍﺻﻼ ﺍﻟﺰﻳﻚ ﺩﻳﻞ ﻣﺎ ﺑﺘﻌﺪﻟﻮ ﺍﻟﻮﺍﺣﺪ
ﻛﺎﻥ ﻋﺮﺱ ﺑﻌﺎﻳﻦ ﺑﺮﺍ ﻃﻮﺍﻟﻲ ﺟﺎﺀ ﻭﻗﻒ ﻗﺪﺍﻣﻲ : ﺩﻱ ﻏﻴﺮﻩ ﺻﺢ؟؟ :
ﺍﻧﺎ ﺍﻏﻴﺮ ﻋﻠﻴﻚ ﺍﻧﺖ ؟؟ ﻭﻋﻠﻰ ﺷﻨﻮ ؟؟ ﻣﻊ ﻛﻠﻤﺘﻲ ﺍﻻﺧﻴﺮﻩ ﺩﻱ
ﺑﺎﺳﻨﻲ ﻃﻮﺍﻟﻲ ﺳﻜﺘﺖ ﺍﺻﻼ ﺟﺴﻤﻲ ﻛﻠﻮ ﻫﺒﻂ ﺑﻘﻴﺖ ﺍﻋﺎﻳﻦ ﻟﻪ . ﺟﻮﺍ
ﻋﻴﻮﻧﻮ ﻭﻫﻮ ﻧﻔﺲ ﺍﻟﺸﻲ ﻣﺴﻜﻨﻲ ﻣﻦ ﺧﺼﺮﻱ ﺯﻱ ﺯﻣﺎﻥ ﺧﺘﺎﻧﻲ ﻓﻲ
ﺣﻀﻨﻮ ﻭﺍﻧﺎ ﻧﻔﺴﻲ ﻛﺎﻥ ﺣﺎﻳﻨﻘﻄﻊ ﺑﺎﺳﻨﻲ ﻓﻲ ﺭﻗﺒﺘﻲ ﻭﺍﻧﺎ ﻣﺎ ﻗﺎﺩﺭﻩ
ﺍﻋﻤﻞ ﺷﻲ ﺧﺸﻤﻲ ﻣﺎ ﻓﺘﺤﺘﻮ ﻃﻮﺍﻟﻲ ﺷﺎﻟﻨﻲ ﻭﺩﺍﻧﻲ ﺍﻟﺴﺮﻳﺮ ﺗﺒﻌﻮ
ﻭﺍﺧﺪ ﺣﻘﻮ ﺍﻟﺸﺮﻋﻲ
ﻳﺘﺒﻊ
ﺑﻘﻠﻤﻲ ﻣﺸﺎﻋﺮ ﻣﺒﻌﺜﺮﻩ
أنت تقرأ
حبل الصبر
Misterio / Suspensoخطيئة كبيرة في سن مبكر لشابه تكلفها عمرها ثمنا مشاكل مجتمعيه كبيره ومعقده وعنف جسدي ونفسي تتعرض له تلك الشابه بسبب خطيئتها
