ﺣﺒﻞ_ﺍﻟﺼﺒﺮ
بقلمي:مشاعر_مبعثره
ﺍﻟﺤﻠﻘﻪ ( ٥ )
ﺍﻧﺎ ﺣﺎﺍﻣﻮﺕ ﻳﺎ ﺍﻣﻲ ﻭﺍﺭﻳﺤﻚ ﻣﻦ ﻫﻤﻲ ﺍﻋﻔﻲ ﻟﻲ ﻭﻗﻌﺪﺕ ﺍﺑﻜﻲ
ﺿﺮﺑﺘﻨﻲ ﻛﻒ ﻭﺳﻂ ﺍﻟﺤﺎﺻﻞ ﺩﺍ : ﻳﻮﻣﻲ ﻗﺒﻞ ﻳﻮﻣﻚ ﺍﻧﺸﺎﺀﺍﻟﻠﻪ ﺍﻧﺎ
ﺍﻟﻠﻪ ﻳﺤﺎﺳﺒﻨﻲ ﻋﻠﻰ ﺍﻟﻘﻠﺘﻮ ﻭﺍﻟﻌﻤﻠﺘﻮ ﻓﻴﻚ ﺍﻧﺎ ﻋﺎﻓﻴﻪ ﻣﻨﻚ ﺍﻧﺘﻲ
ﺍﻻﻋﻔﻲ ﻟﻲ ﻃﻮﺍﻟﻲ ﻏﺒﺖ ﻋﻦ ﺍﻟﻮﻋﻲ ﺻﺤﻴﺖ ﻟﻘﻴﺖ ﻧﻔﺴﻲ ﻓﻲ
ﺍﻟﻤﺴﺘﺸﻔﻰ ﻭﺍﻟﺪﻛﺎﺗﺮﻩ ﻓﻲ ﺭﺍﺳﻲ ﺷﻜﻠﻲ ﻓﻲ ﻏﺮﻓﺔ ﺍﻻﻧﻌﺎﺵ ﻛﻨﺖ
ﺑﺴﺄﻝ ﻣﻦ ﺍﻣﻲ ﻓﺠﺎﺀﺓ ﺳﻤﻌﺖ ﺻﻮﺕ ﺻﺮﺧﺎﺕ ﻭﺯﻏﺎﺭﻳﺪ ﻭﺣﺴﻴﺖ ﺍﻧﻮ
ﺷﺎﻟﻮﻧﻲ ﻣﻦ ﺍﻟﺴﺮﻳﺮ ﺍﻻﻧﺎ ﻓﻴﻪ ﻭﻧﻘﻠﻮﻧﻲ ﺳﺮﻳﺮ ﺗﺎﻧﻲ ﻛﻨﺖ ﺷﺎﻳﻔﻪ ﺍﻣﻲ ﻭ
ﺣﺒﻮﺑﻪ ﻭﺧﺎﻟﺘﻮ ﺍﺳﻤﺎﺀ ﻭﻛﻨﺖ ﺣﺎﺳﺎﻫﻢ ﺗﺤﺘﻲ ﻭﺍﻧﺎ ﻣﺘﺤﺮﻛﻪ ﺧﺘﻮﻧﻲ
ﻓﻲ ﺳﺮﻳﺮ ﺗﺎﻧﻲ ﻭﻋﻠﻘﻮ ﻟﻲ ﺩﺭﺑﺎﺕ ﺍﻣﻲ ﺟﺎﺕ ﺩﺍﺧﻠﻪ ﻋﻴﻮﻧﺎ ﻣﻮﺭﻣﻪ ﻣﻦ
ﺍﻟﺒﻜﺎﺀ
.
ﺣﻤﺪﺍﻟﻠﻪ ﻋﻠﻰ ﺳﻼﻣﺘﻚ ﻳﺎ ﺑﻨﺘﻲ ﺩﺍﻳﺮﻩ ﺗﻔﻮﺗﻴﻨﻲ ﻭﻳﻦ ﻭ ﻟﻤﻨﻮ ؟ﺩﻱ
ﻛﺎﻧﺖ ﺍﻭﻝ ﻣﺮﻩ ﺍﻣﻲ ﺗﻘﻮﻝ ﻟﻲ ﻳﺎ ﺑﻨﺘﻲ ﻭﻻ ﺗﺘﻜﻠﻢ ﻣﻌﺎﻱ ﺑﺪﻭﻥ ﺿﻴﻖ
ﺍﻭ ﻧﻬﻴﺮ ﺑﻌﺪ ﺍﻟﺤﺼﻞ ﻗﻠﺖ ﻟﻬﺎ ﺣﻠﻤﺖ ﺑﻨﻔﺴﻲ ﻣﺘﺖ ﻭﺧﺸﻴﺖ ﺍﻟﻨﺎﺭ
ﻗﻌﺪﺕ ﺗﺒﻜﻲ ﻭﻗﺎﻟﺖ ﻟﻲ ﺗﺒﺮﻱ ﻣﻦ ﺍﻟﻨﺎﺭ ﻳﺎ ﺑﻨﺘﻲ ﺣﺎﺳﻪ ﺑﻮﺟﻊ ؟؟؟
ﻗﻠﺖ ﻟﻬﺎ ﻻﻻ ﺑﻌﺪ ﺷﻮﻳﻪ ﺟﺎﺕ ﺣﺒﻮﺑﻪ ﻭﺧﺎﻟﺘﻮ ﺍﺳﻤﺎﺀ ﺣﻤﺪﻟﻮ ﻟﻲ
ﺍﻟﺴﻼﻣﻪ ﻭﺑﺎﺭﻛﻮ ﻟﻲ ﻗﻠﺖ ﻟﻬﻢ ﺍﻧﺎ ﺍﻟﺤﺼﻞ ﻟﻲ ﺷﻨﻮ : ﺍﻧﺘﻲ ﻣﺸﻴﺘﻲ
ﻟﻠﻤﻮﺕ ﻭﺟﻴﺘﻲ ﺭﺍﺟﻌﻪ ﺑﺲ ﺍﻟﺤﻤﺪﻟﻠﻪ : ﻃﻴﺐ ﺟﺒﺘﻮﻧﻲ ﺍﻟﻤﺴﺘﺸﻔﻰ
ﻣﺘﻴﻦ ؟؟ : ﺍﻧﺘﻲ ﻟﻚ ﺍﺳﺒﻮﻉ ﻓﻲ ﺍﻟﻤﺴﺘﺸﻔﻰ ﻭﻻﺩﺗﻚ ﺍﺗﻌﺴﺮﺕ ﻭﺍﻧﺎ
ﺷﻠﺖ ﺭﻗﻢ ﻣﺎﺯﻥ ﻭﺩ ﺧﺎﻟﺘﻚ ﻛﻠﻤﺘﻮ ﻳﺠﻴﺐ ﻟﻴﻨﺎ ﺍﺳﻌﺎﻑ
ﻗﻠﻌﺖ ﻋﻴﻮﻧﻲ ﻛﺒﺎﺍﺍﺍﺍﺍﺍﺍﺍﺭ ﻭﻗﻠﺖ ﻟﻬﺎ ﻣﺎﺯﻥ ؟؟ : ﻣﺎ ﺗﺨﺎﻓﻲ ﻣﺎ ﻗﻠﻨﺎ ﻟﻪ
ﺷﻲ ﻫﻮ ﻓﺎﻛﺮﺍ ﺍﻣﻚ ﺍﻟﺘﻌﺒﺎﻧﻪ ﻏﻄﻴﻨﺎﻛﻢ ﺍﻧﺘﻲ ﻭﺍﻣﻚ ﻭﺭﻛﺒﻨﺎ ﺍﻻﺳﻌﺎﻑ
ﺧﻠﻴﻨﺎ ﺣﺒﻮﺑﺘﻚ ﻭﺧﺎﻟﺘﻚ ﺗﺴﺎﺑﻴﺢ ﻓﻲ ﺍﻟﺒﻴﺖ ﻋﺸﺎﻥ ﺍﻟﻨﺎﺱ ﺻﺤﻮ ﻣﻊ
ﺍﻟﺠﻮﻃﻪ ﻫﺪﻭﻫﻢ ﻭﻣﺎ ﺧﻠﻮ ﺯﻭﻝ ﻳﻠﺤﻘﻨﺎ : ﻃﻴﺐ ﻧﺎﺱ ﺍﻟﻤﺴﺘﺸﻔﻰ :
ﺩﻱ ﻣﺎ ﺣﻘﺖ ﺍﻟﺒﻠﺪ ﻣﺎ ﺗﺨﺎﻓﻲ ﺣﺒﻮﺑﻪ ﻗﺎﻟﺖ ﻟﻲ ﻭﺍﻟﻠﻪ ﺍﻟﺪﻛﺎﺗﺮﻩ ﺍﻭﻝ
ﺍﺑﻮ ﻳﺴﺘﻠﻤﻮﻙ ﻭﺷﺎﻛﻠﻮﻧﺎ ﺷﻜﻞ ﺷﺪﻳﺪ ﻋﺸﺎﻥ ﺍﻻﻫﻤﺎﻝ ﻭﻋﺪﻡ ﺍﻟﻤﺘﺎﺑﻌﻪ
ﺑﻌﺪ ﺗﻌﺐ ﺭﺿﻮ ﻭﺩﺧﻠﻮﻙ ﻋﻤﻠﻴﻪ ﻃﻮﺍﻟﻲ ﻭﺍﻟﻠﻪ ﺍﺳﻤﺎﺀ ﺩﻱ ﺩﺧﻠﻮﻫﺎ
ﺍﻟﺴﺠﻦ ﻋﺪﻳﻴﻴﻞ ﻣﺎ ﻃﻠﻌﻨﺎﻫﺎ ﺍﻻ ﺍﻟﻠﻴﻠﻪ ﻗﻌﺪﺕ ﺍﺑﻜﻲ ﻭﻗﻠﺖ ﻟﻬﻢ ﺩﺍ ﻛﻠﻮ
ﺑﺴﺒﺒﻲ ﺍﻧﺎ ﻋﺬﺑﺘﻜﻢ ﻛﻠﻜﻢ ﻭﻣﺎﻓﻲ ﺯﻭﻝ ﺳﻠﻢ ﻣﻨﻲ ﻳﺎﺭﻳﺘﻨﻲ ﻛﺎﻥ ﻣﺘﺖ
ﺍﻣﻲ ﻗﻌﺪﺕ ﺗﺒﻜﻲ : ﺗﺎﻧﻲ ﻳﺎ ﺳﻤﺮ ﺳﻴﺮﺓ ﺍﻟﻤﻮﺕ ﺩﻱ ﻛﺎﻥ ﺟﺒﺘﻴﻬﺎ
ﺑﺨﻨﻘﻚ ﻭﺑﻮﺩﻳﻚ ﻟﻠﻤﻮﺕ ﺍﻟﺪﺍﻳﺮﺍﻩ ﺩﺍ ﺗﺴﺎﺑﻴﺢ ﺟﺎﺕ ﺷﺎﻳﻠﻪ ﺍﻟﺒﻴﺒﻲ ﻭﺍﻧﺎ
ﻣﺎ ﻛﻨﺖ ﻋﺎﻭﺯﻩ ﺍﻋﺎﻳﻦ ﻓﻴﻪ ﻗﺎﻟﺖ ﻭﺍﻟﻠﻪ ﻋﺬﺑﺘﻮﻧﻲ ﺍﻻ ﺍﻧﺎ ﺍﺳﻲ ﺍﻟﺤﻠﻪ
ﻛﻠﻬﺎ ﺩﺍﻳﺮﻩ ﺗﺠﻲ ﺗﻄﻤﻦ ﻭﻳﻮﻣﻲ ﺻﺎﺑﻴﻦ ﻟﻴﻨﺎ ﻓﻲ ﺍﻟﺒﻴﺖ ﺍﻟﻒ ﺣﻤﺪﺍﻟﻠﻪ
ﻋﻠﻰ ﺍﻟﺴﻼﻣﻪ ﻳﺎ ﺳﻤﻮﺭﻩ ﺟﺒﺘﻲ ﻭﻟﺪ ﺣﺒﻮﺑﻪ ﻗﺎﻟﺖ ﻟﻲ ﺷﻴﻠﻲ ﻭﻟﺪﻙ ﺩﺍ
ﺭﺿﻌﻴﻪ ﻗﺮﺏ ﻳﻤﻮﺕ : ﺯﺣﻴﻪ ﻣﻨﻲ ﻣﺎ ﺑﺮﺿﻌﻮ : ﻳﺎ ﺑﻨﺖ ﺩﺍ ﺟﻨﺎﻙ
ﻭﺷﻮﻓﻲ ﺍﺗﻌﺬﺑﺘﻲ ﻓﻴﻪ ﻛﻴﻒ ﻋﺎﻳﻨﻲ ﻟﻪ ﺳﺎﻱ : ﻣﺶ ﻗﻠﺘﻮ ﺗﺮﺑﻴﻪ ﺍﻣﻲ
ﺯﺣﻮ ﻣﻨﻲ ﻛﺪﺍ ﻭﻻ ﻛﺪﺍ ﻣﺎ ﺍﺗﻨﺎﻗﺸﻮ ﻣﻌﺎﻱ ﻓﻲ ﺍﻟﻤﺴﺘﺸﻔﻰ ﺭﺟﻌﻨﺎ
ﺍﻟﺒﻴﺖ ﻭﺍﻟﻨﺎﺱ ﻃﺒﻌﺎ ﻣﻠﻤﻮﻣﻴﻦ ﺍﻧﺎ ﺭﺟﻌﺖ ﻏﺮﻓﺘﻲ ﺩﻳﻚ ﻭﻗﻌﺪﺕ ﺑﺮﺍﻱ
ﺍﻣﺎ ﺍﻣﻲ ﻣﺜﻠﺖ ﺩﻭﺭ ﺍﻟﻨﻔﺴﺎﺀ ﺍﻟﻮﻟﺪ ﻋﺎﻳﺶ ﻋﻠﻰ ﺍﻟﻠﺒﻦ ﺍﻟﺼﻨﺎﻋﻲ
ﻭﻳﻮﻣﻲ ﻳﺒﻜﻲ ﻣﺎ ﺑﺴﻜﺖ ﻧﻬﺎﺋﻲ ﻭﺍﻧﺎ ﺭﺍﻓﻀﻪ ﺍﺭﺿﻌﻮ ﺍﻧﺎ ﺍﺻﻼ ﺍﻻﻛﻞ
ﺍﻻ ﻳﻐﺼﺒﻮﻧﻲ ﻋﻠﻴﻪ ﺑﻘﻴﻨﺎ ﻋﻠﻴﻬﻢ ﺍﺗﻨﻴﻦ ﺍﻧﺎ ﻭﻭﻟﺪﻱ ﻳﻮﻡ ﺳﻤﻌﺘﻮ ﺑﺒﻜﻲ
ﺑﻠﻴﻞ ﻭﻣﺎﻓﻲ ﺯﻭﻝ ﻗﺎﺩﺭ ﻳﺴﻜﺘﻮ ﻗﻌﺪﺕ ﺍﻃﺎﻭﻕ ﻟﻬﻢ ﺑﺎﻟﺸﺒﺎﻙ ﻭﺍﻣﻲ ﺩﻱ
ﻟﻤﻦ ﺑﺘﺒﻜﻲ ﺍﻟﻮﻟﺪ ﺣﺎﺟﻪ ﺻﻐﻴﺮﻩ ﻛﺪﺍ ﻛﺎﻧﺖ ﻣﺎ ﻣﻔﻬﻮﻣﻪ ﻣﻦ ﺍﻟﺒﻜﺎﺀ
ﻧﺨﺮﺗﻮ ﺣﻤﺮﺍﺀ ﻭﺧﺪﻭﺩﻭ ﺍﻧﺎ ﺑﺪﻭﻥ ﻣﺎ ﺍﺣﺲ ﺷﻘﻴﺘﻬﻢ ﻭﺷﻠﺘﻮ ﻗﻌﺪﺕ
ﻭﺧﺘﻴﺘﻮ ﻓﻲ ﺣﻀﻨﻲ ﻭﻫﻮ ﺍﻭﻝ ﻣﺎ ﺑﺪﻳﺖ ﺍﺭﺿﻊ ﻓﻴﻪ ﺳﻜﺖ ﻓﻲ
ﺍﻟﻠﺤﻈﻪ ﺩﻳﻚ ﺣﺴﻴﺘﻮ ﺟﺰﺀ ﻣﻨﻲ ﻳﺪﺍﺏ ﻣﺸﺎﻋﺮ ﺍﻻﻣﻮﻣﻪ ﺍﺗﺤﺮﻛﺖ
ﻓﻴﻨﻲ ﻭﺍﻟﻜﺮﻩ ﺍﻟﻜﻨﺖ ﺷﺎﻳﻼﻩ ﻟﻪ ﺍﺗﺒﺪﺩ ﻧﺪﻣﺖ ﻋﻠﻰ ﺍﻟﺪﻋﻮﺍﺕ
ﺍﻟﺪﻋﻴﺘﺎﻋﻠﻴﻪ ﻭﺍﻟﻤﺮﺍﺕ ﺍﻟﺤﺎﻭﻟﺖ ﺍﺟﻬﻀﻮ ﻭﺣﻤﺪﺕ ﺍﻟﻠﻪ ﺍﻧﻮ ﺍﻣﻲ ﻣﺎ
ﻗﺪﺭﺕ ﺗﻨﺰﻟﻮ ﻫﻮ ﻳﺴﺘﺎﻫﻞ ﻳﻌﻴﺶ ﺍﻧﺎ ﺍﺗﻌﻠﻘﺖ ﺑﻮﻟﺪﻱ ﺩﺍ ﺷﺪﻳﺪ ﻭﺑﻘﻴﺖ
ﻣﺎ ﺑﻔﺎﺭﻗﻮ ﺑﻘﻰ ﺑﻤﺜﺎﺑﺔ ﻗﻮﺓ ﺑﺎﻟﻨﺴﺒﻪ ﻟﻲ ﻭﺳﺒﺐ ﻟﻠﺤﻴﺎﺓ ﻫﻮ ﻛﺎﻥ ﺳﻨﺪﻱ
ﻭﻫﻮ ﻣﻦ ﺭﺿﻌﺘﻮ ﺍﻭﻝ ﻣﺮﻩ ﺍﺗﻌﻠﻖ ﺑﻲ ﺷﺪﻳﺪ ﻭﺑﻘﻰ ﻣﺎ ﺑﺴﻜﺖ ﺍﻻ ﻓﻲ
ﺣﻀﻨﻲ ﺍﻟﻌﻮﺩﺗﻮ ﻋﻠﻴﻪ ﺑﻘﻴﺖ ﻣﺎ ﺑﺨﻠﻲ ﺯﻭﻝ ﻳﺸﻴﻠﻮ ﻟﺪﺭﺟﻪ ﺍﻧﻮ ﺍﻟﻨﺎﺱ
ﺑﻘﻮ ﻳﺴﺄﻟﻮ ﻣﻨﻮ ﻭﻻﺣﻈﻮ ﺍﻧﻮ ﺑﻜﻮﻥ ﻣﻌﺎﻱ ﺍﻧﺎ ﺍﻛﺘﺮ ﻣﻦ ﺍﻣﻲ ﻭﻣﺎ ﺑﺒﻜﻲ
ﺑﻴﻦ ﻳﺪﻱ ﻛﻨﺖ ﺑﻨﺴﻰ ﺍﻷﻟﻢ ﻭﺍﻟﻮﺟﻊ ﻓﻲ ﻓﺘﺮﺓ ﺍﻟﻨﻔﺎﺱ ﺩﻱ ﺑﺴﺒﺒﻮ ﻳﻮﻡ
ﺟﺎﺕ ﺧﺎﻟﺘﻮ ﺍﺳﻤﺎﺀ ﻟﻘﺘﻨﻲ ﺑﻠﻌﺐ ﻓﻴﻪ ﻭﻫﻮ ﺑﺒﺘﺴﻢ ﺍﺑﺘﺴﺎﻣﺔ ﺍﻟﺒﻴﺒﻲ
ﺍﻟﺨﻔﻴﻔﻪ ﺍﻟﺤﻠﻮﺓ ﺩﻳﻚ ﻗﺎﻟﺖ ﻟﻲ ﻣﺎ ﺑﺸﺒﻬﻚ ﻧﻬﺎﺋﻲ ﻭﻻ ﺷﺎﻳﻞ ﻣﻨﻚ ﺷﻲ
ﻗﻠﺖ ﻟﻬﺎ ﺑﺸﺒﻪ ﺍﺑﻮﻩ ﺷﺪﻳﺪ ﻧﻔﺲ ﻋﻴﻮﻧﻮ ﺩﻱ ﻭﺷﻔﺎﻳﻔﻮ ﻭﻟﻮﻥ ﺷﻌﺮﻭ
ﺍﻟﻤﺎﻳﻞ ﻟﻠﺒﻨﻲ ﻗﻌﺪﺕ ﺗﻀﺤﻚ ﻭﻗﺎﻟﺖ ﻟﻲ ﺩﺍ ﻏﺰﻝ ﻋﺪﻳﻞ ﺷﻜﻠﻚ
ﺍﺗﻌﻠﻘﺘﻲ ﺑﻪ ﻟﻠﺴﺒﺐ ﺩﺍ ﻭﺣﺎﻓﻈﻪ ﺗﻔﺎﺻﻴﻠﻮ : ﺑﺼﻢ ﺑﺲ ﻣﺎ ﺗﻔﺘﻨﻴﻨﻲ ﻣﻊ
ﺍﻣﻲ ﺗﻘﻮﻡ ﺗﺮﺟﻊ ﻟﺪﻭﺭ ﺍﻟﺸﺮﻳﺮﻩ ﺩﺍﻙ : ﻣﻌﻘﻮﻟﻪ ﺍﻧﺎ ﺍﻋﻤﻞ ﻛﺪﺍ ﺑﺲ
ﻣﺴﺘﻐﺮﺑﻪ ﻓﻴﻚ ﻣﺎ ﺣﺎﺳﻪ ﺑﺎﻟﻀﻴﻖ ﻣﻦ ﺍﻧﻮ ﺑﺸﺒﻪ ﺍﺑﻮﻩ ﺍﻻﺫﺍﻙ ؟؟ :
ﺍﻋﻤﻞ ﺷﻨﻮ ﻳﺎ ﺧﺎﻟﺘﻮ ﺷﺎﻳﻞ ﻗﻠﺒﻲ ﺩﺍ ﺭﻏﻢ ﺍﻟﺤﺼﻞ ﻟﻲ ﺑﺴﺒﺒﻮ ﻣﺎ ﻗﺎﺩﺭﻩ
ﺍﻧﺴﻰ ﺍﻟﻌﺸﻨﺎﻩ ﻫﻮ ﻛﺎﻥ ﺟﺰﺀ ﻣﻨﻲ ﺍﺻﻼ ﻣﺎ ﻋﺮﻓﺖ ﻭﻻ ﺍﺗﻌﺎﻣﻠﺖ ﻣﻊ
ﻏﻴﺮﻭ ﺣﺘﻰ ﺟﻮﺍ ﺍﻟﺒﻴﺖ ﻫﻮ ﻛﺎﻥ ﺍﻗﺮﺏ ﻟﻲ ﻣﻦ ﺍﻣﻲ ﻭﺍﺑﻮﻱ ﻭﺍﺧﻮﺍﻧﻲ
ﺍﺗﺨﻴﻠﻲ ﺑﺲ : ﻟﻮ ﺍﻣﻚ ﻗﺮﺭﺕ ﺗﺮﺿﻰ ﻋﻠﻴﻪ ﻭﺗﺴﻤﺢ ﻟﻪ ﻳﻌﻘﺪ ﻋﻠﻴﻚ
ﺑﺘﻮﺍﻓﻘﻲ ؟؟ : ﻣﺴﺘﺤﻴﻞ ﺣﺒﻲ ﻟﻪ ﻓﻲ ﻛﻔﻪ ﻭﺍﻟﻌﻤﻠﻮ ﻣﻌﺎﻱ ﻓﻲ ﻛﻔﻪ
ﺗﺎﻧﻴﻪ ﻫﻮ ﺍﺗﺨﻠﻰ ﻋﻨﻲ ﻓﻲ ﺍﺻﻌﺐ ﻓﺘﺮﻩ ﻟﻲ ﻭﺍﺻﻼ ﻣﺎ ﺣﺒﺎﻧﻲ ﺯﻱ ﻣﺎ
ﺍﻧﺎ ﺣﺒﻴﺘﻮ ﻛﺎﻥ ﻣﻌﺘﺒﺮﻧﻲ ﻓﺘﺮﺓ ﻭﻋﺪﺕ ﻭﺯﻱ ﻣﺎ ﻫﻮ ﻋﻤﻞ ﺍﻧﺎ ﺣﺎﺍﻋﻤﻞ
ﺣﺘﻰ ﻟﻮ ﻣﺎ ﻗﺪﺭﺕ ﺍﺗﺠﺎﻭﺯ ﺣﺒﻮ ﻋﻤﺮﻱ ﻣﺎ ﺣﺎﺍﺭﺟﻊ ﺍﺿﻌﻒ ﻗﺪﺍﻣﻮ ﻭﻟﻮ
ﺍﻧﻌﺪﻣﻮ ﺍﻟﺮﺟﺎﻝ ﻣﺎ ﺑﻌﺮﺳﻮ ﻫﻮ : ﺧﻼﺹ ﺧﻠﻴﻨﺎ ﻧﻘﻔﻞ ﺳﻴﺮﺗﻮ ﻭﻟﺪﻙ
ﻧﺎﻭﻳﻪ ﺗﺴﻤﻴﻪ ﻣﻨﻮ ﻗﻠﺖ ﻟﻬﺎ ﻗﺼﻲ ﻻﻧﻮ ﻣﺎﺯﻥ ﻗﺎﻝ ﺣﺎﻳﺴﻤﻲ ﻭﻟﺪﻭ
ﺍﻻﻭﻝ ﻗﺼﻲ ﻭﻓﻲ ﺍﻟﻔﻴﺲ ﺻﻔﺤﺘﻮ ﻣﺴﺠﻼ ﺑﺎﺍﺑﻮ ﻗﺼﻲ ﻗﺼﻲ ﻣﺎﺯﻥ
ﻋﺒﺪﺍﻟﻠﻪ ﺍﻟﺘﻮﻡ ﺑﺲ ﻣﺎ ﺣﺎﻳﻌﺮﻑ ﻻﻧﻮ ﺍﻣﻲ ﻗﺎﻟﺖ ﺣﺎﺗﻨﺴﺒﻮ ﻻﺑﻮﻱ
ﻭﻳﻜﻮﻥ ﺍﺳﻤﻮ ﻗﺼﻲ ﺍﻟﻔﺎﺗﺢ ﺩﺍ ﺍﻛﺒﺮ ﻋﻘﺎﺏ ﻟﻤﺎﺯﻥ ﻋﻤﺮﻭ ﻣﺎ ﺣﺎﻳﻌﺮﻑ
ﻭﺣﺎﺍﺣﺮﻣﻮ ﻣﻦ ﻭﻟﺪﻭ ﺑﻌﺪﺍﻙ ﺧﺎﻟﺘﻮ ﺍﺳﻤﺎﺀ ﺭﺟﻌﺖ ﻭﺍﻧﺎ ﺗﻤﻴﺖ ﺍﻻﺭﺑﻌﻴﻦ
ﻭﻛﺎﻥ ﺍﻟﻤﻔﺮﻭﺽ ﻧﻄﻌﻢ ﻗﺼﻲ ﺳﻤﻌﺖ ﺍﻣﻲ ﺑﺘﺘﻜﻠﻢ ﺑﺎﻟﺘﻠﻔﻮﻥ ﻭﺗﻬﺮﺝ
ﺑﺘﺒﺎﻟﻐﻲ ﻟﻜﻦ ﻛﻴﻒ ﺗﻄﻠﻌﻲ ﺍﻟﺸﻬﺎﺩﻩ ﺑﺎﺳﻢ ﻣﺎﺯﻥ ﻭﺳﻤﺮ ﺍﻧﺎ ﻣﺎ ﻓﻬﻤﺘﻚ
ﻣﻦ ﺍﻟﺒﺪﺍﻳﻪ ؟؟ ﺍﺳﻲ ﻧﻘﻮﻝ ﻟﻠﻨﺎﺱ ﺷﻨﻮ ؟؟
ﺍﻧﺎ ﻣﺎ ﺍﺗﻮﻗﻌﺖ ﺧﺎﻟﺘﻮ ﺍﺳﻤﺎﺀ ﺗﻌﻤﻞ ﻛﺪﺍ ﻣﺎﻫﻲ ﻣﻦ ﺍﻻﻭﻝ ﻣﻌﺎﻧﺎ
ﻭﻋﺎﺭﻓﻪ ﻭﺿﻌﻨﺎ ﺍﻟﻤﻬﻢ ﺷﻠﻨﺎ ﺍﻟﺸﻬﺎﺩﻩ ﺩﺳﻴﻨﺎﻫﺎ ﻭﺍﻣﻲ ﻗﺎﻟﺖ ﺑﺘﻄﻠﻊ ﻟﻪ
ﻭﺍﺣﺪﻩ ﺗﺎﻧﻴﻪ ﺑﻌﺪ ﻧﺮﺟﻊ ﺑﻌﺪ ﻋﻤﻠﻮ ﻟﻲ ﻛﺮﺍﻣﺔ ﺍﻻﺭﺑﻌﻴﻦ ﻭﺩﻋﻨﺎ ﻧﺎﺱ
ﺣﺒﻮﺑﻪ ﻭﺭﺟﻌﻨﺎ ﺑﻴﺘﻨﺎ ﺑﺎﺑﺎ ﻛﺎﻥ ﺟﺎﺀ ﻣﻦ ﺍﻟﺤﺞ ﺑﺮﺿﻮ ﻭﺧﺎﻟﺘﻮ ﺭﺟﺎﺀ
ﻗﺎﻟﺖ ﺑﺘﻘﻌﺪ ﻣﻌﺎﻧﺎ ﻛﻢ ﻳﻮﻡ ﺣﺴﻴﺘﺎ ﻣﺮﻛﺰﻩ ﻣﻌﺎﻧﺎ ﺷﺪﻳﺪ ﻭﺩﺍﻳﻤﺎ ﺗﺴﺄﻝ
ﺍﻣﻲ ﻣﺎ ﺣﺼﻞ ﺷﻔﺘﻚ ﺑﺘﺮﺿﻌﻲ ﺍﻟﻮﻟﺪ ﺩﺍ ﻭﻟﻴﻪ ﺑﺘﻨﻮﻣﻲ ﻣﻊ ﺑﻨﺘﻚ
ﻭﻭﻟﺪﻙ ﻣﺘﻌﻠﻖ ﻓﻲ ﺳﻤﺮ ﺍﻛﺘﺮ ﻣﻨﻚ ﻃﺒﻌﺎ ﺍﻣﻲ ﺑﻘﺖ ﺗﻨﻮﻡ ﻣﻌﺎﻱ ﻣﻦ
ﻗﺒﻞ ﻣﺎ ﻧﺴﺎﻓﺮ ﻭﺣﺎﻟﻴﺎ ﺧﺎﻟﺘﻮ ﺭﺟﺎﺀ ﺑﺘﻨﻮﻡ ﻣﻊ ﻭﺟﻦ ﺍﻧﺎ ﻗﻠﺖ ﻻﻣﻲ
ﺧﺎﻟﺘﻲ ﺩﻱ ﻳﻮﻡ ﺑﺘﻜﺸﻔﻨﺎ ﺳﻮﻗﻲ ﻗﺼﻲ ﻏﺮﻓﺘﻚ ﻭﻋﻮﺩﻳﻪ ﻳﻨﻮﻡ ﻣﻌﺎﻙ
ﺑﺲ ﻣﻦ ﺍﻭﻝ ﻳﻮﻡ ﺑﻜﺎﺀ ﻭﺻﺮﻳﺦ ﺍﻟﻠﻴﻞ ﺩﺍ ﻛﻠﻮ ﺷﺎﻟﻮ ﺳﻬﺮ ﻭﺍﻧﺎ ﻗﻠﺒﻲ
ﻭﺟﻌﻨﻲ ﻋﻠﻴﻪ ﺍﺑﻮﻱ ﺯﺍﺗﻮ ﺍﺗﺤﻴﺮ ﻗﺎﻝ ﻟﻬﺎ ﺑﻜﻮﻥ ﻋﻴﺎﻥ ﺍﻣﻲ ﻗﺎﻟﺖ ﻟﻪ
ﻻﻻ ﻳﻤﻜﻦ ﻋﺸﺎﻥ ﻣﺎ ﻣﺘﻌﻮﺩ ﻋﻠﻰ ﺍﻟﻐﺮﻓﻪ ﺩﻱ ﻭﻧﺤﻦ ﺍﺻﻼ ﺑﻨﺨﻠﻲ
ﺍﻟﻨﻮﺭ ﻟﻠﺼﺒﺎﺡ ﺟﺎﺗﻨﻲ ﻭﺧﺎﻟﺘﻮ ﺩﻱ ﻭﺍﻗﻔﻪ ﻟﻴﻨﺎ ﺯﻱ ﺷﻮﻛﺔ ﺍﻟﺤﻮﺕ ﻣﺎ
ﺩﺍﻳﺮﻩ ﺗﻤﺸﻲ ﻋﺸﺎﻥ ﺍﻧﺎ ﺍﺭﺿﻊ ﻭﻟﺪﻱ ﺍﻻ ﺍﻣﻲ ﻗﺎﻟﺖ ﻟﻬﺎ ﺍﻣﺸﻲ ﻧﻮﻣﻲ
ﻭﺑﻌﺪ ﺗﻌﺐ ﻣﺸﺖ ﻭﺍﻧﺎ ﻛﻨﺖ ﺑﺒﻜﻲ ﺳﺎﺍﺍﻱ ﺍﻣﻲ ﻧﻬﺮﺗﻨﻲ : ﺍﺳﻜﺘﻲ ﻭﺍﻟﻠﻪ
ﻣﺎ ﻋﺎﺭﻓﻪ ﺍﻟﻘﺎﻫﺎ ﻣﻨﻚ ﻭﻻ ﻣﻦ ﻭﻟﺪﻙ ﻗﻠﺖ ﻟﻬﺎ ﺣﺎﻧﻌﻤﻞ ﺷﻨﻮ ﻗﺎﻟﺖ ﻟﻲ
ﻧﺼﺒﺮ ﺑﺲ ﺍﻟﻔﺘﺮﻩ ﺩﻱ ﺭﺿﻌﺖ ﻭﻟﺪﻱ ﺣﺘﻰ ﺳﻜﺖ ﻭﻧﺎﻡ ﻭﻧﺤﻦ ﻧﻤﻨﺎ
ﻗﺮﻳﺐ ﺍﺫﺍﻥ ﺍﻟﺼﺒﺢ ﺑﻌﺪ ﺍﺳﺒﻮﻉ ﺧﺎﻟﺘﻮ ﻣﺸﺖ ﻭﺍﺭﺗﺤﻨﺎ ﺷﻮﻳﻪ ﺍﻣﻲ
ﻗﺎﻟﺖ ﻟﻲ ﺍﻟﻤﺪﺍﺭﺱ ﺣﺎﺗﻔﺘﺢ ﺑﻌﺪ ﺩﺍ ﻻﺯﻡ ﺗﺠﻬﺰﻱ ﻧﻔﺴﻚ ﻗﻠﺖ ﻟﻬﺎ
ﻣﺪﺭﺳﺔ ﺷﻨﻮ ﻳﺎ ﻣﺎﻣﺎ ﻭﺍﺧﻠﻲ ﻗﺼﻲ ﻟﻤﻨﻮ؟؟ ﺍﺻﻼ ﺍﻧﺎ ﺍﻟﻤﺪﺭﺳﻪ ﺩﻱ
ﺧﻼﺹ ﻛﺮﻫﺘﺎ ﻭﻣﻦ ﻳﻮﻣﻲ ﻣﺎ ﻧﺎﻓﻌﻪ ﻓﻴﻬﺎ ﺑﻘﺖ ﻳﻮﻣﻲ ﺗﻨﻖ ﻓﻴﻨﻲ
ﻭﺍﺑﻮﻱ ﺑﺮﺿﻮ ﻭﺧﺎﻟﺘﻮ ﺍﺳﻤﺎﺀ ﻗﻠﺖ ﻟﻬﻢ ﻭﻟﺪﻱ ﺑﺮﺿﻊ ﺍﻣﺸﻲ ﺍﻟﻤﺪﺭﺳﻪ
ﻭﺍﺧﻠﻴﻪ ﻛﻴﻒ ؟؟ ﻗﺎﻟﺖ ﻟﻲ ﺧﻼﺹ ﺗﻤﺘﺤﻨﻲ ﻣﻨﺎﺯﻝ ﻭﺍﻧﺎ ﺑﻘﺮﻳﻚ ﺍﻟﻤﻬﻢ
ﻣﺸﺖ ﺳﺠﻠﺖ ﻟﻲ ﻭﺑﻘﻴﻨﺎ ﻋﻠﻰ ﻧﻔﺲ ﺍﻟﺮﻭﺗﻴﻦ ﺑﺘﺎﻋﻨﺎ ﻟﺤﺪﻱ ﻣﺎ ﻳﻮﻡ
ﺟﺎﻧﺎ ﻣﺎﺯﻥ ﻣﻊ ﺧﺎﻟﻮ ﻗﺎﻝ ﻣﺴﻔﺮﻭ ﻣﻌﺎﻩ ﻗﻄﺮ ﻳﺸﺘﻐﻞ ﻭﺟﻮ ﻳﻌﻤﻠﻮ ﻟﻪ
ﺍﻻﺟﺮﺍﺀﺍﺕ
ﺍﻧﺎ ﻃﺒﻌﺎ ﻛﻨﺖ ﺑﺘﺤﺎﺷﺎﻩ ﻭﺍﻣﻲ ﺯﺍﺗﺎ ﻣﺎ ﻣﺨﻠﻴﺎﻧﻲ ﺍﻃﻠﻊ ﻣﻦ ﺍﻟﻐﺮﻓﻪ ﻣﺎ
ﺷﻔﺘﻮ ﻧﻬﺎﺋﻲ ﻗﺼﻲ ﻛﺎﻥ ﻛﺒﺮ ﺣﺒﻪ ﻭﺍﺧﻮﺍﻧﻲ ﺑﻘﻮ ﻳﺸﻴﻠﻮﻩ ﻋﺎﺩﻱ
ﻭﻳﻄﻠﻌﻮ ﺑﻪ ﻳﻮﻡ ﻛﻨﺖ ﻧﺎﻳﻤﻪ ﻧﺺ ﺍﻟﻨﻬﺎﺭ ﺳﻤﻌﺖ ﺻﻮﺗﻮ ﺑﺒﻜﻲ ﺟﺮﻳﺖ
ﺣﻔﻴﺎﻧﻪ ﻭﻓﺠﺎﺀﺓ ﺳﻜﺖ ﻭﺍﻧﺎ ﻣﺎ ﻻﻗﻴﺎﻩ ﻓﺘﺸﺖ ﺍﻟﺒﻴﺖ ﺩﺍ ﻛﻠﻮ ﻟﻘﻴﺖ
ﺭﺍﻣﻲ ﻓﻲ ﺍﻟﺸﺎﺭﻉ ﺑﻠﻌﺐ : ﻗﺼﻲ ﺩﺍ ﻭﻳﻦ ﻳﺎ ﺭﺍﻣﻲ ﺍﻧﺖ ﻣﺎ ﻛﻨﺖ
ﺷﺎﻳﻠﻮ ؟ : ﻗﻌﺪ ﻳﺒﻜﻲ ﻭﻣﺎﺯﻥ ﺷﺎﻟﻮ ﻣﻨﻲ : ﻣﺎﺯﻥ ؟؟؟ ﻣﺎﺯﻥ ﻳﺎ ﺣﻴﻮﺍﻥ
ﺍﻟﻠﻴﻠﻪ ﺑﻘﺘﻠﻚ ﻃﺒﻌﺎ ﺍﻟﺪﻳﻮﺍﻥ ﺩﺍ ﺍﻟﻤﻜﺎﻥ ﺍﻟﻮﺣﻴﺪ ﺍﻟﻤﺎ ﻓﺘﺸﺘﻮ ﻻﻧﻲ ﺍﺻﻼ
ﻣﻦ ﻳﻮﻡ ﺍﻟﺤﺼﻞ ﻣﺎ ﺩﺧﻠﺘﻮ ﻛﻨﺖ ﻣﺎﺷﻪ ﺑﺨﻄﻮﺍﺕ ﺧﺎﻳﻔﻪ ﻓﺘﺤﺖ
ﺍﻟﺒﺎﺏ ﺑﺮﺍﺣﻪ ﻭﺷﻔﺖ ﻣﻨﻈﺮ ﺭﻫﻴﺐ ﻭﺑﺎﻟﺠﺪ ﻫﺰﺍﻧﻲ ﺷﺪﻳﺪ ﻣﺎﺯﻥ ﻛﺎﻥ
ﺭﺍﻗﺪ ﻧﺎﻳﻢ ﻭﻗﺼﻲ ﻓﻲ ﺻﺪﺭﻭ ﻧﺎﻳﻢ ﺑﺮﺿﻮ ﻭﻋﻠﻲ ﺍﻟﺸﺒﻪ ﺍﻟﺒﻴﻨﻬﻢ
ﻭﺣﺎﻟﺔ ﺍﻻﻧﺴﺠﺎﻡ ﺍﻟﻜﺎﻧﻮ ﻓﻴﻬﺎ ﺑﻘﻮ ﺯﻱ ﺍﻟﻠﻮﺣﻪ ﺟﺎﻧﻲ ﺍﺣﺴﺎﺱ ﻛﺪﺍ ﻣﺎ
ﻗﺪﺭﺕ ﺍﻓﺴﺮﻭ ﻭﺭﺟﻠﻲ ﺩﻳﻞ ﺑﻘﻴﺖ ﺍﺟﺮﻫﻢ ﺟﺮ ﻣﺸﻴﺖ ﺷﻠﺖ ﻭﻟﺪﻱ
ﺑﺴﺮﻋﻪ ﻭﻃﻠﻌﺖ ﻭﺍﻧﺎ ﻓﻲ ﺍﻟﻌﺘﺒﻪ ﺳﺎﻣﻌﻪ ﻣﺎﺯﻥ ﺑﻘﻮﻝ ﻟﻲ ﺳﻤﺮ ﺍﻗﻴﻔﻲ
ﺳﻜﺘﺖ ﻗﺎﻝ ﻟﻲ ﻣﻤﻜﻦ ﺗﺨﻠﻴﻪ ﻣﻌﺎﻱ ﺷﻮﻳﻪ ﻃﻠﻌﺖ ﻣﻦ ﻏﻴﺮ ﻣﺎ ﺍﺭﺩ
ﻭﻣﺸﻴﺖ ﻏﺮﻓﺘﻲ ﻭﻗﻌﺪﺕ ﺍﺑﻜﻲ ﺑﻜﺎﺀ ﻭﻟﺪﻱ ﺻﺤﻰ ﻭﺑﻘﻰ ﻳﺒﻜﻲ ﻭﺍﻧﺎ
ﺭﺍﻓﻀﻪ ﺍﺭﺿﻌﻮ ﺭﻗﺪﺕ ﻧﻤﺖ ﺧﻠﻴﺘﻮ ﺍﻣﻲ ﺟﺎﺕ ﺻﺤﺘﻨﻲ
ﻳﺎﺑﻨﺖ ﺍﻧﺘﻲ ﻣﺎ ﺳﺎﻣﻌﻪ ﺍﻟﻮﻟﺪ ﺩﺍ ﺑﺒﻜﻲ ﺑﻜﻮﻥ ﺟﻌﺎﻥ ﺭﺿﻌﻴﻪ ﺳﻜﺘﺖ
ﻗﺎﻟﺖ ﻟﻲ ﻃﺮﺷﺎﺀ ﺍﻧﺘﻲ ؟؟ ﻗﻮﻣﻲ ﺭﺿﻌﻲ ﻭﻟﺪﻙ ﺩﺍ ﻗﻠﺖ ﻟﻬﺎ ﻣﺎ ﻭﻟﺪﻱ
ﻭﻣﺎ ﺑﺮﺿﻌﻮ ﺯﺣﻴﻪ ﻣﻨﻲ ﻛﺪﺍ ﻭﻻ ﻛﺪﺍ ﺑﻼ ﻳﺎﺧﺪﻭ : ﻳﺎ ﺑﻨﺖ ﺍﺧﺘﺮﻣﻲ
ﻧﻔﺴﻚ ﺩﺍ ﻛﻼﻡ ﺷﻨﻮ؟؟ : ﻗﻠﺖ ﻟﻚ ﻣﺎ ﺑﺮﺿﻌﻮ ﻃﻴﺮﻳﻪ ﻣﻦ ﻭﺷﻲ
ﻃﻮﺍﻟﻲ ﻣﺸﺖ ﺟﺮﺕ ﺧﺮﻃﻮﺵ ﺍﻟﻤﻮﻳﻪ ﻭﺟﺎﺗﻨﻲ ﻗﻠﺒﻲ ﻟﻤﻦ ﺭﺟﻒ ﻗﺎﻟﺖ
ﻟﻲ ﻛﻤﺎﻥ ﺩﻱ ﻗﻠﺔ ﺍﺩﺏ ﺟﺪﻳﺪﻩ ﺳﺮﻳﻊ ﺷﻴﻠﻲ ﺍﻟﻮﻟﺪ ﺩﺍ ﺭﺿﻌﻴﻪ ﻭﻻ
ﺍﻗﻄﻊ ﻟﺤﻤﻚ ﺑﺎﻟﺨﺮﻃﻮﺵ ﺩﺍ ﻃﻮﺍﻟﻲ ﺷﻠﺘﻮ ﻗﻌﺪﺕ ﺍﺭﺿﻌﻮ ﻭﺍﺑﻜﻲ ﻭﻫﻮ
ﻳﻤﺪ ﻳﺪﻭ ﻭﻳﺠﺮﻧﻲ ﻣﻦ ﻧﺨﺮﺗﻲ ﻃﻠﻌﺖ ﻟﻪ ﻟﺴﺎﻧﻲ ﻗﻌﺪ ﻳﻀﺤﻚ ﺍﻣﻲ
ﻗﺎﻟﺖ ﻟﻲ ﻋﺎﺭﻓﺎﻙ ﻣﺘﻀﺎﻳﻘﻪ ﻣﻦ ﺟﻴﺖ ﺍﻟﺤﻴﻮﺍﻥ ﺩﺍ ﺑﺲ ﻭﻟﺪﻙ ﻣﺎ
ﻋﻨﺪﻭ ﺫﻧﺐ ﺷﻮﻓﻲ ﺿﺤﻜﺘﻮ ﻋﻠﻴﻚ ﺍﻟﻠﻪ ﺯﻱ ﻣﺎ ﺑﻘﻮﻟﻮ ﺍﻟﻤﺼﺮﻳﻴﻴﻦ ﺍﻋﺰ
ﻣﻦ ﺍﻟﻮﻟﺪ ﻭﻟﺪ ﺍﻟﻮﻟﺪ ﻋﺎﺭﻓﻪ ﻳﺎ ﺳﻤﺮ ﺍﻧﻲ ﺑﺤﺐ ﻗﺼﻲ ﺩﺍ ﺍﻛﺘﺮ ﻣﻨﻜﻢ
ﺍﻧﺘﻮ ﺍﻟﺘﻼﺗﻪ ﺍﺑﺘﺴﻤﺖ ﻗﺎﻟﺖ ﻟﻲ ﺷﻮﻓﻲ ﻋﻠﻴﻚ ﺍﻟﻠﻪ ﻛﻨﺎ ﻋﺎﻭﺯﻳﻦ ﻧﻀﻴﻊ
ﺍﻟﻤﻼﻙ ﺩﺍ ﻭﺍﻟﻠﻪ ﺍﻧﺎ ﻗﻠﺒﻲ ﻭﺍﺟﻌﻨﻲ ﺷﺪﻳﺪ ﻋﻠﻰ ﺍﻟﻌﻤﻠﺘﻮ ﻓﻴﻜﻢ ﻳﻌﻨﻲ
ﺍﺳﻲ ﻟﻮ ﻛﺎﻥ ﻧﺰﻝ ﻧﺤﻦ ﺣﻴﺎﺗﻨﺎ ﻛﺎﻧﺖ ﺣﺎﺗﻜﻮﻥ ﻛﻴﻒ ؟؟ : ﺍﻟﺤﻤﺪﻟﻠﻪ
ﻳﺎﺍﻣﻲ ﺭﺑﻨﺎ ﻋﻨﺪﻭ ﺣﻜﻤﻪ ﻓﻲ ﺍﻱ ﺣﺎﺟﻪ : ﺳﺒﺤﺎﻥ ﻣﻐﻴﺮ ﺍﻻﺣﻮﺍﻝ
ﺧﻼﺹ ﺧﻠﻴﻨﺎ ﻣﺎﻣﺎ ؟ ﻭﻻ ﻋﺸﺎﻥ ﺑﻘﻴﺘﻲ ﺍﻡ ؟؟ : ﻣﺎﻣﺎ ﺩﻱ ﺣﻘﺖ ﺷﻔﻊ
ﻭﺍﻧﺎ ﻛﺒﻴﺮﻩ ﻋﻤﺮﻱ ﺑﻘﻰ ١٦ ﺳﻨﻪ : ﻳﺎ ﺳﻼﻡ ﻣﺤﺴﺴﺎﻧﻲ ﺍﻧﻬﻢ ٦٠ ﺳﻨﻪ
ﻣﺎ ﻫﺪﻱ ﻗﺪﺭ ﺍﻟﺸﺒﺮ ﺍﻧﺘﻲ ﻭﻭﻟﺪﻙ ﻣﺎ ﻣﺤﺼﻠﻴﻦ ﻧﺺ ﻋﻤﺮﻱ : ﻣﺎﻣﺎ :
ﺑﻼ ﻣﺎﻣﺎ ﻣﻌﺎﻙ ﻳﻼ ﺭﻗﺪﻱ ﺍﻟﻮﻟﺪ ﺩﺍ ﻧﺎﻡ ﻭﺍﻣﺸﻲ ﺍﺳﺘﺤﻤﻲ ﺗﻌﺎﻟﻲ
ﺍﻗﺮﻳﻚ
ﺗﺎﻧﻲ ﻳﻮﻡ ﺍﺑﻮﻱ ﻃﻠﻊ ﺷﻐﻠﻮ ﻭﻣﺎﺯﻥ ﻣﺸﻰ ﻳﻜﻤﻞ ﺍﺟﺮﺍﺀﺍﺗﻮ ﺭﺍﻣﻲ
ﻭﻭﺟﻦ ﻣﺸﻮ ﺍﻟﻤﺪﺍﺭﺱ ﻭﺍﻣﻲ ﻗﺎﻟﺖ ﻣﺎﺷﻪ ﺍﻟﺴﻮﻕ ﺍﻧﺎ ﻛﻨﺖ ﺑﺮﺍﻱ ﻗﻤﺖ
ﻧﻈﻔﺖ ﻭﻋﻤﻠﺖ ﺍﻟﻔﻄﻮﺭ ﻛﺎﻥ ﻓﻲ ﺣﺒﺔ ﻣﻼﺑﺲ ﻗﻌﺪﺕ ﺍﻏﺴﻠﻬﻢ
ﻭﺍﻟﻐﺮﻳﺒﻪ ﻗﺼﻲ ﺩﺍ ﺍﺻﻠﻮ ﻣﺎ ﺻﺤﻰ ﻭﻫﻮ ﻛﺎﻥ ﻣﺘﻌﻮﺩ ﻳﺼﺤﻲ ﻣﻦ
ﺍﻟﺼﺒﺎﺡ ﻭﻳﺒﻜﻲ ﻣﺸﻴﺖ ﺍﺷﻮﻓﻮ ﻟﻘﻴﺘﻮ ﻳﻨﺎﻫﺪ ﻭﺣﺮﺍﺭﺗﻮ ﺩﻱ ﻋﺎﻟﻴﻪ ﻟﻤﻦ
ﻋﺮﻗﺎﻥ ﺍﺗﺨﻠﻌﺖ ﺧﻠﻌﻪ ﻭﻗﻠﺒﻲ ﺩﺍ ﻗﺮﺏ ﻳﻘﻴﻒ ﻗﻌﺪﺕ ﺍﺑﻜﻲ ﻭﺷﻠﺖ
ﺍﻟﺘﻠﻔﻮﻥ ﺍﺗﺼﻞ ﻋﻠﻰ ﺍﻣﻲ ﻟﻘﻴﺖ ﻣﺎﻓﻲ ﺭﺻﻴﺪ ﺣﻀﻨﺘﻮ ﻭﻗﻌﺪﺕ ﺍﺑﻜﻲ
ﺍﺻﻠﻲ ﻣﺎ ﻓﻜﺮﺕ ﻓﻲ ﺷﻲ ﺳﻤﻌﺖ ﺍﻟﺒﺎﺏ ﺑﺪﻕ ﺍﺑﻴﺖ ﺍﻓﺘﺢ ﺑﻌﺪ ﻣﺴﺎﻓﻪ
ﺟﺎﺀ ﻣﺎﺯﻥ ﺩﺍﺧﻞ ﻟﻘﺎﻧﻲ ﺣﺎﺿﻨﻪ ﻭﻟﺪﻱ ﻭﺑﺒﻜﻲ
ﻣﺎﻟﻚ ﻳﺎ ﺑﻨﺖ ﻓﻲ ﺷﻨﻮ
ﻗﺼﻲ ﺣﺮﺍﺭﺗﻮ ﻋﺎﻟﻴﻪ ﻭﻣﺎﺭﺍﺿﻲ ﻳﺮﺿﻊ ﺑﺒﻜﻲ ﺑﺲ ﺟﺎﺀ ﻫﺒﺶ ﺟﺒﻬﺘﻮ
ﻗﺎﻝ ﻟﻲ ﻭﺍﻣﻚ ﻭﻳﻨﺎ ﻣﺨﻠﻴﺎﻩ ﻣﻌﺎﻙ
ﻣﺎ ﺗﺴﺄﻟﻨﻲ ﻳﺎﺥ
ﺧﻼﺹ ﻟﺒﺴﻴﻪ ﺍﺭﺡ ﺍﻟﻤﺴﺘﺸﻔﻰ
ﻟﺒﺴﺖ ﻟﻲ ﺗﻮﺏ ﻭﻟﺒﺴﺖ ﻗﺼﻲ ﻭﻃﻠﻌﺖ ﻣﻊ ﻣﺎﺯﻥ ﻛﻨﺖ ﺑﺒﻜﻲ ﺑﺲ
ﻭﻗﻔﻨﺎ ﻓﻲ ﺍﻟﻈﻠﻂ ﻣﺴﺎﻓﻪ ﺣﺘﻰ ﻟﻘﻴﻨﺎ ﻣﻮﺍﺻﻼﺕ ﻫﻮ ﻛﺎﻥ ﺑﺤﺎﻭﻝ
ﻳﻬﺪﻳﻨﻲ ﻭﺍﻧﺎ ﻣﻮﺍﺻﻠﻪ ﺑﻜﺎ ﺗﻠﻔﻮﻧﻲ ﻃﺒﻌﺎ ﺧﻠﻴﺘﻮ ﻓﻲ ﺍﻟﺒﻴﺖ ﻭﺻﻠﻨﺎ
ﻭﺳﺠﻠﺖ ﻟﻪ ﻭﻗﺎﻋﺪﻩ ﻣﻨﺘﻈﺮﻩ ﻭﺑﺒﻜﻲ ﺍﻟﻨﺎﺱ ﻛﻠﻬﺎ ﺑﻘﺖ ﻣﺮﻛﺰﻩ ﻣﻌﺎﻱ
ﻓﻲ ﻣﺮﺍ ﺟﻨﺒﻲ ﻗﺎﻟﺖ ﻟﻲ ﺩﺍ ﺍﻭﻝ ﻃﻔﻞ ﻟﻚ ؟؟ ﻫﺰﻳﺖ ﻟﻬﺎ ﺭﺍﺳﻲ ﻗﺎﻟﺖ
ﻟﻲ ﻣﺎ ﺗﺨﺎﻓﻲ ﺍﻻﻃﻔﺎﻝ ﺩﻳﻞ ﻋﺎﺩﻱ ﺑﻤﺮﺿﻮ ﻛﺪﺍ ﻋﻤﻠﺘﻲ ﻟﻪ
ﻣﻜﻤﺪﺍﺕ ؟؟ ﻗﻠﺖ ﻟﻬﺎ ﻣﺎ ﻋﻤﻠﺖ ﻟﻪ ﺷﻲ : ﺷﻜﻠﻮ ﺟﻌﺎﻥ ﺭﺿﻌﻴﻪ
ﺭﺿﻌﺘﻮ ﻗﺎﻡ ﺳﻜﺖ ﺑﻌﺪﺍﻙ ﺍﻟﻤﺮﺍ ﺩﺧﻠﺖ ﻭﺟﺎ ﻣﺎﺯﻥ ﻗﻌﺪ ﺟﻨﺒﻲ : ﺍﻣﻚ
ﻭﺭﻳﺘﻴﻬﺎ؟ : ﻣﺎ ﻋﻨﺪﻱ ﺭﺻﻴﺪ ﻣﺎ ﺑﺘﻔﻬﻢ ﺍﻧﺖ ؟؟ : ﻃﻴﺐ ﻣﺎ ﺗﻨﻔﻌﻠﻲ ﺍﻧﺎ
ﻣﺎ ﻣﻌﺎﻱ ﺗﻠﻔﻮﻥ ﻟﻮ ﺣﺎﻓﻈﻪ ﺭﻗﻤﺎ ﺍﻛﺘﺒﻲ ﻟﻲ : ﻣﺎ ﺣﺎﻓﻈﺎﻩ : ﺍﻫﺎ ﺍﺭﺟﻊ
ﺍﻟﺒﻴﺖ ﺍﺷﻮﻓﺎ ﻭﻻ ﺷﻨﻮ؟؟ : ﻣﺎ ﺗﻌﻤﻞ ﺍﻱ ﺣﺎﺟﻪ ﻳﺎ ﻣﺎﺯﻥ ﻭﺗﻨﺎﺩﻱ ﻣﺎﻣﺎ
ﻟﺸﻨﻮ ﺍﻧﺎ ﻣﺎﻟﻲ ﻣﺎ ﺑﻜﻔﻲ؟؟ ﺷﻮﻳﻪ ﻛﺪﺍ ﻧﺪﻫﻮ ﺍﺳﻢ ﻗﺼﻲ ﺩﺧﻠﺖ
ﻭﻣﺎﺯﻥ ﺟﺎﺀ ﻭﺭﺍﻱ ﺍﻟﺪﻛﺘﻮﺭ ﺑﻘﻰ ﻳﺴﺄﻟﻨﻲ ﻋﻨﻮ ﺍﺳﻤﻮ ﻭﺳﻨﻮ ﻭﺍﻻﻋﺮﺍﺽ
ﺍﻟﺒﺸﻜﻲ ﻣﻨﻬﺎ ﻭﻣﺎﺯﻥ ﻳﻌﺎﻳﻦ ﻟﻲ ﺳﺎﺍﺍﺍﺍﺍﻱ ﻭﻣﺴﺘﻐﺮﺏ ﻓﻲ ﺣﻔﻈﻲ ﻻﺩﻕ
ﺗﻔﺎﺻﻴﻠﻮ ﺣﺘﻰ ﺯﻣﻦ ﺭﺿﻌﺎﺗﻮ ﻭﻣﻮﺍﻋﻴﺪ ﻧﻮﻣﻮ ﻭﺍﻟﺪﻛﺘﻮﺭ ﺍﺻﻼ ﺑﺘﻜﻠﻢ
ﻣﻌﺎﻱ ﻋﻠﻰ ﺍﺳﺎﺱ ﺍﻧﻲ ﺍﻣﻮ ﻣﺸﻴﻨﺎ ﻓﺤﺼﻨﺎ ﻟﻪ ﻭﻃﻠﻊ ﻋﻨﺪﻭ ﺍﻟﺘﻬﺎﺏ
ﻭﺍﻟﺪﻛﺘﻮﺭ ﺭﻗﺪﻧﺎ ﻣﺎﺯﻥ ﺭﺟﻊ ﺍﻟﺒﻴﺖ ﻭﺟﺎ ﻣﻌﺎﻩ ﺍﻣﻲ
ﺣﺎﻧﻌﻤﻞ ﺷﻨﻮ ﻳﺎ ﺍﻣﻲ ﻣﺎ ﺣﺎﻳﺨﻠﻮﻧﺎ ﻧﺮﻗﺪ ﻣﻌﺎﻩ ﺍﻻﺛﻨﻴﻦ ﺍﻧﺎ ﻣﺎ ﺑﻘﺪﺭ
ﺍﺧﻠﻴﻪ ﺍﻧﺘﻲ ﻋﺎﺭﻓﺎﻩ ﺑﺮﺿﻊ ﻣﺎﺯﻥ ﺩﺍ ﺟﺮﺍ ﻣﻌﺎﻧﺎ ﺟﺮﻱ ﻭﻣﻦ ﻳﻘﻮﻟﻮ ﻟﻪ
ﺟﻴﺐ ﺣﺎﺟﻪ ﻭﻻ ﺑﺴﺄﻝ ﻣﻦ ﺍﻟﺴﻌﺮ ﺯﺍﺗﻮ ﺍﻟﻨﺎﺱ ﻛﻠﻬﺎ ﻓﺎﻛﺮﺍﻩ ﺭﺍﺟﻠﻲ
ﻗﻌﺪﻧﺎ ﻟﻠﻤﺴﺎﺀ ﺍﺑﻮﻱ ﺟﺎﺀ ﻭﺧﺎﻟﺘﻮ ﺍﺳﻤﺎﺀ ﻃﺒﻌﺎ ﻗﻌﺪﺕ ﻣﻊ ﺍﺧﻮﺍﻧﻲ
ﺍﺑﻮﻱ ﻟﻤﻦ ﺟﺎﺀ ﻧﻬﺮﻧﻲ ﻭﻗﺎﻝ ﻟﻲ ﺍﻻ ﺗﺮﺟﻌﻲ ﺍﻟﺒﻴﺖ ﻻﺧﻮﺍﻧﻚ ﻭﺍﻧﺎ ﺍﺑﻜﻲ
ﺳﺎﺍﺍﻱ ﺍﻣﻲ ﻗﺎﻟﺖ ﻟﻲ ﺍﺳﻜﺘﻲ ﺧﻼﺹ ﻭﺍﻟﻠﻪ ﺍﺑﻮﻙ ﻳﻼﺣﻆ : ﻣﺎﻣﺎ
ﺍﻣﺸﻲ ﺍﺧﻠﻲ ﻭﻟﺪﻱ ﻛﻴﻒ؟؟ : ﻻ ﺍﺣﺴﻦ ﺗﺮﻗﺪﻱ ﻣﻌﺎﻩ ﺍﻧﺘﻲ ﻋﺸﺎﻥ
ﻧﻨﻔﻀﺢ : ﺧﻼﺹ ﺍﺩﻳﻨﻲ ﺍﺭﺿﻌﻮ ﺍﻭﻝ ﻋﺸﺎﻥ ﻣﺎ ﻳﺠﻮﻉ ﺑﻌﺪﻳﻦ ﺍﻣﻲ
ﻃﻠﻌﺖ ﺍﺑﻮﻱ ﺑﺮﺍ ﻧﻈﺎﻡ ﻋﺎﻭﺯﺍﻩ ﻓﻲ ﺣﺎﺟﻪ ﻣﻬﻤﻪ ﻭﺍﻧﺎ ﺭﺿﻌﺖ ﻭﻟﺪﻱ
ﻟﻤﻦ ﻣﺸﻴﺖ ﺍﻟﻨﺴﻮﺍﻥ ﺍﻟﺮﺍﻗﺪﺍﺕ ﻛﻠﻬﻦ ﺍﺳﺘﻐﺮﺑﻦ ﻳﻌﺎﻳﻨﻦ ﻓﻴﻨﻲ ﺳﺎﻱ
ﻋﺎﻭﺯﺍﺕ ﻳﺴﺄﻟﻦ ﻏﺎﻳﺘﻮ ﺍﻣﻲ ﺣﺎﺗﺨﺶ ﻣﻌﺎﻫﻦ ﻓﻲ ﺍﺳﺘﺠﻮﺍﺏ
ﺭﺟﻌﺖ ﺍﻟﺒﻴﺖ ﻣﻊ ﻣﺎﺯﻥ ﻭﻗﻌﺪﺕ ﺍﺑﻜﻲ ﺧﺎﻟﺘﻮ ﺍﺳﻤﺎﺀ ﺗﻬﺪﻱ ﻓﻴﻨﻲ
ﺳﺎﺍﻱ ﻟﻤﻦ ﻣﺸﺖ ﻣﺎﺯﻥ ﺟﺎ ﻟﻘﺎﻧﻲ ﻗﺎﻋﺪﻩ ﺑﺮﺍ
ﺳﻤﺮ ﺍﻧﺘﻲ ﻟﺤﺪﻱ ﺍﺳﻲ ﺻﺎﺣﻴﻪ ؟؟ ﻋﺎﺭﻓﻚ ﻣﺘﻌﻠﻘﻪ ﺑﺎﺍﺧﻮﻙ ﺩﺍ ﺷﺪﻳﺪ
ﺑﺲ ﻣﺎ ﺗﺨﺎﻓﻲ ﻋﻠﻴﻪ ﻛﺪﺍ ﻫﻮ ﻛﻮﻳﺲ ﻭﻣﻊ ﺍﻣﻮ ﺍﻣﺸﻲ ﻧﻮﻣﻲ : ﺯﺡ
ﻣﻨﻲ ﻭﺍﻭﻋﻰ ﻳﺪﻙ ﺩﻱ ﺗﻤﺪﺍ ﻋﻠﻲ ﻭﻻ ﺗﺤﺎﻭﻝ ﺗﻠﻤﺴﻨﻲ : ﺍﻧﺎ ﺍﺳﻒ ﻳﺎ
ﺳﻤﺮ ﺍﺳﻒ ﻟﻮ ﺍﺗﺴﺒﺒﺖ ﻟﻚ ﻓﻲ ﺍﻱ ﺿﺮﺭ ﻛﺎﻥ ﻧﻔﺴﻲ ﺍﺻﻠﺢ ﺍﻟﻐﻠﻂ ﺩﺍ
ﺑﺲ .... ﻗﺎﻃﻌﺘﻮ ﺑﺲ ﺷﻨﻮ ؟؟؟؟ ﻟﻌﻠﻤﻚ ﺍﻧﺎ ﺯﺍﺗﻲ ﻣﺎ ﻋﺎﻭﺯﺍﻙ ﺗﺼﻠﺢ
ﺣﺎﺟﻪ ﺍﻧﺖ ﻭﺍﺣﺪ ﻓﺎﺷﻞ ﻭﺯﻱ ﻣﺎ ﻗﺎﻟﺖ ﻣﺎﻣﺎ ﻣﺎ ﺑﺘﻨﺎﺳﺒﻨﻲ ﻭﺣﺘﻰ ﻟﻮ
ﻏﻠﻄﺖ ﻣﻌﺎﻙ ﻣﺎ ﺑﺘﺰﻭﺟﻚ ﻭﺑﺤﻤﺪ ﺍﻟﻠﻪ ﺍﻟﻤﺎ ﺟﺒﺮﺗﻨﻲ ﻋﻠﻴﻚ : ﻗﻮﻟﻲ
ﺍﻟﻌﺎﻭﺯﺍﻩ ﻳﺎ ﺳﻤﺮ ﻓﻀﻔﻀﻲ ﻟﻮ ﺩﺍ ﺑﺮﻳﺤﻚ : ﻣﻮﺗﻚ ﻣﺎ ﺑﺮﻳﺤﻨﻲ ﻳﺎ
ﻣﺎﺯﻥ ﺍﻧﺎ ﺍﻟﺤﺼﻞ ﻓﻴﻨﻲ ﺑﺴﺒﺒﻚ ﻗﺘﻞ ﺍﻟﻤﺸﺎﻋﺮ ﺍﻟﺠﻮﺍﻱ ﻭﻟﻮ ﻛﺎﻥ ﻟﺴﻪ
ﻓﻲ ﺫﺭﺓ ﺣﺐ ﻓﻲ ﻗﻠﺒﻲ ﻟﻚ ..... ﻃﻮﺍﻟﻲ ﻗﺎﻃﻌﻨﻲ ﺍﻧﺎ ﺍﺳﻒ ﻣﺎ ﺑﻘﺪﺭ
ﺍﻗﻮﻝ ﻏﻴﺮ ﻛﺪﺍ ﺑﺲ ﻋﻠﻴﻚ ﺍﻟﻠﻪ ﺍﻣﺸﻲ ﻧﻮﻣﻲ ﺣﺮﺍﻡ ﻋﻠﻴﻚ ﺻﺤﺘﻚ
ﺷﻮﻓﻲ ﺟﺴﻤﻚ ﺑﻘﻰ ﻛﻴﻒ ؟؟ ﻣﺸﻴﺖ ﻏﺮﻓﺘﻲ ﺧﻠﻴﺘﻮ ﺍﻧﺎ ﺑﺒﻜﻲ ﻭﺑﻔﻜﺮ
ﻓﻲ ﺣﺎﻝ ﻭﻟﺪﻱ ﻳﺒﻘﻰ ﻋﻠﻴﻪ ﻣﺮﺽ ﻭﺟﻮﻉ ﻭﻓﻘﺪﺍﻥ ﺣﻨﺎﻥ ﻋﻴﻮﻧﻲ ﺩﻱ
ﺍﺻﻠﻬﺎ ﻣﺎ ﻏﻤﻀﺖ ﺳﻤﻌﺖ ﺻﻮﺕ ﺍﻟﺒﺎﺏ ﻣﺸﻴﺖ ﻓﺘﺤﺘﻮ ﻟﻘﻴﺘﺎ ﺍﻣﻲ
ﺷﺎﻳﻠﻪ ﻗﺼﻲ ﻗﺮﺑﺖ ﺍﻃﻴﺮ ﻣﻦ ﺍﻟﻔﺮﺡ ﻭﻃﻮﺍﻟﻲ ﺍﺳﺘﻠﻤﺘﻮ ﻣﻨﻬﺎ ﻭﻣﺸﻴﺖ
ﺑﻪ ﻏﺮﻓﺘﻲ ﻛﺎﻥ ﺑﺒﻜﻲ ﻣﻦ ﺭﺿﻌﺘﻮ ﺳﻜﺖ ﺍﻣﻲ ﻗﺎﻟﺖ ﻟﻲ ﺍﻫﺎ ﻟﻘﻴﺘﻲ
ﻭﻟﺪﻙ ﻭﻣﺎﻭﺻﺪﻗﺘﻲ : ﺍﻣﻲ ﺧﺮﺟﻮﻛﻢ ﻛﻴﻒ ؟؟ : ﺑﺮﻱ ﻣﺎ ﺧﺮﺟﻮﻧﺎ ﺑﺲ
ﺍﻧﺎ ﺣﻨﺴﺖ ﺍﻟﺪﻛﺘﻮﺭ ﻳﺨﻠﻴﻨﺎ ﻧﻄﻠﻊ ﻭﻧﺠﻴﺒﻮ ﺯﻣﻦ ﺍﻟﺠﺮﻋﻪ ﺑﺲ ﻭﺍﺳﻲ
ﺍﺧﺪ ﺟﺮﻋﺘﻮ ﻭﺟﺒﺘﻮ ﻟﻚ ﻗﺼﺮﺕ ﻣﻌﺎﻙ ؟؟ ﻃﻮﺍﻟﻲ ﺣﻀﻨﺘﻬﺎ ﻣﺎﻣﺎ ﺍﻧﺎ
ﻣﺎ ﻋﺎﺭﻓﻪ ﻛﻨﺖ ﺣﺎﺍﻋﻤﻞ ﺷﻨﻮ ﻣﻦ ﻏﻴﺮﻙ
ﻃﺒﻌﺎ ﺑﺎﺑﺎ ﺑﺠﻴﺐ ﺍﻟﺤﺎﺟﺎﺕ ﺍﻟﺴﻤﺤﻪ ﻻﻣﻲ ﺑﻠﻴﻞ ﻋﻠﻰ ﺍﺳﺎﺱ ﺍﻧﻬﺎ
ﺑﺘﺮﺿﻊ ﻭﻛﺪﺍ ﻭﻫﻲ ﺑﺘﺨﺘﻬﻢ ﻟﻲ ﻓﻲ ﺍﻟﺘﻼﺟﻪ ﻭﻣﺮﺍﺕ ﺍﻟﻠﺒﻦ ﺩﺍ ﺑﺠﻬﺰﻭ
ﻟﻬﺎ ﺑﻨﻔﺴﻮ ﺑﺎﻟﻨﻌﻨﺎﻉ ﻭﻳﻮﺩﻱ ﻟﻬﺎ ﺍﻧﺎ ﺍﻟﻀﺤﻚ ﺑﺸﺮﻃﻨﻲ ﻟﻤﻦ ﺗﺠﻲ ﺗﺤﻜﻲ
ﻟﻲ ﺑﺎﻟﺪﻟﻊ ﻭﺍﻟﻐﻨﺞ ﺍﻟﺒﻌﻤﻠﻮ ﺍﺑﻮﻱ ﺑﺲ ﻫﻲ ﻣﺎ ﻛﺎﻧﺖ ﻣﻘﺼﺮﻩ ﻣﻌﺎﻱ ﻓﻲ
ﺷﻲ ﺍﻟﻔﻮﺍﻛﻪ ﻭﺍﻟﻠﺒﻦ ﻭﺍﻟﻌﺼﺎﻳﺮ ﺍﻱ ﺣﺎﺟﻪ ﺑﺘﺠﻴﺒﺎ ﻟﻲ ﺑﺲ ﺍﻧﺎ ﺣﺴﺐ
ﻧﻔﺴﻴﺘﻲ ﻣﺎ ﺑﺎﻛﻞ ﻭﻣﻊ ﺍﻟﺮﺿﺎﻋﻪ ﻧﺸﻔﺖ ﻋﺪﻳﻞ ﻭﺍﻱ ﺯﻭﻝ ﻳﺸﻮﻓﻨﻲ
ﺑﻼﺣﻆ ﻟﻲ
ﻣﺎﺯﻥ ﺳﺎﻓﺮ ﺑﻌﺪﺍﻙ ﻭﺍﻧﺎ ﺍﻣﺘﺤﻨﺖ ﻭﺭﺳﺒﺖ ﻃﺒﻌﺎ ﻻﻧﻲ ﺍﺻﻼ ﻻﻗﺮﻳﺖ
ﻭﻻ ﻛﻨﺖ ﺟﺎﺩﻩ ﻗﻠﺖ ﻻﻣﻲ ﺍﻧﺎ ﺍﻟﻤﺪﺭﺳﻪ ﺩﻱ ﺧﻼﺹ ﻗﻨﻌﺖ ﻣﻨﻬﺎ ﺑﺲ
ﻫﻲ ﻟﺴﻪ ﻣﺼﺮﻩ ﻗﺎﻟﺖ ﻟﻪ ﺩﺍﻳﺮﻩ ﺗﺒﻘﻲ ﺯﻱ ﺍﻟﺤﻴﻮﺍﻥ ﺍﻟﺼﺎﻳﻊ ﺩﺍﻙ ﺍﻣﻮ
ﺑﺎﻋﺖ ﺩﻫﺒﺎ ﻋﺸﺎﻥ ﺗﻘﺮﻳﻪ ﻭﻓﻲ ﺍﻟﻨﻬﺎﻳﻪ ﻃﻠﻊ ﻟﻴﻬﺎ ﺻﺎﻳﻊ ﻭﺩﺍﻳﺮ ﻳﻀﻴﻌﻚ
ﻣﻌﺎﻩ ﻟﻜﻦ ﻣﺎ ﺑﺤﺼﻞ ﺍﻟﺴﻨﻪ ﺩﻱ ﺗﺸﺪﻱ ﺣﻴﻠﻚ ﻭﻓﻲ ﺍﻟﺒﻴﺖ ﺩﺍ ﺗﺎﻧﻲ
ﻗﺸﻪ ﻣﺎ ﺗﺮﻓﻌﻴﻬﺎ
ﻳﺘﺒﻊ
ﺑﻘﻠﻤﻲ : ﻣﺸﺎﻋﺮ ﻣﺒﻌﺜﺮﻩ
أنت تقرأ
حبل الصبر
Mystery / Thrillerخطيئة كبيرة في سن مبكر لشابه تكلفها عمرها ثمنا مشاكل مجتمعيه كبيره ومعقده وعنف جسدي ونفسي تتعرض له تلك الشابه بسبب خطيئتها
