ﺣﺒﻞ_اﻟﺼﺒﺮ
بقلمي:مشاعر_مبعثره
ﺍﻟﺤﻠﻘﻪ ( ١١ )
ﻣﺎﺯﻥ ﺍﺧﺘﻔﻰ ﻣﻦ ﺍﻟﻴﻮﻡ ﺩﺍﻙ ﻋﺪﺍ ﺍﺳﺒﻮﻋﻴﻦ ﻣﺎ ﻇﻬﺮ ﻋﻠﻴﻨﺎ ﺧﺎﻟﺘﻮ
ﺍﺳﻤﺎﺀ ﺩﻱ ﻛﺎﻧﺖ ﻋﺎﻭﺯﻩ ﺗﻄﻴﺮ ﻣﻦ ﺍﻟﻔﺮﺡ ﺗﺸﻴﻞ ﻭﺗﺰﻏﺮﺩ ﻭﺯﻋﺖ ﺍﻟﺨﺒﺮ
ﻟﻠﺒﻠﺪ ﻭﺍﻟﺒﻠﺪﻳﻦ ﺍﻧﻮ ﻣﺎﺯﻥ ﺧﻄﺒﻨﻲ ﺍﺭﻳﺞ ﺻﺎﺣﺒﺘﻲ ﺑﺮﺿﻮ ﺟﺎﺕ ﻻﻧﻲ
ﻏﺒﺖ ﻓﺘﺮﻩ ﻃﻮﻳﻠﻪ ﺣﻜﻴﺖ ﻟﻬﺎ ﺍﻟﺤﺼﻞ ﻛﻠﻪ ﻭﻗﻌﺪﺕ ﺗﺒﻜﻲ ﻭﺗﺸﺎﻛﻞ
ﻓﻴﻨﻲ ﻗﺎﻟﺖ ﻟﻲ ﺍﻧﺘﻲ ﻟﻮ ﺑﺎﻟﺠﺪ ﻋﺎﺩﺍﻧﻲ ﺍﺧﺖ ﻭ ﺻﺎﺣﺒﻪ ﻣﺎ ﻛﺎﻥ
ﺩﺳﻴﺘﻲ ﻋﻠﻲ ﺗﻔﺎﺻﻴﻞ ﺣﻴﺎﺗﻚ ﻗﻠﺖ ﻟﻬﺎ ﺑﺎﻟﻤﻨﺎﺳﺒﻪ ﺍﻧﺎ ﻋﺮﻭﺱ ﺫﻱ ﻣﺎ
ﺑﻘﻮﻟﻮ ﻧﺎﺱ ﺍﻟﺒﻴﺖ ﻣﻤﻜﻦ ﻣﺎ ﺗﻨﻜﺪﻱ ﻋﻠﻲ ؟؟ ﻗﺎﻟﺖ ﻟﻲ ﻭﺍﻧﺘﻲ ﺍﺻﻼ
ﺑﺎﺭﺩﻩ ﻛﺪﺍ ﻟﻴﻪ ؟؟ ﻭﻻ ﻓﺮﺣﺎﻧﻪ ﺯﺍﺗﻮ ﻣﺎ ﺍﻱ ﺑﻨﺖ ﺑﻜﻮﻥ ﻧﺼﻴﺒﺎ ﺯﻱ ﻣﺎﺯﻥ
ﺗﺒﻌﻚ ﺩﺍ ﺍﻧﺎ ﺍﺻﻼ ﻣﻦ ﺍﻻﻭﻝ ﺣﺴﻴﺘﻚ ﺑﺘﺤﺒﻴﻪ : ﺑﺎﻟﻌﻜﺲ : ﻛﻠﻬﻢ
ﺑﻘﻮﻟﻮ ﻛﺪﺍ ﻋﺎﺭﻓﻪ ﻳﺎ ﺳﻤﺮ ﻟﻮ ﻟﻘﻴﺖ ﺯﻱ ﺍﻻﻓﻨﺪﻱ ﺗﺒﻌﻚ ﺩﺍ ﺑﻐﻠﻂ ﻣﻌﺎﻩ
ﻣﺨﺼﻮﺹ ﻋﺸﺎﻥ ﻳﻌﺮﺳﻨﻲ ﻃﻮﺍﻟﻲ ﺻﺮﻳﺖ ﻟﻬﺎ ﻭﻗﻠﺖ ﻟﻬﺎ ﺑﺤﺪﻩ ﺍﻟﻐﻠﻂ
ﺑﺎﻟﻜﻼﻡ ﺳﺎﻫﻞ ﻟﻮ ﻋﺸﺘﻲ ﺭﺑﻊ ﺍﻻﻧﺎ ﻋﺸﺘﻮ ﻣﺎ ﺣﺎﺗﺘﻤﻨﻲ ﻟﻨﻔﺴﻚ ﺣﺎﺟﻪ
ﺯﻱ ﺩﻱ ﻭﻫﻮ ﺍﺻﻼ ﺳﻤﻮﻩ ﻏﻠﻂ ﻟﺸﻨﻮ ؟؟ : ﺧﻼﺹ ﻳﺎ ﺷﻴﺨﻪ ﻫﻮ
ﻫﻈﺎﺭ ﺑﺎﻟﻤﻨﺎﺳﺒﻪ : ﺩﻱ ﺣﺎﺟﻪ ﺍﻧﺎ ﻣﺎ ﺑﺘﻤﻨﺎﻫﺎ ﻟﻌﺪﻭ ﻭﻻ ﺑﺎﻟﻬﻈﺎﺭ ﺧﻠﻲ
ﺍﻧﺘﻲ ﺻﺎﺣﺒﺘﻲ
ﺑﻌﺪ ﺛﻼﺛﻪ ﺍﻳﺎﻡ ﺑﺎﻟﻀﺒﻂ ﺟﺎﺗﻨﺎ ﺧﺎﻟﺘﻮ ﺭﺟﺎﺀ ﺗﺸﺎﻛﻞ ﻣﻦ ﺍﻟﺒﺎﺏ ﺍﻻ
ﺣﺒﻮﺑﻪ ﻭﻗﻔﺖ ﻟﻬﺎ ﻗﺎﻟﺖ ﻟﻬﺎ ﺍﻧﺘﻲ ﺍﺻﻠﻚ ﻏﻴﺮ ﺍﻟﻤﺸﺎﻛﻞ ﻣﻊ ﺍﺧﺘﻚ ﺩﻱ
ﻣﺎ ﻓﺎﻟﺤﻪ ﻟﺤﺎﺟﻪ ﻗﻠﺒﻚ ﺍﻻﺳﻮﺩ ﺩﺍ : ﺍﻧﺎ ﺍﻟﻘﻠﺒﻲ ﺍﺳﻮﺩ ﻭﻻ ﺍﻧﺘﻮ ﺧﺎﻟﻴﻦ
ﺍﻟﻮﻟﺪ ﻣﺠﺪﻭﻉ ﺑﺮﺍﻩ ﻓﻲ ﺷﻘﺘﻮ ﺯﻱ ﺍﻟﻜﻠﺐ ﻭﺿﻬﺮﻭ ﻣﻘﻄﻊ ﻛﻠﻨﺎ ﺍﺗﻬﺠﻤﻨﺎ
ﻟﻤﻦ ﻗﺎﻟﺖ ﻛﺪﺍ ﻗﻠﺖ ﻟﻬﺎ ﻣﺎﺯﻥ ﻣﺎﻟﻮ ﻗﺎﻟﺖ ﻟﻲ ﻋﺸﺎﻥ ﻳﺼﻠﺢ ﻏﻠﻄﺘﻮ ﻣﻊ
ﺣﻀﺮﺗﻚ ﻣﺸﻰ ﻻﻣﺎﻡ ﺍﻟﺠﺎﻣﻊ ﻭﻗﺎﻝ ﻟﻪ ﺍﻧﺎ ﺯﻧﻴﺖ ﻭﺍﺳﻲ ﺍﻗﺎﻣﻮ ﻋﻠﻴﻪ
ﺍﻟﺤﺪ ﺣﺒﻮﺑﻪ ﺍﺗﺼﺪﻣﺖ ﻓﻲ ﺳﺎﻋﺘﺎ ﻭﻛﻠﻨﺎ ﺑﻘﻴﻨﺎ ﻧﺒﻜﻲ ﻭﺧﺎﻟﺘﻲ ﻟﺴﻪ
ﺑﺘﺸﺎﻛﻞ ﺍﻣﻲ ﻗﺎﻟﺖ ﻟﻬﺎ ﻭﺍﻟﻠﻪ ﻣﺎ ﻋﺎﺭﻓﻨﻮ ﻗﺎﻟﺖ ﻟﻬﺎ ﺍﻟﻔﺎﺗﺢ ﻋﺎﺍﺍﺍﺍﺍﺍﺭﻑ
ﻣﺸﻰ ﻟﻪ ﻓﻲ ﺍﻟﺒﻴﺖ ﻭﻫﻮ ﺍﻟﻀﺮﺏ ﻟﻲ ﺟﻴﺘﻮ ﻣﺎﻟﻮ ﻳﻌﻨﻲ ﻛﺎﻥ ﻣﺸﻴﺘﻮ
ﺷﻔﺘﻮﻩ ﻭﻻ ﺟﺒﺘﻮﻩ ﻫﻨﺎ ﺭﺍﻋﻴﺘﻴﻪ ﺩﺍ ﻛﻠﻮ ﻋﺸﺎﻥ ﻏﻠﻂ ﻣﻊ ﺑﻨﺘﻜﻢ؟؟ ﻫﻲ
ﺍﻟﺒﺮﻳﺌﻪ ﻳﻌﻨﻲ ﺍﻻﺛﻨﻴﻦ ﻏﻠﻄﻮ ﻣﻊ ﺑﻌﺾ ﺍﻧﺎ ﻣﺎ ﺍﺗﺤﻤﻠﺖ ﻛﻼﻣﺎ ﻣﺸﻴﺖ
ﻏﺮﻓﺘﻲ ﺑﻌﺪ ﺷﻮﻳﻪ ﺟﺎﺗﻨﻲ ﻭﺟﻦ ﺗﺼﺮﺥ : ﻣﺎﻟﻚ ﻳﺎ ﺑﻨﺖ : ﺧﺎﻟﺘﻮ ﺭﺟﺎﺀ
ﺳﺎﻗﺖ ﻗﺼﻲ ﻣﻌﺎﻫﺎ ﺑﺎﻟﻐﺼﺐ ﻗﺎﻟﺖ ﺩﺍ ﻭﻟﺪﻧﺎ ﻭﻣﻮﺩﻳﺎﻩ ﻷﺑﻮﻩ ﺍﻧﺎ
ﺟﺮﻳﺖ ﺣﻔﻴﺎﻧﻪ ﻟﻘﻴﺘﺎ ﻓﻌﻼ ﻗﻠﻌﺘﻮ ﻗﻠﻊ ﻃﻮﺍﻟﻲ ﺟﺮﻳﺖ ﺍﻟﺸﺎﺭﻉ ﻭﻳﺸﻬﺪ
ﺍﻟﻠﻪ ﻻ ﻃﺮﺣﻪ ﻭﻻ ﺳﻔﻨﺠﻪ ﻣﺎﻓﻲ ﻋﺮﺑﻴﻪ ﻭﻗﻔﺖ ﻟﻲ ﻭﺍﻧﺎ ﺑﺒﻜﻲ ﺍﻻ ﻋﻢ
ﻛﺒﻴﺮ ﻛﺪﺍ ﻋﺮﻓﻨﻲ ﻣﻬﺠﻮﻣﻪ ﺭﻛﺒﻨﻲ ﻭﺍﻧﺎ ﻣﺎ ﻋﺎﺭﻑ ﻣﻜﺎﻥ ﺍﻟﺸﻘﻪ ﻭﻳﻦ
ﺑﺎﻟﻀﺒﻂ ﻛﻞ ﺍﻟﺒﺴﻤﻌﻮ ﺍﻧﻬﺎ ﻓﻲ ﺍﻟﺮﻳﺎﺽ ﺍﺗﺼﻠﺖ ﺑﻤﺎﺯﻥ ﻣﺎﺭﺩ ﻭﺧﺎﻟﺘﻮ
ﻓﺼﻠﺖ ﻓﻴﻨﻲ ﺍﺗﺼﻠﺖ ﺏ ﺍﺑﻮﻱ ﺳﺄﻟﺘﻮ ﻣﻦ ﺍﻟﻌﻨﻮﺍﻥ ﻗﺎﻝ ﻟﻲ ﻋﺎﻭﺯﻩ ﺑﻪ
ﺷﻨﻮ ﺍﻟﻮﻟﺪ ﺩﺍ ﺍﻭﻋﻚ ﺗﻤﺸﻲ ﻟﻪ ﺣﻜﻴﺖ ﻟﻪ ﺍﻟﺤﺼﻞ ﺷﺎﻛﻠﻨﻲ ﻭﻗﺎﻝ ﻟﻲ
ﺧﻠﻴﻬﺎ ﺗﺴﻮﻗﻮ ﻣﺶ ﻭﻟﺪ ﻭﻟﺪﺍ ؟؟ ﻗﻌﺪﺕ ﺍﺑﻜﻲ ﻗﺎﻝ ﻟﻲ ﺗﺮﺟﻌﻲ ﺍﻟﺒﻴﺖ
ﺑﺪﺭﺑﻚ ﺩﺍ ﻭﻟﻮ ﺑﺎﻟﻐﻠﻂ ﺳﻤﻌﺖ ﺍﻧﻚ ﻣﺸﻴﺘﻲ ﻟﻪ ﻭﻻ ﺟﻴﺖ ﻟﻘﻴﺘﻚ ﻣﺎﻓﻲ
ﺍﻻ ﺍﺟﻴﺐ ﺧﺒﺮﻙ
ﻗﻔﻞ ﻛﻞ ﺍﻟﻄﺮﻕ ﻓﻲ ﻭﺷﻲ ﻭﺧﻼﻧﻲ ﺭﺟﻌﺖ ﺍﻟﺒﻴﺖ ﻭﺍﻧﺎ ﺧﻼﺹ ﻋﺎﻭﺯﻩ
ﺍﻣﻮﺕ ﺍﺗﺨﻴﻠﺖ ﺍﻧﻮ ﺧﻼﺹ ﺷﺎﻟﻮﻩ ﻣﻨﻮ ﻭﺗﺎﻧﻲ ﻣﺎ ﺣﺎﺍﺷﻮﻓﻮ ﺍﻣﻲ
ﻗﻌﺪﺕ ﺗﻬﺪﻱ ﻓﻴﻨﻲ ﻭﺣﺒﻮﺑﻪ ﻗﺎﻟﺖ ﻟﻴﺔﺩﻱ ﺣﺒﻮﺑﺘﻮ ﻣﺎ ﺑﺘﻀﺮﻭ ﻭﺑﻌﺪﻳﻦ
ﻣﺎﺯﻥ ﻣﻌﺎﻩ ﻭﺍﻧﺘﻲ ﻋﺎﺭﻓﺎﻩ ﺑﺤﺒﻮ ﻛﻴﻒ ﺍﻣﺸﻲ ﺍﺳﺘﺤﻤﻲ ﻭﻧﻮﻣﻲ ﻳﺎ
ﺑﻨﺖ ﻋﺎﻳﻨﻲ ﺷﻜﻠﻚ ﻛﻴﻒ ﻋﻤﻠﺖ ﺯﻱ ﻣﺎ ﻗﺎﻟﺖ ﻟﻲ ﺑﺲ ﻣﺎ ﻧﻤﺖ ﺣﺘﻰ
ﺍﻟﻐﻔﻮﺓ ﺍﻻﺳﺘﺮﻗﺘﻬﺎ ﺍﺗﺨﻴﻠﺖ ﻓﻴﻬﺎ ﺍﻧﻮ ﻣﺎﺯﻥ ﺍﺗﺰﻭﺝ ﺍﻟﻬﺎﻡ ﻭﻗﻠﻊ ﻣﻨﻲ
ﻭﻟﺪﻱ ﺻﺤﻴﺖ ﻣﺨﻠﻮﻋﻪ ﻭﻗﻌﺪﺕ ﺍﺑﻜﻲ ﺍﻣﻲ ﺟﺎﺗﻨﻲ ﺩﺍﺧﻠﻪ ﺗﻀﺤﻚ
ﺍﻣﻲ ﺩﻱ ﻃﺒﻌﺎ ﺍﻟﻮﺣﻴﺪﻩ ﺍﻻﻧﺎ ﻣﺎ ﺑﻘﺪﺭ ﺍﻭﻓﻴﻬﺎ ﺣﻘﻬﺎ ﺣﺘﻰ ﺍﻟﻌﺬﺍﺏ
ﺍﻟﻌﺬﺑﺘﻨﻲ ﻟﻪ ﺍﻧﺎ ﻣﺒﺮﺭﺍﻩ ﻟﻬﺎ ﻭﺍﺣﺪﻩ ﻓﻲ ﻣﻜﺎﻧﻬﺎ ﻛﺎﻧﺖ ﺟﻨﺖ ﺍﺗﺤﻤﻠﺖ
ﻣﻌﺎﻱ ﻧﺘﺎﻳﺞ ﻏﻠﻄﺘﻲ ﻛﺬﺑﺖ ﻭﻧﺎﻓﻘﺖ ﻭﻣﺜﻠﺖ ﻗﺪﺍﻡ ﺍﻟﻨﺎﺱ ﺟﺎﻫﺎ
ﺍﻟﺴﻜﺮﻱ ﻭﺧﻠﺖ ﺷﻐﻼ ﺑﺴﺒﺒﻲ ﻭﺍﺧﺮ ﺣﺎﺟﻪ ﺍﺗﻄﻠﻘﺖ ﻭﺍﺗﺤﻤﻠﺖ ﻟﻮﻡ
ﺍﺑﻮﻱ ﻟﻬﺎ ﻋﺸﺎﻥ ﻣﺎ ﻳﻬﺒﺸﻨﻲ ﺟﺎﺑﺖ ﻟﻲ ﺍﻟﺸﺎﻱ ﻭﻗﺎﻟﺖ ﻟﻲ ﺍﻫﺎ ﻳﺎ ﺑﻨﺖ
ﺍﻻﺭﺑﻌﻴﻦ ﺑﺘﺒﻜﻲ ﻣﺎﻟﻚ ﺗﺎﻧﻲ ؟؟ ﻗﺒﻞ ﻣﺎ ﺍﻓﺘﺢ ﺧﺸﻤﻲ ﻗﻠﺪﺕ ﺻﻮﺗﻲ
ﺍﻧﺎ ﻣﺎ ﺷﺎﻓﻌﻪ ﻳﺎ ﻣﺎﻣﺎ ﻋﻤﺮﻱ ٢٠ ﺳﻨﻪ ﻭﺍﻧﺎ ﻓﻌﻼ ﻛﻨﺖ ﺧﺎﺍﻗﻮﻝ ﻛﺪﺍ :
ﻣﺎﻣﺎ ﺍﻧﺎ ﺑﻤﻮﺕ ﻟﻮ ﻣﺎﺯﻥ ﻗﻠﻊ ﻣﻨﻲ ﻭﻟﺪﻱ : ﻋﻤﺮﻙ ﺍﻃﻮﻝ ﻣﻦ ﻋﻤﺮﻳ
ﻳﺸﻴﻠﻮ ﻣﻨﻚ ﻛﻴﻒ ﻳﺎ ﺑﻨﺘﻲ ﺍﻧﺘﻲ ﻣﺎ ﺑﺘﻌﺮﻓﻲ ﻣﺎﺯﻥ؟؟ ﻗﻠﺒﻮ ﺍﺑﻴﺾ
ﻭﻫﺪﺍ ﻣﻦ ﺍﻟﺼﺒﺎﺡ ﺟﺎﺑﻮ ﻟﻚ ﻣﻊ ﺍﻧﻮ ﺗﻌﺒﺎﻥ ﻭﻣﺎ ﺑﻘﺪﺭ ﻃﻮﺍﻟﻲ ﻗﻤﺖ
ﻭﺟﺮﻳﺖ ﺑﺮﺍ ﻟﻘﻴﺘﻮ ﺑﺸﺮﺏ ﻓﻲ ﺍﻟﺸﺎﻱ ﻣﻊ ﺍﺑﻮﻱ ﻣﺴﻜﺘﻮ ﺣﻀﻨﺘﻮ
ﻭﺑﻘﻴﺖ ﺍﺑﻮﺱ ﻓﻴﻪ ﻭﺍﺷﻢ ﺭﻳﺤﺘﻮ ﻟﻤﻦ ﺍﻟﺒﺴﻜﻮﻳﺖ ﻭﻗﻌﺖ ﻣﻨﻮ : ﺑﺮﺍﺣﻪ
ﻳﺎ ﺑﻨﺖ ﻏﺎﻳﺘﻮ ﺍﻟﻮﻟﺪ ﺩﺍ ﻣﺎ ﻣﻌﺮﻭﻑ ﻳﻠﻘﺎﻫﺎ ﻣﻨﻚ ﻭﻻ ﻣﻦ ﺍﺑﻮﻩ ﻻﻣﻴﻦ
ﻓﺒﻪ ﺧﻨﻖ ﺣﺒﻮﺑﻪ ﻗﺎﻟﺖ ﻟﻪ ﻫﻪ ﺩﻳﻞﺷﻦ ﻋﺮﻓﻬﻢ ﺑﺘﺮﺑﻴﺔ ﺍﻟﻌﻴﺎﻝ ﺩﻳﻞ
ﻟﺮﻭﺣﻬﻢ ﺷﻔﻊ ﻣﺎ ﻛﻨﺖ ﺷﺎﻳﻔﻪ ﻣﺎﺯﻥ ﻭﻻ ﺧﺎﻟﺘﻮ ﺭﺟﺎﺀ ﺍﻓﺘﻜﺮﺗﻬﻢ ﺭﺟﻌﻮ
ﺑﺲ ﺣﺒﻮﺑﻪ ﻗﺎﻟﺖ ﻟﻲ ﻣﺎﺯﻥ ﺭﺍﻗﺪ ﻓﻲ ﺍﻟﺪﻳﻮﺍﻥ ﻭﻣﻮ ﺑﺘﻌﻤﻞ ﻟﻪ ﻓﻲ
ﺷﻮﺭﺑﻪ ﻣﺸﻴﺖ ﻟﻪ ﻟﻘﻴﺘﻮ ﺭﺍﻗﺪ ﻋﻠﻰ ﺑﻄﻨﻮ ﻭﺿﻬﺮﻭ ﺍﺳﺘﻐﻔﺮ ﺍﻟﻠﻪ
ﺍﻟﻌﻈﻴﻢ ﺑﺲ ﻟﺤﻢ ﺍﺣﻤﺮ ﻣﺎ ﻗﺪﺭﺕ ﺍﻋﺎﻳﻦ ﻟﻪ ﻣﺮﺗﻴﻦ ﻋﺎﻭﺯﻩ ﺍﻣﺸﻲ ﻗﺎﻡ
ﺳﻤﺮ
ﺳﻼﻣﺘﻚ ﻳﺎ ﻣﺎﺯﻥ
ﺍﻟﻠﻪ ﻳﺴﻠﻤﻚ ﺍﻧﺘﻲ ﺟﻴﺘﻲ ﻋﺸﺎﻥ ﺗﻤﺸﻲ ؟؟
ﺣﺒﻴﺖ ﺍﺗﻄﻤﻦ ﻋﻠﻴﻚ ﻭﺍﺗﻄﻤﻨﺖ ﺿﺤﻚ ﻭﻗﺎﻝ ﻟﻲ ﻋﺎﺭﻓﻚ ﺧﻔﺘﻲ ﻣﻦ
ﺷﻜﻞ ﺍﻟﺠﺮﻭﺡ ﻭﻟﺒﺲ ﻗﻤﻴﺼﻮ ﻭﺍﻧﺎ ﻋﺎﻭﺯﻩ ﺍﻗﻮﻝ ﻟﻪ ﻣﺎ ﺗﻠﺒﺴﻮ ﻋﺸﺎﻥ
ﺟﺮﻭﺣﻚ ﺑﺲ ﻟﺴﺎﻧﻲ ﻛﺄﻧﻮ ﺍﺗﺮﺑﻂ ﻗﺎﻝ ﻟﻲ ﺣﺘﻰ ﺍﻧﺎ ﻣﺎ ﺣﺒﻴﺖ ﺍﺧﻮﻓﻚ
ﻗﻠﺖ ﻟﻪ ﺑﺲ ﺍﻧﺎ ﻣﺎ ﺧﺎﻳﻔﻪ ﻋﻠﻴﻚ ﻗﺎﻝ ﻟﻲ ﺣﻘﻚ ﻗﻠﺖ ﻟﻪ ﻋﻤﻠﺖ ﻛﺪﺍ
ﻟﺸﻨﻮ ﻳﺎ ﻣﺎﺯﻥ ﻳﻌﻨﻲ ﻋﺎﻭﺯ ﺗﺜﺒﺖ ﺷﻨﻮ ؟؟ : ﺑﺼﺤﺢ ﺍﻏﻼﻃﻲ ﻋﺸﺎﻥ
ﺍﻋﻴﺶ ﺻﺢ ﺑﺎﻗﻲ ﺍﺧﺮ ﺣﺎﺟﻪ : ﻣﺎﺯﻥ ﺍﻧﺎ ﻣﺎ ﻋﺎﻭﺯﻩ ﺍﺗﺰﻭﺟﻚ : ﺧﻘﻚ
ﺑﺮﺿﻮ : ﺍﻧﺎ ﻣﺎ ﻋﺎﻭﺯﻩ ﺍﺗﺰﻭﺝ ﺑﺎﻟﻄﺮﻳﻘﻪ ﺩﻱ ﻭﻻ ﻟﻠﺴﺒﺐ ﺩﺍ ﻻﻧﻲ
ﺑﺎﻟﻨﺴﺒﻪ ﻟﻚ ﻏﻠﻄﻪ ﻋﺎﻭﺯ ﺗﺼﻠﺤﺎ : ﺳﻤﺮ ﻧﺤﻦ ﻻﺯﻡ ﻧﺘﺰﻭﺝ : ﻧﺘﺰﻭﺝ ﺑﻌﺪ
ﺷﻨﻮ؟؟ ﺑﻌﺪ ﻣﺎ ﻋﻼﻗﺘﻨﺎ ﺑﻘﺖ ﺑﺎﻫﺘﻪ ﻭﻣﺎ ﻋﻨﺪﻫﺎ ﺍﻱ ﻣﻌﻨﻰ ﺣﺘﻰ
ﺍﻟﺤﻤﺎﺱ ﺍﻟﻜﺎﻥ ﻓﻴﻨﺎ ﺍﺗﻌﺪﻡ ﻓﺎﻳﺪﻩ ﺯﻭﺍﺟﻨﺎ ﺷﻨﻮ؟؟ ﺣﺎﻧﻌﻤﻞ ﺷﻨﻮ ﻳﻌﻨﻲ
ﺟﺪﻳﺪ ﻣﺎ ﻋﻤﻠﻨﺎﻩ ﺯﻣﺎﻥ ؟؟؟ ﺣﺘﻰ ﺍﻟﻮﻟﺪ ﻫﺪﺍ ﺟﺒﻨﺎﻩ ﻋﺎﻭﺯ ﻳﺘﻜﻠﻢ ﻛﺪﺍ
ﺧﺎﻟﺘﻲ ﺟﺎﺕ ﺩﺍﺧﻠﻪ
ﺗﻌﺎﻳﻦ ﻟﻲ ﻣﻦ ﻓﻮﻕ ﻟﺘﺤﺖ ﻗﺎﻟﺖ ﻟﻲ ﻣﺎ ﺍﻛﻮﻥ ﻗﺎﻃﻌﺘﻚ ﺑﺲ ﺍﻟﻮﻟﺪ
ﻋﻴﺎﻥ ﻋﻴﺎﻥ ﺍﺗﻬﺪﻭ ﺍﻧﺘﻲ ﻭﻫﻮ ﻃﻮﺍﻟﻲ ﻃﻠﻌﺖ ﻣﻨﻬﻢ ﺑﻌﺪ ﻣﺎ ﻣﺎﺯﻥ
ﺍﺗﺤﺴﻦ ﻣﺸﻰ ﺷﻘﺘﻮ ﻭﺍﻣﻮ ﻻﺻﻘﻪ ﻓﻴﻪ
ﻗﺎﻋﺪﻳﻦ ﻧﺸﺮﺏ ﻓﻲ ﺍﻟﺠﺒﻨﻪ ﺍﻧﺎ ﻭﺍﻣﻲ ﻭﺧﺎﻟﺘﻮ ﺍﺳﻤﺎﺀ ﺍﺑﻮﻱ ﺍﺗﺼﻞ
ﺍﻳﻮﺍ ﻳﺎ ﺍﺑﻮﻱ : ﻧﺎﺱ ﺧﺎﻟﺘﻚ ﺩﻳﻞ ﺟﺎﻳﻴﻴﻦ ﺑﻌﺪﻳﻦ ﻳﺤﻘﻘﻮ ﺍﻟﺨﻄﻮﺑﻪ
ﺟﻬﺰﻭ ﻧﻔﺴﻜﻢ ﺍﻧﺎ ﺍﺗﺴﻤﺮﺕ ﻓﻲ ﻣﻜﺎﻧﻲ ﻭﻫﻮ ﺑﺘﻜﻠﻢ ﺍﻻ ﺍﻣﻲ ﺷﺎﻟﺖ
ﻣﻨﻲ ﺍﻟﺘﻠﻔﻮﻥ ﺑﻌﺪ ﺧﻠﺼﺖ ﻗﻌﺪﺕ ﺗﺰﻏﺮﺩ ﺧﺎﻟﺘﻮ ﺍﺳﻤﺎﺀ ﻗﺎﻟﺖ ﻟﻬﺎ ﺑﺸﺮﻱ
: ، ﺟﺎﻳﻴﻦ ﻳﻄﻠﺒﻮ ﺍﻟﺒﻨﺖ ﺍﻟﻠﻴﻠﻪ ﺍﻧﺎ ﻗﻤﺖ ﻣﻨﻬﻢ ﻣﺸﻴﺖ ﻏﺮﻓﺘﻲ ﻭﻣﺎ
ﻛﻨﺖ ﺣﺎﺳﻪ ﺑﺎﻱ ﻧﻮﻉ ﻣﻦ ﺍﻟﻔﺮﺡ ﻧﺎﺱ ﻳﺨﺸﻮ ﻭﻳﻤﺮﻗﻮ ﻭﺍﻧﺎ ﻓﻲ ﺍﻟﻐﺮﻓﻪ
ﺑﺮﺍﻱ ﺍﻟﻤﻐﺮﺏ ﺍﺭﻳﺞ ﺟﺎﺗﻨﻲ ﺍﻇﻦ ﺍﻣﻲ ﻭﺭﺗﺎ ﺟﺎﺑﺖ ﻟﻲ ﻣﻌﺎﻫﺎ ﻓﺴﺘﺎﻥ
ﻭﺍﺷﺘﻐﻠﺖ ﻓﻴﻨﻲ ﺍﻧﺎ ﻣﻦ ﻟﻤﺎ ﻭﻋﻴﺖ ﻣﺎ ﺑﺨﺖ ﻣﻜﻴﺎﺝ ﻭﻻ ﺑﻠﺒﺲ
ﻓﺴﺎﺗﻴﻦ . ﻭﻻ ﺣﺘﻰ ﺑﺘﺠﻴﻪ ﺗﺴﺮﻳﺤﺔ ﺷﻌﺮﻱ ﻳﺎﻫﺎ ﺍﻟﻮﺍﺣﺪﻩ ﺍﻟﻘﻮﻣﻴﻪ ﺩﻱ
ﺍﺭﻳﺞ ﻣﺎ ﺧﻠﺖ ﻣﺼﻴﺒﻪ ﻣﺎ ﻋﻤﻠﺘﺎ ﻟﻲ ﻭﺍﻟﺸﻌﺮ ﺩﺍ ﻛﻮﺗﻮ ﻭﻃﻠﻌﺖ ﻟﻲ
ﺧﺼﻼﺕ ﻋﺎﺍﺍﺍﺩ ﺍﺗﻐﻴﺮﺕ ﻧﻬﺎﺋﻲ ﺍﻣﻲ ﻟﻤﻦ ﺷﺎﻓﺘﻨﻲ ﺍﺳﺘﻐﺮﺑﺖ
.....
ﺷﺎﻳﻔﻪ ﻗﺪﺭﺍﺗﻲ ﺍﻟﺨﺎﺻﻪ ﻳﺎ ﺧﺎﻟﺘﻮ : ﺑﺮﻱ ﻭﺍﻟﻠﻪ ﺑﻨﺘﻲ ﺍﻟﺤﻠﻮﻩ ﻣﺎﺷﺎﺀ
ﺍﻟﻠﻪ ﺭﺑﻨﺎ ﻳﺤﻔﻈﻚ ﺍﻧﺎ ﻣﺴﻜﺖ ﺍﻟﻤﺮﺍﻳﻪ ﻭ ﺑﻘﻴﺖ ﺍﻋﺎﻳﻦ ﻓﻲ ﻧﻔﺴﻲ ﻟﻤﻦ
ﺟﻮ ﻣﺎ ﻣﺼﺪﻗﻪ ﺍﻧﻮ ﺍﻧﺎ ﺣﻠﻮﺓ ﻛﺪﺍ ﻭﻣﺎﺯﻥ ﺍﺻﻠﻮ ﻣﺎ ﺷﺎﻝ ﻋﻴﻨﻮ ﻣﻨﻲ
ﺣﺘﻰ ﺍﻣﻮ ﺗﺸﻴﻞ ﻭ ﺗﻌﺎﻳﻦ ﻃﺒﻌﺎ ﺟﺎﺕ ﺧﺎﻟﺘﻮ ﺗﺴﺎﺑﻴﺢ ﻣﻦ ﺍﻟﺒﻠﺪ ﻭﺍﺑﻮ
ﻣﺎﺯﻥ ﻭﻋﻤﻮ ﻭﺍﺧﻮﻩ ﺍﻟﺼﻐﻴﺮ ﻟﺒﺴﻨﺎ ﺍﻟﺪﺑﻞ ﻭﺍﻧﺎ ﻣﺎ ﻋﻨﺪﻱ ﺍﻱ ﺍﺣﺴﺎﺱ
ﺗﺠﺎﻫﻮ ﻛﺄﻧﻮ ﺩﺍ ﻣﺎ ﻣﺎﺯﻥ ﺍﻷﻏﺮﻳﺘﻮ ﺯﻣﺎﻥ ﻭﺧﻠﻴﺘﻮ ﻳﻐﻠﻂ ﻣﻌﺎﻱ ﻏﺼﺒﺎ
ﻋﻨﻮ ﻛﺄﻧﻮ ﺍﺣﺎﺳﻴﺴﻲ ﺍﻟﻤﺮﻫﻔﻪ ﺩﻳﻚ ﺍﺗﺨﺘﺖ ﻓﻲ ﺗﻼﺟﻪ ﻭﺍﺗﺠﻤﺪﺕ ﻛﻠﻬﺎ
ﺍﺑﻮﻩ ﻋﺎﻣﻞ ﻧﻔﺴﻮ ﻇﺮﻳﻒ ﻭﻣﺪﻱ ﻧﻔﺴﻮ ﺍﻟﻔﻀﻞ ﻓﻲ ﺍﻟﻨﺠﺎﺡ ﺍﻟﻮﺻﻞ ﻟﻪ
ﻣﺎﺯﻥ ﻣﻊ ﺍﻧﻮ ﻫﻮ ﺍﻟﺪﻣﺮﻭ ﻭﺿﻴﻌﻮ ﻣﺮﺕ ﺍﻻﻳﺎﻡ ﺳﺮﻋﻪ ﻭﺍﻧﺎ ﻣﻊ ﺟﺮﻱ
ﺍﻟﺠﺎﻣﻌﻪ ﻟﻤﻦ ﺟﺎﺑﻮ ﺍﻟﺸﻨﻄﻪ ﻭﺍﻧﺎ ﻭﻻ ﻣﺸﻴﺖ ﺍﺧﺘﺮﺗﺎ ﻭﻻ ﺣﺎﺟﻪ ﻓﻴﻬﺎ
ﻭﺭﻳﺖ ﺩﻛﺘﻮﺭ ﺍﺧﻤﺪ ﺑﺨﻄﻮﺑﺘﻲ ﻭﻛﻨﺖ ﺧﺠﻼﻧﻪ ﻣﻨﻮ ﺷﺪﻳﺪ ﻻﻧﻲ
ﺧﺰﻟﺘﻮ ﺑﺲ ﻫﻮ ﻛﺎﻥ ﻣﺘﻔﻬﻢ ﻭﻣﺎ ﺯﻋﻞ ﻗﺎﻝ ﻟﻲ ﻛﻨﺖ ﻋﺎﺭﻓﻚ ﻗﻠﺘﻴﻬﺎ ﻓﻲ
ﻟﺤﻈﺔ ﺍﻧﻔﻌﺎﻝ ﻭﻣﺎ ﺍﺧﺪﺗﻬﺎ ﺟﺪ ﺍﻟﻤﻬﻢ ﺍﻟﻌﺮﺱ ﺍﺗﺤﺪﺩ ﺑﻌﺪ ﺷﻬﺮﻳﻦ
ﺣﺎﻳﺼﺎﺩﻑ ﻟﻲ ﺍﺣﺎﺯﻩ ﺑﺲ ﺃﺧﺮ ﺍﻣﺘﺤﺎﻧﻴﻦ ﺣﺎﺍﻛﻮﻥ ﻓﻲ ﺍﻟﺤﺒﺲ ﻛﺎﻥ
ﺍﻟﻤﻔﺮﻭﺽ ﻳﻜﻮﻥ ﺍﻟﻌﺮﺱ ﺑﺴﻴﻂ ﻭﻋﻘﺪ ﺑﺲ ﻟﻜﻦ ﺧﺎﻟﺘﻮ ﺭﺟﺎﺀ ﺑﺘﺤﺐ
ﺍﻟﻔﺨﻔﺨﻪ ﻭﻋﺎﻭﺯﻩ ﺗﺘﺠﺪﻉ ﻓﻲ ﻧﺎﺱ ﺍﻟﺒﻠﺪ ﻋﺸﺎﻥ ﺑﻘﺖ ﺍﺣﺴﻦ ﻣﻨﻬﻢ
ﻣﺎﺯﻥ ﻣﺎ ﻣﺘﻮﺍﺻﻝﻪ ﻣﻌﺎﻩ ﺧﺎﻟﺺ ﻟﻮ ﺍﺗﺼﻞ ﺑﻔﺼﻞ ﻳﻮﻡ ﻛﻨﺖ ﻗﺎﻋﺪﻩ
ﻓﻲ ﺍﻟﺤﻔﺮﻩ ﻭﻧﺎﺱ ﺍﻣﻲ ﺷﻐﺎﻟﻴﻦ ﻓﻲ ﺍﻟﺮﻳﺤﻪ ﺍﻟﺒﺎﺏ ﺩﻗﺎ ﺧﺎﻟﺘﻮ ﺍﺳﻤﺎﺀ
ﻓﺘﺤﺖ ﻟﻘﺘﺎ ﻣﺮﺍ ﻛﺒﻴﺮﻩ ﻭﻣﻦ ﺩﺧﻠﺖ ﺗﺸﺎﻛﻞ ﻭﻣﺎﻓﻲ ﺯﻭﻝ ﻗﺎﺩﺭ ﻋﻠﻴﻬﺎ
ﻣﻦ ﺧﻼﻝ ﻛﻼﻣﺎ ﻋﺮﻓﺖ ﺍﻧﻬﺎ ﺍﻡ ﺍﻟﻬﺎﻡ ﺍﻟﻤﻮﺿﻮﻉ ﺣﺮﻗﺎ ﻟﻤﻦ ﻛﺘﺮﺕ
ﻗﺎﻣﺖ ﻋﻠﻴﻬﺎ ﺧﺎﻟﺘﻮ ﺭﺟﺎﺀ ﻭﺧﺎﻟﺘﻮ ﺩﻱ ﺭﺩﺍﺍﺍﺍﺍﺣﻪ ﺍﻟﺒﻘﻊ ﻣﻌﺎﻫﺎ ﻏﻠﻄﺎﻥ
ﻣﺎ ﺧﻠﺖ ﻟﻬﺎ ﺟﻨﺒﻪ ﻭﻧﺒﺬﺕ ﻟﻬﺎ ﺑﻨﺘﻬﺎ ﻭﻃﺮﺩﺗﺎ ﺍﻣﻲ ﺗﻀﺤﻚ ﺳﺎﺍﺍﺍﻱ
ﺷﻮﻑ ﺍﻟﻤﺘﺨﻠﻔﻪ ﺩﻱ ﻛﻤﺎﻥ ﺑﺎﻟﻐﺼﺐ ﻫﻮ؟؟ﺑﻨﺘﻬﺎ ﺍﻟﻤﺎ ﺑﺘﺸﺒﻪ ﺍﻟﺒﻨﺎﺕ ﺩﻱ
ﻣﻦ ﺍﻻﻭﻝ ﻣﺎ ﻋﺠﺒﺘﻨﻲ ﻣﻌﺼﻌﺼﻪ ﻭﻣﺎﻳﻌﻪ ﺍﻧﺎ ﺭﻓﻀﺖ ﺍﻋﻤﻞ ﺣﻔﻠﺔ
ﺣﻨﻪ ﻟﻜﻦ ﻣﺎﺯﻥ ﻋﻤﻠﻮ ﻟﻪ ﺣﻔﻠﺔ ﺣﻨﻪ ﺭﻫﻴﺒﻪ ﻓﻲ ﺻﺎﻟﻪ ﻭﻧﺎﺱ ﺍﻟﺒﻠﺪ
ﺩﻳﻞ ﺍﻇﻦ ﺍﻭﻝ ﻣﺮﻩ ﻳﺸﻮﻓﻮ ﺯﻳﻬﺎ ﻃﺒﻌﺎ ﻛﻠﻬﻢ ﻧﺰﻟﻮ ﻓﻲ ﺑﺒﺘﻨﺎ ﻭﻋﻠﻰ
ﺍﺳﺎﺱ ﺍﻧﻮ ﺍﻭﻝ ﻋﺮﺱ ﺟﻮ ﺍﺿﻌﺎﻑ ﻣﻀﺎﻋﻔﻪ ﻋﻠﻰ ﺍﻫﻞ ﺍﺑﻮﻱ ﺍﻟﻬﻨﺎ
ﻭﺍﻫﻞ ﺍﺑﻮ ﻣﺎﺯﻥ ﻣﺎﺷﺎﺀ ﺍﻟﻠﻪ ﺍﻧﺎ ﺳﺎﻗﺘﻨﻲ ﺧﺎﻟﺘﻮ ﺍﺳﻤﺎﺀ ﺑﻴﺘﻬﺎ ﻭﻣﻌﺎﻱ
ﺍﺭﻳﺞ ﻃﺒﻌﺎ ﺍﺻﻼ ﻣﺎﺯﻥ ﻣﺘﻮﺍﺻﻞ ﻣﻌﺎﻫﺎ ﻫﻲ ﺑﺲ ﻻﻧﻲ ﻣﻦ ﺍﻻﺳﺎﺱ
ﻣﺍ ﻣﻮﺍﻓﻘﻪ ﻋﻠﻰ ﺍﻟﺰﻭﺍﺝ ﺩﺍ ﻭﻫﻮ ﻣﺎ ﺑﺤﺒﻨﻲ ﻛﺎﻥ ﺣﺎﺟﺰ ﻟﻲ ﻓﻲ
ﻛﻮﻓﻴﺮ ﻣﺸﻴﻨﺎ ﺍﻧﺎ ﻭﺍﺭﻳﺞ ﻭﺧﺎﻟﺘﻲ ﺗﺴﺎﺑﻴﺢ ﻇﺒﻄﻮﻧﻲ ﻭﺟﺎﺀ ﻣﺎﺯﻥ ﻃﺒﻌﺎ
ﻫﻮ ﺍﺻﻼ ﺍﻧﻴﻖ ﻭﻛﺴﺎﺭ ﺑﺲ ﺍﻟﻴﻮﻡ ﺩﺍﻙ ﻣﺒﺎﻟﻐﻪ ﻋﺪﻳﻞ ﻧﻔﺲ
ﺣﻼﻗﺘﻮﺍﻟﺮﻫﻴﺒﻪ ﺩﻳﻚ ﻣﻊ ﺍﻟﺒﺪﻟﻪ ﺍﻟﺴﻮﺩﺍﺀ ﻭﺍﻟﺤﻨﻪ ﻭﺍﻟﺴﺎﻋﻪ ﻭﺍﻟﻌﻄﺮ
ﻗﺪﺭ ﻣﺎ ﺣﺎﻭﻟﺖ ﻣﺎ ﺍﺭﻛﺰ ﻣﻌﺎﻩ ﻣﺎ ﻗﺪﺭﺕ ﻻﻧﻲ ﻓﻘﺪﺕ ﺍﻟﺴﻴﻄﺮﻩ ﻛﺎﻥ
ﻣﺒﺴﻮﻁ ﺷﺪﻳﺪ ﺟﺎﺀ ﺳﺎﻗﻨﻲ ﺑﻌﺮﺑﻴﺘﻮ ﻭﻣﺸﻴﻨﺎ ﺍﻟﺤﻔﻠﻪ ﻛﺎﻧﺖ ﻓﻲ ﺻﺎﻟﺔ
ﺍﺗﺰﻓﻴﻨﺎ ﺑﺄﻏﺎﻧﻲ ﺳﻮﺩﺍﻧﻴﻪ ﻭﻣﺎ ﺭﻗﺼﻨﺎ ﺍﺳﻠﻮ ﺍﻣﻲ ﺩﻱ ﻛﻞ ﻣﺎ ﺗﺸﻮﻓﻨﻲ
ﺗﺒﻜﻲ ﺑﻜﺖ ﺑﻜﺎﺀ ﻟﻤﻦ ﺧﻔﺘﺎ ﺗﻨﺼﺪﻡ ﻭﺗﺸﻴﻞ ﻭﺗﺒﻮﺱ ﻓﻴﻨﻲ ﺩﻋﺖ ﻟﻲ
ﺩﻋﺎﺀ ﺍﻟﺒﺸﻮﻑ ﻟﻬﻔﺘﺎ ﻭﻫﻲ ﺑﺘﺪﻋﻲ ﻟﻲ ﻣﺎ ﺑﻘﻮﻝ ﺩﻱ ﻧﻔﺴﺎ ﺍﻣﻲ ﺍﻟﺰﻣﺎﻥ
ﺩﻋﺖ ﻋﻠﻲ ﺭﺑﻨﺎ ﻳﻌﻜﺴﺎ ﻋﻠﻲ ﻭﻳﻦ ﻣﺎ ﺍﻗﺒﻞ ﺍﺧﺮ ﺣﺎﺟﻪ ﻃﻠﺒﺖ ﻣﻨﻲ
ﺍﻋﻔﻲ ﻟﻬﺎ ﺍﻟﻌﻤﻠﺘﻮ ﻓﻴﻨﻲ ﻭﺍﻧﺎ ﺍﺻﻼ ﻣﺎ ﺷﺎﻳﻠﻪ ﺣﺎﺟﻪ ﻓﻲ ﻧﻔﺴﻲ ﻣﻦ
ﻧﺎﺣﻴﺘﺎ ﺍﻻ ﺍﻟﺤﺐ ﻭﺍﻻﻣﺘﻨﺎﻥ ﺍﻟﻤﺎ ﻟﻪ ﺣﺪ ﻛﻨﺖ ﻋﺎﻭﺯﻩ ﺍﺳﻮﻕ ﻗﺼﻲ
ﻣﻌﺎﻱ ﻭﻫﻮ ﺯﺍﺗﻮ ﻛﺎﻥ ﻣﺘﻌﻠﻖ ﻓﻴﻨﻲ ﺑﺲ ﻣﺎ ﺧﻠﻮﻩ ﻟﻲ ﺍﻧﺎ ﻭﻣﺎﺯﻥ
ﻣﺸﻴﻨﺎ ﺷﻘﺘﻮ ﻓﻮﻕ ﻃﺒﻌﺎ ﺭﻛﺒﻨﺎ ﺍﻟﻤﺼﻌﺪﻭ ﻭﺍﻧﺎ ﻣﺘﻀﺎﻳﻘﻪ ﻭﻗﺮﻓﺎﻧﻪ ﻣﻨﻮ
ﻓﺘﺢ ﺍﻟﺒﺎﺏ ﻭﺩﺧﻞ ﻭﻟﻊ ﺍﻻﻧﻮﺍﺭ ﻭﺍﻧﺎ ﻟﺴﻪ ﻭﺍﻗﻔﻪ ﺑﺮﻩ ﺭﺟﻊ ﻳﺠﻴﺐ
ﺍﻟﺸﻨﻂ ﻭﺍﺻﻠﻮ ﻣﺎ ﻗﺎﻝ ﻟﻲ ﺑﺘﻌﻤﻠﻲ ﻓﻲ ﺷﻨﻮ ﺑﻌﺪ ﻫﻮ ﻧﺰﻝ ﺍﻧﺎ ﺩﺧﻠﺖ
ﻭﺍﺣﺪﻩ ﻣﻦ ﺍﻟﻐﺮﻑ ﻭﻗﻔﻠﺖ ﺍﻟﺒﺎﺏ ﺑﺠﻮﺍ ﺭﻗﺪﺕ ﺑﺘﻮﺑﻲ ﺟﺎﺀ ﺩﻗﺎ ﻟﻲ
ﺍﻟﺒﺎﺏ ﺍﺑﻴﺖ ﺍﻓﺘﺢ
ﺳﻤﺮ ﻫﺪﻱ ﺷﻨﻄﺘﻚ ﺟﻨﺐ ﺍﻟﺒﺎﺏ ﻭﺗﻌﺎﻟﻲ ﺍﺗﻌﺸﻲ ﺳﻜﺘﺖ : ﻣﺎ ﺗﻨﻮﻣﻲ
ﺟﻌﺎﻧﻪ ﻋﺸﺎﻧﻲ ﺍﻧﺎ ﺍﻧﺎ ﻣﺎﺷﻲ ﻏﺮﻓﺘﻲ . ﻣﺎ ﺣﺎﺗﺸﻮﻓﻴﻨﻲ ﺍﺧﺪﻱ ﺭﺍﺣﺘﻚ
ﻗﻌﺪﺕ ﺳﺎﻋﻪ ﻛﺎﻣﻠﻪ ﺣﺘﻰ ﻓﺘﺤﺖ ﺍﻟﺒﺎﺏ ﻟﻘﻴﺖ ﺷﻨﻄﺘﻲ ﻭﺑﻔﻮﻕ ﻋﻠﻴﻬﺎ
ﻛﻴﺲ ﺟﺮﻳﺘﺎ ﺟﻮﺍ ﻃﺒﻌﺎ ﺍﻟﻜﻴﺲ ﻓﻴﻪ ﺍﻛﻞ ﻭﺑﺎﺭﺩ ﻭﻣﻮﻳﻪ ﻓﺘﺤﺖ
ﺍﻟﺸﻨﻄﻪ ﻃﺒﻌﺎ ﻣﺮﺗﺒﺎﻫﺎ ﺑﺮﺍﻱ ﻭﺧﺎﺗﻪ ﻟﻲ ﺟﻠﺒﺎﺑﺎﺕ ﻛﺒﺎﺍﺍﺍﺭ ﺣﺬﺭﺕ ﺍﺭﻳﺞ
ﻣﻦ ﺍﻟﻐﺪﺭ ﺷﻠﺖ ﻭﺍﺣﺪ ﺍﺳﺘﺤﻤﻴﺖ ﻭﻟﺒﺴﺘﻮ ﻭﺻﻠﻴﺖ ﺍﻣﻲ ﺍﺗﺼﻠﺖ ﺑﻲ
ﺍﻟﻮ
ﺍﻱ ﻳﺎ ﺍﻣﻲ
ﻛﻴﻒ ﺍﻧﺘﻲ ﻛﻮﻳﺴﻪ ؟؟
ﻛﻮﻳﺴﻪ ﺍﻟﺤﻤﺪﻟﻠﻪ
ﻭﺻﻠﺘﻮ؟؟
ﺍﻳﻮﺍ ﻭﻋﺎﻭﺯﻩ ﺍﻧﻮﻡ ﺑﻌﺪ ﺩﺍ ﺳﻜﺘﺖ ﻣﺴﺎﻓﻪ ﻭﻗﺎﻟﺖ ﻟﻲ ﻣﺎ ﺗﺨﺎﻓﻲ ﺍﺧﺮ
ﺍﻭﺟﺎﻋﻚ ﺍﻧﺸﺎﺀﺍﻟﻠﻪ ﺍﻧﺎ ﺯﺍﺗﻲ ﻟﻮ ﻋﺎﺭﻓﻪ ﻣﺎﺯﻥ ﺍﻟﺤﺎﻳﺎﺧﺪﻙ ﻣﺎ ﻛﺎﻥ
ﺧﺎﻳﺖ ﺍﺳﻤﺎﺀ ﻗﺎﻃﻌﺘﻬﺎ ﺍﻧﺘﻲ ﺻﺪﻗﺘﻲ ﻭﻻ ﺷﻨﻮ؟؟ ﺍﻟﻌﺮﺱ ﺩﺍ ﺷﻤﺎﻋﻪ
ﺑﺲ ﻣﺎ ﺗﺘﺄﻣﻠﻲ ﻛﺘﻴﺮ ﻭﺍﻟﺒﺘﻔﻜﺮﻱ ﻓﻴﻪ ﺩﺍ ﻣﺎ ﺣﺎﻳﺤﺼﻞ ﻣﺎﺯﻥ ﺩﺍ ﻣﺎ
ﺣﺎﺍﺧﻠﻴﻪ ﻳﻘﺮﺏ ﻋﻠﻲ ﺗﺎﻧﻲ ﻭﻫﻮ ﺯﺍﺗﻮ ﻋﺎﺭﻑ ﻛﺪﺍ ﻫﺪﺍﻙ ﻣﺸﻰ ﻧﺎﻡ ﻓﻲ
ﻏﺮﻓﺘﻮ : ﺑﺲ ﻳﺎ ﺑﻨﺘﻲ ﻛﺪﺍ ﺣﺮﺍﻡ ﻭﺍﻧﺘﻮ ﺍﺻﻼ ﺑﺘﺤﺒﻮ ﺑﻌﺾ ﻭﻟﻮ ﻣﺎ
ﻛﺪﺍ ﻣﺎ ﻛﺎﻥ ﻏﻠﻄﺘﻮ ﺯﻣﺎﻥ ﺳﻜﺘﺖ ﻭﻗﻠﺖ ﻟﻬﺎ ﺑﺘﻨﻬﻴﺪﻩ : ﺣﺮﺍﻡ ﺣﻼﻝ ﺩﺍ
ﺍﻟﺤﺎﻳﺤﺼﻞ ﻭﺑﻜﺮﻩ ﺗﺠﻴﺒﻮ ﻟﻲ ﻭﻟﺪﻱ ﻗﺎﻟﺖ ﻟﻲ ﻻﻻ ﻭﺍﻟﻠﻪ ﺍﻧﺘﻲ ﻗﺎﻳﻠﻪ
ﺍﻱ ﺣﺎﺟﻪ ﻋﻠﻰ ﺑﻤﺰﺍﺟﻚ ؟؟ ﺣﻴﺎﺗﻚ ﺍﻧﺘﻲ ﺣﺮﻩ ﻓﻴﻬﺎ ﻟﻜﻦ ﻗﺼﻲ ﻗﺒﻞ
ﻣﺎ ﺗﺠﻮ ﻣﺎ ﺑﺘﺴﻮﻗﻴﻪ ﺍﻧﺘﻲ ﺩﺍﻳﺮﻩ ﺍﻟﻨﺎﺱ ﺗﺎﻛﻞ ﻭﺷﻨﺎ ؟؟ : ﺧﻼﺹ ﻳﺎ
ﺍﻣﻲ ﺍﻟﻤﻬﻢ ﺧﻠﻲ ﺑﺎﻟﻚ ﻣﻨﻮ : ﺍﻧﺸﺎﺀﺍﻟﻠﻪ ﺗﺼﺒﺤﻲ ﻋﻠﻰ ﺧﻴﺮ ﻭﻗﻔﻠﺖ
ﻭﺍﻧﺎ ﺯﻫﺠﺎﻧﻪ ﻭﻧﻤﺖ ﺑﺪﻭﻥ ﺍﻛﻞ ﺍﻟﺼﺒﺎﺡ ﻣﺸﻴﺖ ﺍﻟﻤﻄﺒﺦ ﻋﻤﻠﺖ ﺍﻟﺸﺎﻱ
ﺷﺮﺑﺖ ﻭﺧﻠﻴﺖ ﻟﻪ ﺑﺎﻗﻲ ﻓﻲ ﺍﻟﺴﻴﺮﻣﺲ ﻭﺭﺟﻌﺖ ﻏﺮﻓﺘﻲ ﺑﻌﺪ ﺻﺤﺎ
ﺟﺎ ﺩﻗﺎ ﻟﻲ ﺍﻟﺒﺎﺏ ﻭﺩﺧﻞ ﻛﻨﺖ ﺭﺍﻗﺪﻩ
ﻧﻌﻢ : ﺳﻤﺮ ﻣﺎﻓﻲ ﺩﺍﻋﻲ ﻟﻠﺒﺘﻌﻤﻠﻲ ﻓﻴﻪ ﺩﺍ ﺍﻧﺎ ﻣﺘﺼﺎﻟﺢ ﻣﻊ ﻓﻜﺮﺓ
ﺍﻟﻌﻴﺸﻪ ﺍﻟﻤﻨﻔﺼﻠﻪ ﻭﻣﻘﺪﺭ ﻭﺿﻌﻚ ﺑﺲ ﻣﻤﻜﻦ ﻧﺘﻌﺎﻣﻞ ﻣﻊ ﺑﻌﺾ ﻋﺎﺩﻱ
ﻛﺄﻭﻻﺩ ﺧﺎﻻﺕ : ﻭﺍﻧﺎ ﺑﻌﺎﻣﻠﻚ ﻋﻞﻰ ﺍﻻﺳﺎﺱ ﺩﺍ ﺣﺎﻟﻴﺎ : ﻃﻴﺐ ﻗﻮﻣﻲ
ﺍﺷﺮﺑﻲ ﺍﻟﺸﺎﻱ : ﺷﺮﺑﺖ ﻭﺣﺘﻰ ﺍﻧﺖ ﻋﻤﻠﺖ ﻟﻚ ﻭﺣﺎﺍﻗﻮﻡ ﺍﺟﻬﺰ ﻟﻚ
ﺍﻟﻔﻄﻮﺭ ﻓﻲ ﻣﺸﺎﻛﻞ ﺗﺎﻧﻲ ؟؟ ﻟﻮ ﻓﺎﻛﺮ ﺍﻧﻲ ﺣﺎﺍﺟﻮﻉ ﻧﻔﺴﻲ ﻋﺸﺎﻧﻚ
ﺗﺒﻘﻰ ﻏﻠﻄﺎﻥ ﻗﻌﺪ ﻳﻀﺤﻚ ﻭﺷﻰ ﺑﻌﺪﺍﻙ ﺍﻧﺎ ﺯﺍﺗﻲ ﺟﻬﺰﺕ ﺍﻟﻔﻄﻮﺭ ﻃﺒﻌﺎ
ﺍﻱ ﺣﺎﺟﻪ ﺑﺠﻴﺒﺎ ﻟﻲ ﺟﺎﻫﺰﻩ ﺑﻌﺪ ﻋﺪﻳﻨﺎ ﺍﺳﺒﻮﻉ ﻗﻠﺖ ﻟﻪ ﻧﺮﺟﻊ ﺍﺍﺑﻴﺖ
ﻋﺸﺎﻥ ﻧﺠﻴﺐ ﻗﺼﻲ ﻭﻫﻮ ﺭﺣﺐ ﺑﺎﻟﻔﻜﺮﻩ ﻭﻓﺮﺡ ﺍﻛﺘﺮ ﻣﻨﻲ ﺍﺗﺼﻠﺖ ﺏ
ﺍﻣﻲ ﻭﺭﻳﺘﺎ ﺗﺸﺎﻛﻞ ﺳﺎﻱ ﻗﺎﻟﺖ ﻟﻲ ﻭﺍﻧﺘﻮ ﻣﺸﻴﺘﻮ ﻣﺘﻴﻦ ﻋﺸﺎﻥ ﺗﺠﻮ
ﻭﻛﻼﻡ ﻛﺘﻴﻴﻴﺮ ﻣﺎ ﺍﺷﺘﻐﻠﺖ ﺑﻪ ﺭﺟﻌﻨﺎ ﻭﻋﻤﻠﻮ ﻟﻴﻨﺎ ﻛﺮﺍﻣﻪ ﻭﺑﻴﺘﻨﺎ ﻃﺒﻌﺎ
ﺍﻣﻲ ﺩﻱ ﻋﻠﻴﻬﺎ ﺟﻨﺲ ﺣﺮﻛﺎﺕ ﻟﻘﻴﺘﺎ ﻣﺠﻬﺰﻩ ﻟﻴﻨﺎ ﻏﺮﻓﺘﻲ ﻭﻣﻠﺼﻘﻪ
ﺍﻟﺴﺮﺍﻳﺮ ﻭﻣﺎﺯﻥ ﻣﻦ ﺟﺎﺀ ﺭﺍﻣﻲ ﺳﺎﻗﻮ ﻏﺮﻓﺘﻲ ﺑﺲ ﻗﺎﻝ ﺑﻨﻮﻡ ﻓﻲ
ﺍﻟﺪﻳﻮﺍﻥ ﺍﺑﻮﻱ ﻗﺎﻝ ﻟﻪ ﻣﺎﻟﻚ ﺿﻴﻒ؟؟ ﺍﻟﻤﻬﻢ ﺑﻌﺪ ﺍﻟﺤﺎﺡ ﻫﻮ ﺭﺿﺎ ﻭﺍﻧﺎ
ﺯﻫﺠﺖ ﺯﻫﺞ ﺷﺪﻳﺪ ﺍﻣﻲ ﺩﻱ ﻋﻤﻠﺖ ﺍﻟﻤﺴﺘﺤﻞ ﺭﺻﺖ ﻟﻲ ﺍﻟﺮﻳﺤﻪ
ﻭﺍﻟﺪﻟﻜﻪ ﻭﺑﺨﺮﺕ ﺍﻟﻐﺮﻓﻪ ﺑﺎﻟﻜﺒﺮﻳﺖ ﻓﺎﻛﺮﻩ ﺍﻟﻤﻮﺿﻮﻉ ﻛﺪﺍ ﺍﻧﺘﻬﻰ ﻣﺎﺯﻥ
ﻗﺎﻝ ﻟﻲ ﺑﺮﻗﺪ ﻗﻲ ﺍﻻﺭﺽ ﻭﺷﺎﻝ ﻣﻔﺮﺵ ﻗﻠﺖ ﻟﻪ ﻣﺎﻓﻲ ﺩﺍﻋﻲ
ﻭﻣﺸﻴﺖ ﺻﺤﻴﺖ ﻗﺼﻲ ﻭﺟﺒﺘﻮ ﺭﻗﺪﺗﻮ ﻓﻲ ﻧﺼﻨﺎ ﺍﺛﻨﺎﺀ ﻣﺎ ﺍﻧﺎ ﻧﺎﻳﻤﻪ
ﺣﺴﻴﺖ ﺑﺤﺮﻛﻪ ﻓﻲ ﺍﻟﺴﺮﻳﺮ ﻭﺳﻤﻌﺖ ﺻﻮﺕ ﻣﺎﺯﻥ ﺻﺤﻴﺖ ﻟﻘﻴﺘﻮ
ﺑﺘﻜﻠﻢ ﻭﻫﻮ ﻧﺎﻳﻢ ﻭﻧﻔﺲ ﺍﻟﻤﺮﻩ ﺍﻟﻔﺎﺗﺖ ﻋﺮﻕ ﻭﺣﻤﻰ ﻭﺭﺟﻔﺎﻥ ﻗﺮﺏ ﻳﻘﻊ
ﻣﻦ ﺍﻟﺴﺮﻳﺮ ﺯﺣﻴﺖ ﻣﻨﻮ ﻗﺼﻲ ﻭﻣﺸﻴﺖ ﺍﻟﻤﻄﺒﺦ ﺟﺒﺖ ﻣﻮﻳﻪ ﺑﺎﺭﺩﻩ
ﻭﻋﻤﻠﺖ ﻟﻪ ﻣﻜﻤﺪﺍﺕ ﺑﻌﺪﺍﻙ ﻫﻮ ﺻﺤﻰ ﻣﺨﻠﻮﻉ ﻭﻋﻴﻮﻧﻮ ﺩﻳﻞ ﺣﻤﻤﻤﺮ
ﻗﻠﺖ ﻟﻪ ﻣﺎﻟﻚ : ﻣﺎﻓﻲ ﺷﻲ : ﻣﺎﻗﺎﺩﺭ ﺗﻨﻮﻡ ﺻﺢ ؟؟ ﻛﺎﻥ ﻟﺴﻪ ﺑﺮﺟﻒ
ﻏﻄﻴﺘﻮ ﺑﺒﻄﺎﻧﻴﻪ ﻗﺎﻡ ﺟﺮﺍﻧﻲ ﻣﻦ ﻳﺪﻱ ﻭﻟﻒ ﻳﺪﻳﻪ ﺣﻮﻟﻲ ﺣﻀﻨﻲ
ﻭﻏﻤﺾ ﻋﻴﻮﻧﻮ ﻭﺍﻧﺎ ﻣﺎ ﻗﺎﺩﺭﻩ ﺍﺻﺮﺥ
ﻣﺎﺯﻥ ﻣﺎﺯﻥ ﻓﻜﻨﻲ ﺍﺣﺴﻦ ﻟﻚ : ﻣﺎ ﺑﻌﻤﻞ ﻟﻚ ﺣﺎﺟﻪ ﻋﺎﻭﺯ ﺍﻧﻮﻡ ﺑﺲ ﻳﺎ
ﺳﻤﺮ : ﺍﻧﺎ ﺣﻤﻴﺘﻚ؟؟ ﻓﻜﻨﻲ ﻳﺎﺥ ﻭﺑﺤﺎﻭﻝ ﺍﺗﻔﻚ ﻣﻨﻮ ﺑﺲ ﺡﺎﻭﻃﻨﻲ
ﺑﻌﻀﻼﺗﻮ ﻗﻠﺖ ﻟﻪ ﺍﻟﻮﻟﺪ ﺩﺍ ﺑﺸﻮﻓﻨﺎ ﻳﺎﺥ ﻗﺎﻝ ﻟﻲ ﻧﺎﻳﻢ ﻣﺎ ﺑﺼﺤﺎ ﻧﻮﻣﻲ
ﺳﺎﻱ ﺍﻧﺎ ﻟﻮ ﻓﻜﻴﺘﻚ ﻣﺎ ﺑﻘﺪﺭ ﺍﻧﻮﻡ ﻓﻲ ﺍﻟﻠﺤﻈﻪ ﺩﻳﻚ ﺍﻧﺎ ﻛﻨﺖ ﺑﻘﺎﻭﻡ
ﺷﻌﻮﺭﻱ ﺑﺍﻻﻤﺎﻥ ﻓﻲ ﺣﻀﻨﻮ ﻧﻔﺲ ﺍﻻﺣﺴﺎﺱ ﺍﻟﻤﺠﻨﻮﻥ ﺍﻟﺰﻣﺎﻥ ﺩﺍﻙ
ﺣﺴﻴﺘﻮ ﺑﺤﻀﻨﻲ ﻷﻭﻝ ﻣﺮﻩ
ﻳﺘﺒﻊ
ﺑﻘﻠﻤﻲ : ﻣﺸﺎﻋﺮ ﻣﺒﻌﺜﺮﻩ
أنت تقرأ
حبل الصبر
Mystery / Thrillerخطيئة كبيرة في سن مبكر لشابه تكلفها عمرها ثمنا مشاكل مجتمعيه كبيره ومعقده وعنف جسدي ونفسي تتعرض له تلك الشابه بسبب خطيئتها
