في قبضة الدلهام

• The episode 13 ..

للكاتبـة : رهف علـي ..

علقو بين الفقرات حتى أستمر .. ولتنسون التصويت حلويني ..

راووني حُبكم وتفاعلكم 🤍🤍.

في قبضة الدِلـهام ..

___________

ارتعبت واني أشوف منظر الدم كبـالي ،، رجـال واكع من طُولة إيدة على صـَدرة وكلة دم ، حرت شـنو أسوي ..كعدت على ركبـاتي يم راسـة خايفة ..

:- والله ماچنت اريد اسوي هيچي .. انت زين؟؟ باوعلي ..

باوعلـي وغمض عيونه متألم وكوة ياخـذ نفس ..

:- روحييي منا روحييي .. لتشفقين عليه .. ماريد شفقتچ واهتمامج ، امشي إطلعي منا ..

:- مو مو انتَ كلك دم .. شوفف حتموت ..

:- ماعليچ اخخ .. إطلعييييييييي ..

:- مجروح وبيك حيل تصيح؟.. اني راح اروح واصيـحلك احد يساعدك .. خوش؟ تحمل تحمل

:- إطلعييي ماريد أشوف خلقتچ إطلعي .. عوفيني أموت يلا بسرعةةةة..

:- بس إسمحلي أساعدك حباب؟؟

:- إطلعيييييي سـَ سَمااا اخخ ..

:- ياويلييييي ..

:- شنو؟

:- شسمه شسمه انت دتتوجع بسببي مو؟ ااااوييييي ..

:- اوي مو؟؟

:- هسة هسة أصيحلك أحد يساعدك .. اوكف

ركضـت بالقصـر أصيح ، إجوني المُسـاعدين .. ركضوا للغـرفة .. وكفـت بباب الغُـرفة أباوع .. صاح صُوت طفرت طفـرة

:- سـَمااا إطلعييي براااااااااا

:- ط طلعت طلعت ..

باوعتلـة وشردت ، رحت الغرفة زيـن بُقيت أفتـر هناك ،، وأكـرض باضافيري وافـكر وية نفسـي ..

:- خاف يموت؟ عزااا ياربي لتموتة لتموتة .. خل يتوجع بـس لتموتة شلون أعيش بتأنيب الضمير .. بـس. والله خوش سويت عفية عليه .. ضوكتة نفـس ألم الچوية ..بس خاف خطيه؟

لا شنو خطية طُبة مرض ،، لعد مكال عليه خطيه؟؟ من چواني ؟ لالا ما أسامحة الحقيـر ..

مـَرت دقايـق .. بُقيت أحوص بالغُـرفة اريد أعرف شصار خاف مات .. طلعت أمشي على أطـراف أصابيعـي ..