في قبضة الدلهام

• the episode 19

للكاتبـة : رهـف علـي ..

علقو بين الفقرات ، ولتنسون التـَصويت حبيباتي..

في قبضة الـدلِهام .

على لسـان سـَما :-

واذا باچر تلاگينه .
- ادير عيوني عن وجهك .
- واگلك "غالية" عيوني .

___________________

أرافـس بينهم مابـيدي حيلة.. چانوا أقوة منـي .. لازميني إثنينهُم من الجهتين ومچانوا يخلون صُـوتي يطلع .. عيني على السايق الواكـع بالكاع بدمة .. دموعـي تنـزل ..وخرو إيدهم مـن حلكي باوعت للسايق بدمُوع

:- دينزفف حبابيننن ... شوفواااا

چانـوا بلا رحمـة .. مثـل الوُحوش الي يقـتلون بدَم بارد .. فقدت بچي على السـَايق .. چان كُـلش حبـاب ..

بـِديت أختنك والهوى غاب عن ريـتي .. أخذُوني بالسيـارة كـَعدوني بالنُص وحاوطوني كعدت بينهم خايـفة.. بُقيت أبچي .. واحـد مُنهم باوعلـي وبدون ميحچـي خله إيدة على حلـكي قطع صُوتي ونفسـي ..

:- اششش ..

بُقت بس دموعـي تنـزل .. وصـِلنا المـَكان چان قـَديم ويخُوف .. دخـلوني دفعوني على الأرض .. لميت جسـمي الراسـي وغطيتة بإيديه خايـفة .. وأطرافـي ترجـف ..

همسـت بصُوت خافت بيني وبيـن نفسـي من خُوفي من الظـلام همست بصُوت مُتقطع وشـفايفي تـرجف ..

:- د دلـهام..

حـَسيت بإيديه إنسحبت من على جسـمي .. باوعت كدامي بـنظرات خايفـة..

كـَاعد على إركباتـة ويعلچ بطريـقة تخُوف وطريقة دنيـئة يباوعلـي ويرجع يباوع للأرض .. باوعتلة بلعت ريكـي من منظـرة الي يخُوف .. وجهـه كُله جـرُوح وجـُروح قديمة وزركـة .. نزلت عُيوني مـتوترة مـن منظـرة ..

.. خلة إبهامة على فكي ورفع راسـي .. باوعلـي يتأمل بوجهـي .. وحچة كلام مافهمـتة ..

:- انتِ سـَما؟

أتنفـس بطريقة هسـتيرية وكلبـي يدُك بشكـل مُخيف.. باوعتلة بلعت ريكي وحچيت بتلعثم وخُوف طاغي على صُوتي الي تجسدت بـي الرجفة ..

:- ان انت منوو.. وشـتريد مني ..

باوعلـي كـَعد تربع على الأرض وصـار كدامـي .. يحچـي ويضـرب على رجليه..

:- حلو حلو .. دلهام متـزوج .. بـس ماچنت أعرف بزوجتـة هيچي جميلة ..!

:- شتريد مني ..؟