في قبضة الدلهام

• the episode 22

للكاتبـة : رهـف علي

علقو بين الفقرات وصوتوا فراشاتي..

في قبضة الدلهام .

_______________

يسحب بيـة وانـي أرافـس برجلية بـس لاجدوى من كُل مقاوماتي .. چانت السيارة قريبة ركـبني بيها وصعد يـمي بسرعة يركض ..

أخذت نفس أستوعب الي ديصير .. حسيت نفسي بكابوس وتمنيت أصحى منة .. شبكت أصابيعي بالكُوت مالتي ولساني إنعكد ..

باوعتلة فاتحة عِيوني على وسُعهن ..

:- ل لـؤي؟؟؟؟؟

:- اشش

حطيت إيدي على باب السيارة ماكدرت أفتحها صارت أنظاري على دلـهام يفتـر بالشارع ولازم العصـير بإيدة مثـل التايهه.. يفتر ويباوع يمين وشـمال خليت إيدي علـى الجامة باوعتلة نظرة أخيرة وسُرعان ما لؤي حرك السيارة واختفى دلهام عن أنظاري ..

تمشـي السـيارة واني ساكتـة أستوعب ،، غمضت عيوني وفـتحتهن باوعتلة مرة ثانية ممستوعبة..

:- لؤي شجااابك؟ ولك شجاابك؟؟ ياربييييي كابوس هذا كابوس لاااا..

:- سمااا.. اجيت أخذچ

:- لا لؤي ..

:- اشش .. تخبلت واني ادور عليج تخبلت.. شلوو هيچ بهلسهولة تروحين مني؟؟ وألكاچ متزوجة؟

:- لؤي احنا مو مثـل قبل الله يخليك، اني هسة متزوجة وما متزوجة أي أحد والله يكتلك لؤي ، مُستحييل الي دتسوي غللللط غلللط..

:- سما ميهمني كلش الكلام اني اجيت اخذچ واروح بيچ ما أتخلى عنج ما أتخلى

:- تزوجت انتَ صح؟

:- اي ،

:- شذنب زوجتك؟ مو حرام عليك؟ كافي كتلك رجعني قبل ما الأمور تصيح أسـوء لـؤي حموت خوووف..

:- لتخافين ،

:- شنو لتخافين؟؟؟ كافي رجعنييي لتتهوررر !!!

:- اششش، شلون تزوجتيي بهل سرعة؟ وين عرفتييييي؟؟

:- كافي لؤي ، الي دتسوي حرام ،

باوعلـي خازرنـي ورجع نظـرة للطريق يسُوق ،، خليت إيدي على راسي أضغط عليه من كمية الضغـط ، باوعلي لزم إيدي سحبتها منة ،،

:- إنجببببب ، لتلمسنييييي اني متزوووجة،،

:- تحبي الله عليچ؟