جعلوني عاهرة بين يديه

Part: 03

كانت تتفرج عليه كيفاه يشوي و عاجبها كيفاه مدللها مرة تخزر فيع مرة فالبحر و زاهية حتى تولهت لزوج بنات يخزرو فيه و يضحكو و وحدة جاتو تحكي معاك حطت يدها على البرا تيعو و تضحك
الطفلة: الله يبارك تعرف تشوي
قصي محملهاش و متمني يضربها يجيب عزرينها لهيه بصح حب يشوف رد فعل ميسان
قصي: يعيشك
الطفلة: كان تحب تنجمو تجيو تقعدو معانا قاعدين فقروب مع بعضانا الكل تنجم تجيب اختك و تجي
قصي: نشاورها و نقلك يا ميسان يعرضو فينا نروحو نقعدو معاهم عاملين قروب وش رايك
ميسان: دبر راسك
قصي: باهي شوي و نجيو
هز قصي تيليفونو و الشواء في صحن و رايح و ميسان وراه تمتم وحدها
ميسان: مش كان يشوي ليا علاه ماديه الشواء تقعر ادي اوو ارواحو اقعدو معانا علاه بلاصتنا فاها الشوك و لا الوجه الصحيح قتلو تنجم تجي انت و اختك منين تشوفي في اختو هو اسمر و انا بيضاء و هو شعر بني و انا شعري اصفر عينيه خضر عينيا زرق كيفاه جاتها فراسها بلي حاوة منعرف نعيا نفهم
هذا الكل و قصي يسمع فاها و حاليتلو خلاه حسها غارت و حب يزيد يشوفها وش دير راحو قعدو لقروب كان دري و بنات حط ميسان بحداه و قعد هزت وحدة من الشواء لي دارو قصي ميسان خزرة فاها الخزرة تاع اي تاعي هذي و تغششت كيفاه قصي خلاها توكل من الشواء لي دارهولها لاها
الطفلة: ممم االه يبارك بنين
ميسان:ماو شواء بحر كامل يشويو يعني
الطفلة:بصح قليل وين تلقا واحد يعرف يشوي صح
ميسان: او شواء مش رحلة للمريخ عادي لحكاية الف واحد يعرف يشوي قولي انتي عاجبك مولاه حنا بنات و نفهمو بعضانا
لعبتها حشمت الطفلة هذيكا و ضحكت
الطفلة: ممم بلاك معرفتيناش بروحك مسيو
ميسان: قصي و انا ميسان
قصي ميت علاها بالضحك بصح قاعد يحاول يخبي باه يشوفها وين راح توصل
الطفلة: يضهرلي انتي من النوع لي يغيرو على خاوتهم
ميسان: ههههه مالة قوتيلي غايرة على خويا ههه تسمع فاها قصي لا يا لالة غايرة على راجلي مش خويا
الطفلة كانت تشرب شرقت و صحبتها تشوكات
الطفلة: انتي مرتو
قصي: انشاء الله من فمك لباب السماء
ميسان: واللهي قبل ما تجيو انتم عملي بروبوز بصح كنت مترددة بصح كثر خيركم اقنعتوني كيفاه نسبل فواحد يعرف يشوي ويطيب والله صح مرسي هيا هيا قصي خواطري دارو و دايخة سامحونا يا لبنات تاعبة شوي هاكم تعرفو
و حطت يدها كرشها و ضحكت كأنها تقوللها بلي بالكرش قصي تشوكا فاها حكمت فيدو و رجعو لبلاصتهم كيما وصلو سيبتلو يدو
ميسان: الشواء تيعي ورثة باباك توزع فاها على الناس🙂
قصي وجهو تبدل و راحت الضحكة من وجهو
قصي: ميسان غير بعدي عليا
ميسان: علاه حاب تروحلهم مرة اخرى
قصي خسر امو و باباه فحادث مدبر لانو باباه كان نائب عام و كي حكم عصابة تاع دعارة انتقمو منو و كان لمفروض يكون قصي معاهم بصح مكتوب ربي محبش يخرج النهار هذاك و حب يقرا فالدار
ميسان: نحكي معاك اييي
قصي الدجاج لكحل دار بيه عروق يديه بداو يخرجو هو كل ما يسمع بسيرة امو و باباه يقلق يحب يضرب اي واحد قدامو كانو يضرب فلي قتلو امو و باباه و هذا الشي لي خلاه عنيف و الناس تخاف من خيالو قبل ما يخافو منو كان عاطيها بالظهر و هي تحكي وحدها و تعارك دارت شافت لبنات يخزرو و يضحكو كأنهم حابينهم يتعاركو ركبوها الجنون و طلعلها الغار دوراتو لاها
قصي: قيل
و اوب حدث ما لم يكن فالحسبان اه لي في بالكم باساتو لبنات تشوكاو و قصي تشوكا و انا تشوكيت كلمو تشوكاو انتم لمهم البوسة هذيك جات فوقتها قد قد قصي كانو كان يسنا فاها باه تكالميه بصح متوقعش تكالميه بالطريقة هذي من الغش لي كان فيه كلا شواربها ماكلة جبد علاها غير كي مقدرتش تتنفس بعد علاها طول راح هز قرعة كان فيها ماء مقلاصي شوي راح صبها عليه
ميسان: اولدي اك تمرض
قصي(يحكي بينو و بين روحو): والله هكا و شويا النار مزالت شاعة فيا لداخل وقتاه برك تقبلي و تكوني معايا و بين يديا وقتاه برك
ميسان: الووو اني نحكي
راح جبدها ليه حتى هي تبلت معاه كان شعرو يقطر بالماء مع هو الله يبارك اسمر و عينيه خضر دابت فيه
قصي: امشي نروحو لا يصرا شي كبير
حكمها من يدها و يكركر فاها دخلو بيت وحدهم باه يبدلو دور وجهو و خلاها تبدل و حتى هيا
قصي: سيبون
دارت ميسان تشوف فيه يقفل فالقمجة عضلاتو بارزين تاهت فيه كان متبص راسو يربط فالكونفارس حتى شافها تخزر فيه بنظرات دوب لحجر لي جامد فقمة ايفريست
قصي: يا بنتي يهديك ربي يزي انا اني سونسيبل خلاه و ننسى روحي اني بسيف حاكم روحي عليك ها اقعدي عاقلة و يزي بلا تكحال
ميسان: علاه على شكون كحلت
قصي:عليا مالا على شكون ولا ناوية تكحلي على واحد اوخر
ميسان: منعرف يمكن
راحت الضحكة من وجهو و قلق ضرب الخزانة بيدو عواج لحديد تاعها ميسان ترعبت مسكينة هي حبت تغيرو كيما غيرها متوقعتش يكون متغشش هكا حكم وجها بيدو
قصي: جربي برك اخزري فواحد اوخر وش من اخزري جربي خمي برك انك تحطي عينك على واحد عينيك لي
و خزر فعيناها لي مليانين دموع و هوما بلون لبحر ذاب فيهم ولات نقطة ضعفو عيناها
قصي(يحكي و بسيف يتنفس): لي لي اففف
تنهد تنهيدة كبيرة و دبالو عينيه و يدو لي كانت حاكمة وجها ولات بين خدها و رقبتها
قصي: عينيك هذوم كاش نهار ندير عمايل كلبة جرايرهم مبقيتيش تخزري فيا هكا
ميسان: علاه؟
قصي: لاني منحملش و نضعف
ميسان: يعني انت حاشم تضعفلي ولا خايف هههه قصي لي طير راس هارون خايف من عينيا
فرح كي سمعها تحكي على هارون بلا ما تخاف
قصي: خايف عليك مني مش خايف من عينيك نظرة عينيك هذي اي نقطة البداية و النهاية مش حاب نوصللها هيا هيا نروحو للدار
خرج و هي و وراه حاكمين فيد بعضاهم حايرة فيه كيفاه فلحظة يتحول و يقلق ليوم قدرت تعرف وش يقلقو و انو حنانتها معاه هي نقطة ضعفو عرفت لي حنانتها تنسيه الغش حبت تستغل هذا و تهبلو شوي ركبو فالطونوبيل و ديماراو ميسان رقدت فالطريق كي وصلو فيقها
قصي: هانا وصلنا
ميسان: عبالك رقدت كاني جامي رقدت اني مدقدقة في حالة
راح قصي هزها بين يديه و قفل الباب تاع الطونوبيل برجلو
ميسان: يا ولدي هبطني
بقا هازها و ماشي باها تشوف ف فيلة فاها جنينة الحرس لي لبرا حلولو الباب و دخلو الطونوبيل للڨاراج وصل لباب الفيلا صونا بكتفو حلت عليه الخادمة كانو قاعدين يوكلو حتى يشوفو فيه داخل باها بين يديه تشوكاو
مدام عليا: قصي ولدي شكون الطفلة هذي
قصي:خطيبتي و مرتي المستقبلية
مدام عليا: خطيبتك قصي هبلت تخطب بلا ما تشاورني؟
قصي: شكون انتي باه نشاورك؟ لي لازم نشاورها شاورتها و قبلت العرس غدوة
ميسان: قيص هبطني عيب
قصي: لا عيب لا والو غدوة تولي باسمي و حلالي لي مش عاجبو منظرنا ينجم يتفضل
طلع و خلاهم باهتين فيه كيفاه محاولاتهم السنين هذي الكل انو بنتها من راجلها لول تزوج بيه عجال ورث باباه فشلت و تجي وحدة منعرف منين تخليه يزوجها بين ليلة و نهار
سيليا: كيفاه ضرك
مدام عليا: كتخافيش ضرك ندبر راسي
سيليا: ماما متخليهاش تديهولي قصي تيعي انا
مدام عليا: عندي خطة غدوة نديروها
سيليا: هاو قال غدوة العرس
مدام عليا: كاش لقيتي وحدة تقبل تكمل حياتها مع واحد خانها نهار عرسهم
ضحكت سيليا ضحكة شر لانو فهمت امها وش قصدها
فالبيت عند قصي
ميسان: قصي شكون هادوم مش قلتيلي نسكن وحدي
قصي: اه الدار باسمي بصح كان كاين شرط مخليه بابا فوصيتو انو الدار تولي باسمي و اسم مرتي كي نزوجو لضرك نصها باسمي و نصها باسم عليا
ميسان: شكون عليا
قصي: العزوزة لي لتحت اي مرت بابا و لي معاها بنتها من راجلها لول
ميسان: عاديكا زارب بالعرس باه تتهنا منهم
قصي: كون عيني نزوج باه يقيلوني اني ياهوا ملي زوجت اني على الحالة هذي من 5 سنين شوفي ميسان احمليهم غدوة برك و مهما يقولولك ولا يحكيولك عليا متصدقيهمش ام طامعين فالورث ما بيهم والو عندك تامنيهم عليا مرا خبيثة و نعرفها مليح
•تفسير: راح تقولولي مش قلتي اب قصي و امو ماتو مع بعضاهم اه صح ماتو مع بعضاهم بصح كانو مطلقين و هو زوج عليا لانها وهماتو انها بالكرش منو و هذا سبب طلاقهم و كي ولدت سيليا دارو تحليل الDNA و لقاها مش بنتو بصح محبش يطيشها و كتبها على اسمو بصح فالاوراق الكل مثبوت انو متبناها مش بنتو عديكا حابة تزوج بقصي
•نرجعو لقصي و ميسان
ميسان: باهي راح نعاونك ترجع دار باباك
قصي: وش قاعد نهضر من الصباح مش راح نزوج بيك عجال الدار انا نحبك افهماها
سيليا كانت معديا بحدا لبيت لي فاها قصي و ميسان سمعتو قلها نحبك دخلت لعبتها جايا تسلم على ميسان شافها قصي قلق
قصي: خير
سيليا: جيت نتعرف على العروسة
قصي: لا تتعرفي باها لا تتعرف بيك مشكم نفس المستوى مرتي اشرف من انها تحكي مع وحدة كيفك
سيليا: علاه كارهني من الصغر متحملنيش
قصي: كي انتي كي امك ما تفحالو غير فدموع التماسيح
كركرها و جا يخرج فاها
قصي: هيا اخرجي تاعبين حابين نرقدو
سيليا: راح تبات معاها؟
قصي: وش دخلك و زيد ياخي غدوة نزوجو حتى كان صرات حاجة وش لفرق كي ليوم كي غدوة
خرجت سيليا مغزلة و قصي قفل الباب في وجها و رجع لميسان
قصي: ميسان كيما وصيتك وشبيا مهبول انا وعلاه نوصيك ضرك نبقى معاك منخلهمش يدورو جيهتك خلاه هيا هيا نرقدو غدوة نهار طويل
ميسان: اا قصي
قصي: وي
ميسان: ولا نقولك والو والو
قصي: وشبيكي
ميسان: جعت
قصي: حتى انا بهيم قاعد نقلك هيا نرقدو و حنا متعشيناش باهي وش تحبي توكلي؟
ميسان: اي حاجة
قصي: باهي توكلي سباغيت؟
ميسان: نموت علاها
قصي: و انا نموت عليك هيا هيا ضرك دوقي احلى سباغيت فعمرك
هبطو شافوهم قاعدين يتعشاو
مدام عليا: هيا باسم الله تعشاو
قصي: بالصحة عشانا مزال موجدش
مدام عليا: هاي الماكلة ولدي خير و البراكة
قصي: خلي ماكلتك عندك و كلمة ولدي هذي منحبش نزيد نسمعها من فمك فهمتي هيا ميسان
ميسان: خليني هنا ياخي قلتي نعرف نطيب طيب و هات ههههه
سيليا: خلاها معانا
قصي(يحكي بينو و بين روحو): تقول ما وصيتش كون حكيت مع حيط كون او فهمني و هي لا
سيليا: اممم اسمك ميسان مالة
ميسان: اه
سيليا: اسمك حلو و انا سيليا
مدام عليا: و انا طاطاك عليا
ميسان: متشرفين
سيليا: احكيلي كيفاه تعرفتي على قصي
ميسان: اكيد
قصي هو سمعها وافقت تحكيلهم قلبو طاح فالارض خاف ينشعوها ولا يجرحوها بالهضرة
ميسان: اممم والله حاشمة منك مي معليش مشكم برانية ههه تلاقيتو فكافيشوب انا خارجة و هو داخل و القهوة لي فيدي ساحت على التريكو تيعو كي الافلام للتركية و هاكم تعرفو قصي و غشو ولا يعيط و عروق يديه بانو كان متغشش خلاه حتى نحيت نواضر الشمس لي كنت لابستهم اوب هو شاف عينيا و هو غرق فيهم ههه هاكا يقولي دبما عينيك بحر و انا غارق فيه
سيليا:ممم االه يبارك عينيك يهبلو
ميسان: يعيشك عينيك لملاح
سيليا: هاه كملي وش صرا
ميسان: هههه ملي كنت انا الغالطة ولا هو يطلب فالسماح رحت معاه شريتلو تريكو بصح محبش يقبل اني نخلصو وزاد عرضني نشربو قهوة و من هضرة لهضرة حبني و حبيتو
ضحكت سيليا باستهزاء
سيليا: حابة تقنعيني بلي قصي حبك من اول نظرة ههههه حكاية ما تخشش للراس
جا قصي و فيدو صحن سباغيت حطو قدامها و باسها بين خدمها و شواربها
قصي: علاه لا و هو الزين هذا كامل يخلي بنادم يركز فحاجة غيرو هيا ا عمري ذوقي و اعطيني رايك
ذاقت ميسان و خمجت روحها بحدا شاربها لقاها فرصة هو باسها و لحس الصوص
قصي: وش عجباتك
ميسان: و لاه كاينة حاجة ديرها انت و متعجبش ممم بصح خواطري دايرة هاك تعرف الله غالب مش قادرة نكملها
قصي: يا قلبي انتي اشرطي و انا نجيبلك
ميسان: خلي برك مش نافحتلي نوكل
قصي: لازم توكلي و تتهلاي فروحك و فال ههه هاكي عبالك
ميسان: جاني نوم هيا نرقدو
قصي: هيا وحدة وحدة
ميسان: الدروج من ضرك بدا يتعبني
هزها بين يديه و طلع و عليا بقالها شوي و طيح مكرزة هي و بنتها فهمو انو ميسان بالكرش وصل قصي بميسان للبيت هبطها و قفل الباب و ترشقو بالضحك عليهم كيفاه كانو مشوكين
ميسان: شفتي وجها كيفاه ولا😂
قصي: ههههه والله وحدك طلعتيلها لاطونسيون🙂
ميسان: هههه ولا بنتها المسمامة(تعكي علاها) اوون حابة تقنعيني حبك من اول نظرة هههههه😂
قصي: نستعرف بيك لعبتيلهم على المورال
ميسان: وش رايك فيا حكاية متجيش لبال روائي
كان يضحك مبعد تبدل وجهو و تنهد
قصي: وش خص جات صح و تعرفنا بالطريقة هذيكا متفهمينيش بالغالط كونت حاب تكوني مرتاحة عايشة الاز و نتعرفو و تحبيني مش تتمرمدي و انا نجبرك عليا متمنيتهاش هكا والله
ميسان: انت عاونتيني و منعتيني من الجحيم لي كنت فيه و مهتم بيا و عاملي قيمة و قدر و زيد لقيتها انا راجلي يطيبلي و انا تفرج و نزيد نشرط
عجبو الحال خلاه كي قالت عليه راجلي
قصي: خرجت من فمك كي العسل والله
حشمت ميسان و دورت وجها
قصي: محطيتكش حشامة للدرجة هذي هههه منعرف نهار اوخر كيفاه😏
ميسان: وش قصدك
قصي: والو والو هيا نرقدو شوفي انا راح نرقد على الفوتاي و انتي ارقدي فالسرير
ميسان: كيفاه اك متنجمش ترقد عليه اك طويل
قصي: ندبر راسي
ميسان: لا لا انا قصيرة نرقد ثما
قصي: هيا برك خليني ندبر راسي
ميسان: قصي مرة وحدة خود الراي
قصي: لا ما نوخدش الراي و رايي لي يمشي هيا امشي ترقدي لا نجي نرقد معاك و اكي شافية اخر مرة رقدة معاك وش صرا
تفكرت ميسان كيفاه كان يبوس فاها و يعض فرقبتها راحت تجري تكات فالسرير و تغطات شبع علاها ضحك و راح حتى هو تكا فوق الفوتاي جاه قصير قعد غير يتقلب و ولا يكوبس و يعيط ميسان تفجعت مسكينة ناضت من النوم مخلوعة راحت تشوفو تلقاه يشرشر بالعرق و سخانتو طالعو و يهتري
قصي: لا لا متروحوش لا متخليونيش لااااااا
فاق مخلوع و ينهج لقاها بحداه حضنها طول بلا ما يخمم و هي غير تكالمي فيه شافاتو خايف و يرجف
ميسان: ارواح ارقد بحدايا
داتو معاها للسرير تحضنها و حط راسو على صدرها قعدت تكالمي فيه و تلعب بشعرو حتى رجت رقد كي البيبي فحضن امو محضنها تقول راح تهرب و هي مكانتش من العاكسين تحس بالأمان كل ما تكون معاه ولا قريب لاها بقات تلعب بشعرو و تخمم فمستقبلها معاه كيفاه راح يكون زعما يبقى هكا يحبها و يعاملها مليح و يهتم باها ولا يتبدل ورا لعرس بقات تلعب بشعرو حتى رقدت هيا ثانا
•اصبحنا و اصبح الملك لله فاق بطلنا على صوت تيليفونو جا يشوف يلقاه صحيبو ياسين شابع عياط هز عليه باه يشوف وش يسحق
ياسين: وينك اولدي راقد تحت الارض؟!!😒
قصي: وش تسحق برك؟
ياسين: نوض اولدي راح لحال باه نوجدو للعرس
قصي: عرس شكون؟
ياسين(يستهزأ بيه بالتونسي لانو امو تونسية): عرس امي على بابا 🙂يا ولدي عرسك انت و ميسان
كي سمعو قال عرسك انت و ميسان فاق مع روحو و توله بلي اي راقدة معاه و محضناتو و تفكر كيفاه رقداتو عندها فالليل بقى يخزر فاها و نسى صحيبو
ياسين: ايييي الووو قيص اولدي الوووو
قصي: هاني معاك
ياسين: لا باين معايا
قصي: هاه وش تسحق
ياسين: قصي دير فاها بالذمة نوض اولدي قلو وش تسحق نوض لازمك تحفف و نشريو كوستيمة و نزينو الدار نوض اولدي متجننيش انا اني فالطريق نص ساعة نكون عندك نحب كيما نوصل نلقاك واجد تفهم فيا
قصي: باهي باهي
كوبا عليه و رجع رقد (عندو وحد اللامبالاة كيفي نكوبي على الناس و نكمل نرقد كانو ماصرا والو)
حضنها و كمل نومتو حتى يزيد يفيق على طبطيب فباب البيت
ميسان: قصي
قصي: مممم
ميسان: نوض شوف شكون الباب يطبطب
قصي: عيان نوضي انتي🙂
ميسان: مش قادرة🙃
قصي: هانا قاعدين مالة🙂
ميسان: قيص نوض قلقني الحس😤
قصي: ضرك يحبس🙂
ميسان: يا قيص نوض😤
قصي: نوضيةعليا انتي ضرك نوض🙂
بقات شوي باه فهمت وش قال ناضت طول تقعدت بقات واقفة بحدا السرير و تلعب بيدها
ميسان: احم كنتي تكوبس و
سلها رجعها تحتو
قصي: علاه حاشمة كي رقدت عندك
ميسان: لا مش هكا
يخزر فاها بعينين مذبالين و يلعب بشعرها
قصي: وينو المشكل كي رقد على صدر مرتي
ميسان زادت حشمت اكثر
قصي: ما جاية ليامات و تولي هذي مخدتي
و حط يدو على صدرها
ميسان ولات طماطم و هو شاخ علاها بالضحك
ياسين: يا قصي نوضمن الصباح وانا نطبطب اولدي
ناض حل لباب شوي و دزو لورا و خرجلو و قفل لباب باه ميشوفش ميسان
ياسين: وشبيك دز على صباح ربي
قصي: و انت وشبيك مكسر الباب
ياسين:هيا اولدي راح علينا الحال هيا نروحو للحفاف
قصي: من بحداها مش متحرك ناسي العقارب لي عندي فالدار
ياسين: يا سيدي ضرك نجيبو للدار باهي هكا
راح ياسين على سعدو جاب الحفاف و عيط للايكب كاملة باه يعاونوه الي يلسق فالزينة و لي يعدل فالطوابل ولي يفرز فالصالة و لي يوجد فقش قيص و لي يجيب فالمعازيم لي هوما حبايب قيص و فريقو و مديرينو و مريم صحيبة ميسان جابها ياسين لانو ميسان عطاتو الادراس لي كانت بحدا الباطسري لي رايحلو باه يجيب البياس مونتي راح جابها و جاب معاها الحفافة مشطت لميسان و عدلتها لبست روب بوغدو سير طاي كتافها طايحين بالحجر من الكتاف حتا الصدر صدرها يبان شوي و هو لبس سروال تاع كلاسيك اكحل و تريكو اكحل
ياسين: خويا لعزيز رايح لجنازة؟ ولا رايحين فمهنة
قيص: معندو ما مدخلك
ياسين: ضرك نديك عند لي دخلها
راح يكركر فيه للبيت لي فاها ميسان كانت الحفافة توجد فاها و مريم معاها زاهين خلاه حتى دخل عليهم ياسين و هو يكركر فقصي
ياسين: ميسان عيش اختي قوليلي برك هذي لبسة تاع عريس
مريم و ميسان تفلقو عليه بالضحك
مريم: قصي وش اللبسة هذي رايح تحارب؟
ياسين: تكي تشوفي
مكانش مركز معاهم خلاه كل تركيزو عند ميسان لي كانت كي الباربي تهبل تهبل بقى سارح مع زينها حتى فيقو ياسين
ياسين: اييي اولدي راح توكلها بعيك اصبر الليل مزال بعيد هههه😂
قصي: راح تخرج قدام الناس هكا؟
مريم: لا كنا نشوفو فاها برك راح تخرج ب بيجاما
ضحك ياسين و ضرب يدو مع يد مريم
ياسين:عجبتني والله ههههه اولدي وشبيك ليوم ضبعتي ولا وش
قصي: باللبسة هذي باب البيت متعتبوش
ناضت ميسان باه تحكي معاه و ياريتها ما ناضت جسمها كامل فلاروب جات قدها قد قد قصي طلعلو الدم للراس مبقاش يشوف قدامو
قصي: اخرج ياسين اخرج
ياسين: اولدي وشبيك
قصي: اخرج قتلك
خرج ياسين على سعدو و ميسان شمتها قارصة قصي عروق يديه بانو و عينيه حمارو
مريم: انا سامحوني هيا هيا اختي توجديني انا
خرجت مريم هي و الحفافة خايفين من قصي خلاوه معاها راح حكمها من يدها يخضخض فاها
قصي: كيفاه تلبسي حاجة كيماما
ميسان: وشباها لبستي