جعلوني عاهرة بين يديه

Part: 11

مدام حليمة: ووش ققالت ااامير وولدي ممات
سي ساليم: حليمة اختي كالمي روحك خليني نفيقوها نفهمو منها سح اسني نعيط على قصي متتسرعيش
مدام حليمة: وش نكالمي روحي اي قالت امير مات مات ولدي مات بلا ما نشبع منو مات ولدي لي تحرم مني حياتو كاملة بعيد عليا زاد مات بعيد ايوما وش ندير فروحي امير وليدي اني مزلت مشبعتش بيك ايوما 😭كنتي معايا و كنت نبعد فيك عليا و نهار حن قلبي ليك روحتي وخليتني ايوما شويتيلي كبدتي 😭 ا ساليم خويا او كان قدامي و ننشع فيه ضرك راح و خلاني ا بابا 😭 لمن روحتي و خليتيني ا امير ولدي عريس جديد مزلت مفرحتش بيك و مشفتش ولادك ا يوما😭 يالي عشتي يتيم و ماليك حيين معاك وين رحتي و مخليني ا بابا😭
طاحت فالارض و تندب مسكينة مش ساهلة او ولدها من لحمها و دمها
•••{و بعد فوات الأوان ماذا يفيد الندم كنا أمامكم فكرهتمونا فصرنا تحت التراب فبكيتم عليا اين كانت هذه المحبة اين كان هذا العشق مدفون الان ذهب المعشوق و دفن تحت التراب على من تبكون اليوم على من تركتموه يتيما منبوذا الان اصبح حبيب الروحي محبوبا} •••
سي ساليم مقدرش يسيطر على الوضع بنتو دايخة و اختو تنذب عيط على قصي
سي ساليم: قصي ولدي وش كاين امير وشبيه
قصي: هجمو عليهم هو و ميسان او معايا ضرك بصح مضروب 4 رصاصات و نبضو ضعيف اني فالسبيطار
سي ساليم: و ميسان
قصي: ميسان خطوفوها ا خالي
كوبا عليه و راح يطمنهم
سي ساليم: او حي او حي او داه قصي للسبيطار والله حي سيليا سيليا بنتي او مزال حي
مهما حاول ما فاقتهش هزها و مرتو حاكمة اختو و راحو للسبيطار اول ما وصلو لقاو قصي يسنا دخلو سيليا للاستعجالات دارولها ابرة
مدام حليمة: خوك وين خوك وين
قصي: او فالعمليات
مدام حليمة:مزال حي؟؟
قصي: اه حي
هبطت سجدت فالارض و تشكر فربي
جا قصي رايح حكماتو امو
مدام حليمة: وين رايح و مخلي خوك هنا
قصي: ميسان
مدام حليمة: ميسان؟؟! ميسان وين كانت معاه راحو يشريو الارنب ميسان ويني قصي نحكي معاك صراتلها حاجة؟
قصي: خطفوها خطفوها و انا نشوف بعيني و مقدرت ندير والو
مدام حليمة: معليش ولدي دير ربي في بالك ان شاء الله تلقاها و يرتاح خوك متفقدش الامل عبالي كون جيتي عبالك اك رحتيلهم
قصي: عيطولي و مهزيتش عليهم كون هزيت كون اني وصلت فالوقت و منعتهم للزوج
ضراتو امو كف من صدمة وش سمعت
مدام حليمة: خوك اول ما عيطتو مرتك خلا خدمتو و مشاغلو و جاها للدار راح يشريلها لارنب لي سخفت عليه فالوقت لي انت لاهي بخدمتك هو لاهي بشهاوي مرتك خسارتك والله مستغربة من روحي كيفاه كنت نميزك عليه
قصي كان ديجا في حالة زادت كملت عليه هضرت امو عندها الحق لانو يتحمل المسؤولية كون هز ملول ميصرا لي صرا
سي ساليم: قصي ولدي متخمم فوالو نلقاوها بربي انشاء الله
قصي: كيفاه ما نخمم فوالو كيفاه مرتي مخطوفة و تقلي متخمم في والو و زيد بين روحين و حملها صعيب قادر من الخوف برك يطيح البيبي لانو مش اول مرة تتخطف راح ترجع باها الذاكرة لذكريات بشيف نسيتهملها
خرج الطبيب يحكي معاهم
الطبيب: نحينا ال3 رصاصات بصح كاينة وحدة قايسة عروق القلب كون نحركوها احتمال30% يحبس قلبو و فنفس الوقت كون تبقى اكثر من 24ساعة يمكن يموت القرار بيدكم انتم شكون الوصي عليه
مدام حليمة: انا امو
سي ساليم: لا انتي لا قصي تنجمو لانكم مش نفس اللقب و مش مسجل ولدك
سيليا: انا مرتو سيليا جهاد بن علي
سي ساليم: امير اسمو جهاد؟
سيليا: مبعد نفهمك
راحت سيليا عمرت الاوراق و بعثت سامر جاب الدفتر العائلي و بطاقة تعريف تاعها و تاع امير لي مسجل باسم جهاد عطات قرارها للطبيب انو يعمل العملية بقات هي و باباها و مدام حليمة فالسبيطار و مدام روفيدة و ولادها رجعو للدار و قصي راح للمركز اعلن اجتماع طارئ تلمو القادة و العملاء الكل لي كان الجنرال اولهم
الجنرال: ديرو باراجات فكل كيلومتر و خبرو خفر السواحل و الجدارمية كان لزم نخرجو العسكر لمهم تتلقى ميسان قصي راح يكون المسؤول الاول على العملية اي معلومات جديدة تخبروه هو مباشرة
قصي كان ساكت و حاط راسو فوق يديه على الطاولة و هذا الشي لي مخوفهم لانو مكاتش اخطر من انسان مجروح قادر يحرق الاخضر و اليايس و ما هامو والو
عداو 3 أيام على خطف ميسان قصي مخلاش بلاصة مفركتش فاها أمير نجحت عمليتو و نحاو الرصاصة الرابعة بصح جسمو متحملش و دخل فغيبوبة الدار ولات دار جنازة عايشين فيها بلا روح قصي من السبيطار مزادوش شافوه يحكيو معاه فالتيليفون يرقد فال24 ساعة ساعة وحدة من التعب
فجهة أخرى فدار فالجبل بعيدة على العين قاعدة فوق السرير لامة رجلاها عندها عيناها حمر من البكاء لي بكاتو محبستش خلاه وجها دبال من نقص النوم عينيها حوقو فجأة يتحل فالباب تفجعت و زادت لزت روحها لحافة السرير أكثر تشوف في واحد لابس قناع اسود داخل علاها فيدو بلاتو
المقنع(يحكي بصوت خشين مخدوم بآلة تبدل الصوت): هيا كولي و اشربي دواك
ميسان: منوكلش اخرج عليا شكون انت و علاه خاطفني فهمني برك عندي نهارين نسقسي فيك مشك تجاوب فيا فهمني برك
المقنع: كلش فوقتو مليح ميليسا
ميسان: شكون ميليسا قتلك الف مرة مشني ميليسا اسمي ميسان اك غالط فيا
المقنع: هههه شكتلي انتي لي متعرفيش انتي شكون
خرج و خلاها غارقة فتفكيرها شكون هو لي خطفها و علاه خطفها و علاه يعيطلها ميليسا
نروحو للسبيطار عند امير لي فاق من الغيبوبة يحل فعينيه بسيف يشوف فالدنيا كاملة اضواء و ماشينات و خيوط راكبين فيه ولا يعيط
أمير: قصي قصي
جاتو سيليا تجري تحضن و تبوس فيه ماتت بالفرحة كي شافاتو فايق و علاه متفرحش راجلها و حبيبها رجعلها من الموت
سيليا: امير اني هنا اني معاك اك فالسبيطار تصاوبتي ب 4 رصاصات و كنتي فغيبوبة
أمير: ميسان وين و قداه عندي و انا فالغيبوبة
سيليا: 3 أيام
أمير: هاه و ميسان ميسان وين
سيليا: امير يا عمري ريح روحك سح مبعد نحكيو
أمير تفكر كيفاه حاصروهم و خطفو ميسان وجعو راسو حكمو بيديه و يتوجع
سيليا: امير كالمي روحك نعيط للطبيب
أمير: وينو قصي قلو يجي نسحقو
سيليا: امير اس
أمير(يعيط): سيليا قتلك عيطي لقصي
هزت التيليفون راح تعيطلو فكهولها و عيطلو هوا مهزش
أمير: ميترباش ازحي بعد هذا كامل متعلمش يهز وينو تيليفوني
راحت سيليا جبدتهولو من قجر لي بحداه و عطاتهولو عيطلو قصي كان فاجتماع شارب 6 كيسان قهوة كبار فآخر ساعة بلا لي شربهم قبل تصدم اول ما شاف شكون يعيط هز طول
أمير: قلي برك بعد هذا كامل مزلتي برك متهزش على خلق ربي حتان عيطلك بتيعي وقتاه تدرح
قصي مصدوم تخلطولو المشاعر مبين الفرحة و الصدمة
أمير: ارواح للسبيطار ازر
مخلاه حتى يكمل الجملة كوبا عليه و كار للسبيطار اول ما وصل لقاهم دايرين بيه
أمير: اووو ما عاطل ساعة باه تجي
راح حضنو طول على الاقل واحد منهم منع
أمير: هيا هيا برك فكني احكيلي كشما لقيتو على ميسان
قصي: لا والو غير فيديو هذا
نعتلو الفيديو فيه ميسان تبكي مبعد حكا المقنع
المقنع: كان حابين توصلولها لازم توصلو لاصلها سح
أمير صرالو نفس الشي تاع بقيلة رجعت بيه الذاكرة كي جاو راح يديو ميسان كان واحد مقنع لي هزها و قلها أخيرا وصلنالك يا ميليسا
أمير: ميليسا
قصي: مرتك اسمها سيليا اولدي
أمير: مرتك انت هيا ميليسا
قصي: حسب علمي الرصاصات جاوك فكتفك و جيهت قلبك مش فمخك وش قاعد تخرط
أمير: المقنع هذا هو نفسو لي هز ميسان من بحدايا و عيطلها ميليسا
سي ساليم: يمكن ميسان مش اسمها ميسان
قصي: اه صح حكاتلي مرة انو اسم ميسان هذا سماتهولها المديرة تاع الميتم لانو لقوها عند باب الميتم هكاك وحدها
أمير: اكيد لي خطفها يعرف هيا شكون
قصي: قصدك انو خطف ميسان عندو علاقة بعايلتها الحقيقة؟
أمير: اسنا اسنا عاود عاود مشي الفيديو
عاود قصي نعتلو الفيديو و امير بقى يعاود فالمقطع لي يحكي فيه المقنع اكثر من مرة
قصي: امير كرهتيني هيا
أمير: صبري
قصي: لا كاكا غير الصبر مكانش
أمير: اولدي صبري وش من صبر تيعك الراجل هذا هو صبري ولد هارون
قصي اول ما قال هارون قلبو طاح فالارض يعني هذا ولد الراجل لي قتلو
قصي: هارون تاع الذعارة؟
أمير: لي طيرتيلو راسو عجالها🙃
قصي: يعني حب ينتقم منها لاني قتلتلو باباه عجالها بصح وش دخل اصلها و عايلتها فالحكاية
أمير: متهني الرخيس هذا مش من النوع لي يهمو عايلتو و ينتقم عجالهم أكيد عندو حكاية اخرى عندها علاقة بعايلتها الحقيقية
سي ساليم: متاكد منو
أمير: شفتو الضربة لي تحت التاتو هذا بالذات انا لي عاملها
قصي: و انت وين تعرفو لاه
أمير: هارون بعثلي ولدو يهدد فيا باه نكمل فطريق بابا و تعاركنا و خليتلو التراس هذي
سي ساليم: و كيفاه راح نلقاوهم حنا عايلتها ضرك
قصي: حتى الميتم مكانش اوراق توصلنا لاها
سي ساليم: لازم نجربو
أمير: هيا مالة وش قاعدين نسنانو
جا ينوض حكمو قصي
قصي: ايي ايي وين
أمير: جاي معاكم ميسان كانت فحمايتي و مسؤوليتي لانها كانت معايا
سيليا: تتحرك خطوة نعتلك قالو جاي
أمير: باهي مشني رايح🙂
قصي: الله الله على ثبات المبادئ لي عندك😂
راح قصي دا مع سي ساليم و راحو للميتم حكاو كلش للمديرة
المديرة: بصح انا مكنتش الوقت هذاك انا عندي غير 10 سنين ملي جيت
قصي: و المدير لي قبلك تنجمي تعطينا عنوانو
المديرة: والله منعرف اسنا نشوف فالبيانات عندي يمكن نلقى معلومات علاها
راحت فركتت فالدواسة تاع ادارة الميتم بسيف لقات الدوسي تاع المديرة لقديمة
المديرة: هاهم المعلومات بصح ما تتأملوش ياسر لانها يمكن تكون نساتها
هزو الدوسي من عندها و راحو للعنوان لي فيه لقاو ناس اخرين عطاوهم عنوان بنتها وصلو بعد ساعة حلت عليهم فهموها الوضع بصح هيا محبتش تعاونهم حتى نعتلها شارة الاستخبارات تيعو
الطفلة: ماما فدار عجزة لانو عندها الزهايمر
قصي كي سمع وش قالت قلبو تفتفت يعني مكانش امل
سي ساليم: اعطينا العنوان تعيشي
عطاتهم العنوان تاع دار العجزة راحو حكاو مع المدير طول لي كان متفهم و وصلهم بنفسو للمرا كانت فالجنينة على كرسي متحرك توكل فالحمامات راحلها قصي حكالها كلش
مدام زمرد: شكون ميسان
قصي: الطفلة لي لقيتوها بحدا الباب و سميتاها انتي ميسان
مدام زمرد: جامي جاتنا طفلة هكا البنات لي جاو كل كانو مسجلين
مهما حاول قصي يفهمها كانت تعطيه فنفس الاجابة حتى أيس و روح للدار زاد بعثلهم المقنع فيديو اوخر
المقنع:الميتم  بداية ملاحة نستعرف بيكم وش رايكم نلعبو لعبة ملاحة انا نعطيكم دليل صغير فيدكم 24ساعة كان طلعتوه نمد لحبيبتكم الغالية ميليسا ابرة فيتامينات لانها مش قابلة توكل و كان معرفتوهش نمدلها ابرة مهدأ و تعرفو المهدآت بعد اول شهر تولي ريسك على البيبي باهي اول دليل راح يوصلكم بعد ساعة و هكاكا كان وصللهم لغز فظرف احمر
{كان يا مكان فقديم الزمان طفلة اسمها ميسان كانت قماش الخياطة و زهرة الجنان عاشت معاهم 9 فقصر السلطان فليلة الرعد ولات ملك الشيطان لي كان ناوي على عرش و يغلب الحكام شوفو ياناس بنت الجاه و الشان تربات ولات من الايتام}
ياسين: يتمسخر بينا هذا ولا وش
سي ساليم: لازم نحلو اللغز
الجنرال: باهي نقسموه بالجملة وحدة وحدة نحلوه بالشوي
قصي: باهي الجملة لولة باينة مبعد
ياسين: كانت قماش الخياطة و زهرة الجنان
قصي:يمكن قصدو انو امها خياطة و باباها عندو مزرعة
ياسين: باهي عاشت معاهم 9 فقصر السلطان
قصي: ميسان كي وصلت للميتم كان عمرها يامات اكيد قصدو عاشت 9 شهور فكرش امها
ياسين: فليلة الرعد ولات ملك الشيطان لي كان ناوي على العرش و يغلب الحكام
قصي: يمكن قصدو انو كاين واحد عندو عداوة مع باباها و خطفها باه ينتقم منو
ياسين: شوفو يا ناس بنت الجاه و العز ولات من الايتام
سي ساليم: يعني امها و باباها مش ناس عادين و اغنياء
قصي: اكيد
عقبو نهار كامل يفركتو على حوادث اختفاء اولاد الاغنياء قبل 18 سنة عمليات اختطاف اي حاجة قريبة لكن مع الاسف ملقاو والو
قصي: كيفاه كيفاه مكاين والو
الجنرال: قصي ولدي هدي روحك
قصي: كيفاه نهدي روحي مرتي مخطوفة و هي بين روحين و كون منحلش اللغز تيعو ولا نحلو بالغالط يمد لمرتي حوايج ينجمو يقتلو ولدي
قاطعهم صوت تيليفون قصي لقاه رقم غريب هز
مدير دار العجزة: سي قصي انا مدير دار العجزة المدام زمرد قالت انو عندها معلومات تخص زوجتك
قصي: باهي اني جاي
دا معاه الظرف لي فيه اللغز يمكن تعاونو فيه راح هو و سي ساليم و ياسين
وصلو بعد ساعة لقاوها فالجنينة تسنا فيهم
قصي: قلتيلي عندك معلومات على ميسان
مدام زمرد: شكون ميسان
قصي: يا ربي زادت نسات
سي ساليم: اقرالها اللغز بلاك تتفكر
قصي: باهي شوفي مدام زمرد راح نسمعك لغز و انتي قليلي الحل تيعو ايه؟
دارت براسها اه و جبد الظرف و بدا يقرا
قصي:كان يا مكان فقديم الزمان طفلة اسمها ميسان كانت قماش الخياطة و زهرة الجنان عاشت معاهم 9 فقصر السلطان فليلة الرعد ولات ملك الشيطان لي كان ناوي على عرش و يغلب الحكام شوفو ياناس بنت الجاه و الشان تربات ولات من الايتام
مدام زمرد: ميليسا
قصي: ميليسا اه ميليسا وش تعرفي علاها
مدام زمرد: ميليسا ضرك عمرها 5 سنين لبارح عملت عيد ميلادها
قصي: ميليسا اي كبيرة
سي ساليم: يمكن هي حاطة روحها فالوقت هذاك
قصي: ايه لبارح عيد ميلادها حبيت نجيبلها امها و باباها هدية تعرفيهم؟
مدام زمرد: صالح قلي متقوليش هو جابهالي كانت قد اليد صغيرونا و قلي اسمها ميليسا و عطاني صوارد باه نقبلها بلا اوراق و نسجلها باسم بنتو هوا لي ماتت ميسان بن عطية
قصي تصدم اول ما سمع اسم بن عطية
سي ساليم: وشبيك
قصي: بن عطية هو لقب هارون
سي ساليم: يعني هارون هو لي خطف ميسان من امها و باباها؟
ياسين: شكون صالح مالا
عيطلهم امير يشوف حوالهم
امير: وش درتو فاها
قصي: طلع هارون هو لي خطف ميسان كي كانت صغيرة بصح للمديرة قالت لي مدلها ميسان اسمو صالح و سماو ميسان على اسم بنتو هو ميسان بن عطية
أمير: صالح او خو هارون
قصي جبد لافوطو تاع هارون و نتعهالها
قصي: كان معاه هذا؟
مدام زمرد: هذا هو صالح
أمير: كيفاه هو انا بابا بكري حكالي انو هارون كان شريكو و عندو خوه اسمو صالح كان يدو ليمنى و كانو واحد زعما قصدو
قصي: توام
رجعو للمركز خبرو الجنرال بالمعلومات الجديدة و كي فركتو فالسجلات لقاو فوطو قديمة لهارون و خوه صالح و كانو توأم متشابه و كانو كل ما يحكمو واحد بجرم يقلهم اني صالح و تكون هويتو معاه لانو صالح كان معندوش سوابق و رجل اعمال
الجنرال: يعني ضرك هذا الخاطف قاعد ينتقم لباباه
قصي: يا خوفي يكون لي قتلتو مش هارون يكون خوه صالح و هارون ضرك هو لي قاعد ينتقم
هوما هكاك وصللهم فيديو فيه ميسان راقدة فالسرير و المقنع قاعد بحداها و يلعب بشعرها مبعد خزر فالكاميرا و نحا الماسك و ضهر هو هارون
هارون: ههههه اكيد يكون امير حكالكم على الجرح هههه و انا نعتهولكم بالذمة باه تروحو تفركتو على صبري ولدي تجاهلتو اي احتمال انو نكون انا لعبتاها فايق يا قصي ولا نقلك اكرم هاه مش كون خليتيني بتت معاها من اول مرة مش خير هاي بين يديا ضرك شوفو الدنيا الطفلة لي عجبتني هيا نفس الطفلة لي عطيتهم الامر يقتلوها اول ما خلقت كثر خير خويا هههههه حطيتي انو لي ديتي راسو هو انا معبالكش بلي هذاك خويا و كيما انا خسرت خويا انت راح تخسر ولدك
قصي(يعيط): ااااا نقتلو كون يمس شعرة منها مش نطيرلو راسو برك نقطعلو عروقو عرق عرق
ولا يكسر و يقلب فالدنيا و لي معاه حاكمينو حتى جاهم امير يجري
أمير: لقيتو لقيتو يا قصي لقيت باب ميسان
قصي: قول والله
أمير: بابا بكري كان يسجل هضرتو مع كل الناس حتر رجالو كي رجعت للدار لقديمة و فركتت فالكاساتات لقيت وحدة كانو يحكيو فاها على رجل اعمال عندو مزارع و كان مزوج بمصصمة ازياء و كي عرضو عليه يزرعلهم كوكا(كوكاين) و محبش خطفولو بنتو من السبيطار و كان لازم يقتلوها ولانو هارون كانو حاطين العين عليه عطاو المهمة هذي لصالح لي تفكر بنتو لي ماتت اول ما خلقت كانت اكثر من ميسان بسمانة و غاضاتو تموت راح حطها فميتم باسم بنتو و قال لهارون بلي قتلها
قصي: شكون هو باباها
أمير: عبد المالك خليفة
قصي: تحكي صح؟
ياسين: يعني ميسان هيا بنت اكبر رجل اعمل فالمغرب العربي كامل؟
قصي: هيا ازربو نروحولو
راح قصي لدارو متنكر فزي عامل توصيل بيتزا
الحارس: شكون انت
قصي: جيت نوصل بيتزا كنتو طلبتوها
عيط الحارس ل سي عبد المالك لي انكر
قصي: قلو يشوف فالكاميرا كان هذي هي البيتزا لي طلبها كان مش هي نروح
دا الموافقة من عند سي عبد المالك لي شك انو الحكاية فاها ان حل الباطة قابلاتو ورقة مكتوب فاها
"ميليسا مزالت عايشة و حياتها فخطر ضرك متبينلهمش لانهم مراقين كل تحركاتك"
امر سي عبد المالك انو يخليوه يطلعهالو بنفسو طلع قصي مع الحارس لي وصلو لبيروه و خرج و خلاهم
سي عبد المالك: شكون انت و منين تعرف بنتي
قصي: اصبر خليني نفهمك بنتك ما قتلوهاش حطوها فميتم و كبرت و اي مرتي ضرك و راح يكون عندك حفيد بعد 8 اشهر بصح هذا كامل فالريسك لانو لي خطفها بكري عاود خطفها ضرك
سي عبد المالك: هارون بصح هارون قالو مات قتلو واحد من مكافحة الجريمة
قصي: قتلو راجل بنتك لي هو انا بصح هداك مش هارون هداك خوه التوأم صالح
سي عبد المالك: صالح بن عطية اكبر منافس لشريكتي وقتها
قصي: معندناش وقت ياسر لازم تجي معايا لمركز المخابرات باه نلقاو بنتك و مدابيك تجي وحدك لانهم مراقبينا و يمكن اي واحد من رجالك يكون يخدم عندو انا ضرك نروح و انت الحقني
سي عبد المالك: مكلاه عندي باب سري يخرج على ورا الدار من هنا
حلو الباب و هبطو ركبو فطونوبيل قصي لي كان فاها ديجا ياسين و امير و سي ساليم قاعدين لورا
حلو الباب و هبطو ركبو فطونوبيل قصي لي كان فاها ديجا ياسين و امير و سي ساليم قاعدين لورا
سي عبد المالك: شكون هذوم؟
قصي: خويا أمير خالي ساليم و مساعدي و يدي ليمنى ياسين
سي عبد المالك: متشرفين
قصي: يا جماعة هذا باب ميسان
سي عبد المالك: ميسان؟ بنتي اسمها ميليسا
قصي: فالميتم سماوها ميسان و كبرت عليه الاسم هذا
ديماراو طول للمركز دخلو لقاو الجنرال يسنا فيهم
الجنرال: قصي ولدي شو كالمي روحك راح نقلك حاجة بصح نحبك تهدي روحك باهي ولدي
قصي(يعيط): وش كاين وش صرا ميسان صراتلها حاجة؟!
الجنرال: هارون بعثلنا فيديو جديد
نعتلو الفيديو لي كانت فيه ميسان مربوطة فكرسي و فحجرها قنبلة و الصدمة انو بحداها طفلة أخرى تشبهلها فوطو كوبي مربوطة فكرسي و فحجرها قنبلة سي عبد المالك تصدم كي شفاو
سي ساليم: كيفاه هذي زوج ميسان
سي عبد المالك: مش زوج ميسان وحدة ميسان و وحدة ميلينا
أمير: كيفاه قصدك توام؟
سي عبد المالك: المرحومة امها جابت توأم بنات كانت وحدة فيهم مريضة و احتمال ضعيف انها تكمل ال24ساعة عديكا قلتلها انو الطبيب غلط و هي بالكرش بطفلة وحدة برك و تفاهمت مع الطبيب يخفاها حتى تخطفت ميسان و قالي هارون بلي قتلها ملقيت وش نقول لمرتي غير اني نكذب و نقول المريضة هي لي جبتاها و خلقت مريضة صرفنا علاها سنين باه تحسنت بصح المرحومة ديما حاسة انو حاجة ناقصتها كانت ديما تحلم بطفلة تبكي و تقولها علاه خليتيني و مطولتش بعد ما ولدت بعامين توفات
الجنرال: سي عبد المالك هارون عطانا مدة ساعة باه تخاير شكون من بناتك لي تعيش سينو يقتلهم لزوج
قصي: وش من يخاير تيعك قلو يخاير اولا لمرا هذيك ميسان قصي بن عزيز يعني مرتي انا لي نقرر علاها مستحيل نعطي حياة مرتي و ولدي عجال حتى انسان تفهم فيا
سي عبد المالك: قصدك نخليه يقتل بنتي يعني